ယတဿ္လဲၯဟးဆူ အၯဒမဿ္ ကိၯလၯသူကီဿ္ ကညီဖိတဖဢ္အက်ါ

ဖဲယအိဢ္ကႜိလဿ ကိၯလၯသူကီဿ္အဆဿကတီဿ္ ယဒိးန႔ဿ္ဘဢ္တဿ္ခြဲးတဿ္ယာ္လဿယကလဲၯဟးဘဢ္လဿ အၯဒမဿ္ ကညီဖိတဖဢ္အက်ါန႔ဢ္လီၯ. ဒီးတဿ္ကြဲးဖဲ အံၯ အိဢ္၀ဲဒဢ္ အကူာ္ ၁ တုၯ အကူာ္ ၅ န႔ဢ္လီၯ.

တဿ္ကူဢ္သ့တဿ္သ့ဢ္ညါအကလုာ္ကလုာ္

တဿ္ကူဢ္သ့တဿ္သ့ဢ္ညါအကလုာ္ကလုာ္အံၯ အါတက့ဿ္တဿ္ဟံးန႔ဿ္အီၯလဿ ဖုကႜ႔မ္စ္ အတဿ္ကြဲးတဖဢ္အပူၯ‚ တဿ္ကြဲးအဂၯတဖဢ္‚ ဒီးလဿပွာ္ယဲၯသန႔တဖဢ္အပူၯ န႔ဢ္လီၯ.

ခရံာ္ဖိတဿ္အိဢ္ဖွိဢ္

ခရံာ္ဖိတဿ္ဘူဢ္တဿ္ဘါကရဿတဖုဂ့ၯတဖုဂ့ၯလဿ အစံးလဿ ခရံာ္မ့ဿ္တဿ္အုဢ္က့ၯခီဢ္က့ၯ ကစဿ္န႔ဢ္ မ့ဿ္ပွၯခရံာ္ဖိန႔ဢ္လီၯ.

ဖုရိလဲအတဿ္လဲၯခီဖ်ိတဖဢ္

မ့ဿ္၀ဲဒဢ္ဖုရိလဲအတဿ္လဲၯခီဖ်ိ တဖဢ္ခံဘ့ဢ္တဘ့ဢ္ ဒီးဂ့ၯလဿပႀကဿးဖးအီၯဒီး ပာ္ကီၯဃာ္အီၯန႔ဢ္လီၯ.

ဖုသရဢ္ဒိဢ္မူလဿဿ္သဲ အတဿ္လဲၯခီဖ်ိတဖဢ္

ဖုသရဢ္ဒိဢ္မူလဿဿ္သဲမ့ဿ္ ပဖုဖးဒိဢ္တဂၯလဿ ဘဢ္တဿ္သ့ဢ္ညါအီၯလဿဟီဢ္ခိဢ္ဒီဘ့ဢ္ လဿအမ့ဿ္ ပွၯမၯတဿ္သးခုကစီဢ္သရဢ္ တဂၯ လဿအမၯန႔ဿ္သးသမူအါဖ်ဿဢ္န႔ဢ္လီၯ.

မုဿ္နံၯလီၯဆီ

မ့ဿ္မုဿ္နံၯလီၯဆီတဖဢ္လဿ ပ၀ဲပွၯခရံာ္ဖိတဖဢ္ ပဂ့ၯပာ္ဒိဢ္အီၯ န႔ဢ္လီၯ.

တဿ္အိဢ္ဆူဢ္အိဢ္ခ်႕သနဿဢ္

မ့ဿ္၀ဲဒဢ္တဿ္ဂ့ဿ္အကလုာ္ကလုာ္ လဿအဘဢ္ဃးဒီး တဿ္အိဢ္ဆူဢ္အိဢ္ခ်႕ တဖဢ္န႔ဢ္လီၯ.

လံာ္စီဆွံတဿ္ဂ့ဿ္ကီ

လံာ္စီဆွံပူၯတဿ္ဂ့ဿ္ကီလဿပတနဿ္ပဿဿ္အီၯတဖဢ္ တဿ္ကြဲးရွဲက့ၯအီၯဒ္သိး ပကနဿ္ပဿဿ္အီၯအဂီဿ္န႔ဢ္လီၯ.

ပူသနဿဢ္

မ့ဿ္တဿ္ဃဲၯပူလဿ ဖိသဢ္အဂီဿ္‚ လဿသးစဿ္အဂီဿ္‚ ဒီးလဿ ပွၯဖးပူမုာ္တဖဢ္အဂီဿ္န႔ဢ္လီၯ.

နနံၯကမွံနကသးဖွံ

ဖဲနအိဢ္ဒီးတဿ္သူဢ္တမုာ္သးတမုာ္အခါ ဖးနံၯကမွံသနဿဢ္တက့ဿ္. နကပွဲၯက့ၯဒီးတဿ္သူဢ္မုာ္သးမုာ္လီၯ.

May 31, 2011

တဿ္အစုဢ္အိဢ္လဿနပူၯ (နံၯကမွံသနဿဢ္)

တဘ်ီ ပွၯထူစံာ္ဖိဒီမါ၀ၯအိဢ္ခံဂၯ အိဢ္ဒီးအဖိမုဢ္သဿဂၯ ဒီး ဒိဢ္တဿ္ဃံလၯ ဂ့ၯမးန႔ဢ္လီၯ. ပွၯထူစံာ္ဖိတဂၯ အံၯ မ့ဿ္လဿဖိတဖဢ္ထဲ အပိာ္မုဢ္အဃိ မၯစဿၯအီၯလဿ စံာ္ပူၯတသ့ဘဢ္အဃိ လိဢ္ဘဢ္၀ဲ ပွၯပိာ္ခြါလဿ ကမၯစဿၯအီၯလီၯ. မ့ဿ္ဘဢ္ဒိးလဲ၀ဲဒီး အစ့တအိဢ္ဘဢ္အဃိဒီး ဒီမိ၀ၯခံဂၯကူဢ္ထီဢ္ဖးလီၯ၀ဲဒီး ဒုးန႔ဿ္အဖိမုဢ္ တဂၯလဿအ၀ၯလီၯ.

တဘ်ီအံၯဒိးန႔ဿ္ဘဢ္မာ္ဖိလံ. မာ္ဖိတဂၯအံၯစ့ဿ္ကီး မၯတဿ္ဆူဢ္ မၯတဿ္ဂ့ၯမးအဃိ တဿ္ဖံးတဿ္မၯ ကဲထီဢ္ ကဲထီဒိဢ္မးလီၯ. ဘဢ္ဆဢ္တယံာ္ဘဢ္ဒီး မါတဂၯအံၯ သံသဒဢ္ကြံာ္အ၀ၯလီၯ. မာ္တဂၯ ဟီဢ္ဟ့သးမး မ့ဿ္လဿ အမါသံအဃိလီၯ. မံၯပွဿ္ပိာ္မုဢ္ဘဢ္ယိဢ္လဿ တဿ္ဖံးတဿ္မၯတဘဢ္လီဿ္ဘဢ္စးလဿၯဘဢ္အဃိ တဲဘဢ္၀ဲအမာ္ဖိလဿ ဟီဢ္လဿၯတဂ့ၯ ယဖိမုဢ္အိဢ္ဒံးခံဂၯတဂၯ ---

တယံာ္ဘဢ္ဒီး မာ္တဂၯအံၯ န႔ဿ္ဘဢ္အမါကဒီးလဿ ဖိမုဢ္ခံဂၯတဂၯလီၯ. စးထီဢ္ဖဲန႔ဢ္စံာ္အတဿ္ဖံးတဿ္မၯ လဲၯအသးဂ့ၯန႔ဿ္ဒိဢ္န႔ဿ္အလီဿ္လီၯ. ဘဢ္ဆဢ္ လဿတဿ္တပာ္သူဢ္ပာ္သးဒီး မါတဂၯအံၯစ့ဿ္ကီး သံကြံာ္ ၀ဲဒဢ္လီၯ. ဒ္လဿအပူၯကြံာ္အသိး ၀ၯတဂၯ ဟီဢ္ဟ့သးမ့ဿ္လဿ မါခံဂၯတဂၯ သံကြံာ္အဃိလီၯ. မံၯပွဿ္ ပိာ္မုဢ္တဂၯ ကြဿ္အမာ္ဒီးလဿ တဿ္သးကညီၯအပူၯ တဲမုာ္ထီဢ္အသး လဿတဘဢ္ဟီဢ္လဿၯတဂ့ၯ ယဖိမုဢ္သဒါအိဢ္ဒံး… တဘ်ီအံၯမာ္တဟီဢ္လဿၯဘဢ္.

ဖိမုဢ္သဒါအံၯစ့ဿ္ကီးန႔ဿ္အ၀ၯ တယံာ္ဘဢ္ဒီး သံ၀ဲဒဢ္လီၯ. ၀ၯတဂၯအံၯ အသးဘဢ္ဒိဒီး ဟီဢ္ဒ္သိး မါလဿ အပူၯကြံာ္ခံဂၯအသိးလီၯ.

တဘ်ီအံၯမံၯပွဿ္ပိာ္မုဢ္ တတဲမုာ္ထီဢ္မာ္ဖိတဂၯအံၯအသးလဿၯဘဢ္. မ့မ့ဿ္တခီစံး၀ဲ…

ႃႃနအိဢ္ဒီးတဿ္အစုဢ္လဿနပူၯအဃိ ယဖိမုဢ္တဖဢ္တူဿ္တပွဲၯဘဢ္… နဘဢ္ဒီဢ္တဲာ္ကြံာ္ တဿ္စုဢ္ဟးထီဢ္ အက်ိၯလီၯ….႗႗

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

May 30, 2011

တဿ္ထုကဖဢ္လီၯဆီတယုဿ္ (နံၯကမွံသနဿဢ္)

က၀ီၯနဲဢ္ရြဲဢ္တဂၯ လဲၯအိဢ္သကိးအတံၯသကိး သရဢ္တဂၯဒီး တခ်ဳးလဿဟဲက့ၯဒီး ဘါယုၯ၀ဲယြၯ၀ံၯ ဒီးဘါထုကဖဢ္ အါမးအက်ါ တဿ္ထုကဖဢ္လီၯဆီလဿ အစံး၀ဲ -

ကစဿ္ယြၯဧဿ၊ ပသရဢ္တဂၯအံၯ လဿမုဿ္ဆါအဆဿကတီဿ္ နဆိဢ္ဂ့ၯအီၯ လဿအတဿ္ဖံးတဿ္မၯ၊ တဿ္အိဢ္ဆူဢ္ အိဢ္ခ်႕၊ ဘဢ္ဘ်ဳးဘဢ္ဖွိဢ္၊ ဒိဢ္ထီဢ္ထီထီဢ္ တကးဒံးဘဢ္၊ နဆိဢ္ဂ့ၯအီၯလဿမုဿ္နၯ အဆဿကတီဿ္ အတဿ္ဖံး တဿ္မၯအပူၯ အဖိတဖဢ္အါထီဢ္တဂၯ၀ံၯတဂၯ၊ တဂၯ၀ံၯတဂၯ၊ ကစဿ္ယြၯဧဿ လဿဟီဢ္ခိဢ္အံၯ အိဢ္ဒဢ္ ဒ္န႔ဢ္လီၯ.

က၀ီၯနဲဢ္ရြဲဢ္ဘါထုကဖဢ္တဿ္၀ံၯ တံၯသကိးသရဢ္တဲအီၯ -

ႃႃနဲဢ္ရြဲဢ္ဧဿ ကစဿ္ယြၯန႔ဢ္ နဘဢ္တဲအီၯတဿ္ထဲန႔ဢ္ညါဧါ႗႗

နဲဢ္ရြဲဢ္တဲဆဿက့ၯ -

ႃႃကစဿ္ယြၯန႔ဢ္ အဲဢ္ဒိး၀ဲလဿ ပကတဲတဿ္လိၯလိၯဘ်ဿဘ်ဿလီၯ. နဘဢ္တဲဒဢ္တဿ္ခဲလဿာ္တုၯလဿ အသနံဢ္သနဿဢ္လီၯ.႗႗

May 28, 2011

နမ့အဲဢ္ဒိးဃဲၯန႔ဢ္ အီထံ



လဿကီဿ္အမဲရကၯဒီတဘ့ဢ္ တဿ္အိဢ္ဖွိဢ္ဘဢ္ဃး စဲအ့ဢ္ပွၯကူဢ္ဘဢ္ကူဢ္သ့ တဖဢ္အတဿ္အိဢ္ဖွိဢ္ဖးဒိဢ္ အကတီဿ္ စဲအ့ဢ္ပွၯကူဢ္ဘဢ္ကူဢ္သ့လဿ ဘၯကႜံနံယါ ကီဿ္စဲဢ္တဖဢ္ ဟ့ဢ္ထီဢ္ တဿ္ဂ့ဿ္တခါလဿ အစံး၀ဲ ႃႃတခ်ဳးပအီဢ္မ့ၯ ပမ့အီထံန႔ဢ္ မၯစွၯလီၯပနီဿ္ခိ အတယဿဿ္န႔ဢ္လီၯ.႗႗ အ၀ဲသ့ဢ္ မၯကြဿ္၀ဲ ဒီးထံဢ္၀ဲလဿ
ပွၯလဿအဘီဢ္တလဿတဖဢ္ မ့ဿ္အဲဢ္ဒိး ဃဲၯလီၯန႔ဢ္ တခ်ဳးအီဢ္မ့ၯ အီထံ ၂ ခြး၊ ဒီးမ့အီ ဒ္န႔ဢ္တနံၯသဿဘ်ီန႔ဢ္ လဿတလါအတီဿ္ပူၯ အနီဿ္တယဿဿ္ အဃဿ ကစွၯလီၯ၀ဲ ၅ ပီဿ္န႔ဢ္လီၯ.

ပွၯကူဢ္ဘဢ္ကူဢ္သ့တဖဢ္ မၯကြဿ္ ၀ဲပွၯ ၅၅ နံဢ္ဒီး ၇၅ နံဢ္အဘဿဢ္စဿၯ ပွၯ ၄၈ ဂၯ၊ မၯကြဿ္၀ဲခံကရူဿ္လဿ ၁၂ ႏြံအတီဿ္ပူၯ၀ံၯ ဒီးထံဢ္ဘဢ္၀ဲ အဆဿဒ္အဖီခိဢ္ အသိးန႔ဢ္လီၯ. မ့ဿ္လဿပအီထံအဃိ ခဲၯရိၯလံ တထီဢ္ဘဢ္ ဒီး ပတူဿ္ဘဢ္စ့ဿ္ကီး လဿ ပဟဿဖဿကဿ စ့ဿ္ကီးန႔ဢ္လီၯ. ဘဢ္ဆဢ္ ပမ့ဿ္အီထံမ့ဿ္အါတလဿတခီ မၯဘဢ္ဒိ ပတဿ္ အိဢ္ဆူဢ္အိဢ္ခ်႕ သ့၀ဲစ့ဿ္ကီး န႔ဢ္လီၯ.

(ဟံးန႔ဿ္အီၯလဿ နဲးတ့ၯက့လ္ တဿ္အိဢ္ဆူဢ္အိဢ္ခ်႕တဿ္ကစီဢ္ နီဢ္ဂံဿ္ ၂၄၊ လါစဲးပထ့ဘဿဢ္ ၂၀၁၀ အပူၯန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

May 14, 2011

Guiness book of world record, slide show.

ကြဿ္ slide show လဿလာ္အံၯတက့ဿ္.

May 11, 2011

တဿ္သူဢ္ထီဢ္လဿ အလီၯဆီတဖဢ္

ပွၯဟီဢ္ခိဢ္ဖိတဖဢ္ အိဢ္ဒီးအတဿ္သ့တဿ္ဘဢ္ လီၯဆီအကလုာ္ကလုာ္အက်ါ တဿ္သူဢ္ထီဢ္ ဟံဢ္ဃီမ့ဿ္စ့ဿ္ကီး တဿ္သ့တဿ္ဘဢ္အက်ါတခါ န႔ဢ္လီၯ. ကြဿ္သကိးပွၯဟီဢ္ခိဢ္ဖိ အတဿ္သ့တဿ္တဖဢ္တခါအံၯ တက့ဿ္.

May 8, 2011

The Second Theological Educators' Seminar (KKBC လံာ္စီဆွံကႜိတဖဢ္)



ကီဿ္သူလ့ၯကညီဘ်ဿထံခရံာ္ဖိ လံာ္စီဆွံကႜိခဲလဿာ္ သရဢ္သရဢ္မုဢ္ အတဿ္မၯလိသကိး (၂) ဘ်ီတဘ်ီ ဘဢ္တဿ္မၯအီၯ၀ံၯ၀ဲ ဂ့ၯဂ့ၯဘဢ္ဘဢ္ ဖဲ လါမ့ၯ ၅ သီ အနံၯ ၂၀၁၁ နံဢ္အပူၯန႔ဢ္လီၯ. တဿ္မၯလိတဘ်ီအံၯ ဘဢ္တဿ္မၯလိအီၯသဿသီ စးထီဢ္ဖဲ လါမ့ၯ ၃ သီ အနံၯန႔ဢ္လီၯ. တဿ္မၯလိအံၯ ဘဢ္တဿ္ ဆီဢ္ထြဲမၯစဿၯအီၯလဿ စံဢ္၀ိဢ္စူဢ္မူ အတဿ္အိဢ္ဖွိဢ္လဿကီဿ္ခိဢ္ရံယါ ကလံၯထံးတခီန႔ဢ္လီၯ. ပွၯလဿအသိဢ္ လိတဿ္တဖဢ္မ့ဿ္၀ဲ သရဢ္ဒိဢ္ဒီးကထဿဢ္ စဲမဿဢ္ ဒီး သရဢ္ဒိဢ္ဒီးကထဿဢ္ ယဟးလ့ၯလ့လး န႔ဢ္လီၯ. ပွၯလဿအဟဲထီဢ္တဿ္မၯလိတဖဢ္ မ့ဿ္၀ဲ သရဢ္သရဢ္မုဢ္လဿ မ့ၯစံဢ္လံာ္စီဆွံကႜိ (ထါမဟ့ဢ္ဒဲက၀ီၯ)၊ ကနၯဟဢ္လံာ္စီဆွံကႜိ (ဘါဒိၯယါဒဲက၀ီၯ) တီနီဿ္မုဿ္ထီဢ္က၀ီၯလံာ္စီဆွံကႜိ (အူးပႜဢ္၊ နိဢ္ဖိ)၊ တဿ္လူဿ္ကပီၯယြၯဂ့ဿ္ပီညါခီလ့ဢ္ကႜိ (ခ်ံးသူက်ိ)၊ ကီဿ္သူလ့ၯကညီဘ်ဿထံလံာ္စီဆွံကႜိဒီးခီလ့ဢ္ကႜိ (မဲဿ္လးဒဲက၀ီၯ) မဲဿ္ရၯမိဿ္ၾတီၯလံာ္စီဆွံကႜိ (မဲဿ္ရၯမိဿ္ဒဲက၀ီၯ) ဒီး ဃိဢ္လိာ္ႀတီၯလံာ္စီဆွံကႜိ (မဲဿ္လးအူဒဲက၀ီၯ) တဖဢ္န႔ဢ္လီၯ.





ယိၯရွံယၯလ့

May 1, 2011

ထါမိဿ္ပဿ္တဿ္အဲဢ္

လါမ့ၯခံႏြံတႏြံမ့ဿ္မိဿ္အမုဿ္နံၯအဃိ ယသးအိဢ္ဆဿဂ့ၯဆဿ၀ါဘဢ္ မိဿ္တဖဢ္ လီၯဆီဒဢ္တဿ္ ယမိဿ္လဿ ယအိဢ္လီၯဖးယံၯဒီးအီၯလဿ တဘ်ဳးနံဢ္အတီဿ္ပူၯ လဿထါတယုဿ္အံၯန႔ဢ္လီၯ. ထါတယုဿ္အံၯ ယဟံးန႔ဿ္ အီၯလဿ ႃႃသီသံဢ္ပွီၯဂီၯယြၯစ့ဘီ ဒီး အရ့ဒိဢ္လံစဿဖွိဢ္သြံဢ္႗႗ လဿသရဢ္စီၯဘီနဿ္လ့ ကြဲး၀ဲ အပူၯန႔ဢ္လီၯ.

၁. မံလဿစုာ္ပူၯစုာ္ပ်ံၯထူ
မိဿ္အဲဢ္နၯဖွဴးလဲးဖွဴးသူ
မံလဿစုာ္ပူၯစုာ္ပ်ံၯစ့
မိဿ္အဲဢ္နၯဖွဴးလဲးဘ်႕ဘ်႕

၂. မံလဿစုာ္ပူၯမိဿ္ထိဢ္၀း
မိဿ္တအဲဢ္ပစိၯကဖ်း
မံလဿစုာ္ပူၯမိဿ္ယဲၯယီၯ
မိဿ္တအဲဢ္တဿ္ဃဿ္ကစီး

၃. မိဿ္အဲဢ္အဖိအဲဢ္လဿာ္သး
ဖိအဲဢ္ဆဿအမိဿ္ဆံးအါ
မိဿ္အဲဢ္အဖိလဿာ္တသ့
မိဿ္အဲဢ္မိဿ္မၯအံဢ္မၯအ့

၄. မိဿ္အဲဢ္အဖိမုဢ္ဖိခြါ
မိဿ္အဲဢ္မိဿ္မၯဃံမၯလၯ
မိဿ္အဲဢ္အဖိနီဿ္လိဢ္ဘိ
မိဿ္အဲဢ္မိဿ္မၯယုဿ္မၯညိ

၅. မိဿ္လုဿ္အဖိထိဢ္စံဢ္ကြဲၯ
မိဿ္လုဿ္ကနဢ္အကမဲၯ
မိဿ္လုဿ္အဖိထိဢ္စံဢ္က်ိၯ
မိဿ္လုဿ္ကနဢ္အကတိၯ

၆. မိဿ္လုဿ္ဖိဆံမိဿ္လုဿ္ကဲ
ဖိဆံလုဿ္က့ၯမိဿ္တကဲ
ပဿ္လုဿ္ဖိဆံပဿ္လုဿ္မုာ္
ဖိဆံလုဿ္က့ၯပဿ္တမုာ္

၇. မိဿ္အဲဢ္အဖိအဲဢ္လဿာ္သး
မံလဿစုာ္ပူၯမိဿ္ထိဢ္၀း
မိဿ္အဲဢ္အဖိမိဿ္ကမဲၯ
မံလဿစုာ္ပူၯမိဿ္ဖွဴးလဲး

၈. မိဿ္အဲဢ္နၯနၯမိဿ္အဲဢ္နၯ
မိဿ္အဲဢ္နၯသံသူဢ္လီၯသး
မိဿ္အဲဢ္၀ဲ၀ဲမိဿ္အဲဢ္၀ဲ
ကမဲၯထိဢ္ခ်ဳဢ္စဿ္၀ဲဒဲ

၉. မိဿ္အဲဢ္အဖိနီဿ္ပစီၯ
မိဿ္အဲဢ္မိဿ္မၯတဲာ္မၯတီၯ
မိဿ္အဲဢ္အဖိနီဿ္၀ါဘဲ
မိဿ္အဲဢ္မိဿ္မၯစိမၯစဲး

၁၀. ဖိမုဢ္ဖိခြါမိဿ္အဲဢ္၀ဲ
မိဿ္ကလုဿ္စဿ္စဿ္ဒြဲဒြဲ
ဖိမုဢ္ဖိခြါမိဿ္အဲဢ္အီၯ
မိဿ္ကလုဿ္ဆဿဒ္ကြဲစီ

၁၁. ဘုဢ္ထိးဆီသးမုာ္အဂ့ၯ
ဘုဢ္ထြံဢ္ထီးသးမုာ္အဂ့ၯ
ဘုဢ္လဿဟုနံးဘုဢ္တသ့
ဘုဢ္လဿဟုသးဘုဢ္တသ့
ဘုဢ္ကညီၯသးကြဿ္လဿမ့ၯ
ဆဿလဿအဖွံစဿ္ထီဢ္သ့

၁၂. မိဿ္လုဿ္န႔ဿ္ဖိမုဢ္ဖိခြါ
ပဿ္လုဿ္န႔ဿ္ဖိမုဢ္ဖိခြါ
ဒိဢ္ထီဢ္တဿ္ဖ်ါဃံဖ်ါလၯ
ထီထီဢ္တဿ္ဖ်ါဃံဖ်ါလၯ
ဒိဢ္ထီဢ္ခီဢ္ခါဆူကီဿ္ဂၯ
တကြဲမိဿ္ဒီးပဿ္အသး

၁၃. မိဿ္လုဿ္အဖိနီဿ္ခဢ္ရံး
ပဿ္လုဿ္အဖိနီဿ္ခဢ္ရံး
မ့ဿ္ဆူးမိဿ္အီဘဢ္မဲာ္ထံ
မ့ဿ္ဆါပဿ္အီဘဢ္မဲာ္ထံ
ဒိဢ္ထီဢ္ခီဢ္ခါဆူကီဿ္ယံၯ
မိဿ္ပဿ္လဿခံသယုဿ္သံ

၁၄. မိဿ္လုဿ္အဖိနီဿ္မုဢ္ဂ့ၯ
ပဿ္လုဿ္အဖိနီဿ္မုဢ္ဂ့ၯ
မ့ဿ္ဆူးအမိဿ္မံတသ့
မ့ဿ္ဆါအပဿ္မံတသ့
ဒိဢ္ထီဢ္လ့ဿ္ဘဲကဟဢ္စ့
မိဿ္ပဿ္သးခိဢ္မ့လီၯပ်႕ၯ


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....