ယတဿ္လဲၯဟးဆူ အၯဒမဿ္ ကိၯလၯသူကီဿ္ ကညီဖိတဖဢ္အက်ါ

ဖဲယအိဢ္ကႜိလဿ ကိၯလၯသူကီဿ္အဆဿကတီဿ္ ယဒိးန႔ဿ္ဘဢ္တဿ္ခြဲးတဿ္ယာ္လဿယကလဲၯဟးဘဢ္လဿ အၯဒမဿ္ ကညီဖိတဖဢ္အက်ါန႔ဢ္လီၯ. ဒီးတဿ္ကြဲးဖဲ အံၯ အိဢ္၀ဲဒဢ္ အကူာ္ ၁ တုၯ အကူာ္ ၅ န႔ဢ္လီၯ.

တဿ္ကူဢ္သ့တဿ္သ့ဢ္ညါအကလုာ္ကလုာ္

တဿ္ကူဢ္သ့တဿ္သ့ဢ္ညါအကလုာ္ကလုာ္အံၯ အါတက့ဿ္တဿ္ဟံးန႔ဿ္အီၯလဿ ဖုကႜ႔မ္စ္ အတဿ္ကြဲးတဖဢ္အပူၯ‚ တဿ္ကြဲးအဂၯတဖဢ္‚ ဒီးလဿပွာ္ယဲၯသန႔တဖဢ္အပူၯ န႔ဢ္လီၯ.

ခရံာ္ဖိတဿ္အိဢ္ဖွိဢ္

ခရံာ္ဖိတဿ္ဘူဢ္တဿ္ဘါကရဿတဖုဂ့ၯတဖုဂ့ၯလဿ အစံးလဿ ခရံာ္မ့ဿ္တဿ္အုဢ္က့ၯခီဢ္က့ၯ ကစဿ္န႔ဢ္ မ့ဿ္ပွၯခရံာ္ဖိန႔ဢ္လီၯ.

ဖုရိလဲအတဿ္လဲၯခီဖ်ိတဖဢ္

မ့ဿ္၀ဲဒဢ္ဖုရိလဲအတဿ္လဲၯခီဖ်ိ တဖဢ္ခံဘ့ဢ္တဘ့ဢ္ ဒီးဂ့ၯလဿပႀကဿးဖးအီၯဒီး ပာ္ကီၯဃာ္အီၯန႔ဢ္လီၯ.

ဖုသရဢ္ဒိဢ္မူလဿဿ္သဲ အတဿ္လဲၯခီဖ်ိတဖဢ္

ဖုသရဢ္ဒိဢ္မူလဿဿ္သဲမ့ဿ္ ပဖုဖးဒိဢ္တဂၯလဿ ဘဢ္တဿ္သ့ဢ္ညါအီၯလဿဟီဢ္ခိဢ္ဒီဘ့ဢ္ လဿအမ့ဿ္ ပွၯမၯတဿ္သးခုကစီဢ္သရဢ္ တဂၯ လဿအမၯန႔ဿ္သးသမူအါဖ်ဿဢ္န႔ဢ္လီၯ.

မုဿ္နံၯလီၯဆီ

မ့ဿ္မုဿ္နံၯလီၯဆီတဖဢ္လဿ ပ၀ဲပွၯခရံာ္ဖိတဖဢ္ ပဂ့ၯပာ္ဒိဢ္အီၯ န႔ဢ္လီၯ.

တဿ္အိဢ္ဆူဢ္အိဢ္ခ်႕သနဿဢ္

မ့ဿ္၀ဲဒဢ္တဿ္ဂ့ဿ္အကလုာ္ကလုာ္ လဿအဘဢ္ဃးဒီး တဿ္အိဢ္ဆူဢ္အိဢ္ခ်႕ တဖဢ္န႔ဢ္လီၯ.

လံာ္စီဆွံတဿ္ဂ့ဿ္ကီ

လံာ္စီဆွံပူၯတဿ္ဂ့ဿ္ကီလဿပတနဿ္ပဿဿ္အီၯတဖဢ္ တဿ္ကြဲးရွဲက့ၯအီၯဒ္သိး ပကနဿ္ပဿဿ္အီၯအဂီဿ္န႔ဢ္လီၯ.

ပူသနဿဢ္

မ့ဿ္တဿ္ဃဲၯပူလဿ ဖိသဢ္အဂီဿ္‚ လဿသးစဿ္အဂီဿ္‚ ဒီးလဿ ပွၯဖးပူမုာ္တဖဢ္အဂီဿ္န႔ဢ္လီၯ.

နနံၯကမွံနကသးဖွံ

ဖဲနအိဢ္ဒီးတဿ္သူဢ္တမုာ္သးတမုာ္အခါ ဖးနံၯကမွံသနဿဢ္တက့ဿ္. နကပွဲၯက့ၯဒီးတဿ္သူဢ္မုာ္သးမုာ္လီၯ.

December 30, 2010

နံဢ္ထီဢ္သီမုဿ္နံၯအဂ့ဿ္

ပွၯခရံာ္ဖိလဿညါတဖဢ္၊ မၯနံဢ္ထီဢ္သီဖဲလါမးရွး ၂၅ သီ န႔ဢ္လီၯ. ဖဲမုဿ္နံၯအံၯ အ၀ဲသ့ဢ္ပာ္ဖွိဢ္ထီဢ္အသးလဿ တဿ္အိဢ္ဖွိဢ္အပူၯ ဒီးသမံသမိးလီၯက့ၯအသး၊ အတဿ္အိဢ္မူဒီး ဃ့ပ်ဿ္အတဿ္ကမဢ္လဿ ကစဿ္ယြၯ၊ ဟ့ဢ္လီၯ အးလီၯက့ၯကဒီးအသးအတဿ္အိဢ္မူ ဆူ ယြၯအစုပူၯ အိဢ္ဒီးတဿ္စံးထီဢ္ပၾတဿၯ ဘူဢ္ထီဢ္ဘါထီဢ္ ကစဿ္ယြၯ န႔ဢ္လီၯ. ဖဲဆဿကတီဿ္အံၯ ယႏူၯအါရံၯ (၁) သီ တမ့ဿ္ ပွၯခရံာ္ဖိတဖဢ္ အနံဢ္ထီဢ္သီမုဿ္နံၯဒံးဘဢ္.

နီဿ္နီဿ္တခီ ယႏူၯအါရံၯ (၁) သီန႔ဢ္ မ့ဿ္ပွၯရိမ့ၯဖိ အတဿ္ဘူဢ္တဿ္ဘါ အနံၯတနံၯလီၯ. ပွၯရိမ့ၯဖိတဖဢ္ ယုဿ္န႔ဿ္ ကိးန႔ဿ္ လါတလါဘဢ္တလါအမံၯ ဒ္အကစဿ္မုဿ္ဃါလဿ အနာ္၀ဲတဖဢ္အမံၯ အသိး၊ အိဢ္ဒီး တဿ္လုဿ္ ထီဢ္ပာ္ထီဢ္ ကိးလါဒဲးစုာ္စုာ္လီၯ.

လါယႏူၯအါရံၯ (၁) သီ၊ မ့ဿ္မုဿ္တနံၯလဿ တဿ္ဘဢ္လုဿ္ထီဢ္ပာ္ထီဢ္တဿ္ဆူ ကစဿ္မုဿ္ဃါ ကႜ႔နဿးစ္ (Janus)
အအိဢ္န႔ဢ္လီၯ. (Janus) ကႜ႔နဿးစ္အံၯ မ့ဿ္ကစဿ္မုဿ္ဃါလဿ အဘဢ္ဃးဒီး တဿ္ဒုးတဿ္ယၯ အယြၯတဂၯ န႔ဢ္လီၯ. ထံလီဿ္ကီဿ္ပူၯ တဿ္ဃူတဿ္မုာ္ကအိဢ္အဂီဿ္၊ တဿ္ဟ့ဢ္ကနဿၯဟ့ဢ္ခီဟ့ဢ္နီၯ ယဿ္ခီယဿ္ခီ ကဘဢ္အိဢ္ ၀ဲလဿ ကစဿ္မုဿ္ဃါ အနံၯဒ္အံၯသိးလီၯ.

ဖဲခရံာ္အနံဢ္ (၁၂၈၂)၊ ရိမ့ၯစီၯသီဖးဒိဢ္၊ ပၯပၯၾကဲကဿဿ္ရံဿ္ (၁၃) ဂၯတဂၯအစိၯ၊ တဿ္ထိဢ္တဿ္ဒြး အက်ဲ ဘဢ္ထြဲဒီး ဟီဢ္ခိဢ္တရံး အသးလဿမုဿ္န႔ဢ္၊ အိဢ္ထီဢ္၀ဲလီၯ. သတးဒီး ရိမ့ၯခဲးသလ့း အတဿ္အိဢ္ဖွိဢ္ဆီတလဲ က့ၯ နံဢ္ထီဢ္သီ မုဿ္နံၯဆူ လါယႏူၯအါရံၯ (၁) သီအဃိ၊ ရိမ့ၯ ကစဿ္မုဿ္ဃါ ကႜ႔နဿးစ္အမုဿ္နံၯ ကဲထီဢ္က့ၯဆူ ခရံာ္ဖိတဖဢ္ အနံဢ္ထီဢ္သီမုဿ္နံၯ န႔ဢ္လီၯ.

ရိမ့ၯခဲးသလ့း အတဿ္အိဢ္ဖွိဢ္မ့ဿ္ဆီတလဲနံဢ္ထီဢ္သီဒ္အံၯ သနာ္က့၊ ပွၯခရံာ္ဖိအိဢ္လဿ ကီဿ္ယူရပၯ ကီဿ္အမဲ ရကၯ တဖဢ္မၯဒံးဒဢ္ နံဢ္ထီဢ္သီအမူးဖဲ လါမးရွး (၂၅) သီ၊ လဿနံဢ္ကယၯ ၁၈ အလီဿ္ခံမးဒီး နံဢ္ထီဢ္သီ ဘဢ္ တဿ္မၯက့ၯအီၯဖဲ ယႏူၯအါရံၯ (၁) သီ အနံၯန႔ဢ္လီၯ.

သတးဒီး လါယႏူၯအါရံၯ (၁) သီ၊ မ့ဿ္မုဿ္တနံၯလဿ အတဿ္တဿ္သ့ဢ္ညါအီၯဒ္အမ့ဿ္ နံဢ္ထီဢ္သီမုဿ္နံၯအသိး လီၯ. တဿ္အံၯ ဘဢ္တဿ္ပာ္ဂဿဿ္ပာ္က်ဿၯက့ၯအီၯ လဿဟီဢ္ခိဢ္ဒီတဖ်ဿဢ္ညါလီၯ. မုဿ္နံၯအံၯမ့ဿ္ မုဿ္နံၯသးခု သးဖွံသတးဒီး ပွၯအါဂၯအါကလုာ္ မၯအီၯအကလုာ္ကလုာ္ လီၯ. ပ၀ဲခရံာ္ဖိတဖဢ္၊ ညီႏုဿ္ဖဲ ဒံၯစဲဘဿဢ္ (၃၁) သီအဟါန႔ဢ္ ပွၯသူဢ္စဿ္သးဘီဢ္ တဖဢ္ဆိးသီဒီတနၯညါ၊ ဒီးလဿ တဿ္ဆိးသီအပူၯအံၯ၊ ဟးသူဢ္၀ံဢ္သးဆဿ တဿ္ဆူဟံဢ္တဖ်ဿဢ္ဘဢ္တဖ်ဿဢ္ အိဢ္ဒီး တဿ္ဆဿဂ့ၯဆဿ၀ါ ႃႃHappy New Year To You All႗႗၊ ဒီးတုၯလီၯ ဖဲဖးဖီမုဿ္န႔ဢ္၊ ဟဲက့ၯဘါသကိးက့ၯတဿ္လဿသရိာ္ပူၯ၊ အိဢ္ဒီးတဿ္စံးဘ်ဳးစံးဖွိဢ္၊ တဿ္ပာ္စီဆွံထီဢ္သးလဿ နံဢ္ထီဢ္သီ အဂီဿ္ အတဿ္ဘူဢ္တဿ္ဘါန႔ဢ္လီၯ.

တုၯမ့ဿ္မုဿ္ဆ့ဢ္၀ါထီဢ္တခီ၊ အိဢ္ဒီးနံဢ္ထီဢ္သီ အတဿ္အီဢ္သကိးဃူဃူဖိးဖိး လဿသရိာ္ခီဢ္ထံး၊ ဒ္ပစံးတဿ္အသိး တဿ္အိဢ္ဖွိဢ္ဟံးမူဒါ လဿကသူတကပဿၯအဂီဿ္ ဖီအီၯ ဒီးဟံဢ္ဒူဢ္တဖဢ္ ဟဲစိာ္ မ့ၯဒီးအီဢ္သကိးလဿ တဿ္သးခု၊ ပွဲၯဒီးတဿ္ဃူတဿ္ဖိး၊ တဿ္သူဢ္ဖွံသးညီန႔ဢ္လီၯ. လဿမုဿ္ဆါခီတခီ၊ အိဢ္ဒီးတဿ္လိာ္ခိဢ္လိာ္ကြဲ တဖဢ္၊ ဒီးလဿဟါ ခီန႔ဢ္၊ အိဢ္စ့ဿ္ကီးဒီး သူဢ္စဿ္သးဘီဢ္ အတဿ္ရဲဢ္တဿ္က်ဲၯ လီၯဆီတမံၯမံၯန႔ဢ္လီၯ.

ဆဿကတီဿ္ခဲအံၯ၊ ပမိဿ္ပွၯကညီဘ်ဿထံခ၀့ရွဿဢ္၊ အိဢ္ဒီး တဿ္သုးတဿ္က်ဲၯလဿအမ့ဿ္ နံဢ္ထီဢ္သီအတဿ္ဘါ အတဿ္ရဲဢ္လီၯက်ဲၯလီၯလဿ တဿ္ဒီတႏြံညါအတီဿ္ပူၯ၊ ကိးဟါဒဲး၊ အိဢ္ဃုာ္ဒီးတဿ္ထုကဖဢ္ အဂ့ဿ္လီၯဆီလဿ အဘဢ္တဿ္ပာ္လီၯအီၯတဖဢ္လီၯ. တဿ္အိဢ္ဖွိဢ္တဖဢ္ ဂုာ္က်ဲးစဿးမၯအီၯ၊ ဒ္အသ့ဒီး ပထံဢ္ဘဢ္လဿ ကဲထီဢ္ တဿ္ဘ်ဳးတဿ္ဖွိဢ္ဒိဢ္မးန႔ဢ္လီၯ.

တဿ္လဲၯခီဖ်ိနံဢ္လီဿ္လံၯ၊ ႏုာ္လီၯဆူ နံဢ္အသီ လီၯဂာ္ဒ္ ပွၯတဂၯလဿ အထီဢ္ကစဿဿ္တုၯလဿ တဿ္ဒီခိဢ္အသိး လီၯ. ပွၯအံၯကြဿ္ကဒါက့ၯအလီဿ္ခံ၊ တဿ္ကြဿ္ဆဿဢ္မဲာ္လဿ အမၯတံာ္တာ္အီၯ ကအိဢ္ဒဢ္၀ဲဆံးအါ၊ ခဲအံၯလဿ ကစဿ္ယြၯအတဿ္ဆွဿအဃိ တုၯဃီၯထီဢ္ဘးဆူ ကစဿဿ္ဒီခိဢ္လံ အဃိ၊ အသးကပွဲၯဒီး တဿ္စံးဘ်ဳးကစဿ္ယြၯ လဿ အဆွဿအီၯတီနံန႔ဢ္လီၯ. ဒ္န႔ဢ္အသိး တဿ္ႏုာ္လီၯဆူနံဢ္အသီပူၯ၊ မ့ဿ္ဆဿကတီဿ္လဿ ပကဘဢ္ဂံဿ္က့ၯ ယြၯ အတဿ္ဆိဢ္ဂ့ၯ လဿအဘဢ္ပွၯ၊ မုဿ္နံၯလဿပလဲၯခီဖ်ိတ့ဿ္ လံ၊ ကြဿ္စိဃီၯမုဿ္နံၯ လဿပကဘဢ္လဲၯခီဖ်ိ ဆူညါ၊ အိဢ္ဒီးတဿ္ပာ္လီၯသးအသီ န႔ဢ္လီၯ.

နံဢ္ထီဢ္သီအဂီဿ္လံာ္စီဆွံအဆဿတဖဢ္
၂ မိၯ ၁၄း၁၅. ၅ မိၯ ၁၁း၁၂. သးသယုဿ္တဿ္ ၃း၂၂-၂၃. ၅ မိၯရွ႕ ၃၁း၆၊ ၈. ယရွါ ၅၂း၁၂. စံး ၇၁း၁၆. စံး ၉၀း၁၂. စံး ၆၅း၁၁. စံး ၁၁၈း၂၄. စံး ၁၀၃း၁-၂. ၂ ကရံဢ္ ၅း၁၇. ဖံလံးပံၯ ၃း၁၃-၁၄. လီဢ္ဖ်ါ ၂၁း၅. ဧ့ၯႀဘံၯ ၁၃း၈. ရိမ့ၯ ၁၂း၁-၂. မးသဲ ၆း၃၃. ဧ့ၯႀဘံၯ ၁၁း၈.

(ဟံးန႔ဿ္အီၯလဿ သရဢ္တိၯစ့ဢ္မီဿ္အလံာ္ မုဿ္နံၯလီၯဆီလဿပဂ့ၯပာ္ဒိဢ္ အပူၯန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

December 22, 2010

တဿ္လဲၯဟးခဲဢ္ဖ့ဆူ ကီဿ္သူလ့ၯ


လဲၯဒိးကါဒဲနါလီၯအဲဢ္လီၯကြံတခိဢ္၊ ပွၯဒိးကါဖိအိဢ္ထဲ ၄၀ ဘ်ဲဢ္လီၯ. မုာ္မး



တဿ္လူဿ္ကပီၯယြၯဂ့ဿ္ပီညါခီလ့ဢ္ကႜိဖိတဖဢ္ ဃုာ္ဒီး ယၯ၊ လဿတဿ္တပာ္သူဢ္ပာ္သးအပူၯ ပလဲၯဘဢ္ ခဲဢ္ဖ့ဆူ ကီဿ္သူလ့ၯအပူၯန႔ဢ္လီၯ. တဿ္တပာ္သူဢ္ပာ္သးစံးတဿ္န႔ဢ္၊ အနီဿ္ကီဿ္န႔ဢ္ ပပာ္လီၯပသးလဿ ပကလဲၯဒဢ္ဆူ ထံဆဿကီဿ္ဆဿသ၀ီတဖဢ္ လဿကီဿ္ကႜီဢ္တဲဢ္အံၯအပူၯလီၯ. ဖဲန႔ဢ္သ့သ့ဘဢ္ဘဢ္ ကစဿ္ယြၯကတဲာ္ကတီၯ န႔ဿ္ပွၯတဿ္ ခီဖ်ိ သရဢ္အဲဢ္ကတဿဿ္ အတဿ္သုးတဿ္က်ဲၯအဃိ ပလဲၯယီဿ္လီၯဘဢ္ ကီဿ္သူလ့ၯ အဟီဢ္ခိဢ္ ဒီး ပအိဢ္ဘဢ္လဿအပူၯခံသီန႔ဢ္လီၯ.


စံဢ္လီၯကါပူၯလဿကဖ်းက်ဲအဂီဿ္



ဖဲ ၁၅ သီအနံၯန႔ဢ္ ပစးထီဢ္ဟးထီဢ္လဿ ခ်ံးသူက်ိ ဒီးပလဲၯဆူ မီၯလံၯခႜါ ဒီးလဿမုဿ္နၯခီန႔ဢ္ ပဟးဆဿဂ့ၯ ဆဿ၀ါဘဢ္ ဟံဢ္တဖ်ဿဢ္ဘဢ္တဖ်ဿဢ္န႔ဢ္လီၯ. လဿခံတနံၯ ပလဲၯကဒီးဆူ လဿဿ္ဃီၯ ဒီးပမၯ၀ဲဒဢ္ခီစဿး ဖဲန႔ဢ္ တနၯန႔ဢ္လီၯ. လဿခံတနံၯပဟဲက့ၯဆူမီကဿ ဒီးပရ့လိာ္မုာ္လိာ္ပသး ဒီးမီကဿသ၀ီဖိတဖဢ္ လဿမုဿ္နၯခီ ခီဖ်ိ တဿ္ပႜး ခီစဿးန႔ဢ္လီၯ. တနံၯဃီန႔ဢ္ ပန႔ဿ္ဘဢ္ တဿ္ကစီဢ္ခီဖ်ိသရဢ္အဲဢ္ကတဿဿ္လဿ ပကဘဢ္လဲၯဆူ ကီဿ္ပူၯ လဿတဿ္လီဿ္ခံတီၯ လဿအမ့ဿ္ တၯအုးထဢ္ ဒီး ကြံလဿဿ္ဆႈဢ္ လဿတဿ္ကမၯလၯကပီၯခရံာ္အိဢ္ဖ်ဲဢ္ အဂီဿ္ န႔ဢ္လီၯ. တၯအုးထဢ္ဒီး ကြံလဿဿ္ဆႈဢ္န႔ဢ္ အိဢ္လဿ ဂီၯလ့ၯ ဒီး ဖလူ အဘဿဢ္စဿၯအဃိ ဖဲပနဿ္ဟူလဿ ပဘဢ္ လဲၯဆူတၯအုးထဢ္ ဒီးကြံလဿဿ္ဆႈဢ္န႔ဢ္ ပပ်ံၯတဿ္တစဲးတစဲးန႔ဢ္လီၯ. ဘဢ္ဆဢ္ လဿခံတဂီၯ ဖဲ ၁၈ သီအနံၯ န႔ဢ္ ပခီဂာ္ သူမြဲက်ိ ဒီး ပႏုာ္လီၯဆူ ကညီကီဿ္ပူၯန႔ဢ္လီၯ.



ဖ်းကါက်ဲလဿတဿ္သးဖွံအပူၯ




ဘဢ္ဖ်းကါက်ဲအံၯတမ့ဿ္တဿ္ညီဘဢ္



တခ်ဳးပႏုာ္လီၯကညီကီဿ္ပူၯအခါ ပသံကြဿ္သရဢ္အဲဢ္ကတဿဿ္လဿ ပမ့လဲၯန႔ဢ္ ပဘဢ္လဲၯစိာ္တဿ္မႏုၯလဲဢ္. အ၀ဲတဲပွၯ အဂ့ၯကတဿဿ္ လဲၯစိာ္ ထံးရွဴ တက့ဿ္. (မ့ဿ္လဿပလဲၯစိာ္ ထံးရွဴအဃိ ကဲထီဢ္တဿ္ဘ်ဳးတဿ္ဖွိဢ္ လဿပဂီဿ္ဖးဒိဢ္ညါလီၯ၊ ယကတဲအဂ့ဿ္လဿခံတစဲး). ပ၀ဲ လံာ္စီဆွံကႜိဖိဒီး ကႜိသရဢ္သရဢ္မုဢ္လဿ ပလဲၯသကိး တဿ္တဖဢ္ ခဲလဿာ္မ့ဿ္ ၂၇ ဂၯန႔ဢ္လီၯ. သရဢ္အဲဢ္ကတဿဿ္ ဆွဿပွၯဒီးအကါ တုၯလဿ မီၯလံၯခႜါ သူမြဲက်ိအနံၯ ၀ံၯပအိဢ္ခိးတဿ္တစိဿ္ဖိဒီး ဒဲနါ ကါတခိဢ္ဟဲတုၯ လဿကတီဢ္ပွၯလဿကလဲၯဆူ ကီဿ္ပူၯတဖဢ္အဂီဿ္လီၯ. ဖဲပလဲၯတုၯလဿသူမြဲက်ိနံၯအခါပထံဢ္ ပွၯသ၀ီဖိအါဂၯ အိဢ္ခိးပာ္စဿၯတဿ္ လဿကလဲၯမၯလၯကပီၯ ခရံာ္အိဢ္ဖ်ဲဢ္ လဿ တၯအုးထဢ္န႔ဢ္လီၯ. ဖဲဒဲနါ ဟဲတုၯအခါ နၯထီဢ္လဿကါခိဢ္ယၯထီဢ္လဿကါခိဢ္ ဃုာ္ဒီး တဿ္ဘိဢ္တဿ္စဿၯကတံာ္မးလီၯ. ပ၀ဲ ပွၯခဲၯဖ့ဖိအိဢ္ ၂၇ ဂၯဃုာ္ဒီးသ၀ီဖိတဖဢ္ ပဒိးထီဢ္ကါဒဲနါ၊ ပပွၯခဲလဿာ္ခဲ ဆ့လဿကါဒဲနါအပူၯ ကအိဢ္ အါန႔ဿ္ပွၯအဂၯလြံဆံ ညါလီၯ.

ပဒိးထီဢ္ကါဒဲနါ ဒီးပခီဂာ္ သူမြဲက်ိ ဒီး ပတုၯ၀ဲဒဢ္ဆူ သ့ဢ္ဘီဘိ လဿကညီကီဿ္ပူၯလီၯ. (ခဲဢ္ဖ့ဖိလဿ အလဲၯတဿ္ တဖဢ္အက်ါတနီၯ ကမ့ဿ္တဿ္အဆိကတဿဿ္တဘီ် လဿအ၀ဲသ့ဢ္အဂီဿ္ လဿအတုၯဘဢ္ဆူ ကီဿ္သူလ့ၯအပူၯ န႔ဢ္လီၯ.) ပလဲၯႏုာ္လီၯဆူကီဿ္သူလ့ၯပူၯ သီသီအခါ ကါက်ဲဂ့ၯ၊ ဘဢ္ဆဢ္ ကယီကယီ ကါက်ဲနးထီဢ္နးထီဢ္ ဒီးဖဲပလဲၯတုၯ က်ဲတ၀ာ္ (ဖဲန႔ဢ္ပလဲၯတဿ္လဿကါန႔ဢ္ကဘဢ္ တနဢ္ရံဢ္ဘ်ဲဢ္ဘ်ဲဢ္) အခါ ပထံဢ္လဿကါက်ဲဟးဂီၯအဃိ ပိာ္ခြါလဿအလဲၯတဿ္တဖဢ္ ယိးထီဢ္ ဘီဖ်း ဒီး ဘဢ္ဖ်း၀ဲဒဢ္ဟီဢ္ခိဢ္ ဒ္သိး ကါလဲၯ တဿ္ကသ့အဂီဿ္န႔ဢ္လီၯ. ဖ်းကါက်ဲ၀ံၯ ဒိးထီဢ္ကဒီးကါ ၊ လဲၯခီ ထံက်ိ လြံဿ္တီၯယဲဿ္တီၯ၊ လဿက်ဲ ၀ဢ္ဒ့တဖဢ္ ဖုဢ္မး၊ အဃိဘဢ္ကူးဘဢ္ကါတဿ္နးမးန႔ဢ္လီၯ. က်ဲတနီၯမးတလီၯဂာ္က့ၯလဿၯက်ဲဘဢ္. အိဢ္ထဲ တဿ္တပွီာ္လီၯ. (ယဆိကမိဢ္ မ့ဒိတဿ္ဂီၯမူဒ္သိး ဟီလံ၀ူး အတဿ္ဂီၯမူတနီၯလဿအဒိလဿ ပွဿ္က်ါတဖဢ္ ဖ်ါကဂ့ၯ မးလီၯ.) လီဿ္ခံကတဿဿ္ ဖဲ ၁၈ သီဟါလီၯခီန႔ဢ္ ပတုၯလဿတၯအုးထဢ္သ၀ီ ဒီးသ၀ီဖိတဖဢ္ တူဿ္လိာ္ ခီဢ္ဆဿပွၯဂ့ၯမးလီၯ.



တၯအုးထဢ္သ၀ီဖ်ဿဢ္ထူပ်ီလဿအကပၯတဿ္ဘါယြၯသရိာ္



ဒ္ယတဲတ့ဿ္လဿအပူၯကြံာ္အသိး တၯအုးထဢ္သ၀ီန႔ဢ္ အိဢ္လဿ ဂီၯလ့ၯဒီး ဖလူ အဘဿဢ္စဿၯ (ဂီၯလ့ၯတကပၯ န႔ဢ္တဿ္ဒုးကဲထီဢ္၊ ဒီးဖလူတကပၯစ့ဿ္ကီးတဿ္ဒုးကဲထီဢ္) အဃိ တၯအုးထဢ္သ၀ီဖိတဖဢ္ ဘဢ္အိဢ္လဿတဿ္ပ်ံၯတဿ္ဖုးအပူၯ ဒီးလဿတဿ္ပလီဿ္ပဒီသးအပူၯန႔ဢ္လီၯ. မ့အိဢ္လဿ တဿ္ပလီဿ္ပဒီသးပူၯ နာ္သက့ လဿတဿ္မၯလၯကပီၯခရံာ္အိဢ္ဖ်ဲဢ္အဂီဿ္ အ၀ဲသ့ဢ္တူဿ္လိာ္ခီဢ္ဆဿပွၯလဿတဿ္အီဢ္တဿ္အီဂ့ၯမး တုၯဒဢ္လဲာ္ပအီဢ္အါတလဿကြံာ္အခဿး ဒီးတဿ္ကီတဿ္ခဲအိဢ္ထီဢ္လဿ ပဟဿဖဿအဂီဿ္လီၯ. (ဖဲန႔ဢ္ ထံးရွဴအတဿ္ မၯဟဲပဿဿ္ထီဢ္၀ဲလီၯ.) တၯအုးထဢ္သ၀ီပူၯန႔ဢ္ ဟံဢ္ကိးဖ်ဿဢ္ဒဲးဃဢ္ဃဢ္ တဿ္ဟးလီဿ္တအိဢ္ဘဢ္အဃိ ပဘဢ္ဟးမၯတံၯမၯသကိးဒီး တဿ္ခဲက်ါန႔ဢ္လီၯ. သ၀ီဖိဖဲန႔ဢ္တဖဢ္ တစဿဃာ္ အထိးတဖဢ္ဘဢ္၊ မ့မ့ဿ္တခီ ပ်ဿ္၀ဲဒဢ္လဿတဿ္ခဲက်ါဒ္န႔ဢ္လီၯ. အဃိဖဲပလဲၯလဿတဿ္ခဲက်ါ လဿကမၯရွဲမၯလဲက့ၯပတဿ္ဂ့ဿ္တဿ္က်ိၯ တဘ်ီလဿ္လဿ္ ပဘဢ္ခိးကြဿ္မ့ဿ္ထီးကဟဲမၯတံၯမၯသကိးဒီး ပွၯဧါန႔ဢ္လီၯ.


စးလဲးလြံဿ္ဂၯလဿတၯအုးထဢ္သ၀ီပူၯ




သ့ဢ္နီဢ္ထီဢ္ပပွၯကလုာ္အတဿ္တူဿ္တံၯတူဿ္သမွံၯ



ဖဲမုဿ္နၯခီပမၯတဿ္ရဲဢ္တဿ္က်ဲၯအဆဿကတီဿ္ ပထံဢ္ဘဢ္လဿ သ၀ီဖိတဖဢ္ဟဲကြဿ္တဿ္အါမးန႔ဢ္လီၯ. အ၀ဲအံၯ မ့ဿ္တဿ္လဿအမၯမုာ္ပသးဒိဢ္မးန႔ဢ္လီၯ. လဿခံတဂီၯ မ့ဿ္မုဿ္အိဢ္ဘွံးအနံၯအဃိ လဿဂီၯခီ ၇ နဢ္ရံဢ္ ပလဲၯထီဢ္ ဘါယြၯလဿသရိာ္ပူၯ ၀ံၯ၊ ဖုခဢ္ဆူ ကြဲပွၯဒီး ပလဲၯဆူ အသုးကလဿၯအပူၯ ဒီးပဘါသကိးယြၯဒီး အီၯန႔ဢ္လီၯ. (ဖဲဘါယြၯလဿသရိာ္ပူၯအခါ ပနဿ္ဟူစ့ဿ္ကီးက်ိသီဢ္လဿ ဂီၯလ့ၯတကပၯဒီး ဖလူတကပၯ န႔ဢ္လီၯ.) ၀ံၯ၊ ပဟဲက့ၯအီဢ္သကိးအီသကိး တဿ္ဒီးတစိဿ္ဖိ ပဟဲက့ၯကဒါက့ၯဆူ ကြံလဿဿ္ဆႈဢ္ လဿကမၯလၯကပီၯ ခရံာ္အိဢ္ဖ်ဲဢ္ဖဲန႔ဢ္ အဂီဿ္န႔ဢ္လီၯ. (တၯအုးထဢ္ဒီးကြံလဿဿ္ဆႈဢ္န႔ဢ္ လဿခီဢ္ပဟးဘဢ္ တခီနဢ္ရံဢ္က်ဲအဃိ ယၯဒီး ပွၯကႜိဖိ လြံဿ္ဂၯ ပဟဲက့ၯလဿခီဢ္န႔ဢ္လီၯ.) ပဟဲက့ၯတုၯ ကြံလဿဿ္ဆႈဢ္တစိဿ္ဖိ ဒီး ပလဲၯဆူသရိာ္ ဒ္သိး ပကရ့လိာ္မုာ္လိာ္သးဒီး သ၀ီဖိတဖဢ္လဿ မုဿ္ထူဢ္တဿ္ဘါအဂီဿ္န႔ဢ္လီၯ. ၀ံၯဒီးပအိဢ္ဒီး တဿ္ရ့လိာ္မုာ္လိာ္ ဘူဢ္စီဆွံန႔ဢ္လီၯ. ဒီးနၯအ၀ဲန႔ဢ္ ပမၯလၯကပီၯခရံာ္အိဢ္ဖ်ဲဢ္အမူးလဿ ကြံလဿဿ္ဆႈဢ္အပူၯန႔ဢ္လီၯ.


ဖုခဢ္ဆူဢ္ဒီးပွၯကြဲးလံာ္




ကြံလဿဿ္ဆႈဢ္တဿ္ဘါယြၯသရိာ္



လဿခံတနံၯလဿမုဿ္နံၯပူၯတသီ (၂၀ သီ) သရဢ္အဲဢ္ကတဿဿ္ စံးလဿကဟဲက့ၯမၯအီဢ္ညဢ္အဃိ ပပာ္တ့ဿ္ ပတဿ္ဘိဢ္တဿ္စွဿၯ ဃုာ္ဒီးကႜိဖိစွၯဂၯ၊ (ဒ္သိးကဟဲက့ၯတီတဿ္ဖိတဿ္လံၯလဿကါအဂီဿ္)၊ မ့မ့ဿ္ပွၯအါဂၯ တခီ ဟဲက့ၯဒီးအခီဢ္န႔ဢ္လီၯ. ပစးထီဢ္ဟဲက့ၯလဿ ဂီၯခီ ၉ နဢ္ရံဢ္ ၊ ပဟဲက့ၯတဆီဘဢ္တဆီ ပအိဢ္ပတုာ္ လဿကြံ စွၯဖ်ဿဢ္ဒ္သိးကမၯညဢ္အဂီဿ္ဘဢ္ဆဢ္ ညဢ္တန႔ဿ္နီတဘ့ဢ္ဘဢ္. အဃိ ပဘဢ္ဟဲက့ၯကလီဒ္န႔ဢ္လီၯ. (ကိညဢ္လဿပဘဢ္ဟဲက့ၯကလီ၊ ပမ့ဟဲက့ၯ၀ံဒဿၯညဢ္ဒု တမ့ဿ္လဿယဟဲက့ၯလဿၯခီဢ္ကတုၯလဿၯဘဢ္.) ပဟဲက့ၯလဿက်ဲ ပဘဢ္ဟဲက့ၯခီဂာ္ ထံက်ိ လြံဿ္တီၯယဲဿ္တီၯ၊ တုၯလဿခံကိဿ္၊ ခီဢ္ကံဢ္ဒုဢ္ဘ်ဳးမတၯဘ်ဳး ၊ ဘဢ္ဟဲက့ၯက့ၯကယီကယီ၊ တဿ္ကိဿ္ဆါနးမး အဃိ၊ ဖဲ မုဿ္ဃ့ဿ္လီၯခံနဢ္ရံဢ္မး ပဟဲက့ၯတုၯလဿ သ့ဢ္ဘီဘိ သ၀ီ ဒီးပခီလီၯ သူမြဲက်ိ ဒီးပႏုာ္လီၯဆူ မီၯလံၯခႜါသ၀ီအပူၯန႔ဢ္လီၯ. ဖဲန႔ဢ္အခါ ယမဲာ္သဢ္လဿအ၀ါန႔ဢ္ထီဢ္သူ ဒ္သိးကိၯလၯသူ၊ ယဘဢ္ယိဢ္မးလဿ ယတဿ္အဲဢ္တီကြဿ္နီဢ္ယၯတဘဢ္လဿၯဘဢ္ခီ၊ ဟဲး..ဟဲး...


ကြံလဿဿ္ဆႈဢ္သီခါဖႜဢ္္




ကတဲာ္ကတီၯသးလဿကဟဲက့ၯကဒါက့ၯအဂီဿ္




စးထီဢ္ဟဲက့ၯမုာ္မး




ဟဲက့ၯတုၯတစဲးဖိနံၯကမွံမုာ္မး




ဟုၯဟု... ဘဢ္ခီဂာ္ထံက်ိလံမဿဢ္ (ဘဢ္ခီထံက်ိဒ္အံၯယဲဿ္တီၯဃုတီၯညါ)




မ့ဿ္ယတဿ္အဲဢ္တီကြဿ္နီဢ္ယၯဘဢ္ကဘဢ္လဿၯဧါ.



ပဟဲက့ၯတုၯကဒါက့ၯဆူ ကီဿ္ကႜီဢ္တဲဢ္ပူၯဂ့ၯဂ့ၯဘဢ္ဘဢ္၊ ဒီးတနၯဃီန႔ဢ္ ပဘဢ္လဲၯဒီးဆူ၀့နးနး သ၀ီလဿ တဿ္မၯခီစဿးအဂီဿ္န႔ဢ္လီၯ. ဒီးလဿခံတနံၯ ဖဲ ၂၁ သီအနံၯန႔ဢ္ ပဟဲက့ၯကဒါက့ၯဆူ ခ်ံးသူက်ိလဿ ပတဿ္အိဢ္ တဿ္ဆိးအလီဿ္န႔ဢ္လီၯ. တဿ္သးမုာ္အဒိဢ္ကတဿဿ္ လဿယဂီဿ္ လဿယတဿ္လဲၯဟးဆူ တၯအုးထဢ္ဒီး ကြံလဿဿ္ဆႈဢ္သ၀ီန႔ဢ္မ့ဿ္၀ဲ ဖဲယထံဢ္ဘဢ္ KNLA အသုးဒီး DKBA သုးတဖဢ္ ဟးတပူၯဃီအိဢ္တပူၯဃီ န႔ဢ္လီၯ. ယဆဿလဿ ဒီပုဿ္၀ဲဿ္လဿအဖးဘဢ္ တဿ္ကြဲးအံၯတဂၯလဿ္လဿ ကသ့ဢ္နီဢ္ တၯအုးထဢ္ ဒီး ကြံလဿဿ္ဆႈဢ္သ၀ီဖိတဖဢ္လဿ သုတဿ္ထုကဖဢ္အပူၯတက့ဿ္.


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

December 14, 2010

ခရံာ္အိဢ္ဖ်ဲဢ္အတဿ္သး၀ံဢ္မုာ္ (ပူသနဿဢ္)

(၁)
ပွၯလဿအသးဟ့ခရံာ္အိဢ္ဖ်ဲဢ္တဂၯ
တဿ္ဂ့ဿ္ဖိအံၯစးထီဢ္မၯအသးဖဲ နီဿ္ပၯမုဢ္ Victoria ထီဢ္နီ၀ံၯအလီဿ္ခံ န႔ဢ္လီၯ. ဂႜဲးခီးမဢ္လ့ဢ္ (Jacob Marley) သံလဿအပူၯကြံာ္ ႏြံနံဢ္လံ. မဢ္လ့ဢ္မ့ဿ္ ပွၯလဿအမၯသကိးတဿ္ဒီး အ့ဘ့ၯန႔စဿ္စျခဴလီၯ. လဿ၀့ဿ္လိဒိဢ္အပူၯ စျခဴမ့ဿ္ပွၯလဿ အပံာ္အကီကတဿဿ္လီၯ.

ကလံၯခုဢ္ဒီး ဘွ႔ဢ္ပစီၯတဖဢ္ သဂဿဿ္ခရံာ္အိဢ္ဖ်ဲဢ္အမုဿ္နၯလီၯ. လဿစျခဴအရူအခ်ဿစ့ဿ္ကီး ဖိသဢ္တ ဂၯ သး၀ံဢ္ခရံာ္အိဢ္ဖ်ဲဢ္အတဿ္သး၀ံဢ္လဿ တဿ္သးခုလီၯ.
ႃႃမ္ကစဿ္ယြၯကဆိဢ္ဂ့ၯနၯဒီး နကပွဲၯဒီးတဿ္သးခု ပူၯဖ်ဲးဒီး တဿ္ဘဢ္ယိဢ္ဘဢ္ဘွီတက့ဿ္.႗႗
စျခဴဖီဢ္ထီဢ္ သ့ဢ္ကူးလာ္ဖိတကူာ္ဒီး ဟဲထြးထီဢ္လဿအခ်႕ ဒ္သိးကတီဿ္ဖိသဢ္အံၯ အခိဢ္လီၯ. လဿတဿ္သူဢ္ဒိဢ္သးဖ်ိး အပူၯဟဲ၀ဲခ်႕သဒံးဘဢ္ဆဢ္ တခ်ဳးန႔ဿ္ဖိသဢ္အံၯ လဿၯဘဢ္. ဖိသဢ္ဃ့ဿ္တုၯ ဖးယံၯလံန႔ဢ္လီၯ.

စျခဴမ့ဿ္ ပွၯတဂၯလဿ အသးဟ့ခရံာ္အိဢ္ဖ်ဲဢ္ဒိဢ္မးလီၯ. အ၀ဲမ့ဿ္ပွၯလဿ အပံာ္အကီဒိဢ္မးတဂၯလီၯ. တဿ္မၯဂ့ၯ၊ မၯဘ်ဳးပွၯဂၯန႔ဢ္ အ၀ဲတမၯဘူ၀ဲနီတဘ်ီဘဢ္. စျခဴလီၯဂာ္မး ဒီးပွၯလဿ တဿ္ခုဢ္ဘဢ္အီၯ တဂၯလီၯ. အနိးဖံးတဖဢ္ ဟဲလုးထီဢ္လါထီဢ္ ဒီး အမဲာ္တူဿ္၊ ခိဢ္ဆူဢ္ လဿအ၀ါတဖဢ္ ဘဢ္စီဢ္ဒီး ဘွ႔ဢ္ ပစီၯအဃိ ဖ်ါကပီၯမးဒ္ စ့အသိးလီၯ.

တဿ္လဿအခုဢ္ကတဿဿ္ဒု မ့ဿ္ဒဢ္စျခဴအသး လီၯ. တဿ္ကိဢ္ခါအဆဿကတီဿ္ နာ္က့အ၀ဲအသးအံၯ ခုဢ္ဒဢ္ထီဘိလီၯ. တုၯခရံာ္အိဢ္ဖ်ဲဢ္တဘီ တလိဢ္နတဲလဿၯဘဢ္. စျခဴအဒဿးဒီတဖ်ဿဢ္ညါ ခုဢ္၀ဲဒိဢ္မး လီၯ. အ၀ဲအိဢ္ဒီး (မီးလင္းဖို) နာ္က့ မ့ဿ္လဿတဟ့ဢ္လီၯကလုဿ္အဃိ အပွၯမၯတဿ္ဖိတဖဢ္ မၯကပီၯ ထီဢ္၀ဲတဘူဢ္ဘဢ္.

စျခဴ အိဢ္ဒီး အစရ့တဂၯ လဿအမံၯမ့ဿ္၀ဲ ဘီးပ္ကရဲခႜံး လီၯ. ဘီးပ္ ဘဢ္ဆ့ဢ္နီၯ၀ဲလဿ ရူအခ်ဿလဿ လီဿ္ဆ့ဢ္နီၯထီတဖ်ဿဢ္ အလိၯလီၯ. အ၀ဲဒြး၀ဲဒဢ္စ့စရီဖးဒိဢ္တဘ့ဢ္လီၯ. မ့ဿ္လဿတဿ္ခုဢ္ဒိဢ္မးအဃိ အစုနဿဖိတဖဢ္ ဒဢ္လဲာ္ကနိး ၀ဲလဿအကဖီဢ္ထိဢ္ဒံးအဂီဿ္လီၯ. အ၀ဲဖဿဢ္ထီဢ္၀ဲ ခိဢ္ဖဿဢ္တဘ့ဢ္ ဒ္သိး ကမၯလဿၯအီၯ အဂီဿ္လီၯ. မ့ဿ္လဿ စျခဴ ဟ့ဢ္အီၯဒဢ္လါလဲ တႏြံမး ၁၅ ရွံဢ္လ့ဢ္အဃိ ဘီးပ္ပွ႔ၯကၯ ဆ့ကၯအလဿၯတန႔ဿ္ဘဢ္.

လဿရူအခ်ဿန႔ဢ္ တဿ္ခံးလီၯလံ. ဘွ႔ဢ္ပစီၯ တဖဢ္စ့ဿ္ကီးလီၯ၀ဲအါမးလီၯ. လဿက်ဲမုဿ္ဖီခိဢ္န႔ဢ္ ပွၯကိး ဂၯ လဲၯထီဢ္က့ၯလီၯပွဲၯ၀ဲဒီး တဿ္သူဢ္ခုသးခုလီၯ. လဿခံတနံၯ မ့ဿ္ခရံာ္အိဢ္ဖ်ဲဢ္လီၯ. က်းတဖဢ္ စ့ဿ္ကီး ဒြဲဢ္ထီဢ္၀ဲ မ့ဢ္အူတဖဢ္အိဢ္ဒီး အလြဲဿ္အကလုာ္ကလုာ္ ဖ်ါဃံလၯဒိဢ္မးလီၯ. တဿ္သး၀ံဢ္ အယုဿ္တဖဢ္စ့ဿ္ကီး ဒံ၀့ၯ၀ီၯလဿကလံၯက်ါ မုာ္ဘဢ္ပွၯကိးဂၯ အသးလီၯ. ဆီကဆီတဖဢ္၊ သ့ဢ္သူ ၀ဢ္သဢ္၊ တဿ္ဆဿကိဿ္လိဢ္တဖဢ္ …….. လီၯဂာ္မးဒ္ အခိးသဂဿဿ္ကစဿ္ခရံာ္ အတဿ္အိဢ္ဖ်ဲဢ္ န႔ဢ္လီၯ.

စျခဴလဲၯအိးထီဢ္ပဲႀတီခ်႕သဒံးလီၯ. တဿ္ကလုဿ္ဟဲသီဢ္ထီဢ္ ပွဲၯမးဒီးတဿ္နံၯတဿ္အ့ တဿ္သူဢ္ခုသး ခုလီၯ.
ႃႃမ္ခရံာ္အိဢ္ဖ်ဲဢ္ ကမ့ဿ္တဿ္သးခုလဿနဂီဿ္တက့ဿ္…. ဖါတံဿ္.႗႗
ပွၯလဿအဆဿဂ့ၯအီၯ မ့ဿ္ဒဢ္အဖိဒိဢ္ခြါ ဖရဲး (Fred) လီၯ.
ႃႃတဿ္မႏုၯ… လဿနဂီဿ္တဿ္သးခုမႏုၯအိဢ္လဲဢ္… နမ့ဿ္ပွၯဖွီဢ္ဖိန႔ဢ္ နသးခုကကဲထဲလဲဢ္.႗႗
စျခဴကတိၯထီဢ္တဿ္လဿ အကလုဿ္ဆူဢ္ဆူဢ္လီၯ. မ့မ့ဿ္ ဖရဲးတခီ လဿတဿ္နံၯတဿ္အ့အပူၯ တဲထီဢ္၀ဲ …. ႃႃတဿ္ဂ့ဿ္မႏုၯကအိဢ္လဿ ဖါတံဿ္သးခုတကဲအဂီဿ္လဲဢ္… ဖါတံဿ္မ့ဿ္ပွၯကဲဒိဢ္ကဲပွဿ္ တဂၯလီၯ.႗႗
ႃႃခရံာ္အိဢ္ဖ်ဲဢ္အတဿ္သးခုမ့ဿ္ဧါ.႗႗ စျခဴအကလုဿ္ဒိဢ္ထီဢ္ဆူဢ္ထီဢ္ ၀ဲလံ -
ႃႃဘဢ္လံ တဘဢ္တဲလဿၯတဂ့ၯ. ပွၯလဿအသးခုကဲလဿ ခရံာ္အိဢ္ဖ်ဲဢ္အံၯ မ့ဿ္ဒဢ္ပွၯအပ်ဳဿ္လီၯ. အိဢ္ဒဢ္ ပကဘဢ္ထဿႏုာ္အီၯလဿသပဿၯလဿ ပွၯမၯအီဢ္ပူဢ္တ့ အပူၯလီၯ. အိဢ္ဒဢ္ပကဘဢ္ ဆဲးဖ်ိ အသးလဿ ထးခိဢ္စူလီၯ.႗႗
ႃႃဖါတံဿ္ တဘဢ္မၯဒ္န႔ဢ္တဂ့ၯဘီဢ္. ယတဆိကမိဢ္လဿ နကမၯဒ္န႔ဢ္ကီးဘဢ္. ခဲမုဿ္ဆ့ဢ္ဟါ ဟဲအီဢ္ တဿ္ဒီးပွၯနီၯ.႗႗
ဖရဲးကြဲ၀ဲအဖါတံဿ္ဘဢ္ဆဢ္ အဖါတံဿ္တခီ ဂ့ဿ္လိာ္၀ဲလီၯ.
ႃႃဖါတံဿ္ နသးဒိဢ္ဘဢ္ဆဢ္ ယဆဿဂ့ၯဆဿ၀ါ နၯလဿ မ္ခရံာ္အိဢ္ဖ်ဲဢ္အတဿ္ဃံတဿ္လၯ ကလီၯဘဢ္ လဿနလိၯထူးထူးတီၯတီၯ တက့ဿ္.႗႗
ဖရဲးဆဿဂ့ၯဆဿ၀ါဒီး ထုကဖဢ္တဿ္လဿ အဖါတံဿ္အဂီဿ္လီၯ.
ႃႃတဿ္မႏုၯလဲဢ္…႗႗
စျခဴလၯ၀ဲဒဢ္ အဖိဒိဢ္ခြါအစုလီၯ.
ဖရဲးထြးထီဢ္ဆူတဿ္ခ်ဿဒီး က့ၯ၀ဲလီၯ. တယံာ္ဘဢ္ဒီး ပွၯခံဂၯဟဲႏုာ္လီၯဆူ စျခဴအရူပူၯလီၯ. ပွၯခံ ဂၯအံၯမ့ဿ္ဒဢ္ပွၯလဿ အဃ့တိဿ္မၯဘူဢ္လဿ ပွၯဖွီဢ္ဖိယာ္ဖိတဖဢ္ အဂီဿ္လီၯ. စျခဴတဟ့ဢ္၀ဲ တိဿ္မၯ ဘူဢ္နီတဘ့ဢ္ဘဢ္. အ၀ဲဂ့ဿ္လိာ္၀ဲဆူဢ္ဆူဢ္လီၯ.
ႃႃဃိာ္တဖဢ္ တအိဢ္လဿၯဘဢ္ဧါ… တဿ္မၯလီဿ္တဖဢ္တခီ တအိဢ္လဿၯဧဲဿ္.. ယဟ့ဢ္ဃးတဿ္ခိ တဿ္သြဲလဿ တဿ္လီဿ္တဖဢ္အံၯ အါမးလီၯ. ပွၯဖွီဢ္ဖိယာ္ဖိတဖဢ္ မဿအလဲၯဖဲန႔ဢ္ဘီဢ္….႗႗
စျခဴတဲလီၯ၀ဲလဿအကလုဿ္ဆူဢ္ဆူဢ္လီၯ.
ႃႃပွၯအါဂၯလဲၯဆူ တဿ္လီဿ္တဖဢ္အံၯတကဲဘဢ္. တနီၯနီၯဒဢ္လဲာ္ ခီဖ်ိလဿ တဿ္သဢ္၀ံၯလီၯဒိအဃိ ဘူးတ့ဿ္မးလဿကသံလံ.႗႗
ႃႃအိ… ကသံဒဢ္၀ဲ၊ ပွၯဖွီဢ္ဖိယာ္ဖိအိဢ္အါမးဒံး႗႗
စျခဴတဲထီဢ္၀ဲလဿ တဿ္တဒိသူဢ္ဒိသးအပူၯလီၯ. ပွၯခံဂၯအံၯစ့ဿ္ကီး က့ၯ၀ဲဒဢ္လဿ တဿ္သးဟးဂီၯ အပူၯလီၯ.

ဘွ႔ဢ္တဖဢ္ လီၯအါထီဢ္အါထီဢ္လံ… တဿ္ကပီၯစ့ဿ္ကီး စွၯလီၯ၀ဲလံ… ရူတဿ္မၯပ်ဿ္အကတီဿ္ စ့ဿ္ကီး ဘဢ္လံအဃိ ဘီးပ္ကတဲာ္ကတီၯအသးလဿ ကက့ၯဆူဟံဢ္န႔ဢ္လီၯ.
ႃႃယကြဿ္နၯ လီၯဂာ္ခဲမုဿ္ဆ့ဢ္ နအဲဢ္ဒိးအိဢ္ဘွံးလီၯ.႗႗
စျခဴတဲထီဢ္၀ဲလဿ တဿ္တဘဢ္သူဢ္ဘဢ္သးအပူၯလီၯ.
ႃႃမ့ဿ္သ့ဒု ယအဲဢ္ဒိးအိဢ္ဘွံးလီၯ.႗႗ ဘီးပ္တဲ၀ဲ လဿတဿ္သညူးသပွဿ္အပူၯလီၯ.
ႃႃနမ့ဿ္တဟဲမၯတဿ္ ယကဘဢ္ဟ့ဢ္နၯလါလဲဒံးဧါ.႗႗
ႃႃတဿ္အံၯမ့ဿ္ တနံဢ္မးတဘ်ီလီၯ.႗႗ ဘီးပ္တဲထီဢ္လဿ တဿ္ကစုလီၯ.
ႃႃတနံဢ္တဘ်ီအံၯ ခဲအံၯခဲအံၯလီၯဧါ… ဂ့ၯလံ … ရူထီဢ္အနံၯခဲကိာ္ ဟဲဆိဆိ နနဿ္ဟူဧါ.႗႗
စျခဴဃါ၀ဲဒဢ္ ဘီးပ္လီၯ.
ဘီးပ္လဿ တဿ္သးခုအပူၯ ဃ့ဿ္ထြးထီဢ္၀ဲဒဢ္ လီၯဂာ္မးဒီး ဖိသဢ္ဖိလဿ အကႜိပ်ဿ္၀ံၯ ဟဲက့ၯဆူ ဟံဢ္လီၯ. ဘီးပ္ ဟး၀ဲခ်႕ခ်႕ ဒ္သိးကတုၯဆူ ဟံဢ္လီၯ.

စျခဴတခီ ဒ္ကိးဘ်ီဒဲး ညီႏုဿ္အသိး အ၀ဲႏုာ္လီၯအီဢ္ ဟါတဿ္အီဢ္လဿ က်းဆံးဆံးဖိတဖ်ဿဢ္ လဿအပွ႔ၯ ဘဢ္တဖ်ဿဢ္အပူၯလီၯ. ၀ံၯဒီး အ၀ဲဖးတဿ္ကစီဢ္လဿ အဘဢ္ထြဲဒီး တဿ္ဖံးအီဢ္မၯအီဢ္ (စီးပြားေရး) တဖဢ္လီၯ.

(၂)
မဢ္လ့ဢ္အကလၯ
စျခဴအိဢ္၀ဲထဲတဂၯ ဖဲအတံၯသကိးလဿအမၯ သကိးတဿ္ဒီးအီၯ မဢ္လ့ဢ္အဟံဢ္လီဿ္လံၯ တဖ်ဿဢ္ အပူၯလီၯ. ဖဲအ၀ဲထဿႏုာ္နီဢ္၀ံာ္ခံ ဒ္သိးအကအိးထီဢ္ပဲႀတီအဆဿကတီဿ္ အ၀ဲပာ္သူဢ္ပာ္သးဒီး ထံဢ္၀ဲ လဿဖဲပဲႀတီအလိၯန႔ဢ္ အတံၯသကိး မဢ္လ့ဢ္ အမဲာ္ဟဲဖ်ါထီဢ္၀ဲလီၯ. မဢ္လ့ဢ္အမဲာ္သဢ္အံၯ တမုာ္ ဘဢ္. လဿအခိဢ္တိသဢ္စ့ဿ္ကီး တဿ္အစူတဖဢ္ဟဲဖ်ါထီဢ္ လီၯဂာ္မးဒ္ တဿ္တဃဢ္ အသိးန႔ဢ္လီၯ. ကလံၯ ဟဲအူကဖီကဖီအဃိ မဢ္လ့ဢ္အခိဢ္သူတဖဢ္စ့ဿ္ကီး ဒံ၀ဲလီၯဂာ္မးလဿ အဂဲၯကလံဢ္လီၯ. မဢ္လ့ဢ္အမဲာ္သဢ္အံၯ ဟဲဖ်ါထီဢ္၀ဲတဆီဘဢ္တဆီလီၯ.

စျခဴတပ်ံၯတဿ္ဘဢ္. အ၀ဲတနာ္တဿ္ကလၯ၊ တဿ္တဃဢ္တဖဢ္ဘဢ္. အ၀ဲအိးထီဢ္ပဲႀတီ၀ံၯ ႏုာ္လီၯဆူ ဟံဢ္ပူၯဒီး ဒြဲဢ္ထီဢ္၀ဲပနဲတဿဢ္လီၯ. အ၀ဲထီဢ္ဆူ ဟံဢ္ဖီခိဢ္… အ၀ဲယီဿ္ဃီသြါ တသြါ၀ံၯတသြါ ဒီး ဟ့ဢ္ဂံဿ္ဟ့ဢ္ဘါလီၯအသးလဿ ႃႃမဢ္လ့ဢ္သံအိဢ္လံ ႏြံနံဢ္လံ႗႗ လီၯ. ဖဲအ၀ဲတုၯဆူ ဟံဢ္ဖီခိဢ္ အဆဿ ကတီဿ္တဿ္လီၯဆီ မႏုၯမး တမၯအသးဘဢ္. အ၀ဲလဲကူလဲကၯ၀ံၯ ဒိးထီဢ္ခီဢ္ဖံး ကဿဢ္ထီဢ္ခိဢ္သလုး ၀ံၯ အိတဿ္ထံကိဿ္ကိဿ္ ဒ္သိး ကလဿၯထီဢ္အဂီဿ္လီၯ. အ၀ဲကြဿ္စ့ဿ္ကီး ပဲႀတီဒီး ကးတံာ္ဃာ္လီၯတံဿ္ လီၯဆဲးလီၯ.

လဿတဿ္ဒူဢ္အလိၯ အိဢ္ဒီး တဿ္ဂီၯဘဢ္ထြဲ လံာ္စီဆွံအပူတဖဢ္၊ ပွၯမံၯဟူသဢ္ဖ်ါတဖဢ္ အဂီၯလီၯ. ဖဲ အကြဿ္တဿ္အံၯအဆဿကတီဿ္ ဒဿလြဲဖိလဿ အအိဢ္လဿ ဖဢ္ကပူၯအဖီခိဢ္တဖ်ဿဢ္ ဟဲဟူး၀းထီဢ္၀ဲ ဒဢ္လီၯ. ဒဿလြဲအံၯ တဘဢ္တဿ္သူအီၯ အိဢ္လံအနံဢ္အါမးလံ. ဘဢ္ဆဢ္ခဲအံၯ ဒဿလြဲတဖ်ဿဢ္အံၯ သီဢ္ထီဢ္ဖးဒိဢ္လီၯ. ဒဿလြဲအသီဢ္အံၯ သီဢ္ဒိဢ္ထီဢ္ဒိဢ္ထီဢ္ ဟူသၾတဴးမးလဿ ဟံဢ္ဒီတဖ်ဿဢ္အပူၯ လီၯ.
ႃႃပွၯနါစိၯ… ယတနာ္ဘဢ္႗႗ စျခဴတဲထီဢ္၀ဲလီၯ.

ဘဢ္ဆဢ္ ဒဿလြဲအကလုဿ္အံၯ သီဢ္ဒိဢ္ထီဢ္ ဒိဢ္ထီဢ္တကးဘဢ္ မီးလင္းဖို) စ့ဿ္ကီး မ့ဢ္အူအလဢ္ တဖဢ္ ဟဲကပ်ီၯထီဢ္၀ဲဒဢ္လီၯ. စုျခဴ ကိးသႀတီထီဢ္၀ဲလဿ တဿ္ဖုးသံပ်ီဿ္သံအပူၯ…..
ႃႃယသ့ဢ္ညါ … မ့ဿ္ဒဢ္ မဢ္လ့ဢ္ အကလၯလီၯ.႗႗
မ့ဿ္လီၯ. မဢ္လ့ဢ္ ဟဲဆူအအိဢ္လီၯ. အ၀ဲကူကၯ၀ဲဒဢ္ဆ့ကၯ လဿအပ်ိဿ္ဖုဢ္ဒီး ဖ်ီဢ္ခံဃံးဃံး ဒ္အကူ ကၯညီႏုဿ္၀ဲအသိးလီၯ. လဿအ၀ဲအယီဿ္ဒ့စ့ဿ္ကီး အိဢ္ဒီးထးသြဲတဘိလီၯ. တလါလဿအထဿႏုာ္ က်ိဢ္စ့၊ နီဢ္၀ံာ္ခံ၊ စ့စရီအလံာ္တဖဢ္စ့ဿ္ကီး အိဢ္လဿမဢ္လ့ဢ္အစုပူၯလီၯ. စျခဴထံဢ္၀ဲဒဢ္ မဢ္လ့ဢ္ အကစဿ္ဖ်ိဖ်ိဖ်ါဖ်ါ လီၯ.
ႃႃအီ… နၯအံၯ နတနာ္ဒံးဧဲဢ္႗႗
တဿ္တဃဢ္သံကြဿ္အီၯလီၯ.
ႃႃမ့ဿ္… ယတနာ္ဘဢ္.႗႗
တဿ္တဃဢ္အံၯ တနံၯထီဢ္ဘဢ္အမဲာ္ညါ ကိးထီဢ္၀ဲဒဢ္လဿအကလုဿ္ဖးဒိဢ္ … သီဢ္လီၯပ်ံၯလီၯဖုး ဒိဢ္မးလီၯ. ထးသြဲလဿ အယီဿ္ဒ့လိၯစ့ဿ္ကီး သီဢ္မးလဿ အကလုဿ္ဖးဒိဢ္လီၯ.
ႃႃဟီဢ္ခိဢ္အတဿ္စဿဃာ္လဿ နအိဢ္စ့ဿ္ကီး အိဢ္လီၯ. နဲနသးသမူ ထီန႔ဿ္ယၯႏြံနံဢ္အဃိ နတဿ္စဿ ဃာ္အပ်ံၯအံၯ ထီန႔ဿ္ယၯဒီး ဃဿန႔ဿ္ယၯဒံး႗႗
စျခဴကြဿ္ထးသြဲ တဆီဘဢ္တဆီ တုၯဆူ အဖီလာ္၀ံၯ တထံဢ္တဿ္နီတမံၯဘဢ္.
ႃႃယဆိကမိဢ္ထဲ က်ိဢ္စ့အဂ့ဿ္လီၯ. ယကမၯတဿ္ဂ့ၯအဂီဿ္ ယသးပ့ၯနီဢ္သး… ယတမၯဘဢ္ဘဢ္.႗႗
တဿ္တဃဢ္အံၯ ကတိၯထီဢ္တဿ္ဒီး သါသဖွိထီဢ္လီၯ.
ႃႃဘဢ္ဆဢ္ မဢ္လ့ဢ္… နမ့ဿ္ပွၯလဿ အဖႜဲးဒိဢ္မးလဿ (စီးပြားေရး) တကပၯလီၯ.႗႗
ႃႃစီးပြားေရး … မ့ဿ္ဧါ. ပွၯကညီတဖဢ္န႔ဢ္ မ့ဿ္ယတဿ္ဖံးတဿ္မၯအလီဿ္လီၯ. ယဟးဆွဲးဘဢ္အ၀ဲသ့ဢ္ အဃိ တဿ္အံၯမ့ဿ္ယတဿ္ကမဢ္ဖးဒိဢ္ လီၯ.႗႗
ႃႃဘဢ္မႏုၯနဟဲဆူယအိဢ္လဲဢ္.႗႗
စျခဴသံကြဿ္၀ဲလီၯ.
ႃႃမ့ဿ္ဒ္သိးယကဟ့ဢ္ပလီဿ္နၯလီၯ. ယဘဢ္ယိဢ္လဿ နကလီၯဂာ္ဒီးယၯ ဟီဢ္ခိဢ္အတဿ္စဿဃာ္တဖဢ္ တပူၯဒီးနၯအဃိ ယဟ့ဢ္ပလီဿ္နၯလီၯ. တဿ္တဃဢ္ ကဟဲဆူနအိဢ္ ၃ ဂၯဒံးလီၯ. အခီဢ္ထံးတဂၯန႔ဢ္ ကဟဲဖဲ သရိာ္အနဢ္ရံဢ္ ဒဿလြဲသီဢ္ထီဢ္တဘီ အဆဿကတီဿ္လီၯ.႗႗
တဿ္တဃဢ္အံၯကတိၯတဿ္၀ံၯ စိာ္ထီဢ္အထးသြဲ ဖးဒိဢ္၀ံၯ က့ၯဆူပဲႀတီဒီး တဆီတဆီ ဟါမဿ္ကြံာ္၀ဲ လီၯ.

တဿ္ကိးလဿအပွဲၯဒီး တဿ္သးအုးအသီဢ္တဖဢ္ ဟူထီဢ္ဖးဒိဢ္လဿ စျခဴအနဿ္ပူၯ လီၯ. လဿမူကပိာ္ လိၯ စ့ဿ္ကီး မဢ္လ့ဢ္အမဲာ္သဢ္တဖဢ္ ဟဲဖ်ါထီဢ္ အါမးန႔ဢ္လီၯ. အ၀ဲသ့ဢ္ ဟီဢ္ယဿၯ၀ဲဒီး ကိးသႀတီ ထီဢ္၀ဲလီၯ. တကီဿ္ခါ စျခဴအနီဿ္ကစဿ္ဒဢ္၀ဲ လီၯဘွံးလီၯတီၯဒိဢ္မး ဒီး မံမုာ္၀ဲဒဢ္လီၯ.

(၃)
ခရံာ္အိဢ္ဖ်ဲဢ္လဿအပူၯကြံာ္ပွၯကညီ
သရိာ္အဒဿလြဲသီဢ္ထီဢ္၀ဲဒဢ္ဖဲ မုဿ္နၯယိာ္အဆဿကတီဿ္ စျခဴ ဖုးပဿဿ္ထီဢ္၀ဲဒဢ္လီၯ. အ၀ဲဆိကမိဢ္၀ဲ မ့ဿ္တဿ္တဃဢ္ကဟဲအနီဿ္ကီဿ္ဧါ. အ၀ဲမံနီၯဖဲ ကတဲာ္ခိဢ္ဒီး ခိး၀ဲဒဢ္ ဂီၯ ၁ နဢ္ရံဢ္ အဒဿလြဲသီဢ္ထီဢ္ အဆဿကတီဿ္လီၯ.

အ၀ဲအဒဿးဒီတဖ်ဿဢ္ညါ ကျပဳဿ္ကၿပီၯထီဢ္လံ. လီၯဂာ္စ့ဿ္ကီးလဿ ဒဿးအပဲႀတီတဖဢ္ အိးထီဢ္အသး လီၯ. စျခဴထံဢ္၀ဲဒဢ္ ပွၯတဂၯ ဟဲဆူအအိဢ္လီၯ. ပွၯတဂၯအံၯ လီၯဂာ္ဒ္ဖိသဢ္ဖိလဿ အသူဢ္ဂ့ၯ အသး၀ါတဂၯ… ဘဢ္ဆဢ္ အခိဢ္ဆူဢ္တဖဢ္တခီ လီၯဂာ္ဒီးပွၯ သးပွဿ္တဂၯ လီၯစဲၯဖးထီလီၯ. ပွၯ တဂၯအံၯကူကၯ၀ဲဒဢ္ဆ့ကၯ အ၀ါဒီး လဿအစုပူၯဖီဢ္ဃာ္ ၀ဲဒဢ္ သ့ဢ္ဒ့တဒ့လီၯ. လဿအခိဢ္လိၯ တခီ အိဢ္ဒီးခိဢ္သလုးလဿ အလီၯဆီမးတဖ်ဿဢ္လီ.

ႃႃနမ့ဿ္မတၯလဲဢ္.႗႗
ႃႃယမ့ဿ္ ခရံာ္အိဢ္ဖ်ဲဢ္လဿအပူၯကြံာ္ အပွၯကညီလီၯ.႗႗
ႃႃဘဢ္မႏုၯနဘဢ္ဟဲဖဲအံၯလဲဢ္.႗႗
ႃႃယဟဲဟ့ဢ္ပလီဿ္နၯ.. ယအဲဢ္ဒိးမၯစဿၯနၯလီၯ. ဆဿထဿဢ္… ဟဲပိာ္ယခံ႗႗
စျခဴဆဿထဿဢ္ခ်႕သဒံး ဒီးပိာ္ထီဢ္ပွၯတဂၯ အံၯအခံလီၯ. အ၀ဲသ့ဢ္လဲၯတုၯဆူ၀့ဿ္အခ်ဿလီၯ. လဿက်ဲ ဖိသဢ္တဖဢ္ ဒိးကသ့ဢ္၊ ပွၯထူစံာ္ဖိတဖဢ္ ဒိးလ့ဢ္ကဟဢ္ ဒီးအ၀ဲသ့ဢ္ ဆဿဂ့ၯဆဿ၀ါ လိာ္အသး တဂၯ ဒီးတဂၯ ပွဲၯမးဒီး တဿ္သူဢ္ခုသးခုလီၯ. အ၀ဲသ့ဢ္မ့ဿ္လဿ ခရံာ္အိဢ္ဖ်ဲဢ္ နံၯသဘ်႕အဃိ က့ၯသကိး ၀ဲဆူ အတဿ္အိဢ္တဿ္ဆိးအလီဿ္လီၯ. စျခဴ သ့ဢ္ညါ၀ဲဒဢ္ ပွၯလဿအထံဢ္၀ဲလဿ က်ဲတဖဢ္ အံၯလီၯ. မ့ဿ္အတံၯသကိးလီဿ္လံၯ တဖဢ္ ဖဲအ၀ဲထီဢ္ကႜိ အဆဿကတီဿ္လီၯ.

စျခဴ စးထီဢ္ဟီဢ္လံ… အ၀ဲသ့ဢ္နီဢ္ထီဢ္က့ၯလဿ ပူၯကြံာ္ခရံာ္အိဢ္ဖ်ဲဢ္ အ၀ဲအိဢ္ထဲတဂၯလဿ ဒဿးတဖ်ဿဢ္လဿ အခံးယုဿ္ကလာ္အပူၯလီၯ. အ၀ဲထံဢ္လီၯအသးဒ္ အမ့ဿ္ဖိသဢ္တဂၯလီၯ. အ၀ဲဖး လံာ္လဿ တဿ္ဘွ႔ဢ္တဿ္ဘွီဢ္ အဆဿကတီဿ္လီၯ. ပွၯလဿအထံဢ္၀ဲလဿ လံာ္ပူၯတဖဢ္ ဟဲဟူးဂဲၯထီဢ္ လဿ စျခဴ အတဿ္ထံဢ္အပူၯလီၯ.

အ၀ဲထံဢ္၀ဲ အတံၯသကိးလဿအမ့ဿ္ ရီဘ့ဢ္ကရူဆိ ဒီး Friday တဖဢ္ ဟးဃ့ဿ္လဿပီဢ္လဲဢ္ကဿဿ္နံၯ လီၯ. စျခဴလဿတဿ္သးဟူးဂဲၯအပူၯ ကိးပသူထီဢ္လဿအကလုဿ္ဖးဒိဢ္ဘဢ္ဆဢ္ … အတဿ္ထံဢ္တဖဢ္ တစိဿ္ဖိအတီဿ္ပူၯ ဟါမဿ္ကြံာ္၀ဲလီၯ. အ၀ဲတဲထီဢ္၀ဲ -
ႃႃတဿ္လဿယအဲဢ္ဒိးမၯတခီ႗႗
ႃႃတဿ္မႏုၯလဲဢ္႗႗
ပွၯတဂၯအံၯသံကြဿ္အီၯလီၯ.
စျခဴတဲထီဢ္၀ဲ
ႃႃတဟါအံၯဖိသဢ္ ဟဲသး၀ံဢ္တဿ္လဿယရူအခ်ဿတဂၯ၊ … ယၾကဿးဟ့ဢ္အီၯတဿ္တမံၯမံၯလီၯ.႗႗
ပွၯတဂၯအံၯ ၀ံဿ္၀ဿ္ပႜးအီၯအစု၀ံၯ တဲအီၯ -
ႃႃပကလဲၯကြဿ္ဒံး ခရံာ္အိဢ္ဖ်ဲဢ္ အဂၯတဖဢ္ဒံး.႗႗
မ့ဿ္ဒဢ္ တဿ္သိဢ္လိအဒဿးလဿ မုကဿာ္အ၀ဲသ့ဢ္လဲၯထံဢ္၀ဲလီၯ. ဖိသဢ္အံၯအသးပွဿ္ထီဢ္ လံ. အိဢ္ထဲ တဂၯလီၯ. တကီဿ္ခါပဲႀတီ အိးထီဢ္အသးဒီး ပိာ္မုဢ္ဖိတဂၯဟဲႏုာ္၀ဲ ဒ္သိးကက့ၯဆူဟံဢ္ လဿကမၯ သကိး ခရံာ္အိဢ္ဖ်ဲဢ္အဂီဿ္လီၯ.
စျခဴတဲထီဢ္၀ဲ …ႃႃအိ… အ၀ဲအိဢ္တဆူဢ္ဘဢ္ … ပိာ္မုဢ္ဖိအံၯ ဘဢ္သံ၀ဲလဿအနီဿ္ဆံးဆံးဖိလီၯ.႗႗
ႃႃအ၀ဲန႔ဢ္ မ့ဿ္နဖိဒိဢ္လီၯ.. စျခဴ႗႗
ႃႃမ့ဿ္လီၯ.႗႗

အ၀ဲသ့ဢ္ဟးထီဢ္ဖဲန႔ဢ္၀ံၯ လဲၯတုၯဆူ၀့ဿ္အဂၯတ၀့ဿ္လီၯ. တခ်ဳးခရံာ္အိဢ္ဖ်ဲဢ္အမုဿ္တနၯ…. မ့ဢ္အူ တဖဢ္ကပီၯဖ်ါဂ့ၯမးလီၯ. အ၀ဲသ့ဢ္ လဲၯတုၯဆူတဿ္သူဢ္ထီဢ္လဿ ပွၯပာ္ဖွိဢ္တဿ္ပီးတဿ္လီ တဖ်ဿဢ္ အမဲာ္ညါလီၯ.
ပွၯတဂၯန႔ဢ္သံကြဿ္စျခဴ…
ႃႃနသ့ဢ္ညါတဿ္လီဿ္အံၯဧါ.႗႗
စျခဴစံးဆဿလဿတဿ္သးစဲအပူၯ-
ႃႃလဿညါယမၯဘူတဿ္ဖဲအံၯဒံးလီၯ.႗႗

လဿဒဿးပူၯအိဢ္ဒီး တဿ္တူဿ္လိာ္မုာ္ တဿ္အီဢ္တဿ္အီတဖဢ္လီၯ. ပွၯတဖဢ္အံၯ မ့ဿ္၀ဲစျခဴအတဿ္မၯ ကစဿ္ ဖဲးဇ၀ံး (Fezziwig) ဒီးအဟံဢ္ဖိဃီဖိတဖဢ္လီၯ. တဿ္အီဢ္တဿ္အီ၊ ကသူဟီဢ္ဘီဢ္၊ ကိဢ္၊ ဘံဢ္ယဢ္ တဖဢ္အါမး လဿစီၯနီၯခိဢ္လီၯ. အိဢ္စ့ဿ္ကီးဒီး ပွၯဒ့တဿ္အူတဿ္တဖဢ္ ပႜီဢ္မးလီၯ. စျခဴ ပႜီဢ္ဒိဢ္မးလီၯ. သးခုဒိဢ္မးလီၯ. စျခဴကြဿ္တဿ္အံၯဒီး ကြဿ္ထီဢ္ပွၯတဂၯအံၯ အမဲာ္ဒီး ပွၯအံၯ သံကြဿ္ အီၯ -
ႃႃနသးလီမႏုၯလဲဢ္.႗႗
စျခဴစံးဆဿ၀ဲ - ႃႃတမ့ဿ္ဘဢ္… ယအဲဢ္ဒိးကတိၯတဿ္ဒီး ယစရ့တဘီခံဘီလီၯ.႗႗
၀ံၯပွၯတဂၯအံၯ ကိးကဒီးအီၯဆူ တဿ္လီဿ္အဂၯတတီၯလီၯ. ဒီးတဿ္ဒုးနဲဢ္အီၯ တဿ္မၯအသး လဿ အလီၯသးအုးတမံၯ လီၯ. လဿတဿ္ထံဢ္အံၯအပူၯန႔ဢ္ စျခဴအသးပွဿ္ထီဢ္လံ. အ၀ဲဖ်ါလဿ ပံာ္ကီဒိဢ္မး လီၯ. အ၀ဲကတိၯတဿ္ဒီး အတဿ္အဲဢ္တီလီၯ. အတဿ္အဲဢ္တီတဲအီၯ မ့ဿ္လဿနသးကြံစ့ အါန႔ဿ္ယၯအ ဃိ ဟ့ဢ္က့ၯ၀ဲတဿ္အီဢ္သံအီဢ္မံပသံး (Engagement Ring) ဆူစျခဴအအိဢ္လီၯ. ၀ံၯဒီးအ၀ဲထံဢ္ ၀ဲလဿ အတဿ္အဲဢ္တီအံၯ ဖ်ီအသးဒီး ပွၯအဂၯတဂၯ ပွဲၯဒီးတဿ္သးခုလီၯ. စျခဴတခီ အိဢ္လဿအရူ ပူၯ ထဲတဂၯလီၯ.
စျခဴကိးထီဢ္လဿအကလုဿ္ဖးဒိဢ္ - ႃႃက့ၯကိးက့ၯယၯ.႗႗
တကီဿ္ခါ စျခဴဟဲက့ၯတုၯဆူ အလီဿ္မံခိဢ္ဒီး မံသပ့ၯဘဢ္အသးလီၯ.

(၄)
ခရံာ္အိဢ္ဖ်ဲဢ္ခဲအံၯအပွၯကညီ
စျခဴဆိကမိဢ္လဿ နဢ္ရံဢ္သီဢ္အဃိ အ၀ဲဖုးပဿဿ္ထီဢ္လီၯ. အ၀ဲထံဢ္မ့ဢ္အူကပီၯလဿ အဒဿးဘးခီ လီၯ. အ၀ဲနဿ္ဟူ၀ဲ တဿ္ကလုဿ္လဿ အကိးအီၯန႔ဢ္လီၯ. စျခဴဒိးထီဢ္ခီဢ္ဖံးဒီး ဟဲဟးဆူပဲႀတီအအိဢ္ လီၯ. ဒဿးဒီတဖ်ဿဢ္ ဘဢ္တဿ္ကယဿကယဲအီၯလဿ ဖီအကလုာ္ကလုာ္လီၯ. လဿတဿ္ဒူဢ္ကပၯ စ့ဿ္ကီး အိဢ္ဒီးမ့ဢ္အူလဿ အကပီၯဆႈဢ္ကလာ္လီၯ. တဿ္အီဢ္တဿ္အီ၊ သ့ဢ္သူ၀ဢ္သဢ္ တဖဢ္အိဢ္ အါမးလီၯ. တကးဘဢ္ စျခဴထံဢ္၀ဲ ပွၯတဂၯလဿ အလီၯဂာ္ဒီး ဒီးတကါတဂၯလီၯ. အ၀ဲဖီဢ္ဃာ္ စ့ဿ္ကီး မ့ဢ္အူထူဢ္လဿအလီၯဂာ္ဒီး ကြဲၯန႔ဢ္လီၯ.
ပွၯဖးဒိဢ္တဂၯအံၯတဲ၀ဲစျခဴ - ႃႃဟဲ… နကဘဢ္သ့ဢ္ညါယၯ…. ယၯန႔ဢ္ ယမ့ဿ္တဿ္တဃဢ္လဿ အဟ့ဢ္ပွၯခရံာ္အိဢ္ဖ်ဲဢ္ အတဿ္ဟ့ဢ္တဂၯလီၯ.႗႗
ပွၯအံၯကူကၯ၀ဲဒဢ္ တဿ္အလြဲဿ္အလါလုး န႔ဢ္လီၯ. လဿဆ့ကၯအကႏူၯတဖဢ္ အိဢ္ဒီးအဆူဢ္ အ၀ါဖိ တဖဢ္လီၯ. အခိဢ္သူတဖဢ္ တကံဒီတဖ်ဿဢ္ညါ ဒီးကဿဿ္ဃာ္၀ဲ ခိဢ္သလုးလဿ အဘဢ္တဿ္ကယဿ ကယဲအီၯလဿ သ့ဢ္လဢ္န႔ဢ္လီၯ.
စျခဴတဲ၀ဲလဿတဿ္ယူးယီဢ္ပာ္ကဲအပူၯ - ႃႃနၯန႔ဢ္နမ့ဿ္ပွၯလဿအဟဲဒုးသ့ဢ္ညါယၯ ဒ္သိးယကဂ့ၯထီဢ္ အဂီဿ္လီၯဘဢ္. ကိးယၯဖဲနအဲဢ္ဒိးလဲၯအလီဿ္ တက့ဿ္. ယကဒိကနဢ္ နတဿ္မၯလိာ္တဖဢ္လီၯ.႗႗

ပွၯအံၯလဲၯကိးစျခဴဆူ က်ဲမုဿ္ခိဢ္၊ ပွၯလဲၯတဿ္က့ၯတဿ္၊ ပွၯဆါတဿ္ပွ႔ၯတဿ္အါမးလီၯ. ပွၯဖွီဢ္ဖိယာ္ဖိ တဖဢ္စ့ဿ္ကီး အါမးလီၯ. အသကိးခံဂၯလဲၯတဿ္ဒီး တုၯဆူဟံဢ္ဆံးဆံးဖိတဖ်ဿဢ္ အမဲာ္ညါလီၯ. ပွၯ တဂၯအံၯ ဆိဢ္ဂ့ၯဆိဢ္၀ါဒီး ဆဿဂ့ၯဆဿ၀ါ၀ဲဒဢ္ ဟံဢ္ဖိအံၯလီၯ. ဟံဢ္ဖိအံၯ မ့ဿ္၀ဲဘီးပ္လဿ အမ့ဿ္ စျခဴ အစရ့အဟံဢ္လီၯ. ဘီးပ္ဒီး အဟံဢ္ဖိဃီဖိတဖဢ္ ကူကၯ၀ဲဒဢ္ ခရံာ္အိဢ္ဖ်ဲဢ္အတဿ္ကူတဿ္ကၯ ဘဢ္ဆဢ္ တဿ္ကူတဿ္ကၯတဖဢ္ မ့ဿ္တဿ္လဿအလီဿ္လံၯ၀ဲဒိဢ္မး ဒီးတနီၯယာ္၀ဲလံန႔ဢ္လီၯ. ဟံဢ္ဒီ တဖ်ဿဢ္ညါ ဘဢ္တဿ္ကယဿကယဲအီၯလီၯ. ဖိသဢ္တနီၯဖီတဿ္တ့ၯတဿ္၊ တနီၯရဲဢ္လီၯက်ဲၯလီၯ စီၯနီၯခိဢ္လီၯ.
ဖိသဢ္တဖဢ္ကိးသႀတီထီဢ္၀ဲ - ႃႃပါပါ… ဖိသဢ္ တဢ္(မ္) ဟဲတုၯလံ.႗႗
ပဿ္တဂၯယိး၀ဲ တဢ္(မ္) လဿအဖံဘဢ္ခိဢ္ ဒီးဟဲႏုာ္ဆူဟံဢ္ပူၯလီၯ. တဢ္(မ္) ဘဢ္ဟးဒီး (ဂ်ိဳင္းေထာက္) လီၯ. အခီဢ္မ့ဿ္ဒဢ္ ခီဢ္ (အတု) လဿ ပွၯမၯအီၯလဿထးန႔ဢ္လီၯ.

ဘီးပ္အဖိခြါဖိခံဂၯ ဟဲစိာ္ထီဢ္၀ဲဒဢ္ ထိဢ္ဒ့ဢ္ လဿဖီမံဃာ္အီၯတဘ့ဢ္လီၯ. ဘီးပ္တခီ မၯကိဿ္ထီဢ္ တဿ္ထံ လီၯ. ဖိခြါဖံထဿဢ္တခီ ကူးလီၯအဢ္လူ လီၯ. ဖိမုဢ္ဖိတဖဢ္တခီ သ့စီ၀ဲသ့ဢ္သဢ္တဖဢ္ ဒီးထဿႏုာ္၀ဲလဿ လီခီပူၯလီၯ. အ၀ဲသ့ဢ္ဟံဢ္ဖိဃီဖိတဖဢ္ ဆ့ဢ္နီၯတရံးစီၯနီၯခိဢ္လီၯ. ဘီးပ္ဖီဢ္ထီဢ္ ဃဲာ္ဒီး ကူးလီၯ၀ဲဒဢ္ထိဢ္ဒ့ဢ္လီၯ. ပသဲသဢ္အစိတဖဢ္ ဟဲနဿမူထီဢ္၀ဲလီၯ. အ၀ဲသ့ဢ္တဖဢ္ တအီဢ္ ဘူထိဢ္ဒ့ဢ္ညဢ္လဿအ၀ံဢ္ဘဲဒိဢ္မးဒ္အံၯနီတဘ်ီဒံးဘဢ္. အ၀ဲသ့ဢ္အီဢ္သကိး၀ဲ ၀ံဢ္ဒိဢ္မး ပႜီဢ္ဒိဢ္မး လီၯ.

အ၀ဲသ့ဢ္အီဢ္သကိး ထိဢ္ဒ့ဢ္ညဢ္၀ံၯဒီး အီဢ္ကဒီး ပူဢ္တ့တဖဢ္လီၯ. တကးဘဢ္သ့ဢ္သဢ္ တဖဢ္ စ့ဿ္ကီး အိဢ္ပာ္လီၯအသးလဿ ဟါတဿ္အီဢ္တဘ်ီအံၯအဂီဿ္လီၯ.
ဘီးပ္ဘါထုကဖဢ္ဒီး ဆဿဂ့ၯဆဿ၀ါအဖိတဖဢ္ - ႃႃဖိမုဢ္ဖိခြါကိးဂၯ ကပွဲၯဒီး ခရံာ္အိဢ္ဖ်ဲဢ္ အတဿ္သး ခု၊ အတဿ္ဃံတဿ္လၯတက့ဿ္. ကစဿ္ယြၯကဆိဢ္ဂ့ၯသုထီဘိတက့ဿ္.႗႗
ႃႃမ္ကစဿ္ယြၯ ဆိဢ္ဂ့ၯပွၯကိးဂၯတက့ဿ္.႗႗ ဖိသဢ္တဢ္(မ္) ဆဿဂ့ၯဆဿ၀ါ ပွၯကိးဂၯစ့ဿ္ကီးလီၯ.
စျခဴသံကြဿ္၀ဲတဿ္တဃဢ္အံၯ - ႃႃပွၯဖးဒိဢ္…. ဖိသဢ္တဢ္(မ္) အံၯကအိဢ္မူဒံးကစီဒီဧါ.႗႗
ႃႃအ့…. ပတဲလီၯတံဿ္တဘဢ္ဒံးဘဢ္. ဖိသဢ္အံၯအခီဢ္မ့ဿ္တဂ့ၯဒီး အတဿ္အိဢ္ဆူဢ္အိဢ္ခ်႕မ့ဿ္ တဂ့ၯ ထီဢ္ဒီး တမ့ဿ္ကအိဢ္မူလဿခံတနံဢ္လဿၯဘဢ္. အိ… တလိဢ္နကိဿ္ဘဢ္. အ၀ဲကသံဒဢ္၀ဲ၊ ပွၯဖွီဢ္ဖိ အိဢ္အါမးဒံး…႗႗
စျခဴ နဿ္ဟူဘဢ္က့ၯ တဿ္ကတိၯလဿအ၀ဲကတိၯတ့ဿ္၀ဲအဃိ အမဲာ္ဆွး ဒိဢ္မးဒီး ကးတံာ္ဃာ္အထး ခိဢ္လီၯ. တစိဿ္ဖိပွၯတဂၯအံၯ လဲၯကိး စျခဴဆူတဿ္လီဿ္လဿအယံၯမးဒီး ခူ၀့ဿ္ဒီး လဲၯဒုးနဲဢ္၀ဲဒဢ္ ပွၯအိဢ္ဖဲန႔ဢ္တဖဢ္ မၯခရံာ္အိဢ္ဖ်ဲဢ္န႔ဢ္လီၯ. ပွၯလဿအမၯတဿ္ဘဢ္ဃးတဿ္ခူဢ္လဿဿ္လဿ ဟီဢ္ခိဢ္ လာ္တဖဢ္၊ ပွၯဒိးကဘီလဿ ပီဢ္လဲဢ္ပူၯတဖဢ္၊ ပွၯဖံးတဿ္မၯတဿ္လဿ အအိဢ္ယံၯဒီး ဟံဢ္ဃီတဖဢ္၊ ပွၯတဖဢ္အံၯမၯတဿ္တခီတခီ၊ သး၀ံဢ္ခရံာ္အိဢ္ဖ်ဲဢ္အတဿ္သး၀ံဢ္တခီခီ ပွဲၯဒီး တဿ္သးခုလီၯ.

စျခဴနဿ္ဟူပွၯနံၯအသီဢ္ လဿပွဲၯဒီးတဿ္သူဢ္ခုသးခုန႔ဢ္လီၯ. ပွၯအံၯမ့ဿ္၀ဲ အဖိဒိဢ္ခြါ ဖရဲးန႔ဢ္လီၯ. ဖရဲး မၯသကိးခရံာ္အိဢ္ဖ်ဲဢ္ ဒီးအတံၯသကိးတဖဢ္ ဒီးလိာ္ကြဲသကိး၀ဲ ပွဲၯဒီးတဿ္သးခုလီၯ. အ၀ဲသ့ဢ္သံ ကြဿ္လိာ္အသး တဿ္သံကြဿ္တဖဢ္ဒီး စံးဆဿသကိး၀ဲလီၯ. လဿအက်ါတဿ္သံကြဿ္တဘီလဿအစံး၀ဲ တဿ္မံၯလာ္လဿ အရဿဿ္အစဿဿ္၊ တဿ္ဘဢ္တ့လဿအလီၯသးဘဢ္အဿ၊ အိဢ္၀ဲလဿ၀့ဿ္လိဒိဢ္၊ တအိဢ္ လဿပွၯပာ္ဆဢ္ဖိကီဿ္ဖိအလီဿ္ဘဢ္. တမ့ဿ္စ့ဿ္ကီးကသ့ဢ္၊ ကဆီ၊ သဢ္မံယီၯ၊ ထီးမံၯဘဢ္. အ၀ဲသ့ဢ္ သံကြဿ္တဿ္သံကြဿ္အံၯဒီး ဆိကမိဢ္၀ဲဒီး နံၯက၀ဲဿ္ပ်ီဿ္ကဒီသကိးလီၯ. လဿအက်ါ ပိာ္မုဢ္ဖိတဂၯစံး ဆဿ၀ဲ -
ႃႃယသ့ဢ္ညါလံ …. ပွၯအ၀ဲန႔ဢ္ မ့ဿ္ဒဢ္ ဖရဲးအဖါတံဿ္ စျခဴလီၯ.႗႗
မ့ဿ္လီၯ. အ၀ဲသ့ဢ္ကိးဂၯ အဿဢ္လီၯ၀ဲလဿအမ့ဿ္ စျခဴလီၯ. စျခဴတခီ ကြဿ္ပွၯတဖဢ္အံၯ ၀ံၯသါက ကတိၯထီဢ္တဿ္အခါ တဿ္တဃဢ္အံၯ ကိးကဒီးအီၯဆူ တဿ္လီဿ္အဂၯလီၯ.

တဿ္တဃဢ္အံၯ တဆီဘဢ္တဆီ ဆံးလီၯ၀ဲ …. အခိဢ္ဆူဢ္တဖဢ္ဖ်ါ၀ါထီဢ္လီၯ.
စျခဴသံကြဿ္၀ဲ - ႃႃအိ… နသးသမူဖုဢ္ဧါ.႗႗
ႃႃမ့ဿ္… မ့ဿ္တုၯဖးဖီမုဿ္န႔ဢ္ ယသးသမူအဆဿကတီဿ္လဿာ္လီၯ.႗႗
စျခဴထံဢ္၀ဲတဿ္ဂဲၯလဿ ပွၯဖးဒိဢ္အံၯအဆ့ကၯဖီလာ္ဒီး အ၀ဲကြဿ္လီၯတံဿ္လီၯဆဲး …. ထံဢ္၀ဲလဿ ဖိသဢ္ခံဂၯ … ပိာ္မုဢ္တဂၯ၊ ပိာ္ခြါတဂၯ… အ၀ဲသ့ဢ္ဖ်ါဃဲၯသံက်ိသံ … ဖ်ါလဿအသဢ္၀ံၯလီၯဒိ၊ အတဿ္ကူတဿ္ကၯစ့ဿ္ကီး ယာ္လံန႔ဢ္လီၯ.
ပွၯဖးဒိဢ္အံၯတဲဘဢ္စျခဴလဿတဿ္သးဘဢ္ဒိအပူၯ - ႃႃအ၀ဲသ့ဢ္မ့ဿ္ဖိဢ္ဃဲဖိတဖဢ္လီၯ. ပွၯလဿ ကမၯန႔ဿ္အ၀ဲသ့ဢ္ ခရံာ္အိဢ္ဖ်ဲဢ္တအိဢ္နီတဂၯဘဢ္.႗႗
စျခဴသံကြဿ္ - ႃႃအ၀ဲသ့ဢ္ကအိဢ္အဂီဿ္ တဿ္လီဿ္အိဢ္ကစီဒီဧါ.႗႗
ႃႃဃိဢ္တဖဢ္… တဿ္မၯလီဿ္တဖဢ္ တအိဢ္လဿၯဘဢ္ဧါ.႗႗
စျခဴအမဲာ္ဆွးဒိဢ္မးလဿ အနဿ္ဟူဘဢ္က့ၯ အတဿ္ကတိၯသ့ဢ္တဖဢ္အဃိ လီၯ.
နဢ္ရံဢ္ဘဢ္လံ ၁၂ နဢ္ရံဢ္ … စျခဴဃုက့ၯ ပွၯအံၯတဘဢ္လဿၯဘဢ္. က့ၯ၀ဲလံ … တဘ်ီဃီ အ၀ဲထံဢ္ ပွၯတဂၯ ဟဲဟးလဿအယံၯ … ဟဲလိၯလိၯဆူ အအိဢ္လီၯ. ပွၯအံၯမ့ဿ္ တဿ္တဃဢ္လဿခံကတဿဿ္ တဂၯလီၯ.

(၅)
ခရံာ္အိဢ္ဖ်ဲဢ္လဿအကဟဲခဲအံၯအပွၯကညီ
ပွၯတဂၯအံၯ တကတိၯတဿ္ဘဢ္. စျခဴထံဢ္၀ဲ လဿပွၯအံၯယၯထီဢ္အစုလဿ တဿ္ခံးက်ါလီၯ. ပွၯအံၯ ကူကၯ၀ဲဒဢ္တဿ္ကူတဿ္ကၯလဿအသူ တဖဢ္လီၯ. စျခဴဖုးဘဢ္အသးလီၯ.
စျခဴသံကြဿ္လဿတဿ္ပ်ံၯတဿ္ဖုးအပူၯ - ႃႃနမ့ဿ္တဿ္တဃဢ္ လဿခံကတဿဿ္တဂၯဧါ.႗႗
စျခဴသံကြဿ္ကဒီးအီၯ - ႃႃနကဟဲဒုးနဲဢ္ယၯ တဿ္လဿကမၯအသးလဿ နံဢ္ကဟဲတဖဢ္န႔ဢ္ဧါ.႗႗
စျခဴဃ့ကညးအီၯ - ႃႃနတကတိၯတဿ္ဧဲဢ္.႗႗
ပွၯတဂၯအံၯတခီ ဂံၯဂုၯအခိဢ္လီၯ.
၀့ဿ္ဖးဒိဢ္တ၀့ဿ္ ပွၯကူဢ္တဿ္ကၯတဿ္တဖဢ္ အိဢ္ဂီဿ္မုဿ္ဂီဿ္ပၯလီၯ. လဿအ၀ဲသ့ဢ္အထဿဢ္ပူၯ အိဢ္ဒီး တိဿ္၊ စ့ညဢ္ တဖဢ္အါမး သီဢ္မးလဿအကလုဿ္ဖးဒိဢ္လီၯ. စျခဴအဲဢ္ဒိးသ့ဢ္ညါ ပွၯတဖဢ္အံၯ မၯမႏုၯ လဲဢ္၊ တဲမႏုၯလဲဢ္အဃိ စျခဴ သုးဘူးအသးဆူ ပွၯတဖဢ္အံၯ အအိဢ္လီၯ.
ပွၯဘီဢ္ဘီဢ္တဂၯတဲထီဢ္ - ႃႃတဿ္ဂ့ဿ္အ၀ဲန႔ဢ္ ယတသ့ဢ္ညါဘဢ္… ယသ့ဢ္ညါဒဢ္ပွၯအံၯသံလံလီၯ.႗႗
ႃႃအတိဿ္တဖဢ္ ပာ္တ့ဿ္န႔ဿ္မတၯလဲဢ္.႗႗
ပွၯကူဢ္တဿ္ကၯတဿ္အက်ါ အမဲာ္သဢ္ဂီၯဒီး အနါစ့ၯအိဢ္ဒီး အပူၯလီဿ္တဂၯ တဲထီဢ္၀ဲ - ႃႃယတသ့ဢ္ ညါဘဢ္.႗႗
ပွၯဘီဢ္ဘီဢ္တဂၯတဲကဒီး၀ဲ - ႃႃပွၯလဿအဆွဿလီၯအစိဢ္အိဢ္ကစီဒီဧါ …. အ၀ဲမးအတံၯသကိး တအိဢ္နဲဢ္.႗႗
စျခဴဆိကမိဢ္ထီဢ္၀ဲ ပွၯတဖဢ္အံၯ မ့ဿ္တဲမတၯအဂ့ဿ္လဲဢ္… တသ့ဢ္ညါ၀ဲဘဢ္. တစိဿ္ဖိဒီး တဿ္တဃဢ္ အံၯကိးကဒီး အီၯဆူ၀့ဿ္လိဒိဢ္ အပူၯ တဿ္လီဿ္တတီၯလဿ အဘဢ္အဿဘဢ္သီးဒီး ဖွီဢ္ ယာ္၀ဲအလီဿ္လီၯ. လဿတဿ္လီဿ္အံၯ အိဢ္ဒီးဒဲကးၿပဲးဖိတဖဢ္ …. တဿ္ဘ်းလီၯစ့ဿ္ကီး တဿ္ကူတဿ္ကၯ အယာ္တဖဢ္လီၯ. စျခဴထံဢ္ကဒီး ပွၯဃဲၯသံ ၊ ဘဢ္အဿဘဢ္သီတဂၯလဿ အမုဿ္လဿ္ခိးအီၯန႔ဢ္လီၯ.

စျခဴထံဢ္စိကဒီး ပိာ္ခြါခံဂၯ ဒီး ပိာ္မုဢ္တဂၯစိာ္ဒီးတဿ္ဘိဢ္ တဖဢ္ဒီး ဟး၀ဲလဿတဿ္ခံးက်ါလီၯ. တဿ္ဘိဢ္လဿအဟဲစိာ္တဖဢ္န႔ဢ္ မ့ဿ္ (ေမြ႕ယာ) အယာ္တဖဢ္၊ တဿ္ကူတဿ္ကၯအယာ္တဖဢ္လီၯ.
က်းကစဿ္သံကြဿ္၀ဲ - ႃႃတဿ္တဖဢ္အံၯ သုမၯန႔ဿ္ဖဲလဲဢ္.႗႗
ပိာ္မုဢ္အံၯစံးဆဿ၀ဲ - ႃႃပွၯသးပွဿ္တဂၯ တသးလီ၀ဲလဿၯဘဢ္ဒီး စူးကြံာ္၀ဲအဃိ ပဟဲက့ၯထဿန႔ဿ္ အီၯလီၯ.႗႗
ပိာ္ခြါတဂၯတဲထီဢ္၀ဲ - ႃႃအိ …. ပွၯသးပွဿ္တဂၯအံၯ မ့မ့ဿ္ပွၯဂ့ၯပွၯ၀ါဒု တခ်ဳးသံန႔ဢ္ ပွၯကြဿ္ထဲြအီၯ ကအိဢ္သဿဢ္.႗႗
ႃႃတဿ္တဖဢ္အံၯမ့ဿ္အ၀ဲအတဿ္လီၯ.႗႗
စျခဴကြဿ္ဃီၯတိဿ္လီၯဖွံဢ္ စ့ညဢ္တဖဢ္လီၯ.
ႃႃတဿ္တဃဢ္ဧဿ၊ ပွၯတဂၯအံၯသံလံအဃိ ပွၯအဂၯတဖဢ္ အသးတဘဢ္တဿ္နီတမံၯဧဲဢ္႗႗
တဿ္တဃဢ္တခီ သလဢ္ထီဢ္ အဆ့ကၯဖးဒိဢ္အံၯ၀ံၯ ဒုးနဲဢ္၀ဲဒဢ္ စျခဴလဿဒဿးတဒဿး လီၯ. လဿဒဿး ပူၯအိဢ္ဒီး မိဿ္တဂၯ ဒီးဖိမုဢ္တဂၯလီၯ. ၀ၯတဂၯ ဟဲႏုာ္လီၯဆူဒဿးပူၯလီၯ. ဖ်ါလီၯဂာ္လဿအဆူး အဆါ၀ဲလီၯ. အ၀ဲသ့ဢ္တဿ္ကိဿ္တဿ္ဂီၯ ဘဢ္အီၯလီၯ. ဘဢ္ဆဢ္ လဿအမဲာ္သဢ္တခီ ဖ်ါလဿ အသးခု ကဲဒံးလီၯ.
၀ၯအံၯတဲထီဢ္၀ဲ - ႃႃပကဟ့ဢ္က့ၯပကမဢ္အဂီဿ္.. တဿ္ဆဿကတီဿ္အိဢ္ဒံးနီၯ…႗႗
ႃႃသးပွဿ္အံၯ အသးဂ့ၯထီဢ္လံဧါ.႗႗
ႃႃအိ…. ပွၯသးပွဿ္အံၯသံလံဘီဢ္.႗႗
အ၀ဲသ့ဢ္ကိးဂၯ ဖ်ါလဿအသးခုလဿ သးပွဿ္အံၯသံအဃိလီၯ. အမဲာ္ဖ်ါနံၯကမွံ ထီဢ္၀ဲအသးမုာ္ ထီဢ္ ၀ဲလီၯ. စျခဴ ဃ့ကညးတဿ္တဃဢ္လဿ ကဒုးနဲဢ္အီၯ ပွၯလဿအသးအုးတဖဢ္ လဿပွၯသးပွဿ္အံၯ သံ အဃိလီၯ.

ဘီးပ္အဖိတဖဢ္ ဘွ႔ဢ္ဘွီဢ္မးလီၯ. မိဿ္တခီ ဆးတဿ္လီၯ. မိဿ္တဲဘဢ္အဖိတဖဢ္ -
ႃႃတစိဿ္ဖိ ဘီးပ္ဟဲက့ၯတုၯ အိဢ္ဘွံးအိဢ္သါတစိဿ္ဖိ ဒီးလဲၯဆူတဿ္သြဢ္ခိဢ္လီၯ. စျခဴ လဿတဿ္သး ကနိးအပူၯ တဲဘဢ္တဿ္တဃဢ္ဒ္အံၯ -
ႃႃလဿခံတနံဢ္ တဿ္ကမၯအသးဒီး ယၯဒ္လဲဢ္… တဲပႜးယၯတဘီလဲဢ္.႗႗
တဿ္တဃဢ္အံၯကိးဃီၯစျခဴဆူ စျခဴအရူအိဢ္တဿ္အလီဿ္လီၯ. လဿရူအပူၯ ပွၯလဿအဆ့ဢ္နီၯ လဿ လီဿ္ဆ့ဢ္နီၯအဖီခိဢ္မ့ဿ္ ပွၯအဂၯတဂၯလီၯ. စျခဴကနိးကစုာ္ ထီဢ္လံ.

တဿ္တဃဢ္အံၯ ကိးကဒီးအီၯဆူတဿ္သြဢ္ခိဢ္ ဒီးယူာ္ဃီၯအစုဆူ (ဂူ) တဖဢ္ဒီး ဒုးနဲဢ္စျခဴလီၯ.
စျခဴသံကြဿ္ - ႃႃတခ်ဳးယကြဿ္တဿ္အံၯန႔ဢ္ စံးဆဿယၯ၊ တဿ္လဿယထံဢ္ခဲအံၯန႔ဢ္ တဿ္မၯတ့ဿ္လံအသးဧါ… မ့တမ့ဿ္ တဿ္ကမၯအသးလဿခံဧါ.႗႗
တဿ္တဃဢ္အံၯ တစံးဆဿအီၯဘဢ္ - မ့မ့ဿ္တခီ ယူာ္ဃီၯဒဢ္အစုဆူ (ဂူ) တဖဢ္အအိဢ္လီၯ. စျခဴ ကြဿ္ဃီၯဆူတဿ္တဃဢ္ ယူာ္ဃီၯအစုအလီဿ္ … လဿတဿ္ကနိးကစုာ္အပူဖးထီဢ္၀ဲ -
ႃႃအ့ဘ့ၯန႔စဿ္ စျခဴ႗႗
စျခဴကိးပသူထီဢ္လဿအကလုဿ္ဖးဒိဢ္ - ႃႃအိ… တမ့ဿ္ဘဢ္ … တမ့ဿ္ဘဢ္…႗႗
ႃႃယတမ့ဿ္ပွၯအ၀ဲန႔ဢ္ဘဢ္…. ယတမ့ဿ္ပွၯအ၀ဲန႔ဢ္ဘဢ္. လဿယဂီဿ္တဿ္မုဿ္လဿ္ တအိဢ္လဿၯဧဲဢ္.. တဿ္လဿနဒုးနဲဢ္ယၯတဖဢ္ ယဆီတလဲက့ၯအီၯ တန႔ဿ္လဿၯဧဲဢ္.႗႗
ႃႃယကပာ္ခရံာ္အိဢ္ဖ်ဲဢ္ လဿယသးပူၯထီဘိလီၯ… ယအဿဢ္လီၯနၯလီၯ. တဿ္လဿနဟ့ဢ္ယၯတဿ္မၯ လိတဖဢ္ စ့ဿ္ကီး ယကသ့ဢ္နီဢ္အီၯထီဘိလီၯ. တဿ္တဃဢ္သဿဂၯ အတဿ္သိဢ္လိနဲဢ္ယုၯယၯတဖဢ္ ယအဿဢ္လီၯလဿ ယကသ့ဢ္နီဢ္ထီဘိလီၯ. ၀ံသးစူၯတဲယၯ … လဿ (ဂူ) အံၯအလိၯ မံၯလဿအကြဲး လီၯအသးအံၯ ယဆီတလဲက့ၯအီၯတသ့ဧဲဢ္.႗႗
စျခဴဃ့ကညး၀ဲလီၯ. တဿ္တဃဢ္တခီ ဆံးလီၯဆံးလီၯဒီး ဟါမဿ္ကြံာ္လီၯ.

(၆)
မ္ကစဿ္ယြၯဆိဢ္ဂ့ၯပွၯကိးဂၯတက့ဿ္
စျခဴအလီဿ္မံ၊ အဒဿး၊ … စျခဴကဆီတလဲက့ၯအတဿ္အိဢ္မူ အပူၯကြံာ္တဖဢ္အဂီဿ္ တဿ္ဆဿကတီဿ္ အိဢ္ဒံး၀ဲလီၯ.
စျခဴဆဿထဿဢ္ … လဲကူလဲကၯ … ၀ံၯဒီးနံၯဟီဢ္၀ဲလီၯ.
ႃႃခရံာ္အိဢ္ဖ်ဲဢ္ ကမ့ဿ္တဿ္သးခုလဿပွၯကိးဂၯ အဂီဿ္တက့ဿ္. ဟီဢ္ခိဢ္ဒီဘ့ဢ္ညါအဂီဿ္ ကမ့ဿ္ဒဢ္၀ဲ နံဢ္ အသီ လဿအမုာ္တက့ဿ္.႗႗
လဿသရိာ္ ဒဿလြဲသီဢ္ထီဢ္ ၀ံၯ၀ဲဒဢ္လံ… ဘွ႔ဢ္ပစီၯတဖဢ္ ဒံကြံာ္ .. ဟါမဿ္ကြံာ္ … မုဿ္အတဿ္ကပီၯ ဟဲဖ်ါထီဢ္ တဆီတဆီလံ… စျခဴအိးထီဢ္ပဲႀတီလီၯ.
အ၀ဲသံကြဿ္ဖိသဢ္ဖိလဿက်ဲခိဢ္တဂၯ - ႃႃတနံၯအံၯ မ့ဿ္မႏုၯအမုဿ္နံၯလဲဢ္.႗႗
ႃႃတနံၯအံၯ မ့ဿ္ခရံာ္အိဢ္ဖ်ဲဢ္ အမုဿ္နံၯဘီဢ္.႗႗
လဿစျခဴအဂီဿ္ တဿ္ဆဿကတီဿ္ တလဿာ္ဒံးဘဢ္.
ႃႃလဿတဿ္လီဿ္ခံ ပွၯဆါဆဢ္ဖိကီဿ္ဖိအလီဿ္န႔ဢ္ နသ့ဢ္ညါဧါ.႗႗
ဖိသဢ္ဆံးတဲဆဿ၀ဲ - ႃႃယသ့ဢ္ညါကစီဒီလီၯ.႗႗
ႃႃလဲၯတဲဘဢ္အ၀ဲသ့ဢ္ ယသးလီဆီကဆီအဘီဢ္ကတဿဿ္ ဒီး အဒိဢ္ကတဿဿ္တဘ့ဢ္ လီၯ. ၀ံၯဟဲ က့ၯစိာ္တဘ်ီဃီနီ… ယကဟ့ဢ္နၯစ့..႗႗
ဖိသဢ္အံၯ လဲၯ၀ဲတစိဿ္ဖိဒီး ဟဲက့ၯစိာ္ဆီကဆီ ဖးဒိဢ္တဘ့ဢ္လီၯ.
ႃႃလဲၯဆွဿဆီကဆီ အံၯဆူဘီးပ္အဟံဢ္… ဆီကဆီအံၯ မတၯဆွဿလီၯန႔ဢ္ တမ့ဿ္ကသ့ဢ္ညါ၀ဲဘဢ္.႗႗
စျခဴ ဆွဿလီၯဆီကဆီအံၯ၀ံၯ အ၀ဲႏုာ္ဆူ ဟံဢ္ပူၯ ကူကၯထီဢ္တဿ္ကူတဿ္ကၯအသီ တဖဢ္ဒီး ကးတံာ္ ပဲႀတီဒီး ဟးထီဢ္၀ဲလီၯ. အ၀ဲနံၯကမွံပႜး ပွၯကိးဂၯဒဲးလဿ အထံဢ္၀ဲတဖဢ္လီၯ. ဆဿဂ့ၯဆဿ၀ါ စ့ဿ္ကီး၀ဲလီၯ. ပွၯတဖဢ္အံၯစ့ဿ္ကီး ဆဿဂ့ၯဆဿ၀ါက့ၯအီၯလီၯ.

စျခဴထံဢ္၀ဲ ပွၯဟးဃ့တဿ္မၯဘူဢ္လဿ ပွၯဖွီဢ္ဖိယာ္ဖိတဖဢ္အဂီဿ္အဃိ ဟ့ဢ္မၯဘူဢ္လီၯ၀ဲလဿ တဿ္သး ခုအပူၯလီၯ. ၀ံၯဒီး အ၀ဲလဲၯခီ၀ဲဆူ အဖိဒိဢ္ခြါ ဖရဲးအဟံဢ္ပွဲၯဒီး တဿ္သူဢ္ဆူဢ္သးဂဲၯလီၯ. တုၯဟံဢ္မဲာ္ညါ အ၀ဲမၯသီဢ္ထီဢ္ ဒဿလြဲဖိလီၯ.
ႃႃမ့ဿ္ဒဢ္ယၯလီၯ. နဖါတံဢ္စျခဴလီၯ. ယဟဲအီဢ္ဟါတဿ္အီဢ္ဒီးနၯ… နကဒုးႏုာ္ယၯကစီဒီဘဢ္.႗႗
ႃႃဒုးႏုာ္နၯနဲဢ္.႗႗
ဖရဲးကြဿ္အဖါတံဿ္စျခဴ ဒီးကိးႏုာ္၀ဲဆူ ဟံဢ္အပူၯလီၯ. လဿဟံဢ္ပူၯ အိဢ္ဒီးတဿ္အီဢ္တဿ္အီ၊ တဿ္လိာ္ ကြဲဒီး တဿ္သး၀ံဢ္အမုာ္တဖဢ္လီၯ.
လဿခံတနံၯ စျခဴပဿဿ္ထီဢ္ဂီၯဂီၯ လဲၯဆူ ရူဒ္သိး ကခ်ဳးန႔ဿ္အစရ့ဘီးပ္လီၯ. ဘီးပ္တခီ ဟဲစဲၯခံ မံးနံး ၂၀ လီၯ.
စျခဴကြဿ္ဃီၯ ဘီးပ္လဿအမဲာ္ဖ့ဢ္ဆဿဒီးတဲ၀ဲ …
ႃႃဘဢ္မႏုၯနစဲၯခံလဲဢ္.႗႗
စျခဴဃါ၀ဲဘီးပ္လီၯ.
ဘီးပ္ဃ့ကညး၀ဲ - ႃႃ၀ံသးစူၯလီၯ တနံဢ္မးတဘ်ီအဃိလီၯ.႗႗
စျခဴတဲ၀ဲလဿတဿ္ကတိၯဆူဢ္ဆူဢ္အပူၯ - ႃႃတဿ္အံၯယ၀ံသးစူၯနၯတကဲဘဢ္.႗႗
၀ံၯတဲကဒီး၀ဲ - ႃႃယကဟ့ဢ္အါထီဢ္နၯ လါလဲ.႗႗
ဘီးပ္တနဿ္ပဿဿ္စျခဴ အတဿ္ကတိၯတဖဢ္လဿၯဘဢ္. ဘီးပ္ဆိကမိဢ္၀ဲ မ့ဿ္စျခဴပ်ဳဿ္ထီဢ္လံဧါ..
ႃႃမ္ခရံာ္အိဢ္ဖ်ဲဢ္ကဟဲစိာ္န႔ဿ္နၯ တဿ္သးခုတက့ဿ္ ဘီးပ္႗႗
ႃႃခရံာ္အိဢ္ဖ်ဲဢ္တနံဢ္အံၯ မ့ဿ္တဿ္လဿအလီၯဆီဒီး နံဢ္အဂၯတဖဢ္လီၯ. ကဲ … ဒြဲဢ္ထီဢ္မ့ဢ္အူ … ယကကြဿ္ထြဲ မၯစဿၯနဟံဢ္ဖိဃီဖိလီၯ. …. တနံဢ္အံၯ ပကမၯသကိး ခရံာ္အိဢ္ဖ်ဲဢ္လဿ တဿ္သးခု အပူၯလီၯ.႗႗
စျခဴ မ့ဿ္ပွၯလဿအမၯတဿ္အဂ့ၯကတဿဿ္လီၯ. အ၀ဲကဲထီဢ္တံၯသကိး၊ ပွၯမၯစဿၯတဿ္အဂ့ၯကတဿဿ္ လဿ ပွၯဖွီဢ္ဖိယာ္ဖိတဖဢ္အဂီဿ္လီၯ.
စျခဴတထံဢ္တဿ္တဃဢ္လဿၯဘဢ္. ဘဢ္ဆဢ္ အ၀ဲသ့ဢ္ညါလံ၀ဲလဿ ကဘဢ္အိဢ္မူဒ္လဲဢ္… ကဘဢ္ တူဿ္လိာ္ခရံာ္အိဢ္ဖ်ဲဢ္ ဒ္လဲဢ္န႔ဢ္လံ ….

စျခဴအတဿ္ပာ္လီၯသးတဖဢ္ မ့ဿ္တဿ္လဿ အၾကဿးဒီးခရံာ္အိဢ္ဖ်ဲဢ္လံ. ဒ္တဘ်ီ ဖိသဢ္ တဢ္(မ္) တဲ၀ဲ အသိး -
ႃႃမ္ကစဿ္ယြၯ ကဆိဢ္ဂ့ၯပွၯကိးဂၯ … ကြဿ္ထြဲပဿဆွဿပွၯကိးဂၯတက့ဿ္.႗႗

(ဟံးန႔ဿ္အီၯလဿ အဲဢ္ကညီ အတဿ္ကြဲးလဿ က်ဲးစဿးမဲးကစံ၊ လါအီးကထိဘဿဢ္ - လါဒံဢ္စ့ဘဿဢ္ ၂၀၀၂ အပူၯန႔ဢ္လီၯ.)


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

November 29, 2010

ခရံာ္အိဢ္ဖ်ဲဢ္အမုဿ္နံၯ



ခရံာ္အိဢ္ဖ်ဲဢ္မ့ဿ္မူးသးဖွံလဿ အဟဲစဲၯခံန႔ဿ္ မူးအဂၯလဿခရံာ္ဖိ အလုဿ္အလဿ္၊ အတဿ္ဘူဢ္တဿ္ဘါ အပူၯန႔ဢ္ လီၯ. ခရံာ္အိဢ္ဖ်ဲဢ္အနံၯဒီး ခရံာ္ဂဲၯဆဿထဿဢ္သမူထီဢ္က့ၯအနံၯ ခံနံၯအံၯမ့ဿ္ နံၯလဿပွၯကမ်ဿဿ္ဘဢ္သး ဒိဢ္ကတဿဿ္၊ လဿခရံာ္အနံၯသဘ်႕ခဲလဿာ္အက်ါန႔ဢ္လီၯ. မံၯ (ခရံာ္အိဢ္ဖ်ဲဢ္) ပဿဿ္ထီဢ္ဖဲ ခ.န. ၁၂၀၀ နံဢ္ဒ္ အမ့ဿ္တဿ္အဿဢ္လီၯအီလီၯအသး ဂဿဿ္ဂဿဿ္က်ဿၯက်ဿၯ ဟဲခီဖ်ိလဿ တဿ္ကတိၯလဿ ခရံာ္အတဿ္စူးရိ အိဢ္ဖွိဢ္ (Christ’s Mass) န႔ဢ္လီၯ. အါဒဢ္တဿ္တက့ဿ္ လဿကီဿ္ယူရပၯအကလံၯထံး အ၀့ဿ္တဖဢ္ကိးအီၯ ယိယိဖိလဿ
နထံဖထံဢ္ (Nativity) တဿ္အိဢ္ဖွိဢ္ အဆဿကတီဿ္န႔ဢ္လီၯ. လဿကႜဿမနံဢ္တခီ ကိးအီၯဒ္အမ့ဿ္ (Die Wu Weihnachten) အခီပညီ (မုဿ္နံၯအတဿ္ပာ္စီဆွံ) န႔ဢ္လီၯ.

မူးသးဖွံအံၯဘဢ္တဿ္မၯအီၯလဿ တဿ္သ့ဢ္နီဢ္ထီဢ္က့ၯ ယ့ဢ္ရႉးခရံာ္အတဿ္အိဢ္ဖ်ဲဢ္ လဿအမ့ဿ္တဿ္အုဢ္က့ၯ ခီဢ္က့ၯ အယြၯတဂၯန႔ဢ္လီၯ. ပမ့ဿ္ကြဿ္လဿ တဿ္ကူဢ္ဘဢ္ကူဢ္သ့ ဘဢ္ဃးဒီး ယြၯအတဿ္သိဢ္တဿ္သီ တကပၯ န႔ဢ္ အ၀ဲအံၯမ့ဿ္ တဿ္လၯကပီၯကစဿ္လဿ (တဿ္လိဢ္ထီဢ္သးသမူ) န႔ဢ္လီၯ. တဿ္ကတိၯ တဿ္လိဢ္ ထီဢ္သးသမူလဿ ပွၯကညီ (Incarnation) ပဢ္ဃုာ္ဒီး လးတ့ဢ္အက်ိာ္တခါလဿအမ့ဿ္ ခါရိဢ္ (Caro) အခီပညီ မ့ဿ္ တဿ္ဖံးတဿ္ညဢ္ (Flesh) န႔ဢ္လီၯ. တဿ္လိဢ္ထီဢ္သးလဿပွၯကညီ ဒုးနဿ္ပဿဿ္ပွၯလဿ ကစဿ္ယြၯဟဲလိဢ္ထီဢ္ အသးလဿပွၯကညီ အက့ဿ္အဂီၯဒီး ကဲထီဢ္ဒ္ပွၯကညီလဿ ခရံာ္အပူၯန႔ဢ္လီၯ.

ပွၯတဿ္မဿဖိ အတဿ္သိဢ္တဿ္သီအခိဢ္သ့ဢ္လဿ ပွၯနာ္အီၯတဖဢ္အက်ါ ပာ္ဖ်ါထီဢ္တဿ္စူဿ္တဿ္နာ္ တဿ္ကတိၯ လဿအမ့ဿ္၀ဲ (ယနာ္ကစဿ္ယ့ဢ္ရႉးခရံာ္ လဿအမ့ဿ္ယကစဿ္ဒီးယြၯ အဖိခြါတဂၯဧိၯ လဿအဘဢ္တဿ္ဒဿထီဢ္အီၯ လဿသးစီဆွံ ဒီးအိဢ္ဖ်ဲဢ္ထီဢ္လဿ မုဢ္ကနီၯစီဆွံနီဿ္မၯရံ) န႔ဢ္လီၯ. အါဒဢ္တဿ္တက့ဿ္ လဿခရံာ္အိဢ္ဖ်ဲဢ္ တဿ္သး၀ံဢ္တဖဢ္အက်ါ တဿ္ကတိၯတဿ္လိဢ္ထီဢ္သးလဿ ပွၯကညီဘဢ္ တဿ္ဆိးကါအီၯလဿ နဲဢ္စံဢ္ (Nicene) အတဿ္စူဿ္တဿ္နာ္အပူၯ ပာ္ဖ်ါထီဢ္ခရံာ္အဂ့ဿ္ဒ္အံၯ (ခရံာ္ဟဲလိဢ္ထီဢ္အသးလဿ ပွၯကညီအက့ဿ္ အဂီၯခီဖ်ိ သးစီဆွံလဿအဘဢ္ဃးဒီး မုဢ္ကနီၯစီဆွံတဂၯ အံၯဒီး ဟဲအိဢ္ထီဢ္လဿ ပွၯကညီန႔ဢ္လီၯ.) ဒ္န႔ဆဿဢ္ အလုဿ္အလဿ္အသိး (မူး) အံၯဒုးသ့ဢ္နီဢ္ထီဢ္က့ၯပွၯလဿ အဘဢ္ဃးဒီး မူခိဢ္ဒီးဟီဢ္ခိဢ္ အတဿ္ထံဢ္လိာ္သး မဲာ္သကိးမဲာ္ခီဖ်ိ ယြၯလဿပွၯကညီ တဿ္အိဢ္ဖ်ဲဢ္လီၯ. လံာ္မးသဲဒီး လံာ္လူၯကဢ္ ခံဘ့ဢ္တဲဖ်ါ ခရံာ္အိဢ္ဖ်ဲဢ္ အဂ့ဿ္ဒီး ဖဲအမ့ဿ္ဖိသဢ္ဆံးအဆဿကတီဿ္ အဂ့ဿ္လီၯ. လံာ္လဿအကြဲးဖွိဢ္ဒီး ကြဲးဖုဢ္လီၯက့ၯအီၯလဿ အပာ္ဖ်ါ ထီဢ္တဿ္လိဢ္ထီဢ္ အခီပညီန႔ဢ္ မ့ဿ္၀ဲယိၯဟဢ္ ၃း၁၆ (အဂ့ဿ္ဒ္အံၯ၊ ယြၯအဲဢ္ပွၯဟီဢ္ခိဢ္ဖိ တုၯအဟ့ဢ္လီၯကြံာ္ အဖိခြါအိဢ္တဂၯဃီ ဒ္သိးကယဲဿ္ပွၯလဿ အစူဿ္က့ၯနာ္က့ၯအီၯတဂၯလဿ္လဿ္န႔ဢ္ အသုတဟးဂီၯတဂ့ၯဒီး ကန႔ဿ္ဘဢ္တဿ္မူအထူအယိာ္ လီၯ.)

တဿ္ဂ့ဿ္မိဿ္ပွဿ္လဿအမ့ဿ္ (ယြၯအိဢ္လဿခရံာ္အပူၯဒီး မၯဘဢ္လိာ္က့ၯဟီဢ္ခိဢ္ဒီး ကစဿ္ဒဢ္၀ဲဒီး တပာ္ဘဢ္ တဿ္ကမဢ္လဿ အလိၯဘဢ္. ဒီးဟ့ဢ္လီၯတဿ္မၯလိ က့ၯအကလုဿ္ကထါ လဿပွၯကညီ) အံၯဘဢ္တဿ္ထံဢ္ န႔ဿ္အီၯလဿ စီၯပီလူးအတဿ္ကြဲးလဿ လီဿ္ကိးပူၯဒဲးန႔ဢ္လီၯ. လဿခရံာ္အိဢ္ဖ်ဲဢ္အဆဿကတီဿ္ ယြၯကဲထီဢ္ ပွၯကညီ ဟံးန႔ဿ္ပွၯကညီအက့ဿ္အဂီၯ ဒီးဟ့ဢ္လီၯပွၯလဿ တဿ္အဲဢ္ဒီးတဿ္သးခု ခီဖ်ိခရံာ္န႔ဢ္လီၯ. ထံကီဿ္ဖးဒိဢ္ တဖဢ္အတဿ္ကူဢ္ ဘဢ္ကူဢ္သ့ ဘဢ္ဃးဒီး ယြၯအတဿ္သိဢ္တဿ္သီ အဂ့ဿ္အံၯ ဒုးနဲဢ္ဖ်ါထီဢ္ပွၯဘဢ္ဃး (တဿ္ပ်ံၯ ယြၯအတဿ္အဲဢ္ဒီး ယြၯအတဿ္လီဢ္ဖ်ါထီဢ္န႔ဢ္လီၯ.)

ခရံာ္အိဢ္ဖ်ဲဢ္အနံၯအသီ
ပွၯတသ့ဢ္ညါ ယ့ဢ္ရႉးအတဿ္အိဢ္ဖ်ဲဢ္အနံၯအသီ လီၯတံဿ္လီၯဆဲးဘဢ္. ပွၯကူဢ္ဘဢ္ကူဢ္သ့အါဂၯ ဆိကမိဢ္၀ဲ လဿ တဿ္ယီၯဆဿကတီဿ္န႔ဢ္လီၯ. လဿအပူၯကြံာ္န႔ဢ္ လါယႏူၯအါရံၯ ၆ သီ လါမးရွး ၂၅ သီ ဒီးလါဒံၯစဲဘဿဢ္ ၂၅ သီ ဘဢ္တဿ္ဃုထဿအီၯဒ္ အမ့ဿ္ခရံာ္အိဢ္ဖ်ဲဢ္အမုဿ္နံၯ န႔ဢ္လီၯ. ဘဢ္ဆဢ္ စးထီဢ္လဿခရံာ္နံဢ္ ၃၅၄ န႔ဢ္ ရိမ့ၯအဘံရွီး ပာ္ဒိဢ္ဒံဢ္စဲဘဿဢ္ ၂၅ သီ ဒီး စီၯပၯစ့ဿ္ကီးလဲၯဆူသရိာ္ လဿတဿ္ဘူဢ္ထီဢ္ဘါထီဢ္ တဿ္မၯလၯ ကပီၯ ခရံာ္အိဢ္ဖ်ဲဢ္အမုဿ္နံၯန႔ဢ္လီၯ. လဿခံ ပွၯအါဒံအါဂၯ ပိာ္ထီဢ္အခံလီၯ.

ဒ္ျခံစိၯစတိ (Chrysostom) အလံာ္တဿ္ကြဲးနီဢ္ပာ္ဖ်ါအသိး ရိမ့ၯပၯပၯ ကႜဴလယဿဢ္ (Pope Julius) အခီဢ္ ထံး တဂၯ (၃၃၇ - ၃၅၂) ဘဢ္အသးလဿ လါဒံၯစဲဘဿဢ္ ၂၅ သီ ကမ့ဿ္ခရံာ္အိဢ္ဖ်ဲဢ္အမုဿ္နံၯအဃိ စးထီဢ္ ဖဲန႔ဢ္ ဒီးတုၯလဿပစိၯခဲအံၯ လါဒံၯစဲဘဿဢ္ ၂၅ သီဘဢ္တဿ္တူဿ္လိာ္ အီၯဒ္ အမ့ဿ္ခရံာ္အိဢ္ဖ်ဲဢ္ အနံၯလီၯ.

ပတူဿ္လိာ္ခရံာ္အိဢ္ဖ်ဲဢ္အမုဿ္နံၯအံၯ တမ့ဿ္တဿ္မၯတဿ္သူဢ္ဖွံသးညီ တနံဢ္တဘ်ီဖဲ ခရံာ္အိဢ္ဖ်ဲဢ္အဆဿကတီဿ္ ဧိၯန႔ဢ္ဘဢ္. မ့ဿ္လဿ တဿ္ပ်ဲခရံာ္အိဢ္ဖ်ဲဢ္ထီဢ္လဿ ပပူၯဒီး ပာ္ဖ်ါခရံာ္ အတဿ္သကဲးပ၀း လဿအမ့ဿ္၀ဲ တဿ္သူဢ္ ဖွံသးညီ၊ တဿ္သူဢ္မံသးမုာ္၊ တဿ္ဆီဢ္လီၯသး၊ တဿ္အဲဢ္တဿ္ကြံ၊ တဿ္သးအိဢ္ပွၯဂၯဒီး တဿ္မုဿ္လဿ္လဿ ယြၯအ ပူၯတဖဢ္န႔ဢ္လီၯ.

လံာ္စီဆွံအဆဿလဿ အဘဢ္ထြဲဒီး မုဿ္နံၯအံၯတဖဢ္
ယရွါယၯ ၇း၁၄၊ ၉း၆-၇၊ ၁၁း၁-၃. မံကၯ ၅း၂. ၁ မိၯ ၄၉း၁၀. မး ၂း၂၊ ၁၁၊ ၁း၂၁. လူၯကဢ္ ၂း၁၀. ယံး ၂၃း၅. ယိၯဟဢ္ ၁း၁၄. ၂ ကရံဢ္ ၈း၉.

Rev. Jaw Hser Newton

November 22, 2010

ယတဿ္... ယတဿ္

တဘ်ီပွၯတဂၯလဲၯတဿ္ဒီး မုဿ္ခံးအဃိ အ၀ဲလဲၯမံလဿတမွံၯဟံဢ္ (Inn) တဖ်ဿဢ္ဒီး အ၀ဲဟံးန႔ဿ္၀ဲ ခံဂၯလီဿ္မံဒဿးတဒဿး န႔ဢ္လီၯ. တစိဿ္ဖိ ပွၯမၯတဿ္ဖိတဂၯ ဟဲဃ့ကညးအီၯ လဿကဆီတလဲန႔ဿ္ဒဿးဆူ တဂၯမံဒဿး တဖ်ဿဢ္န႔ဢ္လီၯ. အ၀ဲတူဿ္လိာ္၀ဲ ဒီး လဲၯသုးအသးဆူ တဂၯမံဒဿး န႔ဢ္လီၯ. ဒဿးလဿအ၀ဲဟံးန႔ဿ္ဃာ္၀ဲ တခီ ပွၯဒီတဿ္အဲဢ္တီခံဂၯ ဟဲႏုာ္လီၯဟံးန႔ဿ္အလီဿ္ န႔ဢ္လီၯ. တစိဿ္ဖိ ပွၯတဂၯအံၯ သ့ဢ္နီဢ္အသးလဿ အသဒဿမုဿ္အိဢ္တ့ဿ္လဿ ခံဂၯမံဒဿး ပူၯအဃိ အ၀ဲဟဲ၀ဲ ဒ္သိး ကဟံးန႔ဿ္က့ၯအသဒဿမုဿ္ အဂီဿ္လီၯ. ဟဲတုၯဖဲ ပဲႀတီ ခီဢ္ထံးအခါ နဿ္ဟူ ပွၯကတိၯ တဿ္သီဢ္ ....

ႃႃခိဢ္သူဘီဘီဖိဒ္သိးထူအံၯ မတၯအတဿ္လဲဢ္႗႗
ႃႃ၀ဲဿ္ဖိအတဿ္... ၀ဲဿ္ဖိအတဿ္႗႗
မဲာ္ခ်ံဖိလဿ အဃံလၯလီၯအဲဢ္အံၯ မတၯအတဿ္လဲဢ္႗႗
ႃႃ၀ဲဿ္ဖိအတဿ္... ၀ဲဿ္ဖိအတဿ္႗႗
ႃႃ............. အံၯမတၯအတဿ္လဲဢ္႗႗
ႃႃ၀ဲဿ္ဖိအတဿ္... ၀ဲဿ္ဖိအတဿ္႗႗

အ၀ဲကနဢ္၀ဲ ဒီးလဿတဿ္ဘဢ္ယိဢ္ဘဢ္ဘွီ အပူၯစံး၀ဲလဿအကလုဿ္ဖးဒိဢ္၊
ႃႃဟ့း.... သဒဿမုဿ္ဒုတမ့ဿ္နတဿ္ဘဢ္နီ. အ၀ဲန႔ဢ္ယတဿ္.... ယတဿ္....႗႗

(ဟံးန႔ဿ္အီၯလဿ က်ဲးစဿးမဲးကစံ လါစဲးပထ့ဘဿဢ္ ၂၀၀၆ အပူၯန႔ဢ္လီၯ.)

November 16, 2010

ဘူးကတုၯမးဟးဂီၯကြံာ္ (ဖုရိလဲအတဿ္လဲၯခီဖ်ိတဖဢ္ - အကူာ္ ၇)

(၁). ဆီဒံဢ္သ့ဢ္ဖး
ယတံၯသကိးဟါ၀ဿး လဿပအဲဢ္လိာ္ကြံလိာ္ပသးတုၯဒဢ္လဲာ္ အမိဿ္ကိးအီၯလဿယမံၯ၊ ကိးယၯ လဿ ဟါ၀ဿး အမံၯ လီၯ. တနံၯတခီဢ္ အမိဿ္မဿပလဲၯပွ႔ၯန႔ဿ္ဆီဒံဢ္လဿအံ၀ဲ စီၯစုၯဒီးတီအူ ခံမံးလာ္လီၯ.

ပလဲၯဒိးလ့ဢ္ယီဿ္ဒီး ယဆ့ဢ္နီၯလဿ အဘိလိၯ မ့ဿ္လဿတဿ္ဆ့ဢ္နီၯအလီဿ္ လဿအလီဿ္ခံတအိဢ္ဘဢ္ အဃိလီၯ. ပပွ႔ၯဆီဒံဢ္၊ ပဿႏုာ္လဿထဿဢ္ပူၯ ဒီးမဿယစိာ္ဃာ္ဒီး အ၀ဲယီဿ္ယၯလီၯ. ပဟဲက့ၯက်ဲဒီဘိ တဘဢ္တဿ္နီတမံၯဘဢ္. ပတုၯလဿဟံဢ္ကပၯက်ဲမုဿ္ခိဢ္၊ ဒီးဖဲ ယစံဢ္လီၯအခါ ယစုလဲၯဘဢ္ လဿ လ့ဢ္ယီဿ္အဒဿလြဲ၊ ဒဿလြဲဘ်းဃာ္ထဿဢ္ဒီး ထဿဢ္လီၯတဲာ္လဿက်ဲမုဿ္ခိဢ္ သီဢ္မးျပး၊ သ့ဢ္ဖးခဲလဿာ္ လီၯ.

တုၯဟံဢ္မးဆီဒံဢ္သ့ဢ္ဖး၊ ယသးတမုာ္ဘဢ္.
မိဿ္သးပွဿ္တဒူပွၯဘဢ္. နာ္က့ယသးခီဢ္ရွ႔ဢ္စံး၊
တုၯမးသ့ဢ္ဖးလဿနဃိ
တုၯမးသ့ဢ္ဖးလဿနဃိ

(၂). နါမ္ပဢ္ (ယိၯကီဿ္ညဢ္ထံဆဿ) ပလီခိဢ္
တံၯသကိးတဂၯလဿ တဿ္အဲဢ္ဘဢ္ယၯအဃိ ဆွဿန႔ဿ္ယၯနါမ္ပဢ္ (ယိၯကီဿ္ညဢ္ထံဆဿ) သဿပလီ ဒီး မ့ဿ္လဿအဃဿအဃိ ဟ့ဢ္ပွၯဟဲက့ၯ၀ံတဿ္အစုလဲခီဢ္လဲ ဂ့ၯဂ့ၯဒီးစံး၊ ဆွဿတုၯအတုၯတက့ဿ္.

ပွၯ၀ံတဿ္ဖိလဿအကလုဿ္တီအပူၯ ဟဲက့ၯစိာ္၀ဲ တဆီဘဢ္တဆီ တုၯလဿပဲၾကဳသ၀ီ၊ အိဢ္တီဿ္က့ၯဒဢ္ထဲ ခံမံးလာ္ ဒီးကတုၯယအိဢ္လီၯ. ဘဢ္အတီၯလဿပွၯတဂၯ ကဟဲဆူတဿ္ႀကဲဿ္လဿ လ့ဢ္အဃိ၊ အ၀ဲတီဢ္ ထီဢ္အတဿ္ဘိဢ္၊ ဒီးပာ္ထီဢ္နါမ္ပဢ္လဿ ပလီ၀ံၯသါကထီဢ္ဆူ လ့ဢ္ပူၯလီၯ. မ့ဿ္တဿ္ဒ္လဲဢ္တဲတဘဢ္ဘဢ္. က်ီဿ္ဖုးဒီး ယူတကဿလ့ဢ္ဆူ စံာ္ပ်ီပူၯ၊ တပိာ္က်ဲဘဢ္. ယူတကဿခီကပာ္ခီးဘိဖးဒိဢ္ တုၯလဿသ့ဢ္ဖူ လ့ဢ္ တခိဢ္ဒ့ခံ ဒီးတဿ္ဘိဢ္ဒီးနါမ္ပဢ္ လီၯလဿသ့ဢ္ဖူဒီး လဿဿ္ဖီခိဢ္သ့ဢ္ဖးခဲလဿာ္ လီၯ. လ့ဢ္အိဢ္ပတုာ္ဒီး အ၀ဲဟဲက့ၯမၯန႔ဿ္က့ၯ အတဿ္ဘိဢ္၊ ကြဿ္နါမ္ပဢ္ ပလီသ့ဢ္းခဲလဿာ္ဘဢ္ဆဢ္ ပလီခိဢ္သဿဖ်ဿဢ္စဿတံဿ္ အသးက်ဿၯက်ဿၯလီၯ. လဿတဿ္ဘဢ္ယိဢ္လဿ ယတနာ္ဘဢ္ဖုးအီၯအဃိ၊ ဒီးလဿတဿ္အုဢ္အသးအဂီဿ္ အ၀ဲထဿထီဢ္ပလီခိဢ္ စဿတံဿ္အသးဒီး ဟဲစိာ္၀ဲဆူယအိဢ္ဒီးစံး၊ သရဢ္ဧဿ၊ ၀ံသးစူၯလီၯ. နတံၯသကိး ဆွဿ န႔ဿ္နၯနါမ္ပဢ္သဿပလီ၊ ဟ့ဢ္ယၯစုလဲခီဢ္လဲလဿလဿပွဲၯပွဲၯ ဒီးယဟဲက့ၯစိာ္တုၯလဿ ပဲၾကဳလီၯ. ဘဢ္ အတီၯလဿ လ့ဢ္တခိဢ္ကဟဲဆူ တဿ္ၾကဲဿ္အဃိ ယတီဢ္ထီဢ္ယတဿ္ဘိဢ္ဒီး နါမ္ပဢ္လီၯ. ဖဲယကထီဢ္လဿ လ့ဢ္ပူၯအခါ၊ မ့ဿ္တဿ္ဒ္လဲဢ္ခီလဲဢ္ တဲတဘဢ္ဘဢ္. က်ီဿ္ဖုးဒီး ယူတကဿတဿ္ဆူ သ့ဢ္ဖူခိဢ္ လ့ဢ္ဒ့ခံဒီး တဿ္ဘိဢ္ဒီး နါမ္ပဢ္ လီၯတဲာ္လဿသ့ဢ္ဖူဒီး လဿဿ္ခိဢ္ ဒီး သ့ဢ္ဖးခဲလဿာ္ဒီး အိဢ္တ့ဿ္ဒဢ္ထဲ အခိဢ္သဿဖ်ဿဢ္ အံၯလီၯ. ဒီးထုးထီဢ္ပလီ ခိဢ္သဿဖ်ဿဢ္ဒီး ပာ္လီၯလဿယမဲာ္ညါလီၯ.

ယစံး၊ အတြးတအိဢ္ဘဢ္. နက်ဲးစဿးမၯအဂ့ၯကတဿဿ္လံ. တဿ္ဘဢ္မၯအသးဒ္န႔ဢ္ ပမၯဘဢ္ဧါ. ယစံးဘ်ဳး နၯလဿ နဂုာ္က်ဲးစဿး ဒုးထံဢ္ဒံးယၯလဿ ယတံၯသကိးတဂၯ အတဿ္အဲဢ္ယၯဖ်ါဖ်ါအဃိလီၯ. အ၀ဲအီထံ ဒီး က့ၯလီၯ. အ၀ဲက့ၯတလဿမး ယလဲၯကြံာ္လီၯက့ၯ ပလီခိဢ္ဆူတဿ္ပူၯလီၯ.

တဿ္မၯလိ - တဿ္ဘဢ္ဒိဆါကတဿဿ္န႔ဢ္ မ့ဿ္တုၯမးဟးဂီၯ၊ ဘူးကတုၯမးသ့ဢ္ဖး န႔ဢ္လီၯ. အဲကလံး တဿ္သး၀ံဢ္တယုဿ္စံး၀ဲ၊ (So near and yet so far) ဘူးဒိဢ္မးဘဢ္ဆဢ္ ယံၯဒိဢ္မးလီၯ. ပလံာ္သး၀ံဢ္ ကစဿ္ယြၯစံးစ့ဿ္ကီး၊ ဘူးထီဢ္ကန႔ဿ္တဿ္မူဘဢ္ဆဢ္၊ ကန႔ဿ္ဘဢ္သါက့ၯထဲလရာ္.

စီၯပီလူး ဘဢ္ယိဢ္တဿ္အ၀ဲအံၯဒိဢ္မးအဃိ စံး၀ဲ၊ မ့ဿ္ယမၯနဿၯမၯဃဢ္ ယနီဿ္ခိ၊ ဒီးယမဿအကဲကုဿ္ ဒ္သိး ယစံဢ္တဲၯတဲလီၯတဿ္လဿ ပွၯဂၯ၀ံၯဒီး ယသုတကဲ ပွၯဘဢ္တဿ္ညိကြံာ္အီၯ ယကစဿ္ဒဢ္ယဲတဂ့ၯလီၯ. ၁ ကရံဢ္ ၉း၁၇. မ္ယြၯဒုးပူၯဖ်ဲးပွၯလဿ တဿ္အံၯတက့ဿ္.


ခိးကြဿ္လဿ္အကူာ္ ၈

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....


November 12, 2010

တဿ္သးသပ့ၯအဘူးအလဲ (ဖုရိလဲအတဿ္လဲၯခီဖ်ိတဖဢ္ - အကူာ္ ၆)

(၁) သးသပ့ၯလဿလ့ဢ္မ့ဢ္အူသန႔
ယလဲၯအိဢ္ဖွိဢ္လဿပွၯကညီဘ်ဿထံခ၀့ရွဿဢ္ပဿဆွဿတဿ္ကမံးတံာ္ တဿ္အိဢ္ဖွိဢ္၀ံၯ မုဿ္ဆ့ဢ္ထီဢ္ သးပွဿ္ခ့ဢ္မီဢ္ကႜံဢ္ ဆွဿယၯဆူလ့ဢ္မ့ဢ္အူသန႔လီၯ. မ့ဿ္လဿဂီၯတစဲး ဒီးလ့ဢ္မ့ဢ္အူတဟဲနီတခိဢ္ ဒံးဘဢ္အဃိ၊ ယဆ့ဢ္နီၯလဿ ပွၯဆ့ဢ္နီၯတဿ္အလီဿ္၊ ဖိးဟုဃာ္ယထဿဢ္၊ ဘံဢ္စဃ့ယမဲာ္ မီကိာ္ဖိ၊ ယသးလဲၯသပ့ၯဒီး မံကမဢ္လီၯ. အိဢ္ဘဢ္ဒဢ္ယၯ မီကိာ္ဖိလီၯ. ယသ့ဢ္နီဢ္ယသး သံကြဿ္ - မါဒလ့ လ့ဢ္မ့ဢ္အူထြးထီဢ္လံ၊ မီဢ္လမႜဲဢ္လ့ဢ္မ့ဢ္အူတအိဢ္လဿၯဘဢ္. ယဘဢ္ဟဲက့ၯကဒီးဆူ သရဢ္ဒိဢ္ခ်႕ဖီးအအိဢ္ လဿသိလ့ဢ္ဖိလီၯ. ယတဿ္သးသပ့ၯတစိဿ္ဖိအဃိ

၁. ယဘဢ္လဿာ္အါထီဢ္သိလ့ဢ္ဖိအလဲ
၂. ဘဢ္ခီဢ္လံာ္တဿ္ပ်ဲဆူမီဢ္လမႜဲဢ္ခံဘ်ီ
၃. သးပွဿ္ခ့ဢ္မီဢ္ကႜံဘဢ္ဆွဿယၯခံဘ်ီလီၯ.

၁ စီၯပၯ ၂၀း၄၀. ပာ္ဖ်ါထီဢ္ပွၯတဂၯ ပွၯမဿအပဿၯပွၯတဂၯ၊ မ့ဿ္ဟါမဿ္န႔ဢ္ကဘဢ္သံလဿ အလီဿ္လီၯ. အ၀ဲမၯတဿ္ဖဲအံၯ ဖဲႏုၯအသးသပ့ၯ ဒီး ပွၯန႔ဢ္တအိဢ္လဿၯဘဢ္ ဒီး အ၀ဲဘဢ္တဿ္မၯ သံအီၯလီၯ. ယိၯ ၁၈း၁၇. စီၯပ့ဢ္တရူး အသးသပ့ၯကြံာ္တစိဿ္ဖိဒီး သမဿခရံာ္လီၯ. ဆိးသီတက့ဿ္.

(၂) ကြဿ္ကီအူကႜီဢ္ယ့ဢ္ဒိးမ့ဢ္အူထဿဢ္ (မီးပံုးပ်ံ)
ယကလဲၯလီၯက့ၯဆူ လံာ္စီဆွံကႜိဒီး ကဒိးထီဢ္ဂီၯ (၈) နဢ္ရံဢ္ လ့ဢ္မ့ဢ္အူအခ်႕လဿ တီအူဆူ ၀့ဿ္တကူဢ္လီၯ. ယတုၯဖဲလ့ဢ္မ့ဢ္အူသန႔၊ ယထံဢ္ပွၯဂီဿ္မုဿ္ ကြဿ္ကီတဿ္ဟဿဢ္ဟဿဢ္၊ ဒီးမ့ဿ္၀ဲ အူကႜီဢ္ယ့ဢ္ ကဒိးမ့ဢ္အူထဿဢ္ယူၯ (မီးပံုးပ်ံ) လီၯ.

အမ့ဢ္အူထဿဢ္စိာ္ထီဢ္အီၯဆူမူခိဢ္၊ အ၀ဲဘ်ံးခိဢ္၊ ဘ်ံးခံလိာ္ကြဲလဿ ထးတဘိအလိၯ၊ ဖွံလီၯစးခိ အလြဲဿ္အကလုာ္ကလုာ္ ကြဿ္ကီမုာ္ဒီး သးသပ့ၯကြံာ္လီၯ. လ့ဢ္မ့ဢ္အူဟဲတုၯ၊ နၯသဖွိထီဢ္၊ ယၯသဖွိထီဢ္ ဒီးလ့ဢ္မ့ဢ္အူ ထြးထီဢ္လီၯ. တသ့ဢ္နီဢ္တဿ္နီတမံၯဘဢ္. ထံဢ္ဘဢ္အူကႜီဢ္ယ့ဢ္ ဘ်ံးခိဢ္ဘ်ံးခံ လဿသးအမဲာ္ခ်ံပူၯလီၯ.

တုၯလဿဖႜဴ၀့ဿ္၊ ပွၯသမံသမိးလံာ္တဿ္ပ်ဲ ဟဲထီဢ္မး ယသ့ဢ္နီဢ္ယသးလဿယတခီဢ္ဘဢ္ လံာ္တဿ္ပ်ဲ ဘဢ္. အ၀ဲဖီဢ္ဃာ္ယၯဒီးစံး၊ ယဆိကမိဢ္တနမ့ဿ္ပွၯလဿ အအဲဢ္ဒိးဟုဢ္ဒိးလ့ဢ္မ့ဢ္အူဘဢ္ နာ္က့ ဘဢ္မႏုၯ နတခီဢ္လဲးမးလဲဢ္. ယစံး၊ ၀ံသးစူၯ၊ ယကြဿ္ကီအူကႜီဢ္ယ့ဢ္ဒိး (မီးပံုးပ်ံ) ယသးပ့ၯနီဢ္ ယသး၊ လ့ဢ္မ့ဢ္အူဟဲတုၯဒီး ယသဖွိထီဢ္လီၯ. ယထံဢ္နၯမး ယသ့ဢ္နီဢ္ယသးလဿ ယတခီဢ္ဘဢ္ လဲးမးဘဢ္. စံး၀ဲ၊ က်ဲအိဢ္ထဲတဘိဧိၯ၊ မ့ဿ္နကဘဢ္ခိးက့ၯလဲးမးလဿ ဖႜဴဒီး ၀့ဿ္တကူဢ္ခံစးလီၯ. ယဟ့ဢ္လီၯအီၯတိဿ္ဒီး လဲၯပွ႔ၯန႔ဿ္ယၯလဲးမးဒီးစံး၊

ေနာက္တခါဦးေက်ာ္ရင္မီးပံုးပ်ံၾကည့္အံုးမလား.
လဿခံတဘ်ီနကကြဿ္ဒံးအူကႜီဢ္ယ့ဢ္ဒိးမ့ဢ္အူထဿဢ္ဧါ.

အဢ္လါ၊ ဟီဢ္ခိဢ္အတဿ္လိာ္ခိဢ္လိာ္ကြဲ၊ အတဿ္သူဢ္ဖွံသးညီထုးန႔ဿ္ယသး၊ မၯသပ့ၯယသး မးလဲဢ္.

(၃) ကြဿ္ကီနဲဢ္လိဢ္ (Nylon) ဒီးသးသပ့ၯ
သရဢ္ဒိဢ္ထိရွ႕ဢ္နဢ္ကူဢ္တဲယၯ၊ ၀ံသးစူၯဖဿဢ္ခိဢ္ဖဿဢ္ ဖဲနစံဢ္တဲၯတဲလီၯတဿ္အခါ တက့ဿ္. ယထံဢ္သရဢ္ ခႜံးထိလဿ မီဢ္လမႜဲဢ္တခီ လဿအဟးလဿ၀့ဿ္တကူဢ္ဘဢ္ဒီး ယမဿအမၯစဿၯယၯ လဲၯပွ႔ၯ (ေမာင့္ၾကက္သေရေခါင္းေပါင္း) လဿတဿ္ဖဿဢ္ပာ္စဿၯအိဢ္ဒီးအဒဿန႔ဢ္လီၯ. အ၀ဲလဲၯ လဿညါဒီး ယပိာ္ထီဢ္အခံလီၯ.

ဆဿကတီဿအ၀ဲန႔ဢ္၊ မ့ဿ္နဲဢ္လိဢ္ (ႏိုင္လြန္) ပဿဿ္ထီဢ္သီ၊ ယတထံဢ္ဘူဒံးနီတဘ်ီဘဢ္. အိဢ္မး အလြဲဿ္အကလုာ္ကလုာ္ ထူထီဢ္အသးတထူတထူတနီၯ၊ တဿ္ဘ်းလီၯစဲၯတနီၯ၊ ယကြဿ္ကီတခီ လဲၯတခီ၊ တစိဿ္ဖိသရဢ္ခႜံးထိဒီးယၯ ယဆဿထီဢ္တဲာ္လီၯ. ယဃုက့ၯအီၯ၊ ကြဿ္လဿမဲာ္ညါ၊ ကြဿ္က့ၯလဿလီဿ္ခံ၊ လဲၯတခီခီ ဃုတခီခီ၊ စဿဿ္စဿဿ္ ယထံဢ္အီၯဒီး လဲၯဆူအအိဢ္ဒီးစံး၊ သရဢ္ဧဿ၊ ယဃုနၯလဿာ္သးမးလီၯ. နထံဢ္ခိဢ္ဖဿဢ္လံဧါ. အ၀ဲကြဿ္ဃီၯယမဲာ္ - ဘာေျပာသလဲ၊ နားမလည္ဘူး - နတဲမႏုၯလဲဢ္၊ ယတနဿ္ပဿဿ္ဘဢ္.

ယကြဿ္ထံက့ၯတခီတမ့ဿ္သရဢ္ခႜံးထိဘဢ္ မ့ဿ္တရူးတဂၯ
ယစံး - သည္းခံပါ၊ ကြၽန္ေတာ့သူငယ္ခ်င္းမွတ္လို႔ - ၀ံသးစူၯ ယဆိမိဢ္နၯလဿ ယသကိး၊ ဒီး လဲၯတလဿကြံာ္အီၯလီၯ. ယဃုကဒီး သရဢ္တနဢ္ရံဢ္ တထံဢ္အီၯဘဢ္အဃိ၊ ယပာ္လီၯယသး လဿ ယကက့ၯလီၯ. ကက့ၯဘဢ္ဒ္လဲဢ္တဲတဘဢ္ဘဢ္. ယပိာ္ထီဢ္က်ဲတဘိ၀ံၯတဘိ၊ ယထံဢ္က့ၯ လ့ဢ္မ့ဢ္အူသန႔မး ယက့ၯဒိးက့ၯလိခဿဢ္လီၯ. သရဢ္ခႜံးထိ ထဲဃုကဒါက့ၯယၯ ဟဲက့ၯတုၯ မုဿ္ဃ့ဿ္လီၯ ၂ နဢ္ရံဢ္လီၯ.

သရဢ္ဒိဢ္ထိရွ႕ဢ္နဢ္ကူဢ္ က်ဲၯန႔ဿ္က့ၯယၯသးပွဿ္တဂၯအခိဢ္ဖဿဢ္၊ ယဖဿဢ္တသ့၊ ဖဿဢ္ကဒံကဒါ ဒီး ယဖ်ါသးပွဿ္ထီဢ္မနဲညါလီၯ.
ဟီဢ္ခိဢ္အတဿ္ထုးန႔ဿ္လြဲန႔ဿ္အါဘ်ီ မၯသပ့ၯပသးအဃိ၊
ပဆဿထီဢ္တဲာ္ဒီးတဿ္ဘူဢ္တဿ္ဘါ
ပဆဿထီဢ္တဲာ္ဒီးတဿ္ဖးလံာ္စီဆွံ
ပဆဿထီဢ္တဲာ္ဒီးတဿ္ထုကဖဢ္
ပဆဿထီဢ္တဲာ္ဒီးယြၯဒီးတဿ္အိဢ္ဖွိဢ္လီၯ.


ခိးကြဿ္လဿ္အကူာ္ ၇

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

November 10, 2010

တဿ္လဲၯတဿ္က့ၯအတဿ္မၯလိ (ဖုရိလဲအတဿ္လဲၯခီဖ်ိတဖဢ္ - အကူာ္ ၅)

(၁) အီဢ္ထဲမ့ၯ၀ါလဿပတဿ္ကမဢ္အဃိ
သရဢ္ထူစီၯပၯ ကြဲသရဢ္ဒိဢ္ရွီးဒီးယၯလဿ ပကလဲၯမၯခရံာ္အိဢ္ဖ်ဲဢ္လဿ ပွၯမိဿ္လုပဿ္လဿ္အသ၀ီ တဖ်ဿဢ္ လဿအယံၯမးဒီး ဘဢ္မံလဿက်ဲတနၯ န႔ဢ္လီၯ. အ၀ဲတဲပာ္စဿၯပွၯလဿ ပကဟဲစိာ္ထဲမ့ၯဘိဢ္၊ မ့မ့ဿ္ကသူ န႔ဢ္၊ အ၀ဲကသုးက်ဲၯ၀ဲဒီး ပမၯဒ္အစံး၀ဲအသိးလီၯ. ဂီၯခီ ၇ နဢ္ရံဢ္ ပတုၯဖွိဢ္လဿအဟံဢ္၊ ဘါထုကဖဢ္၀ံၯ ပဟးထီဢ္၊ ဘဢ္လဲၯတဿ္ဆူဢ္ဆူဢ္ဒ္သိး ကတုၯလဿသ၀ီ၀ဢ္မံၯက်ါ လဿပကမံတနၯအဂီဿ္လီၯ. ယဆိမိဢ္

လဿယမ့ဿ္ပွၯဟးခ်႕ကစီဒီ တဂၯနာ္က့ လူၯသရဢ္ဒိဢ္ရွီးဒီး သရဢ္ထူစီၯပၯအခီဢ္တခ်ဳးဘဢ္. ယဘဢ္မၯ သပွဿ္မးလီၯ.

မုဿ္ထူဢ္၊ ပတုၯလဿထံက်ိဖိတဘိဒီး သရဢ္ထူစီၯပၯစံးပဘဢ္အီၯမ့ၯ ဖဲအံၯလီၯ.
ယထုးထီဢ္ယမ့ၯဘိဢ္၊ အိဢ္ဒဢ္မ့ၯ၀ါလီၯ.
သရဢ္ဒိဢ္ရွီးထုးထီဢ္အမ့ၯဘိဢ္၊ အိဢ္ဒဢ္မ့ၯ၀ါလီၯ.
သရဢ္ထူစီၯပၯဟဲစိာ္အကု၊ ထုးထီဢ္အမ့ၯဘိဢ္၊ ကြဿ္ဃုကဒံကဒါ ကုပူၯကသူဘိဢ္တအိဢ္ဘဢ္. ဘွါလီၯ အမ့ၯဘိဢ္ အိဢ္ဒဢ္မ့ၯ၀ါလီၯ. အံသဢ္တအိဢ္၊ ညဢ္အုဢ္တအိဢ္၊ အိဢ္ဒဢ္မ့ၯ၀ါဃံာ္သဿ လီၯ. အီဢ္မ့ၯ၀ါ သးလီၯကတံာ္၊ ဒီးအီထံ၊ အီဢ္တမီ အီထံလီၯ.

သရဢ္ထူစီၯပၯစံး၊ ႃႃယကဃုအံသဢ္ဧဲဢ္.႗႗
အ၀ဲမၯန႔ဿ္လီဿ္ဘိ ဒြဲဢ္ထီဢ္၀ဲဒီး လီဿ္ဘိအခ်ါဖဢ္ဆါန႔ဢ္ ပာ္ကဲ၀ဲလဿအံသဢ္၊ ဟဲက့ၯစိာ္ ပာ္လီၯလဿသ့ဢ္ လဢ္ပူၯ၊ ဟံးန႔ဿ္ဖွံလီၯ၀ဲလဿအမ့ၯက်ါ ဒီးအီဢ္၀ဲ၀ံၯစံး၊ ကိညဿ္ဖးဒိဢ္ညါ -
ယဆိကမိဢ္လဿအမ့ဿ္တဿ္နီဿ္နီဿ္၊ ယဟံးန႔ဿ္ခ်ါဖွံလီၯလဿယမ့ၯအက်ါ၊ ယအီဢ္တမီ၊ ယဘဢ္ခါလီၯကြံာ္ မ့ၯ၊ တဿ္တမ့ဿ္တဿ္အီဢ္ဘဢ္.

မ့ဿ္လဿတဿ္လဲၯယံၯဒံးအဃိ၊ ပက်ဲးစဿးအီဢ္မ့ၯ၀ါဒီး အီပွဲၯပဟဿဖဿလံထံလီၯ.
အါ၊ တဿ္အံၯ၊ လဿပသးသမူတဿ္လဲၯအပူၯ ပသန႔ၯပသးထဲလဿ ပွၯဂၯအကသူ၊ အံသဢ္၊ ညဢ္အုဢ္၊ တသ့ဘဢ္. ပကစဿ္ဒဢ္၀ဲ အမ့ၯဘိဢ္ ဘဢ္အိဢ္ဒီးအံသဢ္၊ ညဢ္အုဢ္၊ ကသူလဿလဿပွဲၯပွဲၯလီၯ.

ပအီဢ္မ့ၯ၀ံၯ အိဢ္ဘွံးအိဢ္သါမီကိာ္၀ံၯ ထြးထီဢ္ကဒီးဆူဢ္န႔ဿ္အလီဿ္ဒ္သိး ကတုၯသ၀ီ၀ဢ္ မံၯက်ါလီၯ. မုဿ္လီၯႏုာ္ဒီး ပတုၯ၀ဢ္မံၯက်ါ၊ မံတနၯမုဿ္ဆ့ဢ္ထီဢ္ လဲၯကဒီးဆူဢ္ဆူဢ္ ဒီးပတုၯသ၀ီလဿဟါ ၄ နဢ္ရံဢ္ လီၯ.

သရဢ္မၯတဿ္ဖဲန႔ဢ္ တူဿ္လိာ္ပွၯလဿအဟံဢ္ဒီး ပွၯခိဢ္ပွၯနဿ္တဖဢ္ ဟဲဟ့ဢ္ဂံဿ္ဟ့ဢ္ဘါတဿ္ မၯခရံာ္အိဢ္ ဖ်ဲဢ္ဖဲ သ၀ီအံၯလီၯ. အိဢ္ဒီး တဿ္ဘူဢ္တဿ္ဘါ၊ တဿ္လိာ္ကြဲဒီး လဿဟါတဿ္ခံးန႔ဢ္ အိဢ္ဒီး တဿ္ဘူဢ္တဿ္ ဘါဒီး ခရံာ္အိဢ္ဖ်ဲဢ္အတဿ္ကစီဢ္လဿ သရဢ္ဒိဢ္ရွီးဟ့ဢ္နီၯလီၯ န႔ဢ္လီၯ. သရဢ္ထူစီၯပၯဒီး သ၀ီသးပွဿ္ လဿမၯထါသ့၊ ခံဂၯဖီဢ္လိာ္အကိာ္ ဟးတရံးအုဢ္သကိးပွၯကညီ ထါထူထါယြၯလီၯ.

မုဿ္ဆ့ဢ္ထီဢ္ပဟဲက့ၯကဒါက့ၯဆူ၀ဢ္မံၯက်ါ မၯခရံာ္အိဢ္ဖ်ဲဢ္တဿ္သးခု ဒီးဖဲန႔ဢ္ပဒိးစူဿ္ဒိးဘ်ဿဘဢ္ ပွၯ မိဿ္လုပဿ္လဿ္တဂၯလီၯ. မ့ဿ္လဿယခီဢ္ဆါ ယအဲဢ္ဒိးက့ၯလဿခ်ံတကူာ္အဃိ သရဢ္ဒိဢ္ရွီးဒီးယၯ ပက့ၯဆူ ဖါကာ္က်ဲ၊ မ့မ့ဿ္သရဢ္ထူစီၯပၯလဿ အဟးခ်႕က့ၯက့ၯက်ဲလဿ ပဟဲန႔ဢ္လီၯ.

(၂) အီဘဢ္ဆီခ်ီထံလဿ မံၯပွဿ္ဒီးမါအဃိ
ပဆိကမိဢ္လဿ ပဟဲက့ၯက်ဲဆူဖါကာ္က်ဲတဘိ ကကိညဢ္တစဲးဧါ. တကိညဢ္အမဲာ္ညါ နးန႔ဿ္ဒံးပဟဲက်ဲ န႔ဢ္လီၯ. ပလဲၯတဿ္သ့တနံၯက်ဿၯမုဿ္ဟါမး ပတုၯလဿ မိဿ္လုပဿ္လဿ္ သ၀ီတဖ်ဿဢ္ အိဢ္လဿတဿ္ၾကဲဿ္က်ိ ကဿဿ္ခိဢ္လီၯ. ပတသ့ဢ္ညါပွၯနီတဂၯ၊ တဿ္ဘွံးပသး၊ တဿ္သဢ္၀ံၯပသးလီၯ. မ့ဿ္တဿ္၀ံၯတဿ္ကာ္အနံဢ္ ဒီး လီၯဆီဒဢ္တဿ္ ပွၯကစဿဿ္ခိဢ္ဖိ မၯဘုတန႔ဿ္ဘဢ္အဃိ မ့ဿ္သးအိဢ္ တူဿ္လိာ္တမွံၯတပ်ီၯနာ္က့ တူဿ္လိာ္ တန႔ဿ္ဘဢ္.

တမံၯဂ့ၯတမံၯဂ့ၯ၊ သရဢ္ဒိဢ္ရွီးစံး၀ဲ၊ ပဘဢ္မံဖဲအံၯလီၯ ဒီး ဃုစကီၯအဟံဢ္လီၯ. ပထီဢ္လဿစကီၯအဟံဢ္ ဘဢ္ဖဲစကီၯဟးအခါ၊ အမါဒီးအဖိမုဢ္ ဒါလီၯန႔ဿ္ပွၯခ်ီဢ္ တူဿ္လိာ္ပွၯနာ္က့ တသံကြဿ္သုအီဢ္ဘဢ္မ့ၯလံဧါ ဘဢ္. တစိဿ္ဖိစကီၯဟဲက့ၯတုၯ ဆ့ဢ္နီၯဒီး သမံသမိးပွၯလီၯ.

စကီၯ - သုအိဢ္ဖဲလဲဢ္၊ သုဟဲက့ၯလဿလဲဢ္.
ယစံး - ပအိဢ္လဿတဿ္ၾကဲဿ္၊ ပဟဲက့ၯလဿ၀ဢ္မံၯက်ါ.
စကီၯ - နအိဢ္လဿတဿ္ႀကဲဿ္၊ တဿ္ႀကဲဿ္စကီၯအမံၯဒ္လဲဢ္.
ယစံး - စကီၯအမံၯမ့ဿ္ စကီၯကါယ့ဢ္၊ မ့ဿ္ယမံၯပွဿ္လီၯ.
စကီၯ - မ့ဿ္ဧီဢ္၊ သုအီဢ္ဘဢ္မ့ၯလံဧါ.
ယစံး - တအီဢ္ဘဢ္မ့ၯဒံးဘဢ္.
စကီၯ - ဖိမုဢ္၊ ဒိထီဢ္မ့ၯ. စကီၯန႔ဢ္မ့ဿ္ယသိဢ္လီၯ. အဖိမုဢ္မုဢ္ခ်႕အိဢ္ဒံးဧါ. အဖိမုဢ္ဖီတဿ္သ့၊ ယမ့ဿ္လဲၯ တဘ်ီဘ်ီ တူဿ္လိာ္ယၯဂ့ၯမး၊ အ၀ၯအိဢ္လံဧါ.
ယစံး - နဖိဒိဢ္မုဢ္၊ မုဢ္ခ်႕န႔ဢ္မ့ဿ္ယမါလီၯ. အိဢ္ကစီဒီ.
စကီၯ - မ့ဿ္ဧီဢ္၊ ဖိမုဢ္၊ ဖီဢ္ဆီဖိတဘ့ဢ္.
ယစံး - ဖါတံဿ္စကီၯ၊ ယဟးယခီဢ္လဿာ္လံ. နက်ဲၯန႔ဿ္ပွၯခ်ံခဲဂီၯ တဘ့ဢ္တသ့ဘဢ္ဧါ. ယကဟ့ဢ္ခ်ံလဲ.
စကီၯ - ဘဢ္ကိဿ္တဂ့ၯဖိဒိဢ္၊ ကက်ဲၯန႔ဿ္နၯ.

မ့ဿ္လဿယမံၯပွဿ္ဒီးယမါအဃိ၊ မ့ၯဟဲလီၯ၊ ဆီခ်ီထံ၊ တဿ္တိဿ္ဟဲလီၯ၊ အီဢ္ဘဲမးကိးမီဒဲးလီၯ. မုဿ္ဆ့ဢ္ထီဢ္၊ လဿမံၯပွဿ္ဒီးမါအဃိ ဒိးဘဢ္ခ်ံ တုၯလဿဖါကာ္တဿ္အိဢ္ဖွိဢ္လီၯ. အိ၊ တဿ္ဘဢ္ဘ်ဳးတဿ္ဆိဢ္ဂ့ၯလဿပဒိးန႔ဿ္ ဘဢ္အီၯခဲအံၯအါဘ်ီန႔ဢ္ မ့ဿ္လဿပွၯဂၯအတဿ္ဂ့ၯတဿ္၀ါ၊ အတဿ္အဲဢ္တဿ္ကြံ၊ တဿ္တူဿ္ဆါခီဢ္ဆါအသး လဲၯဆိပာ္လဿပမဲာ္ညါအဃိ ပကူးက့ၯတဿ္လဿပွၯဂၯဖွံ အဘ်ဳးန႔ဢ္လီၯ.


ခိးကြဿ္လဿ္အကူာ္ ၆

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

November 7, 2010

November 3, 2010

စဲအ့ဢ္ပွၯကူဢ္ဘဢ္ကူဢ္သ့ တဖဢ္စံး၀ဲလဿ ၂၀၁၃ နံဢ္န႔ဢ္ ဘဢ္ဃးဒီး မုဿ္အသဟီဢ္တကပၯ တဿ္ပိဿ္ဖး ဖးဒိဢ္ ကအိဢ္ထီဢ္အဃိ ကကဲထီဢ္တဿ္ကီတဿ္ခဲ ဖးဒိဢ္လဿ ဟီဢ္ခိဢ္အဂီဿ္



စဲအ့ဢ္ပွၯကူဢ္သ့ တဖဢ္ စံး၀ဲလဿ ဆူမဲာ္ညါသဿနံဢ္န႔ဢ္ လဿမုဿ္အလိၯ တဿ္အသဟီဢ္ဖးဒိဢ္ ကပိဿ္ဖးထီဢ္ အဃိ ဟီဢ္ခိဢ္လဿ ပအိဢ္တဖ်ဿဢ္ အံၯ တဿ္ကီတဿ္ခဲကအိဢ္ထီဢ္ ဒိဢ္ဒိဢ္မုဿ္မုဿ္ လီၯ. တဿ္လဿစဲအ့ဢ္ ပွၯကူဢ္ ဘဢ္ ကူဢ္သ့တဖဢ္ ဘဢ္ယိဢ္၀ဲ အဒိဢ္ကတဿဿ္န႔ဢ္ ဖဲ ၂၀၁၃ နံဢ္န႔ဢ္ မုဿ္အတဿ္ကိဿ္က၀ီၯ အံၯ ကလဲဿ္ထီဢ္၀ဲ ဒီးကမၯဟးဂီၯကြံာ္ ဟီဢ္ခိဢ္အံၯဒိဢ္ဒိဢ္မုဿ္မုဿ္ န႔ဢ္လီၯ. အ၀ဲအံၯ ကမ့ဿ္၀ဲန႔ဆဿဢ္ အတဿ္နး တဿ္ဖွီဢ္တခါလဿအတကဲထီဢ္ညီႏုဿ္အသးတခါ၊ လဿအမ့ဿ္၀ဲ၊ လဿစးက၀းအပူၯ မူဖ်ဿဢ္ဖိအက့အခီ အဖဢ္ ကဒံ၀့ၯဒံ၀ီၯ၀ဲ ဒီးကမၯဟးဂီၯ မူဖ်ဿဢ္ဒိ (ၿဂိဳလ္တု) တဖဢ္ တကးဒံးဘဢ္ ကမၯဟးဂီၯ ဟီဢ္ခိဢ္အံၯဖးဒိဢ္ အဃိ တဿ္လဿအကပိာ္ထြဲထီဢ္အခံမ့ဿ္၀ဲ တဿ္အီဢ္တဿ္အီကကၯ၀ဲဒဢ္၊ ဒီးအ့ထဿဢ္နဲး အတဿ္ဆဲးက်ိးဆဲး က်ဿတဖဢ္ ကပတုာ္ကြံ၀ဲဒဢ္ ခဲလဿာ္န႔ဢ္လီၯ.



လဿအဘဢ္ဃးဒီး ဟံဢ္ဃီတကပၯန႔ဢ္ တဿ္လဿကဘဢ္ဒိဘဢ္ထံးအဒိဢ္ကတဿဿ္မ့ဿ္၀ဲ ထံခုဢ္ဒဿ(ေရခဲ သတၱာ) ဒီး သိလ့ဢ္တဖဢ္န႔ဢ္လီၯ. တဿ္တယာ္၀ဲလဿ န႔ဆဿဢ္တဿ္တတဿာ္တနါလဿ ကကဲထီဢ္အသးလဿ ၂၀၁၃ အံၯ ကလီၯဂာ္ဒ္သိး တဿ္တတဿာ္တနါ ဒိဢ္ဒိဢ္မုဿ္မုဿ္ လဿအကဲထီဢ္တ့ဿ္လံလဿ ၁၈၅၉ နံဢ္ န႔ဢ္လီၯ. ဖဲန႔ဢ္အဆဿကတီဿ္ လီပ်ံၯက်ိၯ လဿအဆဲးက်ိး ကီဿ္အမဲရကၯဒီး ယူရပၯ မဲဢ္အူအီဢ္ကြံာ္အီၯ ခဲလဿာ္ဃုာ္ဒီး တဿ္ခိဢ္တဿ္ဃဿၯလဿ အဘူးဒီး လီပ်ံၯက်ိၯတဖဢ္ စ့ဿ္ကီးန႔ဢ္လီၯ.



ဒီးကထဿဢ္လ့ဖီး (Liam Fox) လဿအမ့ဿ္စဲအ့ဢ္ပွၯကူဢ္ဘဢ္ကူဢ္သ့ တဂၯစံး၀ဲလဿ တဿ္လဿအကကဲ ထီဢ္အသးလဿ ၂၀၁၃ နံဢ္အံၯ ကလီၯဂာ္ဒ္သိးဒီး တဿ္လဿအကဲထီဢ္တ့ဿ္လံအသးလဿ ၁၈၅၉ နံဢ္အပူၯ န႔ဢ္လီၯ. လဿတဿ္န႔ဢ္အဃိ ကအိဢ္ဖွိဢ္၀ဲဃုာ္ဒီး စဲအ့ဢ္ပွၯကူဢ္ဘဢ္ကူဢ္သ့အဂၯတဖဢ္ ဒ္သိး တဿ္တတဿာ္ တနါအံၯ မ့ဿ္ကဲထီဢ္အသးန႔ဢ္ ကဘဢ္ႀတီဆဿ၀ဲဒ္လဲဢ္အဂီဿ္န႔ဢ္လီၯ.

တဿ္လဿအတဲ၀ဲန႔ဢ္ လီသဟီဢ္ကရဿတဖဢ္ ကဘဢ္မၯသကိးလဿတဿ္ဂ့ဿ္တခါအံၯအဖီခိဢ္၊ မ့ဿ္လဿ ဖဲ ၂၀၁၃ နံဢ္န႔ဢ္ မုဿ္အသဟီဢ္အံၯကကိဿ္ကတဿဿ္ တုၯဒဢ္လဲာ္ ထးနါအသဟီဢ္တဖဢ္ ကအါထီဢ္အစးတဖဢ္အစး အဃိ လဿကလံၯက်ါ ဂာ္သဟီဢ္ကလံၯမုဿ္တဖဢ္ ကကဲထီဢ္အသး ဒီးလဿကလံၯမုဿ္တဖဢ္န႔ဢ္အဃိ လီအသဟီဢ္ဒိဢ္ဒိဢ္မုဿ္မုဿ္တဖဢ္ ကဟဲထီဢ္၀ဲ၊ အဃိ အ၀ဲအံၯကမ့ဿ္န႔ဆဿဢ္တဿ္တတဿာ္တနါ အဒိဢ္ ကတဿဿ္တခါလဿပတထံဢ္ဘူအီၯနီတဘ်ီလဿ အနံဢ္တကယၯအပူၯန႔ဢ္လီၯ.



ဖဲ ၁၈၅၉ နံဢ္န႔ဢ္ တဿ္လဲၯခီဖ်ိဘဢ္တ့ဿ္လံ တဿ္သဟီဢ္ဖးဒိဢ္တခါ ပိဿ္ဖးထီဢ္၊ ဒီးဖဲန႔ဢ္အခါန႔ဢ္ ဟီဢ္ခိဢ္ အံၯသဿပူခံပူ အမူဖးဖီ ဒီတဘ့ဢ္ညါ မုဿ္အယဲၯတဖဢ္ ဂီၯ၀ဲဒ္တဿ္သြံဢ္အသိး န႔ဢ္လီၯ. ဒ္တဿ္ကဲထီဢ္ တ့ဿ္လံအသးဒ္န႔ဢ္အသိး အခဲအံၯ တဿ္ကကဲထီဢ္ကဒီး အသးတဘ်ီ ဒ္န႔ဢ္အသိး ဒီး တဿ္အဿဢ္တဖဢ္ အက်ါန႔ဢ္ ကလံၯမုဿ္တဖဢ္ကဟဲကဲထီဢ္အသး ဒီးတဿ္လီဿ္လဿကလံၯမုဿ္ကလီၯဒီးကဘဢ္ဒိဘဢ္ထံး အဒိဢ္ကတဿဿ္မ့ဿ္ ၀့ဿ္လိဒိဢ္၊ ၀့ဿ္ဖဲရံး၊ ဒီး ၀့ဿ္ႏူယီး သ့ဢ္တဖဢ္န႔ဢ္လီၯ. လဿအပူၯကြံာ္ ၁၉၈၉ နံဢ္န႔ဢ္ တဿ္ပိဿ္ဖးဒ္သိးအံၯ အဆံးတကလုာ္ ကဲထီဢ္တ့ဿ္လံအသးတဘ်ီလဿ ကီဿ္ခဲနဒၯ အပူၯ ခြံဘဲးလီသဟီဢ္ ကရဿဿ္ အကပၯန႔ဢ္လီၯ.



ပ၀ဲတနီၯနီၯပကကြဿ္ဘဢ္လံ တဿ္ဂီၯမူကါလဿ ပွၯမံဟူသဢ္ဖ်ါ John Cusack ဒိ၀ဲဘဢ္ဃး ၂၀၁၂ တဿ္ ကမၯအသး ဒ္လဲဢ္ဒ္လဲဢ္လံန႔ဢ္လီၯ. ပွၯအါဂၯကြဿ္ဒီး ပ်ံၯတဿ္ဖုးတဿ္ ဒီးဆိမိဢ္၀ဲလဿ တဿ္ကကဲထီဢ္ အသးနီဿ္ကီဿ္ဒ္ တဿ္ဂီၯမူအပူၯအသိးန႔ဢ္လီၯ. တဿ္ကဲထီဢ္အသးဂ့ၯတကဲထီဢ္အသးဂ့ၯ အိဢ္လဿ ကစဿ္ယြၯအစုပူၯန႔ဢ္လီၯ.

လီဿ္ခံကတဿဿ္န႔ဢ္အိဢ္ဒဢ္ ပကအိဢ္ခိးကြဿ္လဿ္အီၯမ့ဿ္ကကဲထီဢ္အသးနီဿ္ကီဿ္ဧါတနီဿ္ကီဿ္ဧါ လီၯ. ပနာ္ဧါ တနာ္ဧါဒုအိဢ္လဿပစုပူၯလီၯ. အရ့ဒိဢ္ကတဿဿ္ပကနာ္ကစဿ္ယြၯ လဿအတ့လီၯန႔ဆဿဢ္ တဿ္ဘဢ္တ့လဿ ပထံဢ္အီၯလဿ ပမဲာ္ခ်ံ တဂၯမီဢ္.

(ကြဲးက်ိာ္ထံက့ၯအီၯလဿပယီၯက်ိာ္ ဆူကညီက်ိာ္လဿ Forward Mail တခါအပူၯန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

October 30, 2010

အၯတဘၯ (ခရံာ္အိဢ္ဖ်ဲဢ္တဿ္ဒိတဿ္တဲာ္ - လဿတဿ္အိဢ္ကတီၯသးအဂီဿ္)

ဟံးန႔ဿ္ PDF File ဖဲအံၯတက့ဿ္.

တဿ္မၯဘဢ္ပွၯအဆံးမ့ဿ္တဿ္မၯဘဢ္ခရံာ္

ပွၯကူဢ္သ့သဿဂၯထံဢ္ဘဢ္ဆဢ္လီၯလးတဖ်ဿဢ္ ဒီးသ့ဢ္ညါ၀ဲလဿအမ့ဿ္ယူဒၯ စီၯပၯအိဢ္ဖ်ဲဢ္ထီဢ္အသီတဂၯလဿ ယူဒၯအကီဿ္ပူၯလံ. အ၀ဲသ့ဢ္သးဆူဢ္မးလဿကဃုထံဢ္န႔ဿ္၀ဲလီၯ.
အၯတဘၯမ့ဿ္ပွၯကူဢ္သ့စ့ဿ္ကီးလီၯ. ထံဢ္ဖွိဢ္လိာ္အသးဒီးအသကိးသဿဂၯန႔ဢ္လဿကလဲၯဃုဖိသဢ္အိဢ္ဖ်ဲဢ္ထီဢ္ သီအံၯလဿယရူၯရွလ့ဢ္အပူၯလီၯ. အ၀ဲစံးဘဢ္အသကိးသဿဂၯ -
အၯတဘၯ - တံၯသကိးသ့ဢ္ဧဿ ပကက့ၯကတီၯပသးတဿ္လဿကလိဢ္တဖဢ္မ့ဿ္၀ံၯဒီး ပကဟဲထံဢ္ဖွိဢ္လိာ္ပသး
ဖဲတဿ္လီဿ္အံၯလီၯ. တဂ့ၯဧဲဢ္.

မဢ္ကူးတဿတဂၯစံးဆဿ - သ့၀ဲဂ့ၯ၀ဲလီၯ. ပထံဢ္ဖွိဢ္သကိးမ့ဿ္၀ံၯပကလဲၯသကိးတဿ္လီၯ.
မဢ္ကူးခံဂၯတဂၯ - ပကက့ၯဆူပဟံဢ္တဿ္လဿပကစိာ္ဟ့ဢ္စီၯပၯ အသီအံၯအဂီဿ္ပကစိာ္တဿ္အၾကဿးကတဿဿ္ လဿအဂီဿ္တက့ဿ္.
သဿဂၯလဿာ္စံးဆဿ - ပကက့ၯဆူပလီဿ္ဒီးတဿ္လဿအၾကဿးအဂ့ၯကတဿဿ္ပကလဲၯစိာ္လဲၯမၯဘူဢ္အီၯလီၯ.
အ၀ဲသ့ဢ္က့ၯတဂၯဆူအလီဿ္ဒီး ကတဲာ္ကတီၯအသးမုဿ္ဆ့ဢ္ထီဢ္တနံၯ လဿကထံဢ္ဖွိဢ္သးလဿတဿ္သ့ဢ္ပာ္ အ လီဿ္ဟးထီဢ္၀ဲလီၯ.
ဘ့ၯလရွါစဿ္ - ခဲစဖဿဢ္ ဒီး မ့လ္ခါဘဿဿ္စ္ ခံဂၯဟဲတုၯလံ တထံဢ္အၯတဘၯဒံးဘဢ္.
ဘ့ၯလရွါစဿ္ - အၯတဘၯဟဲတတုၯဒံးဘဢ္. ပကအိဢ္ခိးတစိဿ္ဖိတက့ဿ္.
ခဲစဖဿဢ္ - ပခိးအီၯယံာ္ယံာ္ကသ့ဧါ. ပကလဲၯဆိပာ္စဿၯမီၯ. ဟဲလူၯက့ၯဒဢ္၀ဲပွၯလဿခံမီၯ. ပကလဲၯဆိတစဲး တသ့ဧဲဢ္.
မ့လ္ခါဘဿဿ္စ္ - သ့လီၯယဆိကမိဢ္ဟဲလူၯက့ၯဒဢ္၀ဲပွၯလဿခံတက့ဿ္.
သဿဂၯလဿာ္ဒိးထီဢ္အကသ့ဢ္ကလူးအူးဒီး ဟးထီဢ္၀ဲဒဢ္လီၯ. ပွၯသဿဂၯဟးထီဢ္တစိဿ္ဒီးအၯတဘၯဟဲတုၯ စ့ဿ္ကီးလီၯ. ဖ်ဲဢ္ခံလိာ္သးလံ -
အၯတဘၯ - ပသ့ဢ္ပာ္လိာ္ပသးတဿ္လီဿ္ ယဟဲတုၯလံယတထံဢ္ပွၯနီတဂၯဘဢ္. မ့ဿ္ယသကိးတဖဢ္ဟဲတတုၯ ဒံးဘဢ္တခီဧါ. မ့တမ့ဿ္ခီးယၯတကဲလဲၯလံတခီဧါ. မ့ဿ္ယကဘဢ္သ့ဢ္ညါဒ္လဲဢ္. အဿဢ္ပွၯဟဲလဿန႔ဢ္တဂၯ ယကသံကြဿ္အီၯတဘီလီၯ. တံၯသကိးဧဿ ယအဲဢ္ဒိးသံကြဿ္နၯတဿ္တမံၯ.
ပွၯပိာ္ခြါတဂၯ - မ့ဿ္သံကြဿ္သဿဢ္ တဿ္ဂ့ဿ္မႏုၯလဲဢ္.
အၯတဘၯ - နဟဲဖဲအံၯနတထံဢ္ ဘဢ္ပွၯကူဢ္သ့ဟဲလဿမုဿ္ထီဢ္သဿဂၯဘဢ္ဧါ. ပသ့ဢ္လိာ္ပသးဖဲတဿ္လီဿ္အံၯ ဒ္သိးပကလဲၯတဿ္တပူၯဃီအဂီဿ္လီၯ.
ပွၯပိာ္ခြါ - သုကလဲၯဖဲလဲဢ္.
အၯတဘၯ - ပကလဲၯဘူဢ္ထီဢ္ဘါထီဢ္စီၯပၯအိဢ္ဖ်ဲဢ္ထီဢ္သီတဂၯအဂီဿ္ မ့ဿ္လဿပဒြးဆဢ္ဧိၯဖီဧိၯအဃိ ပသ့ဢ္ ညါလဿစီၯပၯအိဢ္ဖ်ဲဢ္ထီဢ္အသီတဂၯအဃိလီၯ.
ပွၯပိာ္ခြါ - အီနတဲခဲအံၯမးယသ့ဢ္နီဢ္ထီဢ္က့ၯ ယထံဢ္ပွၯသဿဂၯဟဲဒိးဒီးကသ့ဢ္ကီၯလၯအူးစဲဃဲၯလီၯ. ဟဲတုၯဖဲ အံၯအိဢ္ဘွံးအိဢ္သါတစိဿ္ဖိ၀ံၯ လဲၯတဿ္ဆူညါလီၯ.
အၯတဘၯ - ကမ့ဿ္တထံဢ္ယၯအဃိ လဲၯပာ္စဿၯ၀ဲလီၯ. ယဲတခီယဟဲလဿက်ဲတဿ္တံာ္တာ္အိဢ္ထီဢ္လဿယဂီဿ္ တစဲးအဃိယစဲၯခံကြံာ္လီၯ. ယကဘဢ္လူၯပိာ္အ၀ဲသ့ဢ္လီၯ. သနာ္က့ ယလဲၯဒိးကသ့ဢ္တသ့ဘဢ္.
ပွၯပိာ္ခြါ - မ့မ့ဿ္ဒ္န႔ဢ္ နကမၯက့ၯဒ္လဲဢ္. ယကဘဢ္မၯစဿၯနၯဒ္လဲဢ္. တဲယၯ.
အၯတဘၯ - တမံၯဂ့ၯတမႜိဂ့ၯ ယဘဢ္လဲၯက့ၯတဂၯလီၯ. ယဘဢ္ဃုကလူးအူးတဒုလဿယတဿ္လဲၯအပူၯလီၯ. ပွၯဆါကီၯလၯအူး ဖဲအံၯအိဢ္ဧါ. နကဃုစဿၯယၯ မၯစဿၯယၯတဘီ.
ပွၯပိာ္ခြါ - နမ့ဿ္အဲဢ္ဒိးနကလူးအူးန႔ဢ္နကန႔ဿ္ဘဢ္ကစီဒီဘဢ္ဆဢ္ အပွ႔ၯကဒိဢ္ဧါ တဲတဘဢ္ဘဢ္.
အၯတဘၯ - အပွ႔ၯကဒိဢ္ဒဢ္၀ဲ တလိဢ္ဘဢ္ ယမ့န႔ဿ္ဘဢ္ ကလူးအူးလဿ အဂ့ၯဂ့ၯတဒုန႔ဢ္ဘဢ္လံ. အဂၯတမံၯ ယကတဲနၯယတိဿ္တပဢ္အါအါဘဢ္. သနာ္က့ယတဿ္မ်ဿ္လုဿ္ဒိဢ္ပွ႔ၯဒိဢ္အိဢ္တဖ်ဿဢ္ ယကပွ႔ၯခီလဲ ဒီးကီၯလၯ အူး ဂ့ၯဂ့ၯတဒုလီၯ. ယပာ္တဿ္မ်ဿ္အံၯလဿစီၯပၯဖိအိဢ္ဖ်ဲဢ္ထီဢ္သီအဂီဿ္လီၯ. သနာ္က့ယလဿဿ္လုဿ္ဒိဢ္ပွ႔ၯဒိဢ္ အဂၯ အိဢ္ဒံးလီၯ.
ပွၯပိာ္ခြါ - မ့မ့ဿ္ဒ္န႔ဢ္ဂ့ၯလံ ပကလဲၯဆူပွၯဆါကီၯလၯအူး အအိဢ္ဒီးဃုကြဿ္လဿအဂ့ၯတဒုလီၯ.
အၯတဘၯ - မ့ဿ္ပကလဲၯခဲအံၯ ယဲနာ္က့ယဆဿကတီ္ဿ္တအိဢ္ဘဢ္.

တဿ္ဒုးနဲဢ္ (၂)
ဘ့ၯသလ့ဃ့ဢ္၀့ဿ္
အၯတဘၯ - ဘ့ၯသလ့ဃ့ဢ္ဒုယဟဲကီးလံ. ယကြဿ္၀့ဿ္ဒီဖ်ဿဢ္ညါ ဖ်ါဃ့ထီနးလဲဢ္. ဘွ႔ဢ္ယုဿ္ကလာ္မးလီၯ. ယကလဲၯဆူဟံဢ္လဿန႔ဢ္တဖ်ဿဢ္ဒီး သံကြဿ္တဿ္ဂ့ဿ္တစဲးလီၯ.
ပွၯကဖးထီဢ္၀ဲ - လဲၯတုၯဒိတက်ိာ္ၾတဲၯ တဿ္ဘွ႔ဢ္ကလာ္ အ၀ဲဒိတက်ိာ္ကဒီးတစိဿ္ဖိမိဿ္သးစဿ္တဂၯ လဿတဿ္ ပ်ံၯတဿ္ဘဢ္ယိဢ္အပူၯစိာ္ဃုာ္ အဖိခြါဖိတဂၯ အိးထီဢ္ပဲၾတီကယီလီဖိ -
အၯတဘၯ - ၀ံသးစူၯယၯနီၯ. ယအဲဢ္ဒိးသံကြဿ္တဿ္လဿနၯ ဒီးဃ့နၯတဿ္မၯစဿၯတစဲးလီၯ.
မိဿ္သးစဿ္ - အိယသးကိဿ္သးပ်ံၯတဿ္လီၯ. ယဆိမိဢ္လဿရိမ့ၯအသုးဖိအဃိယအိးထီဢ္ၾတဲၯတဘူဢ္ဘဢ္.
အၯတဘၯ - ရိမ့ၯအသုးဖိ၊ ရိမ့ၯအသုးဖိကဟဲမၯမႏုၯလဲဢ္. ၀့ဿ္ဒီ၀့ဿ္ညါဘွ႔ဢ္ဘွီဢ္လီၯကမဿကမဢ္ဘဢ္ယၯဒိဢ္ မးလီၯ.
မိဿ္သးစဿ္ - နမ့ဿ္ပွၯတမွံၯဧါ. လီၯဂာ္လဿနတသ့ဢ္ညါ၀့ဿ္အံၯအဂ့ဿ္ဒံးဘဢ္.
အၯတဘၯ - တဿ္ဂ့ဿ္မႏုၯလဲဢ္. နသါတဲဘဢ္ယၯတဘီ.
မိဿ္သးစဿ္ - ဒ္အံၯယကတဲနၯခဲအံၯ စီၯပၯဟ့ၯရိာ္ ဟ့ဢ္လီၯတဿ္ကလုဿ္လဿတဿ္ကမၯသံဖိသဢ္ ပိာ္ခြါ ဖိ ခံနံဢ္ ဆူအဖီလာ္ကိးဂၯဒဲးလီၯ. တယံာ္ဘဢ္ကပ်ဿ္လီၯအသုးဖိလဿကမၯသံဖိသဢ္လီၯ. အဃိဟံဢ္လဿဖိသဢ္ပိာ္ခြါ အိဢ္ကိးဖ်ဿဢ္ဒဲးန႔ဢ္ ပ်ံၯတဿ္ဒိဢ္ဒိဢ္ကလဲာ္လီၯ. ၀့ဿ္ဒီ၀့ဿ္ညါပွၯအိဢ္ဒီးတဿ္ဘဢ္ယိဢ္သးပ်ံၯလီၯ.
အၯတဘၯ - အိမ့ဿ္ဧါ စီၯပၯဟ့ၯရိာ္ တဂၯ ဘဢ္မႏုၯဘဢ္ဟ့ဢ္လီၯအကလုဿ္ဒ္အံၯလဲဢ္.
မိဿ္သးစဿ္ - ပူၯကြံာ္စွၯသီန႔ဢ္ ပွၯကူဢ္ဘဢ္ကူဢ္သ့သဿဂၯဟဲတုၯ၀့ဿ္ယရူၯရွလ့ဢ္ လဲၯႏုာ္လဿစီၯပၯအနီပူၯဒီးစံး ၀ဲခဲအံၯပွၯအိဢ္ဖ်ဲဢ္ယူဒၯအစီၯပၯတဂၯန႔ဢ္မ့ဿ္အအိဢ္ဖဲလဲဢ္. ပထံဢ္ဘဢ္အဆဢ္တဖ်ဿဢ္လဿမုဿ္ထီဢ္ ပဟဲဒ္သိး ပကဘူဢ္ထီဢ္ဘါထီဢ္အီၯလီၯ. သံကြဿ္တဿ္ဒ္အံၯအဃိ စီၯပၯဟ့ၯရိာ္အသူဢ္ကိဿ္သးဂီၯဒီးဟ့ဢ္လီၯအကလုဿ္ လီၯ. တဿ္အံၯတမ့ဿ္ထဲပ၀့ဿ္ဘဢ္. ၀့ဿ္ကိးဖ်ဿဢ္ဒဲး တဿ္ကိဿ္တဿ္ဂီၯအိဢ္ထီဢ္ တဿ္သြံဢ္ကယြၯလီၯ၀ဲလီၯ. ယပ်ံၯ တဿ္ဒိဢ္မးလီၯ.
အၯတဘၯ - ယနဿ္ဟူတဿ္ဒ္အံၯဒီးယသးတမုာ္ဘဢ္. နတဲပွၯကူဢ္သ့သဿဂၯန႔ဢ္ဟဲတုၯဖဲအံၯလံဧါ.
မိဿ္သးစဿ္ - မ့ဿ္ ဟဲတုၯမၯဘူဢ္ဖိသဢ္၀ံၯက့ၯ၀ဲလံ.
အၯတဘၯ - ဖိသဢ္တခီလဲဢ္. ခဲအံၯအိဢ္ဖဲလဲဢ္.
မိဿ္သးစဿ္ - တအိဢ္လဿၯဖဲအံၯလဿၯဘဢ္. အမိဿ္အပဿ္ဃ့ဿ္စိာ္ကြံာ္အီၯလံ ဟးထီဢ္ခူသူဢ္လံ ပွၯစံး၀ဲဒ္န႔ဢ္လီၯ.
အၯတဘၯ - မ့ဿ္အ၀ဲသ့ဢ္လဲၯဆူလဲဢ္တခီနသ့ဢ္ညါစ့ဿ္ဧါ.
မိဿ္သးစဿ္ - ယတဲတဘဢ္ဘဢ္. အမိဿ္အပဿ္မူခိဢ္ကလူးတဲဘဢ္အ၀ဲသ့ဢ္လဿ တဿ္မံမီဿ္အပူၯ ဒီးဟးထီဢ္ကြံာ္လဿ ၀့ဿ္အံၯအပူၯလီၯ.
အၯတဘၯ - အဿဢ္မီၯ၊ ယဟဲဒ္သိးယကဘူဢ္ထီဢ္ဘါထီဢ္ဖိသဢ္အံၯလီၯ. ခဲအံၯယတခ်ဳးန႔ဿ္လဿၯဘဢ္.
- ရိမ့ၯသုးဖိဟဲႏုာ္လီၯဆူဟံဢ္ပူၯ မိဿ္သးစဿ္ဖုးဘဢ္အသး
ရိမ့ၯသုးဖိ - ဟံဢ္တဖ်ဿဢ္အံၯအပူၯဖိသဢ္ပိာ္ခြါ အိဢ္တဂၯအဃိ စီၯပၯအကလုဿ္လီၯလဿပကဘဢ္မၯသံကြံာ္ အီၯလီၯ.
မိဿ္သးစဿ္ - ဒီပုဿ္၀ဲဿ္ဧဿ ၀ံသးစူၯယဃ့ကညးသုလဿ သုကပ်ဲမူဒံးယဖိခြါဖိလီၯ.
သုးဖိ - တန႔ဿ္ဘဢ္. မ့ဿ္စီၯပၯဟ့ဢ္လီၯအကလုဿ္အဃိ ပလဲၯကပာ္တသ့ဘဢ္.
မိဿ္သးစဿ္ - (ဟီဢ္၀ဲ ) ၀ံသးစူၯလီၯ ယဃ့ကညးသုလီၯ မၯသံယဖိတဂ့ၯ.
သုးဖိ - ပတဲနၯစီၯပၯကလုဿ္ပလဲၯကပာ္တသ့ဘဢ္. ဟ့ဢ္လီၯနဖိခြါခဲအံၯ
- ဂုာ္လိာ္သးဖိသဢ္ မိဿ္ဂုာ္က့ၯအဖိဒီးဟီဢ္၀ဲ -
အၯတဘၯ - သုတဿ္သးကညီၯတအိဢ္န႔ဢ္မ့ဿ္အဘဢ္မႏုၯလဲဢ္. ကနဢ္လဿအံၯယကတဲသု -
ရိမ့ၯသုးဖိ - နမ့ဿ္အဲဢ္ဒိးတဲ တဲ. ပဆဿကတီဿ္တအိဢ္ဘဢ္ပဘဢ္လဲၯဆူညါဒံး.
အၯတဘၯ - ၀ံသးစူၯပ်ဲယပွ႔ၯက့ၯဖိသဢ္အသးသမူ လဿလဿဿ္နံၯလၯတဖ်ဿဢ္အံၯတက့ဿ္. ယကဟ့ဢ္သုလဿ လဿဿ္အံၯလီၯ. မၯသံဖိသဢ္တဂ့ၯ.
ရိမ့ၯသုး - ဂ့ၯလံပကပ်ဲပူၯဖိသဢ္လီၯ. ဟ့ဢ္လီၯပွၯလဿဿ္တက့ဿ္.
- အ၀ဲသ့ဢ္ကြဿ္လဿဿ္ ဒီးဟံးန႔ဿ္လဿဿ္ဒီးဟးထီဢ္ကြံာ္၀ဲလီၯ.
မိဿ္သးစဿ္ - တဿ္ဘ်ဳးဒိဢ္မးလီၯ နမ့ဿ္ပွၯလဿအဂ့ၯလဿယဖီခိဢ္ပွ႔ၯက့ၯယဖိခြါအသးသမူ - တစိၯသးယသါပ့ၯ နီဢ္တသ့ဘဢ္. မ္ယြၯဆိဢ္ဂ့ၯနၯထီဘိတက့ဿ္.
အၯတဘၯ - အတြးတအိဢ္ဘဢ္. ယသးခုလဿယမၯစဿၯဘဢ္နၯမၯပူၯဖ်ဲးဘဢ္နဖိခြါအသးသမူအဃိလီၯ.
မိဿ္သးစဿ္ - မ့ဿ္၊ မ့ဿ္တဿ္ဘ်ဳးဒိဢ္မးလီၯ. မ္ယြၯဆိဢ္ဂ့ၯနၯဒီးဆွဿနၯ အိဢ္ဒီးနၯထီဘိတက့ဿ္.

တဿ္ဒုးနဲဢ္ (၃)
ဖးထီဢ္ - လဿယရူၯရွလ့ဢ္အပူၯ အၯတဘၯအသးပွဿ္ထီဢ္လံ. (တဿ္ဒ့သီဢ္ထီဢ္လဿလီဿ္ခံ)
အၯတဘၯ - ယဟဲႏုာ္ကဒီးလဿ၀့ဿ္ယရူၯရွလ့ဢ္အပူၯလံ. ဟးဃုယဲစီၯပၯအသီတဂၯအံၯ အိဢ္လံအနံဢ္သဿဆံ ဘ်ဲဢ္လံ. တုၯခဲအံၯယတထံဢ္န႔ဿ္အီၯဒံးဘဢ္. ယကဟ့ဢ္မၯဘူဢ္အီၯလဿလဿဿ္လုဿ္ဒိဢ္ပွ႔ၯဒိဢ္သဿဖ်ဿဢ္သနာ္က့ ခဲအံၯအိဢ္တ့ဿ္ဒဢ္ထဲပလဲတဖ်ဿဢ္ဧိၯလီၯ. မ့ဿ္ယကထံဢ္န႔ဿ္အီၯဖဲလဲဢ္.
- ဖဲန႔ဢ္အဆဿကတီဿ္အ၀ဲနဿ္ဟူတဿ္သီဢ္သဲလုာ္လုာ္တဿတဿ -
အၯတဘၯ - ဟ့းတဿ္သီဢ္တဿ္သဲရးမးလဲဢ္. မ့ဿ္မႏုၯမၯအသးလဲဢ္ ဟ့း ဖိဒိဢ္ခြါ ပွၯလဿန႔ဢ္တဖဢ္ သီဢ္ရးမး မ့ဿ္အဘဢ္မႏုၯလဲဢ္.
သးစဿ္ - အိဖါတံဿ္ နတသ့ဢ္ညါဒံးဧဲဢ္. ယူဒၯအစီၯပၯလဿအမ့ဿ္ယ့ဢ္ရွဴးခရံာ္န႔ဢ္ ကဘဢ္တဿ္ပ်ၯထီသံအီၯလဿ ထူဢ္စုညါအလိၯ လဿကရၯနံၯအဒီခိဢ္လီၯ. လဿတဿ္န႔ဢ္အဃိ ပွၯဂီဿ္မုဿ္သီဢ္သဲလုာ္လုာ္တဿတဿရးမးလီၯ.
အၯတဘၯ - ယူဒၯအစီၯပၯန႔ဢ္ မတၯသါကမၯသံအီၯလဲဢ္.
သးစဿ္ - မ့ဿ္ပွၯဖၯရံၯရွဲ ဒီးပွၯစၯဒူးကဲ တဖဢ္ကဲခိဢ္ကဲနဿ္ ကပ်ၯထီခရံာ္လဿထူဢ္စုညါ အလိၯ၀ံၯ တကးဒံးဘဢ္ ပွၯပိာ္ခရံာ္အခံတဖဢ္ သးက့ဢ္၀ဲသးဟ့၀ဲစ့ဿ္ကီးလီၯ.
အၯတဘၯ - အိဖိဒိဢ္ခြါ ဖါတံဿ္၀ဲမီၯ ဒ္သိးကဘူဢ္ထီဢ္ ဘါထီဢ္ဘဢ္တဿ္အုဢ္က့ၯခီဢ္က့ၯကစဿ္အံၯအဂီဿ္ ဖါတံဿ္ ဃုအီၯအိဢ္အနံဢ္ သဿဆံလံ. ဘူးကထံဢ္ဘဢ္အီၯဒီးပွၯကပ်ၯထီသံအီၯတခီလံမးလဲဢ္.
သးစဿ္ - ပ၀ဲနာ္က့ပသးတမုာ္နီတစဲးဘဢ္ဖါတံဿ္ဧဿ. ၀ံသးစူၯယကလဲၯပာ္လီၯနီၯ.
အၯတဘၯ - မ့ဿ္မ့ဿ္တဿ္ဘ်ဳးလီၯ. တဿ္အံၯယကမၯဘူဢ္ဘဢ္ တဿ္အုဢ္က့ၯခီဢ္က့ၯကစဿ္အံၯအဂီဿ္ အိဢ္တ့ဿ္ထဲ တဿ္မ်ဿ္ပလဲတဖ်ဿဢ္ဧိၯလီၯ. ယကမၯဘူဢ္ဘဢ္အီၯအကတဿဿ္တဘ်ီအံၯလီၯ.
(ဖဲန႔ဢ္အဆဿကတီဿ္တဿ္ကလုဿ္သီဢ္ထီဢ္လဿအယံၯ)
ကုဿ္မုဢ္ - မၯစဿၯယၯ မၯစဿၯယၯ
(ဟီဢ္သီဢ္ ဃုာ္ရိမ့ၯသုးဖိဟဲက့ၯတြံဿ္ဃုာ္ပိာ္မုဢ္တဂၯ)
ကုဿ္မုဢ္ - မၯစဿၯယၯ မၯပူၯဖ်ဲးယၯ
သုးဖိ - ဟ့း ကိးတဂ့ၯ. တမ့ဿ္လဿနကထူဢ္ဖ်ဲးလဿကုဿ္အလီဿ္န႔ဿ္ဘဢ္. နကိးပသူဂ့ၯတမ့ဿ္တဿ္လီၯဆီနဂီဿ္ဘဢ္.
ကုဿ္မုဢ္ - သးကညီၯယၯ မၯစဿၯယၯ ပွၯကဒုးကဲကုဿ္ယၯအဃိ ယပ်ံၯတဿ္ဒိဢ္မး.
သုးဖိ - ပတဲတဿ္ကိးပသူတဂ့ၯဒဿးကိးပသူ (တီဿ္ကဒီး၀ဲလီၯ)
အၯတဘၯထံဢ္တဿ္အံၯဒီးအသးဘဢ္ဒိဒိဢ္မးလီၯ. အ၀ဲကိးပတုာ္သုးဖိ.
အၯတဘၯ - ၀ံသးစူၯတံၯသကိးသ့ဢ္ဧဿ ယကတဲသုတဿ္တမံၯ.
သုးဖိ - နဖုပွဿ္အံၯ နတဘဢ္မၯတံာ္တာ္တဿ္တဂ့ၯ တဘဢ္ဃးဒီးနၯဘဢ္.
အၯတဘၯ - တစိဿ္ဖိလီၯ ၀ံသးစူၯယအဲဢ္ဒိးတဲသုဒ္အံၯ.
သုးဖိ - တဲတဲ တဲမ့ခ့်ခ့်.
အၯတဘၯ - ၀ံသးစူၯ ပ်ဲယပွ႔ၯက့ၯပိာ္မုဢ္တဂၯအံၯလဿကုဿ္အလီဿ္တက့ဿ္. ယကဟ့ဢ္သုလဿယပလဲတဖ်ဿဢ္ လီၯ. ပ်ဲပူၯဖ်ဲးကြံာ္အီၯလဿကုဿ္အလီဿ္တက့ဿ္. ယဃ့ကညးသုလီၯ.
(သုးဖိတဖဢ္ကြဿ္လိာ္အမဲာ္)
သုးဖိ - အဿဢ္မ့မ့ဿ္ဒ္န႔ဢ္ဂ့ၯလံ. ဟ့ဢ္ပွၯနတဿ္မ်ဿ္ပလဲခဲအံၯ ပကပ်ဲပူၯပိာ္မုဢ္အံၯလီၯ.
(အၯတဘၯဟ့ဢ္လီၯတဿ္မ်ဿ္ပလဲဒီး သုးဖိဘ့ဢ္လီၯကြံာ္ပ်ံၯလဿပိာ္မုဢ္ဖိအစုလိၯန႔ဢ္လီၯ. ဒီးသုးဖိတဖဢ္ဟးထီဢ္ ကြံာ္၀ဲလီၯ)
ကုဿ္မုဢ္ - ဖါတံဿ္ဧဿ တဿ္ဘ်ဳးဒိဢ္မးလီၯ. နမၯထူဢ္ဖ်ဲးယၯ နပွ႔ၯက့ၯယၯလဿကုဿ္အလီဿ္ တစိၯယသးယသးပ့ၯ နီဢ္တသ့ဘဢ္. ယကဘဢ္မၯစဿၯနၯဒ္လဲဢ္. တဿ္ထူးတဿ္တီၯတအိဢ္ဒီးယၯဘဢ္.
အၯတဘၯ - ဖိမုဢ္ဧဿ ယတလိဢ္တဿ္နီတမံၯဘဢ္. ထဲယမၯပူၯဖ်ဲးဘဢ္နၯအံၯယသးမုာ္ဒိဢ္မး. ဖဲနအဲဢ္ဒိးလဲၯ အဲဢ္ဒိးအိဢ္န႔ဢ္ နန႔ဿ္ဘဢ္တဿ္သဘ့်လံ တလိဢ္နဟ့ဢ္ဆဿက့ၯယၯတဿ္နီတမံၯဘဢ္.
(ကုဿ္မုဢ္ ခ်ံးလီၯခီဢ္ စံးဘ်ဳးက့ၯအီၯလဿသးဒီဖ်ဿဢ္၀ံၯ ဟးထီဢ္ကြံာ္၀ဲလီၯ)
အၯတဘၯ - မ့တဘ်ီအံၯ ယကဟ့ဢ္တဿ္အုဢ္က့ၯခီဢ္က့ၯကစဿ္ ယတဿ္မႏုၯမးတအိဢ္လဿၯဘဢ္. ယကဘဢ္ မၯက့ၯဒ္လဲဢ္. (လီသီဢ္ထီဢ္ လီ၀ဿ္ဒံးဟီဢ္ခိဢ္ဟူး အၯတဘၯလီၯဃံၯ)
အၯတဘၯ - ကစဿ္ဧဿ၊ ကစဿ္ဧဿ ယဃုတ့ဿ္နၯလဿအနံဢ္သဿဆံအတီဿ္ပူၯ ယတထံဢ္ဘဢ္နၯဒံးဘဢ္. ယတ ဘူဢ္ထီဢ္ဘါထီဢ္ဘဢ္နၯဘဢ္.
(တဿ္ဒ့သး၀ံဢ္သီဢ္ထီဢ္ကဖီကဖီ)
တဿ္ကလုဿ္သီဢ္ထီဢ္ - ယဖိအၯတဘၯဧဿ၊ နဃုယၯနထံဢ္လံယၯလံ နဘူဢ္ထီဢ္ဘါထီဢ္လံယၯလံ.
(အၯတဘၯ၀ံဢ္ထီဢ္အသးဒီးခ်ံးလီၯအခီဢ္)
အၯတဘၯ - ကစဿ္ဧဿ ယထံဢ္ဘဢ္နၯဖဲလဲဢ္. ဒီးဘူဢ္ထီဢ္ဘါထီဢ္ဘဢ္နၯ မၯဘူဢ္နၯဖဲလဲဢ္ပူၯလဲဢ္.
တဿ္ကလုဿ္ - အၯတဘၯဧဿ၊ ဖဲယဘဢ္ကီဘဢ္ခဲအဆဿကတီဿ္ နမၯစဿၯယၯ တဿ္သဢ္၀ံၯယသးဒီး နဟ့ဢ္အီဢ္ ဟ့ဢ္အီယၯ တဿ္သူယသးလဿထံ နဒုးအီယၯ ယမ့ဿ္ပွၯတမွံၯနတူဿ္လိာ္ယၯ ယအိဢ္ဘ့ဢ္ဆ့ ဒီးနဒုးကူဒုးသိးယၯ ယဆူးယဆါန အိဢ္သကိးယၯလီၯ. ယအိဢ္လဿဃိာ္ပူၯဒဢ္လဲာ္ နအိဢ္သကိးယၯလီၯ. ယစံးဘဢ္နၯတီတီအံၯ မ့ဿ္နမၯဘဢ္ ပွၯအဆံးဃိ နမၯဘဢ္ယၯလီၯ.
- တဿ္သး၀ံဢ္ (၁၈၁).

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

-မ့ၯရွံအၯဟဲလံ - (ခရံာ္အိဢ္ဖ်ဲဢ္အတဿ္ဒိတဿ္တဲာ္ - လဿတဿ္ကတီၯသးအဂီဿ္)

ဟံးန႔ဿ္ PDF File ဖဲအံၯ.

- မ့ၯရွံအၯဟဲလံ -

ယူဒၯမုဢ္ (၁) - အိ ဒီပုဿ္၀ဲဿ္မုဢ္သ့ဢ္ဧဿ - မုဿ္တဟါအံၯဖ်ါဃံလၯဒိဢ္မးလဲဢ္. ဆဿကတီဿ္ဒ္အံၯအသိး ပက
စဿ္မ့ၯရွံအၯ လဿမ့ဿ္ပစီၯပၯမ့ဿ္ဟဲကဂ့ၯဆံးဒိဢ္လဲဢ္.
ယူဒၯမုဢ္ (၂) - စၯလိဢ္ဧဿ၊ ယဲစ့ဿ္ကီးယဆဿမုဿ္လဿ္ဒ္နတဲအသိးလီၯ. မ္ကဟဲခ့်ခ့်ဒီးမၯထူဢ္ဖ်ဲးပွၯလဿဟီဢ္ခိဢ္
တဿ္ကိဿ္တဿ္ဂီၯလဿအနးအဖွီဢ္တဘ့ဢ္အံၯအပူၯလီၯ. ပွၯမၯထူဢ္ဖ်ဲးပွၯသ့အိဢ္ဒဢ္ မ့ၯရွံအၯ
တဂၯဧိၯလီၯ.
ယူဒၯမုဢ္ (၃) - မ့ဿ္လံ - ဒီပုဿ္၀ဲဿ္မုဢ္သ့ဢ္ဧဿ ယဆဿလဿမ့ၯရွံအၯကဟဲခ့်ခ့်လီၯ. ပဿ္သ့ဢ္လဿပ်ဿၯတဖဢ္စံးတဿ္
အံၯယံာ္လံ - အတဿ္စံးပာ္မ္အကလဿပွဲၯ ခ့်ခ့်တက့ဿ္မ့ဿ္ယတဿ္ဆဿမုဿ္လဿ္သပွဿ္ပွဿ္လီၯ.
ဘဢ္ဆဢ္ အကါဒိဢ္ကတဿဿ္မ့ဿ္ဒဢ္ ပကဘဢ္အိဢ္မူ တဿ္ဘဢ္ယြၯအသးလီၯ. ထဲန႔ဢ္မးပကထံဢ္
သဂဿဿ္ဘဢ္မ့ၯရွံအၯလီၯ.

ပိာ္မုဢ္ခဲလဿာ္ - သုစံးတဿ္န႔ဢ္မ့ဿ္သပွဿ္တဿဿ္လီၯ. ဒီပုဿ္၀ဲဿ္မုဢ္သ့ဢ္ဧဿ.
ပိာ္မုဢ္ (၄)ဂၯတဂၯ - ဒီပုဿ္၀ဲဿ္မုဢ္သ့ဢ္ဧဿ - တဿ္လဿသုတဲ မ့ၯရွံအၯန႔ဢ္မ့ဿ္မတၯလဲဢ္. ဘဢ္မႏုၯသုကြဿ္လဿ္အ
က်ဲန႔ဢ္လဲဢ္.
ပိာ္မုဢ္ (၁) - အိ၊ နတသ့ဢ္ညါမ့ၯရွံအၯအဂ့ဿ္ဘဢ္ဧါ. အ၀ဲမ့ဿ္ယြၯအပွၯဒိးဖူအသးလဿအကအုဢ္က့ၯခီဢ္က့ၯပ၀ဲ
ဒဢ္ယူဒၯဖိလဿဟီဢ္ခိဢ္လဿအအဿအသီအံၯလီၯ. နမ့ဿ္အဲဢ္ဒိးသ့ဢ္ညါအါထီဢ္ သံကြဿ္ဖုဖုနၯသဢ္တ
က့ဿ္. အ၀ဲကတဲပႜးနၯလီၯ.
ဖုဖုနၯသဢ္ - ဂ့ၯလံ သုမ့ဿ္အဲဢ္ဒိးသ့ဢ္ညါမ့ၯရွံအၯအဂ့ဿ္ ယကဖးန႔ဿ္သုလဿ၀ံယရွါယၯ ၉း၆-၇၊ ၁၁း၁-၁၀ လီၯ.
(ဖုဖုနၯသဢ္ဖးထီဢ္၀ဲ)
ပိာ္မုဢ္တဖဢ္ - တဿ္လီၯလးယြၯပကစဿ္ဧဿ - မ္နမံၯဘဢ္တဿ္ပာ္ဒိဢ္အီၯတက့ဿ္. ပမုဿ္လဿ္မ့ၯရွံအၯလီၯ. မ္မ့ၯရွံ
အၯကဟဲခ့်ခ့်တက့ဿ္.

တဿ္ဒုးနဲဢ္ (၂)

တဿ္ကလုဿ္လဿကဲစၯအီးကူစတူး
စီၯပၯ - ယခ့ယပွၯသုးခိဢ္ဖးဒိဢ္စီၯယိၯအဢ္ဧဿ၊ ဟဲႏုာ္လဿယမဲာ္ညါတက့ဿ္.
ယိၯအဢ္ - မ့ဿ္ကစဿ္စီၯပၯဧဿ - ကတိၯလဿ္တဿ္တက့ဿ္. မ္နလၯကပီၯဘဢ္တဿ္စံးထီဢ္ပၾတဿၯတက့ဿ္.
စီၯပၯ - ယခ့ယပွၯဧဿ လဲၯခ့်ခ့်ဒီးဘိးဘဢ္သ့ဢ္ညါ ယထံဖိကီဿ္ဖိတဖဢ္ဒ္အံၯ၊ ကစဿ္စီၯပၯအကလုဿ္လီၯ၀ဲ
လဿသုကဘဢ္ဆဲးလီၯသုမံၯလဿသုခူသု၀့ဿ္ဒဢ္၀ဲစုာ္စုာ္လီၯ. ဂဲၯဆဿထဿဢ္ဒီးလဲၯဘိးဘဢ္သ့ဢ္ညါ
တဿ္ဂ့ဿ္အံၯသပွဿ္တဿဿ္တက့ဿ္.
ယိၯအဢ္ - မ့ဿ္ကစဿ္စီၯပၯ. မ့ဿ္နမူနဲဒီး ဒ္နကလုဿ္အသိးတဿ္ကမၯအသးလီၯ. (ဒိမိၯ၀ံၯတဲလီၯ၀ဲ)……
ထံဖိကီဿ္ဖိခဲလဿာ္သ့ဢ္သုဧဿ - ကဲစဿ္အီးကူစတူးအကလုဿ္လီၯလဿသုကဘဢ္လဲၯဆဲးလီၯသုမံၯ
တဂၯဆူအ၀့ဿ္ဒဢ္၀ဲတဂၯဆူအ၀့ဿ္ဒဢ္၀ဲခဲလဿာ္လီၯ. မ့ဿ္စီၯပၯအကလုဿ္လဿယဘဢ္ဘိးဘဢ္သ့ဢ္
ညါသုန႔ဢ္လီၯ. (ဒိကဒီးမိၯ - ကူၯလူၯလူၯ ၃ ဘ်ီ).
ဖးထီဢ္ - ထံဖိကီဿ္ဖိခဲလဿာ္ကတဲာ္ကတီၯအသးလဿကလဲၯဆဲးလီၯအမံၯလီၯ. ပွၯလဲၯတဖုဘဢ္တဖုဆူ ၀့ဿ္
ဘ့ၯသလ့ဃ့ဢ္ဒ္သိးကဆဲးလီၯအမံၯအဂီဿ္လီၯ. (လဿခံ မၯရံဒီးယိၯသး ) ဟဲႏုာ္လဿကဆဲးလီၯအမံၯ
လီၯ.
ယိၯသး - မၯရံဧဿ၊ လဲၯကယီကယီတဿ္ကဘွံးနသးဘဢ္ဖုး. တဘဢ္သူဢ္ကိဿ္သးဂီၯတဂ့ၯ. မုဿ္ဟါလီၯတစဲးန႔ဢ္
ပကတုၯလဿ၀့ဿ္ဘ့ၯသလ့ဃ့ဢ္အပူၯလီၯ.
မၯရံ - ယိၯသးဧဿ၊ ယဘဢ္ယိဢ္ထဲပကစဲၯခံ ဒီးမုဿ္ကဘဢ္န႔ဿ္ပွၯ၊ ပတန႔ဿ္လဿၯတဿ္လီဿ္ဘဢ္. ယဟးကဲဒံးကစီ
ဒီ တဿ္တဘွံးယသးကဲဢ္ဆိးဘဢ္. ယအဲဢ္ဒိးလဲၯတဿ္ခ့်ထီဢ္တစဲးဒ္သိးပကတုၯဆိတစဲးလီၯ.
ယိၯသး - မၯရံဧဿ၊ ဟးခ့်ခ့်တဂ့ၯ. တဘဢ္ကိဿ္ထဲန႔ဢ္ညါတဂ့ၯ. ဟးကယီကယီတခီ. ဆူမဲာ္ညါပကလဲၯဘဢ္
က့ၯထဲအမံးနံးပူၯဒီး ပကတုၯလဿဘ့ၯသလ့ဃ့ဢ္အပူၯလီၯ.
မၯရံ - ပလဲၯမ့ဿ္တုၯဘ့ၯသလ့ဃ့ဢ္ ပူၯန႔ဢ္ ပသကိးလဿညါ နီဿ္ဒီဢ္ကါ အဟံဢ္နသ့ဢ္နီဢ္ဒံးဧါ.
ယိၯသး - ယသ့ဢ္နီဢ္ကစီဒီ - အ၀ဲန႔ဢ္က့ၯအ၀ၯဒီးစီၯက်ီၯဒံလီၯ. စီၯက်ီၯဒံ မ့ဿ္ပွၯကြဿ္ထြဲဘ်ီဢ္ ပွၯပာ္အီၯလဿ
မ့ဿ္ဘ်ီဢ္အခိဢ္ အဂၯလီၯ.
မၯရံ - မ့မ့ဿ္ဒ္န႔ဢ္ပဘဢ္ယိဢ္အလီဿ္တအိဢ္ဘဢ္. ပမ့စဲၯခံဒဢ္လဲာ္ ဒီဢ္ကါ ကက်ဲၯတဿ္လဿပဂီဿ္လီၯ.
- မၯရံဒီးယိၯသးလဲၯတုၯလဿနီဿ္ဒီဢ္ကါအဟံဢ္
ယိၯသး - နီဿ္ဒီဢ္ကါဧဿ - သးခုထံဢ္ဘဢ္နၯလီၯ. ပဟဲပစဲၯခံတစဲး ပတန႔ဿ္လဿၯတဿ္လီဿ္အဃိ ပ်ဲပအိဢ္ဘွံး
တနၯဧိၯလဿနဘ်ီဢ္ပူၯမီဢ္. ၀ံသးစူၯမၯစဿၯပွၯတက့ဿ္.
နီဿ္ဒီဢ္ကါ - ယိၯသးမၯရံဧဿ. သုစဲၯခံအဃိ တဿ္လီဿ္တအိဢ္လဿၯဘဢ္. ဖဲယသ့ယကမၯစဿၯသုလီၯ. ယကတဲ
သုတနံၯအံၯ ပွၯဟဲအါတုၯဒဢ္လဲာ္ ဘ်ီဢ္တအိဢ္လဿၯဘဢ္. သနာ္က့ယကလဲၯသံကြဿ္က်ီၯဒ့ ဒီးမဿအ
က်ဲၯန႔ဿ္တဿ္လီဿ္လဿသုဂီဿ္လီၯ. ၀ံသးစူၯအိဢ္ခိး အိဢ္ဘွံးဖဲအံၯတက့ဿ္.
ဒီဢ္ကါ - က်ီၯဒံ. နကက်ဲၯဘဢ္တဿ္လီဿ္လဿယိၯသးဒီးမၯရံအဂီဿ္တက့ဿ္. ယကြဿ္မၯရံတဂၯလီၯဘွံးဒိဢ္မးဒီးအ
ဃိယဟဲတဲနၯ မၯစဿၯအ၀ဲသ့ဢ္တက့ဿ္.
က်ီၯဒံ - (လက္သမား) ပွၯစုသ့စိၯယိၯသး ယမ့ဟ့ဢ္အီၯတဿ္လီဿ္ဟ့ဢ္ယၯစ့ကန႔ဿ္ဧါ.
ဒီဢ္ကါ - ကြဿ္ထဲစ့အမဲာ္တဂ့ၯ. က်ီၯဒံဧဿ. ကြဿ္သးကညီၯပွၯကညီ၊ သ့ဢ္ညါယြၯအက်ဲစ့ဿ္ကီးတက့ဿ္.
က်ီၯဒံ - နီဿ္ဒီဢ္ကါ၊ နမ့ဿ္ယမါ နတဘဢ္သိဢ္ယၯတဂ့ၯ.
ဒီဢ္ကါ - သိဢ္နၯတမ့ဿ္ဘဢ္. လဿနကသ့အဲဢ္နတံၯသကိး သ့သးကညီၯ ပွၯဘဢ္ကီဘဢ္ခဲ တခီက်ီၯဒံဧဿ.
စီၯက်ီၯဒံဟဲႏုာ္လီၯနံၯထီဢ္-
က်ီၯဒံ - ဟါ-ဟါ-ဟါ… ပွၯစုသ့စီၯယိၯသးဖွီဢ္သံတဂၯဧဿ - ယဟ့ဢ္နၯတဿ္လီဿ္တသ့ဘဢ္. ပွၯဟ့ဢ္တိဿ္အါ
န႔ဢ္သုန႔ဿ္ဒဢ္လဲာ္ ယဘဢ္ကြဿ္ဟ့ဢ္ဒံးအဃိ နတိဿ္နစ့မ့ဿ္အါ န႔ဿ္ပွၯဂၯ နကန႔ဿ္ဘဢ္တဿ္လီဿ္ကီးသဿဢ္
ယိၯသးဧဿ.
မၯရံ - အိက်ီၯဒံ ၀ံသးစူၯ ပမ့ဿ္ပွၯဖွီဢ္ဒ္နကိးပွၯအသိးလီၯ. ပဟ့ဢ္နၯစ့အါအါ ပစ့တအိဢ္ဒီးပွၯဘဢ္. ၀ံသးစူၯ
မၯစဿၯပွၯတက့ဿ္. တဿ္ဘွံးယသးဒိဢ္မးလံ ယဃ့ကညးဘဢ္နၯလီၯ.
ဒီဢ္ကါ - မ့ဿ္သပွဿ္တဿဿ္လီၯက်ီၯဒံဧဿ - အ၀ဲသ့ဢ္လီၯသးကညီဒိဢ္မးလီၯ. ၀ံသးစူၯက်ဲၯန႔ဿ္အ၀ဲသ့ဢ္တဿ္လီဿ္
တတီၯတီၯတက့ဿ္.
က်ီၯဒံ - တဿ္ကီလဿသတိဿ္တအိဢ္ဘဢ္. ဃ့အိဢ္တဿ္လီဿ္ဘုစကုၯလီၯ. ယကဆိကမိဢ္ တဿ္လီဿ္ - ကဲ - မ့မ့ဿ္
ဒ္န႔ဢ္ဒီးလဲၯအိဢ္လဿတဲကူပူၯက်ီဿ္အီဢ္ဆဢ္အလီဿ္န႔ဢ္တက့ဿ္. တဿ္လဿာ္ဘဢ္ယသးဒိဢ္မးလံ.
ဒီဢ္ကါ - မၯရံဧဿ - ယမၯကဆွဲကဆွီတဲကူပူၯကစီဒီလီၯ. ယအါနဢ္ယီဢ္ဘဢ္သုဒိဢ္မး - သနာ္က့ယမၯတသ့
ဘဢ္ယိၯသးဧဿ.
မၯရံ - အတြးတအိဢ္ဘဢ္ဒီဢ္ကါဧဿ. ပအိဢ္သ့ကစီဒီ. တဿ္ဘ်ဳးဒိဢ္မးလီၯ.
နီဿ္ဒီဢ္ကါဟးထီဢ္ ဒီးဖဲနီဿ္မၯရံ ကတဲာ္ကတီၯအလီဿ္မံဒီးမံလီၯ၀ဲအခါ နီဿ္ဒီဢ္ကါဟဲႏုာ္
ဒီဢ္ကါ - မၯရံဧဿ၊ ယကြဿ္နၯ နလီၯဘွံးဒိဢ္မး - အိလီၯတဿ္ႏုဿ္ထံကိဿ္ကိဿ္လဿၯလဿၯတခြးအံၯ. နဂံဿ္ကအိဢ္
က့ၯဒဢ္၀ဲ. ယိၯသးနဲစ့ဿ္ကီးအိလီၯ. သုဂံဿ္ကအိဢ္က့ၯဒဢ္၀ဲတက့ဿ္.
မၯရံ - တဿ္ဘ်ဳးဒိဢ္မးလီၯ. ပိာ္မုဢ္လဿအသးကညီၯတဿ္မၯဂ့ၯတဿ္ဒီဢ္ကါဧဿ- မ္ယြၯဆိဢ္ဂ့ၯနၯတက့ဿ္.
ဒီဢ္ကါ - မၯရံ၊ ယိၯသးဧဿ - ၀ံသးစူၯ ထုကဖဢ္လဿက်ီၯဒံအဂီဿ္တက့ဿ္. အ၀ဲသးကြံစ့ - အီသံး၊ လိာ္ကြဲ၊ လူၯ
အတဿ္ဘဢ္အသးဒဢ္၀ဲလီၯ. မၯကိဿ္မၯဂီၯယသးထီဘိလီၯ. မၯရွံအၯမ့ဿ္ဟဲန႔ဢ္တမ့ဿ္အ၀ဲကဒိးန႔ဿ္ဘဢ္
တဿ္အုဢ္က့ၯခီဢ္က့ၯဘဢ္.
မၯရံ - တဘဢ္သးအုးတဂ့ၯ. တဿ္အုဢ္က့ၯခီဢ္က့ၯအကစဿ္ မ့ၯရွံအၯကဟဲ၀ဲဒ္သိး ကအုဢ္က့ၯခီဢ္က့ၯပွၯလဿ
အပီဿ္ယဿ္လီၯက့ၯအသးန႔ဢ္ - ကန႔ဿ္ဘဢ္ တဿ္အုဢ္က့ၯခီဢ္က့ၯလီၯ.
ဒီဢ္ကါ - ယမုဿ္လဿ္ဒ္န႔ဢ္လီၯ. မ္ကပီဿ္ယဿ္လီၯက့ၯအသးခ့်ခ့်တက့ဿ္. မၯရံယိၯသးဧဿ - ယဲဆဢ္မီၯ၊ ဒီနံၯက်ဿၯ
ယဘဢ္တူဿ္လိာ္တမွံၯဒီးတဿ္ဘွံးယသးစ့ဿ္ကီးလီၯ. ယကက့ၯမံနီၯ. သုမ့ဿ္လိဢ္ဘဢ္ တဿ္တမံၯမံၯဟဲ
ကိးယၯနီၯ အါနဢ္တဂ့ၯ.
ယိၯသး - ဒီဢ္ကါဧဿ၊ တဿ္ဘ်ဳးဒိဢ္မး - မ္ယြၯဆိဢ္ဂ့ၯနၯထီဘိတက့ဿ္.

တဿ္ဒုးနဲဢ္ (၃)

ပွၯမဿ္ကူးဖိတဖဢ္ကတိၯသကိးတဿ္
ဘ့ၯလရွါစဿ္ - ခဲးစဖဿဢ္ဧဿ ယအိဢ္လဿကီဿ္ဘၯဘူလိဢ္ ယထံဢ္ဘဢ္ဆဢ္လီၯလးတဖ်ဿဢ္လီၯ. ပွၯမၯဒဲဖိအပွၯ
မၯကူးဖိတဖဢ္ ထံဢ္၀ဲဆဢ္လီၯလး တဖ်ဿဢ္အံၯန႔ဢ္စံး၀ဲပွၯလဿအကလဲလိာ္ဟီဢ္ခိဢ္ဒီးပဿ၀ဲလဿတဿ္
ဃူတဿ္ဖိးတဂၯကအိဢ္ထီဢ္အပနီဢ္လီၯ. ယဲဒုယဆိမိဢ္ဘဢ္တဘဢ္ ကမ့ဿ္ပွၯယူဒၯဖိ လဿအဘဢ္တဿ္
စိာ္မဿကဲကုဿ္ လဿကီဿ္တဖဢ္စံး၀ဲ ပွၯအုဢ္က့ၯခီဢ္က့ၯတဿ္မ့ၯရွံအၯ တဂၯန႔ဢ္ ဧါသဿဢ္.
ခဲစဖဿဢ္ - ဖလ့ရွသးအကီဿ္ ပူၯစ့ဿ္ကီးတဲ၀ဲဆဢ္လီၯလးတဖ်ဿဢ္အံၯအဂ့ဿ္လီၯ. ယဲစ့ဿ္ကီးယဖးဘဢ္မ့ၯရွံအၯအ
ဂ့ဿ္လဿလံာ္စီဆွံအပူၯလီၯ. စံး၀ဲစီၯပၯတဂၯအံၯ ကပဿတဿ္လဿတဿ္တီတဿ္လိၯတဿ္အဲဢ္တဿ္ကြံအပူၯ
လီၯ. ပဆဿမုဿ္လဿ္ဒီးသးလီဒဢ္စီၯပၯဒ္န႔ဢ္အသိးလီၯ. မ့မ့ဿ္နီဿ္ကီဿ္ ပသးကခုဒိဢ္မးလီၯ.

တဿ္ဒုးနဲဢ္ (၄)
မူခိဢ္ကလူးဟဲစိာ္န႔ဿ္ပွၯကြဿ္သိတဿ္ကစီဢ္
ရူၯဘ့ဢ္ - မုဿ္တဟါအံၯ တဿ္ခုဢ္တဿ္မုာ္လီၯဆီန႔ဿ္ကိးဟါဒဲးတက့ဿ္လီၯ. မ့ဿ္တဿ္ကမၯအသးတမံၯမံၯဧါ.
ယိၯအ့လး - ရူၯဘ့ဢ္ဧဿ - ယဲယသးပူၯယဆိကမိဢ္တဿ္ကမၯအသးလီၯလိဢ္လီၯလးလီၯ. ပကြဿ္သိအံၯပလီၯ
ဘွံးဒိဢ္မးလီၯ. ဘဢ္ဆဢ္ယြၯသ့တဿ္လဿာ္အံးကြဿ္ပွၯထီဘိ လီၯ အဃိယသ့ဢ္နီဢ္စီၯဒၯ၀ံးတဲ၀ဲယြၯ
မ့ဿ္ယပွၯကြဿ္သိကမ့ဿ္ဒဢ္ဒ္အံၯလီၯ.
ဘၯနါဘၯ - မ့ၯရွံအၯတဲကဟဲပဿပွၯန႔ဢ္မ့ဿ္ကဟဲဆံးယံာ္လဲဢ္. ပမ့ဿ္ယြၯအပွၯဃုထဿဖိတဖဢ္ဘဢ္ဆဢ္ပဖွီဢ္
နးလဲဢ္. ပဆဿအိဢ္မးလဿပစီၯပၯဒဢ္ပ၀ဲလီၯ. ၀ံတဖဢ္စံး၀ဲ မ့ၯရွံအၯကမ့ဿ္ပွၯကြဿ္သိအဂ့ၯကတဿဿ္
န႔ဢ္ မ္ကဟဲဒဢ္၀ဲခ့်ခ့်တက့ဿ္.
ရူၯဘ့ဢ္ - ယကိဿ္တဿ္တမံၯ၊ တဿ္စံး၀ဲ လဿမ့ၯရွံအၯမ့ဿ္ဟဲန႔ဢ္ ကဟဲ၀ဲဒီးအစိအကမီၯ ကဟုကညီဿ္အဃိ၊ ပ၀ဲပွၯ
ဖွီဢ္ဖိတဖဢ္ပသုး ဘူးပသးဒီးအီၯကသ့ကီးဧါ.
ဘၯနါဘၯ - ဘဢ္ကမ့ဿ္ကီးဧါ. ယဖုတဲ၀ဲ ၀ံတဖဢ္စံး၀ဲလဿ မ့ၯရွံအၯကစဿ္တဂၯအံၯကဟဲဒိးဒီးကသ့ဢ္ယီၯဖိဒီး
ကပဿတဿ္လဿတဿ္အဲဢ္တဿ္ကြံအပူၯလီၯ. (တဿ္သး၀ံဢ္သီဢ္ထီဢ္) ကနဢ္၊ ကနဢ္၊ တဿ္သး၀ံဢ္
သီဢ္ထီဢ္မုာ္ဒိဢ္မးလဲဢ္.
ရူၯဘ့ဢ္ - မ့ဿ္စဲဃဲၯလီၯ. လီၯလးဒိဢ္မးလီၯ. အိ၊ မူခိဢ္ကလူး. (မူခိဢ္ကလူးဟဲႏုာ္) ပွၯကြဿ္သိတဖဢ္ပ်ံၯတဿ္ကနိး
ကစုာ္၀ဲ.
ကလူးကၯၾဘံၯအ့လး - ပ်ံၯတဿ္တဂ့ၯ၊ အဂ့ဿ္ဒ္အံၯ ကြဿ္ကြဿ္ယစံးဘဢ္သုလဿတဿ္သးခုဖးဒိဢ္ အကစီဢ္ - လဿ
အကကဲထီဢ္ လဿပွၯဂီဿ္မုဿ္ခဲလဿာ္အဂီဿ္လီၯ. အဂ့ဿ္ဒ္အံၯ - အအံၯတနံၯအံၯပွၯလဿအအုဢ္က့ၯခီဢ္
က့ၯတဿ္တဂၯန႔ဢ္အိဢ္ဖ်ဲဢ္၀ဲလဿသုဂီဿ္လဿစီၯဒၯ၀ံးအ၀့ဿ္ပူၯလံ အ၀ဲဒဢ္မ့ဿ္ခရံာ္ကစဿ္န႔ဢ္လီၯ.
(တဿ္သး၀ံဢ္ သီ ၅၈)
ရူၯဘ့ဢ္ - ယသးခုဒိဢ္မးလီၯ. တံၯသကိးဧဿ - ပကလဲၯတဲပွၯဂၯဒီးလဲၯအိဢ္သကိး ဒ္မူခိဢ္ကလူးတဲဘဢ္ပွၯ
အသိးတက့ဿ္.
ဘၯနါဘၯ - ယသးခုစ့ဿ္ကီးဒိဢ္မး - ဟဲ - ပကလဲၯစိာ္ဃုာ္ပသိဖိလဿပကမၯဘူဢ္ ပကစဿ္အဂီဿ္တက့ဿ္.
ယိၯအ့လး - ကဲ …. တံၯသကိးသ့ဢ္ဧဿ၊ မ္ပကလဲၯသကိးဒီးဘူဢ္ထီဢ္ဘါထီဢ္ပကစဿ္တက့ဿ္.

တဿ္ဒုးနဲဢ္ (၅)
နီဿ္မၯရံဒီးစီၯယိၯသးဆ့ဢ္နီၯဖဲဖိသဢ္ယ့ဢ္ရွဴးအိဢ္လဿက်ီဿ္အီဢ္ဆဢ္က်ိးပူၯအခါ နီဿ္ဒီဢ္ကါဟဲဆွဿႏုာ္ပွၯကြဿ္သိ
ပွၯကြဿ္သိ - ပဟဲဘူဢ္ထီဢ္ဘါထီဢ္တဿ္အုဢ္က့ၯခီဢ္က့ၯအကစဿ္ - ဒ္မူခိဢ္ကလူးစံးဘဢ္တဲဘဢ္ပွၯအသိးလီၯ.
မၯရံ - သုမ့ဿ္ပွၯအဆိကတဿဿ္တဖုလဿအဟဲဘူဢ္ထီဢ္ဘါထီဢ္အီၯလီၯ.
(ဘ်ီဢ္ခိဢ္က်ီၯဒံဟဲဆွဿႏုာ္ပွၯမၯကူး)
ပွၯမၯကူးဖိတဖဢ္သး၀ံဢ္ (သီ - ၆၈)
စီၯက်ီၯဒံ - (ခ်ံးလီၯလဿဖိသဢ္ဒီးပွၯခဲလဿာ္အမဲာ္ညါ) အိ၊ မ့ၯရွံအၯ၊ ကစဿ္စီၯပၯဧဿ - ယမၯကမဢ္ဘဢ္နၯဒီး
မၯရံယိၯသးအါမးလီၯ. ယတဟ့ဢ္ဘဢ္တဿ္လီဿ္လဿဘ်ီဢ္ပူၯလဿသုဂီဿ္ဘဢ္. ယမ့ဿ္ပွၯမၯက
မဢ္ဘဢ္တဿ္တဂၯလီၯ. ပ်ဿ္ဘဢ္ယတဿ္ကမဢ္တက့ဿ္. ခဲအံၯယပီဿ္ယဿ္လီၯယသးဒီး အိးထီဢ္
ယသးဒီး ပ်ဲမ့ၯရွံအၯကပဿတဿ္ လဿယသးပူၯတစိၯဒဢ္ယၯ လီၯ. အိ၊ မ့ၯရွံအၯ၊ ကစဿ္စီၯပၯ
ဧဿမၯကဆွီက့ၯယၯ၊ ဟဲႏုာ္လဿယသးစံဢ္ညီဢ္ပဿက့ၯယၯထီဘိတက့ဿ္.
- ပွၯခဲလဿာ္ဟဲႏုာ္သး၀ံဢ္ - သးခုသကိးယ့ဢ္ရွဴးဟဲ၀ဲ


(ဘဢ္တဿ္သုးက်ဲၯအီၯလဿ - ဖံဖံဟဲမူ)
လဿ ပူလဿအပာ္ဖ်ါထီဢ္တဿ္ဒိတဿ္တဲာ္လဿလံာ္စီဆွံအပူၯ.


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

October 29, 2010

တဿ္သံဒိဢ္လဿကီဿ္အၯျဖံးကၯ (Butcher of Africa)



၁၉၇၀ နံဢ္ လဿကီဿ္အၯျဖံးကၯ ပွၯမၯသံတဿ္၊ ပွၯမၯသံပွၯကညီ အဿအဿသီသီ အိဢ္ထီဢ္၀ဲတဂၯ၊ ဘဢ္တဿ္သ့ဢ္ညါအီၯလဿ ႃဘူးခႜဿဢ္အီးအဲျဖံကၯ႗ န႔ဢ္လီၯ. ႃဘူးခႜဿဢ္႗ အခီပညီ မ့ဿ္ပွၯမၯသံက်ီဿ္လဿ ပွၯကဆါလီၯအီဢ္အညဢ္၊ ဖဲအ၀ဲဒဢ္ မၯန႔ဿ္ဘဢ္ တဿ္စိတဿ္ကမီၯလဿ ကပဿဘဢ္တဿ္အခါ တဿ္စိတဿ္ ကမီၯလဿ အအိဢ္ဒီးအီၯန႔ဢ္ သူ၀ဲလဿလဿပွဲၯပွဲၯအဃိ၊ ဟီဢ္ခိဢ္သ့ဢ္ညါအီၯလဿ ပွၯမၯသံတဿ္ အအဿ ကတဿဿ္တဂၯလီၯ. လဿက်ဲတဘိ ပမ့ဿ္ကိးအီၯလဿ တဿ္သံဒိဢ္လဿ ကီဿ္အၯျဖံးကၯ ဒီး တကမဢ္ကီး ဘဢ္.

အ၀ဲတမ့ဿ္ပွၯဂၯဘဢ္.
မ့ဿ္ကီဿ္ယူၯကၯတၯ (Uganda) အကီဿ္ခိဢ္က်ဿဿ္ (President)၊ မ့ဿ္သုးခိဢ္က်ဿဿ္ ႃအၯမ့န္႗၊ အမံၯ
အလဿ အပွဲၯတခီမ့ဿ္၀ဲ ႃအၯဒံၯဒၯဒၯ အၯမ့န္႗ (Idi Dada Amin) န႔ဢ္လီၯ. အ၀ဲဒဢ္ ကိးလီၯအသးလဿ အၯျဖံးကၯအဖိနီဿ္နီဿ္တဂၯ (A pure son of Africa) န႔ဢ္လီၯ. ထဲန႔ဢ္တကးဒံးဘဢ္၊ စံးလီၯအသးလဿ စကီးတလဲဢ္စီၯပၯ (King of Scotland) ကီဿ္အဲကလံး အနီဿ္ပၯမုဢ္အဲလံးစဘဲး အလီဿ္န႔ဢ္ သါပဿသ့၊ သါပဿန႔ဿ္စ့ဿ္ကီး၊ လဿတဿ္သူဢ္ဒူသးဒူဃိ၊ သါမၯန႔ဿ္ဘဢ္ နီဿ္ပၯမုဢ္ ၀ံးထိရံယဢ္ ထူဢ္စုညါတဿ္ပနီဢ္ (Victoria Cross)၊ အ၀ဲဒဢ္ တီဢ္ထီဢ္အသးလဿ တဿ္လီဿ္တဿ္လၯတဖဢ္ သုးခိဢ္က်ဿဿ္အလီဿ္ဆူ သုးခိဢ္ က်ဿဿ္စိရိ (Field Marshall) န႔ဢ္လီၯ.

ထုးထီဢ္တဿ္သိဢ္တဿ္သီလဿ ယူၯကၯတၯ အပူၯ ပွၯပိာ္မုဢ္တဖဢ္ တဘဢ္ကူဘဢ္ စကဿး (Skirt) ဘဢ္. က်ဲတဿ္တဃဢ္ ဟံးဖံးတဖဢ္ တဟဲႏုာ္ဘဢ္ဆူထံလီဿ္ကီဿ္ပူၯ ဘဢ္. တဿ္ကိးယုဿ္န႔ဿ္အမံၯ အကလုာ္ ကလုာ္၊ ဟီဢ္ခိဢ္ပွၯနါဃါ၊ ဟံးတလဿဢ္ လဿခ့ခါခဲအံၯ၊ ပွၯအသးတပွဲၯ၊ ပဿ္ဖးဒိဢ္ (Big Daddy)၊ စးထီဢ္ လဿ (၁၉၇၁-၁၉၇၉) နံဢ္ ဟီဢ္ခိဢ္ဒီဘ့ဢ္ ကြဿ္ဃီၯတဿ္ဆူအ၀ဲအိဢ္၊ မ့ဿ္ကဂဲၯ၀ဲ၊ ကမၯ၀ဲဒ္လဲဢ္ န႔ဢ္လီၯ.

အ၀ဲဒဢ္ ပဿတဿ္လဿ ယူၯကၯတၯ (၈) နံဢ္တီဿ္ပူၯ ဘဢ္တဿ္သ့ဢ္ညါအီၯလဿ အ၀ဲပဿဆူဢ္ပဿစိးတဿ္ အဿအဿသီသီ၊ အအဿကတဿဿ္အက်ါ န႔ဢ္ အဿန႔ဿ္အ၀ဲန႔ဢ္ တအိဢ္ဘဢ္. အဂ့ဿ္ဒ္အံၯ လဿတဿ္ (၈) နံဢ္ တီဿ္ပူၯ မၯသံပွၯ (၃) ကလီဿ္ ဆူ (၅) ကလီဿ္ညါန႔ဢ္လီၯ.

ဟီဢ္ခိဢ္အတဿ္ဒုးခံဘ်ီတဘ်ီ အ၀ဲႏုာ္လီၯလဿ သုးအပူၯ၊ ဒ္ပွၯဖီမ့ၯတဂၯအသိး၊ ဟဲလီၯ၀ဲ တုၯလဿ ခႜ႔တြ႕ အက်ိ၊ ၀့ဿ္မါတလ့၊ ၀့ဿ္မဲာ္ထံလီၯ (မိထၳိလာ)၊ ဖဲအဲကလံးအသုး ဒုးဟးထီဢ္ကြံာ္ ပွၯယပဢ္ဖိအဆဿကတီဿ္ အ၀ဲပဢ္ထြဲလဿ ပွၯအက်ါန႔ဢ္လီၯ.

တဿ္ဒုးခံဘ်ီတဘ်ီ၀ံၯအလီဿ္ခံ၊ မ့ဿ္လဿ ကီဿ္ယၯကၯတၯ အိဢ္ဒံး၀ဲလဿ ကီဿ္အဲကလံးအတဿ္ပဿ အဖီလာ္ အဃိ၊ အ၀ဲဒဢ္ ႏုာ္လီၯဆူအဲကလံး အသုးမုဿ္အပူၯ၊ မ့ဿ္ပွၯတဂၯလဿ အထိ (တဿ္တမဲးစု) သ့တဂၯ၊ ကဲဘဢ္ သုးဖိယိယိဘဢ္ဆဢ္၊ တုၯမ့ဿ္ ယူၯကၯတၯ မၯန႔ဿ္က့ၯတဿ္သဘ်႕ လဿကီဿ္အဲကလံး၀ံၯအလီဿ္ခံ အ၀ဲဒဢ္ အကစဿ္ဒဢ္၀ဲ သုးထီထီဢ္အလီဿ္ တဆီဘဢ္တဆီ တုၯအတုၯထီဢ္ဆူ သုးခိဢ္က်ဿဿ္ အလီဿ္ န႔ဢ္လီၯ.

ဖဲ ၁၉၇၁ နံဢ္န႔ဢ္ အ၀ဲဂုာ္ဟံးန႔ဿ္ဆူဢ္ တဿ္စိတဿ္ကမီၯလဿ ကီဿ္ခိဢ္က်ဿဿ္ ႃမံလ္တဢ္အိၯဘိၯတ့႗ အစုပူၯ၊ ဖဲန႔ဢ္အဆဿကတီဿ္ အကီဿ္ထံဖိကီဿ္ဖိအိဢ္၀ဲ ၂၄ ကကြဲဿ္၊ အ၀ဲဒဢ္ ကိးလီၯအသးလဿအမ့ဿ္ ယူၯကၯတၯ ကီဿ္ခိဢ္က်ဿဿ္တစိၯသး (President for Life) န႔ဢ္လီၯ.

ဒိဢ္တဿ္အက့ဿ္အဂီၯတခီ အနီဿ္ဖုဢ္၊ နကြဿ္လီၯဂာ္ဒ္ စဲာ္တဖ်ဿဢ္လဿ အသးနါပွဿ္ဖးလဲဿ္အလိဿ္၊ ဘ်းလီၯ စၯ၀ဲဒဢ္ တဿ္ပနီဢ္ (တံဆိပ္) တဖဢ္ ပွဲၯအသးနါပွဿ္၊ တဿ္စံး၀ဲဒဢ္လဿ နကဘ်းလီၯ တဿ္ပနီဢ္အဂၯ လဿ အသးနါပွဿ္လိၯမး တဿ္လီဿ္တအိဢ္လဿၯဘဢ္. မတၯဟ့ဢ္လၯကပီၯအီၯလဲဢ္၊ မၯန႔ဿ္၀ဲဖဲလဲဢ္၊ ဒ္လဲဢ္၊ မတၯမး တသ့ဢ္ညါ၊ မတၯမး သံကြဿ္အီၯ တဘူဢ္ဘဢ္.

ပွၯလဿအကဲထီဢ္ တၯဆႈဢ္တၯမဲလဿ အဂီဿ္တဖဢ္န႔ဢ္ မၯသံကြံာ္၀ဲ၊ ပွၯဒ္အီၯအသိး တအိဢ္ခံဂၯဘဢ္. ပွၯလဿ အကဲထီဢ္ အဒုဢ္အဒါ တဖဢ္မ့ဿ္ဂ့ၯ၊ ပွၯလဿအဆိကမိဢ္၀ဲလဿ အမ့ဿ္အဒုဢ္အဒါမ့ဿ္ဂ့ၯ၊ ပွၯလဿ အတဘဢ္ဃးဒီး အီၯဒဢ္လဲာ္ မ့ဿ္ဟဲႏုာ္ဆူ အတဿ္ဆိကမိဢ္အပူၯန႔ဢ္ မၯသံကြံာ္၀ဲခဲလဿာ္၊ တပ်ဲ ပူၯ၀ဲ နီတဂၯဘဢ္.

ကီဿ္ခိဢ္က်ဿဿ္ အိၯဘိၯတ့ အပွၯလဿညါတဖဢ္ဒဢ္လဲာ္ လူၯဃု မၯသံ၀ဲ၊ အ၀ဲအတဿ္မၯသံ ပွၯလဿ ကဲထီဢ္ တၯဆႈဢ္တၯမဲ လဿအဂီဿ္န႔ဢ္ လဲၯလီၯပဿဿ္တုၯလဿ ခူလဿ၀့ဿ္၊ လဿဒူလဿသ၀ီ တဖဢ္အဃိ၊ ပွၯကိးဂၯဒဲး ဘဢ္အိဢ္လဿ တဿ္ပ်ံၯတဿ္ဖုးအပူၯ န႔ဢ္လီၯ. လဿအ၀ဲမၯသံပွၯအက်ါ ဘံရွီး လဿဖွံထံ တခီပၯတဂၯ ဃုာ္ဒီး ယူၯကၯကၯ စံဢ္ညီဢ္ကြီဿ္ခိဢ္က်ဿဿ္ ဒီး ပဿျပးထံကီဿ္ကိတိာ္ ပဢ္စ့ဿ္ကီး တဘ်ဳးဂၯ န႔ဢ္လီၯ.

အ၀ဲအခ့အပွၯ လဿအမၯသံပွၯတဖဢ္ လဿအကုဿ္ဃိစီမ့ဢ္ပွၯကမ်ဿဿ္၊ ကုဿ္ဃိစီမ့ဢ္ပွၯ တလဿာ္တစီ၊ ပွၯသံတဖဢ္ ဘဢ္တဿ္လဲၯကြံာ္လီၯအီၯလဿ ၀ံးထိရံယဢ္ (Victoria) အကမါအပူၯ၊ တမဢ္ဖးဒိဢ္တဖဢ္ အီဢ္ပွၯအစိဢ္၊ အီဢ္တလဿာ္အီဢ္တစီ၊ နဿဘူးမး တနဿဘူးလဿၯဘဢ္ဒဢ္လဲာ္၊ ပွၯစိဢ္တဖဢ္ ထီဢ္ဖီဒဢ္လဿ ကမါအပူၯ၊ ပွၯစိဢ္တဖဢ္ တဘ်ီဘ်ီ လီၯထြံလဿ ထံက်ိပူၯ တုၯဒဢ္လဲာ္ မၯတံာ္တာ္ ထံက်ိ၊ ခ်ံကဘီ လဲၯတဿ္ တသ့လဿၯဘဢ္လီၯ.

ပွၯလဿအထီဒါအီၯ လဿအဘဢ္ဃးဒီး ထံရူာ္ကီဿ္သဲးတဖဢ္ အ၀ဲဒဢ္က်ီတဲာ္၀ဲအကီာ္၊ ဟံးန႔ဿ္၀ဲအခိဢ္ သဢ္ဃံ၊ ထဿႏုာ္၀ဲလဿ အ၀ဲၯဒဿးပူၯ လဿထံလီၯသကၯအတလါပူၯ (ေရခဲေသတၱာ) န႔ဢ္လီၯ. ပွၯအစိဢ္ တဖဢ္ အါတုၯဒဢ္လဲာ္ တဿ္ခူဢ္တဿ္ပူၯ ခူဢ္တကဲလဿၯဘဢ္. ကဟဢ္လဿ အကုဿ္ဃိစီမ့ဢ္ ပွၯအစိဢ္ တဖဢ္ မ့ဢ္အူအီဢ္ကြံာ္ တလဿာ္တစီလဿၯ၊ ပွၯကြံာ္လီၯပွၯသံစိဢ္လဿ ထံမိဿ္ပွဿ္ အက်ိ (Nile River) လဿအယြၯ ႏုာ္ဆူ ၀ံးထိရံယဢ္ အကမါဖးဒိဢ္အပူၯ အိဢ္၀ဲဂီဿ္မုဿ္ဂီဿ္ပၯန႔ဢ္လီၯ.

ပွၯလဿအနာ္န႔ဿ္အီဢ္၀ဲ အဘူးကတဿဿ္ဒီးအီၯလဿအမ့ဿ္ တဿ္အိဢ္ဆူဢ္အိဢ္ခ်႕ကိတိာ္ ဟဲနရ့ဢ္ကႜါဘါ တဂၯ စံး၀ဲဒ္အံၯ၊ အၯမ့န္ မၯသံပွၯထဲလဲဢ္န႔ဢ္ တဿ္ဂံဿ္အီၯတဘဢ္လဿၯဘဢ္. အ၀ဲဒဢ္စ့ဿ္ကီး ပ်ံၯလီၯအသး အဃိ၊ တခ်ဳးလဿ တဿ္သံတုၯအိဢ္အီၯ အ၀ဲထြးထီဢ္ဃ့ဿ္ပူၯဖ်ဲးကြံာ္ အသးသမူဆူ ကီဿ္အဲကလံး ၀့ဿ္လိဒိဢ္ အပူၯန႔ဢ္လီၯ.

ဖဲ ၁၉၇၆ နံဢ္န႔ဢ္ အၯမ့န္ စံး၀ဲ ကယဲဿ္မ့ဿ္မုဿ္က်ိၯ၀ဲၯကြာ္ အတဿ္ဖံးတဿ္မၯတဖဢ္န႔ဢ္ ကဘဢ္ဘဢ္ဃး က့ၯဒီး ယူၯကၯတၯ ထံဖိကီဿ္ဖိအဃိ၊ ကီဿ္အ့ရွဢ္ အစဿၯ လဿအအိဢ္လဿ အ၀ဲဒဢ္အကီဿ္ဒ္ ကီၯလၯသူ ကီဿ္ ပဢ္ကံးစတဢ္ ထံဖိကီဿ္ဖိတဖဢ္အံၯ ဘဢ္တဿ္နီဢ္ဟးထီဢ္ကြံာ္လဿ ထံကီဿ္ပူၯခဲလဿာ္၊ မုဿ္က်ိၯ၀ဲၯကြာ္ တဿ္ဖံးအီဢ္မၯအီဢ္တဖဢ္ တကဲထီဢ္အသး ဂ့ၯဂ့ၯဘဢ္ဘဢ္၊ ထံကီဿ္ဖွီဢ္လီၯယာ္လီၯ၊ တဿ္ကီတဿ္ခဲ အိဢ္ထီဢ္၀ဲလဿ ထံလီဿ္ကီဿ္ပူၯ၊ ပွၯလဿအနီဢ္ဟးထီဢ္ကြံာ္၀ဲတဖဢ္ အိဢ္၀ဲ (၈၀ ၀၀၀) ဘ်ဲဢ္ညါန႔ဢ္လီၯ. တဿ္ဟီထီဢ္ကြံာ္ ထံဖိကီဿ္ဖိအဂၯတဖဢ္ အ၀ဲဒဢ္စံး၀ဲဒဢ္လဿ၊ ႃကစဿ္ယြၯ ဒုးမံမီဿ္သါလဿ သါဘဢ္မၯ အဃိ ဒီးသါဘဢ္မၯလီၯ.႗

လဿအနီဿ္ဆံးခါ မ့ဿ္ဒဢ္ပွၯလဿ အကြဿ္မဲာ္တဲးလဲး တဂၯ၊ တမၯလိမၯဒိး ဘဢ္တဿ္ဘဢ္. တသ့လံာ္သ့လဲဿ္ ဘဢ္. ဘဢ္ဆဢ္ အ၀ဲမ့ဿ္ပွၯလဿ အမၯလိမၯလ့ၯတဿ္ တဂၯ (လက္ေတြ႕သမား)၊ တဿ္ကိးမံၯဒဲး စံး၀ဲ သါသ့ဢ္ညါခဲလဿာ္၊ သါမၯသ့မၯဘဢ္ခဲလဿာ္၊ ပွၯဒံးန႔ဢ္စါတဂၯ၊ အ၀ဲစံး၀ဲလဿ၊ ဟံးတလဿဢ္ မၯသံဒြဲဢ္ သံကြံာ္ ပွၯအံဢ္စရ့လးဖိလဿမ့ဢ္အူ၊ ပွၯဃုကကြဲဿ္န႔ဢ္ မ့ဿ္တဿ္မၯလဿ အဘဢ္န႔ဢ္လီၯ.

ဖဲ ၁၉၇၉ နံဢ္၊ အ၀ဲဒဢ္လဲၯဆဲးတိဘဢ္ ဖ်ဿတဒဿ (ဃုထီဒုဢ္ထီဒါ) ဒီးတၯစါန႔ယါ (Tanzania) အတဿ္ဟဲ ဒုးအီၯ၊ တုၯတၯစါန႔ယါ အသုးမုဿ္ ဟဲႏုာ္လီၯဆူ အကီဿ္ပူၯတဘီ၊ အ၀ဲဘဢ္ထြးထီဢ္ဃ့ဿ္ကြံာ္၊ တဿ္စိတဿ္ ကမီၯတအိဢ္လဿၯ၊ အကလုဿ္တသီဢ္ လဿၯဘဢ္. အခီဢ္ထံး လဲၯဃ့ဿ္၀ဲဆူ လံးပႜါ (Libya) ထံကီဿ္၊ အတံၯ သကိး ႃကဒၯဖံၯ႗ အအိဢ္၊ လဿခံလဲၯဃ့ဿ္ကဒီးဆူ ႃအံၯရး႗ လဿ ႃဆဢ္ဒဢ္ဟူၯစ့ၯ႗ အအိဢ္၊ လဿခံကတဿဿ္ အိဢ္ကဒုဘဢ္၀ဲလဿ စီၯဒံၯအရ့ဘံယဢ္ (Saudi Arabia)၊ ဘဢ္အဿဢ္လီၯအီလီၯ အသးလဿ ဘဢ္ဃးဒီး ထံရူဿ္ကီဿ္သဲးန႔ဢ္ အ၀ဲဒဢ္ တမၯတဿထီဢ္တဿလီၯ၊ တမၯဘဢ္ထြဲအသး နီတမံၯ ဘဢ္. အိဢ္၀ဲဖဲ စီၯဒံၯအရ့ဘံယဢ္ ဖဲပွၯပာ္အီၯန႔ဢ္ ဘဢ္အိဢ္၀ဲ၊ ဖဲပွၯဒုးအီဢ္အီၯန႔ဢ္ ဘဢ္အီဢ္၀ဲ၊ အဃံဢ္ တအါလဿၯဘဢ္. မၯသးဒ္ ဂုဿ္ထံတဘိလဿ အစုဢ္တအိဢ္လဿၯဘဢ္ န႔ဢ္လီၯ.

အၯမ့န္ အဖိအမါလဿ အိဢ္တီဿ္လဿ ယူၯကၯတၯတဖဢ္ ဃ့သကြံာ္ကညး ထံကီဿ္ပဒိဢ္လဿ ကဟ့ဢ္အီၯ တဿ္ပ်ဲလဿ ကဟဲက့ၯအိဢ္ဘဢ္က့ၯလဿ အထံအကီဿ္၊ ဘဢ္ဆဢ္ ကီဿ္ခိဢ္ ႃယိၯ၀ၯရံၯမူဆ့ၯဘံၯနံၯ႗ စံးဘဢ္ အ၀ဲသ့ဢ္၊ အ၀ဲမ့ဿ္အဲဢ္ဒိးဟဲက့ၯဟဲက့ၯ၀ဲသ့၊ ဘဢ္ဆဢ္ဒီး တဿ္ကမဢ္လဿ အမၯတ့ဿ္၀ဲတဖဢ္ ကဘဢ္ကြဿ္ဆဿဢ္မဲာ္၀ဲ၊ ဒ္အဖွံ၀ဲအသိး၊ ကဘဢ္ကူးက့ၯ၀ဲ အတၯသဢ္ ဖဲအ၀ဲဟဲက့ၯက့ၯ အမုဿ္တနံၯ န႔ဢ္လီၯ.

စံးကဒီး၀ဲ၊ အ၀ဲမ့ဿ္ ယူၯကၯတၯ အထံဖိကီဿ္ဖိတဂၯအဃိ၊ ဟဲက့ၯအိဢ္၀ဲသဘ်႕သ့လဿလဿပွဲၯပွဲၯ၊ ဘဢ္ဆဢ္ အတဿ္အိဢ္မူ လဿအပူၯကြံာ္တဖဢ္ မၯအသးဒ္ တဿ္ပနီဢ္သူဖးဒိဢ္ တခါအဃိ၊ ဒ္သဲစး တဿ္သိဢ္ တဿ္သီအိဢ္၀ဲအသိး၊ ကဘဢ္ကြဿ္ဆဿဢ္မဲာ္ ၀ဲဒဢ္လဿအဆိန႔ဢ္လီၯ.

လဿတဿ္အံၯအဃိ၊ အ၀ဲဒဢ္ အိဢ္၀ဲဒဢ္လဿ စီၯဒံၯအရ့ဘံယဢ္ အကီဿ္ပူၯ၊ ဖဲအ၀ဲအသးအိဢ္ (၈၀) ဘ်ဲဢ္၊ လါယူၯထီဢ္ (၁၈) သီ၊ ၂၀၀၃ နံဢ္၊ အ၀ဲဒဢ္ မၯန႔ဿ္ဘဢ္ တဿ္ဆါနးနးကလဲာ္၊ သးပ့ၯနီဢ္အသး၊ ထီဢ္ကူစါ မၯဘ်ါအသးလဿ စီၯပၯဖ့ၯစဲဢ္လ္ (Fisel) အတဿ္ဆါဟံဢ္၊ သူဢ္ပ့ၯနီဢ္သးပ့ၯနီဢ္သး၊ သူတသ့သါတသ့၊ ပွၯဘဢ္ဟ့ဢ္အီၯ အီးစံၯကႜ႔ၯ၊ အဂ့ဿ္ဒ္အံၯ အကလ့ဿ္တမၯလဿၯတဿ္ဘဢ္. ဖဲလါ အီကူာ္ ၁၆ သီ၊ ၂၀၀၃ နံဢ္န႔ဢ္ အ၀ဲသံ၀ဲဒဢ္န႔ဢ္လီၯ.

တဿ္စံး၀ဲလဿ အ၀ဲသံအခါ အဖိခြါသဿဂၯလဿာ္ အိဢ္လဿအကပၯ၊ အဖိအမါလဿ ဟံးန႔ဿ္၀ဲလဿ ပွၯသ့ဢ္ညါ အီၯတဖ္ အဖိအိဢ္၀ဲ ၄၅ ဂၯ၊ လဿပွၯတသ့ဢ္ညါဘဢ္တဖဢ္ အိဢ္၀ဲဂီဿ္မုဿ္န႔ဢ္လီၯ. ဖဲအ၀ဲဒဢ္သံအခါ ဘဢ္တဿ္ပာ္လီၯအီၯဒ္ မူၯစလ့ၯဖိတဂၯဒံး ပွၯပတီဿ္မုဿ္ဖိတဂၯ ဒ္အၾကဿး၀ဲဘဢ္၀ဲ ဒီးအီၯအသိး၊ ပွၯတအိဢ္အါအါဘဢ္. ပွၯလဿအဘဢ္ ဘ်ဳးဘဢ္ဖွိဢ္လဿအီၯတဖဢ္ဒု ကသးအုး၀ဲသဿဢ္၊ ဘဢ္ဆဢ္ တဿ္စိတဿ္ကမီၯလဿ အအိဢ္လဿအစုပူၯ (၈) နံဢ္န႔ဢ္ အတဿ္ပဿတဿ္ျပးလဿ အလီၯပ်ံၯလီၯဖုး Reign of Terror မ့ဿ္တဿ္ခံးလုာ္ဘဿကြံာ္ ကီဿ္ယူၯကၯတၯ တဿ္သြံဢ္အက်ိယြၯလီၯလဿ ယူၯကၯ တၯအပူၯ၊ မ့ဿ္တဿ္ကတီဿ္အဿသီ တုၯဒဢ္လဲာ္၊ ပွၯအစိဢ္တဖဢ္ ပူဢ္ထီဢ္အသး ဒ္ကစဿဿ္ ဖိတလူဿ္အသိး အဃိ၊ လဿယူၯကၯတၯ အထံဖိကီဿ္ဖိအမဲာ္ခ်ံပူၯ၊ တဿ္ထံဢ္ တဿ္မၯသံမၯ၀ီ၊ တဿ္မၯသအုးသပွီၯ တဿ္တဖဢ္အံၯ ဟးထီဢ္ကြံာ္တသ့ညီညီဘဢ္.

တဿ္ဒုးသ့ဢ္နီဢ္ထီဢ္ပွၯလဿ တုၯပွၯကညီ အိဢ္ဒီးတဿ္စိတဿ္ကမီၯန႔ဢ္ တဿ္စိတဿ္ကမီၯကးဘဿ၊ မၯဘ်ီဢ္အမဲာ္၊ ဂ့ၯဂ့ၯ၊ အဿဂ့ၯ၊ ဘဢ္ဂ့ၯ၊ တဘဢ္ဂ့ၯ၊ ပဲာ္ဖးနီၯဖး၀ဲ နတသ့လဿၯဘဢ္. ယကမူယဲ ထဲတဂၯလီၯ. ပွၯအဂၯမ့ဿ္ယဒုဢ္ယဒါလီၯ. တဿ္လဿ အကကဲထီဢ္တၯဆႈဢ္တၯမဲ လဿယဂီ္ဿ္န႔ဢ္ ယဘဢ္ထဲးကြံာ္အီၯလီၯ. အ၀ဲအံၯ မ့ဿ္ပွၯကညီအန႔ဆဿဢ္န႔ဢ္လီၯ.

အကတဿဿ္န႔ဢ္ ဒ္ပွၯကညီတဂၯပ်ံၯတဿ္သ့၊ အကတီဿ္မ့ဿ္ဘဢ္ ဘဢ္သံစ့ဿ္ကီးလီၯ. တဿ္အံၯ တဿ္စိ တဿ္ကမီၯစိရိၯ မၯဘ်ီဢ္အမဲာ္ တဆိကမိဢ္၀ဲနီတဘ်ီဘဢ္. သ့ဢ္နီဢ္ထီ္ဢ္ မ့ဢ္အူလဿ အလီၯ ဂူာ္န႔ဢ္ အဖဢ္ဆါကိဿ္ဒံး၀ဲ၊ တဿ္သြံဢ္န႔ဢ္ အဆဿကတီဿ္မ့ဿ္ဘဢ္ ကိးထီဢ္တဿ္လီၯ. ႃနပုဿ္အိဢ္ဖဲလဲဢ္.႗

(ဟံးန႔ဿ္အီၯလဿ ဖုကႜ႔မ္စ္ အလံာ္ ႃလံာ္တဿ္ကူဢ္သ့တဿ္သ့ဢ္ညါအကလုာ္ကလုာ္ အကူာ္ ၇႗ အပူၯန႔ဢ္လီၯ.)


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

October 28, 2010

ကႜဴလံယဿးစ္စံစဿ္ (Julius Caesar)



တခ်ဳးလဿ ခ်.ခ.န ၇၆ နံဢ္ဒံးဘဢ္န႔ဢ္ ပွၯသးစဿ္အိဢ္၀ဲတဂၯ၊ အညဢ္၀ါ၀ါ၊ အမဲာ္ခ်ံသူ၊ ဘဢ္တဿ္ဖီဢ္န႔ဿ္ အီၯလဿ ပီဢ္လဲဢ္တမ်ာ္ (ပင္လယ္ဓားျပ) တဖု၊ ကြဿ္လီၯ ပွၯသးစဿ္တဂၯအံၯ ဟ့ဢ္လီၯ၀ဲအကလုဿ္လဿ ပွၯကဘဢ္ဟ့ဢ္စ့ (၂၀) ဘးလီၯ. ပွၯသးစဿ္ တဂၯအံၯ ကြဿ္ဃီၯတမ်ာ္ခိဢ္တဂၯအမဲာ္၊ စံး၀ဲ ယၯအံၯ ယပွ႔ၯအိဢ္ဒဢ္ (၂၀) လီၯဧါ. တကးဘဢ္၊ ယပွ႔ၯအိဢ္ (၅၀) မုဿ္တနံၯ ယမ့ဿ္ပူၯဖ်ဲး ယကဟဲက့ၯမၯသံ ကြံာ္သုကိးဂၯဒဲးလီၯ.

ဒ္အ၀ဲစံး၀ဲအသိး၊ မုဿ္တနံၯ အ၀ဲထူဢ္ဖ်ဲးထီဢ္လဿ တမ်ာ္တဖဢ္အစုပူၯ၊ အ၀ဲဒဢ္ကရဿကရိ ထီဢ္၀ဲဒဢ္
သုးဖိလဿထံတဖု၊ အ၀ဲဒဢ္ လဲၯဒုးမၯနဿၯကြံာ္ တမ်ာ္တဖဢ္ခဲလဿာ္၊ ဟံးန႔ဿ္က့ၯအစ့ (၅၀) စ့ဿ္ကီး န႔ဢ္လီၯ. လဿခံ အ၀ဲဒဢ္ ထီဢ္မၯလိဘဢ္တဿ္လဿ ဖႜဢ္စိမိၯ၊ မ့ဿ္ပွၯသးတဂၯလဿ အိဢ္ဒီးဂံဿ္ဒီးဘါ၊ တဿ္သူဢ္ဒူ သးဒူတဂၯန႔ဢ္လီၯ. အမံၯမ့ဿ္၀ဲ ကႜဴလံယဿးစ္စံစဿ္ (Julius Caesar) န႔ဢ္လီၯ. စံစဿ္ အခီပညီ မ့ဿ္စီၯပၯ၊ စံစဿ္ တဿ္ကိးအသီဢ္ဟဲလဿ ရိမ့ၯတဿ္ကိး သီဢ္၀ဲလဿ ကဲစဿ္န႔ဢ္လီၯ.

ကႜဴလံယဿးစ္စံစဿ္ ဖဲအမိဿ္ အိဢ္ဖ်ဲဢ္လီၯအီၯအခါ မ့ဿ္လဿအိဢ္ဖ်ဲဢ္လီၯဘဢ္ကီအဃိ၊ တဿ္ဘဢ္ကြဲးထုးထီဢ္ အီၯ၊ ဆဿကတီဿ္ဖဲန႔ဢ္ခါ ပွၯဖိသဢ္လဿ ပွၯဘဢ္ကြဲးထုးထီဢ္အီၯလဿ အမိဿ္အဟဿဖဿအပူၯန႔ဢ္ ဘဢ္တဿ္ ကိးအီၯလဿ စံၯစၯရ့ယ့ဢ္ အီးပရ့ရွဿဢ္ (Caesarean Operation) န႔ဢ္လီၯ. အ၀ဲဒဢ္ အမံၯအံၯက်ဿဿ္ဘဿ ဒံး၀ဲ စိၯတုၯခဲကနံဢ္အံၯန႔ဢ္လီၯ.

မ့ဿ္ပွၯအိဢ္ဒီး တဿ္ကူဢ္ဘဢ္ကူဢ္သ့တဂၯ၊ အိဢ္ဒီး တဿ္သူဢ္ဒူသးဒူအဃိ၊ အ၀ဲဒဢ္ဆဿထဿဢ္လဿ တဿ္တီ တဿ္လိၯ အဂီဿ္န႔ဢ္လီၯ. အဂ့ဿ္ဒ္အံၯ၊ ဖဲအ၀ဲဒဢ္အစိၯ မ့ဿ္ရိမ့ၯပဿတဿ္အစိၯ၊ မၯနဿၯမၯဃဢ္ထံဖိကီဿ္ဖိ အီဢ္တုာ္အီဢ္ကလီၯ ထံဖိကီဿ္ဖိ၊ ပဒိဢ္ပပွဿ္ ပဿထံျပးကီဿ္တဖဢ္ ဟံးန႔ဿ္ ခိဢ္ဖးလာ္ဆွိး၊ အီဢ္ကဘ်ံးကဘ်ဢ္ ဃုဒဢ္ထဲအ၀ဲသ့ဢ္အဘ်ဳး၊ အသကဲာ္ပ၀း လီၯရဿဿ္လီၯစဿဿ္ တုၯမၯက့ၯတသ့လဿၯဘဢ္န႔ဢ္လီၯ.

ပွၯကြဲးရိမ့ၯအတဿ္စံဢ္စိၯႏုာ္တဂၯလဿအမ့ဿ္ ႃအဲးဒ၀ဿးကံးဘိဢ္႗ (Edward Gibbon) စံး၀ဲ၊ ႃႃရိမ့ၯ တဘဢ္ တဿ္တ့ထီဢ္ဘွီထီဢ္အီၯလဿ တနံၯတသီတီဿ္ပူၯဘဢ္. ဘဢ္ဆဢ္ တုၯအလီၯပွီဿ္တခီ လီၯပွီဿ္ကြံာ္၀ဲ ဒဢ္လဿ တနံၯတသီအပူၯန႔ဢ္လီၯ.႗႗

တဿ္အိဢ္ထီဢ္လဿအသးကံဿ္ပူၯ၊ ယကဘဢ္အုဢ္က့ၯခီဢ္က့ၯ ရိမ့ၯလီၯ. ခ့ခါဖဲန႔ဢ္ တဿ္ပဿတဿ္ျပးလဿ အိဢ္ဒီး တဿ္စိတဿ္ကမီၯန႔ဢ္ မ့ဿ္ပွၯကူဢ္လိာ္တဿ္အထီတဖုမ့ဿ္၀ဲ စံန႔း (Senate) ဆွဿဖ်ီးကြံာ္အီၯဆူ ကီဿ္စပ့ဢ္ (Spain)၊ ကဘဢ္လဲၯပဿတဿ္ဖဲန႔ဢ္ ဒ္စီၯပၯခဿဢ္စးတဂၯ ထဲတနံဢ္ဧိၯ၊ ဖဲအ၀ဲလဲၯအိဢလဿ စပ့ဢ္ကီဿ္န႔ဢ္ အ၀ဲဒဢ္ ကရဿကရိထီဢ္၀ဲဒဢ္ ရိမ့ၯအသုးမုဿ္တဖု၊ ကိး၀ဲအမံၯလဿ ႃလ့းကူၯ႗ (Legion)၊ အခီပညီ ပွၯသုးဖိအိဢ္၀ဲဃုကထိ၊ အ၀ဲလဲၯဒုးမၯဟးဂီၯကြံာ္ ပွၯတမ်ာ္ တဿ္လဿပီဢ္လဲဢ္ပူၯတဖဢ္၊ အ၀ဲဒဢ္ အိဢ္ဒ္သိး အီဢ္ဒ္သိး အပွၯသုးဖိတဖဢ္၊ တဿ္စူၯတဿ္ကိဿ္ တစးဘဢ္၊ အသုးဖိတဖဢ္အဲဢ္အီၯ၊ ပာ္ကဲအီၯ၊ တကးဘဢ္ အ၀ဲဒဢ္ မၯလဲဿ္ထီဢ္ရိမ့ၯအဘီအမုဿ္ ဒံးန႔ဢ္လီၯ.

တနံဢ္၀ံၯအလီဿ္ခံ အ၀ဲဟဲက့ၯတုၯက့ၯဆူ ၀့ဿ္ရိမ့ၯ ဒ္ရိမ့ၯသုးခိဢ္လဿ အမၯနဿၯတဿ္တဂၯအသိး၊ အစိအကမီၯ ဒိဢ္ထီဢ္၊ လဿခံ ဒ္သိးအ၀ဲကမၯန႔ဿ္ဘဢ္ တဿ္စိတဿ္ကမီၯအဂီဿ္ အ၀ဲပာ္ဖွိဢ္ပာ္ သုးအဂံဿ္ အဘါ၊ မၯသကိးဃုာ္တဿ္ဒီး သဲထံဖးဒိဢ္ကရၯထူ၊ ဒီးသုးခိဢ္ဖးဒိဢ္၊ ပီဢ္ပ့ဢ္ (Pom Pay) ဖဲ ခ်.ခ.န. ၅၉ နံဢ္န႔ဢ္ အ၀ဲဘဢ္တဿ္ဃုထဿထီဢ္အီၯဒ္ ကီဢ္ကးကီဿ္ခိဢ္ (Council President) တဂၯန႔ဢ္လီၯ. ဖဲ အဆဿ ကတီဿ္န႔ဢ္ ရိမ့ၯအတဿ္ပဿတဿ္ျပးသႏူ မ့ဿ္၀ဲ တဿ္ဘဢ္ဃုထဿထီဢ္ ကီဢ္ကးကီဿ္ခိဢ္ ခံဂၯ၊ လဿစံန႔း (Senate) ကရဿဖိ၊ ဒီး ကီဿ္ခိဢ္ခံဂၯအံၯ အစိအကမီၯ အိဢ္၀ဲထဲသိးသိး၊ တဿ္ဃုထဿမ့ဿ္၀ဲထဲ တနံဢ္ န႔ဢ္လီၯ.

တဿ္နီဿ္နီဿ္န႔ဢ္ အထံဖိကီဿ္ဖိတဖဢ္ အိဢ္ဒီးအရူာ္အသဲးလဿအဂ့ၯ ၀ဲကစီဒီ၊ ဘဢ္ဆဢ္ ဖဲအ၀ဲသ့ဢ္ဒုးနဿၯ၊ မၯနဿၯ၊ မၯန႔ဿ္ ပွၯအထံအကီဿ္အဂၯတဖဢ္အခါ အ၀ဲသ့ဢ္ သူတဿ္စိတဿ္ကမီၯ၊ တလဿကြံာ္အခဿး အ၀ဲသ့ဢ္ အဲဢ္ဒိးအိဢ္မုာ္အဃိ၊ လိဢ္ဘဢ္က်ိဢ္စ့၊ လိဢ္ဘဢ္မုာ္သယုဿ္ အပီးအလီ၊ လဿလိဢ္၀ဲအဃိ၊ ဃ့တဿ္ခိတဿ္သြဲ လဿထံဖိကီဿ္ဖိ၊ အီဢ္ကဘ်ံးကဘ်ဢ္၊ ဟံးန႔ဿ္ခိဢ္ဖးလာ္ဆွိး၊ ထံဖိကီဿ္ဖိတဖဢ္ ဖွီဢ္လီၯယာ္ လီၯ၊ ပွၯလဿ အတူဿ္ဘဢ္တဿ္နးကတဿဿ္န႔ဢ္ မ့ဿ္ထံဖိကီဿ္ဖိလဿ အအိဢ္ဘဢ္လဿ ရိမ့ၯ တဿ္ပဿတဿ္ျပး အဖီလာ္တဖဢ္န႔ဢ္လီၯ.

တုၯတဿ္မၯအသးဒ္အံၯ စံစဿ္ ထံဢ္ဘဢ္လဿ ပဒိဢ္ပပွဿ္တဖဢ္လဿ အဆူးအီဢ္ထံဖိကီဿ္ဖိသြံဢ္ အဃိန႔ဢ္ အ၀ဲသ့ဢ္တဖဢ္ ကဲဒိဢ္ကဲပွဿ္ ပွ႔ၯဟီဢ္ခိဢ္ကပံာ္၊ အိဢ္ဒီး ကုဿ္ဒီးခ့ဒီးပွၯ၊ မ့မ့ဿ္ထံဖိကီဿ္ဖိတဖဢ္ ဖွီဢ္လီၯယာ္လီၯ အါထီဢ္အါထီ္ ၀ဲဒဢ္န႔ဢ္လီၯ.

စံစဿ္ သုးက်ဲၯတဿ္တမံၯလဿ ရိမ့ၯသုးဖိလဿ အလဲၯအိဢ္လဿထံကီဿ္ဂၯ၊ ဟဲက့ၯဘဢ္က့ၯဆူ ရိမ့ၯ အပူၯတဖဢ္ ကဘဢ္တဿ္ဟ့ဢ္အ၀ဲသ့ဢ္လဿ ကပံာ္ဟီဢ္ခိဢ္အဂီဿ္ အ၀ဲဒဢ္ဆွဿထီဢ္ တဂ့ဿ္အံၯ ဆူ ဘ်ီဢ္ဒိဢ္ဒ္သိး တဿ္ကပာ္ဂဿဿ္ပာ္က်ဿၯအီၯ လဿသဲစး ဘဢ္ဃးပွၯသုးဖိတဖဢ္ ကမၯန႔ဿ္ဘဢ္စ့ဿ္ကီး ဟီဢ္ခိဢ္ကပံာ္အဂီဿ္န႔ဢ္လီၯ. ဘ်ီဢ္ဒိဢ္တခီထီဒါအီၯ၊ ဘဢ္ဆဢ္ လဿခံအ၀ဲဒဢ္ မၯနဿၯတဿ္န႔ဢ္လီၯ. လဿအမၯ၀ဲဒ္န႔ဢ္အဃိ စံန႔း ကရဿဖိတဖဢ္ထီဒါအီၯ မ့ဿ္လဿအ၀ဲဒဢ္ ကဲထီဢ္ဘဢ္ကီဢ္ကး ကီဿ္ခိဢ္ တနံဢ္အဃိ၊ တနံဢ္၀ံၯအလီဿ္ခံ အ၀ဲဘဢ္ တဿ္ဆွဿဖ်ီးကဒီးအီၯဆူ ဂီလ္အကီဿ္ (Gaul) ဒ္စီၯပၯ ခဿဢ္စး တဂၯအသိးန႔ဢ္လီၯ.

အ၀ဲမ့ဿ္ခိဢ္နဿ္လဿအဂ့ၯတဂၯ တကးဘဢ္၊ မ့ဿ္စ့ဿ္ကီး သုးခိဢ္ဖးဒိဢ္တဂၯ၊ ဘဢ္တဿ္အဲဢ္အီၯလဿ အသုးဖိ၊ ယူးယီဢ္အီၯ၊ ဒိကနဢ္အကလုဿ္န႔ဢ္လီၯ. အဲဢ္အသုးဖိတဖဢ္၊ အသုးဖိတဖဢ္ မၯန႔ဿ္ဘဢ္ လါလဲဘဢ္ဆဢ္၊ ဟ့ဢ္တဿ္သဘ်႕လဿ အပွၯသုးဖိတဖဢ္ ကသူဢ္ဖွံသးညီဘဢ္. မ့မ့ဿ္သုးအတဿ္ သိဢ္တဿ္သီန႔ဢ္ ဖီဢ္၀ဲဃံးမး၊ အပွၯသုးဖိမ့ဿ္မၯကမဢ္ တဿ္သိဢ္တဿ္သီတဂၯဂၯ ဟ့ဢ္၀ဲတဿ္ကမဢ္ ဆါဆါ န႔ဢ္လီၯ.

အ၀ဲတအိဢ္လဿ အဟံဢ္ဘဢ္. အိဢ္ဒဢ္လဿ အသုးဖိတဖဢ္အက်ါ၊ မ့ဿ္ပွၯလဿ အဒိးကသ့ဢ္သ့မး တဂၯ၊ တဿ္စံး၀ဲလဿ ဖဲအ၀ဲဒဢ္ဒိးကသ့ဢ္အခါန႔ဢ္ တနံၯန႔ဢ္ လဲၯတဿ္အမံၯလာ္ (၁၀၀) ညါန႔ဢ္လီၯ. တဿ္ဂ့ဿ္လဿ အ၀ဲဒဢ္ ကဘဢ္တီဢ္ထီဢ္၀ဲဒဢ္ဆူထးတဖဢ္န႔ဢ္ ဖဲအ၀ဲဒဢ္ဒီးကသ့ဢ္ အခါ အထးခိဢ္န႔ဢ္ ဟူး၀း၀ဲထီဘိ၊ အဂ့ဿ္ဒ္အံၯ တဿ္လဿအ၀ဲကဘဢ္ကြဲး၀ဲ၊ တီဢ္ထီဢ္၀ဲတဖဢ္ အ၀ဲမၯအတဿ္မၯ ဖဲ အအိဢ္လဿ ကသ့ဢ္အဖီခိဢ္ဒဢ္လဲာ္န႔ဢ္လီၯ.

တဘ်ီဘ်ီဖဲပွၯယီးအီၯ လဿဒဲအပူၯ၊ (ဒ္ပထံဢ္နီဿ္ပၯမုဢ္ လဿပွၯယိးအီၯလဿခးအပူၯ၊ လြံဿ္ဂၯယိးအီၯ)၊ အ၀ဲဒဢ္ ကြဲးနီဢ္ကြဲးဃါတဿ္လဿ ကမၯအသး၊ ဟဲခီဖ်ိဘဢ္၀ဲတဖဢ္၊ တဿ္ကြဲးနီဢ္ ကြဲးဃါ တဖဢ္ အိဢ္၀ဲဂ့ၯဂ့ၯဘဢ္ဘဢ္ လီၯ. အ၀ဲဒဢ္လဲၯ၀့ၯ၀ီၯလဿ ကီဿ္ယူရပၯ မုဿ္ႏုာ္တကပၯ၊ မၯနဿၯကြံာ္ဒုဢ္ဒါ တဖဢ္၀ံၯ၊ ဖဲအဟဲက့ၯဒီး အသုမုဿ္ (လ့ၯကူၯ) ပာ္လီၯအတဿ္အိဢ္တဿ္ဆိး ဖဲ ပိကစဿဿ္ကဆူး (ပိုးေတာင္ၾကား) အခါ ဒိးန႔ဿ္ဘဢ္ တဿ္ကလုဿ္ဆူဢ္မးလဿ ကဟဲပာ္ဖ်ါထီဢ္အသး လဿ စံန႔း အမဲာ္ညါ၊ စံး၀ဲပွၯလဿ အမၯလဲဿ္ထီဢ္ အထံအကီဿ္ဖဲအသး တဂၯန႔ဢ္ ကဟဲက့ၯပာ္ဖ်ါ ထီဢ္အသးလဿ စံန႔းအမဲာ္ညါ လဿ ကတိၯပူၯဖ်ဲးအသး အဂီဿ္တက့ဿ္.

မ့ဿ္လဿရိမ့ၯတဿ္ပဿ တဿ္ဟးဂူာ္ဟးဂီၯ၊ တဿ္လီၯရဿဿ္လီၯစဿဿ္အိဢ္ထီဢ္၀ဲ၊ အ၀ဲဒဢ္ဒ္သိး ကအုဢ္က့ၯ ခီဢ္က့ၯရိမ့ၯအဂီဿ္၊ ဖဲ ခ်.ခ.န. ၄၉ နံဢ္၊ လါယႏူၯအါရံၯ ဘဢ္တနၯ ဖဲ တဿ္စူၯဒိဢ္မး အခါ န႔ဢ္အ၀ဲဒဢ္ စံဢ္ညီဢ္တဲာ္တဿ္ တခါ၀ံၯ၊ ဃုာ္ဒီး အသုးမုဿ္သံဢ္ဘိတဖဢ္ ခီဂာ္၀ဲတဿ္လီဿ္ တတီၯ လဿအမ့ဿ္ ႃရူၯတံၯကီၯခႜီ႗ ဒ္ပစံးတဿ္အသိး၊ အ၀ဲဒဢ္ဒီး အသုးမုဿ္တဖဢ္ ပဿဿ္ဆဿက့ၯ စံန႔း လံ.

လဿတဿ္ထီဒါအီၯ စံန႔းပ်ဿ္လီၯအသုးမုဿ္တဖဢ္၊ ဘဢ္ဆဢ္ စံန႔း အသုးမုဿ္ခဲလဿာ္န႔ဢ္ ဟဲႏုာ္လီၯ က့ၯဆူ အ၀ဲဒဢ္အပူၯ ခဲလဿာ္န႔ဢ္လီၯ. ဖဲ ခ်.ခ.န. ၄၈ အ၀ဲဒဢ္ဘဢ္သဂဿဿ္လိာ္သးဒီး ပီဢ္ပ့ဢ္ အသုးမုဿ္ဒီး အ၀ဲဒဢ္ မၯနဿၯကြံာ္ပီဢ္ပ့ဢ္အဃိ၊ အ၀ဲမ့ဿ္ပွၯလဿ အမၯနဿၯတဿ္ လဿလဿပွဲၯပွဲၯ တဂၯန႔ဢ္လီၯ.

ဖဲအ၀ဲဟဲက့ၯႏုာ္လီၯဆူ ၀့ဿ္ရိမ့ၯအခါ ထံဖိကီဿ္ဖိတဖဢ္ သဂဿဿ္အီၯ၊ ခိးလီၯအခိဢ္လဿက်ဲပူၯ၊ အ၀ဲဒဢ္ ကမ့ဿ္ပွၯပဿဘဢ္ရိမ့ၯ အဘီအမုဿ္အဃိ၊ လဿအခိဢ္၊ ကုာ္ထီဢ္၀ဲဒီး သ့ဢ္စၯယံးအခိဢ္ သလုး တဘ်ီဃီ တဿ္ဟ့ဢ္အီၯ မံၯလၯသဢ္ကပီၯလဿအမ့ဿ္ ႃအ့ၯပဿၯရ့ထဿဢ္႗ (Imperator) န႔ဢ္လီၯ. (ဒ္ပစံးတဿ္အသိး၊ ပွၯအိဢ္ဒီးအကလုဿ္၊ တဿ္စိတဿ္ကမီၯတဂၯ.)

ဘဢ္ဆဢ္ အ၀ဲဒဢ္ တတူဿ္လိာ္၀ဲ ဒ္အမ့ဿ္စီၯပၯတဂၯအသိးဘဢ္. အဂ့ဿ္ဒ္အံၯ လဿအဘဢ္ဃးဒီး စီပၯသႏူန႔ဢ္ ထံဖိကီဿ္ဖိတဖဢ္ အသးခဢ္လဿာ္လံ အဃိန႔ဢ္လီၯ. အ၀ဲဒဢ္ အလီဿ္အလၯန႔ဢ္ မ့ဿ္ဒဢ္ ကီဢ္ကးကီဿ္ခိဢ္တဂၯ န႔ဢ္လီၯ. အ၀ဲဒဢ္ မ့ဿ္မၯန႔ဿ္တဿ္စိတဿ္ကမီၯ လဿာ္လဿာ္ဆ့ဆ့ သနာ္က့ ရိမ့ၯဘီမုဿ္သဲစးတဿ္သိဢ္တဿ္သီတဖဢ္ တမၯဟးဂီၯ၀ဲဘဢ္. ပွၯလဿ ကကဲဘဢ္ ကီဢ္ကး ပွၯပဿၯလီဿ္ဆ့ဢ္နီၯ ႃမးခ္အဲဢ္ထိနယိဢ္႗ (Mark Antonio) တဂၯ အိဢ္ဒဢ္အမံၯလီၯ မၯတဿ္ တသ့နီတမံၯဘဢ္.

အ၀ဲဒဢ္ မၯအါထီဢ္ စံန႔းခဿဢ္စးနီဢ္ဂံဿ္၊ ကုဿ္တဖဢ္ ထူဢ္ဖ်ဲးထီဢ္ဒီး ဂီလ္ထံဖိကီဿ္ဖိတဖဢ္ ကဲထီဢ္ ဘဢ္ရိမ့ၯထံဖိကီဿ္ဖိသ့၀ဲဒဢ္ န႔ဢ္လီၯ. ဟ့ဢ္စ့ဿ္ကီး တဿ္သဘ်႕လဿ ယူဒၯဖိတဖဢ္အဂီဿ္၊ မၯအါထီဢ္ စံာ္လီဿ္ပွဲၯလီဿ္၊ မၯဂ့ၯထီဢ္၊ မၯဂုၯထီဢ္ပသီထီဢ္က့ၯခူ၀့ဿ္တဖဢ္၊ ပွၯမၯနဿၯမၯဃဢ္ ထံဖိကီဿ္ဖိ၊ ပွၯအီဢ္ကလိၯထံဖိကီဿ္ဖိတဖဢ္ ဟ့ဢ္၀ဲတဿ္ကမဢ္ ဆါဆါဒီး တဿ္လဿအမၯ၀ဲ အဂ့ၯ ကတဿဿ္တမံၯန႔ဢ္ အ၀ဲကိးန႔ဿ္ပွၯသ့ဒြးမုဿ္ဒြးလါ ႃကႜ႔နံ႗ လဿအအိဢ္လဿ ၀့ဿ္အလံၯစဿ္ျဒဴး တဂၯ ဒ္သိးကမၯကဲထီဢ္ လံာ္နံဢ္လံာ္လါ ဒီး ကဲထီဢ္၀ဲဒဢ္န႔ဢ္လီၯ.

အ၀ဲဒဢ္ မၯဟါမဿ္ကြံာ္တဿ္ပွ႔ၯတဿ္ဆါ မဿကုဿ္အီဢ္ပွၯအသႏူ လုဿ္အီဢ္လုဿ္အီ ပွၯဖွီဢ္ဖိယာ္ဖိ တဖဢ္၊ တဿ္ပဿတဿ္ျပး လဿညါမ့ဿ္ပွၯတဖုပွၯတဒူဢ္ ကဲဒိဢ္မၯသ့အီဢ္ဘဢ္၊ မၯဟါမဿ္ကြံာ္ ဒီး ထံကီဿ္၊ က၀ီၯတဖဢ္ ကပဿလီၯဒဢ္အသး၊ ဘွီထီဢ္က်ဲမုဿ္က်ဲဘိ၊ ဒ္သိးတဿ္လဲၯတဿ္က့ၯ ကညီ အဂီဿ္လီၯ.

ပွၯဃိထံတဿ္ဖိတဖဢ္ စံး၀ဲလဿ လဿကီဿ္မုဿ္ႏုာ္တဖဢ္ အတဿ္ပဿတဿ္ျပးအသႏူဒီး အတဿ္ဆဲး တဿ္လၯတဖဢ္န႔ဢ္ မ့ဿ္ဒဢ္ စံစဿ္ အတဿ္ပဿတဿ္ျပးအသႏူ လဿညါတဖဢ္ ဘဢ္တဿ္လူၯမၯပိာ္ ထြဲအီၯန႔ဢ္လီၯ. လဿက်ဲတဘိန႔ဢ္ စံစဿ္ မ့ဿ္သံသနာ္က့၊ အ၀ဲဒဢ္အစိအကမီၯ က်ဿဿ္ဘဿဒံး ကီဿ္မုဿ္ႏုာ္ အတဿ္ဖံးတဿ္မၯတဖဢ္ လဿက်ဲတဘိဘိ န႔ဢ္ ပစံးပ၀ဲဒဢ္ သ့န႔ဢ္လီၯ.

(ဟံးန႔ဿ္အီၯလဿ ဖုကႜ႔မ္စ္ အလံာ္ ႃလံာ္တဿ္ကူဢ္သ့တဿ္သ့ဢ္ညါအကလုာ္ကလုာ္ အဘ့ဢ္ ၇႗ အပူၯ န႔ဢ္လီၯ)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....