လံာ္စီဆွံအမုဿ္နံၯ (လါအီကဿး သဿႏြံတႏြံ)

လဿထံဂၯကီဿ္ဂၯ လံာ္စီဆွံအမုဿ္နံၯဘဢ္တဿ္မၯအီၯလဿ လါဒံဢ္စဲဘဿဢ္၊ မ့မ့ဿ္လဿ ကီဿ္ပယီၯ အပူၯ အံၯ ဘဢ္တဿ္မၯအီၯဖဲ လါအီကဿး သဿႏြံတႏြံလီၯ. မုဿ္နံၯအံၯ ဘဢ္တဿ္ဒုးအိဢ္ထီဢ္အီၯအဆိကတဿဿ္ လဿကီဿ္အဲကလံး ဒ္သိးကဒုးအိဢ္ထီဢ္ တဿ္အိဢ္ဖွိဢ္အတဿ္မၯသကိးဒီး လံာ္စီဆွံကရဿလီၯ. နံၯအံၯ အါတက့ဿ္ တဿ္သူဢ္၀ံဢ္သးဆဿ တဿ္ကတိၯတဖဢ္ ဘဢ္ဃးဒီး လံာ္စီဆွံ အလုဿ္အပွ႔ၯအဂ့ဿ္ ဒီး တဿ္ထဿ ဖွိဢ္စ့ဿ္ကီး တဿ္မၯဘူဢ္လီၯဆီလဿ လံာ္စီဆွံကရဿ အတဿ္ဖံးတဿ္မၯအဂီဿ္လီၯ.

လံာ္စီဆွံကရဿ အတဿ္တိာ္ထူဒီး အမီထိဢ္မ့ဿ္၀ဲ (လံာ္စီဆွံလဿ ဟီဢ္ခိဢ္ဒီဖ်ဿဢ္ အဂီဿ္န႔ဢ္လီၯ.) လံာ္စီဆွံ ကရဿက်ဲးစဿးဒ္သိး ပွၯခရံာ္ဖိကိးဂၯဒဲးကအိဢ္ဒီး အလံာ္စီဆွံဒဢ္၀ဲစုာ္စုာ္ ဒီး ပွၯလဿ တတူဿ္လိာ္ဒံး ခရံာ္ တဖဢ္ ကဖးဘဢ္တဿ္သးခုကစီဢ္အလံာ္ဖိ တဖဢ္အဂီဿ္ န႔ဢ္လီၯ. ဖဲပမၯလံာ္စီဆွံ အမုဿ္နံၯအံၯ ပွၯလဿ ပကဘဢ္သ့ဢ္နီဢ္မ့ဿ္ပိာ္မုဢ္ ဖိသဢ္ မ့ၯရံၯကႜိန္စ္ (Mary Jones) လီၯ. ပိာ္မုဢ္ဖိသဢ္အံၯအိဢ္လဿ ကီဿ္ ၀့လ္စ္ (Wales) လီၯ. ဖဲအ၀ဲ ထံဢ္ဒီးနဿ္ဟူပွၯစံဢ္တဲၯတဲလီၯတဿ္၊ ပွၯစိာ္တဿ္သးခုကစီဢ္တဖဢ္ ဒီး တဿ္အိဢ္ဖွိဢ္သရဢ္တဖဢ္ ဖးလံာ္စီဆွံဒီး စံဢ္တဲၯတဲလီၯတဿ္န႔ဢ္ တဿ္ထိ္ဢ္ဟူးထိဢ္ဂဲၯ အသးဒီး အဲဢ္ဒိး ဖးလံာ္စီဆွံလီၯ. အ၀ဲက်ဲးစဿးမၯလိ လံာ္စီဆွံ ဒ္သိး ဖးလံာ္ကဘဢ္ဒီး ကဖးဘဢ္လံာ္စီဆွံလီၯ. တုၯအ၀ဲ ဖးလံာ္ဘဢ္န႔ဢ္ ပာ္လီၯအသးလဿ ကဘဢ္ဃုပွ႔ၯ လံာ္စီဆွံ တဘ့ဢ္လီၯ. အဆဿကတီဿ္အခါဖဲန႔ဢ္ လံာ္စီဆွံ ကၯဒိဢ္မး လဿတဿ္အိဢ္ဖွိဢ္သရဢ္ အဂီဿ္ဒဢ္လဲာ္ လံာ္စီဆွံ တလဿတလီဿ္ဘဢ္ဒီး အပွ႔ၯဒိဢ္မးလီၯ.

ဖဲ ၁၇၉၀ နံဢ္န႔ဢ္ မ့ရ့ဢ္ကႜိန္စ္ နဿ္ဟူ၀ဲလဿ သရဢ္ဒိဢ္သီမါ ခႜါလ္ (Thomas Charles) လဿ၀့ဿ္ဘးလး (Bala) အိဢ္ဒီး အလံာ္စီဆွံခံဘ့ဢ္န႔ဢ္လီၯ. အ၀ဲပာ္ဖွိဢ္အတိဿ္ဖိလဿ ကပွ႔ၯန႔ဿ္လံာ္စီဆွံအဂီဿ္လီၯ. တုၯအတိဿ္အိဢ္ပွဲၯထီဢ္ တရွ႕ဢ္လ့ဢ္ ကလီၯလဿပစ့ တဘးဘ်ဲဢ္ဘ်ဲဢ္န႔ဢ္ အ၀ဲပာ္အသးလဿ ကလဲၯပွ႔ၯ လံာ္စီဆွံဘဢ္ဆဢ္ အပဿ္ဆါအဃိ တိဿ္အံၯ ဘဢ္ဆိးကါ၀ဲလဿ အပဿ္အဂီဿ္ န႔ဢ္လီၯ. အ၀ဲစးထီဢ္ပာ္ဖွိဢ္ ကဒီး တိဿ္အသီတဘ်ီ ဒီးတုၯအပွဲၯထီဢ္ တရွ႕ဢ္လ့ဢ္န႔ဢ္ ဟးထီဢ္လဿအဟံဢ္ဒ္သိး ကလဲၯပွ႔ၯ လံာ္စီဆွံ လီၯ. တဿ္ဒ့ဢ္စဿၯ လဿကဘဢ္လဲၯ၀ဲ စီၯစုာ္ (၅၀) မံးလာ္ညါလီၯ. ဘဢ္ဆဢ္ ဒ္အတဿ္ပာ္လီၯ အသးအသိး လဲၯ၀ဲ လဿတဿ္သးခုအပူၯလီၯ. တုၯအလဲၯတုၯဆူ သရဢ္သိမါအအိဢ္တခီ သရဢ္တဲအီၯ လဿ အဆါကြံာ္တ့ဿ္လံ လံာ္စီဆွံ တဘ့ဢ္လံ အိဢ္တ့ဿ္ထဲအကစဿ္ဒဢ္၀ဲ အဂီဿ္တဘ့ဢ္လီၯ. တုၯမ့ရ့ဢ္ကႜိန္စ္ နဿ္ဟူတဿ္အံၯဒီး ဟီဢ္လဿာ္သးလဿ တဿ္သးဘဢ္ဒိအပူၯလီၯ. အ၀ဲတဲဘဢ္သရဢ္သိမါလဿ တဿ္ဂ့ဿ္တဿ္က်ိၯ ဒီးပာ္ဖ်ါစ့ဿ္ကီး၀ဲ အတဿ္နာ္လဿ ကမၯန႔ဿ္လံာ္စီဆွံလဿသရဢ္အအိဢ္ သပွဿ္ကတဿဿ္လီၯ. တုၯမ့ဿ္သရဢ္နဿ္ဟူ ဖိသဢ္မုဢ္ အတဿ္ကတိၯဒီး သးကညီဘဢ္၀ဲဒိဢ္မးအဃိ ထုးထီဢ္ ဟ့ဢ္၀ဲအလံာ္စီဆွံ လီၯ. ပိာ္မုဢ္ဖိသဢ္အံၯ လဿတဿ္သးခု အပူၯစံးဘ်ဳးစံးဖွိဢ္ သရဢ္ ဖိးဟုထီဢ္အလံာ္စီဆွံ ဒီး က့ၯဃ့ဿ္လဿ တဿ္သူဢ္ခုသးခုဖးဒိဢ္အပူၯလီၯ.

ခီဖ်ိသရဢ္သိမါ ထံဢ္ဘဢ္မ့ရ့ဢ္ကႜိန္စ္ အတဿ္သးအိဢ္မၯန႔ဿ္လံာ္စီဆွံအဃိ ဖဲတဿ္နီၯလီၯလံာ္စီဆွံ ကဘ်ံးကရဿ (The Bible Tracts Society) အကမံးတံာ္ အတဿ္အိဢ္ဖွိဢ္သကိးဖဲ ကီဿ္၀့လ္စ္ လဿ ၁၈၀၄ နံဢ္န႔ဢ္ အ၀ဲဆွဿႏုာ္လဿ တဿ္ကထုးထီဢ္န႔ဿ္ပွၯ၀့လ္စ္ ဖိတဖဢ္ အလံာ္စီဆွံလီၯ. အ၀ဲဆွဿႏုာ္ တဿ္ဂ့ဿ္အံၯ၀ံၯ သရဢ္ဟူဖးစ္ (Huphers) ဂဲၯဆဿထဿဢ္ ကတိၯလဿ တဿ္ဒုးအိဢ္ထီဢ္လံာ္စီဆွံ လဿဟီဢ္ခိဢ္ ဒီဘ့ဢ္အဂီဿ္စ့ဿ္ကီးန႔ဢ္လီၯ. ခီဖ်ိတဿ္ဂ့ဿ္အံၯ ဖဲ ၁၈၀၄ နံဢ္န႔ဢ္ ကီဿ္အဲကလံး ဒီးထံဂၯကီဿ္ဂၯ လံာ္စီဆွံကရဿ (The British and Foreign Bible Society) အိဢ္ထီဢ္၀ဲလီၯ. လဿခံ တဆီဘဢ္တဆီ လံာ္စီဆွံကရဿတဖဢ္ ရၯလီၯအသး တကီဿ္ဘဢ္တကီဿ္တုၯ လဿပထံပကီဿ္လီၯ.

ပ၀ဲပွၯကညီစွီၯ ပလံာ္စီဆွံ ဘဢ္တဿ္ထုးထီဢ္န႔ဿ္ပွၯ ဆူပက်ိာ္ ၀ံၯ၀ဲ လဿာ္လဿာ္ဆ့ဆ့ လဿလဿပွဲၯပွဲၯ ဖဲ ၁၈၅၃ နံဢ္ ခီဖ်ိ သရဢ္ဒိဢ္ ျဖဲးစ့းမ့ၯစံဢ္ (Rev. Francis Mason) အတဿ္က်ဲးစဿးအဃိလီၯ. အလီဿ္အိဢ္လဿ ပကစံးဘ်ဳးကစဿ္ယြၯ ခီဖ်ိသရဢ္မ့ၯစံဢ္လီၯ. ပလံာ္စီဆွံ ပွဲၯထီဢ္အနံဢ္ (၁၀၀) အယူဘလံဢ္ ဘဢ္တဿ္မၯအီၯလဿ ၁၉၅၃ နံဢ္ဖဲ ပွၯကညီဘ်ဿထံခ၀့ရွဿဢ္ လီၯဘဢ္လဿ၀့ဿ္ဒ၀ဲဿ္န႔ဢ္လီၯ.

လံာ္စီဆွံမ့ဿ္ ပတဿ္န႔ဿ္သါလုဿ္ဒိဢ္ပွ႔ၯဒိဢ္ လဿအအိဢ္ဒီးပွၯလီၯ. ဒ္မ့ရ့ဢ္ကႜိန္စ္ မၯန႔ဿ္လံာ္စီဆွံ ဒီး ပွဲၯဒီး တဿ္သးခုအသိး မ့ဿ္ပသးခုလဿ ပမၯန႔ဿ္ လံာ္စီဆွံအဃိကစီဒီဧါ. လံာ္စီဆွံ ဘဢ္တဿ္ထုးထီဢ္ တ့ဿ္လံ အီၯဆူ က်ိာ္လဿ အကထိဘ်ဲဢ္လံ ပဃ့ဘါထုကဖဢ္ဒ္သိး ပွၯကိးကလုာ္ဒဲး ကိးဂၯဒဲး ကမၯန႔ဿ္ လံာ္စီဆွံ အလီဿ္အိဢ္၀ဲလီၯ. ဒ္ခရံာ္ အိဢ္ဒီး အတဿ္အဿဢ္လီၯလဿ ယြၯကလုဿ္ကထါ တမၯဟးဂီၯ ဘဢ္အသိး တဿ္တံာ္တာ္မ့ဿ္အိဢ္ ဘဢ္ဆဢ္ ပနာ္လဿ ယြၯအကလုဿ္ကထါ ကရၯလီၯဘဢ္ဒံး အသးတုၯ လဿတဿ္လဿ တဿ္ပွဲၯတစုလီၯ.

လံာ္စီဆွံအဆဿလဿ ဘဢ္ထြဲဒီး မုဿ္နံၯအံၯ

၅ မိၯ ၈း၃၊ စံး ၁း၁-၂၊ ၁၁၉း၁၀၊ ၁၁၊ ၅၀၊ ၁၀၅၊ ၁၃၀၊ ၁၃၃၊ ယရွါယၯ ၃၄း၁၆၊ ယိၯရွဴ ၁း၈၊ ယံးရမံယၯ ၃၀း၂၀၊ ၂ ကြဲး ၃၄း၃၀-၃၁၊ မး ၇း၂၄-၂၅၊ လူၯ ၂၄း၃၂၊၄၄. ယိၯ ၅း၃၉. ရိမ့ၯ ၁၅း၄. ၂ တံၯ ၂း၁၅၊ ၃း၁၆၊ ၄း၁. ၂ ပ့း ၁း၂၁. အံး ၆း၁၇. လီဿ္ ၁း၃. မး ၂၄း၃၅. ယရွါယၯ ၄၀း၈.

Rev. Jaw Hser Newton

Posted in: မုဿ္နံၯလီၯဆီ