ႃႃဟါဒ့ဢ္႗႗ တဿ္အဲဢ္တဿ္ကြံတဿ္နီၯဟ့ဢ္ (ဖုရိလဲအတဿ္လဲၯခီဖ်ိတဖဢ္ - အကူာ္ ၂)

“Hardy” or Love Share.

ႃႃဟါဒ့ဢ္႗႗ ဖဲအံၯ တမ့ဿ္ပွၯကညီအမံၯဘဢ္. မ့ဿ္ဘွဲအက်ိာ္လဿ အခီပညီမ့ဿ္ တဿ္အဲဢ္တဿ္ကြံတဿ္နီၯဟ့ဢ္ န႔ဢ္လီၯ.

(၁) ႃႃဟါဒ့ဢ္႗႗ လဿသ၀ီဖိအဂီဿ္ - Hardy for Villagers.

တုၯဟံဢ္တဒူဢ္ဒူဢ္ဖ်ီဖိလံၯဒီး ကြဲသရဢ္ဒီး တံၯသကိးလဿသ၀ီအဂၯ၊ ဒီးသုးက်ဲၯလီၯဆီ တဿ္အီဢ္တဿ္အီ လဿသရဢ္အဂီဿ္ တပူၯ၊ ဒီး တံၯသကိးတမွံၯတပ်ီၯ လဿသ၀ီအဂၯအဂီဿ္တပူၯလီၯ. မ့မ့ဿ္ လဿပွၯသ၀ီဖိ အဂီဿ္န႔ဢ္၊ ဟ့ဢ္နီၯ၀ဲဟါဒ့ဢ္ဆူဟံဢ္ကိးဟံဢ္ဒဲးလီၯ. ဟံးကိးဖ်ဿဢ္ဒဲး ဒိးန႔ဿ္ဘဢ္ ႃႃဟါဒ့ဢ္႗႗ ဒီးသးခု၀ဲဒိဢ္မး လီၯ. အါစွၯတစံးဘဢ္. ပာ္ကဲ၀ဲဟါဒ့ဢ္အံၯဒီး ဖီဃုာ္၀ဲလဿ ဒံသဢ္လူဿ္သဢ္၊ အီဢ္ဘဢ္တမီ အသးမံ၊ အီဢ္၀ဲ အိဢ္ဒီး တဿ္သးခု၊ တဿ္ဆဿဂ့ၯဆဿ၀ါ မူးန႔ဢ္လီၯ. တလဲၯအီဢ္လဿပွၯတမွံၯအက်ါဘဢ္. နကိးအီၯဒဢ္လဲာ္ တန႔ဿ္ဘဢ္. အီဢ္ဘဢ္ အဟါဒ့ဢ္ဒီး အသးမံလီၯ. အ၀ဲန႔ဢ္မ့ဿ္သ၀ီဖိဟါဒ့ဢ္ - Hardy for village families လီၯ.

(၂) ဟါဒ့ဢ္လဿဒူဢ္ဖိထဿဖိအဂီဿ္. – “Hardy” for relatives.

ဟါဒ့ဢ္အ၀ဲအံၯ မ့ဿ္တဿ္အဲဢ္တဿ္ဟ့ဢ္နီၯဆူ ဒူဢ္ဖိထဿဖိအိဢ္ယံၯတဖဢ္ အဂီဿ္လီၯ. တဘ်ီ၊ ယတခြါမုဢ္လဿ ကစဿဿ္ခိဢ္တဂၯ ဖ်ီအသးလဿ ကစဿဿ္ခိဢ္အဃိ ယမိဿ္၊ ယ၀ဲဿ္ဒီးယၯ ပလဲၯတတုၯဘဢ္. တဿ္တ့တဿ္ဖ်ီ၀ံၯ လဿခံတႏြံ၊ ယတခြါမုဢ္အ၀ၯ ဟဲလီၯဆူ၀့ဿ္တီအူဒီး ဟဲဟးလဿကႜိလီၯ. ပထံဢ္လိာ္ပသးဒီး ယသံကြဿ္အီၯ၊ မ့ဿ္နဟဲဆါတဿ္ပွ႔ၯတဿ္တမံၯမံၯဧါ.

စံ၀ဲ၊ တဿ္ဂ့ဿ္တအိဢ္နီတမံၯဘဢ္. မ့ဿ္ဒဢ္ယဟဲလီၯဆွဿန႔ဿ္သု ႃႃဟါဒ့ဢ္႗႗ လီၯ. ဒီးထုးထီဢ္ထိးညဢ္သဿလိဢ္ ဒီးပနဿ္ညဢ္ဃ့သဿလိဢ္လီၯ.
စံးကဒီး၀ဲ၊ ထိးညဢ္တလိဢ္၊ ပနဿ္ညဢ္ဃ့တလိဢ္မ့ဿ္လဿနဂီဿ္၊ ထိးညဢ္တလိဢ္၊ ပနဿ္ညဢ္ဃ့တလိဢ္ လဿ နမိဿ္အဂီဿ္၊ ထိးညဢ္တလိဢ္၊ ပနဢ္ညဢ္ဃ့တလိဢ္လဿ န၀ဲဿ္အဂီဿ္လီၯ. ၀ံသးစူၯဆွဿန႔ဿ္ဘဢ္ အ၀ဲသ့ဢ္တုၯ အတုၯတက့ဿ္. ဘဢ္ဆဢ္ ယဆိကမိဢ္ တမ့ဿ္တဿ္အကါဒိဢ္ဘဢ္. ဒီး တမ့ဿ္တဿ္အါတဿ္ဂီဿ္ဘဢ္အဃိ၊ တႏြံ ဃီ ယအီဢ္လဿာ္ခဲလဿာ္လီၯ.

လဿခံယမိဿ္ဟဲလီၯ အိဢ္သကိးယၯ၊ ဟဲစိာ္ဒုးအီဢ္ယၯ ထိးညဢ္ကသူလီၯ. ဖဲယအီဢ္ တဿ္အခါ ယမိဿ္စံး၊ တမ့ဿ္ဘဢ္ဖိခြါ၊ နတခြါမုဢ္ဖ်ီအသးဒီဘ်ီညါ၊ မ့အတဆွဿလီၯန႔ဿ္ပွၯဟါဒ့ဢ္ဧဲဢ္. မ့ဿ္အသးပ့ၯနီဢ္ပွၯလဿာ္လံ ဧါ. ယစံး၊ မိမိဿ္၊ ယတခြါမုဢ္အ၀ၯဟဲလီၯ၊ ဟဲစိာ္ဟါဒ့ဢ္လဿ ယဂီဿ္လဿနဂီဿ္ ဒီးလဿ၀ဲဿ္အဂီဿ္လီၯ.

စံး၀ဲ၊ အိဢ္ဖဲလဲဢ္.
ယစံး၊ တဿ္တအါတဿ္တဂီဿ္ အဃိယအီဢ္လဿာ္လံ.
မိမိဿ္၊ ဒဲလီၯအသးနါပွဿ္ဒီးစံး၊ ပွၯတမၯ၀ဲဒ္န႔ဢ္ဘဢ္ဖိခြါ၊ နတခြါအိဢ္လဿ လဲၯခဿဢ္ဒဿခိဢ္၊ အဲဢ္ဘဢ္ပွၯ၊ သ့ဢ္နီဢ္ဘဢ္ပွၯအဃိ၊ ဟဲမး၀ဲလဿအသ၀ီ၊ ဘဢ္မံလဿက်ဲဒ္သိး ကဟ့ဢ္ပွၯဟါဒ့ဢ္အံၯလီၯ. ပာ္ကဲ ဟါဒ့ဢ္ အံၯအဃိ ဟဲလီၯဆွဿမး၀ဲ လဿအနီဿ္ကစဿ္လီၯ. မိမ့ဿ္အီဢ္ဘဢ္တမီ၊ န၀ဲဿ္မ့ဿ္အီဢ္ဘဢ္တမီ ဒီးပသးမုာ္ လီၯ. အဂၯတဖဢ္ ကဒုးအီဢ္ဒဢ္နၯခဲလဿာ္လီၯ. ယထံဢ္လဿ ယမိအသးဘဢ္ဒိ လဿယတပာ္ကဲ ဟါဒ့ဢ္ အံၯအဃိ၊ ယစံး၊ မိမိဿ္၊ ၀ံသးစူၯ၊ ယတနဿ္ပဿဿ္အဃိလီၯ. လဿခံယတမၯလဿၯဘဢ္.

(၃) ပွၯလဲၯဃုအီဢ္ညဢ္တဖုဃီအဟါဒ့ဢ္ - “Hardy” for fishing team.

တနံၯတခီဢ္၊ ယတခြါမုဢ္လဿ အဟုးအသးကအိဢ္ ၆ လါတဂၯဟဲဆူယပဿ္အိဢ္ဒီးစံး၊ ဖါတံဿ္ဧဿ၊ တဿ္မိဢ္ အီဢ္မးယသးလဿ ကစဿဿ္ခိဢ္ အညဢ္တဘ်ီဒိဢ္မးလီၯ. မ့ဿ္နတလဲၯဃုအီဢ္ဃၯအီဢ္လဿၯဧဢ္. နမ့ဿ္လဲၯ တဿ္မိဢ္လဲၯတဿ္ မိဢ္လဲၯပိာ္ယသးလဿနခံ၊ အီဢ္တကးဟုးလီၯ.

ယပါစံး၊ ဖိဒိဢ္မုဢ္၊ နမ့ဿ္အဲဢ္ဒိးအီဢ္မးတဘဿးန႔ဢ္ညါ န႔ဢ္ မ့ဿ္ဒဢ္နသြံဢ္ဃ့အီဢ္အဃိ ပကသုးက်ဲၯကြဿ္တမံၯ မံၯလီၯ. လဿခံသဿသီဒီး ပဟးထီဢ္လဿသ၀ီ ဒီးလဲၯဆူနၯခ်ဿလိာ္၊ ထံက်ိလဿ အအိဢ္လဿ ကဲၯခဿဢ္ ကဲၯဘါ အကီဿ္ပူၯလီၯ. အခါဖဲန႔ဢ္ ယအိဢ္အနံဢ္တဆံ၊ မၯလိသဿတီၯလီၯ. ယမိဿ္၊ ယပဿ္၊ ယတခြါမုဢ္ဒီး ယၯ၊ ဒီးဘူးတံဿ္တခြါ အဂၯလြံဿ္ဂၯ၊ ခဲလဿာ္ပွၯဃိးဂၯ ဒီး ပလဲၯစိာ္ပွာ္သဿခိဢ္လီၯ.

ပလဲၯတုၯ ယပဿ္ဒီးပိာ္ခြါခံဂၯ ထီဢ္က်ီ၀ဢ္သိလဿ တဿ္တ့ၯအီဢ္မ့ၯတ့ၯအီဢ္ကသူ အဂီဿ္၊ လဿတဿ္တ့ထီဢ္ တကံၯခိဢ္အဂီဿ္ ဒီးလဿကထ့ ႃမူ႗ ဘဿတကလုာ္ လဿ တဿ္ပဿႏုာ္ညဢ္လဿအပူၯ တြံဿ္လဿထံက်ါ၊ ဒီးညဢ္ တလီၯတဲာ္ဘဢ္တကလုာ္အဂီဿ္အခါ၊ ပိာ္ခြါအဂၯခံဂၯ လဲၯကြံာ္ပွာ္ လဿပကဖီအီဢ္ဆိ တဘ်ီအဂီဿ္လီၯ. ဟဲက့ၯစိာ္ညဢ္ ကအိဢ္မး ၃ ပီဿ္ဃဢ္ဃဢ္လီၯ. ယမိ၊ ယပါ၊ ယတခြါမုဢ္တ့ၯမ့ၯတ့ၯကသူလဿ ၀ဢ္ပီၯပူၯ၊ ပိာ္ခြါခံဂၯ တ့တကံၯခိဢ္လီၯ.

ယပါစံး၊ ဖိဒိဢ္မုဢ္ဧဿ၊ တဿ္မိဢ္အီဢ္နသးလဿ ကစဿဿ္ခိဢ္အညဢ္န႔ဢ္၊ တဘဢ္ခိးလဿ ကသူမံတဂ့ၯ. ကဢ္အီဢ္ ညဢ္ဒီး အီဢ္စဿ္ခီဘ်ဲဘ်ဲ တက့ဿ္. ကဢ္လီၯမး၀ဲ ခံကဢ္ဖးဒိဢ္၊ အီဢ္၀ဲဒီး ယအီဢ္ပိာ္အခံလီၯ. ပအီဢ္မ့ၯအီထံ၊ အိဢ္ဘွံးတစိဿ္ဖိ၀ံၯ တဿ္ခံးလီၯလီၯ. ယပါစံး၊ ပကဘါယြၯ ဒီးပဘူဢ္ပဘါယြၯလီၯ.

ပဘါယြၯ၀ံၯ ယပါဒီး ပိာ္ခြါလြံဿ္ဂၯ ဖီဢ္ထီဢ္ပွာ္ဒီး ယပိာ္ထီဢ္အ၀ဲသ့ဢ္အခံလီၯ. ပဘဢ္လဲၯလဿ ဆွိလီၯ. အ၀ဲသ့ဢ္ လူၯက်ဿၯလဿဿ္ဖးဒိဢ္လဿ အပူၯအိဢ္တဖဢ္လီၯ. ယကြဿ္ယပါယူၯထံဒီး ယသ့ဢ္နီဢ္ထီဢ္က့ၯ ယဖံတဲ လဿ နပါမ့ဿ္ပွၯယူၯထံ အဂ့ၯကတဿဿ္လဿ သ၀ီခီမံခိဢ္န႔ဢ္ မ့ဿ္စဲဃဲၯလီၯ. ယထံဢ္ဘဢ္ ယပဿ္ အတဿ္ယူၯထံ ဖဲန႔ဢ္လီၯ. ယပါတဟဲက့ၯထီဢ္ဘဢ္အဃိ ယဘဢ္ယိဢ္ထီဢ္တဿ္လီၯ. ဘဢ္ဆဢ္ ဟဲက့ၯ ထီဢ္စိာ္ဃုာ္ဒီး ညဢ္ဒီး ယသးမုာ္ထီဢ္က့ၯလီၯ. ယပဿႏုာ္ညဢ္လဿ မူပူၯလီၯ. ကတုၯဖဲ ဟါ ၉ နဢ္ရံဢ္၊ မူသဿဖ်ဿဢ္ ပွဲၯကတံာ္ဒီး ယပါမဿပွၯခံဂၯ က့ၯဆွဿညဢ္ဒီး ယပါမဿ ယက့ၯဒီး အ၀ဲသ့ဢ္ဒီး မံလီၯဘဢ္ဆဢ္ ယမံတန႔ဿ္ဘဢ္.

ကြံာ္ကဒီး ပွာ္တုၯလဿ ဖးဖီမုဿ္၊ မူသဿဖ်ဿဢ္ပွဲၯကဒီး ဒီးဖဲ လါဧူဿ္ထီဢ္န႔ဢ္ အ၀ဲသ့ဢ္ဟဲက့ၯမၯစဿၯ ယမိလဿ တဿ္သဢ္ဃ့ညဢ္၀ံၯ မံလီၯ. မုဿ္ဆ့ဢ္ထီဢ္တနံၯ၊ တ့အါထီဢ္တကံၯခိဢ္၊ ပွၯလဿအလဲၯကြံာ္ပွာ္လဲၯလီၯ. ဟဲက့ၯအီဢ္မ့ၯ အိဢ္ဘွံး၀ံၯ လဲၯကြံာ္ကဒီး သ့တနံၯက်ဿၯ၊ န႔ဿ္ညဢ္အါမးလီၯ. ဟါခီအီဢ္မ့ၯ၀ံၯ တဿ္ခံးလီၯ န႔ဢ္ ပဘါယြၯ၀ံၯယပဿ္စံး၊ ပကလဲၯကြံာ္ကဒီး တစိဿ္ဖိဒီး ညဢ္လဿအန႔ဿ္န႔ဢ္ ပကက့ၯစိာ္သံသိအီၯလီၯ. ပိာ္ခြါ အိဢ္တ့ဿ္ တဂၯဘဢ္ထ့ဃၯလဿ တဿ္ကက့ၯစိာ္ညဢ္ဃ့အဂီဿ္လီၯ. အ၀ဲသ့ဢ္လြံဿ္ဂၯ ကြံာ္ပွာ္ ကတုၯ လဿဟါ ၉ နဢ္ရံဢ္ ဒီးဟဲက့ၯလီၯ.

ဟဲက့ၯတုၯ ယပါမဿသးပွဿ္ဖဲလတဿၯ၊ ပွၯအသးပွဿ္ကတဿဿ္ နီၯဟါဒ့ဢ္လီၯ. ယဆိကမိဢ္လဿ ပွၯကနီၯ ဒဢ္ထဲ ပွၯသးပွဿ္ ၅ ဂၯဒီး ပိာ္မုဢ္ခံဂၯလီၯ. ဘဢ္ဆဢ္ ယကမဿကမဢ္လဿ ဟါဒ့ဢ္အိဢ္စ့ဿ္ကီးလဿ ယတခြါ မုဢ္အဖိလဿ အအိဢ္လဿအဟဿဖဿပူၯတဂၯအဂီဿ္လီၯ.

တဿ္လဿ အမၯမုာ္ယသးဒီး ယသးပ့ၯနီဢ္တသ့နီတဘ်ီဘဢ္မ့ဿ္ ပွၯကိးဂၯဒဲး ပဢ္ဃုာ္ဒီး ယၯဒီး ယတခြါ မုဢ္အဖိလဿ အအိဢ္လဿ အဟဿဖဿပူၯတဂၯစ့ဿ္ကီး ပွၯပာ္ပွၯဒ္ ပွၯလဲၯမၯအီဢ္ညဢ္တဖုဃီအသိး၊ ဒီး န႔ဿ္ဘဢ္ ဟါဒ့ဢ္ပွဲၯသိးသိးဒီး ပွၯဂၯအဃိလီၯ. မ့ဿ္ပွၯကညီအတဿ္ဆဲးတဿ္လၯလဿ အတီၯထီမး လဿယမုဿ္လဿ္လဿ ကအိဢ္ဒံး လဿပပွၯကညီအက်ါန႔ဢ္လီၯ.

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Posted in: ဖုရိလဲအတဿ္လဲၯခီဖ်ိတဖဢ္