ယတဿ္လဲၯဟးဆူ အၯဒမဿ္ ကိၯလၯသူကီဿ္ ကညီဖိတဖဢ္အက်ါ

ဖဲယအိဢ္ကႜိလဿ ကိၯလၯသူကီဿ္အဆဿကတီဿ္ ယဒိးန႔ဿ္ဘဢ္တဿ္ခြဲးတဿ္ယာ္လဿယကလဲၯဟးဘဢ္လဿ အၯဒမဿ္ ကညီဖိတဖဢ္အက်ါန႔ဢ္လီၯ. ဒီးတဿ္ကြဲးဖဲ အံၯ အိဢ္၀ဲဒဢ္ အကူာ္ ၁ တုၯ အကူာ္ ၅ န႔ဢ္လီၯ.

တဿ္ကူဢ္သ့တဿ္သ့ဢ္ညါအကလုာ္ကလုာ္

တဿ္ကူဢ္သ့တဿ္သ့ဢ္ညါအကလုာ္ကလုာ္အံၯ အါတက့ဿ္တဿ္ဟံးန႔ဿ္အီၯလဿ ဖုကႜ႔မ္စ္ အတဿ္ကြဲးတဖဢ္အပူၯ‚ တဿ္ကြဲးအဂၯတဖဢ္‚ ဒီးလဿပွာ္ယဲၯသန႔တဖဢ္အပူၯ န႔ဢ္လီၯ.

ခရံာ္ဖိတဿ္အိဢ္ဖွိဢ္

ခရံာ္ဖိတဿ္ဘူဢ္တဿ္ဘါကရဿတဖုဂ့ၯတဖုဂ့ၯလဿ အစံးလဿ ခရံာ္မ့ဿ္တဿ္အုဢ္က့ၯခီဢ္က့ၯ ကစဿ္န႔ဢ္ မ့ဿ္ပွၯခရံာ္ဖိန႔ဢ္လီၯ.

ဖုရိလဲအတဿ္လဲၯခီဖ်ိတဖဢ္

မ့ဿ္၀ဲဒဢ္ဖုရိလဲအတဿ္လဲၯခီဖ်ိ တဖဢ္ခံဘ့ဢ္တဘ့ဢ္ ဒီးဂ့ၯလဿပႀကဿးဖးအီၯဒီး ပာ္ကီၯဃာ္အီၯန႔ဢ္လီၯ.

ဖုသရဢ္ဒိဢ္မူလဿဿ္သဲ အတဿ္လဲၯခီဖ်ိတဖဢ္

ဖုသရဢ္ဒိဢ္မူလဿဿ္သဲမ့ဿ္ ပဖုဖးဒိဢ္တဂၯလဿ ဘဢ္တဿ္သ့ဢ္ညါအီၯလဿဟီဢ္ခိဢ္ဒီဘ့ဢ္ လဿအမ့ဿ္ ပွၯမၯတဿ္သးခုကစီဢ္သရဢ္ တဂၯ လဿအမၯန႔ဿ္သးသမူအါဖ်ဿဢ္န႔ဢ္လီၯ.

မုဿ္နံၯလီၯဆီ

မ့ဿ္မုဿ္နံၯလီၯဆီတဖဢ္လဿ ပ၀ဲပွၯခရံာ္ဖိတဖဢ္ ပဂ့ၯပာ္ဒိဢ္အီၯ န႔ဢ္လီၯ.

တဿ္အိဢ္ဆူဢ္အိဢ္ခ်႕သနဿဢ္

မ့ဿ္၀ဲဒဢ္တဿ္ဂ့ဿ္အကလုာ္ကလုာ္ လဿအဘဢ္ဃးဒီး တဿ္အိဢ္ဆူဢ္အိဢ္ခ်႕ တဖဢ္န႔ဢ္လီၯ.

လံာ္စီဆွံတဿ္ဂ့ဿ္ကီ

လံာ္စီဆွံပူၯတဿ္ဂ့ဿ္ကီလဿပတနဿ္ပဿဿ္အီၯတဖဢ္ တဿ္ကြဲးရွဲက့ၯအီၯဒ္သိး ပကနဿ္ပဿဿ္အီၯအဂီဿ္န႔ဢ္လီၯ.

ပူသနဿဢ္

မ့ဿ္တဿ္ဃဲၯပူလဿ ဖိသဢ္အဂီဿ္‚ လဿသးစဿ္အဂီဿ္‚ ဒီးလဿ ပွၯဖးပူမုာ္တဖဢ္အဂီဿ္န႔ဢ္လီၯ.

နနံၯကမွံနကသးဖွံ

ဖဲနအိဢ္ဒီးတဿ္သူဢ္တမုာ္သးတမုာ္အခါ ဖးနံၯကမွံသနဿဢ္တက့ဿ္. နကပွဲၯက့ၯဒီးတဿ္သူဢ္မုာ္သးမုာ္လီၯ.

April 24, 2011

ပိာ္ခြါဆီတလဲက့ဿ္ဂီၯဆူပိာ္မုဢ္ (Ladyboys) တဖဢ္အတဿ္ျပဿ



ဖဲလါအ့ျဖ့ဢ္ ၁၈ သီ၊ ၂၀၁၁ နံဢ္လဿ၀့ဿ္ဘီကီး Central World Shopping Mall အပူၯ တဿ္ျပဿ၀ဲဒဢ္ Muiss Tiffany's Universe 2011 အခီဢ္ထံးကတဿဿ္တဘ်ီ လဿပိာ္ခြါဆီတလဲက့ဿ္ဂီၯဆူ ပိာ္မုဢ္ တဖဢ္အဂီဿ္န႔ဢ္လီၯ. ကဲနကြဿ္ကြဿ္၊ နကဆိမိဢ္လဿအမ့ဿ္ ပိာ္ခြါဒံးဧါ.







(ဟံးန႔ဿ္အီၯလဿ www.thettantcho.com အပူၯန႔ဢ္လီၯ.)

ကစဿဿ္ကံကူးဒီးနီဿ္ဘုဘီ အပူ



လဿပ်ဿၯလဿသီ စီၯပၯသမံအံ မ့ဿ္ဘွဲမိၯပွၯဒီကီဿ္ညါ အစီၯပၯလီၯ. ပဿတဿ္တီတီလိၯလိၯ အဃိ အမံၯဟူ သဢ္ဖ်ါ၀ဲဒီး ဘွဲမိၯပွၯ ဒီကီဿ္ညါ မုာ္ခုဢ္၀ဲဂ့ၯ မးန႔ဢ္လီၯ.

စီၯပၯအံၯ သူဢ္ထီဢ္၀ဲအနီဖဲ ကစဿဿ္ကံကူးဒီခိဢ္ဒီး ဘွီထီဢ္၀ဲတိၯလဿ အက်ဿၯကတဿဿ္တဘိလဿ ကလဲၯထီဢ္လဲၯလီၯ အဂီဿ္န႔ဢ္လီၯ. လဲၯထီဢ္ကတုၯတဿ္ဒီခိဢ္အဂီဿ္၊ ဘဢ္လဲၯခီဖ်ိကစဿဿ္သဿပတီဿ္ လီၯ. ဘူးကတုၯတဿ္ဒီခိဢ္န႔ဢ္ဒီး၊ ဘဢ္လဲၯခီဖ်ိ လ့ကဆူး၊ ႀတီဿ္ဒဢ္ပွၯတဂၯဧိၯ လီၯ.

ႃႃစီၯသီဧိၯခြါ႗႗ မ့ဿ္စီၯပၯကံကူး အဖိခြါထဲတဂၯဧိၯ၊ မ့ဿ္စ့ဿ္ကီး ပိာ္ခြါလဿအဒုဢ္အဒ့ဂ့ၯဒီး အမဲာ္သဢ္တခီ ဖ်ါလီၯ ကဟုကညီဿ္ဒိဢ္မးလီၯ. မ့ဿ္စ့ဿ္ကီး သုးခိဢ္တဂၯလဿ အပ့ဿ္အခ်႕ စုသ့ခီဢ္ဘဢ္၊ ဆဲးတဿ္သ့ က်ီတဿ္ႏုာ္ လီၯ.

မ့ဿ္လဿဒိဢ္တုာ္ခိဢ္ပွဲၯ၀ဲလံဒီး ကဘဢ္ဃုထဿအသးသမူ အတံၯသကိးလီၯ. လဿမိၯပွၯဒီကီဿ္ညါ မုဢ္ကနီၯဖိ လဿ အဒိဢ္တဿ္ဂ့ၯ လီၯအဲဢ္လီၯကြံ အိဢ္၀ဲဘဢ္ဆဢ္ တကဿကီဢ္ဒီး စီၯသီဧိၯခြါ နီတဂၯဘဢ္.

လဿတဿ္န႔ဢ္အဃိစီၯပၯကံကူး ဆီထီဢ္သုးမုဿ္သံဢ္ဘိဒီး ဟးဆွဢ္ထံဆွဢ္ကီဿ္ ဒ္သိး ကထံဢ္န႔ဿ္၀ဲ အဖိခြါ သးသမူ အတံၯသကိး န႔ဢ္လီၯ. ဆွဢ္၀ဲ ကီဿ္တဘ့ဢ္ဘဢ္တဘ့ဢ္ တုၯလဿ ပီဢ္လဲဢ္ကဿဿ္နံၯလီၯ. ကြဿ္လီၯ တဿ္ဆူပီဢ္လဲဢ္ပူၯ ဒီးထံဢ္၀ဲ ၀့ဿ္ဃံလၯ ကျပဳဿ္ကျပီၯ တဖ်ဿဢ္န႔ဢ္လီၯ. ႏူဿ္တဖ်ဿဢ္အံၯ ပွၯလဿအအိဢ္လဿ အပူၯမ့ဿ္ ပွၯပဿဘဢ္ပီဢ္လဲဢ္၊ စီၯပၯသဢ္ကအုဢ္ ဒီးနီဿ္ပၯမုဢ္ ပယိၯန႔ဢ္လီၯ.

ႃႃနီဿ္ဘုဘီ႗႗ စ့ဿ္ကီးမ့ဿ္ စီၯပၯသဢ္ကအုဢ္ အဖိမုဢ္ထဲတဂၯဧိၯန႔ဢ္လီၯ. မ့ဿ္စ့ဿ္ကီး ပိာ္မုဢ္ဃံလၯလဿ အမံၯဟူ သဢ္ဖ်ါတဂၯလီၯ. ပိာ္ခြါလဿ အကဿကီဢ္ဒီး နီဿ္ဘုဘီ တအိဢ္၀ဲစ့ဿ္ကီးဖဲ ထံကီဿ္ပူၯန႔ဢ္ဘဢ္. စီၯပၯဖိခြါ အါဂၯ ဟဲဆူအအိဢ္၊ ဖဲအထံဢ္ဘဢ္ နီဿ္ဘုဘီအတဿ္ဃံတဿ္လၯန႔ဢ္ဒီး၊ အသူဢ္အသး တဖဢ္ ပွံဿ္လီၯကြံာ္ဒ္ ထူလီၯပွံဿ္ ကြံာ္၀ဲလဿ မ့ဢ္အူပူၯအသိးန႔ဢ္လီၯ.

နီဿ္ဘုဘီ အိဢ္၀ဲဒီး အသံဢ္ခြံလီၯလးဖိတဘ့ဢ္ လီၯ. မ့ဿ္ခြံထီဢ္အခိဢ္ဒီး ကျပဳဿ္ကၿပီၯ၀ဲဒ္ စ့အသိးလီၯ. မ့ဿ္ပာ္ ၀ဲလဿ အခီဢ္ညါသး အဖီလာ္ဒီး ဟါမဿ္ကြံာ္၀ဲ ပွၯတထံဢ္အီၯလဿၯဘဢ္. နီဿ္ဘုဘီအံၯ အိဢ္ဒီး အသူးအသ့ဢ္ အလၯကပီၯဒီး သူ၀ဲပွိၯ၀ဲ လီၯ.

လဿပီဢ္လဲဢ္စီၯပၯ အတဿ္ပဿပူၯ နီဿ္ဘုဘီကထံဢ္န႔ဿ္ သးသမူ အတံၯသကိးအဂီဿ္ တမ့ဿ္တဿ္အညီလဿၯဘဢ္. နီဿ္ဘုဘီ မံနီၯလဿလီဿ္မံခိဢ္ဒီး ဆိကမိဢ္ထီဢ္၀ဲလဿ သါဃိ စီၯပၯဖိခြါ အါဂၯအသူဢ္အသးဘဢ္လီၯ ပွံဿ္ကြံာ္၀ဲ ဒဢ္အဂ့ဿ္၊ လဿတဿ္ဆိကမိဢ္ယိာ္အပူၯ က်ံဿ္က်ဳာ္အသးလဿ လီဿ္မံခိဢ္အခါ၊ ကသ့ဢ္ဖါဂီၯတဒု ဟဲစံဢ္ပတီၯႏုာ္ ဆူနီအပူၯဒီး တဲဘဢ္ စီၯပၯသဢ္ကအုဢ္ဒ္အံၯ...
ႃႃကစဿ္စီၯပၯဧဿ … ကြဿ္စိဃီၯဆူ ကလံၯစိးတခီ၊ နကထံဢ္ဘဢ္ တဿ္ဖ်ါကၾတ့ဢ္ကႀတိဢ္တခါလီၯ... လီၯဂာ္ဒုဢ္ ဒါဟဲ၊ ဒံးယံာ္ဒံးဘူး ဃီၯဆူပအိဢ္လံ … ပကမၯဘဢ္ဒ္လဲဢ္…႗႗

စီၯပၯသဢ္ကအုဢ္ နဿ္ဟူ တဿ္အံၯတဘ်ီဃီ၊ ဟ့ဢ္လီၯအကလုဿ္ဒ္သိး သုးမုဿ္သံဢ္ဘိတဖဢ္ ကအိဢ္ကတဲာ္ ကတီၯအသးန႔ဢ္လီၯ.

ပွၯဒိးကသ့ဢ္တဂၯအံၯ မ့ဿ္ပီဢ္လဲၯစီၯပၯ အသုးခိဢ္ စီၯခုဢ္ဒ့ လဿအဒုးတဿ္သ့မးတဂၯလီၯ. စီၯခုဢ္ဒ့ ဒိးထီဢ္ကသ့ဢ္ယူၯ ဒီးယူၯထီဢ္၀ဲဆူ မူခိဢ္၊ ဘဢ္ယိဢ္၀ဲလဿ ဒုဢ္ဒါကဟဲဒုး၀့ဿ္အဃိ၊ ယူၯ၀့ၯ၀ီၯလဿ ၀့ဿ္ဒီခိဢ္ ၀ံၯအတဿ္ကၾတ့ဢ္တဖဢ္လီၯဂာ္ဒ္ လီ၀ဿ္ဒံးအသိး ဆူ၀့ဿ္အဖီခိဢ္လီၯ. နီဿ္ပယိၯ တခီအူကလာ္ထီဢ္ ပီဢ္လဲဢ္ဒီး အသ၀ံထီဢ္န႔ဢ္ လုဢ္ဘဿကြံာ္ ၀့ဿ္အဃိ၊ ဒုဢ္ဒါတဖဢ္ တထံဢ္စိဃီၯ ၀့ဿ္လဿၯဘဢ္လီၯ.

တဿ္ကၾတ့ဢ္ကႀတိဢ္လဿ ကလံၯစိးတခီတမ့ဿ္ဒုဢ္ဒါဘဢ္. မ့ဿ္ဒဢ္ စီၯပၯဖိခြါ စီၯသီဧိၯခြါ အသံဢ္ခြံထူ တဘ့ဢ္န႔ဢ္ မုဿ္ဆဲးကျပဳဿ္ဘဢ္အီၯအဃိ ဖ်ါကၾတ့ဢ္ကႀတိဢ္ န႔ဢ္လီၯ. ပီဢ္လဲဢ္စီၯပၯ သဢ္ကအုဢ္ ကတိၯစိတဿ္ …
ႃႃသုမ့ဿ္မတၯလဲဢ္… သုဟဲတဿ္အံၯ မ့ဿ္အဂ့ဿ္ဒ္လဲဢ္… သုမ့ဿ္ဟဲဒုးတဿ္ဒီး၊ ပအိဢ္ကတဲာ္ကတီၯပသးလဿ ပကဒုးတဿ္လီၯ. ..႗႗
ဖဲန႔ဢ္ဒီး စီၯပၯသမံအံ တဲဆဿက့ၯ၀ဲတဿ္ ကတိၯတဖဢ္ဒ္အံၯ…
ႃႃယမ့ဿ္ကံကူးစီၯပၯလီၯ… ယဟဲမ့ဿ္တဿ္ဟဲဃုထံဢ္န႔ဿ္ တံၯသကိး ပီဢ္လဲဢ္စီၯပၯတခီလီၯ… တမ့ဿ္တဿ္ဟး ဃုဒုး တဿ္ဘဢ္…႗႗

တဲဆဿက့ၯ၀ဲ တဿ္ကတိၯတဖဢ္ဒ္န႔ဢ္ဒီး လဿခံဆွဿလီၯကလူး ခံခီယဿ္ပၯ နဿ္ပဿဿ္လိာ္အသး၀ံၯ ကဲထီဢ္ ပွၯဒီသိဢ္ ဒီမွံၯန႔ဢ္လီၯ. သ့ဢ္ဆဿဖးကတီဿ္လဿ တဿ္လီဿ္တပူၯဒီး ကတိၯလိာ္သးတဿ္ဒီး သ့ဢ္ညါက့ၯ၀ဲလဿ ခံခီယဿ္ပၯန႔ဢ္ အဲဢ္ဒိး၀ဲဖိမုဢ္ ဖိခြါသးသမူ အတံၯသကိးန႔ဢ္လီၯ.

ကံကူးနီဿ္ပၯမုဢ္ဒီး ပီဢ္လဲဢ္နီဿ္ပၯမုဢ္ခံဂၯ သူဢ္ခုသးခုလဿ အထံဢ္ဘဢ္ဒဲဢ္မုဢ္လဿ အဃံလၯဒီး အတဂၯ ထံဢ္န႔ဿ္မာ္လဿ အဒုဢ္အဒ့လဿပွဲၯ အဃိန႔ဢ္လီၯ. မိဿ္ပဿ္ခံခီယဿ္ခီ သးလီၯပလိာ္လံ. သးစဿ္ခံဂၯတခီ တသ့ဢ္ညါ ဒံး၀ဲဘဢ္. သးစဿ္ခံဂၯ လိာ္ကြဿ္စိလိာ္သးဘ်းဘ်း၊ ဘ်းဘ်း လီၯ. မဲာ္ခ်ံဖိဒီး သးပူၯတခီ အဲဢ္စိလိာ္ သးလံ. တယံာ္ဘဢ္ လဿႏြံသီ အတီဿ္ပူၯ တဿ္တ့တဿ္ဖ်ီ ၀ံၯ၀ဲဒဢ္လီၯ. စီၯပၯဖိခြါဒီး စီၯပၯဖိမုဢ္ ဖိခံဂၯ အံၯအတဿ္ဆဿမုဿ္လဿ တဖဢ္လဿပွဲၯ၀ဲလံ တမ့ဿ္ဘဢ္ဧါ.

စီၯပၯသမံအံ ကဘဢ္က့ၯဆူ အထံအကီဿ္လီၯ. တဿ္ကီအိဢ္ထီဢ္ကဒီးလဿ တဂၯတအဲဢ္ဒိး ပာ္တ့ဿ္အဖိခြါ ဘဢ္၊ ဒီးတဂၯတခီ တအဲဢ္ဒိး အဖိမုဢ္လဲၯပိာ္ ကဒီး ပွၯအခံဘဢ္လီၯ. လဿတဿ္န႔ဢ္အဃိ သတးဒီး စီၯပၯ ခံဂၯအံၯ ဘဢ္ဖီဢ္တဿ္ဖး (မဲ) လီၯ. ပီဢ္လဲဢ္စီၯပၯ တပ်ာ္ (ရွဴ) ၀ဲအဃိ၊ ကံကူးစီၯပၯ က့ၯကိး၀ဲ အဒဲဢ္မုဢ္ လီၯ. နီဿ္ဘုဘီ အမိဿ္နီဿ္ပၯမုဢ္ ဟ့ဢ္ထြဲအဖိမုဢ္ လဿဘုသဢ္တဖဢ္ ပွဲၯ၀ဲထံလူၯသဢ္ အကုတဖ်ဿဢ္လီၯ.

က့ၯ၀ဲဆူ ဘွဲအကီဿ္ဘဢ္ခီဂာ္၀ဲ ကစဿဿ္ကလိထံက်ိထံကြာ္ တဖဢ္လီၯ. တဘ်ီဘ်ီ ဘဢ္အိဢ္ဘွံး၀ဲလဿ တဿ္လီဿ္ တတီၯဘဢ္တတီၯ လီၯ. အိဢ္ဘွံး၀ဲလဿ တဿ္လီဿ္တတီၯအခါ၊ လဿတဿ္အီဢ္တဿ္အီအဂီဿ္၊ နီဿ္ဘုဘီဟံးထီဢ္ ဘုတဖ်ဿဢ္၊ အိးကြံာ္၀ဲ ဘုအဘ့ဢ္၀ံၯ လံာ္လူာ္၀ါ ထီဢ္၀ဲဒီးအစု၊ ဒီးဘိးကဿ္၀ဲခံကူာ္၊ တကူာ္န႔ဢ္ဖီအီဢ္၀ဲဒီး တကူာ္န႔ဢ္ တ့ဿ္ႏုာ္၀ဲဆူ ၾတ့ၯပူၯလီၯ. ဖီအီဢ္၀ဲ တကူာ္န႔ဢ္ တ့ဿ္ႏုာ္ဖီ၀ဲလဿ ဆီဒံဢ္ကုပူၯလီၯ. တုၯအခြဲး လီၯ၀ဲ မ့ၯဒီး ပွၯခဲလဿာ္ခဲဆ့ အီဢ္၀ဲဘ်ဲအီဢ္လီၯ. ဘုသဢ္တကူာ္ လာ္ဖိလဿ ဖဿႏုာ္တ့ဿ္လဿ ၾတ့ၯပူၯန႔ဢ္ ပွဲၯ၀ဲ စ့ဿ္ကီး ၾတ့ၯပူၯန႔ဢ္လီၯ.

က့ၯကဒီး၀ဲ တဆီဘဢ္တဆီဒီး တုၯက့ၯ၀ဲဆူ ကံကူးဒီခိဢ္ လီၯ. ကံကူးခိဢ္အံၯ လဿဘွဲမိၯပွၯကစဿဿ္ထီတဖဢ္ အက်ါ မ့ဿ္စ့ဿ္ကီး ကစဿဿ္ဒီခိဢ္လဿ အထီ၊ ဒီးစီၯပၯကံကူးအနီအံၯ မၯအသးဒ္ ထိဢ္၀းအသးလဿ စုာ္န႔ဢ္ ကျပဳဿ္ကၿပီၯ အိဢ္ထီဢ္လဿ ကစဿဿ္ဒီတဖ်ဿဢ္ညါ၊ ကယဲဿ္ဒူသ၀ီလဿ အအိဢ္ဘူးအိဢ္တံဿ္တဖဢ္ ဆိကမိဢ္ ဒဢ္လဲာ္လဿ မ့ဢ္အူအီဢ္နီလံန႔ဢ္လီၯ.

နီဿ္ဘုဘီတဂၯအံၯ မ့ဿ္စီၯပၯခံခီယဿ္ပၯ အဖိမုဢ္အဃိ၊ ဘဢ္ဖံးမၯတဿ္ အလီဿ္တအိဢ္ဘဢ္. အိဢ္ဘဢ္၀ဲ ဘီဢ္ဘီဢ္ညီညီ၊ မုာ္မုာ္ခုဢ္ခုဢ္လဿ တဿ္သူဢ္ဖွံသးညီ အပူၯလီၯ. ဟုသးမ့ဿ္လဿာ္ကြံာ္ ဒီးနီဿ္ဘုဘီ ဟံးန႔ဿ္ ဘုသဢ္တဖ်ဿဢ္ အိးသ့ဢ္ဖး၀ဲ၀ံၯ မၯ၀ါထီဢ္၀ဲဒီး ဘိးကဿ္၀ဲခံကူာ္၊ တကူာ္န႔ဢ္ အီဢ္၀ဲလဿဂီၯဒီး တကူာ္န႔ဢ္ အီဢ္၀ဲလဿဟါလီၯ. ပွၯအိဢ္လဿနီပူၯ ခဲလဿာ္ဒဢ္လဲာ္ အီဢ္၀ဲတလဿာ္ဘဢ္. တဿ္မၯအသးဒ္အံၯ သ့၀ဲန႔ဢ္ မ့ဿ္လဿ နီဿ္ဘုဘီအံၯ ပွိၯ၀ဲပွီဿ္၀ဲအဃိန႔ဢ္လီၯ. အမိဿ္ဟ့ဢ္ထြဲအီၯဘု ပွဲၯထံလူၯသဢ္ အကုတဖ်ဿဢ္န႔ဢ္ လဿာ္တသ့ နီတဘ်ီဘဢ္.

ဘဢ္အခါလဿ တဿ္ဖဲးခုးဖဲးသံဢ္ဒီး နီဿ္ဘုဘီ တဘဢ္မၯတဿ္ နီတမံၯဘဢ္အဃိ ကဲထီဢ္တဿ္သူဢ္က့ဢ္သးကါ ဒီး ပွၯအခိဢ္အဃဿၯတဖဢ္ ကတိၯပီၯမံၯပီၯသဢ္ (သြားပုပ္ေလလြင့္) အီၯလဿ အနါ၀ဲန႔ဢ္ လီၯ. ဘဢ္ဆဢ္ဒီး ပွၯကစဿဿ္ဖိတဖဢ္ ခဲလဿာ္ထံဢ္၀ဲဒီး သ့ဢ္ညါထီဢ္၀ဲလဿ နီဿ္ဘုဘီ အတဿ္မၯအံၯ မ့ဿ္၀ဲတဿ္အီဢ္ပွိၯအီဢ္ပွီဿ္လီၯ.

တဿ္ဆဿကတီဿ္လဿ အပူၯကြံာ္တဖဢ္ တဿ္တမၯအသးဒ္အံၯ နီတစုနီတဘ်ီဘဢ္. မ့ဿ္လဿ စီၯပၯကံကူးန႔ဿ္ဘဢ္ အဒဲဢ္မုဢ္ပွိၯ၀ဲပွီဿ္၀ဲ တဂၯအံၯအဃိ၊ အဘုတလဿာ္၀ဲဘဢ္ဒီး ဘီဢ္ထီဢ္ညီထီဢ္၀ဲ ကြ႔ဿ္ကြ႔ဿ္လီၯ. လဿန႔ဢ္အမဲာ္ ညါ ဘွဲကီဿ္ဒီကီဿ္ မၯဘုမၯဟုန႔ဿ္၀ဲ အါအါဂီဿ္ဂီဿ္ တုၯဒဢ္လဲာ္ အီဢ္တလဿာ္အီတလဿာ္ ၀ဲဘဢ္န႔ဢ္လီၯ.

နီဿ္ဘုဘီဒီး စီၯသီဧိၯခြါ ခံဂၯအံၯ အဲဢ္လိာ္ကြံလိာ္သး ဒိဢ္မး ဘဢ္ဆဢ္ အ၀ဲသ့ဢ္အတဿ္ဟဲ၀ံဆူညါခီ အိဢ္၀ဲဒ္လဲဢ္ န႔ဢ္ တထံဢ္စိ၀ဲနီတဂၯ စ့ဿ္ကီးဘဢ္. အ၀ဲသ့ဢ္ခံဂၯအံၯ မ့ဿ္၀ဲ သးသမူတံၯသကိး နီဿ္နီဿ္၊ အိဢ္ဒီး တဿ္သူဢ္ဖွံသးညီ လဿလဿပွဲၯပွဲၯ လီၯ.

ဘဢ္တနံၯ တဿ္ကစီဢ္ဟဲလဿ ဒုဢ္ဒါသါကဟဲဒုး ကံကူးလီၯ. မူဒါလီၯလဿ စီၯသီဧိၯခြါ အဖီခိဢ္လံ. အ၀ဲ ကတဲာ္ ကတီၯထီဢ္အသးဒီး တဿ္စုက၀ဲၯ၊ ဒ္သိး ကလဲၯဒုးဆဿတဿ္အဂီဿ္လီၯ. ဟံးထီဢ္ဃဲာ္၊ ဘီ၊ ကြဲၯဒီး စံးဘဢ္အမါ နီဿ္ဘုဘီ…
ႃႃသးဘိဧဿ… သးအုးတဿ္လဿ ယဂီဿ္နီတပူၯတဂ့ၯ ဧီဢ္… အိဢ္တ့ဿ္နဲမုာ္မုာ္တက့ဿ္… ယကလဲၯမၯ၀ံၯ မၯကဲ က့ၯဒုဢ္ဒါတဖဢ္လီၯ…႗႗

တုၯႏုၯတစု စီၯသီဧိၯခြါ ထြဲထီဢ္အခီဢ္ဒီး လဲၯ၀ဲဒီး အသုးမုဿ္သံဢ္ဘိတဖဢ္လီၯ. အမါသးဘိ နီဿ္ဘုဘီတခီ ကြဿ္ထြဲအခံတုၯအမဲာ္ သဒဿကြံာ္တစုလီၯ.

ကစဿဿ္ကံကူးအံၯ၊ ဒ္ပွၯကတုၯဆူအဖီခိဢ္ ကသ့အဂီဿ္န႔ဢ္၊ က်ဲအိဢ္ဒဢ္ထဲတဘိဧိၯလီၯ. က်ဲန႔ဢ္အိဢ္၀ဲဖဲ ကံကူး မုဿ္ႏုာ္ကလံၯထံး၊ ကိး၀ဲအမံၯလဿ ႃႃထဢ္လဿဿ္ပူၯက်ီကိာ္႗႗ န႔ဢ္လီၯ. တဿ္အံၯမ့ဿ္ တိးႀတီဒုဢ္ဒါ (ခံတပ္) လဿ အခိးတဿ္အဂီဿ္န႔ဢ္လီၯ.

စီၯသီဧိၯခြါ လဲၯတုၯဖဲန႔ဢ္ဒီး ခိးလီၯဒုဢ္ဒါ အခိဢ္လီၯ. အ၀ဲအိဢ္ဒီး အသံဢ္လီၯဆီတဘ့ဢ္ လဿအမါနီဿ္ဘုဘီ ဟ့ဢ္လီၯအီၯန႔ဢ္လီၯ. သံဢ္တဘ့ဢ္အံၯ အ၀ဲမ့ဿ္ခြံထီဢ္လဿအခိဢ္န႔ဢ္ ပွၯထံဢ္အီၯသ့၊ မ့ဿ္ယီဿ္တံဿ္ဃာ္လဿ အခီဢ္န႔ဢ္ ဒီး၊ ပွၯထံဢ္အီၯတသ့ ဘဢ္လီၯ.

ဖဲတဿ္ဒုးစးထီဢ္လဿ ကစဿဿ္ခီဢ္ထံးန႔ဢ္ဒီး၊ စီၯသီဧိၯခြါ ယီဿ္တံဿ္ဃာ္သံဢ္လဿအခီဢ္၊ ဒုဢ္ဒါတဖဢ္ ဟဲထီဢ္ တဒူဢ္ဘဢ္တဒူဢ္ ဘဢ္ဆဢ္ တထံဢ္စီၯသီဧိၯခြါဘဢ္. စီၯသီဧိၯခြါဒီး အသုးမုဿ္သံဢ္ဘိတဖဢ္ က်ီကြံာ္ ဒုဢ္ဒါ တဖဢ္တဂၯဘဢ္တဂၯ ညီကဒဢ္လီၯ.

ဆိကမိဢ္၀ဲလဿ ဒုဢ္ဒါတဖဢ္ သံ၀ဲခဲလဿာ္လံန႔ဢ္ဒီး၊ စီၯသီဧိၯခြါ ဟံးထီဢ္က့ၯအသံဢ္၊ ခြံထီဢ္၀ဲအခိဢ္၊ ဒီးဟဲအိဢ္ ဖ်ါထီဢ္က့ၯ၀ဲဒဢ္လီၯ. အူထီဢ္ကြဲၯ ကိးဖွိဢ္ရိဖွိဢ္က့ၯ အသုးမုဿ္သံဢ္ဘိ သ့ဢ္တဖဢ္လဿ အကက့ၯက့ၯ ဆူ တဿ္မၯနဿၯအလီဿ္လဿ တဿ္ကဟံးန႔ဿ္ တဿ္လၯကပီၯ အဂီဿ္အခါ ဒုဢ္ဒါ လဿအဘဢ္ဒိ ဒီး တသံဒံးဘဢ္ တဂၯ ထံဢ္စိစီၯသီဧိၯခြါဒီး ခး၀ဲခ်ံဢ္ပ်ဿ္ အဃိ သံ၀ဲဒဢ္လီၯ.

တဿ္ကစီဢ္အံၯ ဟူထီဢ္တဘ်ီဃီဆူ ကံကူးစီၯပၯ အနဿ္ပူၯလီၯ. ကိတိာ္တဖဢ္ တဿဢ္ပီဢ္တဿဢ္ပီလိာ္အသးဒီး စံးသကိး၀ဲဒဢ္ …
ႃႃစီၯပၯအဖိခြါ စီၯသီဧိၯခြါအံၯ ဒုးတဿ္တဃဢ္ကြံာ္ နီတဘ်ီဘဢ္… တဿ္ကဲထီဢ္အသးဒ္သိးအံၯ မ့ဿ္ဒဢ္လဿ အဒဲဢ္မုဢ္အဃိလီၯ… နီဿ္ဘုဘီအံၯ အနါအိဢ္… အသံဢ္၀ၯအိဢ္အဃိ ၊ ခဲအံၯအသံဢ္၀ၯ ဟဲဒုးတဿ္ ဒီးမၯသံ စီၯသီဧိၯခြါလံ … မ့တနာ္ကြဿ္ကြဿ္မီဢ္… ဘုတဖ်ဿဢ္ဖီအီဢ္၀ဲခံဘ်ီန႔ဢ္၊ မ့ဿ္ကသ့၀ဲတဘ်ီဘ်ီဧါ … တဿ္ဒ္သိးအံၯ ပတထံဢ္ပတနဿ္ဟူဘဢ္ နီတစုစုဘဢ္…႗႗

တုၯနီဿ္ဘုဘီ နဿ္ဟူ အ၀ၯသံဒီး ဟီဢ္ဟ့သးတဿ္ နးနးကလဲာ္လီၯ. လဿတဿ္နးအဖီခိဢ္ ပွၯပီၯမံၯပီၯသဢ္ အီၯလဿ အနါအိဢ္၊ အသံဢ္အ၀ၯအိဢ္၊ အဃိသတးဒီး အသးဘဢ္ဖွီဢ္၀ဲ ဒိဢ္ဒိဢ္ကလဲာ္ လီၯ. မုဿ္နၯတဿ္ခံး ယိာ္မးလံ. ကိတိာ္တဖဢ္ ကတိၯခဲဢ္သူခဲဢ္ဂီၯ တဿ္ယဿ္ခီယဿ္ခီ၊ စီၯပၯစ့ဿ္ကီး မၯတသ့တဘဢ္လဿၯ စ့ဿ္ကီး ဘဢ္ဒီး ကိတိာ္တဖဢ္ ပတံထီဢ္၀ဲကဒီး …
ႃႃတဿ္ဒိဢ္စီၯပၯဧဿ … နဖိခြါသံန႔ဢ္မ့ဿ္လဿ နဒဲဢ္မုဢ္အဃိ လီၯ… နမ့ဿ္တမၯသံကြံာ္အီၯန႔ဢ္… ခဲကဿာ္ ကအီဢ္ကြံာ္နၯ၊ တကးဒံးဘဢ္ လဿခံကအီဢ္တူာ္ကြံာ္ ပ၀ဲခဲလဿာ္ခဲဆ့လီၯ….႗႗

ကံကူးအစီၯပၯအံၯ အဲဢ္ဘဢ္အဒဲဢ္မုဢ္ဒိဢ္မး၊ ဘဢ္ဆဢ္ဒီး မၯတသ့မၯတဘဢ္လဿၯဘဢ္. ဘံဢ္လီၯအမဲာ္ဒီး ဟ့ဢ္လီၯအကလုဿ္လဿ ပွၯကဆါလီၯကြံာ္ အဒဲဢ္မုဢ္န႔ဢ္လီၯ. တုၯႏုၯတစု နီဿ္ဘုဘီ ဘဢ္တဿ္စဿဃာ္ အစုခံခီ ဒီး တဿ္ဟးဆါအီၯ တတီၯဘဢ္တတီၯ၊ ဘဢ္ဆဢ္ နီဿ္ဘုဘီ အတဿ္ဃံတဿ္လၯလဿ အထုးန႔ဿ္ပွၯအသး၊ တုၯဒဢ္လဲာ္ ပွၯကပွ႔ၯအီၯန႔ဢ္ ပွၯသးတတူာ္ဘဢ္လီၯ.

လဿတဿ္န႔ဢ္အဃိဒီး နီဿ္ဘုဘီ ဘဢ္တဿ္ဆွဿကဒါက့ၯအီၯဆူ ကံကူးခိဢ္လီၯ. ကံကူးအပွၯစံဢ္ညီဢ္ကြီဿ္ဒိဢ္စိ တဖဢ္ ဆွဿအီၯကဒီးဆူ ႃႃဒီဢ္ဖးခိဢ္႗႗ ဒီး တဿ္သမံသမိးအီၯ သပွဿ္ပွဿ္ ဘဢ္ဆဢ္ တဿ္ကမဢ္တဖ်ါ၀ဲ နီတမံၯဘဢ္. တဿ္ဆွဿကဒီးအီၯဆူ ႃႃဒ့ဢ္ဖဢ္ဟီဢ္ခိဢ္႗႗ လ့ဖးထီဒီး၊ ဒ့ဢ္ဖဢ္ဟီဢ္ခိဢ္လဿ အနါအိဢ္တဘ့ဢ္ န႔ဢ္ အီဢ္သံကြံာ္အီၯလီၯ.

စီၯပၯသဢ္ကအုဢ္ နဿ္ဟူလဿ အဖိမုဢ္သံတဘ်ီဃီ၊ တဿ္အဿထီဢ္တုၯအခိဢ္ထံ၊ ဒီးကိးထီဢ္သုးမုဿ္သံဢ္ဘိ၊ ဟဲလဿကလံၯက်ါ၊ လဿထံ၊ ဟဲလဿခိ၊ ပညိဢ္အခိဢ္လိၯလိၯဆူ ကံကူးန႔ဢ္လီၯ. ဟဲ၀ဲတဆီဘဢ္တဆီ တုၯလဿ သ၀ီကသီပွဲၯလီၯ. ဖဲန႔ဢ္အခါ ပီဢ္လဲဢ္စီၯပၯ အသုးခိဢ္တဂၯ ထံဢ္ကသီပွဲၯ ဖုပွဿ္ခိဢ္၀ါတဂၯဒီး ဖီဢ္ဃာ္၀ဲဒီး သံကြဿ္၀ဲ …
ႃႃဖါတံဿ္ဧဿ… နဒြးတဿ္ဘဢ္စ့ဿ္ကီးဧါ…႗႗
ဖါတံဿ္တဂၯအံၯ ကြဿ္ထီဢ္သုးခိဢ္အမဲာ္ဒီး နံကမွံထီဢ္၀ဲ …
ႃႃဒြးတဿ္ဧါ … တဿ္ဒြးဒု၊ ဒြးဘဢ္နဲး … ယမ့ဿ္ဒြး နကဟ့ဢ္ယၯ တဿ္မႏုၯလဲဢ္…႗႗
ႃႃတဿ္လဿနဃ့ယၯ ဆံးဒိဢ္ဆံးအါ … ယကဟ့ဢ္ဒဢ္နၯ လဿလဿပွဲၯပွဲၯနဲး…႗႗
ကသီပွဲၯ သးပွဿ္ပာ္လီၯ ၀ဢ္ခီဘဢ္ဒီး သြဲဢ္လးတလိဢ္ဒီး ဒြးတဿ္ယဿ္ခီယဿ္ခီ၊ ဒ္အလုဿ္အလဿ္အသိး ဒြး၀ဲ ပွဲၯထီဢ္ သဿဘ်ီ၀ံၯ တဲဘဢ္သုးခိဢ္..
ႃႃနကမၯနဿၯတဿ္လီၯ… အဿဢ္၊ ဟ့ဢ္ယၯတဿ္ဒြးအလဲတက့ဿ္မီဢ္…႗႗

သုးခိဢ္ဟ့ဢ္အီၯ နးဖးထီတဘ့ဢ္၊ ဘဢ္ဆဢ္တသးလီ၀ဲဘဢ္. ဃ့၀ဲ ထးဂဲာ္တဘ့ဢ္လီၯ. သုးခိဢ္ဟ့ဢ္အီၯထးဂဲာ္ တသ့ဘဢ္၊ ယံာ္ယံာ္ ကလံၯမုဿ္လီၯဒီး ဖ့ဘ့ဢ္ပွဿ္တဖဢ္ ဒံလီၯ၀ဲလီၯ. သုးခိဢ္စံးဘဢ္ ကသီပွဲၯသးပွဿ္…
ႃႃဖါတံဿ္ဧဿ… က့ၯခ်႕ခ်႕၊ ယသုးဖိဟဲတုၯလံ… ကြဿ္ကြဿ္တဘီ…႗႗
နတဲနသုးဖိဟဲတုၯလံန႔ဢ္… ယတထံဢ္မးလဲဢ္… အိဢ္ဖဲလဲဢ္…႗႗

သုးခိဢ္ဒုးနဲဢ္အီၯဘဢ္ဆဢ္ တထံဢ္၀ဲဘဢ္၊ ထံဢ္ဒဢ္ထဲ ဖ့ဘ့ဢ္ပွဿ္တဖဢ္ ဒံလီၯလဿ ကလံၯက်ါ န႔ဢ္လီၯ. သုးခိဢ္ ဘဢ္ယိဢ္လဿ တဿ္ကီတဿ္ခဲကဘဢ္အီၯအဃိ၊ အတဿ္ထူးပွဲာ္အမဲာ္၊ ဒီးသတူဿ္ကလာ္ က့ၯလီၯတဲာ္ လဿအဟံဢ္ န႔ဢ္လီၯ.

တယံာ္ဘဢ္ဒီး ကလံၯမုဿ္လီၯ၊ တဿ္သီဢ္တႀထဳးလဿ ကစဿဿ္ဒီဖ်ဿဢ္န႔ဢ္လီၯ. တဿ္ဒုးတဿ္ယၯဆူဢ္မး တုၯဒဢ္လဲာ္ ကယဲဿ္ထံက်ိလဿ အဟဲယြၯလီၯလဿ ကစဿဿ္ကံကူးန႔ဢ္ ပွဲၯ၀ဲဒီး တဿ္သြံဢ္န႔ဢ္လီၯ. က်ဲလဿ ပီဢ္လဲဢ္သုး မုဿ္ဟဲ ၀ဲန႔ဢ္ ထံက်ိတဖဢ္ ဒိဢ္တုၯဒဢ္လဲာ္ တဿ္မူအကလုာ္ကလုာ္ သံကြံာ္န႔ဢ္လီၯ. တဿ္ဒုးတဿ္ယၯအံၯ မၯအသး တဘ်ဳးနံဢ္မး တဘ်ီလီၯ.

ပွၯသးပွဿ္စံး၀ဲဒဢ္ ပီဢ္လဲဢ္စီၯပၯ မ့ဿ္ဟဲထီဢ္ဒုး ကံကူာ္ န႔ဢ္ဟဲဒီးလီသီဢ္၊ ကလံၯမုဿ္၊ တဿ္စူၯ၊ ထံဒိဢ္ခိဢ္ယြၯ၊ တဿ္ခုဢ္ဒိဢ္မးအဃိ၊ ကံကူးစီၯပၯသမံအံ ဘဢ္လဲၯထီဢ္အိဢ္ခူသူဢ္လဿ လဿဿ္အဖီလာ္ဒီး အခဢ္ကနိး မးက်ဲဢ္က်ဲဢ္ လီၯ. အါဒဢ္တဿ္တက့ဿ္မ့ဿ္၀ဲဖဲ တဿ္စူၯခါလီၯ.

တုၯပီဢ္လဲဢ္စီၯပၯ က့ၯလံန႔ဢ္ဒီး ကံကူးစီၯပၯ ကိးထီဢ္ကဒီး သုးမုဿ္၊ ဒီးလူၯဒုးပီဢ္လဲဢ္ စီၯပၯလီၯ. ဖဲန႔ဢ္အခါ တဿ္ကိဿ္ဆူဢ္တုၯဒဢ္လဲာ္ ထံက်ိ၊ ပီဢ္လဲဢ္လီၯသံးဘဢ္မးအသးလီၯ. တဿ္မၯအသး ဒ္အံၯ အနံဢ္ယဲဿ္ဆံ မ့တမ့ဿ္ အနံဢ္ခြံဆံ တဘ်ီန႔ဢ္ ပွၯသးပွဿ္စံးဃဲၯ၀ဲဒဢ္ တုၯလီၯလဿ မုဿ္မဆါ တနံၯညါအံၯလီၯ.

နီဿ္ဘုဘီ အပူအံၯ မ့ဿ္၀ဲထဲလဲဢ္ တီ၀ဲထဲလဲဢ္ ပမ့ဿ္တသ့ဢ္ညါလီၯတံဿ္သနာ္က့၊ ဖ်ါ၀ဲလဿ တဿ္မၯတ့ဿ္အသး တဘ်ီန႔ဢ္လီၯ. ဖဲတဿ္သမံသမိး နီဿ္ဘုဘီလဿ ဒီဢ္ဖးခိဢ္ (ခဲအံၯပွဲၯဟံဢ္ခိဢ္) အခါ တဿ္စဿဃာ္အီၯ စုက်ီၯအလီဿ္၊ ဖီမ့ၯအလီဿ္၊ လုဿ္ထံအလီဿ္၊ ဒီးစံဢ္ညီဢ္ကြီဿ္ လဿအစံဢ္ညီဢ္ အီၯတဂၯ အစီၯနီၯခိဢ္ တဖ်ဿဢ္၊ တဿ္ခဲလဿာ္ကဲထီဢ္လဿဿ္ဒီး ဖ်ါလီၯဂာ္၀ဲ ဒ္တဿ္ဃဲၯအသိး၊ ဒီးအိဢ္ဒံး၀ဲ တုၯမုဿ္မဆါ တနံၯအံၯလီၯ.

လဿကစဿဿ္ကံကူး အဖီခိဢ္တခီ၊ ဖဲတဿ္ဒုးတဿ္ယၯ အိဢ္အလီဿ္ဒီး ပွၯသံအါအလီဿ္န႔ဢ္ လဿဿ္တဖဢ္ ပူဢ္လီၯ အသး အါ၊ ဒီးဖဲပွၯသံစွၯအလီဿ္န႔ဢ္ လဿဿ္တဖဢ္ ပူဢ္လီၯအသး စွၯ၀ဲလီၯ. လီၯဆီဒဢ္တဿ္ ကံကူးအသုးခိဢ္ တဂၯ ဖဲအ၀ဲဃဢ္ကြံာ္ ဒီး ဃ့ဿ္၀ဲအခါ အမါအိဢ္ဒီး အဟုးအသးဖးဒိဢ္၊ ဃ့ဿ္ပိာ္အ၀ၯအခံ တခ်ဳးဘဢ္အဃိ၊ အ၀ၯထူးပွဲာ္အီၯဒီး ကဲထီဢ္လဿဿ္န႔ဢ္ အိဢ္ဖ်ါဒံး၀ဲ တုၯမုဿ္မဆါတနံၯအံၯ စ့ဿ္ကီးလီၯ. လဿတဿ္န႔ဢ္အဃိ ပွၯသးပွဿ္အတဿ္စံဢ္ဃဲၯ၊ နီဿ္ဘုဘီအပူအံၯ ဖ်ါလဿအမ့ဿ္ အတီ၀ဲဒီး မၯတ့ဿ္၀ဲအသး တဘ်ီကစီဒီ န႔ဢ္လီၯ.

ပမွံၯပပွဿ္တဖဢ္ တမ့ဿ္ပွၯကူဢ္ဘဢ္ကူဢ္သ့ ဒိဢ္၀ဲထီ၀ဲဘဢ္. ဒီးကဃဲၯမုာ္နဿ္တဿ္ဒ္အံၯ တသ့၀ဲစ့ဿ္ကီးဘဢ္. ပွၯကညီဖိတဖဢ္လဿ အအိဢ္၀ဲဆိး၀ဲဖဲ ၀့ဿ္သဢ္တီဢ္ဒီး တယံၯတဘူးဒီး ၀့ဿ္သဢ္တီဢ္တဖဢ္ နာ္၀ဲ သပွဿ္ပွဿ္ လဿ နီဿ္ဘုဘီ အသူအပွိၯ၀ဲအဃိ၊ တဿ္မ့ဿ္ကီမ့ဿ္ခဲထဲလဲာ္ဘဢ္ဆဢ္ တသဢ္၀ံၯလီၯဒိ၀ဲ နီတစုစုဘဢ္လီၯ.

မ့ဿ္စဲဃဲၯလီၯ. ဖဲယုဿ္အီဢ္ဘုတဘ်ီလဿ္လဿ္ သ၀ီဖိတဖဢ္ ဟဲက့ၯအိဢ္သန႔ၯအသးဖဲန႔ဢ္လီၯ. ႃႃပွဲၯဟံဢ္ခိဢ္႗႗ အံၯ၊ ဖဲတဿ္ဒုးတဿ္ယၯ၊ ထံဟူးကီဿ္ဂဲၯတဘ်ီလဿ္လဿ္၊ ပွၯလဿအအိဢ္လဿခူပူၯ၀့ဿ္ပူၯ၊ ဒူပူၯသ၀ီပူၯတဖဢ္ ဟဲအိဢ္သန႔ၯအသးဖဲန႔ဢ္လီၯ. ႃႃပွဲၯဟံဢ္ခိဢ္႗႗ ဖိတဖဢ္ မၯစဿၯဒုးအီဢ္ဒုးအီ ၀ဲကဲ မ့ဿ္ယြၯအတဿ္ဆိဢ္ဂ့ၯ ခီဖ်ိ သံဢ္ခိဢ္မုဿ္ဃါလီၯ. တဿ္ဃဲၯမုာ္နဿ္ တယုဿ္ဖိအံၯ အလီဿ္အိဢ္လဿ ပဖိပလံၯကိးဂၯဒဲး ပိဢ္ဃဲၯတဲဃဲၯ ၀ဲ ကသ့ဖဲ ပွၯသံကြဿ္သံဒိးအီၯ တဘ်ီလဿ္လဿ္န႔ဢ္လီၯ.

(ဟံးန႔ဿ္အီၯလဿ ႃႃပွၯကညီအပူတဖဢ္႗႗ အဘ့ဢ္ (တဿ) လဿ ပီဿ္ရီမါမဿလ့မႜးကႜီဢ္ ထဿဖွိဢ္ဒီးကြဲး၀ဲ အပူၯ န႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

April 20, 2011

ဘီဢ္သိဢ္ဒီးတၯက၀ဲၯ (ပူသနဿဢ္)

ပစံဢ္ဃဲၯပူလဿပ်ဿၯ ဘီဢ္သိဢ္အိဢ္၀ဲတဒုလီၯ. ဘီဢ္သိဢ္န႔ဢ္ ကူဢ္ထီဢ္၀ဲလဿ ကလဲၯအီဢ္ပွၯကညီ ဒီးလဲၯအိဢ္ ၀ဲလဿ ပနဿ္တဖဢ္အက်ါလီၯ. ပနဿ္တဖဢ္ ဘဢ္တဿ္စဿဃာ္၀ဲဖဲ ဟံဢ္ခီဢ္ဖးထီ အဖီလာ္န႔ဢ္လီၯ.

ဟံဢ္ကစဿ္ပိာ္ခြါတဂၯ အိဢ္လဿဒဿးပူၯ ဟဲထီဢ္ဆူခိဒီး စံးဘဢ္အဖိအလံၯ ဒ္အံၯလီၯ.
ႃႃဖိသ့ဢ္လံၯသ့ဢ္ဧဿ… မုဿ္ခံးမုဿ္နၯန႔ဢ္ ဟးတဂ့ၯ… ဘီဢ္သိဢ္တၯက၀ဲၯ ဂဲၯကတဿနးမး …. ကအ့ဢ္ဘဢ္ဖုး သုလီၯ.႗႗
ဘီဢ္သိဢ္တဒုန႔ဢ္ နဿ္ဟူဒီး ဆိကမိဢ္လီၯအသး ဒီးစံးမး၀ဲ …

ႃႃယမ့ဿ္ဘီဢ္သိဢ္နဲဢ္… တၯက၀ဲၯန႔ဢ္ မ့ဿ္ယကဘဢ္ပ်ံၯဒံးဧါ..႗႗
ဘီဢ္သိဢ္အံၯ ဆိကမိဢ္၀ဲ တၯက၀ဲၯန႔ဢ္ ကမ့ဿ္တဿ္လဿအလီၯပ်ံၯတမံၯမံၯလီၯ.

မုဿ္တနၯန႔ဢ္ ဘဢ္လဿပွၯတဂၯ သါကလဲၯဟုဢ္ပနဿ္ဒီး လဲၯ၀ဲဆူ ပနဿ္တဂီဿ္အက်ါ ကလဿဿ္ကြဿ္၀ဲ တဒုဘဢ္တ
ဒု၊ ဘဢ္လဿဘီဢ္သိဢ္တဒုန႔ဢ္ဒီး ဆိကမိဢ္၀ဲလဿ တဒုအံၯဒိဢ္ဒိဢ္ထီထီ ဘီဢ္ဘီဢ္သိသိဂ့ၯမး မိၯထီဢ္ဘီဢ္သိဢ္ န႔ဢ္၊ ဆိကမိဢ္၀ဲလဿပနဿ္ဒီး ဒိးထီဢ္၀ဲဒဢ္လီၯ. ဘီဢ္သိဢ္တခီ ဆိကမိဢ္လီၯအသး …
ႃႃတဘ်ီအံၯ ကမ့ဿ္မးတၯက၀ဲၯလဿ ပွၯတဂၯတဲတဿ္န႔ဢ္သဿဢ္…႗႗
ဆိကမိဢ္၀ဲလဿ တၯက၀ဲၯဒိးထီဢ္အီၯဒီး ပ်ံၯ၀ဲနးနးကလဲာ္လီၯ. ပွၯတဂၯက့ၯဒိးထီဢ္ ဘီဢ္သိဢ္တဒုန႔ဢ္ သီတနၯ က်ဿၯတသ့ဢ္ညါ၀ဲဘဢ္. တုၯမုဿ္ဆ့ဢ္၀ါထီဢ္၊ ကြဿ္၀ဲ တမ့ဿ္လဿ ပနဿ္ဘဢ္. မ့ဿ္လဿဘီဢ္သိဢ္ဒီး စံဢ္လီၯ ဃ့ဿ္ထီဢ္ဆူ သ့ဢ္ဒဿကူတထံးအခံလီၯ.

ဘီဢ္သိဢ္တဒုစ့ဿ္ကီး ပ်ံၯတဿ္ ဃ့ဿ္ဃ့ဿ္ဘဢ္သဃိာ္လဿ တၯသူတဒုဒီး တၯသူသံကြဿ္အီၯ..
ႃႃနဃ့ဿ္ဘဢ္မႏုၯလဲဢ္ခြါစီဧဿ…႗႗
ႃႃအဿဢ္… တၯက၀ဲၯက့ၯဒိးယၯ မနၯကဿာ္ … ယပ်ံၯတဿ္ယကသံတ့ဿ္မးလီၯ… ပ်ဲလီၯက့ၯယၯဖဲ မုကဿာ္လီၯ.႗႗
စံးဆဿ၀ဲဒ္န႔ဢ္၀ံၯ၊ တၯသူတဒုန႔ဢ္စံးဘဢ္ ဘီဢ္သိဢ္လဿတၯက၀ဲၯအဂ့ဿ္…
ႃႃတဿ္လဿတၯက၀ဲၯန႔ဢ္ ပအီဢ္၀ံဢ္မးလီၯ… လဲၯဒုးနဲဢ္ယၯတဘီမီဢ္….႗႗
ဒီးဘီဢ္သိဢ္တဒုလဲၯဒုးနဲဢ္အီၯလီၯ. တၯသူတဒု လဲၯဃုတဿ္၀း၀းဒီး ပွၯတဂၯန႔ဢ္ စံဢ္လီၯဖိး တၯသူအကိာ္ ဒီးတၯသူဃ့ဿ္ကဒီးလီၯ. တၯသူ ဃ့ဿ္၀ဲတုၯလဿ သ့ဢ္ကအိပူၯတပူၯဒီး ပွၯတဂၯန႔ဢ္ စံဢ္လီၯလဲၯႏုာ္ အိဢ္ကဒီး ၀ဲဖဲန႔ဢ္လီၯ.

တၯသူတဒုဃ့ဿ္၀ဲဒီး ဘဢ္တိနိဢ္ကဒီး လဿတၯအုးတဒု ဒီးအတဿ္သံကြဿ္အီၯ…
ႃႃခြါစီဧဿ … နဃ့ဿ္ဘဢ္မႏုၯလဲဢ္…႗႗
ႃႃတဿ္စံဢ္လီၯဖိးယကိာ္ မဟါတဒု ယကသံတ့ဿ္လီၯ. … ပ်ဲကြံာ္ယၯဖဲမုကဿာ္လီၯ.႗႗
စံးဆဿကဒီး၀ဲဒ္န႔ဢ္၀ံၯ တၯအုးတဒုန႔ဢ္စံး၀ဲဒဢ္…
ႃႃတဿ္စံဢ္လီၯဖိးနကိာ္န႔ဢ္ ပအီဢ္၀ံဢ္မးလီၯ… လဲၯနဲဢ္ယၯတဘီမီဢ္…႗႗
တၯသူတဒု လဲၯနဲဢ္တၯအုးန႔ဢ္၀ံၯဒီး ဟဲက့ၯဃ့ဿ္က့ၯ၀ဲလီၯ.

တၯအုးတဒုလဲၯကြဿ္ သ့ဢ္ကအိပူၯန႔ဢ္၊ ဘုး၀ဲလဿအစုဧီဿ္တဘူဢ္ဘဢ္၊ ဂိာ္လီၯကြဿ္၀ဲလဿ အမဲဿ္သတးဒီး၊ ပွၯတဂၯဖီဢ္န႔ဿ္ တၯအုးအမဲဿ္ ဒီး ဆဲး၀ဲ အခံလဿဒီဒီး အတဿ္ကိးပသူ ဘူးလဿအကသံတ့ဿ္၊ ဒီးပ်ဿ္ကြံာ္၀ဲ လီၯ.

လဿခံတၯအုးထံဢ္လိာ္အသးဒီး တၯသူဒီး စံးလိာ္အသးဒီး စံး၀ဲဒဢ္…
ႃႃတဿ္ပ်႕ဿ္ပမဲဿ္ဒီးဆဲးပခံန႔ဢ္ … နစံးလဿတဿ္စံဢ္လီၯဒိးနကိာ္လဲဢ္…႗႗
တၯသူစ့ဿ္ကီး ထံဢ္လိာ္သးဒီး ဘီဢ္သိဢ္ဒီးစံး လိာ္အသး ဒီးစံး၀ဲဒဢ္…
ႃႃတဿ္စံဢ္လီၯဖိးနကိာ္န႔ဢ္.. နစံးလဿတၯက၀ဲၯလဲဢ္…႗႗

တုၯႏုၯတစု၊ တၯအုး တၯသူဒီး ဘီဢ္သိဢ္ဂ့ဿ္လိာ္ဘွီလိာ္အသး ဒီးသူဢ္ဒိဢ္သးဖ်ိး လိာ္အသးဒိဢ္ဒိဢ္ကလဲာ္ အဃိသတးဒီး အ၀ဲသ့ဢ္သဿဒု န႔ဢ္အ့ဢ္ဖွီလိာ္အသးဒီး သံ၀ဲခဲလဿာ္လီၯ.

(ဟံးန႔ဿ္အီၯလဿ ႃႃပွၯကညီအပူတဖဢ္႗႗ အဘ့ဢ္တဿ လဿ ပီဿ္ရီမါမဿလ့မႜးကႜီဢ္ ကြဲး၀ဲန႔ဢ္လီၯ.)

.မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

April 19, 2011

တီနီဿ္မုဿ္ထီဢ္က၀ီၯက်ဲးစဿးကရဿ တဿ္ကိဿ္ခါတဿ္မၯလိ


Find more photos like this on Karen Family


တီနီဿ္မုဿ္ထီဢ္က၀ီၯ က်ဲးစဿးကရဿတဿ္ကိဿ္ခါတဿ္မၯလိလဿ ၂၀၁၁ နံဢ္အံၯ ဘဢ္တဿ္မၯအီၯလဿ အူးပႜဢ္ဒဲက၀ီၯ ကီဿ္မူရၯတဿ္အိဢ္ဖွိဢ္ န႔ဢ္လီၯ. ဘဢ္တဿ္မၯအီၯစးထီဢ္ဖဲ ၁၁ သီ တုၯ ၁၈ သီ လါအ့ျဖ့ဢ္ ၂၀၁၁ နံဢ္န႔ဢ္လီၯ. သးစဿ္လဿဟဲထီဢ္တဿ္မၯလိခဲလဿာ္ အိဢ္၀ဲ ၂၉၅ ဂၯန႔ဢ္လီၯ. သးစဿ္တဖဢ္ ဟဲလဿ တီနီဿ္မုဿ္ထီဢ္က၀ီၯတဿ္အိဢ္ဖွိဢ္တဖဢ္ ဒီးတဿ္မၯလီဿ္တဖဢ္ န႔ဢ္လီၯ. တဿ္အိဢ္ဖွိဢ္ဒီးတဿ္မၯလီဿ္ တဖဢ္မ့ဿ္၀ဲ ထံမူၾတီၯတဿ္အိဢ္ဖွိဢ္(မဲဿ္လးဒဲက၀ီၯ) ရွၯမရံတဿ္မၯလီဿ္၊ ဆဢ္သူလ့ၯကႜိ၊ ခ်ံးသူက်ိတဿ္အိဢ္ဖွိဢ္၊ ဘ့ၯသ့လး တဿ္အိဢ္ဖွိဢ္ (ဖိးဖး) ဆွဿတဿ္ကပီၯတဿ္အိဢ္ဖွိဢ္၊ ကီဿ္မူရၯတဿ္အိဢ္ဖွိဢ္၊ ဘ့ၯသနံတဿ္အိဢ္ဖွိဢ္၊ ဘဢ္ဆိဢ္ဂ့ၯ တဿ္အိဢ္ဖွိဢ္ (တဿ္အိဢ္ဖွိဢ္လြံဿ္ဖုအံၯအိဢ္လဿအူးပႜဢ္ဒဲက၀ီၯ) ဆဿထဢ္တဿ္မၯလီဿ္၊ က်ီဿ္ထီတဿ္မၯလီဿ္ (အူးဖဢ္တကပၯတခီ) ဒီးနိဢ္ဖိဒဲက၀ီၯသးစဿ္တနီၯ န႔ဢ္လီၯ. တဿ္မၯလိတဘ်ီအံၯ ပွၯလဿအန႔ဿ္ စီၯတဿ္မၯလိဒီးနီဿ္တဿ္မၯလိ မ့ဿ္၀ဲ စီၯအဲဢ္ကီဿ္သီ (ဆဢ္သူလ့ၯ) ဒီး နီဿ္ပါအဲဢ္ (ရွၯမရံ) န႔ဢ္လီၯ.

စံးဘ်ဳးဘဢ္ခိဢ္နဿ္သရဢ္သမါ ဒီးပွၯမၯသကိးတဿ္တဖဢ္ ဃုာ္ဒီးပွၯလဿအဆီဢ္ထြဲပွၯလဿ တဿ္မၯလိတဘ်ီ အံၯကကဲထီဢ္အဂီဿ္န႔ဢ္လီၯ.

စီၯယိၯရွံယၯလ့

April 8, 2011

စီၯဖီဂ့ၯခြါဒီး နီဿ္ဖီဂီၯဘီ အပူ

ပူၯကြံာ္အနံဢ္တကယၯဘ်ဲဢ္လံ. လဿပွၯမၯအဿမၯနး ပွၯကညီဖိတဖဢ္အဃိ၊ ပွၯတဒူဢ္က့ၯအိဢ္၀ဲဖဲ ကစဿဿ္ဒိဢ္ အဂုာ္လာ္ တယံၯတဘူးဘဢ္ န႔ဢ္လီၯ.

ဖဲသ၀ီတဖ်ဿဢ္အပူၯန႔ဢ္ မုဢ္ကနီၯလိဢ္ဘိထီဢ္သီသီ အိဢ္၀ဲတဂၯ၊ ဒိဢ္တဿ္ဃံလၯဂ့ၯမး ဒီးလဿပွဲၯမးဒီး တဿ္ဆဲး တဿ္လၯ၊ ကဒုလီၯတံဿ္သပွဿ္လီၯဆဲး လဿမုဢ္ကနီၯဖိတဖဢ္အက်ါ တီလိၯဒီး သူဢ္ဂ့ၯသး၀ါ ဒ္သိးအီၯ တအိဢ္ နီတဂၯဘဢ္.

ဘဢ္ဆဢ္ဒီး အ၀ဲမ့ဿ္ဖိဢ္ဃဲမုဢ္ဖိလဿ အလီၯသးကညီတဂၯ အမိဿ္အပဿ္သံသဒဢ္ ကြံာ္အီၯဖဲ အသးအိဢ္ အနံဢ္ တဆံအခါ ဒီးအိဢ္တ့ဿ္လဿ အဖါတံဿ္အသကိးဒီး ဘဢ္တဿ္အံးက့ၯကြဿ္က့ၯအီၯ ဂ့ၯဂ့ၯန႔ဢ္လီၯ.

မုဢ္လိဢ္ဘိတဂၯအံၯ အိဢ္ဖ်ဲဢ္၀ဲဖဲဘုဂီၯထီဢ္၊ ဖီဂီၯ၊ ဖီဘီတဖဢ္ ဖးထီဢ္လဿ ခုးပူၯအဆဿကတီဿ္ အဃိသတးဒီး အမံၯဘဢ္တဿ္ကိးအီၯလဿ ႃႃနီဿ္ဖီဂီၯဘီ႗႗ န႔ဢ္လီၯ. အ၀ဲဘဢ္လဲၯမၯတဿ္လဿ အဖါတံဿ္ခုးပူၯထဲတဂၯဧိၯလီၯ. အ၀ဲလဲၯမ့ဿ္တကဲသနာ္က့ အဖါတံဿ္တဒူအီၯ၊ တကလာ္အီၯ နီတစုစုဘဢ္. ဘဢ္ဆဢ္ အ၀ဲသ့ဢ္ညါလီၯအသး လဿ တဿ္မၯအိဢ္လဿ အစုပူၯ သတးဒီး မၯ၀ဲလဿာ္သူဢ္လဿာ္သး န႔ဢ္လီၯ.

အဖါတံဿ္အဲဢ္အီၯဒီး ပာ္အီၯဒ္အဖိမုဢ္ အသိး တဒူအီၯတကလာ္အီၯ နီတဘ်ီဘဢ္ သနာ္က့ သ့ဢ္နီဢ္ထီဢ္က့ၯ ဒဢ္အမိဿ္အပဿ္ထီဘိဒီး ဆိကမိဢ္လီၯဒဢ္အသးထီဘိလဿ တဿ္ဟဲ၀ံအဿဒိဢ္မးန႔ဢ္လီၯ. ဖဲအ၀ဲလဲၯမၯတဿ္ထဲ တဂၯဧိၯအခါ သ့ဢ္နီဢ္ထီဢ္ က့ၯအမိဿ္အပဿ္ဒီး အမဲာ္ထံလီၯထီဘိန႔ဢ္လီၯ.

ဘဢ္မုဿ္တနံၯလဿခုးပူၯ ဖဲအ၀ဲအိဢ္ဘွံးလဿသ့ဢ္ ကဒုခုဢ္ယုဿ္ကလာ္အဖီလာ္ဖဲ ကလံၯသမွံၯ ဟဲအူထီဢ္တဿ္ ကဖီကဖီအခါ အံဢ္အုထီဢ္ ထါတယုဿ္စံး၀ဲ -
မိဿ္ပဿ္ပာ္တ့ဿ္ဖိဢ္ဃဲယၯ
မိဿ္ပဿ္ပာ္တ့ဿ္ဆဲဃဲယၯ
အိဢ္ဖွီဢ္ယဲလဿပွၯအက်ါ
ဆိးဖွီဢ္ယဲလဿပွၯအက်ါ
တစိၯယၯဘဢ္အိဢ္ဖိဢ္ဃဲ
တဿ္ဟဲ၀ံအံၯအဿနးလဲဢ္.

အံဢ္အုထါ၀ံၯဒီး တဿ္နဿမူဘဢ္အီၯ လီၯသယုဿ္သညိမး တုၯဒဢ္လဲဢ္ အမဲာ္ထံလီၯဆႉမး ျပဴၯျပဴၯလဿ တဿ္သ့ဢ္နီဢ္ သးသယုဿ္ဘဢ္က့ၯ မိဿ္ပဿ္သးဘိ ခံဂၯအဃိန႔ဢ္လီၯ. မၯအသးဒ္ ပွၯတဂၯ ပုာ္ဘဢ္အမဲာ္လဿ သ့ဢ္လဢ္ အသိး၀ံၯ အ၀ဲအမဲာ္ကပီၯထီဢ္ဒီး ထံဢ္ဘဢ္ဖိဢ္သဢ္ခြါဖိလဿ အဒိဢ္တဿ္ဂ့ၯ ကဆွီဂ့ၯမး တဂၯ အိဢ္ဖ်ါထီဢ္လဿ အမဲာ္ညါ န႔ဢ္လီၯ.

ႃႃခြါမုဢ္ဃံလၯဧဿ…. မ့ဿ္နဟီဢ္ထဲထဲအံၯ ဘဢ္မႏုၯလဲဢ္… နတဘဢ္သးဆံးတဂ့ၯ. ထြါစီကြံာ္ နမဲာ္ထံမီဢ္…႗႗
နီဿ္ဖီဂီၯဘီတခီ ထဲဟီဢ္သါသကုး၀ဲန႔ဢ္ဒီး တဲဆဿက့ၯ ဖိဢ္သဢ္ခြါဖိအံၯ တထီဢ္ဖ်ဲးနီတဘ်ီဘဢ္. တဿ္သံကြဿ္အီၯ တဘ်ဳးဘ်ီညါဘဢ္ဆဢ္ ကတိၯဆဿက့ၯ၀ဲ တထီဢ္ဘး နီတဘီဘဢ္. လဿခံကတဿဿ္ ဖိဢ္သဢ္ခြါဖိအံၯ ဃဢ္ တရံး အသးဒီး အတဿ္ဟါမဿ္ သဒဢ္ကြံာ္အီၯလီၯ.

နီဿ္ဖီဂီၯဘီ က့ၯဆူဟံဢ္သနာ္က့၊ တတဲဘဢ္ပွၯလဿ တဿ္နီတမံၯဘဢ္. ပာ္ဃာ္ဒဢ္၀ဲလဿ အသးပူၯလီၯ. တုၯ ဘုသဢ္မံထီဢ္ဂီၯထီဢ္ အဆဿကတီဿ္၊ ဖဲဖီဂီၯ၊ ဖီဘီလဿခုးတဖဢ္ ဖးထီဢ္အဆဿကတီဿ္န႔ဢ္ နီဿ္ဖီဂီၯဘီ ကူးဘုထဲ တဂၯဧိၯလီၯ.

ဘဢ္မုဿ္တနံၯ အ၀ဲဒဲးန႔ဿ္ဖီဂီၯ၊ ဖီဘီတဖဢ္ဒီး က့ၯစိာ္၀ဲ ဒီး က့ၯအိဢ္ဘွံး ၀ဲထဲတဂၯဧိၯဖဲ မုဿ္ထူဢ္အခါ၊ သ့ဢ္နီဢ္ ထီဢ္ဘဢ္က့ၯ ဖိဢ္သဢ္ခြါဖိလဿ အထံဢ္တ့ဿ္၀ဲ တဘ်ီတဂၯန႔ဢ္လီၯ. တဿ္နဿမူဘဢ္အီၯ လီၯသယုဿ္လီၯသညိ နးမးအဃိ အ၀ဲသ့ဢ္ညါလဿ ဖိဢ္သဢ္ခြါဖိအံၯ ကဟဲပဿဿ္ထီဢ္သတးဒီး က်ဿ္လီၯအမဲာ္ ဒီးဆုးလီၯ အခိဢ္လီၯ. ဖဲအ၀ဲ မိာ္ထီဢ္က့ၯအခိဢ္ အခါ ထံဢ္ဘဢ္၀ဲ ဖိဢ္သဢ္ခြါဖိလဿ အဒိဢ္တဿ္ကဆွဲကဆွီ ဂ့ၯမး တဂၯ ဆဿထဿဢ္ လဿအမဲာ္ညါဘူးဘူး နံၯကမွံထီဢ္၀ဲဒီး ဟဲဆ့ဢ္နီၯလဿ အ၀ဲအဃဿၯလီၯ. သံကြဿ္၀ဲ နီဿ္ဖီဂီၯဘီ…
ႃႃမုဢ္ဃံလၯဧဿ… နဒိဢ္တဿ္ဃံလၯဘဢ္ယၯဂ့ၯမး လီၯ…. စးထီဢ္လဿ ယဟဲထံဢ္လိာ္နၯ တဘ်ီ၀ံၯအလီဿ္ခံ ယဟဲဟးဆူနအိဢ္ ကိးနံၯဒဲးဃဢ္ဃဢ္လီၯ… ယသးကညီၯဘဢ္နၯ မ့ဿ္လဿနသးဘဢ္ဖွီဢ္အဃိ၊ ယထံဢ္ဘဢ္ နၯဒီး တဿ္မဲာ္ထံမဲာ္နိ ထီဘိန႔ဢ္လီၯ. … သးဆံးတဂ့ၯနီၯ…. ယကမ့ဿ္ပွၯလဿ အကမၯစဿၯနၯ တဂၯလီၯ…႗႗

ႃႃခြါဧဿ… ယထံဢ္နၯလဿညါတဘ်ီ၊ နသံကြဿ္တဿ္လဿယၯ သနာ္က့ ဒီး တဲဆဿက့ၯနၯ တထီဢ္ဖ်ဲးနီတဘီ ဘဢ္. ယမ့ဿ္ဖိဢ္ဃဲမုဢ္ဖိတဂၯ၊ ဒီးတဿ္ဟီဢ္သါသကုးတဖဢ္ ဟဲထီဢ္ခဲအံၯခဲအံၯ လဿယသ့ဢ္နီဢ္က့ၯ ယမိဿ္ယပဿ္ အဃိလီၯ…႗႗
ႃႃမုဢ္ဃံလၯဧဿ… သးဆံးလဿၯတဂ့ၯ၊ ကိဿ္ဂီၯတဿ္နီတမံၯတဂ့ၯ… ဒ္သိးနကအိဢ္မုာ္အိဢ္ခုဢ္ တစိၯဒဢ္နသး ဒီး ယကမၯစဿၯနၯလီၯ…႗႗
ႃႃခြါဧဿ… ယတထံဢ္တ့ဿ္နၯလဿညါခီ နီတဘ်ီ မးလဲဢ္… နအိဢ္နဲဖဲလဲဢ္.. ဒီးနမံၯဒ္လဲဢ္…႗႗
ႃႃယမံၯမ့ဿ္စီၯဖီဂ့ၯခြါ၊ ယအိဢ္ဒဢ္ဖဲ တယံၯတဘူးဒီး ကစဿဿ္အံၯလီၯ…. ဒီးနဲတခီ နမံၯဒ္လဲဢ္..႗႗
ႃႃကြဿ္လဿယစိာ္အံၯဘီဢ္… ယအိဢ္ဖ်ဲဢ္အဆဿကတီဿ္ မ့ဿ္၀ဲဖဲ ကူးဘုခါ၊ ဖီဂီၯ၊ ဖီဘီဖးထီဢ္အကတီဿ္သတးဒီး ယမိဿ္ယုဿ္န႔ဿ္ယမံၯလဿ ႃႃနီဿ္ဖီဂီၯဘီ႗႗ န႔ဢ္လီၯ. ခြါဧဿ… နဒိဢ္တဿ္ဖိဂ့ၯ၊ နနဿမူဒီဂၯညါ၊ တခ်ဳးနဟဲဖ်ါထီဢ္ဒံး ဘဢ္၊ ဟဲဆိနတဿ္နဿမူလဿညါ ဒ္လဲဢ္ တဲယၯတဘီမီဢ္…႗႗
ႃႃမုဢ္ဃံလၯဧဿ… နမ့ဿ္တီဒီးယၯန႔ဢ္ ယကဟ့ဢ္နၯလဿ တဿ္နဿမူအဂ့ၯကတဿဿ္လီၯ. ကယဲဿ္ပွၯအတီအလိၯ လဿ အဟဲႏုာ္ဆူ တဿ္လီဿ္အံၯန႔ဢ္၊ ကဒိးန႔ဿ္ဘဢ္ တဿ္နဿမူ အဂ့ၯကတဿဿ္ ကိးဂၯဒဲး န႔ဢ္လီၯ…႗႗
ႃႃခြါဧဿ… တခ်ဳးနလီဢ္ဖ်ါ နသးလဿယၯဘဢ္ဒီး၊ မၯသးဒ္ နပုာ္ဘဢ္ ယမဲာ္လဿတဿ္တမံၯမံၯ အသိးန႔ဢ္ အခီပညီ ဒ္လဲဢ္……႗႗

ဖီဂ့ၯခြါ ကြဿ္နီဿ္ဖီဂီၯဘီ အမဲာ္ထံထံဆးဆးဒီး နံၯကမွံထီဢ္၀ဲတစဲး ဖိဒီး ဒုးနဲဢ္အီၯလဿ သ့ဢ္လဢ္၀ါတဒ့ဒီး စံးဆဿ က့ၯ၀ဲ …
ႃႃမုဢ္ဃံလၯဧဿ.. တဿ္အ၀ဲအံၯ မ့ဿ္တဿ္တီတဿ္လိၯ အသ့ဢ္လဢ္ ၀ါတဒ့လီၯ…. နအိဢ္နဲလဿ ပွၯတတီတလိၯ ဘဢ္ အက်ါအဃိ၊ တဿ္ဒဲးဘး ကးဘဿနမဲာ္သတးဒီး နထံဢ္ဖ်ိယၯတသ့ဘဢ္ အဃိ၊ ယဘဢ္ပုာ္နမဲာ္လဿ တဿ္တီ တဿ္လိၯအသ့ဢ္လဢ္၀ါ တကလုာ္အံၯမးဒီး နထံဢ္ဖ်ိယၯ လဿမဲာ္သကိးမဲာ္ သ့၀ဲလီၯ… အိဢ္နဲ တီတီလိၯလိၯ တက့ဿ္…႗႗
ႃႃခြါဧဿ… ယကက်ဲးစဿးတီဒီးနၯ တုၯယဒိးန႔ဿ္ဘဢ္ယဲ တဿ္နဿမူအဂ့ၯကတဿဿ္လဿ နအိဢ္တစုလီၯ… တဘဢ္သး ပ့ၯနီဢ္ယၯတဂ့ၯနီၯ….႗႗
ႃႃမုဢ္ဃံလၯဧဿ… တဘဢ္ကိဿ္တဘဢ္ဂီၯတဿ္ နီတမံၯတဂ့ၯ… အိဢ္နဲတီတီလိၯလိၯ ဂ့ၯဂ့ၯ၀ါ၀ါ တုၯလဿ ပထံဢ္လိာ္က့ၯ ကဒီး ပသးတစုတက့ဿ္…႗႗

စီၯဖီဂ့ၯခြါ စံးကတိၯတဿ္ ဒ္အံၯ၀ံၯ၊ ထြဲထီဢ္အခီဢ္တခါဘဢ္တခါ ဒီးဃဢ္ဒူခ်ဿကြံာ္အသးဒီး နီဿ္ဖီဂီၯဘီဒီး ဟါမဿ္ ကြံာ္၀ဲလီၯ. နီဿ္ဖီဂီၯဘီ တခီအိဢ္တ့ဿ္က့ၯထဲတဂၯဧိၯ ကြဿ္တဿ္ဆူအံၯဆူဘး သနာ္က့ တထံဢ္လဿၯ၀ဲ စီၯဖီဂ့ၯ ခြါဘဢ္န႔ဢ္လီၯ.

အခါဖဲပွၯယီဿ္ဘု၀ံၯ ၀ံထီဢ္ဘုလဿ တလီပူၯဆူ ဘုဖီပူၯ၀ံၯလံအခါ ဘဢ္မုဿ္တနၯ လါကပီၯလီၯ ဂ့ၯမးလီၯ. နီဿ္ဖီဂီၯဘီ မံတန့ဿ္နီတရ့ဘဢ္. အဂ့ဿ္ဒ္အံၯ တဿ္နဿမူဘဢ္အီၯ လီၯသယုဿ္လီၯသညိ နးမးဒီး အ၀ဲသ့ဢ္နီဢ္ ဘဢ္က့ၯ အခြါဃံလၯ တုၯဒဢ္လဲာ္ ဘဢ္ဟးထီဢ္လဿ ဒဿးပူၯဒီး လဲၯဟးဆူ ပ်ီပူၯန႔ဢ္လီၯ.

နီဿ္ဖီဂီၯဘီ အိဢ္ဒီး အတနဿ္ဖိတခါလဿ အဒ့ညီႏုဿ္၀ဲ လီၯ. လါကပီၯလီၯဂ့ၯမး ဒီး၊ အ၀ဲဆ့ဢ္နီၯထဲတဂၯဧိၯဒီး အံဢ္အုထီဢ္အတဿ္ သံက်ံလဿ အဒ့ညီႏုဿ္တ့ဿ္၀ဲဒီး ဒ့ဃုာ္၀ဲ တခီတခီဒ္အံၯလီၯ.
ၾကဳဿ္နဿ္၊ ၾကဳဿ္နဿ္၊ တခြါဧဿ၊ တခြါဧဿ၊ အိ…. တခြါဧဿ၊ ထိဢ္လြံဿ္ပွ႔ၯလဿကစဿဿ္ခ်ဿ၊ သးမ့ဿ္အိဢ္ပွ႔ၯ သဂဿဿ္ဆဿ၊ သးမ့ဿ္အိဢ္ ပွ႔ၯသဂဿဿ္ဆဿ.
ၾကဳဿ္နဿ္၊ ၾကဳဿ္နဿ္၊ တူၯလ့လ့ဧီဿ္၊ တူၯလ့လ့ ၊ တူၯလ့လ့ဧီဿ္ တူၯလ့လ့ယဖီအံၯ၊ ယဖီအံၯအမဲာ္ဆွးသ့၊ ယဖီအံၯ ယဖီအံၯ အမဲာ္ဆွးသ့….

ဒ့တနဿ္တခ်ဳးကတဿဿ္ မၯအသးဒ္ တဿ္ပုာ္အမဲာ္လဿ သ့ဢ္လဿအသိး၊ တဘ်ီဃီ ခြါဃံလၯအိဢ္ဖ်ါထီဢ္လဿ အမဲာ္ညါ ကြဿ္၀ဲနီဿ္ဖီဂီၯဘီ အမဲာ္ဃံလၯဖိဒီး နံၯကမွံထီဢ္၀ဲ၀ံၯ၊ ဟဲဆ့ဢ္နီၯကဒီးဖဲ အ၀ဲကပၯန႔ဢ္လီၯ. စီၯဖီဂ့ၯ၀ါ တဲဘဢ္နီဿ္ဖီဂီၯဘီလဿ တဿ္ကတိၯကဖီလီ…
ႃႃမုဢ္ဃံလၯဧဿ… ယတဲယမိဿ္ယပဿ္လဿ ယတဿ္အဲဢ္ဘဢ္နၯအဂ့ဿ္… ဒီးနတဿ္တီတဿ္လိၯအဂ့ဿ္ဒီး အ၀ဲသ့ဢ္ ဘဢ္အသးဒီး တူဿ္လိာ္၀ဲ ကစီဒီလီၯ. နဆိကမိဢ္နဲဒ္လဲဢ္… ယနာ္သပွဿ္တဿဿ္လဿ၊ ဖဲယအိဢ္အလီဿ္န႔ဢ္ နကအိဢ္ ဘဢ္နဲဒီး တလီၯဖးဒီးယၯ နီတစုလဿၯဘဢ္ န႔ဢ္လီၯ… နဘဢ္တဲစ့ဿ္ကီး နမုဿ္ဂဿ္ဖါတံဿ္လဿ တဂ့ဿ္အံၯဒီး တဿ္တ့တဿ္ဖ်ီတခီ ယကဘဢ္သုးက်ဲၯလဿ ယအိဢ္တခီလီၯ.. မုဢ္ဃံလၯဧဿ၊ နဲတခီ နအဿဢ္လီၯ စ့ဿ္ကီးဧါ..႗႗
ႃႃခြါဧဿ… ယကမၯလဿပွဲၯနတဿ္အဲဢ္ဒိး၊ ဒီးယကမၯမုာ္နၯထီဘိ၊ တစိၯယသးလီၯ… ယကတဲယမုဿ္ဂဿ္ ဖါတံဿ္ လဿ တဿ္ဂ့ဿ္အံၯ ခဲလဿာ္လီၯ…႗႗

စီၯဖီဂ့ၯခြါ ဒီးနီဿ္ဖီဂီၯဘီခံဂၯ ဖးနံၯဖးသီ၊ တဿ္ဆဿကတီဿ္လဿ တဿ္ကဟဲဟံးန႔ဿ္အီၯ၀ံၯ စီၯဖီဂ့ၯခြါ မၯလိာ္ထြဲ က့ၯအတဿ္အဲဢ္ဃံလၯဖိ ဒ္အံၯလီၯ.
ႃႃမုဢ္ဃံလၯဧဿ… အိဢ္နဲတီတီလိၯလိၯတက့ဿ္…. ယကက့ၯလီၯ…႗႗
လဿတဆဿလီၯဖးဘဢ္အပူၯ ယုာ္အသးဃဿဃဿ၊ စီၯဖီဂ့ၯခြါ ခါထီဢ္အခီဢ္တခါဘဢ္တခါ လဿတဿ္ကြဿ္ကဒါက့ၯ အမုဢ္ဃံလၯ ယံၯထီဢ္ တစဲးဘဢ္တစဲးဒီး ဟါမဿ္ကြံာ္သတူဿ္ကလာ္လီၯ.

နီဿ္ဖီဂီၯဘီ အိဢ္တ့ဿ္လဿ တဿ္သယုဿ္သညိအပူၯလံ၊ မုဿ္ဆ့ဢ္ထီဢ္ အ၀ဲတဲဘဢ္အဖါတံဿ္ တဿ္ဂ့ဿ္တဿ္က်ိၯ တဖဢ္လဿ စီၯဖီဂ့ၯခြါတဂၯ အတဿ္ဟဲအခီဢ္ထံးတဘ်ီ ဒီး တုၯလဿ အကတဿဿ္န႔ဢ္လီၯ. နီဿ္ဖီဂီၯဘီ အဖါတံဿ္ သ့ဢ္ညါ ၀ဲစ့ဿ္ကီး တဿ္မၯတ့ဿ္လံအသး ဒ္အံၯတဖဢ္ အိဢ္၀ဲအဃိ၊ အ၀ဲတတဲအါတဿ္ နီတမံၯဘဢ္. အဿဢ္လီၯ ၀ဲလဿတဿ္သူဢ္မံသးမံအပူၯလီၯ. တဿ္သ့ဢ္နံၯဖးသီ ဘဢ္ဃး တဿ္တ့တဿ္ဖ်ီစ့ဿ္ကီး ပာ္ဂဿဿ္ပာ္က်ဿၯ၀ဲ န႔ဢ္လီၯ.

ဒ္တဿ္သ့ဢ္ဆဿဖးကတီဿ္ အမုဿ္နံၯဟဲ၀ဲအသိး၊ မုဿ္အိဢ္၀ဲတနံၯ၊ လဿနီဿ္ဖီဂီၯဘီအဖါတံဿ္ အဟံဢ္ပူၯ၊ တဿ္နဿမူ နဿဆွီဒီဟံဢ္ညါ ဒီး တၯသြီဢ္တဖဢ္ ဟဲစံဢ္အါအါဂီဿ္ဂီဿ္ လဿသ့ဢ္ခံလီၯ. ပွၯထံဢ္ဒဢ္ထဲ အမ့ဿ္တၯသြီဢ္ လီၯ. ဘဢ္ဆဢ္ နီဿ္ဖီဂီၯဘီ အတဿ္ထံဢ္တခီ၊ မ့ဿ္ဒဢ္ပွၯဟဲအီဢ္မူး တဖဢ္ ဟဲအါအါဂီဿ္ဂီဿ္၊ ဒီး နီဿ္ဖီဂီၯဘီ ဟါမဿ္လဿ ပွၯကြဿ္ကီတဿ္သ့ဢ္တဖဢ္ အက်ါလီၯ.

နီဿ္ဖီဂီၯဘီ အဖါတံဿ္ဒီး ပွၯသ၀ီဖိခဲလဿာ္ နဿ္ပဿဿ္၀ဲလဿ အ၀ဲလဲၯဖ်ီအသးလံလဿ ပွၯတီပွၯလိၯ သ့ဢ္တဖဢ္ အိဢ္၀ဲဆိး၀ဲ အလီဿ္န႔ဢ္လီၯ. စီၯဖီဂ့ၯခြါဒီး နီဿ္ဖီဂီၯဘီ ခံဂၯအံၯ ကအိဢ္၀ဲဒီး တဿ္နံၯကမွံ၊ ဒီးတဿ္သူဢ္ဖွံသးညီ ဖဲ တဿ္တ့တဿ္ဖ်ီ အမူးန႔ဢ္စ့ဿ္ကီးလီၯ. သးစဿ္ဖိခံဂၯ အတဿ္အဲဢ္တဿ္ကြံဒီး အတဿ္ဆဿမုဿ္လဿ္ တဖဢ္ လဿပွဲၯ၀ဲလံ လီၯစိၯန႔ဢ္လီၯ.

(ဟံးန႔ဿ္အီၯလဿ ႃပွၯကညီအပူတဖဢ္႗ အဘ့ဢ္ (တဿ) အပူၯလဿ ပီဿ္ရီမါမဿလ့မႜးကႜီဢ္ထဿဖွိဢ္ဒီး ကြဲး၀ဲန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

April 2, 2011

ဖံဘံယီၯအပူ

တဿ္စံး၀ဲတဘ်ီ ဖိဢ္ဃဲဒီပုဿ္၀ဲဿ္မုဢ္ဒီးခြါ အိဢ္ခံဂၯလီၯ. မိဿ္ပဿ္သံသဒဢ္ကြံာ္အ၀ဲသ့ဢ္ ဒီးအိဢ္လီၯတဲာ္က့ၯ၀ဲထဲ ခံဂၯဧိၯ လီၯ. တိဿ္စ့အိဢ္၀ဲစွၯကိာ္ဖိလဿ အ၀ဲသ့ဢ္ကအီဢ္ကအီအဂီဿ္ န႔ဢ္လီၯ.

ပွၯဖိဢ္ဃဲမ့ဿ္အိဢ္ဖဲသ၀ီပူၯန႔ဢ္ ပွၯအါဂၯနာ္၀ဲလဿ ကဘဢ္ကူဘဢ္ဂာ္ပွၯဟံဢ္ဖိ အဂၯတဖဢ္ ဒ္သိးအမိဿ္အပဿ္ သံသဒဢ္ကြံာ္အ၀ဲသ့ဢ္ ဒီးကဘဢ္အိဢ္ဖိဢ္ဃဲဒ္သိး အ၀ဲသ့ဢ္န႔ဢ္လီၯ. ဖိဢ္ဃဲဒီပုဿ္၀ဲဿ္ မုဢ္ခြါဖိခံဂၯအံၯ ဘဢ္တဿ္ ဟီထီဢ္ကြံာ္ဆူ သ၀ီအခ်ဿန႔ဢ္လီၯ.

ဖိဢ္ဃဲဒီပုဿ္၀ဲဿ္မုဢ္ဒီးခြါခံဂၯအံၯ သူဢ္ထီဢ္အဒဲဖိတဖ်ဿဢ္ ဒီးဖဲးအီဢ္ခုးဖဲန႔ဢ္လီၯ. အ၀ဲသ့ဢ္ဖံးအီဢ္မၯအီဢ္တဿ္ တီတီလိၯလိၯ ဆဢ္ဖိကီဿ္ဖိသ့ဢ္တဖဢ္ လဿအဟဲအီဢ္ဒီး မၯဟးဂုာ္ဟးဂီၯ တၯသူတၯသဢ္သ့ဢ္တဖဢ္ ဒဢ္လဲာ္ တနီထီဢ္ကြံာ္၀ဲလဿ တဿ္ဆိဢ္တဿ္ထုအပူၯဘဢ္. နီကြံာ္၀ဲလဿ တဿ္ကလုဿ္အမုာ္အယုဿ္ တဖဢ္လီၯ. ပွၯခးတဿ္ဖိ မ့ဿ္ဟဲခးဆဢ္ဖိကီဿ္ဖိတဖဢ္ဒီး အ၀ဲသ့ဢ္ထုကဖဢ္ သဢ္ကမဲၯတဿ္လဿ ဆဢ္ဖိကီဿ္ဖိ တဖဢ္အဂီဿ္ ဒ္သိး ကပူၯဒုဢ္ပူၯဒါ စ့ဿ္ကီးန႔ဢ္လီၯ.

စွၯနံဢ္အတီဿ္ပူၯ တဿ္ဟဲကဲထီဢ္အသးလဿ ဘုဧိၯဟုဧိၯ ဒီးပွၯဖဲးခုးဧိၯသံဢ္ဧိၯတဖဢ္ တန႔ဿ္အီဢ္ဘုလဿလဿ ပွဲၯပွဲၯ ဘဢ္အဃိ၊ တဿ္သဢ္၀ံၯလီၯဒိ အိဢ္ထီဢ္၀ဲလီၯ. သ၀ီဖိတဖဢ္ ဟးထီဢ္ဆူသ၀ီခ်ဿ ဒီးဟးဃုပွ႔ၯအီဢ္ ဟုသး န႔ဢ္လီၯ. ဖိဢ္ဃဲခြါဖိစ့ဿ္ကီး မဿ၀ဲအဒ့မုဢ္အိဢ္ခိးဒဲ၊ ဒီးကလဲၯဃုပွ႔ၯအီဢ္ဟုသး န႔ဢ္လီၯ.

ဖိဢ္ဃဲခြါဖိအံၯ ထံဢ္ဘဢ္ ပွၯသ၀ီဖိအါမး လဲၯလဲၯက့ၯက့ၯ၀ဲလဿ ကပွ႔ၯအီဢ္ဟုသးအဂီဿ္ န႔ဢ္လီၯ. ဖိဢ္ဃဲခြါဖိ လဲၯပွ႔ၯအီဢ္ဟုသးလဿ ပွၯဆါဟုသးအလီဿ္၀ံၯ ဟဲက့ၯ၀ံ၀ဲဟုသးအခါ ဖဲက်ဲကပၯတယံၯတဘူးန႔ဢ္၊ နဿ္ဟူ၀ဲ တဿ္ကလုဿ္တခါလဿ အမ့ဿ္ပွၯပိာ္မုဢ္တဂၯ၊ ဃ့တဿ္မၯစဿၯအကလုဿ္န႔ဢ္လီၯ. ပွၯအါဂၯလဲၯလဲၯက့ၯက့ၯ ၀ဲဖဲ က်ဲန႔ဢ္အိဢ္အါမး နဿ္ဟူ၀ဲစ့ဿ္ကီး တဿ္ဃ့တဿ္မၯစဿၯ ကလုဿ္န႔ဢ္ သနာ္က့၊ တကနဢ္ဃုာ္၀ဲဘဢ္ဒီး လဲၯကပာ္ ကြံာ္၀ဲတကူဢ္သ့ဢ္လီၯ.

မ့ဿ္လဿတဿ္သူဢ္ဂ့ၯသး၀ါ အိဢ္၀ဲအဃိ ဖိဢ္ဃဲခြါဖိအံၯ လဲၯကြဿ္၀ဲ ဒီးထံဢ္ဘဢ္၀ဲ ဖံသးပွဿ္မဲပိာ္ခိဢ္၀ါတဂၯ ဘဢ္ဘ်းဒီး သ့ဢ္ဃံဢ္န႔ဢ္လီၯ. ဖံတဂၯအံၯ ထံဢ္ဘဢ္ဖိဢ္ဃဲခြါဖိအံၯ တဘ်ီဃီ၊ ဃ့ကညး၀ဲဒ္သိး ကမၯထူဢ္ဖ်ဲး ကြံာ္အီၯန႔ဢ္လီၯ.
ႃႃတဿ္လံၯခြါ… တဿ္လံၯခြါ… ဟဲမၯစဿၯဖံတဘီ…. ဖံဘဢ္ဘ်းဒီး သ့ဢ္ဃံဢ္အံၯ ယံာ္၀ဲခံသီလံလီၯ. ဖံတအီဢ္ ဘဢ္မ့ၯတအိဘဢ္ထံအဃိ… တဿ္သဢ္၀ံၯယသးဒိဢ္မးလီၯ. ဟဲဒီး မၯထူဢ္ဖ်ဲးကြံာ္ ဖံတဘီ… တဿ္လံၯခြါဧဿ.႗႗

ကြဿ္ထံကြဿ္ဆး၀ဲ ဖံတဂၯအံၯ ဒီးသူဢ္ကညီသးကညီၯ၀ဲ သတးဒီး ဟံးထီဢ္အဃဲာ္ ဒီးက်ီထီဢ္တဲာ္ကြံာ္၀ဲ သ့ဢ္ ဃံဢ္တဖဢ္လဿ အဘံဃာ္ဖံ တဂၯအံၯ ခဲလဿာ္ခဲဆ့ န႔ဢ္လီၯ. ဖံတဂၯ ထူဢ္ဖ်ဲး၀ဲအဃိ၊ သူဢ္ခုသးခု၀ဲဒီး စံးဘ်ဳး စံးဖွိဢ္ဘဢ္ ဖိဢ္ဃဲခြါဖိအံၯ ဒိဢ္မးန႔ဢ္လီၯ.

က့ၯကိး၀ဲ ဖံတဂၯအံၯဆူ အဒဲအိဢ္၀ဲအလီဿ္ ဒီးမဿအပုဿ္မုဢ္ဖိ ဖီထီဢ္မ့ၯလဿ ဖံတဂၯအံၯ ကအီဢ္၀ဲအဂီဿ္ လီၯ. ဖိဢ္ဃဲမုဢ္ဖိ တဂၯအံၯ စံးကတိၯကသြံ တဿ္လဿ အ၀ဲဿ္ခြါဒ္အံၯလီၯ.
ႃႃစီဧဿ… ဘဢ္မႏုၯနဟဲက့ၯကိး ပွၯတမွံၯ ဖဲဟုသးကၯအဆဿကတီဿ္အံၯလဲဢ္.႗႗
ဖိဢ္ဃဲခြါဖိအံၯ တုၯအနဿ္ဟူ အပုဿ္မုဢ္ဖိတဂၯ စံးကတိၯတဿ္ဒ္အံၯဒီး၊ တဲကသြံက့ၯအပုဿ္ဒ့မုဢ္ဖိလဿ တဿ္ကတိၯ ကပုာ္လုးဖိ ဒီးစံး၀ဲဒဢ္၊
ႃႃဒ့မုဢ္ဧဿ… တဲတဿ္ဒ္န႔ဢ္တဂ့ၯမီဢ္… ပပွၯကညီဖိတကလုာ္အံၯ အိဢ္၀ဲဒီး အလုဿ္အလဿ္ လီၯဆီဒဢ္တဿ္လဿ ပ်ဿၯလံၯလံၯ… ပွၯတမွံၯမ့ဿ္ဟဲဒီး ကဘဢ္တူဿ္ဆဿခီဢ္ဆဿ၀ဲ လဿလဿပွဲၯပွဲၯလီၯ.႗႗

တုၯန႔ဢ္တဘ်ီ၊ ဖိဢ္ဃဲမုဢ္ဖိအံၯ ဟံးထီဢ္သပဿၯဖိတဖ်ဿဢ္ လဿကဖီထီဢ္မ့ၯအဂီဿ္လီၯ. တခ်ဳးဖဿႏုာ္ဟုသးဆူ သပဿၯပူၯဒံးဘဢ္ဒီး၊ ဖံတဂၯအံၯ စံးဘဢ္ဖိဢ္ဃဲမုဢ္ဖိဒ္အံၯလီၯ.
ႃႃတဿ္လံၯမုဢ္ဧဿ၊ နမ့ဿ္ဖီထီဢ္မ့ၯဒီး ဖဿႏုာ္ဟုသးဖဲသပဿၯပူၯ ထဲဟုသးႏြံဖ်ဿဢ္ဧိၯတက့ဿ္…႗႗
ဒ္ဖံတဂၯစံးကတိၯ၀ဲ အသိး ဖဿႏုာ္၀ဲဟုသး ထဲႏြံဖ်ဿဢ္ဧိၯလဿ သပဿၯပူၯ၊ ဒီးဖီထီဢ္၀ဲလီၯ. တုၯမ့ၯမံဒီး မ့ၯတဖဢ္ ပွဲၯ၀ဲ သပဿၯဒီဖ်ဿဢ္ညါလီၯ. အဃိသတးဒီး ဖိဢ္ဃဲဖိခံဂၯအံၯ အီဢ္လဿအီလဿ ၀ဲ ဒီတနံၯညါ န႔ဢ္လီၯ.

ဖံတဂၯ ကိးလီၯအမံၯလဿ အမ့ဿ္၀ဲ ႃႃဖံဘံယီၯ႗႗ န႔ဢ္လီၯ. ဖံတဂၯအံၯ တမ့ဿ္ဖံကလီကလီ တဂၯဘဢ္. မ့ဿ္ဖံလဿ အသူ၀ဲပွိၯ၀ဲ တဂၯစ့ဿ္ကီးန႔ဢ္လီၯ. ဆူညါခီတနံဢ္ဖဲ ပွၯစးထီဢ္ထူစံာ္ဒီး မၯသံဢ္မၯခုးအဆဿ ကတီဿ္ န႔ဢ္ဒီး ဖံတဂၯအံၯဟ့ဢ္၀ဲ ဖိဢ္ဃဲခြါဖိတဂၯအံၯလဿ ဃဲာ္တဘ့ဢ္ဒ္သိး ကက်ီဘ်႕ကြံာ္တဿ္လူဿ္ႏြံလူဿ္၊ ဒီး တဿ္ႀတီၯ ပူၯႏြံႀတီၯ န႔ဢ္လီၯ. ဖိဢ္ဃဲခြါဖိစးထီဢ္က်ီ၀ဲ သ့ဢ္တထူဢ္၊ တုၯအကဿ္လီၯဒီး တဿ္လူဿ္ႏြံလူဿ္ ဒီး တဿ္ႀတီၯပူၯႏြံႀတီၯသ့ဢ္တဖဢ္ ခဲလဿာ္ ကဿ္လီၯ၀ဲခဲလဿာ္ စီဖ့ကလ့ၯန႔ဢ္လီၯ.

ကုဿ္ဃိစီမ့ဢ္ကြံာ္၀ဲ သ့ဢ္တဖဢ္လဿ တဿ္လူဿ္ႏြံလူဿ္ဒီး တဿ္ႀတီၯပူၯႏြံႀတီၯ ၀ံၯအလီဿ္ခံ ဖံတဂၯအံၯ ဟးဆွဢ္၀ဲ သကုၯတဿ္လူဿ္ႏြံလူဿ္ဒီး တဿ္ႀတီၯပူၯႏြံႀတီၯ ယဿ္ထီဢ္အစု ခံခီခံကပၯ ထိဢ္တရူၯလီၯအသး ဒီး ဘုသဢ္ခ်ံ သ့ဢ္တဖဢ္ လီၯတဲာ္၀ဲသကုၯ ဘဢ္လီဿ္ဘဢ္စး ဂ့ၯမးန႔ဢ္လီၯ. ဘုတဖဢ္မဲထီဢ္ဂ့ၯမး ဒီးသဢ္ထီဢ္စ့ဿ္ကီး လဿပွဲၯ ဂ့ၯမးလီၯ.

မ့ဿ္လဿ ဖံဘံယီၯ ပွိၯ၀ဲပွီဿ္၀ဲအဃိ ဘုသ့ဢ္တဖဢ္ဟဲမဲထီဢ္ ဒိဢ္ထီဢ္ သဢ္ထီဢ္၀ဲခ်႕သဒံး လဿပွဲၯ၀ဲဒီး ဃံလၯ၀ဲ ဂ့ၯမးလီၯ. ႏြံလူဿ္ဒီးႏြံႀတီၯအပူၯ ဘုတဖဢ္မဲထီဢ္၀ဲ အိဢ္ဒီးအလြဲဿ္လါဟ့၊ တုၯဘုတဖဢ္မံထီဢ္၀ဲဒီး အိဢ္ဖ်ါ၀ဲ အလြဲဿ္ဘီညီဢ္ကလာ္အဃိ ဖ်ါဃံဖ်ါလၯ၀ဲ ဒိဢ္ဒိဢ္ကလဲာ္န႔ဢ္လီၯ.

လဿဖံဘံယီၯ အတဿ္မၯစဿၯဆီဢ္ထြဲ၀ဲအဃိ ဖိဢ္ဃဲဒီပုဿ္၀ဲဿ္မုဢ္ဒီးခြါဖိခံဂၯအံၯ အဘုတဖဢ္ မဲထီဢ္သဢ္ထီဢ္၀ဲ လဿပွဲၯဂ့ၯမးလီၯ. ဒူဖိသ၀ီဖိတဖဢ္ ထံဢ္၀ဲတဿ္အံၯဒီး သူဢ္က့ဢ္သးကါ၀ဲဒီး ကရဿကရိထီဢ္အသး၀ံၯ လဲၯကူာ္ ကြံာ္၀ဲဘုတဖဢ္ ခဲလဿာ္ခဲဆ့ဒီး က့ၯစိာ္၀ဲဆူ အ၀ဲသ့ဢ္အဘုဖီပူၯ စုာ္စုာ္ န႔ဢ္လီၯ. ဖိဢ္ဃဲဖိခံဂၯအံၯ ထံဢ္ဘဢ္ တဿ္မၯအသးဒ္အံၯဒီး အသူဢ္တမုာ္အသးတမုာ္၀ဲ ဘဢ္ နးနးကလဲာ္လီၯ.

ဘဢ္ဆဢ္ဖံဘံယီၯ စံးဘဢ္ဖိဢ္ဃဲခြါဖိအံၯလဿ တဿ္ကတိၯကသြံဒံအပူၯဒ္အံၯ…
ႃႃတဿ္လံၯခြါဧဿ သူဢ္ထီဢ္သးဖ်ိး ပွၯလဿနဃဿၯတဖဢ္ တဂ့ၯ. အိဢ္ဒီးတဿ္သူဢ္ဂ့ၯသး၀ါထီဘိ ဒ္နပာ္တ့ဿ္လံ နသး လဿညါခီအသိး န႔ဢ္တက့ဿ္… လဲၯဒီးက်ီန႔ဿ္၀ဢ္ တဖဢ္၊ ဒီးထ့ထီဢ္ ဘုဖီဖးဒိဢ္ႏြံဖ်ဿဢ္ တက့ဿ္.႗႗

ဖိဢ္ဃဲတဂၯအံၯ ဒိကနဢ္၀ဲ ဖံဘံယီၯအံၯ ဂ့ၯမး၊ ဒီးလဲၯက်ီန႔ဿ္၀ဢ္တဖဢ္၊ ထ့ထီဢ္၀ဲ ဘုဖီဖးဒိဢ္ႏြံဖ်ဿဢ္ တကူဢ္သ့ဢ္လီၯ. ထ့၀ဲ၀ံၯခဲလဿာ္ဒီး ဖံဘံယီၯမဿဖိဢ္ဃဲခြါဖိအံၯ ဆီလီၯတဖ်ဿဢ္ဒီးတဖ်ဿဢ္လဿ အလီဿ္ဒဢ္၀ဲ စုာ္စုာ္လီၯ. ဖံဘံယီၯလဲၯႏုာ္ဆူ ဘုဖီပူၯတဖ်ဿဢ္၀ံၯတဖ်ဿဢ္ ဒီးဟ့ဢ္ထီဢ္အကလုဿ္ ဒ္အံၯလီၯ.
ႃႃဘုသ့ဢ္ဟုသ့ဢ္ဧဿ… ဟဲက့ၯ… ဟဲက့ၯဆူ သုလီဿ္သုက်ဲ တက့ဿ္…. ဟဲက့ၯမၯပွဲၯက့ၯ ဘုဖီတဖဢ္အံၯ တက့ဿ္. ဟဲက့ၯပာ္ဖွိဢ္က့ၯသုသး ခဲလဿာ္ခဲဆ့တက့ဿ္…႗႗
စံးတဿ္ဒ္န႔ဢ္၀ံၯတဘ်ီဃီ ဘုတဖဢ္ ဟဲလူလီၯအသးလဿဘုဖီပူၯ ပွဲၯ၀ဲဘုဖီဖးဒိဢ္ ႏြံဖ်ဿဢ္န႔ဢ္လီၯ. ပွၯဒူဖိ သ၀ီဖိ သ့ဢ္တဖဢ္ ကြဿ္လီၯက့ၯ အ၀ဲသ့ဢ္ဘုဖီပူၯ၊ ထံဢ္ဘဢ္၀ဲလဿ ဘုတအိဢ္လဿၯနီတဖ်ဿဢ္ လဿၯဘဢ္အဃိ သူဢ္ဒိဢ္ သးဖ်ိးတဿ္ ဒိဢ္ဒိဢ္ကလဲာ္လီၯ. အ၀ဲသ့ဢ္ကိးဖွိဢ္ရိဖွိဢ္ထီဢ္အသး ဟံးထီဢ္ဘီဧိၯနးဧိၯတဖဢ္ဒီး လဲၯ၀ဲဆူသ၀ီခ်ဿ ဖဲဖိဢ္ဃဲအဒဲဖိ အိဢ္၀ဲအလီဿ္ ဒ္သိးကမၯသံကြံာ္ ဖိဢ္ဃဲ ဒီပုဿ္၀ဲဿ္မုဢ္ခြါခံဂၯဒီး ဖံဘံယီၯ န႔ဢ္လီၯ. ဟဲတုၯဘူးထီဢ္ ဒီး ဖိဢ္ဃဲအဒဲဒီး က၀ီၯဃာ္၀ဲဒ္သိး ထြးထီဢ္ဃ့ဿ္တသ့ နီတဂၯဘဢ္လီၯ. ဖံဘံယီၯစံးဘဢ္ ဖိဢ္ဃဲခြါဖိကဒီး…
ႃႃတဿ္လံၯခြါဧဿ… တဘဢ္ပ်ံၯတဿ္တဂ့ၯ၊ တဘဢ္သူဢ္ဒိဢ္သးဖ်ိး ပွၯဒူဖိသ၀ီဖိ တဖဢ္အံၯတဂ့ၯ. …. သူဢ္ကညီၯ သးကညီၯ အ၀ဲသ့ဢ္တက့ဿ္. တဿ္သူဢ္က့ဢ္သးကါ လဿအအိဢ္၀ဲလဿ အ၀ဲသ့ဢ္အပူၯတဖဢ္၊ ဒ္သိး ကသ့ဢ္ညါလီၯက့ၯ၀ဲ ဒ္သိး ကပီဿ္ယဿ္လီၯက့ၯ အ၀ဲသ့ဢ္အသး ကသ့န႔ဢ္၊ ဖံကသိဢ္က့ၯသီက့ၯ ဒဢ္ကယဿး..႗႗

ဖံတဂၯအံၯ တဲဘဢ္ဖိဢ္ဃဲခြါဖိလဿ အကလုဿ္ဆံးကိာ္ဖိ၊ ဒီးစံးကတိၯ၀ဲဆူညါကဒီး ဒ္အံၯလီၯ.
ႃႃတဿ္လံၯခြါဧဿ… ဟ့ဢ္ယၯပ်ံၯတဘိဒီး နီဢ္လဲာ္တဘိ တက့ဿ္႗႗
စံးတဿ္ဒ္န႔ဢ္၀ံၯ၊ ဖိဢ္ဃဲဟ့ဢ္ဖံတဂၯအံၯ ပ်ံၯတဘိဒီး နီဢ္လဲာ္တဘိ ခ်႕သဒံးန႔ဢ္လီၯ. တုၯန႔ဢ္တစု ဖံဘံယီၯ ဟံးထီဢ္ပ်ံၯတဘိဒီး၊ ဟ့ဢ္ထီဢ္၀ဲအကလုဿ္..
ႃႃပ်ံၯဧဿ… သူထီဢ္ပွိၯထီဢ္နဲတက့ဿ္.. ပွၯတဖဢ္အံၯ မ့မ့ဿ္သဿပ်ဿၯ ပဒုဢ္ပဒါလဿ အသူဢ္က့ဢ္သးကါ တဿ္ဒီး စဿဃာ္အ၀ဲသ့ဢ္ ခဲလဿာ္တက့ဿ္.႗႗
ပ်ံၯတဘိလဿ အအိဢ္လဿ ဖံဘံယီၯအစုပူၯန႔ဢ္ လဿတဖ်းမဲာ္အတီဿ္ပူၯ လဲၯစဿဃာ္ကြံာ္၀ဲပွၯလဿ အဟဲက၀ီၯ ဃာ္ဒဲအံၯ တဖဢ္ခဲလဿာ္ခဲဆ့ လီၯ. ဖံတဂၯအံၯ ဟံးထီဢ္ကဒီး နီဢ္လဲာ္တဘိ ဒီး ဟ့ဢ္ထီဢ္၀ဲအကလုဿ္…
ႃႃနီဢ္လဲာ္ဧဿ… ပွၯတဖဢ္အံၯ မ့မ့ဿ္ပွၯလဿ အသူဢ္တဂ့ၯသးတ၀ါ ဘဢ္သဿပ်ဿၯ န႔ဢ္ဒီး… လဲၯဒီးဒိ၊ တီဿ္အီၯတက့ဿ္…႗႗
နီဢ္လဲာ္တဘိအံၯ လဲၯတုၯ၀ဲ ခ်႕သဒံး ဒီးဒိ၀ဲတီဿ္၀ဲ ပွၯတဖဢ္န႔ဢ္အဃိ ကိးပသူကိးပသီ၀ဲ သီဢ္တၾထဳးမးလီၯ. ဖဲပွၯတဖဢ္န႔ဢ္အက်ါ ပွၯတဂၯ ကိးပသူထီဢ္၀ဲလဿ အကလုဿ္ဖးဒိဢ္…
ႃႃဖံဧဿ.. ဖံဧဿ… နီဢ္လဲာ္ဒိပွၯတီဿ္ပွၯ ပတူဿ္တကဲ လဿၯဘဢ္. ယံာ္ယံာ္ ပကသံခဲလဿာ္လီၯ. သးကညီၯပွၯ တက့ဿ္… ပသ့ဢ္ညါလဿ ပကမဢ္လံ… ၀ံသးစူၯပ်ဿ္ကြံာ္ ပတဿ္ကမဢ္ဒီး ဆိတ့ဿ္ကြံာ္ နီဢ္လဲာ္လဿ အတီဿ္ပွၯ၊ ဒီး ပ်ံၯလဿအစဿဃာ္ပွၯအံၯန႔ဢ္တက့ဿ္.႗႗

ဖံဘံယီၯ နဿ္ဟူတဿ္ကလုဿ္လဿ အပာ္ဖ်ါထီဢ္ အတဿ္ပီဿ္ယဿ္လီၯအသး ဒီးထံဢ္လီၯ၀ဲ တဿ္ကမဢ္လံ အဃိ၊ ဖံဘံယီၯ ဟ့ဢ္ထီဢ္အကလုဿ္ကဒီး…
ႃႃပ်ံၯလဿအသူအပွိၯ… နီဢ္လဲာ္လဿအသူအပွိၯသ့ဢ္ဧဿ.. ဆိတ့ဿ္ကြံာ္ သုတဿ္မၯတဖဢ္တက့ဿ္… ဟဲက့ၯ… ဟဲက့ၯဆူ သုလီဿ္သုက်ဲ တက့ဿ္.႗႗

စံးတဿ္ဒ္န႔ဢ္၀ံၯတဘ်ီဃီ ပ်ံၯတဘိဒီး နီဢ္လဲာ္တဘိ ဟဲက့ၯခ်႕သဒံးလဿ ဖံဘံယီၯ အစုလိၯန႔ဢ္လီၯ. ဒူဖိ သ၀ီဖိ သ့ဢ္တဖဢ္ ထြးထီဢ္ဃ့ဿ္၀ဲ တကူဢ္သ့ဢ္တုၯဒဢ္လဲာ္ ကြဿ္ကဒါက့ၯ အလီဿ္ခံ တဘူဢ္လဿၯဘဢ္ န႔ဢ္လီၯ.

တယံာ္တမီဿ္ဘဢ္ ဖံဘံယီၯ တဲဘဢ္ဖိဢ္ဃဲဖိ ခံဂၯအံၯလဿ သါကဘဢ္လဲၯတဿ္ ဆူညါခီအိဢ္ဒံး၀ဲ ဒီးမဿဖိဢ္ဃဲဖိ လဲၯက်ီန႔ဿ္ ၀ဢ္ခံဘိဒ္သိး ကတ့န႔ဿ္အီၯဃီတဘိ အဂီဿ္လီၯ. ဖိဃဲတ့ဃီတဘိ၀ံၯ ဖံဘံယီၯမဿ အလဲၯဘိးထီဢ္ ဃီလဿ သ့ဢ္တထူဢ္အလိၯန႔ဢ္လီၯ. ဖံဘံယီၯ ထီဢ္၀ဲလဿဃီလိၯ၀ံၯ ထီဢ္ကဒီး၀ဲဆူ သ့ဢ္တထူဢ္န့ဢ္ အခံစိး ဒီး၀ံဿ္၀ဿ္ထီဢ္အစု ဆူ ဖိဢ္ဃဲဖိသ့ဢ္အအိဢ္ဒီး ယူၯထီဢ္၀ဲဆူ တဿ္ဖးဖီ ဒီးဟါမဿ္ကြံာ္၀ဲန႔ဢ္လီၯ.

စးထီဢ္ဖဲမုဿ္တနံၯန႔ဢ္ ပွၯကညီဖိသ့ဢ္တဖဢ္ စူဿ္၀ဲနာ္၀ဲလဿ ဖံဘံယီၯမ့ဿ္သံဢ္ခိဢ္မုဿ္ဃါ လဿအဆိဢ္ဂ့ၯဆိဢ္၀ါ ဘုဧိၯဟုဧိၯ ဒ္ပစံးတဿ္အသိး မ့ဿ္၀ဲဘုကစဿ္မုဢ္ တဂၯန႔ဢ္လီၯ. ပွၯထူစံာ္ဖိ ပွၯဖဲးခုးဖိ သ့ဢ္တဖဢ္ ဖဲအသူဢ္ဘု အဆဿကတီဿ္န႔ဢ္ ပာ္ဒိဢ္ပာ္ထီ၀ဲ ဖံဘံယီၯအံၯ ဒိဢ္မးန႔ဢ္လီၯ.

ပထံဢ္ဘဢ္တဿ္လီဿ္အါပူၯဖဲ တဿ္သူဢ္လီၯဖ်းလီၯဘုဒီး ဘုဘိတဖဢ္ ဟဲထီထီဢ္၊ ဘူးလဿဘုတဖဢ္ ကဖီထီဢ္ အဆဿကတီဿ္န႔ဢ္ဒီး လဿစံာ္ပူၯ မ့တမ့ဿ္ခုးပူၯ အသနဿဢ္န႔ဢ္ သူဢ္ထီဢ္၀ဲ ဒဲဆံးကိာ္ဖိတဖ်ဿဢ္ ဒ္သိး ဖံဘံယီၯ ကဟဲအိဢ္ဟဲဆိး၀ဲ အဂီဿ္လီၯ. တကးဒံးဘဢ္ ဖဲဒဲဖိအပူၯ ပာ္ထီဢ္၀ဲ မ့ၯႏြံဒုဢ္၊ ထံခြးဆံးကိာ္ဖိ ႏြံခြး ဃုာ္ဒီး ဖီတဖဢ္ဒီး (နီ) နံဢ္သိခ်ံဖိျပံ သ့ဢ္တဖဢ္ ၀ံၯ၊ ထုကဖဢ္သဢ္ကမဲၯထီဢ္၀ဲ ဆူ သံဢ္ခိဢ္မုဿ္ဃါ ႃႃဖံဘံယီၯ႗႗ ကဟဲလီၯ အိဢ္၀ဲဆိး၀ဲဖဲ ဒဲဖိအံၯအပူၯန႔ဢ္လီၯ. ဒ္သိး ဘုဧိၯဟုဧိၯတဖဢ္ ကသဢ္ထီဢ္ အါအါဂီဿ္ဂီဿ္ န႔ဢ္ဒီး ထုကဖဢ္သဢ္ကမဲၯထီဢ္၀ဲ န႔ဢ္လီၯ.

လဿတဿ္န႔ဢ္အဃိသတးဒီး ပထံဢ္ဘဢ္ပပွၯကညီ ပွၯထူစံာ္ဖိ ပွၯဖဲးခုးဖိသ့ဢ္တဖဢ္ ဖဲဘုဧိၯဟုဧိၯ ဟဲဖီထီဢ္ အခါ တုၯဃီၯဆူ ဘုတဖဢ္ ဘဢ္တဿ္တ့ဿ္ႏုာ္၀ဲလဿ ဘုဖီပူၯန႔ဢ္စ့ဿ္ကီး ဘဢ္မၯ၀ဲလုဿ္လဿ္တဖဢ္လဿ အလူၯပိာ္ ထြဲသးဒီး ဖံဘံယီၯန႔ဢ္လီၯ.

(ဟံးန႔ဿ္အီၯလဿ ႃႃပွၯကညီအပူတဖဢ္႗႗ အဘ့ဢ္တဿ လဿ ပီဿ္ရီမါမဿလ့မႜးကႜီဢ္ ကြဲး၀ဲန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....