ယတဿ္လဲၯဟးဆူ အၯဒမဿ္ ကိၯလၯသူကီဿ္ ကညီဖိတဖဢ္အက်ါ

ဖဲယအိဢ္ကႜိလဿ ကိၯလၯသူကီဿ္အဆဿကတီဿ္ ယဒိးန႔ဿ္ဘဢ္တဿ္ခြဲးတဿ္ယာ္လဿယကလဲၯဟးဘဢ္လဿ အၯဒမဿ္ ကညီဖိတဖဢ္အက်ါန႔ဢ္လီၯ. ဒီးတဿ္ကြဲးဖဲ အံၯ အိဢ္၀ဲဒဢ္ အကူာ္ ၁ တုၯ အကူာ္ ၅ န႔ဢ္လီၯ.

တဿ္ကူဢ္သ့တဿ္သ့ဢ္ညါအကလုာ္ကလုာ္

တဿ္ကူဢ္သ့တဿ္သ့ဢ္ညါအကလုာ္ကလုာ္အံၯ အါတက့ဿ္တဿ္ဟံးန႔ဿ္အီၯလဿ ဖုကႜ႔မ္စ္ အတဿ္ကြဲးတဖဢ္အပူၯ‚ တဿ္ကြဲးအဂၯတဖဢ္‚ ဒီးလဿပွာ္ယဲၯသန႔တဖဢ္အပူၯ န႔ဢ္လီၯ.

ခရံာ္ဖိတဿ္အိဢ္ဖွိဢ္

ခရံာ္ဖိတဿ္ဘူဢ္တဿ္ဘါကရဿတဖုဂ့ၯတဖုဂ့ၯလဿ အစံးလဿ ခရံာ္မ့ဿ္တဿ္အုဢ္က့ၯခီဢ္က့ၯ ကစဿ္န႔ဢ္ မ့ဿ္ပွၯခရံာ္ဖိန႔ဢ္လီၯ.

ဖုရိလဲအတဿ္လဲၯခီဖ်ိတဖဢ္

မ့ဿ္၀ဲဒဢ္ဖုရိလဲအတဿ္လဲၯခီဖ်ိ တဖဢ္ခံဘ့ဢ္တဘ့ဢ္ ဒီးဂ့ၯလဿပႀကဿးဖးအီၯဒီး ပာ္ကီၯဃာ္အီၯန႔ဢ္လီၯ.

ဖုသရဢ္ဒိဢ္မူလဿဿ္သဲ အတဿ္လဲၯခီဖ်ိတဖဢ္

ဖုသရဢ္ဒိဢ္မူလဿဿ္သဲမ့ဿ္ ပဖုဖးဒိဢ္တဂၯလဿ ဘဢ္တဿ္သ့ဢ္ညါအီၯလဿဟီဢ္ခိဢ္ဒီဘ့ဢ္ လဿအမ့ဿ္ ပွၯမၯတဿ္သးခုကစီဢ္သရဢ္ တဂၯ လဿအမၯန႔ဿ္သးသမူအါဖ်ဿဢ္န႔ဢ္လီၯ.

မုဿ္နံၯလီၯဆီ

မ့ဿ္မုဿ္နံၯလီၯဆီတဖဢ္လဿ ပ၀ဲပွၯခရံာ္ဖိတဖဢ္ ပဂ့ၯပာ္ဒိဢ္အီၯ န႔ဢ္လီၯ.

တဿ္အိဢ္ဆူဢ္အိဢ္ခ်႕သနဿဢ္

မ့ဿ္၀ဲဒဢ္တဿ္ဂ့ဿ္အကလုာ္ကလုာ္ လဿအဘဢ္ဃးဒီး တဿ္အိဢ္ဆူဢ္အိဢ္ခ်႕ တဖဢ္န႔ဢ္လီၯ.

လံာ္စီဆွံတဿ္ဂ့ဿ္ကီ

လံာ္စီဆွံပူၯတဿ္ဂ့ဿ္ကီလဿပတနဿ္ပဿဿ္အီၯတဖဢ္ တဿ္ကြဲးရွဲက့ၯအီၯဒ္သိး ပကနဿ္ပဿဿ္အီၯအဂီဿ္န႔ဢ္လီၯ.

ပူသနဿဢ္

မ့ဿ္တဿ္ဃဲၯပူလဿ ဖိသဢ္အဂီဿ္‚ လဿသးစဿ္အဂီဿ္‚ ဒီးလဿ ပွၯဖးပူမုာ္တဖဢ္အဂီဿ္န႔ဢ္လီၯ.

နနံၯကမွံနကသးဖွံ

ဖဲနအိဢ္ဒီးတဿ္သူဢ္တမုာ္သးတမုာ္အခါ ဖးနံၯကမွံသနဿဢ္တက့ဿ္. နကပွဲၯက့ၯဒီးတဿ္သူဢ္မုာ္သးမုာ္လီၯ.

June 30, 2010

လဲၯဆူကီဿ္အမဲရကၯ (၁၉၅၆) (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၇)

ဖဲ ၁၉၅၆ နံဢ္န႔ဢ္ ကီဿ္ပယီၯဘ်ဿထံခ၀့ရွဿဢ္ ဃုထဿပယီၯ ၃ ဂၯဒီးယၯတဂၯလဿ ပကလဲၯပႜးတဿ္သးခု ကစီဢ္လဿကီဿ္ပယီၯအဂ့ဿ္လီၯ. ယဂ့ဿ္လိာ္လဲၯ၊ မ့ဿ္လဿယကတိၯကိၯလၯကိာ္ ဒီးသး၀ံဢ္တဿ္တထီဢ္ဘး၊ ပွၯလဿအသ့န႔ဿ္ယၯတဂၯမ့ဿ္လဲၯ ကကဲဘ်ဳးဒိဢ္တက့ဿ္လီၯ. ဘဢ္ဆဢ္ မ့ဿ္လဿပွၯဃုထဿပာ္ဂဿဿ္ပာ္ က်ဿၯလံယၯအဃိ၊ ယအးလီၯယသးဆူ ယြၯအစုပူၯလဿာ္လဿာ္ဆ့ဆ့ လဿကမၯကဆွီယၯဒီးသူယၯ လီၯ. ကစဿ္ယြၯဟ့ဢ္ဆူဢ္ထီဢ္ယဂံဿ္ယဘါ ခီဖ်ိတဿ္မံမီဿ္လီၯ. ယမံမီဿ္လဿယကူကၯကိၯလၯ၀ါအကူ အကၯဒီးစံဢ္တဲၯတဲလီၯန႔ဿ္ ကိၯလၯသူဂီဿ္မုဿ္တဖုလဿကိၯလၯ၀ါက်ိာ္န႔ဢ္လီၯ. ယစံဢ္တဲၯတဲလီၯတဿ္၀ံၯ ကိၯလၯသူလဿ အကူကၯကိၯကၯ၀ါအကူကၯဒ္ယၯအသိး ၂ ဂၯ ဟဲဆူယအိဢ္ဒီးစံးယၯ၊ သရဢ္မူလဿဿ္ ဧဿ၊ နတဿ္စံဢ္တဲၯတဲလီၯ ဘဢ္ဒိပသးဒိဢ္မးလီၯ. လဿယတဿ္မံမီဿ္အပူၯန႔ဢ္ယစံးဆဿအီၯ၊ (I nothing, God everything, I nothing plus God everything equal something) ယၯနီတမံၯ ယြၯတဿ္ခဲ လဿာ္၊ ယၯနီတမံၯပာ္ဖွိဢ္ယြၯတဿ္ခဲလဿာ္ ပွဲၯသိးတဿ္တနီၯ. ယဖုးသံနီဢ္၊ ယထိဢ္ဂဲၯယသရဢ္မုဢ္ မံဖဲ ယကပၯဒီးတဲအီၯ၊ ယကတဲနၯယတဿ္မံမီဿ္၊ အ၀ဲတဲယၯ၊ တဿ္မိဢ္မံသါသး၊ တဲသါလဿမုဿ္ဆ့ဢ္ထီဢ္၊ ယတဲ အီၯတဿ္မိဢ္တဲယသးနၯလးလးဆးဆးခဲအံၯလီၯ. ယတဲပႜးအီၯဒီးအ၀ဲတဲယၯ၊ နၯတဂၯအံၯနသါကလဲၯ ကီဿ္အမဲရကၯ၊ နကတိၯကိၯလၯ၀ါက်ိာ္ (Verb) တပဢ္နီတဖ်ဿဢ္ အ၀ဲတဲယၯဒ္န႔ဢ္မ့ဿ္စဲဃဲၯလီၯ. ယတဲ (I nothing) ယၾကဿးတဲ (I am nothing) ယတဲ (God everything) ယၾကဿးတဲ (God is everything) အန႔ဢ္ဒီးယတဲအီၯ (Verb) ပဢ္ပဢ္တပဢ္ပဢ္ (I nothing, God everything) ယၯနီတမံၯ ပာ္ဖွိဢ္ယြၯတဿ္ခဲလဿာ္ ကလဲၯဆူကီဿ္အမဲရကၯလီၯ.

ဖဲကဘီယူၯစီဿ္လီၯလဿကီဿ္အမဲရကၯ လဿမုဿ္နၯခီန႔ဢ္၊ ယပာ္ဖ်ါထီဢ္ယတဿ္သးခုဒီးစံးဘ်ဳး စံးဖွိဢ္ ကစဿ္ ယြၯလဿအဆွဿယၯဆူ ကီဿ္အမဲရကၯ ခီဖ်ိယဆဲးထူယခီဢ္ ၃ ဘ်ီဒီးစံးဃုာ္၊ အမဲရကၯ၊ အမဲရကၯ၊ အမဲရကၯန႔ဢ္လီၯ. လဿယဲဿ္လါဃဢ္ဃဢ္ အတီဿ္ပူၯ၊ ယဟးကတိၯဘဢ္တဿ္လဿတဿ္အိဢ္ဖွိဢ္အါဖုလဿ ကီဿ္ဆဢ္ ၂၁ ဘ့ဢ္အပူၯန႔ဢ္လီၯ. လဿယတဲဖ်ါတဿ္သးခုကစီဢ္လဿကီဿ္ပယီၯအဂ့ဿ္န႔ဢ္၊ ကိးဘ်ီဒဲးဃဢ္ဃဢ္ ယသး၀ံဢ္ဃုာ္တဿ္ ၃ ယုဿ္ပဢ္ဃုာ္ခြါထဲးတယုဿ္၊ ဘဢ္ဆဢ္ ယတဲလဿ (I sing) ယသး၀ံဢ္တဿ္ဘဢ္. ယတဲ လဿယကိးပသူ (I shout) န႔ဢ္လီၯ. ပကိးပသူန႔ဢ္ တလိဢ္ပကလုဿ္မုာ္၊ ပနိးဘဢ္ဘဢ္. လိဢ္ဒဢ္ပကိးထီဢ္ အဖ်ဿဢ္ဖ်ါဖ်ါ လဿတဿ္သူဢ္ဆူဢ္သးဂဲၯအပူၯန႔ဢ္လီၯ. ယကတိၯတဿ္၊ သး၀ံဢ္တဿ္၀ံၯန႔ဢ္၊ ပွၯကတဲယၯ၊ နကတိၯ နသး၀ံဢ္ ပကနဢ္မုာ္ဘဢ္. အါတက့ဿ္တဲ၀ဲ နကတိၯတဿ္ နသး၀ံဢ္တဿ္ဘဢ္ဒိပသးန႔ဢ္လီၯ. ယကပာ္ဖ်ါ အဒိထဲ ၂ ခါလီၯ.

ဘဢ္တဟါန႔ဢ္ မ့စ္ဘဲကႜဿမ့ လဿအလဲၯမၯတဿ္လဿမံးရွဿဢ္ အတဿ္ဆါဟံဢ္လဿကိၯလၯသူကီဿ္ကတဲဖ်ါ ၀ဲအတဿ္ဖံးတဿ္မၯအဂ့ဿ္၀ံၯဒီး ယကဘဢ္တဲဖ်ါတဿ္သးခုကစီဢ္လဿကီဿ္ပယီၯအဂ့ဿ္န႔ဢ္လီၯ. အ၀ဲကတိၯ တဿ္၀ံၯယတဲဒ္အံၯ၊ မံးစ္ ဘဲကႜဿမ့ မ့ဿ္အမဲရကၯမုဢ္ဒီး အ၀ဲတဲတဿ္လဿကိၯလၯက်ိာ္ လီၯဂာ္ဒ္အမဲရကၯ အသိး လ့ဢ္ဃ့ဿ္လဿအမဲရကၯအက်ဲဖီခိဢ္အသိးန႔ဢ္လီၯ. မ့မ့ဿ္ယကတဲတဿ္ခဲအံၯ ကလီၯဂာ္ဒ္ကီဿ္ပယီၯ အသိလ့ဢ္ ဃ့ဿ္လဿကီဿ္ပယီၯအက်ဲဖီခိဢ္၊ က်ဲတဂ့ၯအါ၊ က်ဲထီဢ္ကူလီၯဆဿဢ္၊ ယဒုးနဲဢ္ဃုာ္ဃ့ဿ္၀ဲဒ္လဲဢ္ လီၯ. ယတဲတဿ္ယံာ္တခီနဢ္ရံဢ္လီၯ. တဿ္ဘါ၀ံၯန႔ဢ္ပွၯဟဲစံးဘ်ဳးဆိယၯ၊ တဲ၀ဲကီဿ္ပယီၯအသိလ့ဢ္ ဃ့ဿ္ လဿကီဿ္ပယီၯအက်ဲဖီခိဢ္ဘဢ္ဒိပသးဒိဢ္မးလီၯ.

အဂၯတခါ၊ ယထံဢ္လိာ္သးဒီး ယသကိး ကိၯလၯသူတဂၯလဿအကတိၯပွၯကညီက်ိာ္ ဘဢ္ဒီးလဲၯတုၯ ဆိလဿယမဲာ္ညါခံႏြံ၊ ယတဲအီၯတဟါအံၯ လဿတဿ္သူဢ္ထီဢ္ဖးဒိဢ္တဖ်ဿဢ္အပူၯ ပွၯမၯတဿ္ဘါအတဿ္ သး၀ံဢ္အတဿ္ရဲဢ္တဿ္က်ဲၯအဃိ၊ ဘဢ္တဘဢ္ပွၯကမဿပသး၀ံဢ္တဿ္လီၯ. ပွၯမ့ဿ္မဿပွၯန႔ဢ္၊ နဲနကလုဿ္ မုာ္သး၀ံဢ္ စိဢ္ၿဖဲနိဢ္၊ ယဲယကသး၀ံဢ္ဘ့းစ္လီၯ. ပလဲၯဒီးပထံဢ္လဿပွၯပွဲၯတဿ္သူဢ္ထီဢ္ဖးဒိဢ္လီၯ. ပွၯပဿၯ လီဿ္ဆ့ဢ္နီၯတဂၯ ဒိဢ္တဿ္ဖးထီ၊ ကိးထီဢ္၀ဲပွၯသး၀ံဢ္တဿ္ဖိလဿပ်ဲဿ္စီဿ္ခိဢ္၊ တဂၯ၊ ခံဂၯ၊ လြံဿ္ဂၯ၊ တဖု၀ံၯ တဖုန႔ဢ္လီၯ. လဿခံအ၀ဲဟဲဆူပအိဢ္ဒီးသံကြဿ္ပွၯ၊ သုဟဲလဿကီဿ္မတၯလဲဢ္. ပတဲအီၯပဟဲလဿကီဿ္ပယီၯ . တဲပွၯ၊ သုဟဲထီဢ္သး၀ံဢ္တဿ္တဆဿလဿသုက်ိာ္သ့ဧါ. ပတဲအီၯသ့ကစီဒီ. တဲပွၯသး၀ံဢ္တံၯသကိးသး ဘိမ့ဿ္ယ့ဢ္ရွဴးထဲတဆဿ ဒီးပပိာ္ထီဢ္အခံ ဆူပ်ဲဿ္စီဿ္ခိဢ္လီၯ. ပ၀ဲခံဂၯလိာ္ ပပွဲၯဒီးတဿ္စံးဘ်ဳးယြၯဒီး တဿ္စံး ဘ်ဳးအမဲရကၯခရံာ္ဖိတဖဢ္အဃိ၊ ပသး၀ံဢ္ခံဂၯအဖ်ဿဢ္ဖ်ါဖ်ါလဿ တဿ္သးဆူဢ္အပူၯ၊ လဿသူဢ္လဿသး၊ ကိၯလၯသူသး၀ံဢ္စိဢ္ၿဖဲနိဢ္ အကလုဿ္မုာ္ အကလုဿ္ကနိးတစဲး၊ ယသး၀ံဢ္ဘ့းစ္လီၯ. ပသး၀ံဢ္လဿပွၯက ညီက်ိာ္၀ံၯ ပသါကက့ၯလီၯ၊ ပွၯပဿၯလီဿ္ဆ့ဢ္နီၯဖီဢ္ဃာ္ပဖံဘဢ္ခိဢ္၊ ကြဿ္လီၯဆူကမ်ဿဿ္ဒီးစံး၀ဲ သု၀ဲသု ကနဢ္ပွၯဟဲလဿကီဿ္ပယီၯခံဂၯအံၯ သး၀ံဢ္တဿ္သုသးမၯအသးဒ္လဲဢ္. မ့မ့ဿ္ယဲယသးဘဢ္ဒိဒိဢ္မးလီၯ. ပဆွဿမံးရွဿဢ္နရံဢ္ဆူကီဿ္ပယီၯ၊ ခဲအံၯပထံဢ္ဘဢ္အသူအသဢ္ခံဖ်ဿဢ္၊ သး၀ံဢ္ယ့ဢ္ရွဴးအမံၯ ယသးဘဢ္ ဒိဒိဢ္မးလီၯ. ၀ံၯဒီးဘါထုကဖဢ္၀ဲလီၯ. အ၀ဲဘါ၀ဲတခီဟီဢ္ဃုာ္၀ဲတခီလီၯ. ယဘါထုကဖဢ္ ကစဿ္ယြၯဧဿ၊ မၯစဿၯအီၯဒ္သိးသုတဟီဢ္တဂ့ၯ. တဿ္ဘါ၀ံၯပွၯဟဲဟံးစုကြဿ္မဲာ္ ပသကိးခံဂၯ၊ တတဲ၀ဲသုသး၀ံဢ္တဿ္မုာ္ ဘဢ္. တဲ၀ဲသုသး၀ံဢ္တဿ္ဘဢ္ဒိပသးလီၯ. လဿခံကတဿဿ္သးပွဿ္ဒီမါ၀ၯခံဂၯ၊ အမါဟံးဃာ္ကိၯလၯသူ အစု၊ အ၀ၯဟံးဃာ္ယစုဒီးတဲယၯ၊ သုခံဂၯသုသး၀ံဢ္တဿ္ဘဢ္ဒိပွၯအသးလဿမႏုၯအဃိလဲဢ္. သုတသး ၀ံဢ္လဿသုထးခိဢ္ဘဢ္. သုမ့ဿ္သး၀ံဢ္ထဲလဿထးခိဢ္န႔ဢ္ဟဲတုၯဒဢ္ပနဿ္လီၯ. သုသး၀ံဢ္လဿသုသးအဃိ၊ ဟဲဆူပသးဒီးမၯလၯကပီၯယြၯလီၯ. အ၀ဲတဲ၀ဲ အခါဒုးနဲဢ္ဃုာ္၀ဲအထးခိဢ္၊ အနဿ္ဒီးအသးလီၯ.

ပွၯအမဲရကၯဖိအလုဿ္အလဿ္တအိဢ္လဿကတူဿ္လိာ္ ဒုးမံပွၯတမွံၯလဿအဟံဢ္ဘဢ္. ပွၯလဲၯမံဒဢ္လဿ ဟိဢ္ထဲလ္လီၯ. ယဟးမံလဿဟိဢ္ထဲလ္ပွဲၯထီဢ္တလါ၊ ယတဲဖ်ါထီဢ္လဿသရိာ္အပူၯလဿ ကီဿ္ပယီၯန႔ဢ္ ပတူဿ္လိာ္ပွၯတမွံၯဟဲမံအီဢ္လဿပဟံဢ္ဒီးပဟးမံဟးအီဢ္ လဿပသ့ဢ္ညါသ့ဢ္ခီးအဟံဢ္လီၯ. ယဟဲဟးလဿ ကီဿ္အမဲရကၯပွဲၯထီဢ္တလါလံ၊ ယမံလဿဟိဢ္ထဲလ္မုာ္ဘဢ္ယၯဒိဢ္မးလီၯ. နာ္သက့ ယမ့ဿ္က့ၯဆူကီဿ္ ပယီၯယတဿ္ဘဢ္ထြဲဒီးဟိဢ္ထဲလ္ကတဿဿ္လီၯ. ယသးအိဢ္မံလဿပွၯအဟံဢ္၊ ဒီးရ့လိာ္မုာ္လိာ္ဒီးအီၯ ဒီးဘါ သကိးယြၯ၊ ဒီးယမ့ဿ္က့ၯတုၯကီဿ္ပယီၯပကကြဲးအိဢ္သကိးလိာ္ဒံးပသးန႔ဢ္လီၯ. ၀ံသးစူၯဒုးမံကြဿ္ကြဿ္ယၯ တက့ဿ္. ယတဲလဿတဿ္နံၯတဿ္အ့အပူၯ အ၀ဲသ့ဢ္နံၯလီၯ. တဿ္ဘါ၀ံၯန႔ဢ္ကြဲယၯ ၃ ဂၯလဿယကလဲၯမံ လဿအဟံဢ္ တနၯန႔ဢ္ ယလဲၯမံဒဢ္တဟံဢ္လီၯ. စးထီဢ္ဖဲန႔ဢ္ပွၯကြဲမံယၯတဘ်ဳးဂၯအက်ါ တဂၯန႔ဢ္ မ့ဿ္ မံးစ္ထဿဢ္မ့လဿဿ္န႔ဢ္လီၯ. အ၀ဲကြဲယၯဆူအဟံဢ္ယထံဢ္အဲပဿဢ္သဢ္ဖးဒိဢ္တဖ်ဿဢ္လဿအစပြဲခိဢ္၊ တဿ္မိဢ္ အီဢ္ယသး၊ ယကြဿ္တဘ်း၀ံၯတဘ်းလီၯ. အ၀ဲတဲယၯ နအဲဢ္ဒိးအီဢ္ဧါ. ယနံၯကမွံထီဢ္ဖးဒိဢ္ဒီး အ၀ဲဟ့ဢ္ အီဢ္ယၯလီၯ. ယအီဢ္၀ံၯယစံးဘ်ဳးအီၯဒီးယတဲပႜးအီၯ လဿကီဿ္ပယီၯ န႔ဢ္အဲပဿဢ္စွၯဒိဢ္မးဒီးအပွ႔ၯ ဒိဢ္ အဃိ ပဆါပမ့ဿ္ဘူးကသံမး၊ ပွၯပွ႔ၯဒုးအီဢ္ပွၯလီၯ. မုဿ္ဆ့ဢ္ထီဢ္အ၀ဲတဲယၯ၊ နအဲဢ္ဒိးထံဢ္အဲပဿဢ္လဿ နအီဢ္တထူဢ္န႔ဢ္ဧါ. ယအဿဢ္လီၯဒီးယဟးထီဢ္လဿဟံဢ္ပူၯ၊ ယထံဢ္အဲပဿဢ္အထူဢ္တဖဢ္ အိဢ္ပွဲၯကရဿဿ္ ပူၯဒီးယကြဿ္ကမ့ဿ္ဖဲလဲဢ္တထူဢ္လဲဢ္အခါ၊ အ၀ဲဒုးနဲဢ္ယၯဖဲအဟံဢ္ကပၯအဆံးကတဿဿ္ဖိတထူဢ္ဒီးတဲ ယၯ၊ အိဢ္ဒံးဒဢ္ ၃ နံဢ္လီၯ. နာ္သက့သဢ္ထီဢ္၀ဲဒဢ္ဖးဒိဢ္သဿဖ်ဿဢ္လီၯ. နအီဢ္မနၯကဿာ္တဖ်ဿဢ္ အိဢ္တ့ဿ္ခံဖ်ဿဢ္၊ ဒဲ၀ဲဒီးဟ့ဢ္ယၯတဖ်ဿဢ္၊ ၀ံၯဒီးတဲ၀ဲ အိဢ္တ့ဿ္ဒံးတဖ်ဿဢ္အံၯ သါကပာ္လဿစပြဲခိဢ္ လဿပွၯ ကသ့ဢ္ညါဘဢ္လဿ အိဢ္ဒံးဒဢ္ ၃ နံဢ္နာ္သက့ သဢ္ထီဢ္၀ဲဖးဒိဢ္ ၃ ဖ်ဿဢ္န႔ဢ္လီၯ. တနံဢ္အလီဿ္ခံ မံးစ္စ ထဿဢ္မ့လဿဿ္ ကြဲးတဲယၯ၊ နအဲပဿဿဢ္ဖိတထူဢ္န႔ဢ္သဢ္ထီဢ္ ၂၅ ဖ်ဿဢ္၊ အဖ်ဿဢ္ဒိဢ္ဒဢ္ဒ္နအီဢ္တဖ်ဿဢ္ န႔ဢ္ လီၯ. လဿခံတနံဢ္ကြဲးတဲယၯလဿ သဢ္ထီဢ္ ၄၅ ဖ်ဿဢ္ဒိဢ္ဒဢ္ ကိးဖ်ဿဢ္ဒဲးလီၯ. လဿခံတကြဲးတဲယၯသဢ္ ထီဢ္ပွဲၯဖ်ဿဢ္လဿၯဘဢ္. ယနဿ္ပဿဿ္လဿ သဢ္ထီဢ္အါဒဢ္ပွီဿ္ပွီဿ္ ဒီးဒိဢ္ဒဢ္ကိးဖ်ဿဢ္ဒဲးပွီဿ္ပွီဿ္လီၯ. လဿပနီဿ္ ဆံးဒံးအခါ ပဂ့ၯသဢ္ထီဢ္အဖ်ဿဢ္ဖးဒိဢ္လဿခရံာ္အဂီဿ္၊ ဒီးသဢ္အဖ်ဿဢ္ဖးဒိဢ္အါထီဢ္ပွီဿ္ပွီဿ္န႔ဢ္လီၯ. ယကြဲး တဲဘဢ္မံးစ္ထဿဢ္မ့လဿဿ္လဿ ယတဲအအဲပဿဢ္တထူဢ္အံၯအဂ့ဿ္တဘ်ီဘ်ီလဿယတဿ္စံဢ္တဲၯတဲလီၯအပူၯ ဒီးအ၀ဲသးမုာ္လဿအ၀ဲကြဲမံဘဢ္ယၯအဃိ န႔ဢ္လီၯ. ယကြဲးအိဢ္သကိးလိာ္ယသးအစွၯကတဿဿ္တနံဢ္တ ဘ်ီဒီးဆွဿန႔ဿ္စ့ဿ္ကီးယၯတဿ္မၯဘူဢ္လဿတဿ္မၯတဿ္သးခုကစီဢ္အဂီဿ္န႔ဢ္လီၯ.

ယလဲၯထံဢ္ပွၯအမဲရကၯဖိအါဂၯ တဘါယြၯတဘါတဿ္နီတမံၯ၊ ယတဲအီၯလဿကီဿ္ပယီၯ ပွၯမ့ဿ္တဘါ တမံၯဘါတမံၯ၊ သု၀ဲသုတဘါတဿ္နီတမံၯဘဢ္မႏုၯလဲဢ္. ပွၯအမဲရကၯခရံာ္ဖိတဘ်ဳးဂၯ နဿ္ဟူယတဲတဿ္ သးခုကစီဢ္လဿကီဿ္ပယီၯအဂ့ဿ္ဒီးတဲယၯ၊ လဿညါပဆွဿမံးရွဿဢ္နရံဢ္ဆူကီဿ္ပယီၯ တဘ်ီအံၯသု၀ဲကီဿ္ ပယီၯခရံာ္ဖိၾကဿးမဿလီၯသရဢ္၊ သရဢ္မုဢ္ဟဲမၯတဿ္သးခုကစီဢ္လဿကီဿ္အမဲရကၯလီၯ. ယဟးလဿကီဿ္ အမဲရကၯအခါ ယတဲအီၯယဟဲဆူကီဿ္အမဲရကၯအိဢ္ဒီးမဲာ္ခ်ံသဿဖ်ဿဢ္လီၯ. မ့ဿ္လဿကီဿ္အမဲရကၯ တဿ္လီၯတိဿ္လီၯဆီအိဢ္အါမးအဃိ၊ မဲခ်ံတဖ်ဿဢ္န႔ဢ္ယကြဿ္လဿယဂီဿ္၊ ခံဖ်ဿဢ္တဖ်ဿဢ္န႔ဢ္ယကြဿ္လဿပွၯ ကီဿ္ပယီၯဖိလဿတဟဲတုၯတဖဢ္အဂီဿ္လဿယကတဲဘဢ္အီၯ၊ ဒီး ၃ ဖ်ဿဢ္တဖ်ဿဢ္န႔ဢ္ယကြဿ္လဿကစဿ္ ယြၯအဂီဿ္ ယကသူအီၯလဿယတဿ္စံဢ္တဲၯတဲလီၯအပူၯန႔ဢ္လီၯ. ယဟးဘဢ္ထဲ ၅ လါဃဢ္ဃဢ္ နာ္သက့၊ တဿ္တဘ်ဳးမံၯလဿယထံဢ္ ဘဢ္တဖဢ္ကဲဘ်ဳးဒံးတုၯခဲအံၯလီၯ. ယကဟ့ဢ္အဒိထဲ ၃ ခါ န႔ဢ္လီၯ.

၁. တဿ္ကံးညာ္ဒီးယဢ္လုးလီဿ္လံၯ ကဲထီဢ္စးခိ၀ါအဂ့ၯစါ

သရဢ္ဖးဒိဢ္တဂၯနီဢ္အသိလ့ဢ္ဒီး ယဆ့ဢ္နီၯဖဲအကပၯယထံဢ္တဿ္သူဢ္ထီဢ္ဖးဒိဢ္တဖ်ဿဢ္ ယသံကြဿ္အီၯ တဿးဖးဒိဢ္အံၯမ့ဿ္မႏုၯလဲဢ္. အ၀ဲတဲယၯပွၯမၯကဲထီဢ္စးခိ၀ါ၊ ယတဲအီၯ ယဖးဘဢ္လဿတဿ္ကံးညာ္ ဒီးယဢ္လုးလီဿ္လံၯ ကဲထီဢ္က့ၯစးခိ၀ါ အဃိ ယအဲဢ္ဒိးလဲၯထံဢ္ လဿယမဲာ္လဿယကသူအီၯလဿ ယတဿ္ စံဢ္တဲၯတဲလီၯအဂီဿ္လီၯ. အ၀ဲဒဢ္လဲၯဆွဿယၯဆူပွၯ အခိဢ္အအိဢ္ဒီးတဲအီၯ၊ လဿကီဿ္ပယီၯသရဢ္တဂၯ အံၯ အဲဢ္ဒိးထံဢ္ဘဢ္စးခိကဲထီဢ္ဒ္လဲဢ္ဒ္လဲဢ္ လဿကသူအီၯလဿတဿ္စံဢ္တဲၯတဲလီၯအဂီဿ္လီၯ. ပွၯအခိဢ္ န႔ဢ္ကြဿ္ယမဲာ္၊ နံၯကမွံထီဢ္ဒီးတဲ၀ဲ အပွၯမၯတဿ္ဖိလဿကဒုးနဲဢ္ယၯလီၯ. စဲးအခိဢ္ဒုးလီၯတဲာ္၀ဲတဿ္ကံး ညာ္လီဿ္လံၯအဘိဢ္ဖးဒိဢ္တဘ်ဳးဘိဢ္ဆူတဿ္ပူၯ၊ ဒီးစဲးလဿတဿ္အိပူၯမၯဘ်ဲးကြံာ္၊ ၀ံၯတဿ္အထံ တမႜိဟဲႏုာ္ ဒီးတဿ္အလြဲဿ္အသူအဂီၯအဘီဟါမဿ္ကြံာ္၊ ဒီးကဲထီဢ္လဿအ၀ါပံာ္ဒ္သိးကီဢ္အသိး၊ ၀ံၯဒီးဟဲထီဢ္ဆူတဿ္ဖီ ခိဢ္လဿထးဘ့ဢ္ဘဢ္အလိၯ၊ ကဲထီဢ္လဿစးခိ၀ါအဂ့ၯစါ ဒီးစဲးကူးဆံးလီၯတဆီ၀ံၯတဆီန႔ဢ္လီၯ. ယံာ္ထဲ စွၯမံးနံးလီၯ. ယတဲပႜးသရဢ္လဿ ဒ္တဿ္ဘဢ္စူးကြံာ္ကဲထီဢ္စးခိ၀ါအသိး၊ ပပွၯကညီလဿအကဲထီဢ္ပွၯခရံာ္ ဖိအဆိကတဿဿ္ ကိဢ္သဢ္ဖႜဴဢ္မ့ဿ္ပွၯအအဿဒိဢ္မး၊ မၯသံပွၯကညီတစွၯန႔ဿ္ ၃၀ ဂၯဘဢ္ဆဢ္ ခရံာ္ဒုး ကဲထီဢ္က့ၯအီၯဆူ သရဢ္စိာ္တဿ္သးခုကစီဢ္ ဒီးမၯန႔ဿ္သးသမူလဿ အကယၯလီၯ. သရဢ္စံးဘ်ဳးယၯတဲ၀ဲ သါလဲၯခီဖ်ိဘဢ္တဿးဖးဒိဢ္အံၯအဘ်ီဘ်ီ တထံဢ္တဿ္မၯလိနီတမံၯဘဢ္. လဿယဃိ သါလဲၯထံဢ္ဘဢ္တဿ္ ကံးညာ္လီဿ္လံၯဘဢ္စူးကြံာ္လဲလိာ္အသး ဆူစးခိ၀ါကဲဘ်ဳး၊ အဃိသါကသူစ့ဿ္ကီးလဿသါတဿ္စံဢ္တဲၯတဲ လီၯအပူၯလီၯ.

၂. လဿဿ္သြဲဢ္လးကဲထီဢ္တဿ္ကံးညာ္၀ါအဂ့ၯစါ

လဿတဿ္လီဿ္တပူၯ ယထံဢ္လဿဿ္သြဲဢ္လးဘဢ္တဿ္ခူဢ္ထီဢ္န႔ဿ္အီၯလဿဟီဢ္ခိဢ္လာ္သူဒီးဃဿ၊ ဒီးတဿ္ဆွဿ အီၯဆူစဲးလဿအဒုးလဲလိာ္တဿ္၊ တဿ္မၯဘ်ဲးအီၯ၊ ၀ံၯမၯ၀ါထီဢ္အီၯ၊ ဒီးကဲထီဢ္ ၀ဲတဿ္ကံးညာ္၀ါဂ့ၯမး၊ နဲဢ္လီဢ္၊ ဒီးထဲၾထဳး၊ လဿပိာ္မုဢ္ပိာ္ခြါတဖဢ္ဆးကဲထီဢ္ဆ့ကၯ ဒီးကၯ၀ဲဖ်ါဂ့ၯမးန႔ဢ္လီၯ. ပွၯဒ္အီကဿးစတံ မ့ဿ္လီၯဘ်ဿလဿတဿ္ဒဲးဘးအပူၯဘဢ္ဆဢ္၊ ကစဿ္ခရံာ္လဲလိာ္ဒုးကဲထီဢ္အီၯဆူပွၯစီဆွံအီကဿးစတံ န႔ဢ္လီၯ.

၃. ကြဿ္လီၯသိလ့ဢ္တဖဢ္လဿတဿး ၁၀၂ ကထဿ

ယဆဿထဿဢ္လဿ၀့ဿ္နယူယီးအတဿးဖးဒိဢ္ ၁၀၂ ကထဿအခီဢ္ထံး၊ ယထံဢ္သိလ့ဢ္သ့ဢ္တဖဢ္ထဲအဂ့ၯ ဃ့ဿ္ထီဢ္ဃ့ဿ္လီၯ ယမိဢ္န႔ဿ္သးလီအီၯတဆိလီၯ. ယလဲၯထီဢ္တုၯလဿ ၆၆ ကထဿယကြဿ္လီၯသိလ့ဢ္ တဖဢ္ဖ်ါဆံး၊ လဲၯထီဢ္တုၯလဿ ၈၈ ကထဿ ယကြဿ္လီၯသိလ့ဢ္တဖဢ္ ဆံးဒိဢ္ထီဢ္ လဲၯထီဢ္တုၯ ၁၀၂ ကထဿ ယကြဿ္လီၯသိလ့ဢ္တဖဢ္ဖ်ါဒဢ္ဆံးဆံးဖိ၊ ဒ္ဖိသဢ္လိာ္ကြဲသိလ့ဢ္ဖိ၊ ဒီးယတဿ္မိဢ္န႔ဿ္သးလီအီၯ န႔ဢ္ဟါမဿ္ကြံာ္လဿယပူၯလီၯ. ပအိဢ္လဿဟီဢ္ခိဢ္အံၯ ပကြဿ္တဿ္ထူးတဿ္တီၯတဿ္လီဿ္တဿ္လၯ ပမိဢ္န႔ဿ္ သးလီအီၯနာ္သက့၊ ပတဿ္အိဢ္မူလဿ သူဢ္လဿသးအတီၯမ့ဿ္ထီထီဢ္ကြ႔ဿ္ကြ႔ဿ္န႔ဢ္၊ ပတဿ္မိဢ္န႔ဿ္သးလီ ကစွၯလီၯကြံာ္ပွီဿ္ပွီဿ္၊ ဒီးဟါမဿ္ကြံာ္၊ ပကပာ္ဒိဢ္သးလီတဿ္လဿမူခိဢ္တခီ၊ တဿ္လဿခဲကိာ္တဃဢ္န႔ဢ္လီၯ.

ခိးကြဿ္လဿ္အကူာ္ ၈

မီမဿဢ္ သ့ဢ္တဖဢ္မ့ဿ္ပွၯခရံာ္ဖိဧါ

တဿ္ထိဢ္သႀတီၯ ပဲာ္ထံနီၯဖး မီမဿဢ္ (မ့) ခရံာ္အတဿ္အိဢ္ဖွိဢ္ အပွၯစီဆွံ လဿမုဿ္နံၯခံကတဿဿ္ အတဿ္စူဿ္ တဿ္နာ္ဒီး ပွၯခရံာ္ဖိအတဿ္စူဿ္တဿ္နာ္



ဂႜိစဲးစမံး ပွၯလဿအဒုးကဲထီဢ္မီမဿဢ္ကရဿ


တဿ္ကတိၯလဿညါ


ခရံာ္အတဿ္အိဢ္ဖွိဢ္အပွၯစီဆွံလဿမုဿ္နံၯခံကတဿဿ္ အံၯ ဘဢ္တဿ္သ့ဢ္ညါအီၯလဿလံာ္မဲာ္ဖ်ဿဢ္ အဖုဢ္မ့ဿ္၀ဲ LDS န႔ဢ္လီၯ. ဘဢ္ဆဢ္ပွၯအါတက့ဿ္ ကိး၀ဲလဿမီမဿဢ္ အတဿ္အိဢ္ဖွိဢ္န႔ဢ္လီၯ. ဘဢ္တဿ္စးထီဢ္ဒုး အိဢ္ ထီဢ္အီၯဖဲ ၁၈၃၀ နံဢ္ လဿပွၯအမဲရကၯဖိလဿအမံၯမ့ဿ္ ဂႜိစဲး စမံး လဿအ၀ဲၯလီဿ္ခိဢ္သ့ဢ္အိဢ္ဖဲ စီးလ့း အ၀့ဿ္ ဖဲယူဿ္ထဢ္ ကီဿ္စဲဢ္အပူၯန႔ဢ္လီၯ. တုၯဃီၯဖဲ ၂၀၀၀ နံဢ္န႔ဢ္ မီမဿဢ္ အနီဢ္ဂံဿ္အိဢ္၀ဲ ၁၁ ကလီဿ္ လဿထံကီဿ္ ၁၆၂ ဘ့ဢ္ ဃုာ္ဒီး ၅.၁ ကလီဿ္ လဿကီဿ္စဲဢ္အဘ့ဢ္ ၅၀ အပူၯ ဖဲကီဿ္အမဲရကၯ န႔ဢ္လီၯ.

အါဒဢ္တဿ္တက့ဿ္မီမဿဢ္တဖဢ္အံၯ စံးလီၯအသးလဿအမ့ဿ္ခရံာ္ဖိ မ့ဿ္လဿအစူဿ္အနာ္ယြၯဒီးခရံာ္ န႔ဢ္လီၯ. ဘဢ္ဆဢ္ ပမ့ဿ္တဲလဿအဖုဢ္န႔ဢ္ မီမဿဢ္တဖဢ္အံၯ မ့ဿ္ထံဖိကီဿ္ဖိလဿအဂ့ၯ အိဢ္ဒီးတဿ္သူဢ္ဆူဢ္သးဂဲၯလဿ တဿ္တိစဿၯမၯစဿၯပွၯဂၯ၊ ဒီးအိဢ္ဒီးတဿ္ပာ္သးလဿအထီလဿနီဿ္သး တဿ္စူဿ္တဿ္နာ္န႔ဢ္လီၯ. လဿတဿ္န႔ဢ္ အဃိ ပွၯသ့ဢ္တဖဢ္အံၯ ဖ်ါလီၯဂာ္ဒ္အမ့ဿ္ပွၯဂ့ၯဘဢ္ဆဢ္ မ့ဿ္အ၀ဲသ့ဢ္မ့ဿ္ခရံာ္ဖိဧါ.

မီမဿဢ္ကရဿအံၯဆွဿပွၯသးစဿ္လဿ ကစိာ္တဿ္သးခုကစီဢ္အါမးန႔ဢ္လီၯ. ပွၯစိာ္တဿ္သးခုကစီဢ္သးစဿ္ တဖဢ္အံၯ ထီဘိကူသိး၀ဲဆ့ကၯ၀ါ ဒီးကိာ္စဿ ဒီးဒိး၀ဲလ့ဢ္ယီဿ္တဖဢ္န႔ဢ္လီၯ. အ၀ဲသ့ဢ္ကကတိၯတဿ္ဒီးနၯ မုာ္၀ဲဘဢ္ဆဢ္ တဿ္လဿပကဘဢ္ပလီဿ္ပသးတခီ မီမဿဢ္ အတဿ္စူဿ္တဿ္နာ္ဒီး ခရံာ္ဖိအတဿ္စူဿ္တဿ္နာ္န႔ဢ္ လီၯဆီလိာ္အသးလီၯ.

တဿ္စူဿ္တဿ္နာ္ဘဢ္ဃးလံာ္စီဆွံ

မီမဿဢ္ကရဿအံၯ နာ္၀ဲလဿဂႜိစဲး စမံး န႔ဢ္ကလူးလဿမူခိဢ္ဟဲအိဢ္သကိးအီၯ ဒီးတဲအီၯလဿကဘဢ္ဒုးအိဢ္ ထီဢ္တဿ္အိဢ္ဖွိဢ္ လဿအမ့ဿ္အတီန႔ဢ္လီၯ. စမံး နာ္၀ဲလဿ တဿ္တဲအီၯလဿ ခရံာ္ဖိတဿ္အိဢ္ဖွိဢ္္လဿမုဿ္ မဆါ တနံၯအံၯတဖဢ္ နာ္တဿ္ကမဢ္၀ဲန႔ဢ္လီၯ. King James လံာ္စီဆွံအံၯ မီမဿဢ္တဖဢ္မ့ဿ္တူဿ္လိာ္၀ဲလဿ အ၀ဲသ့ဢ္အလံာ္လြံဿ္ဘ့ဢ္အက်ါတဘ့ဢ္ဘဢ္ဆဢ္ ဂႜိစဲးစမံးစံး၀ဲလဿ လံာ္စီဆွံအံၯအိဢ္ထဲတဿ္ကမူၯကမဢ္ ဒီးတဿ္တကြဲးက်ိာ္ထံအီၯဘဢ္ဘ်ီးဘဢ္ဒါဘဢ္. လဿအ၀ဲအတဿ္ကြဲးအပူၯန႔ဢ္ ဂႜိစဲးစမံး ကြဲးဖဿႏုာ္၀ဲတဿ္ဂ့ဿ္ အဘီလဿအကယၯ လဿအ၀ဲဆိကမိဢ္လဿအမ့ဿ္ အဘွီဘဢ္က့ၯတဿ္လဿလံာ္စီဆွံအပူၯန႔ဢ္လီၯ.

ဖဲ ၁၈၂၃ နံဢ္ ဂႜိစဲးစမံးစံး၀ဲလဿ ကလူးလဿအမံၯမိရိၯနံ (Moroni) ဟဲအိဢ္သကိးအီၯဒီး ဆွဿအီၯဆူလီခီ ထူလဿအအိဢ္ပွဲၯဒီးတဿ္သးခုကစီဢ္န႔ဢ္လီၯ. စမံးစံး၀ဲလဿ လီခီတဖဢ္အံၯ ဘဢ္တဿ္ကြဲးပာ္လီၯတ့ဿ္လံအီၯ လဿပွၯအဲးကူပတူးဖိတဖဢ္အတဿ္ကြဲးအပနီဢ္တဖဢ္ ဒီးမ့ဿ္တဿ္တခါလဿစမံးကြဲးက်ိာ္ထံက့ၯ၀ဲ သ့လီၯလိဿ္ လီၯလးန႔ဢ္လီၯ. လဿတဿ္ဂ့ဿ္ခဲလဿာ္အဖီခိဢ္ စမံးပာ္ဖ်ါထီဢ္စ့ဿ္ကီး၀ဲလဿ လီခီအံၯဘဢ္ဃးဒီးလံာ္စီဆွံ အပူၯ တဿ္ဂ့ဿ္အကါဒိဢ္လဿအအိဢ္လီၯတဲာ္တနီၯန႔ဢ္လီၯ. တဿ္ကြဲးလဿစမံးကြဲးက်ိာ္ထံက့ၯလဿလီခီထူ အံၯအပူၯတဖဢ္န႔ဢ္ ကဲထီဢ္က့ၯမီမဿဢ္ အလံာ္ဒီး ယုဿ္ပိာ္ထြဲန႔ဢ္အမံၯလဿ ကလူးမိရိၯနံ အပဿ္န႔ဢ္လီၯ.

မီမဿဢ္နာ္၀ဲလဿ ပွၯအခိဢ္က်ဿဿ္မ့တမ့ဿ္ ၀ံလဿမီမဿဢ္ အတဿ္အိဢ္ဖွိဢ္အံၯ မ့ဿ္ဒဢ္ထဲပွၯတဲတဿ္ပဿတဂၯဧိၯ လဿယြၯအဂီဿ္န႔ဢ္လီၯ. ဂႜိစဲးစမံး မ့ဿ္ကလူးအဆိကတဿဿ္တဂၯန႔ဢ္လီၯ. လဿနံဢ္တဘ်ဳးနံဢ္အတီဿ္ပူၯ ပွၯလဿအမ့ဿ္ပွၯတီခိဢ္ရိၯမဲခိဢ္က်ဿဿ္တဖဢ္ ဒီး၀ံတဖဢ္ အတဿ္ကတိၯမ့ဿ္ ဒ္ယြၯအတဿ္ကတိၯအသိးလီၯ.

တဿ္စူဿ္တဿ္နာ္အံၯမ့ဿ္တဿ္လဿအလီၯဆီ ဒိဢ္မးဒီးခရံာ္ဖိအတဿ္စူဿ္တဿ္နာ္န႔ဢ္လီၯ. ပွၯခရံာ္ဖိအလံာ္စီဆွံ ဘဢ္တဿ္ဒုးအိဢ္ထီဢ္အီၯလဿခရံာ္ဖိခိဢ္နဿ္လဿပ်ဿၯတဖဢ္ လဿအကြဿ္ကဒါက့ၯတဿ္ကြဲးတဖဢ္ လဿတဿ္ ထံဢ္လိာ္အိဢ္ဖွိဢ္တဘ်ဳးဘ်ီအတီဿ္ပူၯန႔ဢ္လီၯ. လဿ ၃၉၃ နံဢ္လံၯလံၯ လံာ္စီဆွံအံၯအိဢ္၀ဲအလီဿ္လီဿ္လဿ တဘဢ္တဿ္ဆီတလဲအီၯဘဢ္. ဖဲဆဿကတီဿ္ဖဲန႔ဢ္တဿ္ဆဿတဲာ္လဿ လံာ္စီဆွံအလီဿ္လံၯတကၾတဴဿ္ အိဢ္၀ဲ ၃၉ ဘ့ဢ္ဒီးလံာ္စီဆွံအသီတကၾတဴဿ္ကမ့ဿ္ ၂၇ ဘ့ဢ္ ဒီးခဲလဿာ္ မ့ဿ္တဿ္ကြဲးအီၯလဿယြၯအသးစီဆွံ ဒီးမ့ဿ္ယြၯအတဿ္ကတိၯန႔ဢ္လီၯ. လဿတဿ္န႔ဢ္အဃိ လဿအပူၯကြံာ္ ၁၇၀၀ နံဢ္န႔ဢ္ ပွၯခရံာ္ဖိတဖဢ္တူဿ္ လိာ္အဿဢ္လီၯလဿ လံာ္စီဆွံအံၯမ့ဿ္ယြၯအစိအကမီၯဒီး မ့ဿ္ယြၯအတဿ္ကတိၯလီၯတံဿ္လီၯဆဲးဒီး လံာ္အ ဂုၯအဂၯတအိဢ္လဿတဿ္ကသူအီၯလဿ ပွၯခရံာ္ဖိတဿ္စူဿ္တဿ္နာ္မိဿ္ပွဿ္ခီဢ္ထံးအဂီဿ္ဘဢ္. ကြဿ္ဖဲ (၂ တံၯမသ့း ၃း၁၅-၁၇ ဒီး ၂ ပ့ဢ္တရူး ၁း၁၉-၂၁) လံာ္စီဆွံတဲဘဢ္ပွၯလဿယြၯအကလုဿ္ကထါကအိဢ္ ကဆိး လီၯထူလီၯယိာ္န႔ဢ္လီၯ. (၁ ပ့ဢ္တရူး ၁း၂၃-၂၅) မ့ဿ္လဿယြၯအကလုဿ္ကထါကအိဢ္ကဆိးလီၯ ထူလီၯယိာ္အဃိ အလီဿ္တအိဢ္လဿတဿ္ဆီတလဲအိဢ္ထီဢ္လဿလံာ္စီဆွံအပူၯဘဢ္. လဿတဿ္ဂ့ဿ္အံၯ အဖီ ခိဢ္ ၅ မိၯရွ့ ၄း၂ သိဢ္လိပွၯလဿ တဿ္ဆီတလဲလံာ္စီဆွံအတဿ္ကြဲးမ့ဿ္တဿ္လဿကမဢ္န႔ဢ္လီၯ.

တဿ္စူဿ္တဿ္နာ္ဘဢ္ဃးယြၯ

မီမဿဢ္နာ္၀ဲလဿ ယြၯန႔ဢ္စးထီဢ္အိဢ္ထီဢ္လဿဟီဢ္ခိဢ္ခ်ဿ ဒ္ပ၀ဲနၯယၯတဖဢ္အသိးန႔ဢ္လီၯ. ဘဢ္ထြဲဒီး မီမဿဢ္အတဿ္ဆိကမိဢ္အံၯန႔ဢ္ ယြၯပာ္လီၯ၀ဲအတဿ္လိဢ္ဘဢ္ ဒီး လဿခံကဲထီဢ္ဒ္ယြၯတဂၯအသိး ဒီးန႔ဿ္သါ ဘဢ္၀ဲမူခိဢ္န႔ဢ္လီၯ. အ၀ဲမ့မ့ဿ္ယြၯသနာ္က့ အ၀ဲအိဢ္ဒီးအနီဿ္ခိ အဖံးအညဢ္ဒီးအဃံ တဖဢ္န႔ဢ္လီၯ. မီမဿဢ္ ဆိကမိဢ္၀ဲလဿ ယြၯလဿအသ့တဿ္လဿာ္ ဒ္အံၯတဖဢ္ခဲလဿာ္ စးထီဢ္အသးဒ္ပွၯမုဿ္ဆ့ဢ္မုဿ္ဂီၯဖိ အသိးဘဢ္ဆဢ္ ခဲအံၯတဂၯဒီးတဂၯအိဢ္ဒီးအကစဿ္ဒဢ္၀ဲအမူခိဢ္န႔ဢ္လီၯ. ဘဢ္ထြဲဒီးမီမဿဢ္ အတဿ္စူဿ္တဿ္ နာ္အံၯစံး၀ဲဒဢ္ ပကဲထီဢ္ဒ္ယြၯတဂၯအသိးသ့ ဃုာ္ဒီးပနီဿ္ကစဿ္အဟီဢ္ခိဢ္ဖ်ဿဢ္ဒဢ္၀ဲ ဘဢ္ဆဢ္ ပကဘဢ္ဒိ ကနဢ္မီမဿဢ္ တဿ္အိဢ္ဖွိဢ္တဿ္သိဢ္လိတဖဢ္န႔ဢ္လီၯ.

အါန႔ဿ္အန႔ဢ္ မီမဿဢ္နာ္၀ဲဒဢ္လဿ ပဿ္ကစဿ္လဿမူခိဢ္ သးစီဆွံဒီးကစဿ္ယ့ဢ္ရွဴးခရံာ္တဖဢ္ လီၯဆီလိာ္အသး ဒဢ္၀ဲဒ္ ယြၯလဿအလီၯဆီလိာ္အသးတဂၯဒီးတဂၯန႔ဢ္လီၯ. အ၀ဲသ့ဢ္တဖဢ္နာ္စ့ဿ္ကီး၀ဲလဿ ပဿ္ကစဿ္လဿ မူခိဢ္အံၯ ဒုးအါထီဢ္၀ဲနီဿ္သးဖိလံၯတဖဢ္ လဿမူခိဢ္ဘီမုဿ္အပူၯ လဿကဲထီဢ္၀ဲပွၯကညီလဿဟီဢ္ခိဢ္အံၯန႔ဢ္ လီၯ. လဿတဿ္န႔ဢ္အဃိ ပွၯဟီဢ္ခိဢ္ဖိခဲလဿာ္ ဃုာ္ဒီးကစဿ္ခရံာ္ဒီးမုဢ္ကီၯလံဿ္ ခဲလဿာ္မ့ဿ္ကစဿ္ယြၯအဖိ အလံၯန႔ဢ္လီၯ.

ပွၯခရံာ္ဖိအတဿ္နာ္အံၯ လီၯဆီဒီးမီမဿဢ္ အတဿ္နာ္ဒိဢ္မးန႔ဢ္လီၯ. ယိၯဟဢ္ ၄း၂၄ သိဢ္လိပွၯလဿ ယြၯန႔ဢ္ မ့ဿ္သး ဒီးတမ့ဿ္ဒ္နီဿ္တဂၯအသိး လဿအအိဢ္ဒီးအဖံးအညဢ္ဒီးအဃံတဖဢ္ဘဢ္. ပွၯခရံာ္ဖိတဖဢ္ နာ္စ့ဿ္ ကီး၀ဲလဿ ယြၯန႔ဢ္အိဢ္၀ဲလီၯထူလီၯယိာ္တဘိယူဿ္ဃီ ဒီးမ့ဿ္၀ဲယြၯထီဘိန႔ဢ္လီၯ. ဆီတလဲတသ့ဘဢ္. ပွၯကူပွၯကညီတဖဢ္ဘဢ္တဿ္တ့အီၯလဿယြၯ ဒီးအ၀ဲသ့ဢ္မ့ဿ္တူဿ္လိာ္ကစဿ္ခရံာ္ဒ္အမ့ဿ္တဿ္အုဢ္က့ၯ ခီဢ္က့ၯကစဿ္န႔ဢ္ ကဲထီဢ္ယြၯအဖိတဖဢ္န႔ဢ္လီၯ. ဘဢ္ဆဢ္ပွၯခရံာ္ဖိတဖဢ္တနာ္လဿ ပွၯကူပွၯကညီ အနီဿ္ကစဿ္ဒဢ္၀ဲ ကဲထီဢ္ဒ္ယြၯတဖဢ္အသိးတသ့ဘဢ္. ကြဿ္ဖဲ ၁ယိၯဟဢ္ ၁း၁၂-၁၃. ပွၯခရံာ္ဖိတဖဢ္နာ္ ၀ဲလဿ ယြၯသ့ဢ္ညါတဿ္ခဲလဿာ္ ဒီးတ့လီၯ၀ဲဟီဢ္ခိဢ္မူခိဢ္ ဒီးတဿ္လဿအအိဢ္ထီဢ္တမံၯလဿ္လဿ္ခဲလဿာ္ န႔ဢ္လီၯ. ပွၯခရံာ္ဖိတဖဢ္နာ္၀ဲလဿ ယြၯသ့ဢ္ညါတဿ္ခဲလဿာ္ ဒီးအိဢ္၀ဲလဿတဿ္လီဿ္ကိးပူၯဒဲး လဿဆဿက တီဿ္တကတီဿ္ဃီအပူၯန႔ဢ္လီၯ.

တဿ္စူဿ္တဿ္နာ္ဘဢ္ဃးဒီးခရံာ္

မီမဿဢ္နာ္၀ဲလဿ ပွၯခဲလဿာ္လဿဟီဢ္ခိဢ္အံၯ အဆိကတဿဿ္အိဢ္ထီဢ္၀ဲဒ္နီဿ္သးဖိသဢ္တဖဢ္အသိး၊ အိဢ္ဖ်ဲဢ္ ထီဢ္၀ဲလဿပဿ္ဒီးမိဿ္လဿမူခိဢ္န႔ဢ္လီၯ. မီမဿဢ္ဆိကမိဢ္၀ဲဒဢ္လဿ ယ့ဢ္ရွဴးမ့ဿ္ပ၀ဲဿ္အဒိဢ္ကတဿဿ္ မ့ဿ္လဿအ ၀ဲအိဢ္ဖ်ဲဢ္ထီဢ္အဆိကတဿဿ္လဿနီဿ္သးတကပၯန႔ဢ္လီၯ. ယ့ဢ္ရွဴးမ့ဿ္ပွၯထဲတဂၯဧိၯလဿ ဟီဢ္ခိဢ္အံၯအိဢ္ ဖ်ဲဢ္ထီဢ္လဿ တဿ္ရ့လိာ္ဘဢ္ထြဲ ပဿ္လဿမူခိဢ္ဒီးမိဿ္လဿဟီဢ္ခိဢ္ နီဿ္မၯရံ န႔ဢ္လီၯ. မီမဿဢ္နာ္စ့ဿ္ကီး၀ဲလဿ ယ့ဢ္ရွဴးသံလဿထူဢ္စုညါအလိၯ၀ံၯ အတဿ္ဂဲၯဆဿထဿဢ္သမူထီဢ္က့ၯန႔ဢ္ ကတဲာ္ကတီၯတဿ္မူလီၯထူလီၯ ယိာ္လဿပွၯကိးဂၯဒဲးအဂီဿ္န႔ဢ္လီၯ. ဒ္လဲဢ္ဂ့ၯဂ့ၯန႔ဢ္ ပွၯလဿအတူဿ္လိာ္ဒိကနဢ္တဿ္သိဢ္လိဘဢ္ဃး မီမဿဢ္ အတဿ္အိဢ္ဖွိဢ္အံၯ ကမၯန႔ဿ္ဘဢ္၀ဲလီဿ္ထီဢ္ထီလဿမူခိဢ္အဘီအမုဿ္အပူၯ ဃုာ္ဒီး နီဿ္ကစဿ္ကဲထီဢ္ ဒ္ယြၯအသိးန႔ဢ္လီၯ.

ပွၯခရံာ္ဖိတဖဢ္အိဢ္ဒီးအတဿ္ထံဢ္လီၯဆီဘဢ္ဃးယ့ဢ္ရွဴးခရံာ္န႔ဢ္လီၯ. ယိၯဟဢ္ ၁း၁-၁၈ တဲဘဢ္ပွၯဘဢ္ ဃးယ့ဢ္ရွဴးမ့ဿ္ပွၯလဿအအိဢ္တ့ဿ္လဿထံးလဿသီ၊ အိဢ္၀ဲဒီးယြၯ၊ ဒီးမ့ဿ္ယြၯလီၯ. ယ့ဢ္ရွဴးခရံာ္မ့ဿ္ပွၯလဿအ တ့လီၯတဿ္ခဲလဿာ္လဿဟီဢ္ခိဢ္အံၯလီၯ. ပွၯခရံာ္ဖိတဖဢ္နာ္၀ဲလဿ ယ့ဢ္ရွဴးမ့ဿ္တဿ္ဘဢ္ဃးဒီးယြၯသဿဂၯ တဂၯဃီ၊ လဿအပဢ္ဃုာ္ယြၯပဿ္ကစဿ္၊ ယ့ဢ္ရွဴးဖိခြါကစဿ္ ဒီးသးစီဆွံကစဿ္န႔ဢ္လီၯ. သဿဂၯမ့ဿ္တဂၯဃီ ဒီး မ့ဿ္ယြၯတဂၯဃီလီၯ.

ပွၯခရံာ္ဖိတဖဢ္နာ္၀ဲလဿ မုဢ္ကနီၯနီဿ္မၯရံ ဒိးန႔ဿ္ဘဢ္တဿ္လီၯလးခီဖ်ိလဿယြၯ ဒီးယ့ဢ္ရွဴးဟ့ဢ္လီၯကြံာ္ အလီဿ္အလၯလဿမူခိဢ္ ဟဲလီၯအိဢ္မူ၀ဲလဿဟီဢ္ခိဢ္အံၯန႔ဢ္လီၯ. ပွၯခရံာ္ဖိတဖဢ္နာ္၀ဲလဿခရံာ္မၯနဿၯ ကြံာ္တဿ္သံ ဖဲလဿအ၀ဲသံလဿထူဢ္စုညါအလိၯ ဒီးဂဲၯဆဿထဿဢ္သမူထီဢ္က့ၯလဿတဿ္သံန႔ဢ္လီၯ. ပွၯ တဿ္ဒဲးဘးဖိတဖဢ္အိဢ္သကိးဃုာ္ဒီးယြၯအပွၯစီဆွံအံၯတသ့ဘဢ္ (ရိမ့ၯ ၃း၂၃). မ့မ့ဿ္ပွၯလဿအနာ္ ယ့ဢ္ရွဴးလဿအမ့ဿ္ အတဿ္အုဢ္က့ၯခီဢ္က့ၯကစဿ္လဿအပွ႔ၯက့ၯပွၯလဿတဿ္သံ ခီဖ်ိလဿအသြံဢ္စီဆွံအဃိ ဒ္သိးပတဿ္ဒဲးဘးကဘဢ္တဿ္ပ်ဿ္ကြံာ္အဂီဿ္ န႔ဢ္မ့ဿ္က့ၯ၀ဲယြၯအဖိတဖဢ္န႔ဢ္လီၯ (ယိၯဟဢ္ ၁း၁၂၊ ယိၯဟဢ္ ၁၄း၆). ထဲဒဢ္ပွၯလဿအစူဿ္က့ၯနာ္က့ၯခရံာ္ဒ္အတဿ္အုဢ္က့ၯခီဢ္က့ၯကစဿ္အသိးတဖဢ္န႔ဢ္ ကလဲၯႏုာ္ဘဢ္၀ဲဆူမူခိဢ္အဘီအမုဿ္အပူၯန႔ဢ္လီၯ.

တဿ္ကတိၯလဿခံ

ပွၯအါဂၯလဿအအိဢ္လဿထံကီဿ္အါဘ့ဢ္တဖဢ္ ဆိမိဢ္၀ဲလဿ ကီဿ္အမဲရကၯမ့ဿ္ ခရံာ္ဖိအထံအ ကီဿ္န႔ဢ္လီၯ. ဘဢ္ဆဢ္ တဿ္စူဿ္တဿ္နာ္အိဢ္လီၯဆီလိာ္သးတဘ်ဳးမံၯလဿကီဿ္အမဲရကၯအပူၯ န႔ဢ္လီၯ. ပတဲဖ်ါတ့ဿ္လံဘဢ္ဃးမီမဿဢ္ အတဿ္စူဿ္တဿ္နာ္အတဿ္လီၯဆီဒီးပွၯခရံာ္ဖိအတဿ္စူဿ္ တဿ္နာ္လံန႔ဢ္လီၯ. နမ့မ့ဿ္တ့ဿ္လံခရံာ္ဖိဒီးဒ္နတဿ္နာ္အိဢ္အသိးလဲၯအီၯတုၯလီၯတီၯလီၯ တက့ဿ္. တဘဢ္ကဒံကဒါလဿနတဿ္နာ္အဃိတဂ့ၯ. ပွၯမီမဿဢ္တဂၯမ့ဿ္ထံဢ္နၯဒီး တဲနၯလဿ အမ့ဿ္ပွၯခရံာ္ဖိဘဢ္ဆဢ္ သ့ဢ္ညါလဿအ၀ဲသ့ဢ္ အတဿ္စူဿ္တဿ္နာ္ဘဢ္ဃးကစဿ္ယြၯ၊ ခရံာ္၊ ဒီးလံာ္ စီဆွံ တဖဢ္မ့ဿ္တဿ္လဿအလီၯဆီလိာ္အသးဒီးပွၯခရံာ္ဖိတက့ဿ္. လံာ္မးသဲ ၂၄း၁၁၊ ယ့ဢ္ရွဴးအနီဿ္ ကစဿ္ဒဢ္၀ဲစံး၀ဲ ၀ံအဘ် ဢ္ သရဢ္အဘ် ဢ္ကအိဢ္ထီဢ္၀ဲအါဂၯ ဒီးကဆွဿကမဢ္ပွၯအါဂၯလီၯ. မၯလိလံာ္စီဆွံ၊ ဃ့ထုကဖဢ္၊ ထီဢ္သရိာ္စိၯမိၯ၊ အန႔ဢ္မး နတဘဢ္တဿ္ဆွဿကမူၯကမဢ္နၯဘဢ္.

ဟံးန႔ဿ္အီၯလဿ www.karenkonnection.org အပူၯန႔ဢ္လီၯ.

June 20, 2010

ခဲဢ္ဖ့ဆူအ့ဢ္ဒိဢ္နံရွါ (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၆)

ဖဲ ၁၉၃၂ နံဢ္န႔ဢ္ ဟီဢ္ခိဢ္ဒီဘ့ဢ္ခရံာ္ဖိသးစဿ္အတဿ္အိဢ္ဖွိဢ္ဘဢ္ဖဲ ကီဿ္အ့ဢ္ဒိဢ္နံရွါ အ၀့ဿ္တဖ်ဿဢ္၊ ပွၯဃု ထဿပိာ္မုဢ္ ၃ ဂၯ၊ ပိာ္ခြါ ၄ ဂၯ၊ ပကလဲၯလဿကီဿ္ပယီၯအခဿဢ္စးလီၯ. ပလဲၯအိဢ္ကတီဿ္မၯတဿ္ဘါ တဿ္ရဲဢ္ တဿ္က်ဲၯဖဲ၀့ဿ္တဢ္ပ့ဢ္ ကီဿ္မလ့ရွါ၊ ဒီးရ့လိာ္မုာ္လိာ္ဒီးပပွၯကညီ အသုးမုဿ္တဖုလဿအဲကလံးပဒိဢ္ ဆွဿအီၯဖဲန႔ဢ္လီၯ. ဖဲ၀့ဿ္စ့ကဖိန႔ဢ္ ပမၯစ့ဿ္ကီးတဿ္ဘါတဿ္ရဲဢ္တဿ္က်ဲၯ လဿတရူးခရံာ္ဖိ အသရိာ္ဖးဒိဢ္ တဖ်ဿဢ္အပူၯလီၯ. ပဒိးထီဢ္ကဘီဖးဒိဢ္တဘ့ဢ္၊ ၀ါဒီဘ့ဢ္ အိဢ္ ၇ ကထဿတဘ့ဢ္၊ ဒီးလဲၯတုၯလဿ ကီဿ္အ့ဢ္ဒိဢ္နံရွါ တဿ္အိဢ္ဖွိဢ္အလီဿ္မုာ္မုာ္လီၯ. ပအိဢ္ဖွိဢ္၀ံၯ ပလဲၯဆူ၀့ဿ္ဒီးသ၀ီတဘ်ဳးဖ်ဿဢ္၊ ပက်ဲးစဿး မၯလၯကပီၯယြၯ ဒီးပသးခုလဿယြၯသူပွၯဂ့ၯမးအဃိလီၯ.

ပလဲၯအခါ ပဒိးဘဢ္ကဘီအ၀ါလီၯဘီလီၯမုဿ္ ၇ ကထဿတဘ့ဢ္၊ လဲၯတဿ္တနဢ္ရံဢ္ ၃၀ မံးလး၊ ပဟဲက့ၯ တခီပဒိးဘဢ္တရူးကဘီအသူ ၃ ကထဿတဘ့ဢ္၊ လဲၯတဿ္တနဢ္ရံဢ္ ၁၀ မံးလးလီၯ. ကဘီသူလဲၯတဿ္ ဒီနၯညါ၊ ဒီးလဿမုဿ္ဆ့ဢ္မုဿ္ဆါခီန႔ဢ္၊ ဖဲယထိဢ္သႀတီၯကြဿ္ကဘီခံဘ့ဢ္အံၯ ဒီးယဆိကမိဢ္ဆံးကဘီအသူ တဘ့ဢ္အခါ၊ သတူဿ္ကလာ္ ကဘီအသူအံၯလဲၯတဿ္ဒ့ခံယဿ္ခီယဿ္ခီ၊ ပွၯကဘီဖိတဲပွၯ၊ ခဲအံၯပကဘီ လဲၯတိဘဢ္လဿ ပီဢ္လဲဢ္ထံတ၀ံး (၀ဲ) ဖးဒိဢ္အဃိ၊ အ၀ဲလဲၯတဿ္ဒ္အံၯလီၯ. အန႔ဢ္ဒီးယဒြးလဿယသး၊ ပီဢ္လဲဢ္အဂဿဿ္အခါနလဲၯဒဢ္တနဢ္ရံဢ္ ၁၀ မံးလး၊ တဘ်ီအံၯတိဘဢ္ ပီဢ္လဲဢ္အထံတ၀ံးဖးဒိဢ္လံ၊ နက၀ံဿ္တရံးနသးလဿပီဢ္လဲဢ္ပူၯ တမ့ဿ္ပကတုၯ၀့ဿ္စ့ကဖိတသ့ဘဢ္. ဘဢ္ဆဢ္ယထံဢ္လဿ ထံတရံးဆူဢ္ ဆူဢ္အဃိ လဲၯတဿ္ဒ့ခံယဿ္ခီနာ္သက့၊ လဲၯတဿ္တနဢ္ရံဢ္ ၁၀ မံးလးကစီဒီလီၯ. လဲၯတဿ္ဒ္န႔ဢ္ တနဢ္ရံဢ္ တခီ၀ံၯဖ်ိကြံာ္ထံတ၀ံးဖးဒိဢ္လီၯ. အန႔ဢ္ဒီးယဘါထုကဖဢ္၊ ပဿ္ကစဿ္ယြၯဧဿ၊ မ္ယကမ့ဿ္ဒ္ကဘီအသူ တဘ့ဢ္အံၯတက့ဿ္. ဒ္ကဘီတဘ့ဢ္အံၯအသိး ယမ့ဿ္တဖ်ါ အါယးပါယးဒ္ပွၯတနီၯနာ္သက့၊ မၯစဿၯယၯ ဒ္သိး ထီဘိယကအိဢ္ဒီး သးအဂံဿ္အဘါ၊ ယမ့ဿ္ဘဢ္သဂဿဿ္ဒီးသးသမူ အထံသ၀ံးဖးဒိဢ္တဘ်ီဂ့ၯတဘ်ီ ဂ့ၯ၊ ယကသ့လဲၯဒဢ္တဿ္ဆူညါ လဿနပူၯဒီးလဿနဂီဿ္တက့ဿ္.

ခိးကြဿ္လဿ္အကူာ္ ၇

ခဲဢ္ဖ့ဆူကိၯလၯသူကီဿ္ ၃ ဘ်ီ (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၅)

ဖဲယမ့ဿ္ဒံးလံာ္စီဆွံကႜိဖိအခါ ပလဲၯဘဢ္ခဲဢ္ဖ့ဆူ ကိၯလၯသူကီဿ္ ၃ ဘ်ီ၊ ဟဲအသးဒ္အံၯလီၯ. သရဢ္ စတဲနလ့ဢ္ကႜိန္ မ့ဿ္သရဢ္မံၯဟူသဢ္ဖ်ါ ဟးစံဢ္တဲၯတဲလီၯတဿ္သကုၯကိၯလၯသူကီဿ္တဂၯ၊ ဒီးပွၯဒိ ကနဢ္အီၯအိဢ္အါမးလီၯ. အ၀ဲဟဲစံဢ္တဲၯတဲလီၯတဿ္ ၆ ဟါ ဖဲ၀့ဿ္တကူဢ္၊ ဒီးယလဲၯဟးကိးမုဿ္ဟါ လီၯ. အ၀ဲထံဢ္လိာ္သရဢ္ဒါယဿဢ္ ဒီးကြဲအီၯလဿကလဲၯမၯခဲဢ္ဖ့လဿကိၯလၯသူကီဿ္၊ ဒီးသါကတူဿ္တဿ္အလဿာ္ ဖဲအလီဿ္အိဢ္လီၯ. အဃိ ဖဲ ၁၉၂၈ န႔ဢ္၊ သရဢ္ဒါယဿဢ္လဲၯကိးပ၀ဲ ၇ ဂၯ ထဲပိာ္ခြါ ဆူကိၯလၯသူကီဿ္ ကလံၯထံးယံာ္တလါ ဘ်ဲဢ္လီၯ. ဖဲ ၁၉၂၉ နံဢ္န႔ဢ္ လဲၯကိးပိာ္ခြါ ၇ ဂၯဆူကိၯလၯသူကီဿ္ကလံၯစိး၀့ဿ္ ဖးဒိဢ္ တဖဢ္ယံာ္ ၂ လါဒီးဖဲ ၁၉၃၀ န႔ဢ္လဲၯကိးကဒီး ပပွၯတဖုဃီန႔ဢ္ဆူ ကိၯလၯသူကီဿ္ကလံၯထံး ယံာ္ ၂ လါလီၯ. လဿခံသရဢ္စတဲနလ့ဢ္ကႜိန္တဲပွၯဒ္အံၯ၊ ယဟးက့ၯဆူတဿ္လီဿ္လဿသုဟးတ့ဢ္တဖဢ္၊ ပွၯအါ ဂၯစံးပၾတဿၯသုခဲဢ္ဖ့၊ ယထံဢ္လဿကဲဘ်ဳးကဲဖွိဢ္ ဒိဢ္န႔ဿ္ယမၯတဂၯဧိၯတက့ဿ္လီၯ. ဒ္အ၀ဲစံးအသိး မ့ဿ္စဲဃဲၯလီၯ. အ၀ဲမၯသ့ဒဢ္တဿ္စံဢ္တဲၯတဲလီၯတမံၯဧိၯလီၯ. ပ၀ဲပမၯသကိးလဿတဿ္စံဢ္တဲၯတဲလီၯ၊ တဿ္အုဢ္ပသး၊ တဿ္သး၀ံဢ္၊ တဿ္ဒုးနဲဢ္တဿ္ဒိတဿ္တဲာ္၊ မ့ဿ္တဿ္ကဲဘ်ဳးဒိဢ္န႔ဿ္ထဲတဂၯဧိၯစံဢ္တဲၯတဲလီၯ တဿ္တက့ဿ္လီၯ.

June 19, 2010

သရဢ္မူလဿဿ္လံာ္စီဆွံကႜိသရဢ္ (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၄)

ယဖ်ိထီဢ္လံာ္စီဆွံကႜိတဘ်ီဃီ ကႜိခိဢ္သရဢ္မါရွဿဢ္ ကိးယၯလဿယကကဲထီဢ္လံာ္စီဆွံ ကႜိ သရဢ္၊ ဒီးမ့ဿ္ တဿ္ခြဲးတဿ္ယာ္ဖးဒိဢ္လဿယဂီဿ္လဿယသိဢ္လိဘဢ္ပွၯအါဂၯ၊ ပိာ္ခြါ ပိာ္မုဢ္ တဖဢ္လဿကကဲထီဢ္ က့ၯသ ရဢ္သရဢ္မုဢ္လဿ အမၯယြၯအတဿ္လဿာ္ဆဿလဿာ္ကတီဿ္လဿ ကီဿ္ပယီၯဒီဘ့ဢ္ညါအပူၯ၊ အမဲာ္ညါ ပဟး မၯသကိးဘဢ္တဿ္သးခုကစီဢ္ သကုၯကီဿ္ပယီၯ ဆူပွၯအါကလုာ္အက်ါ၊ ဒီးဒိးဘ်ဿဘဢ္စ့ဿ္ကီးပွၯအါက လုာ္ အါဂၯလီၯ. ကႜီန္သဲးကႜံ၊ ဖံထဿဢ္လးဒီးယၯ ပမ့ဿ္ပွၯအဆိကတဿဿ္တဖုလဿ အဖ်ိကိၯလၯလံာ္စီဆွံ ကႜိအဃိ၊ ပွၯအါကလုာ္ဟဲမၯလၯကပီၯ ပတဿ္ဖ်ိကႜိပွဲၯထီဢ္သရိာ္ပူၯလီၯ. ပဟ့ဢ္တဿ္ကစီဢ္တဂၯ ၁၀ မံးနံး ဒီးတဿ္ဂ့ဿ္လဿယကတိၯမ့ဿ္၀ဲ၊ ႃႃအိဢ္မူလဿယ့ဢ္ရွဴးဂီဿ္ကိးမုဿ္နံၯ႗႗ လီၯ. အလီဿ္အိဢ္လဿ ပကအိဢ္မူ လဿယ့ဢ္ရွဴးဂီဿ္ တမ့ဿ္ထဲလဿအိဢ္ဘွံးနံၯသရိာ္ပူၯဘဢ္. မ့ဿ္စ့ဿ္ကီးလဿလီဿ္ကိးပူၯဒဲးကိးမုဿ္နံၯလီၯ. ပသ ကိးသဿဂၯ ပ ပာ္စီဆွံထီဢ္ပသးဒီး သး၀ံဢ္လဿကိၯလၯက်ိာ္ ကမ့ဿ္၀ဲဆူကစဿဿ္ခိဢ္၊ ဆူပီဢ္လဲဢ္၊ ဖဲယြၯဆွဿ ပွၯပကလဲၯ၊ ဖဲအမဿပကမၯန႔ဢ္လီၯ. အန႔ဢ္ဒီးပဖ်ိထီဢ္၀ံၯ၊ သရဢ္ဖံထဿဢ္လး၊ ယၯဒီးပွၯအဂၯ ၅ ဂၯ ပဢ္ဃုာ္ဒီးမံးရွဿဢ္နရံဢ္သရဢ္ ခါစဿဢ္၊ ပလဲၯဆူဖဢ္ပူဢ္ကစဿဿ္ခိဢ္ သ၀ီဆံဆဲဢ္ဖ်ဿဢ္၊ ၀ံၯလဲၯဆူယူဢ္တရဢ္ ကီဿ္ (ကီဿ္ကႜီဢ္တဲဢ္) ပွၯကညီဒူသ၀ီတဘ်ဳးဖ်ဿဢ္၊ စိာ္ဒီးပံကြဲၯလြံဿ္ဖ်ဿဢ္၊ မ့ဢ္အူဒဿတဖ်ဿဢ္၊ ကိးမုဿ္ဟါ ဒဲး ပမၯတဿ္သးခုကစီဢ္အတဿ္ရဲဢ္တဿ္က်ဲၯလဿတဿ္သူဢ္ဆူဢ္သးဂဲၯ၊ တဿ္သူဢ္ဖွံသးညီပူၯလီၯ. ပွၯသ၀ီဖိ တဖဢ္ကြဿ္၀ဲကနဢ္၀ဲ အဲဢ္ဒိးလဿပကမၯတုၯလဿမုဿ္နၯယိာ္န႔ဢ္လီၯ. ပထီဢ္ကစဿဿ္လီၯကလိကိးမုဿ္နံၯ ယံာ္တလါတခီ၊ ဒီးပထံဢ္လဿပခီဢ္ဖံးတဿ္ကံးညာ္ ညာ္ဘဢ္အသးလဿခရံာ္အဂီဿ္၊ ပသးမုာ္ဒိဢ္မးလီၯ.

ဘဢ္တဘ်ီလဿက်ဲ ပကဖီအီဢ္မ့ၯထံမူတပူၯလီၯသံး ပဘဢ္မၯန႔ဿ္ထံလဿ ပနဿ္ခီဢ္လီဿ္ တပူၯတစဲးတပူၯ တစဲး ဒီးဖီအီဢ္မ့ၯလီၯ. ဘဢ္တနၯ ပထီဢ္မံလဿယူဿ္တရဢ္ (ကီဿ္ကႜီဢ္တဲဢ္) ပွၯကညီအဟံဢ္၀ဢ္တဖ်ဿဢ္၊ ဖီန႔ဿ္ပွၯမ့ၯဒီးခြဲးလီၯ၀ဲ၊ အိဢ္ဒဢ္မ့ၯလီၯ. တဿ္ဒိးတဿ္လဢ္မႏုၯမး တအိဢ္လဿကဖီဒုးအီဢ္ပွၯဘဢ္. ပအီဢ္ ထဲမ့ၯ ပယူဿ္လီၯတညီဘဢ္အဃိ၊ ပဖဿႏုာ္ထံခ်ီလဿခြးတဘ့ဢ္ အပူၯဒီးအံသဢ္တစဲးဒီး မ့ဿ္လဿပသဢ္၀ံၯ အဃိ၊ ပအီဢ္မ့ၯပအိထံခ်ီ အံသဢ္ထံ လဲၯႏုာ္တမီ၀ံၯတမီ၊ ပသးပွဲၯဒီးတဿ္စံးဘ်ဳးယြၯဒီးဟံဢ္ကစဿ္လီၯ. ပဟဲက့ၯတုၯ မီဢ္လမႜဲဢ္ကဘီသန႔၊ ယသကိးတရဿလဲၯတံာ္အခိဢ္သူ ယအိဢ္တ့ဿ္ခိးပတဿ္ဖိတဿ္လံၯ အခါ ပယီၯတဂၯဟဲဆဿထဿဢ္ကြဿ္၀ဲပပံကြဲၯ၊ မ့ဢ္အူဒဿ၊ ဒီးပထဿဢ္၊ ပကုဒီးသံကြဿ္ယၯ၊ သုဟဲက့ၯဖဲလဲဢ္ခီလဲဢ္ ယတဲအီၯပသကိး ၇ ဂၯ ပဢ္ဃုာ္ဒီး ကိၯလၯ၀ါသရဢ္တဂၯ၊ ပဟးထီဢ္လဿအ့စ့ဢ္ ပလဲၯဆူဖဢ္ပူဢ္ ဒီးယူဢ္ တရဢ္ (ကီဿ္ကႜီဢ္တဲဢ္) ကစဿဿ္ခိဢ္ဒူသ၀ီတဘ်ဳးဖ်ဿဢ္၊ ကိးဟါဒဲးပဒြဲဢ္ထီဢ္ပမ့ဢ္အူဒဿ၊ ပအူန႔ဿ္ပွၯသ၀ီဖိ လဿပံကြဲၯ၊ ပသး၀ံဢ္တဿ္၊ ပဒုးနဲဢ္တဿ္ဒိတဿ္တဲာ္၊ ယံာ္တလါတခီ၊ ခဲအံၯ ပကက့ၯဆူအ့စ့ဢ္လီၯ. အ၀ဲသံ ကြဿ္ယၯ သုမၯန႔ဿ္စ့ဆံးအါလဲဢ္. ယတဲဆဿအီၯ ပတမၯန႔ဿ္တိဿ္နီတဘ့ဢ္အမဲာ္ညါ ပလဿာ္စ့ ၇၀၀ ဘးလီၯ. အ၀ဲတဲယၯ သုမၯလံ ယဲယမၯတကဲဘဢ္. ပ၀ဲတခီပမၯကဲ မ့ဿ္လဿပထံဢ္ပကစဿ္ယ့ဢ္ရွဴး ဟဲကဲထီဢ္အဖွီဢ္ ဒ္သိးပကထူးတီၯထီဢ္အဂီဿ္လီၯ. ပလဲၯတဿ္တဘ်ီအံၯ ပထံဢ္လဿ ပပွၯကညီလဿ ယူဢ္ တရဢ္ကီဿ္ တဖဢ္ လိဢ္ဘဢ္ပတဿ္မၯထီထီဢ္အတီၯ လီၯဆီဒဢ္တဿ္လဿသူဢ္လဿသးအဃိ ဖဲ ၁၉၅၇ နံဢ္န႔ဢ္ သရဢ္ဖံထဿဢ္လး၊ သရဢ္မဿ္ကူး၊ သရဢ္မုဢ္အဲးစထဿဢ္လြ႔ဢ္ဒီးယၯ၊ ပဒိးထီဢ္ကဘီယူၯဆူ၀့ဿ္ဘီကီး၊ ၀ံၯလဲၯဆူကံဿ္မဲ၊ ဒီးဆူ ၀့ဿ္မဲးစရံ (မုဿ္ယူဿ္)၊ ဒီးလဲၯလဿပခီဢ္ ၃ သီဆူခရံာ္ဖိသ၀ီတဖ်ဿဢ္ လဿတနံဢ္ တဘ်ီကီဿ္အတဿ္အိဢ္ဖွိဢ္ ဘဢ္ဖဲန႔ဢ္လီၯ. နာ္သက့ ပွၯဟဲဆူအတဿ္အိဢ္ဖွိဢ္ဖးဒိဢ္အံၯ အိဢ္ဒဢ္ခံကယၯ ဂၯလီၯ. ဖဲမဲးစရံ (မုဿ္ယူဿ္) န႔ဢ္ တဿ္အိဢ္ဖွိဢ္တဖဢ္ဆွဿလီၯအခဿဢ္စးဒီး ပသိဢ္လိလံာ္စီဆွံဖဲန႔ဢ္ တႏြံလီၯ. ဖဲမဲးစရံ (မုဿ္ယူဿ္) က၀ီၯန႔ဢ္ မ့ဿ္လဿသရဢ္ပာ္စုလဿ ကဟးဘ်ဿထံဒုးအီဢ္ပွၯဘူဢ္အိဢ္ဒဢ္ထဲတဂၯအဃိ၊ ပပာ္စုအါထီဢ္န႔ဿ္အီၯ သရဢ္တဂၯလဿ အဟး၀့ၯ၀ီၯစိာ္တဿ္သးခုကစီဢ္ဖဲ မဲးစရံ (မုဿ္ယူဿ္) က၀ီၯန႔ဢ္လီၯ. အ၀ဲအမံၯမ့ဿ္သရဢ္ခီဢ္ဖံးအဃိ ယသံကြဿ္အီၯ၊ ဘဢ္မႏုၯနမံၯမ့ဿ္ခီဢ္ဖံးလဲဢ္. အ၀ဲတဲယၯ၊ ဖဲသါမ့ဿ္ဖိသဢ္ န႔ဢ္၊ သရဢ္ဟဲလဿပသံဢ္တဂၯတဲသါ ဟဲပိာ္ယခံ ယကပာ္နၯကႜိ ဒီးနဘဢ္က့ၯမၯဒိဢ္ထီဢ္ထီထီဢ္ နပွၯက လုာ္လဿ ယူဿ္တရဢ္လီၯ. သါလဲၯအိဢ္ဒီးအီၯ တုၯသါဖ်ိ ၇ တီၯဒီးသါတဲအီၯ၊ သါမၯန႔ဿ္တဿ္သ့ထီဢ္ဘဢ္ ထီဢ္ဖဲအၾကဿးလံ၊ ဒီးသါကက့ၯမၯစဿၯသါပွၯကလုာ္လီၯ. သရဢ္န႔ဢ္တဲသါဒ္အံၯ၊ ယသးခုလဿနပာ္နသး လဿနကက့ၯမၯစဿၯနပွၯကလုာ္လီၯ. ဘဢ္ဆဢ္မ့ဿ္လဿနသ့န႔ဿ္အ၀ဲသ့ဢ္အဃိ၊ နကပာ္ဒိဢ္ပာ္ထီဘဢ္ဖုး နသးလဿအ၀ဲသ့ဢ္အဖီခိဢ္လီၯ. ယဟ့ဢ္နမံၯစီၯခီဢ္ဖံး၊ နကဘဢ္ပာ္နသးဒ္ခီဢ္ဖံးအသိး၊ ခီဢ္ဆါနသး၊ ဆီဢ္လီၯနသး မၯတဿ္ခ့တဿ္ပွၯအတဿ္မၯလဿနပွၯကလုာ္အဂီဿ္လီၯ.

ခိးကြဿ္လဿ္အကူာ္ ၅

စီၯမူလဿဿ္မၯလိလံာ္စီဆွံကႜိ (၁၉၂၇-၃၁) (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၃)

ဖဲယႏုာ္လီၯလံာ္စီဆွံကႜိန႔ဢ္၊ ယလဲလိာ္က့ၯယမံၯလဿစီၯရွ႔ဢ္ဆူစီၯမူလဿဿ္ဒ္ယကြဲးဖ်ါလဿ တဿ္ကတိၯလဿ ညါအသိးန႔ဢ္လီၯ. အ့စ့ဢ္ကိၯလၯလံာ္စီဆွံကႜိကဲထီဢ္အသးဒ္အံၯလီၯ. လဿယူဒၯသဢ္ခီလ့ဢ္ကႜိန႔ဢ္ ပွၯသး စဿ္ ၃ ဂၯ၊ ပယီၯကႜီဢ္သဲးကႜံ၊ စီၯဖံထဿဢ္လး၊ ဒီးစီၯရွ႔ဢ္ (ကဲထီဢ္က့ၯစီၯမူလဿဿ္) အသးအိဢ္မၯလိလံာ္လဿ ကိၯလၯက်ိာ္အဃိ၊ သါကလဲၯ၀ဲဆူကိၯလၯသူကီဿ္၀့ဿ္စံဢ္ရဲဖူလံာ္စီဆွံကႜိ လဿသရဢ္ခ့ရ့ဢ္ဒုးကဲထီဢ္န႔ဢ္ လီၯ. ဘဢ္ဆဢ္ မံးရွဿဢ္နရံဢ္ သရဢ္၊ မးမး၊ လဿကီဿ္ပယီၯတဖဢ္ တဲပသကိး ၃ ဂၯန႔ဢ္လဿ သါကဒုးအိဢ္ ထီဢ္ကိၯလၯလံာ္စီဆွံကႜိလဿပဂီဿ္၊ အဃိ ဖဲ ၁၉၂၇ နံဢ္၊ ပစးထီဢ္မၯလိဒီးပဖ်ိထီဢ္လဿ ၁၉၃၁ နံဢ္လီၯ. ပွၯလဿအသိဢ္လိပွၯတခီမ့ဿ္ထဲမံးရွဿဢ္နရံဢ္၊ မးမး၊ တဖဢ္အိဢ္၀ဲ ၁၅ ဂၯညါလီၯ. ပွၯလဿသိဢ္လိပွၯအက်ါ ပဘဢ္ဘ်ဳးလီၯဆီလဿသရဢ္ဒါယဿဿ္၊ မ့ဿ္ပွၯလဿအသးဆူဢ္မၯတဿ္သးခုကစီဢ္အဃိ၊ ဖဲပအိဢ္ကႜိ ၄ နံဢ္ အတီဿ္ပူၯဒုးအိဢ္ထီဢ္၀ဲခဲဢ္ဖ့၊ ဒီးယဟးမၯသကိးဘဢ္ခဲဢ္ဖ့ကီဿ္ပယီၯဒီဘ့ဢ္ဃဢ္ဃဢ္၊ ဒီးပလဲၯစ့ဿ္ကီးဆူ ကိၯလၯသူကီဿ္ ၃ ဘ်ီ၊ တဘ်ီယံာ္ ၂ လါ၊ ဆူယူဢ္တရဢ္ကီဿ္ (ကီဿ္ကႜီဢ္တဲဢ္) ၂ ဘ်ီ၊ ဆူစ့ကဖူ၊ အ့ဢ္ဒိဢ္ နံရွါတဘ်ီ၊ ပစံဢ္တဲၯတဲလီၯတဿ္၊ အုဢ္ပသး၊ သး၀ံဢ္တဿ္၊ ဒုးနဲဢ္တဿ္ဒိတဿ္တဲာ္၊ ပမ့ဿ္ကႜိဖိနာ္က့ ပမၯဖဲ တဿ္သ့အိဢ္ဒီးပွၯ လဿတဿ္သူဢ္ဆူဢ္သးဆူဢ္သူဢ္ဖွံသးညီပူၯ၊ ယြၯသူပွၯလီၯကမဿကမဢ္ကစီဒီလီၯ.

ယသးအိဢ္ပာ္ဖ်ါ တဿ္မၯအသးဒီးပသကိး ၃ ဂၯ ခံခါ၊ ဖဲပအိဢ္လံာ္စီဆွံကႜိအခါ၊ လဿပသးပ့ၯနီဢ္တသ့၊ တခါဖဲပမၯလိသီတဿ္၊ ဒီးတခါဖဲပကဖ်ိထီဢ္န႔ဢ္လီၯ. ဖဲပႏုာ္လီၯမၯလိသီတဿ္အခါ၊ သရဢ္ဒါယဿဢ္ တဲသကိး ၃ ဂၯဒ္အံၯ၊ ယသးခုဒိဢ္မးဒီးမုဿ္လဿ္လဿ သုကကဲထီဢ္၀ဲ ပွၯမၯယြၯအတဿ္လုဿ္ဒိဢ္ပွ႔ၯ ဒိဢ္ တဖဢ္အဃိ မၯလိတဿ္ဆူဢ္ဆူဢ္ဒီးမၯစ့ဿ္ကီးတဿ္သးခုကစီဢ္အတဿ္မၯတက့ဿ္. ပမၯလိတဿ္တခ်ဳးပွဲၯထီဢ္ ၁ လါ၊ အ၀ဲမဿ ပသကိး ၃ ဂၯလဲၯဆူခိ သ၀ီတဖ်ဿဢ္၊ လဲၯမၯတဿ္သးခုကစီဢ္၊ လဲၯလဿမုဿ္ယဲဿ္နံၯဟါခီ ဒီးဟဲက့ၯ မုဿ္နံၯပူၯဂီၯခီ၊ ဒီးထီဢ္မၯလိတဿ္လဿအစုပူၯ မုဿ္ဃ့ဿ္လီၯတနဢ္ရံဢ္လီၯ. ပဖးလံာ္လဿအ၀ဲမဿ ပဖးန႔ဢ္ တခ်ဳးအါဘဢ္အဃိ၊ အ၀ဲသံကြဿ္ပွၯပစံးဆဿတဘဢ္အါဘဢ္. အမဲာ္တမုာ္တဲပွၯ၊ ယမဿသုဖး၊ သုတဖးထဲသိးသုၾကဿးဖးအဃိ၊ အ၀ဲကြဿ္ပွၯ သုကဲထီဢ္ပွၯလုဿ္ဒိဢ္ပွ႔ၯဒိဢ္တသ့ဘဢ္. က့ၯဘိဢ္ထီဢ္သု လီဿ္မံဒီးက့ၯဆူသုဟံဢ္တက့ဿ္. အ၀ဲက့ၯထီဢ္ဆူဟံဢ္ဖီခိဢ္၊ ပသကိး ၃ ဂၯ ပက့ၯဆူပဒဿး၊ ပတကတိၯ တဿ္နီတဘီဘဢ္. အိဢ္တစိဿ္ ယတဲဖံထဿဢ္လး သရဢ္ဟီက့ၯပွၯအဃိ၊ ပကဘိဢ္ထီဢ္ပတဿ္ဖိတဿ္လံၯ၊ ပကက့ၯဆူပဟံဢ္. အ၀ဲတဲယၯ၊ ပက့ၯတုၯပွၯမ့ဿ္သံကြဿ္ပွၯသုဟဲက့ၯ ဘဢ္မႏုၯလဲဢ္၊ ပမ့ဿ္တဲလဿ ပမၯ လံာ္တဘဢ္သရဢ္ဟီက့ၯပွၯ တလီၯမဲာ္ဆွးဧဲဿ္. ယတဲအီၯမ့မ့ဿ္ဒ္န႔ဢ္ပဘဢ္မၯဒ္လဲဢ္ အ၀ဲတဲယၯ၊ ပကလဲၯ ဆူလာ္ဖးထံက်း လဿကရဿဿ္ခ်ဿ၊ ယကပွ႔ၯဒုးအိသုတဂၯတခြး၊ ၀ံၯပကဟဲက့ၯဖးလံာ္တုၯအဘဢ္ဂ့ၯဂ့ၯ ဒီးပကလဲၯဃ့ကညးသရဢ္လဿ ကသံကြဿ္ကဒီးပွၯတဘ်ီ ပစံးဆဿမ့ဿ္တဘဢ္ပကက့ၯလီၯ. ပမၯဒ္အတဿ္ ဟ့ဢ္ကူဢ္အသိး။ ဒီးမုဿ္ထီဢ္ပလဲၯဆူသရဢ္အဟံဢ္ဖီလာ္၊ ပမၯသီဢ္ပကလုဿ္ဒ္သိးကသ့ဢ္ညါလဿပဟဲ လီၯ. အိဢ္တစိဿ္၊ သရဢ္ဟဲလီၯ၊ ဒီးလဲၯဆ့ဢ္နီၯလဿအလီဿ္ဆ့ဢ္နီၯလီၯ. ပ၀ဲ ၃ ဂၯ ပလဲၯဆဿထဿဢ္လဿ အလီဿ္ဆ့ဢ္နီၯကပၯ၊ အ၀ဲသံကြဿ္ပွၯ၊ သုဟဲမၯမႏုၯလဲဢ္. ပတဲအီၯ၊ ပဖးနလံာ္၀ံၯလံ၊ ၀ံသးစူၯသံကြဿ္ပွၯ ပစံးဆဿမ့ဿ္တဘဢ္၊ ပကက့ၯဆူပဟံဢ္လီၯ. အ၀ဲမဿပဆ့ဢ္နီၯ၊ ဘါထုကဖဢ္၀ံၯဒီးသံကြဿ္ပွၯတဂၯ၀ံၯတဂၯ ပစံးဆဿဘဢ္ဂ့ၯဂ့ၯလီၯ. အ၀ဲတဲပွၯခဲမဟါ ဟဲဆူယဟံဢ္တက့ဿ္. ပဟဲက့ၯပတဲလိာ္ပသး၊ မ့ဿ္ကမၯပွၯဒ္ လဲဢ္. ဟါခီပလဲၯဆူအဟံဢ္၊ ကြဲက့ၯ၀ဲပကလၯခီဖ်ိဒုးအီဢ္ပွၯအါစျခံလဿခြးဖးဒိဢ္ အပူၯဒီးကိဢ္ခ့း၊ ပအီဢ္ အီၯပနီဿ္ခိဒီးပသးခုဢ္လီၯန႔ဢ္လီၯ. အ၀ဲဘါထုကဖဢ္လဿပဂီဿ္၊ ဒီးပဟဲက့ၯဆူပဒဿးပွဲၯဒီးတဿ္သးခု အိဢ္ဒီး တဿ္ပာ္လီၯပသးလဿပကမၯလိတဿ္ဆူဢ္ဆူဢ္လီၯ.

အဂၯတခါ၊ ပသကိး ၃ ဂၯ၊ ပမၯလိတဿ္ ၄ နံဢ္ပွဲၯထီဢ္၊ ခဲမုဿ္ဆ့ဢ္မ့ဿ္မုဿ္အိဢ္ဘွံးနံၯ ကအိဢ္ဒီးပတဿ္ဖ်ိကႜိ အတဿ္ရဲဢ္တဿ္က်ဲၯအဃိ၊ ပသးခုလီၯ. ဟါအ၀ဲန႔ဢ္ ပကတိၯနံၯကတိၯအ့သကိးတဿ္ဒီး ကႜိဖိအဂၯတဖဢ္ တုၯလဿ ၁၁ နဢ္ရံဢ္၊ ဒီးဖဲပသါကမံန႔ဢ္၊ ပသကိး ၃ ဂၯပထုးလီၯပပ့ဿ္ပီၯတန႔ဿ္ဘဢ္. ပနာ္လဿ ပွၯတဂၯ ဂၯကစဿဿ္ကဒါပပ့ဿ္ပီၯလီၯ. ပကတိၯနံၯကတိၯအ့ဒီးမၯဘဢ္က့ၯပပ့ဿ္ပီၯ၀ံၯ ပမံလီၯ. လဿမုဿ္နၯခီ ၂ နဢ္ရံဢ္၊ ပွၯတဂၯလူပသကိး ၃ ဂၯလဿထံ၊ ပပ့ဿ္ပီၯပယဢ္လုး ပခိဢ္ဘဢ္စီဢ္၊ ပဖုးသံပ်ီဿ္သံလီၯ. ပခြဲးကဲၯ ထီဢ္လီမ့ဢ္အူ၊ ဒီးကႜိဖိအဂၯတဖဢ္ဟဲကြဿ္ကီပွၯလီၯ. ပ၀ဲ ၃ ဂၯတခီ၊ ပဘ့ဢ္လီၯပပ့ဿ္ပီၯ၊ ပပာ္ကြံာ္ပယဢ္ လုး ကထြါပခိဢ္အခါ ပနံၯသကိးလီၯ. ယသံကြဿ္ပယီၯ မိစဲးအီဢ္သြ႔ဢ္ လဿအမၯလိ စပဲဢ္ရွဲဢ္န႔ဢ္၊ ပွၯစဿက ဒါ ပပ့ဿ္ပီၯ၊ ပွၯလူပွၯလဿထံန႔ဢ္မ့ဿ္နၯဧါ. တမ့ဿ္ဧဲၯ. အ၀ဲနံၯဒီးတဲ၀ဲ၊ မ့ဿ္ယၯနဲဢ္. ယမၯကြဿ္သုသးသဲးသဲး လီၯ. သုဒိးစဲးလံာ္ဖ်ိအဃိ၊ ခဲမုဿ္ဆ့ဢ္ကႜိခိဢ္ကဟ့ဢ္သု လဲးမးလဿသုဖ်ိ (B Th.) လံ၊ ဒီးသုကမၯယြၯ အတဿ္မၯလီၯ. ယဲတခီယဒိးစဲးကြဿ္သုတဿ္ပာ္သူဢ္ပာ္သး၊ သုသကဲးပ၀းလဿသုၾကဿးဒီးယြၯအတဿ္မၯ တၾကဿးလဲဢ္. ဒီးမ့ဿ္လဿသုတသးဒိဢ္ကဒူးကဒ့ဢ္ဘဢ္၊ မ့မ့ဿ္သုပာ္သုသးဂ့ၯကစီဒီအဃိ၊ သုဖ်ိယတဿ္ဒိးစဲး လံ၊ သုၾကဿး၀ဲဘဢ္၀ဲလဿ ခဲမုဿ္ဆ့ဢ္သုကဟံးန႔ဿ္ (B Th.) လဲးမးလီၯ. မိစဲး၊ အီဢ္သြ႔ဢ္၊ ဒိးစဲးပသကဲးပ၀း ပတဿ္ပာ္သူဢ္ပာ္သးလဿပၾကဿးတၾကဿးမၯယြၯအတဿ္တဘ်ီန႔ဢ္၊ မ့ဿ္တဿ္မၯလိဖးဒိဢ္လဿယဂီဿ္ လဿယတသး ပ့ၯနီဢ္နီတဘ်ီဘဢ္န႔ဢ္လီၯ.

ခိးကြဿ္လဿ္အကူာ္ ၄

June 18, 2010

မၯလိတဿ္လဿကိဢ္သဢ္ဖႜဴဢ္တီၯထီကႜိ ဒီးယူဒၯသဢ္ခီလ့ဢ္ကႜိ (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၂)

(၁၉၂၀-၁၉၂၇)
ယဖ်ိထီဢ္ ၇ တီၯ၊ ဒီးလဲၯမၯလိဖ်ိအတီၯ ၁၀ လဿကိဢ္သဢ္ဖႜဴဢ္ကႜိ၀့ဿ္ပသံဢ္လီၯ. တခ်ဳးယလဲၯ၊ ယပဿ္ပွ႔ၯ န႔ဿ္ယၯတလါထးဘူဒီးဆံးတဖ်ဿဢ္၊ ယဖဿႏုာ္ယကူယသိးစွၯဘ့ဢ္၊ ဒီးလဲၯလဿလ့ဢ္မ့ဢ္အူအခါ၊ ယသကိး တဂၯပာ္လီၯဘဢ္အတလါဃဿဖးဒိဢ္တဖ်ဿဢ္လဿ ယတလါအဖီခိဢ္၊ ယတလါဘံဢ္ဘဢ္အသး၊ ယဘဢ္ကိး က့ၯယတလါလဿ မႏုၯလဲဢ္ယတဲတဘဢ္ဘဢ္. ယပဿ္မၯသကိးတဿ္ဒီးမံးရွဿဢ္နရံဢ္သရဢ္ဟါရံဢ္၊ န႔ဿ္ဘဢ္ တလါ ၄၀ ဘးဘဢ္ဆွဿ၀ဲအဖိ ၅ ဂၯလဿကႜိလဿတဿ္ဃံးတဿ္စ့ၯအပူၯလီၯ. ယဲတခီယလဲၯအိဢ္ကႜိ၊ ယထံဢ္ ယသကိး ဟဲလဿဟီကတး၊ သဢ္ယဢ္၀တံဢ္၊ ညီဢ္လ့ပ့ဢ္၊ ရွႊဢ္ကႜ႔ဢ္ ပွၯဆွဿန႔ဿ္အီၯစ့၊ မုဿ္ဆါခီန႔ဢ္ ပွ႔ၯအိပွ႔ၯအီဢ္တဿ္၊ မ့မ့ဿ္ယၯဒီးယသကိးလဿတီအူတဂၯ၊ ပွၯတဆွဿန႔ဿ္ပွၯစ့အဃိ၊ မုဿ္ဆါခီ ၁၂ နဢ္ရံဢ္၊ ပအိထံ၀ံၯပမံလီၯလဿပလီဿ္လီၯ. ပွဲၯထီဢ္ ၃ လါယကြဲးတဲယပဿ္၊ ပဿ္ဧဿ၊ နဆွဿယၯလဿကႜိဆွဿကီးယၯ ဂ့ၯဂ့ၯတစဲး၊ ဆွဿန႔ဿ္ကီးယၯစ့လဿမုဿ္ဆါခီ ယကပွ႔ၯအီဢ္ဘဢ္တဿ္ဒ္ယသကိးတဖဢ္တဘီ၊ ယပဿ္ဆွဿန႔ဿ္ ယၯစ့ ၆ ဘး၊ ယသကိးတရဿနံၯဘဢ္ယၯ၊ တဲ၀ဲနပဿ္တဂၯဆွဿန႔ဿ္နၯစ့ တမ့ဿ္ကိး ၅ ဘး၊ တမ့ဿ္ကီး ၁၀ ဘး၊ ဆွဿ၀ဲ ၆ ဘးလီၯနံၯကီးလီၯ. ယကြဲးတဲယပဿ္လဿကဆွဿန႔ဿ္ယၯ ၁၀ ဘး၊ မ့တမ့ဿ္ပွၯနံၯဘဢ္ယၯ လီၯ. လဿခံတဘ်ီ ယပဿ္ဆွဿန႔ဿ္ယၯ ၇ ဘး၊ ယသကိးတရဿတဲကဒီးယၯ၊ နပဿ္တဂၯဆွဿန႔ဿ္နၯစ့ ၆ ဘး၊ ၇ ဘး၊ တမႜိတပါဘဢ္ပွၯလီၯ. ယကြဲးတဲကဒီးယပဿ္၊ နဆွဿအါထီဢ္ ၁ ဘးတမ့ဿ္ဒံးက်ဲဘဢ္. ဆွဿန႔ဿ္ယၯ ၁၀ ဘးတီတီ၊ မ့တမ့ဿ္ယသကိးနံၯဘဢ္ယၯဧဲဢ္. ယပဿ္ကြဲးတဲယၯ၊ ဖိခြါဧဿ၊ ယအဲဢ္ဒိးဆွဿန႔ဿ္နၯ ၁၀ ဘးနာ္သက့ ယဘဢ္လဿာ္ဒံးလဿ နပုဿ္ ၄ ဂၯအိဢ္ကႜိအဃိပဿ္ဆွဿသ့ဒဢ္ပွဲၯန႔ဢ္လီၯ.

ကႜိပ်ဿ္ယက့ၯတုၯ ဟံဢ္ယပဿ္တဲယၯဖိခြါဧဿ၊ နမၯလိ ၈ တီၯ အဃိပဿ္မၯန႔ဿ္နၯမံးရွဿဢ္နရံဢ္အကတဲဢ္ လီဿ္လံၯတဖ်ဿဢ္ မံလဿအဖီခိဢ္၊ ပဿ္ဖ်ိဒဢ္ ၅ တီၯအဃိ ကမံလဿတဿ္ဖီလာ္လီၯ. မုဿ္ဆ့ဢ္ထီဢ္ယပဿ္ တဲယၯ၊ နကလဲၯပိာ္ ယခံဆူဖႜါပူၯဧါ၊ ယအဿဢ္လီၯအီၯအိဢ္ဒီးတဿ္မုဿ္လဿ္လဿ ကပွ႔ၯဒုးအီဢ္ယၯ ခီးဆြဲ၊ ဒုးအိယၯထံခုဢ္ဖဢ္လူဢ္ဒဢ္၊ ဒီးယပိာ္ထီဢ္အခံလီၯ. အ၀ဲတခီမံးရွဿဢ္နရံဢ္ သရဢ္မဿအလဲၯဆူရူ၊ တဿ္ဆါဟံဢ္၊ ဆူလံာ္တဿး၊ ဘဢ္ပွ႔ၯန႔ဿ္အီၯတဿ္အံၯတဿ္ႏုၯအဃိ ယပိာ္အခံယံာ္ ၂ နဢ္ရံဢ္လံ၊ တအီဢ္ တအိဘဢ္ဒံးတဿ္နီတမံၯဒံးဘဢ္. ယသးဟးဂီၯလဿယပိာ္ကမဢ္ယပဿ္အခံအခါ၊ ယမဲာ္ခ်ံခံဖ်ဿဢ္ဘဢ္ဆူ ယပဿ္အခီဢ္ညါသး၊ ယထံဢ္လဿခီဢ္ဖံးတံးညာ္လဿအဒိး၀ဲန႔ဢ္ ညာ္ဒီးအခီဢ္ဆဢ္ဖိ ဖ်ိးထီဢ္၊ ယထံဢ္ဃီၯ တဘ်ီဃီယသးဘဢ္ဒိ လဿဒ္သိးယၯဒီးယပုဿ္ ၄ ဂၯကအိဢ္ဘဢ္ကႜိအဂီဿ္၊ အ၀ဲဘဢ္ဟးထီဢ္ဟးလီၯကိး မုဿ္နံၯ၊ အခီဢ္ဖံးညာ္နာ္သက့၊ ပွ႔ၯဒိး၀ဲအသီတန႔ဿ္ဘဢ္. အန႔ဢ္ဒီးယတဲယပဿ္၊ န၀ံတဿ္ပွဲၯထဿဢ္ခံဖ်ဿဢ္ ယက၀ံစဿၯနၯ၊ ယပဿ္တဲယၯ နဲနမၯလိ ၈ တီၯ၊ ပဿ္မၯလိဒဢ္ ၅ တီၯအဃိ၊ ပဿ္တဒုး၀ံနၯဘဢ္. ယဟံး န႔ဿ္ဆူဢ္လဿယပဿ္အအိဢ္ဒီး ၀ံစဿၯအီၯတဖ်ဿဢ္လီၯ. အ၀ဲတဲယၯဖိခြါဧဿ၊ ယတဿ္မၯ၀ံၯလံ၊ ယပွ႔ၯတဿ္ ၀ံၯ လံအိဢ္ဒဢ္ပကက့ၯလီၯ. နသါအီဢ္ခီးဆြဲဧါ၊ နသါအိဖဢ္လူဢ္ဒဢ္ ဧါ၊ ယတဲအီၯပဿ္ဧဿ၊ ယတအီဢ္တအိတဿ္ နီတမံၯဘဢ္. ပကက့ၯ. ယအီဢ္ယအိကလီၯဧါ၊ ခီဢ္ဆဢ္ခံဘိဖ်ိးထီဢ္၊ မ့ဿ္ဒဢ္ယပဿ္တူဿ္ဆါအသးလဿ ယကအိဢ္ဘဢ္ကႜိအဂီဿ္လီၯ. စးထီဢ္ဖဲန႔ဢ္ ယမၯလိတဿ္လဿတီၯကႜိ၊ ခီလ့ဢ္ကႜိ၊ လံာ္စီဆွံကႜိ၊ ယတကြဲး ဃ့ယပဿ္အစ့နီတဘ်ီဘဢ္. ဖဲအ၀ဲဟ့ဢ္ယၯအါဘဢ္ယၯတခီဒံးလီၯ. ယထံဢ္ယပဿ္အခီဢ္ဆဢ္ခံဘိဖ်ိးထီဢ္၊ ဆွဿယၯတဿ္ဆိကမိဢ္တုၯလဿသူဢ္လဿသး၊ ဒ္သိးပကန႔ဿ္ဘဢ္တဿ္အုဢ္က့ၯခီဢ္က့ၯအဂီဿ္၊ ကစဿ္ယ့ဢ္ရွဴး ဘဢ္ဟဲတူဿ္တဿ္တုၯဒဢ္လဲာ္ လဿထူဢ္စုညါလိၯန႔ဢ္လီၯ. အန႔ဢ္ဒီး ယစးထီဢ္သိဢ္လိတဿ္လဿ လံာ္စီဆွံ ကႜိ ဒီးန႔ဿ္ဘဢ္ယဘူးယလဲစ့ ၇၅ ဘးန႔ဢ္၊ ယစးထီဢ္မၯဘူဢ္ယတဿ္ဆံဆဲဢ္ပူတပူ လဿယကစဿ္ခရံာ္အဂီဿ္ တုၯခဲအံၯတစုလီၯ. ယပဿ္အဂီဿ္န႔ဢ္ အဆိကတဿဿ္ တလါယပွ႔ၯဆွဿန႔ဿ္အီၯခီဢ္ဖံးတဿ္ကံးညာ္၀ါဂ့ၯဂ့ၯ တစူဿ္၊ မ့မ့ဿ္ယမိဿ္န႔ဢ္ယဆွဿန႔ဿ္အီၯန႔ဢ္လုဢ္ဂ့ၯဂ့ၯတဘ့ဢ္၊ ဒီးအ၀ဲသ့ဢ္ဒိးထီဢ္ ကူထီဢ္၀ဲလဿမုဿ္အိဢ္ဘွံး နံၯ၊ ဒီးပွၯသံကြဿ္အီၯ၊ သုခီဢ္ဖံး သုနံဢ္ဂ့ၯဂ့ၯသုပွ႔ၯဘဢ္ဆံးအါလဲဢ္. တဲဆဿ၀ဲ၊ ယဖိခြါပွ႔ၯန႔ဿ္ပွၯလဿ အဘူး အလဲအခီဢ္ထံးတလါ ဆွဿန႔ဿ္ပွၯလီၯ. ယမၯဆဿယမိဿ္ယပဿ္အတဿ္ခီဢ္ဆါအသးလဿ ယဂီဿ္မ့မ့ဿ္ တဿ္ဆံးနာ္သက့၊ အ၀ဲသ့ဢ္သးမုာ္၀ဲဖးဒိဢ္အသိး၊ ကစဿ္ခရံာ္တူဿ္တဿ္လဿပဂီဿ္ ပမ့ဿ္မၯဆဿက့ၯအဘ်ဳး၊ ကသးခု၀ဲဆံးဒိဢ္လဲဢ္.

ယမၯလိတဿ္ ၃ နံဢ္လဿကိဢ္သဢ္ဖႜဴဢ္တီၯထီကႜိန႔ဢ္၊ ကႜိခိဢ္သရဢ္ခႜဳးဖိဟ့ဢ္ပွၯတဿ္တိာ္ထူ လုဿ္ဒိဢ္ပွ႔ၯဒိဢ္ ၂ ဘီလဿယသးပ့ၯနီဢ္တသ့ဘဢ္မ့ဿ္၀ဲ၊
၁. ပွၯမ့ဿ္နာ္နၯန႔ဢ္၊ ဒ္သိးနသုတလီၯတဲာ္လဿပွၯအတဿ္နာ္န႔ဿ္နၯ ပလီဿ္နသးတက့ဿ္.
၂. ပွၯမ့ဿ္တနာ္န႔ဿ္နၯန႔ဢ္၊ ဒ္သိးပွၯကနာ္န႔ဿ္နၯ၊ က်ဲးစဿးတက့ဿ္.
ဖဲယဖ်ိထီဢ္ တီၯ ၁၀ န႔ဢ္ လဿယဖ်ိအလဲးမးအပူၯကႜိခိဢ္ကြဲးတဿ္လဿယဂ့ဿ္ ၂ ဘီ၊
၁. အ၀ဲဖႜဲးလဿတဿ္ဂံဿ္တဿ္ဒြး၊
၂. အ၀ဲမ့ဿ္ပွၯလဿပနာ္န႔ဿ္အီၯသ့၊
ဖႜဲးလဿတဿ္ဂံဿ္တဿ္ဒြးတခါ တလီၯဆီလဿယဂီဿ္ဘဢ္. မ့မ့ဿ္ပွၯနာ္န႔ဿ္အီၯသ့တခါ၊ အဘ်ဳးအိဢ္ လဿယတဿ္ အိဢ္မူအပူၯဒိဢ္မးလီၯ.

ဖဲယထီဢ္ယူဒၯသဢ္ခီလ့ဢ္ကႜိန႔ဢ္၊ မ့ဿ္လဿကႜိဒုးအိဢ္ကလီယၯ ယတဟ့ဢ္ဘဢ္မ့ၯခးအဃိ၊ ယဘဢ္မၯတဿ္ လဿကႜိ၊ ဒီးသရဢ္ခဿရံဢ္မဿယမၯစဿၯအီၯလီၯ. အ၀ဲအတဿ္မၯအါ၊ ယပဲဢ္ပါ နာ္သက့၊ ယက်ဲးစဿးမၯဂ့ၯဂ့ၯ ဒီးအ၀ဲသးမံယၯ၊ အဃိ ကႜိအိးထီဢ္အသီတနံဢ္န႔ဢ္ အ၀ဲမဿယမၯစဿၯကဒီးအီၯလီၯ. ကႜိအိးထီဢ္ကဒီးအ သီတနံဢ္ အ၀ဲတဲယၯ၊ နပဲဢ္ပါနာ္သက့နမၯစဿၯယၯဂ့ၯဂ့ၯ၊ ယစံးဘ်ဳးနၯဒိဢ္မး၊ မ္ယြၯဆိဢ္ဂ့ၯနၯတက့ဿ္. မၯကဒီးဖဲယႏုာ္လီၯသီလံာ္စီဆွံကႜိန႔ဢ္၊ ကႜိခိဢ္သရဢ္မါရွဿဢ္ ဒီးမးမးမါရွဿဢ္ မဿစီၯဖံထဿဢ္လး လဿကြဿ္ထြဲ တဿ္ဖးလံာ္ဒဿး၊ ဒီးမဿယလဲၯဆူအဟံဢ္ကိးဂီၯဒဲး၊ ဟံးန႔ဿ္တဿ္ပရဿဒီးမဲးကစံတဖဢ္ လဿအဟံဢ္ဒီး လဲၯပာ္ လဿတဿ္ဖးလံာ္အဒဿးစပြဲခိဢ္လဿကႜိဖိကဖးလဿ မုဿ္ဆါခီန႔ဢ္လီၯ. အသီခါယမၯဂ့ၯကစီဒီ၊ ဘဢ္ဆဢ္ယ ထံဢ္လဿတဿ္ပရဿမဲးကစံတဖဢ္ အါတက့ဿ္မ့ဿ္ကိၯလၯက်ိာ္ဒီး ပွၯကႜိဖိတလဲၯဖးကဲဢ္ဆိးဘဢ္. အဃိ ယတလဲၯဟံးန႔ဿ္ ဘဢ္ဆဿဘဢ္ကတီဿ္ကိးဂီၯဒဲးဘဢ္. ယလဲၯဟံးန႔ဿ္ဒဢ္လဿမုဿ္ဆါခီ၊ ဒီးတဿ္န႔ဢ္ မးမး မါရွဿဢ္ပာ္သူဢ္ပာ္သး ယတသ့ဢ္ညါဘဢ္. တုၯကႜိအိးထီဢ္လဿခံတနံဢ္ သရဢ္မါရွဿဢ္ ကိးစီၯဖံထဿဢ္လး ဒီးယၯဒီးတဲ၀ဲ၊ တနံဢ္ညါအံၯ ဖံထဿဢ္ကကြဿ္ထြဲကဒီးတဿ္ဖးလံာ္အဒဿး၊ ဒီးမူလဿဿ္ကဟဲဟံးန႔ဿ္ကဒီး တဿ္ပရဿလဿဟံဢ္တက့ဿ္. တဘ်ီဃီ မးမးမါရွဿဢ္တဲထီဢ္၀ဲ၊ မူလဿဿ္မၯတဂ့ၯဘဢ္၊ တဟဲဟံး၀ဲဘဢ္ဆဿ ဘဢ္ကတီဿ္ဘဢ္အဃိ ပကမဿလဿကႜိဖိအဂၯတဂၯလီၯ. တဲ၀ဲဒ္န႔ဢ္တဘီ၊ ယသါကီၯအုဢ္ဘဢ္ယသး၊ ယထံဢ္လီၯယသးလဿ ယလီၯတဲာ္လဿတဿ္နာ္န႔ဿ္ယၯအလီဿ္လံ ယဃ့ကညးအီၯ၊ မးမးဧဿ၊ ၀ံသးစူၯ ဒုးမၯကဒီးယၯ ယမ့ဿ္တမၯဂ့ၯဂ့ၯ၊ ယတအိဢ္လဿၯလံာ္စီဆွံကႜိဘဢ္. ယတၾကဿးဒီးယြၯအတဿ္မၯဘဢ္. မးမးနံၯကမွံထီဢ္ဒီးစံးယၯ၊ မၯဂ့ၯဂ့ၯ၊ မၯဂ့ၯဂ့ၯ စးထီဢ္ဖဲန႔ဢ္ ယမၯဂ့ၯဂ့ၯဒီးတုၯနံဢ္ကတဿဿ္ မးမးတဲ ယၯ၊ ယသးခုလဿတနံဢ္အံၯနမၯ တဿ္ဂ့ၯမးလီၯ. စးထီဢ္ဖဲန႔ဢ္ယပာ္ဒိဢ္သရဢ္ခႜဳးဖိအတဿ္တိာ္ထူခံဘီ၊ ဒီးက်ဲး စဿးအိဢ္မူထြဲန႔ဢ္လီၯ.

ဖဲယႏုာ္လီၯခီလ့ဢ္ကႜိ တဿ္ဒိးစဲးလဿခံကတဿဿ္တဘ်ီန႔ဢ္၊ ယသးထိဢ္ဂဲၯယၯလဿ ယဘါထုကဖဢ္ဒ္အံၯ၊ ကစဿ္ယြၯဧဿ၊ နမ့ဿ္ထံဢ္လဿယမ့ဿ္ဖ်ိတဿ္ဒိးစဲးန႔ဢ္ ယတဿ္အိဢ္မူကကဲဘ်ဳးန႔ဿ္ယတဖ်ိတက့ဿ္န႔ဢ္၊ မၯစဿၯယၯဒ္သိးယကဖ်ိ တက့ဿ္. ဘဢ္ဆဢ္ နမ့ဿ္ထံဢ္လဿယမ့ဿ္တဖ်ိန႔ဢ္၊ ယတဿ္အိဢ္မူကကဲဘ်ဳးန႔ဿ္ယ ဖ်ိတက့ဿ္န႔ဢ္၊ ဖဲဒဢ္နသးလီၯ. ယတဖ်ိဘဢ္. ယသရဢ္ကႜိခိဢ္ထံဢ္လိာ္ယၯလဿက်ဲခိဢ္၊ ကြဿ္ယမဲာ္ဒီးတဲယၯ ဒ္အံၯ၊ နတဖ်ိတဿ္ဒီးစဲးန႔ဢ္ သးဟးဂီၯတဂ့ၯ. နတဖ်ိတဿ္ဒီးစဲးနာ္သက့၊ နသးသမူကဲထီဢ္လိဢ္ထီဢ္သ့ကစီ ဒီလီၯ. ပွၯတနီၯဖ်ိတဿ္ဒီးစဲးနာ္သက့၊ အသးသမူတကဲထီဢ္လိဢ္ထီဢ္ဘဢ္. ဒ္အ၀ဲတဲအသိးမ့ဿ္စဲဃဲၯလီၯ. ယတဖ်ိနာ္သက့၊ ယသးသမူကဲထီဢ္လိဢ္ထီဢ္ကစီဒီလီၯ. ယတံၯသကိးသရဢ္ခႜံးမီဢ္ ဖ်ိဒီးယထံဢ္လဿ အသးသမူကဲဘ်ဳး၊ ယဲယတဖ်ိနာ္သက့ ယသးသမူကဲဘ်ဳးစ့ဿ္ကီး၊ အ၀ဲအမါအိဢ္ယမါအိဢ္၊ အ၀ဲမၯယြၯ အတဿ္မၯ ယြၯသူအီၯ၊ ယဲယမၯဘဢ္ယြၯအတဿ္မၯယြၯသူယၯ စ့ဿ္ကီးလီၯဆီဒဢ္တဿ္လဿပွၯလဿအလီၯ တိဿ္ဒ္ယၯသ့ဢ္တဖဢ္အဂီဿ္လီၯ.

ခိးကြဿ္လဿ္ အကူာ္ ၃

စီၯရွ႔ဢ္ (၁၉၀၅ - ၁၉၂၇) (သရဢ္မူလဿဿ္သဲ အတဿ္လဲၯခီဖ်ိတဖဢ္ - ၁)

တဿ္လဿဖိသဢ္အံၯကကဲထီဢ္ပွၯဒ္လဲဢ္၊ ဒီးယြၯအစုအိဢ္ဒီးအီၯဒ္လဲဢ္လီၯ. လူၯ ၁း၆. ဖဲယမိဿ္ဆံးစဿ္ယၯ န႔ဢ္၊ ယပဿ္ကိးန႔ဿ္ယမံၯလဿစီၯရွ႔ဢ္လီၯ. ယပဿ္မ့ဿ္တဿ္အိဢ္ဖွိဢ္သရဢ္လဿမီၯကိဒဿ လဿတီအူပကူကစဿဿ္ ခိဢ္စီၯစုၯဒီး ၀့ဿ္တီအူ ၄၄ မံးလး လီၯ. ယအိဢ္ဖ်ဲဢ္ထီဢ္လဿလါစဲးပထ့ဘဿဢ္ထီဢ္ ၁၅ သီ ၁၉၀၅ နံဢ္ လဿ ခ်ဿဢ္ဖးဒိဢ္တခိဢ္အဃဿၯအဃိ၊ ဖဲယက့ၯတုၯခ်ဿဢ္အ၀ဲန႔ဢ္ အခီဢ္ထံးတဘ်ီလဿ္လဿ္၊ ယဘါထုကဖဢ္စံး ဘ်ဳးယြၯကိးဘ်ီဒဲးလီၯ. ဖဲယအိဢ္ ၆ နံဢ္န႔ဢ္၊ ယပုဿ္ပိာ္ခြါ ၄ နံဢ္ ဒီးယပုဿ္ပိာ္မုဢ္ ၂ နံဢ္၊ ပ၀ဲသဿဂၯလဿာ္ ဘဢ္န႔ဿ္တဿ္ကူးဖးထီ၊ ပကူးတုၯဒဢ္လဲာ္ ပမဲာ္ခ်ံသါကဖ်ိးထီဢ္၊ ပမဲာ္အသြံဢ္ဟဲထီဢ္၊ ပအိဢ္ထဲပဃံပဖံးလီၯ. ယပုဿ္ပိာ္ခြါအသးဟးထီဢ္၊ ပွၯသ၀ီဖိ မတၯမး တဟဲပဟံဢ္ဘဢ္. ဘဢ္ယိဢ္လဿ တဿ္ကူးဖးထီ ကဘဢ္ကူ ဘဢ္ဂာ္အဖိလီၯ. ယပဿ္ယိးထီဢ္ စီၯဘံနံဢ္အစိဢ္ဒီး ထးဖ်းတဘ့ဢ္၊ ဒီးလဲၯခူဢ္လီၯအီၯဖဲ သ၀ီအခ်ဿလီၯ. ဆူညါတႏြံယပဿ္ယိးထီဢ္ကဒီး ယပုဿ္ပိာ္မုဢ္ နီဿ္လ့ဒ့ဢ္အစိဢ္ဒီးထးဖ်း၊ ယကြဿ္ထြဲဒီးယဆိကမိဢ္ထီဢ္၊ ယဲစ့ဿ္ကီး တယံာ္ဘဢ္ ယပဿ္ကယိးထီဢ္ယစိဢ္ဒ္န႔ဢ္လီၯ. ယမိဿ္ဟီဢ္ဒီး စံးဘဢ္ယပဿ္ အိဢ္တ့ဿ္ဒဢ္တဂၯ၊ ပကပုလီၯအီၯဆူ တီအူ၀့ဿ္၊ ကအိဘဢ္ကသံဢ္ကသီ၊ ကမူန႔ဿ္ပွၯသ့ဢ္သ့ဢ္လီၯ. ယပဿ္ပုလီၯယၯ ခံသီ၊ ဒီးကစဿ္ယြၯအဘ်ဳးဒိဢ္အဃိ၊ ယအိဢ္ဆူဢ္ထီဢ္က့ၯတစဲးဘဢ္တစဲးလီၯ.

ယပဿ္ဘွီထီဢ္ဟံဢ္ဆံးဆံးဖိတဖ်ဿဢ္လီၯ. ခံနံဢ္အလီဿ္ခံ ယပုဿ္ပိာ္မုဢ္အိဢ္ထီဢ္တဂၯလီၯ. ယပဿ္ဟးစိာ္ တဿ္သးခုကစီဢ္ ဒီးမံးရွဿဢ္နရံဢ္ သရဢ္ ျခဿမ္ ဆူကစဿဿ္ခိဢ္အခါ တနံၯတခီဢ္ဖဲယမိဿ္တအိဢ္လဿဟံဢ္၊ တဿဿ္ဒ့အိဢ္လဿဟံဢ္ခိဢ္၀ဢ္အပူၯအ့ဢ္ယနဿ္လီၯ. ယဟံးန႔ဿ္ကဟံလဢ္၊ ယဒြဲဢ္တဿဿ္ဒ့လဿမ့ဢ္အူ ဒီး မ့ဢ္အူအီဢ္ဟံဢ္ လီၯ. ဖဲပွၯဟဲဃ့ဿ္တုၯန႔ဢ္ အ၀ဲသ့ဢ္ထံဢ္လဿမ့ဢ္အူအီဢ္လံဟံဢ္ဒီဖ်ဿဢ္ ဒီးတဿ္ခဲလဿာ္ လဿအပူၯလံ၊ ဒီးအ၀ဲသ့ဢ္က့ၯလီၯ. ယတဲဘဢ္ယမိဿ္လဿ ယဒြဲဢ္တဿဿ္ဒ့ ဒီးမ့ဢ္အူအီဢ္ဟံဢ္အဂ့ဿ္လီၯ. ယမိဿ္တဲကသြံဒံယၯ၊ ပွၯမ့ဿ္သံကြဿ္နၯ တဘဢ္တဲလဿနဒြဲဢ္တဂ့ၯ၊ နမ့ဿ္တဲဒ္န႔ဢ္ ပဒိဢ္ကဖီဢ္နၯ ဒီးပဿ ႏုာ္နၯလဿဃိာ္ပူၯလီၯ. သ့သ့ဘဢ္ဘဢ္ဖဲမ့ဢ္အူအီဢ္ဟံဢ္အခါန႔ဢ္၊ ပယီၯတဿ္ပ်ဳဿ္အမံၯ ကိဢ္ဖိမီဢ္ ဟဲလဿ ပွၯသကိးလီၯ. ပွၯက့ၯလဿာ္လံသနာ္က့၊ အ၀ဲဆ့ဢ္နီၯကြဿ္မ့ဢ္အူ အီဢ္ဟံဢ္အလီဿ္လီၯ.

ဟံဢ္ဧါ၊ အ၀ဲတဲဆဿ၊ သါဒြဲဢ္. ယသးခုနဲဢ္၊ အူဖိဟဢ္ဃါအီၯ၊ နဒြဲဢ္ပွၯဟံဢ္ နပ်ဳဿ္ဧါ၊ အ၀ဲတဲဆဿ၊ သါတဒြဲဢ္ဘဢ္ သါနါစိၯတဲလီၯ. အူဖိဟဢ္သံကြဿ္ကဒီးယၯ၊ နဒြဲဢ္ဧါ၊ ယတဲယတဒြဲဢ္ဘဢ္၊ အူဖိဟဢ္တဲ ယၯ ဒီးကိဢ္ဖိမီဢ္ သုမ့ဿ္တဒြဲဢ္ဟံဢ္နီတဂၯကမ့ဿ္ဒဢ္ ဟံဢ္ဒြဲဢ္လီၯအသးလီၯ. ဒီးအ၀ဲဒဢ္က့ၯလီၯ. ပဟံဢ္တအိဢ္၊ မုဿ္နၯခီ ယၯဒီးယမိဿ္ဒီးယပုဿ္ဆံး ပိာ္မုဢ္၊ ပမံလဿဟီဢ္ခိဢ္လိၯလဿဃီၯအိဢ္ဒီးအသဢ္ တထူဢ္အဖီလာ္လီၯ. ဘဢ္တဟါတခ်ဳးလဿယမံ ယမိဿ္တဲပႜးယၯမူခိဢ္ဒီးလရာ္၊ တဲ၀ဲ ပမ့ဿ္ဘါယ့ဢ္ရွဴး ဒီး မူဂ့ၯဂ့ၯန႔ဢ္ ပမ့ဿ္သံပကတုၯလဿမူခိဢ္၊ မ့မ့ဿ္ပမ့ဿ္တဒိးဘ်ဿထံ၊ လီတဿ္၊ ဟုဢ္တဿ္၊ မၯတဿ္အဿန႔ဢ္၊ ပသံ ပလီၯဆူလရာ္ပူၯဒီး တူဿ္ဘဢ္တဿ္နးတဿ္ဖွီဢ္လီၯထူလီၯယိာ္လီၯ. ယမိဿ္မံလံ၊ ယမံတန႔ဿ္ဘဢ္. ယဆိ ကမိဢ္၊ ယၯအံၯယဒြဲဢ္ဟံဢ္၊ ယလီတဿ္လဿယတဒြဲဢ္ဘဢ္၊ ယဟုဢ္ယမိဿ္အတိဿ္လီၯဖွံဢ္တဘ်ီ၊ ယတဒိး ဘ်ဿထံဒံး၊ တနၯအံၯဃီၯသဢ္မ့ဿ္လီၯတဲာ္လဿယခိဢ္လိၯ၊ မ့တမ့ဿ္ဂုဿ္မ့ဖ်းယၯ၊ ယမ့ဿ္သံယကတုၯလရာ္ လီၯ. ယပ်ံၯတဿ္ဒိဢ္မးလီၯ. ယမံဘဢ္ယသးအခါ၊ ယမံမီဿ္ဒီးထံဢ္တဿ္ကပီၯဖးဒိဢ္လဿမူခိဢ္ဆဲးကပီၯ လီၯဆူဟီဢ္ခိဢ္၊ ဒီးပွၯဟီဢ္ခိဢ္ဖိကိးဂၯဒဲးအိဢ္ဒီးအဒံးဆ့ဒီး ယူၯထီဢ္ဆူမူခိဢ္လီၯ. တနီၯယူၯထီဢ္အဖဿ၊ တနီၯယူၯ၀ဲအဂံဿ္အဘါလီၯစဿ္ ဟဲက့ၯလီၯပွီဿ္ပွီဿ္၊ ယဲတခီယယူၯထီဢ္ဖးထီလီၯ. ယထံဢ္ယပုဿ္လဿအသံ ခံဂၯယူၯလဿယဖီခိဢ္လီၯ. ယက်ဲးစဿးယူၯခ်ဳးန႔ဿ္အီၯအခါ၊ လဿမူခိဢ္စုကျပဳဿ္ကျပီၯတခီဖ်ါထီဢ္၊ ဖီဢ္စွီၯ၀ဲ ပွၯဂီဿ္မုဿ္ညါ ပဢ္ဃုာ္ ယပုဿ္ခံဂၯ၊ မ့မ့ဿ္ယၯတဂၯယတပဢ္တ၀ဿ္ဘဢ္. တဘ်ီဃီ ယဖုးသံနီဢ္၊ ယသးပူၯ န႔ဢ္အိဢ္ထီဢ္၊ ယပုဿ္ခံဂၯတုၯမူခိဢ္လံ. မ့မ့ဿ္ယၯယမ့ဿ္သံခဲအံၯ ယတတုၯဘဢ္. ယဘါထုကဖဢ္လဿကစဿ္ ယြၯကပ်ဿ္ယတဿ္ဒဲးဘးလီၯ. မုဿ္ဆ့ဢ္၀ါထီဢ္ ယလဲၯဆူသရဢ္ပာ္စု သရဢ္အအူ အအိဢ္၊ ဒီးတဲအီၯလဿ ကဆဲးလီၯယမံၯလဿ ပွၯကဒိးဘ်ဿထံအက်ါလီၯ. ဖဲသရဢ္သံကြဿ္ပွၯကဒိးဘ်ဿထံတဖဢ္တဂၯဘဢ္တဂၯ ၀ံၯန႔ဢ္၊ တဿ္အိဢ္ဖွိဢ္သးပွဿ္တဂၯတဲ၀ဲ၊ ဖိသဢ္စီၯရွ႔ဢ္တဂၯ အိဢ္ဒံးဒဢ္ ဃိးနံဢ္ သးစဿ္ဒံးအဃိ၊ ပတဘ်ဿ အီၯဒံးဘဢ္. နာ္သက့သရဢ္မုဢ္လဿအသိဢ္လိဘဢ္ယၯတဂၯ တဲ၀ဲ အ၀ဲမ့ဿ္ဆံးနာ္သက့ အသူဢ္ဂ့ၯသး၀ါ အဲဢ္ထူအဲဢ္ယြၯ၊ အမဲာ္ညါ အပဿ္မ့ဿ္သရဢ္ဒီးကသိဢ္လိအီၯ၊ အဃိသါဆွဿႏုာ္လဿကဘ်ဿဘဢ္ထံလီၯ. အန႔ဢ္ဒီး ပွၯခဲလဿာ္ဘဢ္အသး၊ ဒီးယဒိးဘ်ဿဘဢ္ယသးလဿတဿ္သးခုဖးဒိဢ္အပူၯလီၯ. ယဘ်ဿထံ၀ံၯ ယထံဢ္ယမံၯကြဲးလီၯအသးလဿ ကဘဢ္ရူးလံာ္စီဆွံလဿက်ဲးစဿးကရဿတဿ္ဘါလီၯ. ယပဿ္တဲယၯ၊ ဖိခြါ၊ နတရူးဒံးလဿပွၯမဲာ္ညါနီတဘ်ီအဃိ၊ တဘဢ္ရူးထီထီတဂ့ၯ. ရူးဒဢ္ ရိမ့ၯ ၆း၂၃. အဂ့ဿ္ဒ္အံၯ၊ တဿ္ဒဲးဘး အဘူးအလဲမ့ဿ္တဿ္သံလီၯ. ဒ္ယပဿ္ဟ့ဢ္ကူဢ္ယၯအသိး ယဒဿဢ္ထံယရူး ယဟးထီဢ္ဟးလီၯယရူးလီၯ. တုၯဃီၯလဿဘဢ္ရူးနီဿ္ကီဿ္န႔ဢ္ ယဆဿထဿဢ္ဒီးသါကရူးပွၯရူးလဿယမဲာ္ညါတဂၯအဃိ ယဆ့ဢ္နီၯလီၯ. ယဆဿထဿဢ္ပွၯရူးကဒီးတဂၯလီၯ. လဿခံပွၯရူးလဿာ္၊ ယဆဿထဿဢ္လဿသးကနိးကစုာ္အပူၯ ဒီးရူး၊ လဲၯအသးကဒံကဒါ၊ အဂ့ဿ္ဒ္အံၯ၊ တဿ္ဒဲးဘး၊ တဿ္သံ၊ အဘူးအလဲ၊ အဂ့ဿ္ဒ္အံၯ၊ အဘူးအလဲ၊ ယရူးကဒံ ကဒါဒ္န႔ဢ္အခါ၊ ပွၯခဲလဿာ္ကြဿ္ယၯ၊ ပွၯလဿယကပၯတဂၯထုးဆ့ဢ္နီၯယၯလီၯ. ယဲခီတဆ့ဢ္နီၯဘဢ္. ယရူးဆူအံၯတဘီဆူန႔ဢ္တဘီ တဘဢ္လဿၯနီတဘ်ီဘဢ္. လဿခံယဆ့ဢ္နီၯလဿတဿ္၀ံဟးကလၯဟး အပူၯ လီၯ. ယက့ၯတုၯဟံဢ္ယတခြါမုဢ္တဂၯ တဲယမိဿ္ယပဿ္၊ ရူးလံာ္ခီ တလိၯတဃီၯ တဆ့ဢ္နီၯ ကီး ဘဢ္. သါသကိးတရဿတဲသါ၊ နတခြါတမၯမၯမႏုၯတဿ္ဂီၯဒ္န႔ဢ္လဲဢ္. သါမဲာ္ဆွးတသ့တဘဢ္ဘဢ္. အ၀ဲ တဲယၯ၊ ဆူခံတဘဢ္ရူးလဿၯနီတဘ်ီတဂ့ၯ. ယပဿ္တခီတဲယၯ၊ သးဟးဂီၯတဂ့ၯ. က်ဲးစဿးကရဿန႔ဢ္ မ့ဿ္ဒ္သိး ပွၯက်ဲးစဿးကရဿဖိကက်ဲးစဿး မၯဒူထီဢ္မၯသ့ထီဢ္အသး လဿပွၯမဲာ္ညါ လဿကစဿ္ယ့ဢ္ရွဴး အဂီဿ္ လီၯ. အဃိပဿ္ဟ့ဢ္ကူဢ္နၯ၊ လဲၯဆူက်ဲးစဿးကရဿခိဢ္အအိဢ္ မဿအဆဲးလီၯကဒီးနမံၯလဿပွၯရူးလံာ္၊ ၀ံၯ ဒီး ရူးကဒီးနလံာ္စီဆွံ တဆဿဃီန႔ဢ္တက့ဿ္. ဒ္ယပဿ္ဟ့ဢ္ကူဢ္ယၯ၊ ယလဲၯတဲက်ဲးစဿးကရဿခိဢ္ ဒီးအ၀ဲ တဲယၯ၊ နသါကမၯနံၯကဒီးတဿ္အသီတဘ်ီဧါ. အ၀ဲဆဲးလီၯယမံၯလီၯ. ဖဲယလဲၯရူးလံာ္န႔ဢ္ ယပဿ္ဘါ ထုကဖဢ္လဿယဂီဿ္၀ံၯဒီးတဲယၯ၊ ဖိခြါဧဿ၊ ဖဲနဆဿထဿဢ္လဿနကရူးလံာ္န႔ဢ္၊ ပွၯမ့ဿ္ရူးနာ္သက့၊ တဘဢ္ ဆ့ဢ္နီၯတဂ့ၯ. ရူူးဒဢ္နတဿ္ဖးဒိဢ္ဖးဒိဢ္တက့ဿ္. ဒ္ယပဿ္ဟ့ဢ္ကူဢ္ယၯအသိးယမၯလီၯ. ပွၯတဂၯရူးဒဢ္ အတဿ္ ယဲယရူးဒဢ္ယတဿ္၀ံၯ၀ဲဂ့ၯဂ့ၯဘဢ္ဘဢ္လီၯ. လဿခံ ယဒူထီဢ္လဿကမ်ဿဿ္အမဲာ္ညါ တုၯဒဢ္လဲာ္ ဖဲယအိဢ္ ၁၅ နံဢ္န႔ဢ္၊ ပွၯဃုထဿထီဢ္ယၯလဿက်ဲးစဿးကရဿခိဢ္လီၯ. ဖဲပွၯဃုထဿထီဢ္ယၯအခါ ယတဲ အီၯ၊ ယမၯတသ့တၾကဿးအဃိ ဃုထဿပွၯလဿအဂၯတဂၯ၊ နာ္သက့ ပွၯဃုထဿဒဢ္ယၯ၊ ဒီးဒီနံဢ္ညါ ယကဲပွၯပဿၯလီဿ္ဆ့ဢ္နီၯ၊ ပမၯသကိးလဿ တဿ္တဘဢ္သံပွိၯသံအပူၯ အိဢ္ဒီးတဿ္နံၯတဿ္အ့၊ ပသးမုာ္ သကိးလီၯ.

စးထီဢ္လဿတတီၯ တုၯလဿဖ်ိထီဢ္ ၇ တီၯန႔ဢ္၊ ယမၯလိတဿ္လဿတီအူပကူကႜိလီၯ. ၃ တီၯသရဢ္တဂၯ ဖ့်တဿ္ဆူဢ္ ဖ့်တဿ္ဆါအဃိ၊ ယပ်ံၯအီၯကတဿဿ္လီၯ. ယပ်ံၯအီၯတုၯဒဢ္လဲာ္၊ မ့ဿ္သံကြဿ္လံာ္ယတဲဆဿ အီၯလဲၯအသးကဒံကဒါ၊ အ၀ဲဖ့်ယၯ တဘီဆါနဲာ္တဘီဆါဒီး၊ ဒီးတဲယၯ နၯတဂၯအံၯနတလီၯဂာ္ပွၯ ကူပွၯကညီ၊ နလီၯဂာ္ကိၯလၯသူအကစဿ္ယြၯ၊ ပယီၯတဿ္ပ်ဳဿ္ကိဢ္ဖိမီဢ္၊ နခိဢ္သဢ္ဃံအိဢ္ထဲကပံာ္၊ နမၯလိလံာ္တမ့ဿ္ နကကဲထီဢ္တဿ္နီတမံၯဘဢ္. ယသးဟးဂီၯနးကတဿဿ္လီၯ. ဘဢ္တဟါယမိဿ္ဖူယခိဢ္ လဿကသံဢ္ဖူ၊ သးကညီၯယၯ ဟီဢ္ဒီးတဲ၀ဲယၯ၊ ဖိခြါဧဿ၊ နတသံလဿတဿ္ကူးဖးထီဘဢ္. နကသံလဿ နီဢ္ဖ့်အီဢ္နၯ၊ မိဿ္သးကညီၯနၯ၊ တဘဢ္မၯလိလဿၯလံာ္တဂ့ၯ. ယပဿ္တခီဟ့ဢ္ဆူဢ္ထီဢ္ယဂံဿ္ယဘါ တဲယၯ၊ ဖိခြါဧဿ၊ ကနဢ္နသရဢ္ဒီးနမိဿ္တဂ့ၯ. ကနဢ္ဒီးမၯဒ္ ယတဲနၯအသိး၊ တဿ္ကတိၯခံဘီလီၯ. ၁. က်ဲးစဿး၊ ၂. သန႔ၯနသးလဿယြၯ၊ နကကဲထီဢ္ဒဢ္တဿ္တမံၯမံၯကစီဒီလီၯ. ယဒိကနဢ္ဒီးမၯဒ္ယပဿ္ တဲယၯအသိးအဃိ၊ ကစဿ္ယြၯအဘ်ဳးအဖွိဢ္အတဿ္မၯစဿၯ၊ ယကဲထီဢ္ဘဢ္သရဢ္မူလဿဿ္၊ ပွၯအမါအိဢ္ ယမါအိဢ္၊ ယမၯဘဢ္ယြၯအတဿ္မၯအါနံဢ္အါလါလံတမ့ဿ္ဧါ၊ ဖဲယဖ်ိထီဢ္လံာ္စီဆွံကႜိန႔ဢ္၊ ယသရဢ္လဿ အသးဟးဂီၯယၯန႔ဢ္ မ့ဿ္တီအူပကူ၀့ဿ္ အတဿ္အိဢ္ဖွိဢ္အပွၯကြဲးလံာ္ ဒီးအ၀ဲကြဲးန႔ဿ္ယၯလံာ္ ပရဿ၊ ခဲအံၯ ပတဿ္အိဢ္ဖွိဢ္သရဢ္သံလံအဃိ၊ ပတဿ္အိဢ္ဖွိဢ္ဘ္အသးလဿ နကဟဲက့ၯကဲပသရဢ္လီၯ. ယက့ၯဒီးတဲ အီၯ သရဢ္ဧဿ၊ ယအဿဢ္လီၯလံ လံာ္စီဆွံကႜိလဿ ယကသိဢ္လိတဿ္အဃိ ယတူဿ္လိာ္သုတဿ္ကြဲတသ့ ဘဢ္. အ၀ဲတဲယၯ၊ ပအဲဢ္ဒိးဒဢ္ နကဟဲက့ၯကဲပသရဢ္ နတဟဲက့ၯယသးဟးဂီၯဒိဢ္မးလီၯ. ယဆိကမိဢ္ ထီဢ္၊ သရဢ္တဂၯအံၯ ဖဲယမၯလိတဿ္လဿအစုပူၯအခါ အသးဟးဂီၯယၯ၊ ပာ္ယၯလဿနကဲထီဢ္တဿ္မႏုၯ မးတသ့၊ ခဲအံၯတခီ ယတအဿဢ္လီၯအတဿ္ကြဲလဿယကကဲအတဿ္အိဢ္ဖွိဢ္သရဢ္ သးဟးဂီၯယၯ တမႜိက ဒီးမးလဲဢ္.

ဖဲယအိဢ္ ၁၃ နံဢ္န႔ဢ္၊ ယထံဢ္ယပဿ္ဘိဢ္ထီဢ္အကူအသိး၊ ယသံကြဿ္အီၯ၊ နကလဲၯဆူလဲဢ္. အ၀ဲတဲယၯ၊ ယကလဲၯဆူခ၀့ရွဿဢ္လဿ၀့ဿ္တကူဢ္၊ ခ၀့ရွဿဢ္မ့ဿ္တဿ္မႏုၯလဲဢ္၊ ယတနဿ္ဟူဘူနီတဘ်ီ၊ ယတဲအီၯ ယဲနာ္ က့ယအဲဢ္ဒိးလဲၯကြဿ္ကီခ၀့ရွဿဢ္၊ ပ်ဲယလဲၯဒီးနၯတက့ဿ္. အ၀ဲတဲယၯ၊ ခ၀့ရွဿဢ္န႔ဢ္ ပွၯလဲၯဒဢ္ပွၯနီဿ္ဒိဢ္ လီၯ. ပွၯဖိသဢ္တလဲၯဘဢ္. ယပဿ္ဟးထီဢ္လဿဟံဢ္၊ ယကြဿ္ထြဲအခ့ယဟီဢ္ဒီးယတဲဖးဒိဢ္ဖးဒိဢ္၊ ယအဲဢ္ ဒိးလဲၯထံဢ္ခ၀့ရွဿဢ္၊ ယအဲဢ္ဒိးလဲၯထံဢ္ခ၀့ရွဿဢ္. ခ၀့ရွဿဢ္မ့ဿ္ပွၯကညီဧါ၊ ဆဢ္ဖိကီဿ္ဖိဧါ. တဿ္မႏုၯလဲဢ္. ယအဲဢ္ဒိးထံဢ္သ့ဢ္ညါလီၯ. ယပဿ္ဟဲက့ၯတဲယၯ၊ ဖိခြါဧဿ၊ တဿ္သးခုလဿနဂီဿ္၊ ခဲငါကဿာ္ ခ၀့ရွဿဢ္ ကဟဲ ဆူတီအူ၊ နကထံဢ္ဘဢ္လီၯ. ခ၀့ရွဿဢ္ကဘဢ္ဘူးထီဢ္၊ ယထံဢ္ပွၯမၯဂ့ၯထီဢ္ပွၯဟံဢ္၊ ပွၯပွ႔ၯအါထီဢ္ခ်ီဢ္၊ ထံသပဿၯ၊ ယဆိကမိဢ္ထီဢ္အီၯ၊ ခ၀့ရွဿဢ္မ့ဿ္ပွၯပွ႔ၯအါထီဢ္ခ်ီဢ္၊ သပဿၯ၊ လီခီ၊ မၯဂ့ၯထီဢ္ပွၯဟံဢ္ပွၯဃီ လီၯ. ဆဿကတီဿ္ဘဢ္ ယလဲၯပိာ္ပွၯခံဆူ လ့ဢ္မ့ဢ္အူသန႔၊ ယထံဢ္ပွၯဟဲဒိးလ့ဢ္မ့ဢ္အူ စံဢ္လီၯစိာ္ဒီးတဿ္ ဘိဢ္၊ ဒီးပဘဢ္စိာ္စဿၯအီၯ၊ အီ၊ ခ၀့ရွဿဢ္န႔ဢ္ပဘဢ္ခိးလီၯပွၯအခိဢ္၊ ပဘဢ္စိာ္စဿၯပွၯတဿ္အဘိဢ္ ဆွဿအီၯ ဆူ ပွၯအဟံဢ္လီၯ. မုဿ္ဆ့ဢ္ထီဢ္ယပဿ္တဲယၯ၊ နအဲဢ္ဒိးထံဢ္ခ၀့ရွဿဢ္ လဲၯကြဿ္လဿသရိာ္ပူၯ ယလဲၯကြဿ္ ဒီးယထံဢ္၊ လဿပ်ဲဿ္စီဿ္ခိဢ္မံးရွဿဢ္နရံဢ္ကိၯလၯ၀ါအိဢ္ ၂၂ ဂၯ၊ လဿကမ်ဿဿ္တခီ ပွၯအိဢ္အကလုာ္၊ ပယီၯ၊ ပွၯကညီ၊ ကခႜ႔ဢ္၊ ခႜီ၊ ကူကၯတဿ္အကလုာ္ကလုာ္လီၯ. ယထံဢ္ပွၯကညီ သရဢ္ဘးတ့ဢ္ဟီတရါ ကတိၯ တဿ္၊ ပယီၯက်ိာ္၊ ပွၯကညီက်ိာ္၊ ကိၯလၯက်ိာ္၊ ၃ မႜိတဘီ ယဆိကမိဢ္တဿ္လဿခ၀့ရွဿဢ္န႔ဢ္ မ့ဿ္ပွၯကလုာ္ အမႜိမႜိ၊ ဘါသကိးယၯမုာ္သးဘဢ္ယၯတဘီဧါ၊ ယကြဿ္သရဢ္ဘးတ့ဢ္စံဢ္တဲၯတဲလီၯတဿ္ အိဢ္ဒီးတဿ္ဟူး တဿ္ဂဲၯလဿက်ိာ္ ၃ က်ိာ္၊ ယအဲဢ္ဒိးကဲထီဢ္ဒ္သရဢ္ဘးတ့ဢ္အသိး၊ စံဢ္တဲၯတဲလီၯဘဢ္တဿ္လဿပွၯအါက လုာ္ အါဂၯ အမဲာ္ညါ၊ လဿက်ိာ္ ၃ က်ိာ္လီၯ. တဿ္ဘါ၀ံၯယဟးလဿက်ဲအခါ ယထံဢ္သရဢ္တဂၯ လီာ္အ သး ဂ့ၯဂ့ၯ၊ အိဢ္ဒီးခိဢ္ဖဿဢ္ကူထဲကူဖးထီ၊ တီဢ္ရွ႔ဢ္လီၯ. ပွၯတဂၯတဲယၯ ပွၯအ၀ဲန႔ဢ္မ့ဿ္သရဢ္ဖိငဲဢ္ လံာ္စီ ဆွံကႜိသရဢ္၊ တဘ်ီဃီ ယဆဿကဲထီဢ္ဘဢ္လံာ္စီဆွံကႜိသရဢ္ဒ္အ၀ဲအသိးလီၯ. ဒ္စီၯယိၯသးဖဲအသးအိဢ္ ၁၇ နံဢ္၊ မ့ဿ္ပွၯကြဿ္သိပွၯမုဿ္ဆ့ဢ္မုဿ္ဂီၯတဂၯနာ္သက့၊ မံမီဿ္လဿအမိဿ္အပဿ္အဒီပုဿ္၀ဲဿ္ဟဲတီၯလီၯ လဿ အမဲာ္ညါ အါကိအီၯ ဒီးအတဿ္မံမီဿ္လဿထီဢ္ပွဲၯထီဢ္၊ အ၀ဲကဲထီဢ္ဘဢ္စီၯပၯခံဂၯတဂၯ၊ အပဿ္အဒီပုဿ္၀ဲဿ္ ဟဲဆူအအိဢ္၊ ဒီးအ၀ဲအံးက့ၯကြဿ္က့ၯလုဿ္အီဢ္လုဿ္အီအီၯအသိး၊ ဖဲယအိဢ္ ၁၃ နံဢ္၊ ယမံမီဿ္ဆဿကဲထီဢ္ ဒ္သရဢ္ဘးတ့ဢ္ စံဢ္တဲၯတဲလီၯဘဢ္တဿ္လဿခ၀့ရွဿဢ္ ကမ်ဿဿ္ အမးအမဲာ္ညါအသိး၊ လဿထီဢ္ပွဲၯထီဢ္လဿ ယဂီဿ္၊ ယစံဢ္တဲၯတဲလီၯဘဢ္လံတဿ္အါဘ်ီလဿခ၀့ရွဿဢ္လီၯ. ဒီးဒ္ယဆဿကဲထီဢ္ဘဢ္လံာ္စီဆွံကႜိသရဢ္ ဒ္ သရဢ္ဖိငဲဢ္ အသိး ယကဲထီဢ္ဘဢ္ လံာ္စီဆွံကႜိသရဢ္တုၯခဲကနံဢ္အံၯ၊ ယြၯမၯတဿ္အဒိဢ္တဖဢ္လဿယဂီဿ္ ယစံးဘ်ဳးအီၯလဿယသးဒီဖ်ဿဢ္လီၯ.

သရဢ္မူလဿဿ္သဲ အတဿ္လဲၯခီဖ်ိတဖဢ္

တဿ္ကတိၯလဿညါ

ဒ္သပဿၯလီခီ မုဿ္ဆ့ဢ္မုဿ္ဂီၯ တနီၯအကစဿ္မၯကဆွီအီၯ ဒီးသူအီၯဖဲအလီဿ္အိဢ္ တဘ်ီဂ့ၯတဘ်ီဂ့ၯ အသိး၊ ယတဿ္အိဢ္မူမ့ဿ္တဒိဢ္တထီ၊ ယတၯလဢ္မ့ဿ္တအိဢ္ဒ္ပွၯတနီၯနီၯနာ္သက့၊ ယစံးဘ်ဳးယြၯလဿ အဆိဢ္ဂ့ၯယၯဒီးသူယၯ၊ ဒီးယမ့ဿ္ဘဢ္တဲယဂ့ဿ္ယက်ိၯလဿကကဲဘ်ဳးန႔ဢ္၊ ယကတိၯပယီၯက်ိာ္ ကိၯလၯ က်ိာ္ မ့ဿ္တပံာ္တက်ါ ကမူၯသံကမဢ္သံနာ္သက့၊ ယသးခုတဲထးခိဢ္ကစီဒီ၊ မ့မ့ဿ္လဿကကြဲးယသးသမူ အဂ့ဿ္န႔ဢ္၊ ယသးတဆူဢ္နီတစဲးဘဢ္. ဘဢ္ဆဢ္ မ့ဿ္လဿပွၯတနီၯနီၯတဲယၯခဲအံၯခဲအံၯလဿ ယက၀ံသး စူၯကြဲးအဃိ၊ ယဘါထုကဖဢ္ဒီးကြဲးအီၯ၊ အိဢ္ဒီးတဿ္မုဿ္လဿ္လဿ ကကဲဘ်ဳးလီၯဆီဒဢ္တဿ္ ပွၯလီၯတိဿ္ ဒီးအတၯလဢ္စွၯဒ္ယၯအသိးတဖဢ္န႔ဢ္လီၯ.

ဖဲယအိဢ္ဖ်ဲဢ္န႔ဢ္၊ ယပဿ္ကိးန႔ဿ္ယမံၯလဿစီၯရွ႔ဢ္၊ ဒီးယမံၯမ့ဿ္စီၯရွ႔ဢ္တုၯလဿယသးအိဢ္ ၂၂ နံဢ္၊ ယကႏုာ္လီၯမၯလိလံာ္စီဆွံကႜိတစုန႔ဢ္လီၯ. ဖဲယသါကထီဢ္လံာ္စီဆွံကႜိန႔ဢ္၊ ယဆိကမိဢ္ဒဢ္ယတဿ္ နမံၯစီၯရွ႔ဢ္အခီပညီတအိဢ္ဘဢ္. နကမၯယြၯအတဿ္၊ နဘဢ္လဲက့ၯနမံၯဆူအကဲဘ်ဳးလီၯ. နၾကဿးလဲ လိာ္ဆူသရဢ္မံၯဟူသဢ္ဖ်ါတဂၯဂၯအမံၯလီၯ. အန႔ဢ္ဒီး ယဖးဘဢ္သရဢ္ကႜီးမူလဿဿ္ အသးသမူအဂ့ဿ္၊ အ၀ဲအိဢ္မူအနံဢ္ ၉၀ အဘ်ဲဢ္၊ ဒီးကြဿ္ထြဲဘဢ္ ပွၯဖိဢ္ဃဲအဂၯအါန႔ဿ္တကလးလီၯ. အ၀ဲတဃ့တဿ္မၯစဿၯ လဿပွၯနီတဂၯနီတဘ်ီ၊ ဃ့ဒဢ္ထဲယြၯ၊ ဒီးယြၯစံးဆဿအတဿ္နာ္အတဿ္ထုကဖဢ္လီၯလိဿ္လီၯလးလီၯ. ဒီးဖဲ အသးအိဢ္ ၇၀ န႔ဢ္ လဿ ၁၇ နံဢ္အတီဿ္ပူၯ၊ ဟးစံဢ္တဲၯတဲလီၯတဿ္ဆူကီဿ္တဘ်ဳးဘ့ဢ္ ဆူပွၯတစွၯန႔ဿ္ ၃ ကကြဲဿ္ဘဢ္န႔ဢ္လီၯ. ယဖးဘဢ္စ့ဿ္ကီးသရဢ္လ့၀့စတိ (Living Stone) အခီပညီလဿပွၯကညီက်ိာ္၊ မူလဿဿ္၊ အ၀ဲလဲၯမၯတဿ္သးခုကစီဢ္လဿကီဿ္အၯျဖဢ္ကၯ ပွၯရဿဿ္ပွၯစဿဿ္အက်ါ၊ ဒုးကပီၯထီဢ္၀ဲကီဿ္လဿ အခံးဆူ ကီဿ္လဿအကပီၯထီဢ္န႔ဢ္လီၯ. ယဆဿလီၯဂာ္ဒီး သရဢ္ကႜီးမူလဿဿ္၊ သရဢ္လ့၀့စတိ အခီပညီ မူလဿဿ္အဃိ၊ ယလဲလိာ္က့ၯယမံၯဆူ မူလဿဿ္ဒီး ဖဲယႏုာ္လီၯလံာ္စီဆွံကႜိန႔ဢ္၊ ယကြဲးလီၯယမံၯလဿ စီၯမူလဿဿ္ န႔ဢ္လီၯ.

မူလဿဿ္
၁၉၈၉

June 5, 2010

နကလဲၯဟးဆူမူပ်ီ ဟိဢ္ထဲလ္ပူၯတဘီဧါ


Xavier Claramunt ဒီးအ Galactic Suite

အ၀ဲအံၯတဘဢ္ဃးဒီး တဿ္ကရဿကရိဘဢ္. မ့ဿ္ဒဢ္ပွၯတဂၯတဒူဢ္ အတဿ္မၯန႔ဢ္လီၯ. ခ့ခါဆဿကတီဿ္ ခဲအံၯ မုဿ္က်ိၯ၀ဲၯကြာ္အက်ဲအိဢ္ထီဢ္အါမး ဒ္သိးပွၯကမၯန႔ဿ္ဘဢ္က်ိဢ္စ့အဂီဿ္ ခီပနံဢ္ တခါလဿအမ့ဿ္၀ဲ (Galactic Suite) ကအိဢ္၀ဲဒီး မံဒဿးသဿဒဿး၊ မူပ်ီမူဖ်ဿဢ္ဒိတဖ်ဿဢ္အံၯ ကလဲၯတရံးမူဖ်ဿဢ္ဒိအက်ဲ၊ ဟိဢ္ထဲလ္ တဖ်ဿဢ္အံၯ ကလဲၯတရံး၀ဲလဿမူဒီ မူက်ိၯ၊ မ့ဿ္တုၯလဿ (၂၀၁၂) နံဢ္ခဲကဿာ္ တဿ္ကပ်ဲထီဢ္ အီၯန႔ဢ္လီၯ. နတဿ္လဲၯတဘ်ီအံၯ နကအိဢ္ဘဢ္လဿ မူပ်ီမူဖ်ဿဢ္ဒိ တဖ်ဿဢ္အပူၯ ထဲတသီဒီး တဿ္လဿာ္ ဘူဢ္လဿာ္စ့ၯကအိဢ္၀ဲဒဢ္ ပီဢ္စတၯလ့ဢ္ ခံကကြဲဿ္ဃဢ္ဃဢ္န႔ဢ္လီၯ.

ပွၯလဿအသးအိဢ္လဲၯထီဢ္အိဢ္လဿဟိဢ္ထဲလ္ တဖ်ဿဢ္အံၯအပူၯ၊ တခ်ဳးလဲၯထီဢ္ဒံးဘဢ္ တဿ္ကသိဢ္လိ အ၀ဲသ့ဢ္ တဿ္ကဆွဿထီဢ္အ၀ဲသ့ဢ္ဆူအပူၯ ဟီဢ္ခိဢ္အတဿ္ထုးဃဿတအိဢ္လဿၯဘဢ္အလီဿ္၊ ဒီး အ၀ဲသ့ဢ္ ကကြဿ္လီၯပဟီဢ္ခိဢ္ၾကဳဿ္တဖ်ဿဢ္အံၯ အတဿ္ဃံတဿ္လၯတကးဘဢ္ လဿမူပ်ီဟိဢ္ထဲလ္ ဖးဒိဢ္ တဖ်ဿဢ္အံၯ ကတရံးပဟီဢ္ခိဢ္အံၯ (၈၀) မံးနံးန႔ဢ္တဘ်ီတကးဒံးဘဢ္၊ လဿ (၂၄) နဢ္ရံဢ္အတီဿ္ပူၯ၊ မုဿ္ဟဲထီဢ္မုဿ္လီၯႏုာ္ကအိဢ္၀ဲ (၁၈) ဘ်ီန႔ဢ္လီၯ.

ခီပနံဢ္ အ၀ဲအံၯ အိဢ္၀ဲဒဢ္လဿ ဘၯစံၯလိနဢ္ ဒီး ပွၯနဲဢ္တဿ္ခိဢ္က်ဿဿ္လဿအမ့ဿ္ Xavier Claramunt စံး၀ဲ၊ လဿတဿ္ကတ့ထီဢ္ ဟိဢ္ထဲလ္ဖးဒိဢ္တဖ်ဿဢ္အံၯ ဘဢ္တဿ္တိာ္လီၯစ့ ပီဢ္စတၯလ့ဢ္ သဿဘ့လယဿဢ္ (အကကြဲဿ္သဿကထိ) န႔ဢ္လီၯ. ဖဲအဆဿကတီဿ္န႔ဢ္ အမဲရကၯ ခီပနံဢ္တခါစ့ဿ္ကီး ကလဲၯ၀ဲဆူ မူဖ်ဿဢ္ အၯရံ (အဂၤါ ၿဂိဳလ္) ဃုကြဿ္ထံမၯလိန႔ဿ္တဿ္စ့ဿ္ကီးလီၯ.

Xavier Claramunt တအဲဢ္ဒိးတဲပွၯလဿ အမၯစဿၯဆီဢ္ထြဲတဿ္တဖဢ္ အမံၯအသဢ္ သနာ္က့ လဿမူပ်ီ ဟိဢ္ထဲလ္ တဖ်ဿဢ္အပူၯ ပွၯလဿအသးအိဢ္လဲၯထီဢ္န႔ဢ္ ပွၯအိဢ္လံအဂၯ (၄၀ ၀၀၀) လံန႔ဢ္လီၯ.

နက်ိဢ္နစ့မ့ဿ္အိဢ္ဒီး နမ့ဿ္သးအိဢ္လဲၯထီဢ္န႔ဢ္ လဲၯထီဢ္အိဢ္ကြဿ္တဘီလဲဢ္. တဿ္ၾတီတအိဢ္ဘဢ္.









ဟံးန႔ဿ္အီၯလဿ ဖုကႜ႔မ္စ္ အလံာ္ ႃလံာ္တဿ္ကူဢ္သ့တဿ္သ့ဢ္ညါအကလုာ္ကလုာ္ နီဢ္ဂံဿ္ (၁၀)႗ အပူၯန႔ဢ္လီၯ.