ယကီဿ္သူလ့ၯ (ထါသနဿဢ္)

၁. ထံလဿယ၀ဲထံသူလ့ၯ ကီဿ္လဿယ၀ဲ ကီဿ္သူလ့ၯ မုဿ္ဆ့ဢ္ဆ့ဢ္သူလ့ၯမိဿ္ပွ႔ၯ မုဿ္ဟါဟါသူလ့ၯမိဿ္ပွ႔ၯ ဟးနာ္က့တုၯလဿမုဿ္စ့ မိဢ္ဘဢ္နၯ ယခိဢ္၀့ၯက့ၯ.	၂. ထံလဿပွၯ၀ဲပွၯထံဒြဲ ကီဿ္လဿပွၯ၀ဲပွၯကီဿ္ဒြဲ ထံလဿအဒြဲ ဘဢ္ပယြဲ ကီဿ္လဿအဒြဲဘဢ္ပယြဲ ကတီၯက့ၯပကီဿ္ဒဢ္၀ဲ ခဲလဿာ္ကမၯန႔ဿ္အီဢ္ကဲ.
၃. ပမိဿ္လဿပ်ဿၯတကလဿၯ ပပဿ္လဿပ်ဿၯတကလဿၯ ကအီဢ္တမီယိဢ္ပာ္စဿၯ ကအီဢ္ခံမီ ယိဢ္ပာ္စဿၯ ဖိလံၯခဲလဿာ္ အဘူဢ္ယဿၯ ပကီဿ္သူလ့ၯ အိဢ္မုာ္စဿၯ.	၄. ပမိဿ္အစိၯ ကီဿ္သူလ့ၯ ပပဿ္အစိၯကီဿ္သူလ့ၯ ကြဿ္ဆူလာ္စီးရဿ္စီးရ့ ကြဿ္ဆူထးစီးရဿ္စီးရ့ မိဿ္ပဿ္ပွၯမၯဆဢ္အီဢ္မ့ၯ စီးရဿ္စီးရ့ တအိဢ္စ့ၯ.
၅. ထံသူလ့ၯ ယဲဧဿၯယဲဧဿၯ ကီဿ္သူလ့ၯယဲဧဿၯယဲဧဿၯ မွံၯပ၀ဲအလီဿ္လဿပ်ဿၯ ပွဿ္ပ၀ဲအလီဿ္လဿပ်ဿၯ နက်ဳာ္နဖိ က်ဳာ္မ့က်ဿၯ ကဖ်ဲးတဿ္လီၯဖွဢ္လီၯယဿၯ	၆. ထံသူလ့ၯ ပထံကမုာ္ ကီဿ္သူလ့ၯ ပကီဿ္ကမုာ္ သံဢ္လဿလာ္ ဒိးစဿ္ကပ်ဳာ္ ဖီလဿထး ဒိးစဿ္ကပ်ဳာ္ ဒ္သိးတဿ္အဿသုတႏုာ္ က်ဳာ္ဃာ္နဖိ က်ဳာ္မ့မုာ္.
၇. ထံသူလ့ၯစံး ထံကနဿ ကီဿ္သူလ့ၯစံး ကီဿ္ကနဿ ကူာ္မုာ္မုဢ္ လဲၯတဿ္ယဿၯယဿၯ မၯ၀ဲၯခြါ လဲၯတဿ္ယဿၯယဿၯ နံဢ္မ့ဘဢ္ ဘုသဢ္မ့ဃဿ နီဿ္ဒီးစီအဂီဿ္ အိဢ္ဆဿ.	၈. က်႕ၯဒီးပူၯလဿ ကီဿ္သူလ့ၯ က်႕ၯဒီးဖီလဿ ကီဿ္သူလ့ၯ တနံၯနံၯ လီၯအံဢ္လီၯအ့ တသီသီ လီၯအံဢ္လီၯအ့ က်႕ၯက်႕ၯ အ၀ဲမ့ယူၯက့ၯ တဿ္လဲဿ္ကီဿ္စီ အိဢ္တသ့.
၉. ပူၯသူလ့ၯ သယုဿ္သယုဿ္ ဖီသူလ့ၯ သယုဿ္သယုဿ္ ကလုဿ္ဒီးအီၯ တထံဢ္မုာ္ ကတိၯဒီးအီၯ တထံဢ္မုာ္ က်႕ၯက်႕ၯ မ့ထြဲဆူမုဿ္ႏုာ္ သယုဿ္စီ လီၯကဿ္လီၯကုၯ.	၁၀. က်႕ၯဒီးပူၯလဿ ကီဿ္သူလ့ၯ က်႕ၯဒီးဖီလဿကီဿ္သူလ့ၯ မဲာ္ဖိကြဲဿ္ဒီး နံၯဒီးအ့ နါဖိကြဲဿ္ဒီး နံၯဒီးအ့ က်႕ၯက်႕ၯအ၀ဲ စံဢ္လီၯက့ၯ သယုဿ္လီၯဖ်ဳ ယသးည့.
၁၁. ပူၯကီဿ္သူလ့ၯ ပူၯကစု ဖီကီဿ္သူလ့ၯ ဖီကစု အစုဒုဢ္ဖိ ပအုးဒုး အခီဢ္ဒုဢ္ဖိ ပအုးဒုး မ့ဿ္လဿတဿ္ဟဲ၀ံဘဢ္ဃုာ္ လဿအသိး သံမုာ္အိဢ္မုာ္.	၁၂. ပူၯကီဿ္သူလ့ၯ ပူၯကဒု ဖီကီဿ္သူလ့ၯ ဖီကဒု ယက်႕ၯဒီးအီၯ တထံဢ္မုာ္ ယက်႕ၯဒီးအီၯ ခံထံဢ္မုာ္ မ့ဿ္လဿမွံၯလဿ ပွဿ္တ့ဃုာ္ နံဢ္မ့ဘဢ္ ဘုသဢ္ကျပဳဿ္.
၁၃. ထံသူလ့ၯလဿမိဿ္အ၀ဲ ကီဿ္သူလ့ၯလဿပဿ္အ၀ဲ ဖိလဿလာ္ကဿၯဖွိဢ္က့ၯနဲ လံၯလဿထးကဿၯဖွိဢ္က့ၯနဲ ဒ္သုတဆံး ဖး၀ဿ္လဲ ဟုက့ၯက်ဳာ္က့ၯ ဒဢ္န၀ဲ.

တဿ္ကတိၯအခီပညီ
ကီဿ္သူလ့ၯ - ကီဿ္လဿတအိဢ္ဒီးတဿ္သံဢ္သူမီၯက်ာ္လ့ၯတက့ၯ
၀့ၯက့ၯ - က့ၯကဒါက့ၯ
ဒြဲ - ဆဲးလၯ
ပယြဲ - ဒုဢ္ဒြဲဢ္ပယြဲ
ယိဢ္ - ဘဢ္ယိဢ္ဘဢ္ဘွီ
အဘူဢ္ယဿၯ - အဘူဢ္အတီဿ္ဂ့ၯ.
စီးရဿ္စီးရ့ - ဃ့စိဿ္ဃ့ထီ
က်ဳာ္ - ကဟုကယာ္.
ကနဿ - ထံခံကြာ္စီး ‚ ပွဿ္မုဿ္ကနဿ
ယဿၯယဿၯ - လဲၯသကိးလဿတဿ္ဃူတဿ္ဖိး
လီၯအံဢ္လီၯအ့ - မုာ္၀ဲခုဢ္၀ဲ
လီၯကဿ္လီၯကုၯ - လီၯမိဢ္လီၯမဲၯ.
တကလဿၯ - တဖုတကရဿ‚ … သ့ဢ္တဖဢ္
မၯဆဢ္ - မၯ၀ဲၯ.
က်႕ၯ - တဲမုာ္တဲခုဢ္တဿ္.
သးည့ - သးခိဢ္မ့.

(ထါတယုဿ္အံၯ ဘဢ္တဿ္ကြဲးတ့ဿ္အီၯလဿ ပဒိဢ္စီၯတီး (လဿဿ္ဒိဢ္) န႔ဢ္လီၯ. ယနာ္လဿ ကကဲထီဢ္တဿ္ဘ်ဳး တဿ္ဖွိဢ္ဒီး ဒုးအိဢ္ထီဢ္တဿ္ဃူတဿ္ဖိး အအိဢ္အအါ လဿ ပွၯဖးတဿ္ဖိကိးဂၯ‚ ဒီးပပွၯကလုာ္ ကိးဂၯအဂီဿ္အဃိ ကြဲးပာ္ဖ်ါထီဢ္ယဲဒဢ္န႔ဢ္လီၯ.)

Posted in: ထါသနဿဢ္