တီနီဿ္မုဿ္ထီဢ္က၀ီၯ နံဢ္ကတဿဿ္တဿ္အိဢ္ဖွိဢ္ ခြါထဲးတဿ္ျပဿ

လါယႏူၯအါရံၯ ၂၇ သီ တုၯ ၃၀ သီမ့ဿ္ တီနီဿ္မုဿ္ထီဢ္က၀ီၯနံဢ္ကတဿဿ္တဿ္အိဢ္ဖွိဢ္ ဒီး တဿ္အီဢ္ဘုသီခိဢ္န႔ဢ္လီၯ. တဿ္လီဿ္န႔ဢ္မ့ဿ္၀ဲဖဲ နိဢ္ဖိဒဲက၀ီၯန႔ဢ္လီၯ. ဖဲန႔ဢ္အိဢ္ဒီးတဿ္ျပဿတဖဢ္၊ ဒီး လဿအက်ါပဢ္ဃုာ္၀ဲ တဿ္ဒ့သး၀ံဢ္ဃံာ္လြံဿ္ ျပဿ ဒီး ခြါထဲးတဿ္ျပဿန႔ဢ္လီၯ. မ့မ့ဿ္တဿ္ဒ့သး၀ံဢ္ျပဿန႔ဢ္ ပွၯလဿအဟဲျပဿတဿ္တဖဢ္အကစဿ္ဘဢ္ထုးထီဢ္ န႔ဢ္လီၯ. မ့မ့ဿ္ဃံာ္လြံဿ္တခီ ယ ထုးထီဢ္အီၯန႔ဢ္လီၯ. ပွၯလဿအႏုာ္လီၯ ျပဿတဿ္ဒ့သး၀ံဢ္ အိဢ္ ၁၂ ဖု၊ ဒီးပွၯလဿအန႔ဿ္ ခိဢ္ဖးတဿမ့ဿ္၀ဲ ဆဢ္သူလ့ၯတီၯထီကႜိန႔ဢ္လီၯ. မ့မ့ဿ္ဃံာ္လြံဿ္တဿ္ျပဿတခီ ပွၯႏုာ္ျပဿအိဢ္ ၁၈ ဖု၊ ဒီးပွၯလဿအန႔ဿ္ ခိဢ္ဖးတဿမ့ဿ္၀ဲ နိဢ္ရွံလိၯ သးစဿ္ကရဿ န႔ဢ္လီၯ.

တဿ္ဂီၯမူလဿလာ္အံၯမ့ဿ္ ပွၯႏုာ္လီၯျပဿတဿ္ ၁၈ ဖုအက်ါ တဖုလဿအမ့ဿ္ နိဢ္ရွံလိၯတဿ္အိဢ္ဖွိဢ္န႔ဢ္လီၯ.



နမ့အဲဢ္ဒိးတဿ္သး၀ံဢ္အဖ်ဿဢ္တခီ ဟံး ဖဲအံၯ တက့ဿ္.

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Read More

တဿ္လဲၯဟးခဲဢ္ဖ့ဆူ ကီဿ္သူလ့ၯ

လဲၯဒိးကါဒဲနါလီၯအဲဢ္လီၯကြံတခိဢ္၊ ပွၯဒိးကါဖိအိဢ္ထဲ ၄၀ ဘ်ဲဢ္လီၯ. မုာ္မး


တဿ္လူဿ္ကပီၯယြၯဂ့ဿ္ပီညါခီလ့ဢ္ကႜိဖိတဖဢ္ ဃုာ္ဒီး ယၯ၊ လဿတဿ္တပာ္သူဢ္ပာ္သးအပူၯ ပလဲၯဘဢ္ ခဲဢ္ဖ့ဆူ ကီဿ္သူလ့ၯအပူၯန႔ဢ္လီၯ. တဿ္တပာ္သူဢ္ပာ္သးစံးတဿ္န႔ဢ္၊ အနီဿ္ကီဿ္န႔ဢ္ ပပာ္လီၯပသးလဿ ပကလဲၯဒဢ္ဆူ ထံဆဿကီဿ္ဆဿသ၀ီတဖဢ္ လဿကီဿ္ကႜီဢ္တဲဢ္အံၯအပူၯလီၯ. ဖဲန႔ဢ္သ့သ့ဘဢ္ဘဢ္ ကစဿ္ယြၯကတဲာ္ကတီၯ န႔ဿ္ပွၯတဿ္ ခီဖ်ိ သရဢ္အဲဢ္ကတဿဿ္ အတဿ္သုးတဿ္က်ဲၯအဃိ ပလဲၯယီဿ္လီၯဘဢ္ ကီဿ္သူလ့ၯ အဟီဢ္ခိဢ္ ဒီး ပအိဢ္ဘဢ္လဿအပူၯခံသီန႔ဢ္လီၯ.


စံဢ္လီၯကါပူၯလဿကဖ်းက်ဲအဂီဿ္


ဖဲ ၁၅ သီအနံၯန႔ဢ္ ပစးထီဢ္ဟးထီဢ္လဿ ခ်ံးသူက်ိ ဒီးပလဲၯဆူ မီၯလံၯခႜါ ဒီးလဿမုဿ္နၯခီန႔ဢ္ ပဟးဆဿဂ့ၯ ဆဿ၀ါဘဢ္ ဟံဢ္တဖ်ဿဢ္ဘဢ္တဖ်ဿဢ္န႔ဢ္လီၯ. လဿခံတနံၯ ပလဲၯကဒီးဆူ လဿဿ္ဃီၯ ဒီးပမၯ၀ဲဒဢ္ခီစဿး ဖဲန႔ဢ္ တနၯန႔ဢ္လီၯ. လဿခံတနံၯပဟဲက့ၯဆူမီကဿ ဒီးပရ့လိာ္မုာ္လိာ္ပသး ဒီးမီကဿသ၀ီဖိတဖဢ္ လဿမုဿ္နၯခီ ခီဖ်ိ တဿ္ပႜး ခီစဿးန႔ဢ္လီၯ. တနံၯဃီန႔ဢ္ ပန႔ဿ္ဘဢ္ တဿ္ကစီဢ္ခီဖ်ိသရဢ္အဲဢ္ကတဿဿ္လဿ ပကဘဢ္လဲၯဆူ ကီဿ္ပူၯ လဿတဿ္လီဿ္ခံတီၯ လဿအမ့ဿ္ တၯအုးထဢ္ ဒီး ကြံလဿဿ္ဆႈဢ္ လဿတဿ္ကမၯလၯကပီၯခရံာ္အိဢ္ဖ်ဲဢ္ အဂီဿ္ န႔ဢ္လီၯ. တၯအုးထဢ္ဒီး ကြံလဿဿ္ဆႈဢ္န႔ဢ္ အိဢ္လဿ ဂီၯလ့ၯ ဒီး ဖလူ အဘဿဢ္စဿၯအဃိ ဖဲပနဿ္ဟူလဿ ပဘဢ္ လဲၯဆူတၯအုးထဢ္ ဒီးကြံလဿဿ္ဆႈဢ္န႔ဢ္ ပပ်ံၯတဿ္တစဲးတစဲးန႔ဢ္လီၯ. ဘဢ္ဆဢ္ လဿခံတဂီၯ ဖဲ ၁၈ သီအနံၯ န႔ဢ္ ပခီဂာ္ သူမြဲက်ိ ဒီး ပႏုာ္လီၯဆူ ကညီကီဿ္ပူၯန႔ဢ္လီၯ.



ဖ်းကါက်ဲလဿတဿ္သးဖွံအပူၯ



ဘဢ္ဖ်းကါက်ဲအံၯတမ့ဿ္တဿ္ညီဘဢ္


တခ်ဳးပႏုာ္လီၯကညီကီဿ္ပူၯအခါ ပသံကြဿ္သရဢ္အဲဢ္ကတဿဿ္လဿ ပမ့လဲၯန႔ဢ္ ပဘဢ္လဲၯစိာ္တဿ္မႏုၯလဲဢ္. အ၀ဲတဲပွၯ အဂ့ၯကတဿဿ္ လဲၯစိာ္ ထံးရွဴ တက့ဿ္. (မ့ဿ္လဿပလဲၯစိာ္ ထံးရွဴအဃိ ကဲထီဢ္တဿ္ဘ်ဳးတဿ္ဖွိဢ္ လဿပဂီဿ္ဖးဒိဢ္ညါလီၯ၊ ယကတဲအဂ့ဿ္လဿခံတစဲး). ပ၀ဲ လံာ္စီဆွံကႜိဖိဒီး ကႜိသရဢ္သရဢ္မုဢ္လဿ ပလဲၯသကိး တဿ္တဖဢ္ ခဲလဿာ္မ့ဿ္ ၂၇ ဂၯန႔ဢ္လီၯ. သရဢ္အဲဢ္ကတဿဿ္ ဆွဿပွၯဒီးအကါ တုၯလဿ မီၯလံၯခႜါ သူမြဲက်ိအနံၯ ၀ံၯပအိဢ္ခိးတဿ္တစိဿ္ဖိဒီး ဒဲနါ ကါတခိဢ္ဟဲတုၯ လဿကတီဢ္ပွၯလဿကလဲၯဆူ ကီဿ္ပူၯတဖဢ္အဂီဿ္လီၯ. ဖဲပလဲၯတုၯလဿသူမြဲက်ိနံၯအခါပထံဢ္ ပွၯသ၀ီဖိအါဂၯ အိဢ္ခိးပာ္စဿၯတဿ္ လဿကလဲၯမၯလၯကပီၯ ခရံာ္အိဢ္ဖ်ဲဢ္ လဿ တၯအုးထဢ္န႔ဢ္လီၯ. ဖဲဒဲနါ ဟဲတုၯအခါ နၯထီဢ္လဿကါခိဢ္ယၯထီဢ္လဿကါခိဢ္ ဃုာ္ဒီး တဿ္ဘိဢ္တဿ္စဿၯကတံာ္မးလီၯ. ပ၀ဲ ပွၯခဲၯဖ့ဖိအိဢ္ ၂၇ ဂၯဃုာ္ဒီးသ၀ီဖိတဖဢ္ ပဒိးထီဢ္ကါဒဲနါ၊ ပပွၯခဲလဿာ္ခဲ ဆ့လဿကါဒဲနါအပူၯ ကအိဢ္ အါန႔ဿ္ပွၯအဂၯလြံဆံ ညါလီၯ.

ပဒိးထီဢ္ကါဒဲနါ ဒီးပခီဂာ္ သူမြဲက်ိ ဒီး ပတုၯ၀ဲဒဢ္ဆူ သ့ဢ္ဘီဘိ လဿကညီကီဿ္ပူၯလီၯ. (ခဲဢ္ဖ့ဖိလဿ အလဲၯတဿ္ တဖဢ္အက်ါတနီၯ ကမ့ဿ္တဿ္အဆိကတဿဿ္တဘီ် လဿအ၀ဲသ့ဢ္အဂီဿ္ လဿအတုၯဘဢ္ဆူ ကီဿ္သူလ့ၯအပူၯ န႔ဢ္လီၯ.) ပလဲၯႏုာ္လီၯဆူကီဿ္သူလ့ၯပူၯ သီသီအခါ ကါက်ဲဂ့ၯ၊ ဘဢ္ဆဢ္ ကယီကယီ ကါက်ဲနးထီဢ္နးထီဢ္ ဒီးဖဲပလဲၯတုၯ က်ဲတ၀ာ္ (ဖဲန႔ဢ္ပလဲၯတဿ္လဿကါန႔ဢ္ကဘဢ္ တနဢ္ရံဢ္ဘ်ဲဢ္ဘ်ဲဢ္) အခါ ပထံဢ္လဿကါက်ဲဟးဂီၯအဃိ ပိာ္ခြါလဿအလဲၯတဿ္တဖဢ္ ယိးထီဢ္ ဘီဖ်း ဒီး ဘဢ္ဖ်း၀ဲဒဢ္ဟီဢ္ခိဢ္ ဒ္သိး ကါလဲၯ တဿ္ကသ့အဂီဿ္န႔ဢ္လီၯ. ဖ်းကါက်ဲ၀ံၯ ဒိးထီဢ္ကဒီးကါ ၊ လဲၯခီ ထံက်ိ လြံဿ္တီၯယဲဿ္တီၯ၊ လဿက်ဲ ၀ဢ္ဒ့တဖဢ္ ဖုဢ္မး၊ အဃိဘဢ္ကူးဘဢ္ကါတဿ္နးမးန႔ဢ္လီၯ. က်ဲတနီၯမးတလီၯဂာ္က့ၯလဿၯက်ဲဘဢ္. အိဢ္ထဲ တဿ္တပွီာ္လီၯ. (ယဆိကမိဢ္ မ့ဒိတဿ္ဂီၯမူဒ္သိး ဟီလံ၀ူး အတဿ္ဂီၯမူတနီၯလဿအဒိလဿ ပွဿ္က်ါတဖဢ္ ဖ်ါကဂ့ၯ မးလီၯ.) လီဿ္ခံကတဿဿ္ ဖဲ ၁၈ သီဟါလီၯခီန႔ဢ္ ပတုၯလဿတၯအုးထဢ္သ၀ီ ဒီးသ၀ီဖိတဖဢ္ တူဿ္လိာ္ ခီဢ္ဆဿပွၯဂ့ၯမးလီၯ.



တၯအုးထဢ္သ၀ီဖ်ဿဢ္ထူပ်ီလဿအကပၯတဿ္ဘါယြၯသရိာ္


ဒ္ယတဲတ့ဿ္လဿအပူၯကြံာ္အသိး တၯအုးထဢ္သ၀ီန႔ဢ္ အိဢ္လဿ ဂီၯလ့ၯဒီး ဖလူ အဘဿဢ္စဿၯ (ဂီၯလ့ၯတကပၯ န႔ဢ္တဿ္ဒုးကဲထီဢ္၊ ဒီးဖလူတကပၯစ့ဿ္ကီးတဿ္ဒုးကဲထီဢ္) အဃိ တၯအုးထဢ္သ၀ီဖိတဖဢ္ ဘဢ္အိဢ္လဿတဿ္ပ်ံၯတဿ္ဖုးအပူၯ ဒီးလဿတဿ္ပလီဿ္ပဒီသးအပူၯန႔ဢ္လီၯ. မ့အိဢ္လဿ တဿ္ပလီဿ္ပဒီသးပူၯ နာ္သက့ လဿတဿ္မၯလၯကပီၯခရံာ္အိဢ္ဖ်ဲဢ္အဂီဿ္ အ၀ဲသ့ဢ္တူဿ္လိာ္ခီဢ္ဆဿပွၯလဿတဿ္အီဢ္တဿ္အီဂ့ၯမး တုၯဒဢ္လဲာ္ပအီဢ္အါတလဿကြံာ္အခဿး ဒီးတဿ္ကီတဿ္ခဲအိဢ္ထီဢ္လဿ ပဟဿဖဿအဂီဿ္လီၯ. (ဖဲန႔ဢ္ ထံးရွဴအတဿ္ မၯဟဲပဿဿ္ထီဢ္၀ဲလီၯ.) တၯအုးထဢ္သ၀ီပူၯန႔ဢ္ ဟံဢ္ကိးဖ်ဿဢ္ဒဲးဃဢ္ဃဢ္ တဿ္ဟးလီဿ္တအိဢ္ဘဢ္အဃိ ပဘဢ္ဟးမၯတံၯမၯသကိးဒီး တဿ္ခဲက်ါန႔ဢ္လီၯ. သ၀ီဖိဖဲန႔ဢ္တဖဢ္ တစဿဃာ္ အထိးတဖဢ္ဘဢ္၊ မ့မ့ဿ္တခီ ပ်ဿ္၀ဲဒဢ္လဿတဿ္ခဲက်ါဒ္န႔ဢ္လီၯ. အဃိဖဲပလဲၯလဿတဿ္ခဲက်ါ လဿကမၯရွဲမၯလဲက့ၯပတဿ္ဂ့ဿ္တဿ္က်ိၯ တဘ်ီလဿ္လဿ္ ပဘဢ္ခိးကြဿ္မ့ဿ္ထီးကဟဲမၯတံၯမၯသကိးဒီး ပွၯဧါန႔ဢ္လီၯ.


စးလဲးလြံဿ္ဂၯလဿတၯအုးထဢ္သ၀ီပူၯ



သ့ဢ္နီဢ္ထီဢ္ပပွၯကလုာ္အတဿ္တူဿ္တံၯတူဿ္သမွံၯ


ဖဲမုဿ္နၯခီပမၯတဿ္ရဲဢ္တဿ္က်ဲၯအဆဿကတီဿ္ ပထံဢ္ဘဢ္လဿ သ၀ီဖိတဖဢ္ဟဲကြဿ္တဿ္အါမးန႔ဢ္လီၯ. အ၀ဲအံၯ မ့ဿ္တဿ္လဿအမၯမုာ္ပသးဒိဢ္မးန႔ဢ္လီၯ. လဿခံတဂီၯ မ့ဿ္မုဿ္အိဢ္ဘွံးအနံၯအဃိ လဿဂီၯခီ ၇ နဢ္ရံဢ္ ပလဲၯထီဢ္ ဘါယြၯလဿသရိာ္ပူၯ ၀ံၯ၊ ဖုခဢ္ဆူ ကြဲပွၯဒီး ပလဲၯဆူ အသုးကလဿၯအပူၯ ဒီးပဘါသကိးယြၯဒီး အီၯန႔ဢ္လီၯ. (ဖဲဘါယြၯလဿသရိာ္ပူၯအခါ ပနဿ္ဟူစ့ဿ္ကီးက်ိသီဢ္လဿ ဂီၯလ့ၯတကပၯဒီး ဖလူတကပၯ န႔ဢ္လီၯ.) ၀ံၯ၊ ပဟဲက့ၯအီဢ္သကိးအီသကိး တဿ္ဒီးတစိဿ္ဖိ ပဟဲက့ၯကဒါက့ၯဆူ ကြံလဿဿ္ဆႈဢ္ လဿကမၯလၯကပီၯ ခရံာ္အိဢ္ဖ်ဲဢ္ဖဲန႔ဢ္ အဂီဿ္န႔ဢ္လီၯ. (တၯအုးထဢ္ဒီးကြံလဿဿ္ဆႈဢ္န႔ဢ္ လဿခီဢ္ပဟးဘဢ္ တခီနဢ္ရံဢ္က်ဲအဃိ ယၯဒီး ပွၯကႜိဖိ လြံဿ္ဂၯ ပဟဲက့ၯလဿခီဢ္န႔ဢ္လီၯ.) ပဟဲက့ၯတုၯ ကြံလဿဿ္ဆႈဢ္တစိဿ္ဖိ ဒီး ပလဲၯဆူသရိာ္ ဒ္သိး ပကရ့လိာ္မုာ္လိာ္သးဒီး သ၀ီဖိတဖဢ္လဿ မုဿ္ထူဢ္တဿ္ဘါအဂီဿ္န႔ဢ္လီၯ. ၀ံၯဒီးပအိဢ္ဒီး တဿ္ရ့လိာ္မုာ္လိာ္ ဘူဢ္စီဆွံန႔ဢ္လီၯ. ဒီးနၯအ၀ဲန႔ဢ္ ပမၯလၯကပီၯခရံာ္အိဢ္ဖ်ဲဢ္အမူးလဿ ကြံလဿဿ္ဆႈဢ္အပူၯန႔ဢ္လီၯ.


ဖုခဢ္ဆူဢ္ဒီးပွၯကြဲးလံာ္



ကြံလဿဿ္ဆႈဢ္တဿ္ဘါယြၯသရိာ္


လဿခံတနံၯလဿမုဿ္နံၯပူၯတသီ (၂၀ သီ) သရဢ္အဲဢ္ကတဿဿ္ စံးလဿကဟဲက့ၯမၯအီဢ္ညဢ္အဃိ ပပာ္တ့ဿ္ ပတဿ္ဘိဢ္တဿ္စွဿၯ ဃုာ္ဒီးကႜိဖိစွၯဂၯ၊ (ဒ္သိးကဟဲက့ၯတီတဿ္ဖိတဿ္လံၯလဿကါအဂီဿ္)၊ မ့မ့ဿ္ပွၯအါဂၯ တခီ ဟဲက့ၯဒီးအခီဢ္န႔ဢ္လီၯ. ပစးထီဢ္ဟဲက့ၯလဿ ဂီၯခီ ၉ နဢ္ရံဢ္ ၊ ပဟဲက့ၯတဆီဘဢ္တဆီ ပအိဢ္ပတုာ္ လဿကြံ စွၯဖ်ဿဢ္ဒ္သိးကမၯညဢ္အဂီဿ္ဘဢ္ဆဢ္ ညဢ္တန႔ဿ္နီတဘ့ဢ္ဘဢ္. အဃိ ပဘဢ္ဟဲက့ၯကလီဒ္န႔ဢ္လီၯ. (ကိညဢ္လဿပဘဢ္ဟဲက့ၯကလီ၊ ပမ့ဟဲက့ၯ၀ံဒဿၯညဢ္ဒု တမ့ဿ္လဿယဟဲက့ၯလဿၯခီဢ္ကတုၯလဿၯဘဢ္.) ပဟဲက့ၯလဿက်ဲ ပဘဢ္ဟဲက့ၯခီဂာ္ ထံက်ိ လြံဿ္တီၯယဲဿ္တီၯ၊ တုၯလဿခံကိဿ္၊ ခီဢ္ကံဢ္ဒုဢ္ဘ်ဳးမတၯဘ်ဳး ၊ ဘဢ္ဟဲက့ၯက့ၯကယီကယီ၊ တဿ္ကိဿ္ဆါနးမး အဃိ၊ ဖဲ မုဿ္ဃ့ဿ္လီၯခံနဢ္ရံဢ္မး ပဟဲက့ၯတုၯလဿ သ့ဢ္ဘီဘိ သ၀ီ ဒီးပခီလီၯ သူမြဲက်ိ ဒီးပႏုာ္လီၯဆူ မီၯလံၯခႜါသ၀ီအပူၯန႔ဢ္လီၯ. ဖဲန႔ဢ္အခါ ယမဲာ္သဢ္လဿအ၀ါန႔ဢ္ထီဢ္သူ ဒ္သိးကိၯလၯသူ၊ ယဘဢ္ယိဢ္မးလဿ ယတဿ္အဲဢ္တီကြဿ္နီဢ္ယၯတဘဢ္လဿၯဘဢ္ခီ၊ ဟဲး..ဟဲး...


ကြံလဿဿ္ဆႈဢ္သီခါဖႜဢ္္



ကတဲာ္ကတီၯသးလဿကဟဲက့ၯကဒါက့ၯအဂီဿ္



စးထီဢ္ဟဲက့ၯမုာ္မး



ဟဲက့ၯတုၯတစဲးဖိနံၯကမွံမုာ္မး



ဟုၯဟု... ဘဢ္ခီဂာ္ထံက်ိလံမဿဢ္ (ဘဢ္ခီထံက်ိဒ္အံၯယဲဿ္တီၯဃုတီၯညါ)



မ့ဿ္ယတဿ္အဲဢ္တီကြဿ္နီဢ္ယၯဘဢ္ကဘဢ္လဿၯဧါ.


ပဟဲက့ၯတုၯကဒါက့ၯဆူ ကီဿ္ကႜီဢ္တဲဢ္ပူၯဂ့ၯဂ့ၯဘဢ္ဘဢ္၊ ဒီးတနၯဃီန႔ဢ္ ပဘဢ္လဲၯဒီးဆူ၀့နးနး သ၀ီလဿ တဿ္မၯခီစဿးအဂီဿ္န႔ဢ္လီၯ. ဒီးလဿခံတနံၯ ဖဲ ၂၁ သီအနံၯန႔ဢ္ ပဟဲက့ၯကဒါက့ၯဆူ ခ်ံးသူက်ိလဿ ပတဿ္အိဢ္ တဿ္ဆိးအလီဿ္န႔ဢ္လီၯ. တဿ္သးမုာ္အဒိဢ္ကတဿဿ္ လဿယဂီဿ္ လဿယတဿ္လဲၯဟးဆူ တၯအုးထဢ္ဒီး ကြံလဿဿ္ဆႈဢ္သ၀ီန႔ဢ္မ့ဿ္၀ဲ ဖဲယထံဢ္ဘဢ္ KNLA အသုးဒီး DKBA သုးတဖဢ္ ဟးတပူၯဃီအိဢ္တပူၯဃီ န႔ဢ္လီၯ. ယဆဿလဿ ဒီပုဿ္၀ဲဿ္လဿအဖးဘဢ္ တဿ္ကြဲးအံၯတဂၯလဿ္လဿ ကသ့ဢ္နီဢ္ တၯအုးထဢ္ ဒီး ကြံလဿဿ္ဆႈဢ္သ၀ီဖိတဖဢ္လဿ သုတဿ္ထုကဖဢ္အပူၯတက့ဿ္.


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Read More

ယတဿ္လဲၯဟးဆူ အၯဒမဢ္ (ကိၯလၯသူကီဿ္) ကညီဖိတဖဢ္အက်ါ (အကူာ္ ၅ - ကတဿဿ္)

ပ၀ဲလဿပလဲၯတဿ္လြံဿ္ဂၯဃုာ္ဒီး ကညီခိဢ္နဿ္လဿအၯဒမဢ္တဖဢ္


ဖဲပလဲၯတုၯဆူ ၀့ဿ္ဘံဢ္အခါ စီၯန႔ဢ္၀့ အ၀ဲဿ္မုဢ္ ဟဲအိဢ္ပခိဢ္၊ ဟဲဃုာ္ဒီး ဟံဢ္ဖိဃီဖိတနီၯန႔ဢ္လီၯ. လဿတဿ္သူဢ္ခုသးခုအပူၯ အ၀ဲသ့ဢ္ဟံးစုကြဿ္မဲာ္ပွၯ တဲသကိးတဿ္ဒီးပွၯလဿပွၯကညီက်ိာ္ လီၯဂာ္မး ဒ္သိး ပဟဲက့ၯတုၯဘဢ္ဆူကီဿ္သူလ့ၯအပူၯန႔ဢ္လီၯ. က့ၯကိးပွၯဆူ အဟံဢ္ ဒီး ဖဲန႔ဢ္ပအိ္ဢ္ပဆိးလဿ စီၯန႔ဢ္၀့ အ၀ဲဿ္မုဢ္အဟံဢ္တုၯလဿပဟဲက့ၯတစုန႔ဢ္လီၯ. စီၯန႔ဢ္၀့ အ၀ဲဿ္မုဢ္အဟံဢ္လီဿ္ခံန႔ဢ္ အ၀ဲဿ္မုဢ္ အဂၯတဂၯအဟံဢ္အိဢ္စ့ဿ္ကီး၊ ဒီးအ၀ဲဿ္မုဢ္တဂၯန႔ဢ္အ၀ၯမ့ဿ္ ကိၯလၯသူန႔ဢ္လီၯ. အ၀ဲသ့ဢ္အိဢ္ဒီး အဖိမုဢ္ခံဂၯ၊ အဒိဢ္တဿ္လီၯဂာ္ဒ္သိးကိၯလၯသူဘဢ္ဆဢ္ ဖဲအတဲထီဢ္ကညီက်ိာ္အခါ လီၯဂာ္ဒ္ ထံလဿ အလီၯယြၯ လဿအတအိဢ္ဒီးတဿ္နီးတဿ္ဘ်းနီတမံၯဘဢ္န႔ဢ္လီၯ. ပွၯကညီဖိဖဲန႔ဢ္တဖဢ္ ဖဲတဿ္သ့အိဢ္ ဒီးအ၀ဲသ့ဢ္အ၀ဲသ့ဢ္ပဿၯဃာ္၀ဲအက်ိာ္ ဂ့ၯမး၊ ပွၯကညီဖိကဒဲကဒဲမ့ထံဢ္လိာ္အသး တဲတဿ္ထဲကညီ က်ိာ္လီၯ၊ ကိၯလၯသူမ့အိဢ္လဿအ၀ဲသ့ဢ္အက်ါဒဢ္လဲာ္တကနဢ္ဃုာ္ကိၯလၯသူဘဢ္. လဿတဿ္န႔ဢ္အဃိ ကိၯလၯသူလဿအဒိဢ္ထီဢ္ဘဢ္တပူၯဃီဒီး ကညီဖိတဖဢ္ ကတိၯကညီက်ိာ္ ဘဢ္ဂ့ၯမးန႔ဢ္လီၯ.


ကညီမုဢ္ဒီပုဿ္၀ဲဿ္မုဢ္ဖိခံဂၯ လဿအပဿ္မ့ဿ္ကိၯလၯသူအမိဿ္မ့ဿ္ပွၯကညီ (တဲကညီက်ိာ္ဘ်ဲးဂ့ၯမး)



စီၯန႔ဢ္၀့အနီ အဟံဢ္ဖိဃီဖိ၊ ဃုာ္ဒီး သရဢ္စ့သးအမါဒီး အဖိခြါ၊ ဃုာ္ဒီး နဢ္ကးမံးရွဢ္နရံဢ္သရဢ္မုဢ္ခံဂၯ


ပလဲၯတုၯတစိဿ္ဖိ ပအိဢ္ဘွံးအိဢ္သါဒီး ပလုဿ္ထံလုဿ္နိန႔ဢ္လီၯ. ဖဲန႔ဢ္ အဖိမုဢ္လဿအဆံးတဂၯ ဟဲဆူ ယအိဢ္ဒီး တဲတဿ္ဒီးယၯလဿကိၯလၯ၀ါက်ိာ္၊ မ့ဿ္လဿအဆိမိဢ္ယၯလဿပွၯနဢ္ကးအဃိန႔ဢ္လီၯ (မ့ဿ္လဿ ပတဲလီၯပသးလဿပဟဲလဿနဢ္ကးလဲအဃိန႔ဢ္လီၯ.) ဖဲန႔ဢ္ ယတဲဆဿက့ၯအီၯလဿပွၯကညီက်ိာ္အခါ အ၀ဲဒဢ္ကမဿကမဢ္ဘဢ္မးအသးန႔ဢ္လီၯ. ပအိဢ္ဖဲန႔ဢ္ ပရ့လိာ္ပသးဒီး ဟံဢ္ဖိဃီဖိဖဲန႔ဢ္မုာ္ဒိဢ္မး. အါတက့ဿ္ မ့ဿ္ဒီဘူးဒီတံဿ္တဖဢ္လီၯ. ပလဲၯဟးရ့လိာ္မုာ္လိာ္ပသးဒီး တဿ္အိဢ္ဖွိဢ္တဖဢ္ လဿ၀့ဿ္ဘံဢ္ အပူၯ၊ တကးဒံးဘဢ္ပလဲၯစ့ဿ္ကီးလဿ နီဢ္ဂံဿ္ ခြံ၊ နီဢ္ဂံဿ္တဆံ တဿ္အိဢ္ဖွိဢ္တဖဢ္စ့ဿ္ကီးန႔ဢ္လီၯ. ပတဲဘဢ္ အ၀ဲသ့ဢ္ဘဢ္ဃး ကညီဖိလဿကီဿ္ပယီၯတဖဢ္အဂ့ဿ္၊ ကညီဖိလဿယိၯကီဿ္တဖဢ္အဂ့ဿ္ အ၀ဲသ့ဢ္ကနဢ္ အသးစဲ၀ဲဒိဢ္မးလီၯ. တကးဒ္ဘဢ္၊ ဖဲပတဲဘဢ္စ့ဿ္ကီး အ၀ဲသ့ဢ္လဿ ပယီၯအတဿ္မၯအဿမၯနး ပပွၯကညီကလုာ္ဒ္လဲဢ္ဒ္လဲဢ္အဂ့ဿ္အဆဿကတီဿ္၊ တဿ္သးဆါ ပယီၯကလုာ္အိဢ္ထီဢ္လဿအ၀ဲ သ့ဢ္အသးပူၯ၊ ပွၯတနီၯနီၯဒဢ္လဲာ္ အဲဢ္ဒိး ဟဲက့ၯကဲကညီသုးဒီး ဒုးပယီၯသုးတဖဢ္န႔ဢ္လီၯ. ပွၯကညီဖိ ဖဲန႔ဢ္သ့ဢ္တဖဢ္ ထံဢ္ပ၀ဲလြံဿ္ဂၯအံၯ အသးခုမး၊ ဆဿထံဢ္ဘဢ္စ့ဿ္ကီးပွၯဒံးဆူမဲာ္ညါန႔ဢ္လီၯ. မ့ဿ္ပကလဲၯ တုၯဆူ အ၀ဲ သ့ဢ္အအိဢ္အခါဖဲလဲဢ္ဖဲလဲဢ္ပတသ့ဢ္ညါလဿၯဘဢ္.

ပလဲၯတုၯဖဲန႔ဢ္ ပွၯကညီဖဲန႔ဢ္တဖဢ္ တူဿ္လိာ္ပွၯလဿ ပီဢ္လဲဢ္တဿ္အီဢ္တဖဢ္ ဒ္အမ့ဿ္ ခ်ံး၊ ဆြဲဢ္၊ သဒီဢ္၊ ညဢ္ တဖဢ္ပအီဢ္ဒီးတံၯသူဢ္တံၯသးပွၯဒိဢ္မးန႔ဢ္လီၯ. ယသ့ဢ္နီဢ္ထီဢ္ တဘ်ီပလြံဿ္ဂၯ ပလဲၯပိာ္ အၯဒမဢ္ ကညီမုဢ္ဖိတဂၯလဿအမံၯမ့ဿ္ နီဿ္မလ့ရွါ အခံ ဒ္သိး ပကလဲၯတခြဲအီဢ္ညဢ္လဿ ပီဢ္လဲဢ္ကပၯ ထံက်ိ တဘိ အပူၯန႔ဢ္လီၯ. ဖဲန႔ဢ္ပလဲၯဒီး ပထံဢ္လဿ ဖိသဢ္တဖဢ္ လဲၯတခြဲအီဢ္ညဢ္အါမးန႔ဢ္လီၯ. လဿဖိသဢ္တဖဢ္ ကန႔ဿ္က်ိဢ္စ့အဂီဿ္ က်ဲအိဢ္ထဲတဘိလဿအ၀ဲသ့ဢ္အဂီဿ္မ့ဿ္ တဿ္တခြဲညဢ္ဒီး လဲၯဆါအီၯ ဆူက်းပူၯန႔ဢ္လီၯ. ပသံကြဿ္အ၀ဲသ့ဢ္ ဘဢ္မႏုၯလဿ သုတထီဢ္ကႜိလဲဢ္. အ၀ဲသ့ဢ္တဲ၀ဲ ထီဢ္ကႜိတမုာ္ဘဢ္ ဟဲတခြဲညဢ္ ဒ္သိးကမၯန႔ဿ္စ့အဂီဿ္လီၯ. မ့ဿ္တဿ္လီၯသးအုးလဿ ပဂီဿ္ဒိဢ္မး ဖဲပနဿ္ဟူအ၀ဲသ့ဢ္တဲတဿ္ ဒ္အံၯအခါန႔ဢ္လီၯ. ပဟ့ဢ္ဆူဢ္ထီဢ္အ၀ဲသ့ဢ္အခံ ဒ္သိးကမၯလိတဿ္လီၯ.

ဖဲပလဲၯတုၯလဿ ပွၯတခြဲအီဢ္ညဢ္အလီဿ္အခါ ပွၯဟ့ဢ္ပွၯတခြဲ တဂၯတဘိ ဒ္သိးပကတခြဲညဢ္အဂီဿ္လီၯ. ဖဲန႔ဢ္ပလြံဿ္ဂၯပတခြဲညဢ္လဿပွၯအသကိးန႔ဢ္လီၯ. ပထံဢ္ဘဢ္လဿ ညဢ္ဟဲအ့ဢ္ အ၀ဲသ့ဢ္အတခြဲ တစိဿ္ဖိတဘ့ဢ္ တစိဿ္ဖိတဘ့ဢ္၊ မ့မ့ဿ္ ပလြံဿ္ဂၯအတခြဲတခီညဢ္တဟဲအ့ဢ္ဘဢ္. ယဆ့ဢ္နီၯဖးယံာ္ မးညဢ္ ဟဲအ့ဢ္ယတခြဲတဘ့ဢ္၊ အဃိ လဿခံကတဿဿ္ ယမၯန႔ဿ္ဒဢ္ညဢ္ခံဘ့ဢ္လီၯ. (မ့မ့ဿ္သရဢ္မုဢ္ အဲဢ္ခုဢ္လြဲ တခီမၯန႔ဿ္အါန႔ဢ္ယၯတဘ့ဢ္.) ဒ္လဲဢ္ဂ့ၯဒ္လဲဢ္ဂ့ၯ ပလဲၯတခြဲညဢ္လဿ ကညီဖိဖဲန႔ဢ္တဖဢ္အသိး မုာ္ဘဢ္ ပွၯဒိဢ္မးန႔ဢ္လီၯ.

ပလဲၯအိဢ္သကိး ကညီဟံဢ္ဖိဃီဖိတဖဢ္အါမးအက်ါ ဟံဢ္ဖိဃီဖိ အမံၯတဖဢ္လဿယတိဿ္န႔ဢ္အီၯတဖဢ္ မ့ဿ္၀ဲ၊ တံအၯဒရူအဟံဢ္ (မ့ဿ္သ့ဢ္ပွဿ္ခိဢ္)၊ သရဢ္အၯဃၯရွ၀့ရိဢ္ အဟံဢ္ (ဖဲ ၂၀၀၇ ဖဲ ကီဿ္အ့ရွၯဘ်ဿထံ ခရံာ္ဖိ တဿ္အိဢ္ဖွိဢ္လီၯဘဢ္ဖဲ ကံဿ္မဲအခါဟဲစ့ဿ္ကီး ဒီးဟဲထံဢ္လိာ္ဘဢ္စ့ဿ္ကီးအသးဒီး ကညီခိဢ္နဿ္လဿ ကီဿ္ပယီၯ၊ ကီဿ္ကႜီဢ္တဲဢ္သ့ဢ္တဖဢ္)၊ တံဟဲနရံဢ္ကႜီး အဟံဢ္၊ ဒီး သရဢ္စ့သး အဟံဢ္ (သရဢ္စ့သးမ့ဿ္ ဟ့ၯဒံၯတဿ္အိဢ္ဖွိဢ္သရဢ္၊ ဖ်ိထီဢ္ B Th လဿကၯလၯကၯတါလံာ္စီဆွံကႜိ၊ ဖဲ ၂၀၀၇ နံဢ္ ဖဲကီဿ္အ့ရွၯ ဘ်ဿထံခရံာ္ဖိ တဿ္အိဢ္ဖွိဢ္လီၯဘဢ္ဖဲကံဿ္မဲ အခါ အ၀ဲဟဲဒီး သရဢ္အၯဃၯရွ၀့ရိဢ္စ့ဿ္ကီး) တဖဢ္န႔ဢ္လီၯ.


ပ၀ဲပွၯလဲၯတဿ္လြံဿ္ဂၯဃုာ္ဒီး တံဟဲနရံဢ္ကႜီး ဒီးအဟံဢ္ဖိဃီဖိ



ဃုာ္ဒီးသရဢ္စ့သးဒီး အဟံဢ္ဖိဃီဖိတဖဢ္


ဖဲပအိဢ္ဖဲန႔ဢ္အခါ ပသ့ဢ္ညါအါထီဢ္ဘဢ္ ကညီသုးဖိလဿ သုးက့ ၄ တဖဢ္လဿ ဘဢ္တဿ္ဖီဢ္ဃာ္အ၀ဲသ့ဢ္ လဿကိၯလၯသူသုးတဖဢ္ အဂ့ဿ္န႔ဢ္လီၯ. ဖဲတဿ္ဖီဢ္အ၀ဲသ့ဢ္၀ံၯန႔ဢ္ တဿ္ဖဿႏုာ္အ၀ဲသ့ဢ္လဿ ဖီးဘ်ဲယါ ဃိာ္ပူၯန႔ဢ္လီၯ. ဘဢ္ဆဢ္ အ၀ဲသ့ဢ္အိဢ္ဒီး တဿ္ခြဲးတဿ္ယာ္လဿ ကလဲၯအိဢ္သကိး ကညီဖိဖဲအၯဒမဢ္ တဖဢ္န႔ဢ္လီၯ. လဿအ၀ဲသ့ဢ္အဃိ ကညီဖိလဿအၯဒမဢ္တဖဢ္ သ့ဢ္ညါ မၯလၯကပီၯကညီ အမုဿ္နံၯ ဒိဢ္မုဿ္နံၯထီလဿအမ့ဿ္ ကညီနံဢ္ထီဢ္သီ န႔ဢ္လီၯ. ပအိဢ္ဒီး အ၀ဲသ့ဢ္ကယံာ္ တႏြံ၊ ပမၯခရံာ္နံဢ္သီ ဒီး အ၀ဲသ့ဢ္၊ ၀ံၯ လဿ ၂၀၀၈ နံဢ္ လါယႏူၯအါရံၯ ၂ သီအနံၯန႔ဢ္ ပဒိးထီဢ္ဘဿးစ္ ဒီး ပဟဲက့ၯကဒါက့ၯ ဆူ ဖီးဘ်ဲယါ န႔ဢ္လီၯ. ပဟဲက့ၯမံကဒီး လဿစီၯယိၯနါအဟံဢ္တနၯ ဒီး လဿ လါယႏူၯအါရံၯ ၃ သီ န႔ဢ္ ပဒိးထီဢ္ကဘီ လဿဖီးဘ်ဲယါ ဒီး ပဟဲက့ၯကဒါက့ၯဆူ ကၯလၯကၯတါန႔ဢ္လီၯ. ဖဲလါယႏူၯအါရံၯ ၇ သီ တနံၯန႔ဢ္ ပဟဲက့ၯတုၯဆူ ကၯလၯကၯတါ ဂ့ၯဂ့ၯဘဢ္ဘဢ္လီၯ. မ့ဿ္လဿ ပသကိး စီၯန႔ဢ္၀့ အကႜိကအိးထီဢ္ကဒါက့ၯလီၯအဃိ ပတဟဲက့ၯလဿၯလ့ဢ္မ့ဢ္အူ လဿၯဘဢ္. ပလဲၯကြဿ္ကဘီယူၯ၊ ဒီးပထံဢ္လဿ ပဟဲက့ၯလဿ ကဘီယူၯသ့အဃိ ပဟံးန႔ဿ္ကဘီယူၯ လဲးမး ဒီး လဿ လါယႏူၯအါရံၯ ၈ သီ တနံၯန႔ဢ္၊ ပဒိးထီဢ္ကဘီယူၯ လဿကၯလၯကၯတါ ဒီးပဟဲက့ၯဆူ ဒ့မါဖူ၊ လဿအမ့ဿ္နဢ္ကးလဲ အ၀့ဿ္ခိဢ္ ခံဖ်ဿဢ္တဖ်ဿဢ္ (၀့ဿ္လဿပကႜိအိဢ္သူဢ္လီၯအသးအလီဿ္) န႔ဢ္လီၯ. ပဟဲက့ၯဒိးဘဢ္ကဘီယူၯ တနဢ္ရံဢ္ ဒီးအမံးနံး တဆံ၀ံၯ ပတုၯဆူ ဒ့မါဖူ ဂ့ၯဂ့ၯဘဢ္ဘဢ္န႔ဢ္လီၯ.

ယကြဿ္ကဒါက့ၯ ပတဿ္လဲၯဒီကတီဿ္မ့ဿ္လဿကစဿ္ယြၯအဘ်ဳးအဖွိဢ္အဃိ၊ ပလဲၯတုၯဘဢ္ဆူ အၯဒမဢ္ ကညီဖိတဖဢ္အက်ါ ဂ့ၯဂ့ၯဘဢ္ဘဢ္၊ ပထံဢ္လိာ္ပသးဒီး အ၀ဲသ့ဢ္ ၊ ပနီၯလီၯပတဿ္လဲၯခီဖ်ိတဖဢ္၊ ဒီးပမၯ သ့ဢ္ညါဘဢ္ပသးဒီး အ၀ဲသ့ဢ္တဖဢ္န႔ဢ္လီၯ. တကးဒံးဘဢ္ပဟဲက့ၯတုၯဆူ ပကႜိဂ့ၯဂ့ၯဘဢ္ဘဢ္၊ ခီဖ်ိ ကစဿ္ယြၯအဘ်ဳးအဖွိဢ္အဃိန႔ဢ္လီၯ. ယတဿ္လဲၯဒီတကတီဿ္ကဲထီဢ္တဿ္ဘ်ဳး တဿ္ဖွိဢ္လဿယဂီဿ္ဒိဢ္မး တကးဘဢ္ မ့ဿ္လဿယနီၯလီၯဘဢ္ကဒါက့ၯယတဿ္လဲၯခီဖ်ိ အံၯအဃိ ယနာ္လဿကကဲထီဢ္တဿ္ဘ်ဳး တဿ္ဖွိဢ္စ့ဿ္ကီးလဿပွၯလဿအဖး ဘဢ္တဿ္အံၯ တဖဢ္အဂီဿ္န႔ဢ္လီၯ.

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Read More

ယတဿ္လဲၯဟးဆူ အၯဒမဢ္ (ကိၯလၯသူကီဿ္) ကညီဖိတဖဢ္အက်ါ (အကူာ္ ၄)

ပွၯကညီလဿအၯဒမဢ္တဖဢ္


ုကညီမုဢ္ဖိတဂၯလဿကီးအၯဒမဢ္

ပွၯကညီဖိတဖဢ္အိဢ္ဆိး လဿ အၯဒမဢ္ န႔ဿ္ အနံဢ္ ၈၀ ဘ်ဲဢ္လံန႔ဢ္လီၯ. ဖဲ ၁၉၂၄ နံဢ္န႔ဢ္ သရဢ္ဒိဢ္ ဒီးကထဿဢ္မၯရွဿဢ္ လဿအမ့ဿ္ ပွၯကညီယြၯဂ့ဿ္ပီညါဖႜဢ္စိမိၯ အသရဢ္ကႜိခိဢ္ ဟဲက့ၯလဿကီဿ္အမဲရကၯ ဆူ ကီဿ္ပယီၯန႔ဢ္လီၯ. လဿအတဿ္ဟဲက့ၯလဿက်ဲန႔ဢ္ ဟဲက့ၯအိဢ္ပတုာ္၀ဲဒဢ္လဿ ဖီးဘ်ဲယါ လဿအမ့ဿ္ အၯဒမဢ္ အ၀့ဿ္ခိဢ္၊ ဒ္သိး ကထံဢ္လိာ္အသးဒီး အတခြါလဿအမ့ဿ္ သုးခိဢ္ဒိဢ္စိ Ferrar (သုးခိဢ္အဒိဢ္ ကတဿဿ္လဿ နံၯကိၯပဢ္ ဒီးအၯဒမဢ္အပူၯ) န႔ဢ္လီၯ. ဖဲန႔ဢ္သုးခိဢ္ဒိဢ္စိ Ferrar တဲဘဢ္ ဒီးကထဿဢ္ မၯရွဿဢ္ လဿ ပဒိဢ္ကဟ့ဢ္တဿ္ပ်ဲလဿ ပွၯကမၯစဿၯတဿ္လဿ တဿ္အံးထြဲကြဿ္ထြဲ သ့ဢ္ပွဿ္တဖဢ္ ၊ ကအိဢ္ ဒီးတဿ္ခြဲးတဿ္ယာ္လဿ ကအိဢ္ဆိးဘဢ္လဿ အၯဒမဢ္အပူၯလဿတဿ္သဘ့်န႔ဢ္လီၯ. ဖဲန႔ဢ္ ဒီးကထဿဢ္ မၯရွဿဢ္ပာ္၀ဲတဿ္အံၯဒ္အမ့ဿ္ တဿ္ခြဲးတဿ္ယာ္အဂ့ၯတခါ လဿကမၯစဿၯဘဢ္ ပွၯကညီ ဖိလဿ အမၯတဿ္ဆူဢ္တဖဢ္အဂီဿ္န႔ဢ္လီၯ. ဒီးဖဲအဟဲက့ၯတုၯဆူ ၀့ဿ္တကူဢ္န႔ဢ္ အ၀ဲရၯလီၯ၀ဲဒဢ္တဿ္ဂ့ဿ္အံၯလဿ ကညီအတဿ္ကစီဢ္လဿအမ့ဿ္ ဆဢ္တူဿ္ဂီၯ အပူၯန႔ဢ္လီၯ.

သရဢ္ဒိဢ္လူၯကႜံလဿအမ့ဿ္တဿ္အိဢ္ဖွိဢ္သရဢ္ တဂၯ တုၯလဿအဖးဘဢ္တဿ္ဂ့ဿ္တခါအံၯ ဒီးအ၀ဲလဲၯကြဿ္၀ဲတဿ္လီဿ္လဿအၯဒမဢ္အခါ ထံဢ္၀ဲ လဿ အမ့ဿ္တဿ္ခြဲးတဿ္ယာ္ဂ့ၯလဿအဂီဿ္န႔ဢ္လီၯ. ဖဲ ၁၉၂၅ နံဢ္လါအ့ျဖ့ဢ္အပူၯန႔ဢ္ ပွၯကညီဖိ ၁၃ ဒူဢ္လဲၯဒီး အိဢ္ဆိး၀ဲလဿ ကီးအၯဒမဢ္အပူၯ ခီဖ်ိ သရဢ္လူၯကႜံ အတဿ္ပဿတဿ္ဆွဿန႔ဢ္လီၯ. ဒီးဖဲ ၁၉၂၆ နံဢ္န႔ဢ္ ပွၯခံဒူဢ္တဒူဢ္ လဿအပဢ္ဃုာ္ဒီး ဟံဢ္ဖိဃီဖိ အဒူဢ္ ၅၀ လဲၯတုၯကဒီးဆူ ကီးအၯဒမဢ္၊ ဒီးဖဲန႔ဢ္ အ၀ဲသ့ဢ္ သူဢ္ထီဢ္၀ဲဒဢ္သ၀ီတဖ်ဿဢ္ လဿအမ့ဿ္ ၀့ဿ္ဘံဢ္ သ၀ီန႔ဢ္လီၯ. စးထီဢ္ဖဲန႔ဢ္ တုၯခဲအံၯတစု ပွၯကညီဖိတဖဢ္ အိဢ္ဆိး၀ဲဒဢ္လဿ ကီးအၯဒမဢ္အပူၯ ဒီးအ၀ဲသ့ဢ္ကဲထီဢ္ဘဢ္ ကိၯလၯသူကီဿ္အထံ ဖိကီဿ္ဖိ၊ ဒီးဒ္ထံဖိကီဿ္ဖိအသိး ဒိးန႔ဿ္ဘဢ္တဿ္သဘ့်လဿလဿပွဲၯပွဲၯန႔ဢ္လီၯ. ပွၯကညီအဒူဢ္လဿ အလဲၯတုၯဆူကီးအၯဒမဢ္တဖဢ္ ထီဢ္ပွဿ္လီၯဖး ဒီးအါထီဢ္ဂီဿ္ထီဢ္၊ ဒီးအခဲအံၯပွၯကညီအနီဢ္ဂံဿ္ ကအိဢ္ ၀ဲဒဢ္အဂၯသဿကထိ ဃဢ္ဃဢ္လံန႔ဢ္လီၯ.

ပွၯကညီဖိလဿအၯဒမဢ္ ခဲလဿာ္န႔ဢ္မ့ဿ္ ဘ်ဿထံခရံာ္ဖိတဖဢ္န႔ဢ္လီၯ. အ၀ဲသ့ဢ္ တဖဢ္အိဢ္၀ဲဒဢ္လဿ သ၀ီခြံဖ်ဿဢ္လဿအမ့ဿ္ ၀့ဿ္ဘံဢ္၊ လဲၯထီဢ္၊ ကြ႕ကြ႕၊ နီဢ္ဂံဿ္ခြံ၊ နီဢ္ဂံဿ္တဆံ၊ ဘံၯစကံၯ၊ စ့ပူၯ၊ ကႜံၯပူၯ၊ ဒီး ဘၯရီတဖဢ္န႔ဢ္လီၯ. အ၀ဲသ့ဢ္အိဢ္ဒီး တဿ္အိဢ္ဖွိဢ္မိဿ္ပွဿ္သဿဖွိဢ္ လဿအမ့ဿ္ ၀့ဿ္ဘံဢ္ကညီဘ်ဿထံ တဿ္အိ္ဢ္ဖွိဢ္ (သရဢ္လူၯကႜံဘ်ဿထံတဿ္အိဢ္ဖွိဢ္)၊ မုဿ္လဿ္ဘ်ဿထံတဿ္အိဢ္ဖွိဢ္၊ ဒီး စံယိဢ္ဘ်ဿထံတဿ္အိဢ္ ဖွိဢ္န႔ဢ္လီၯ. တဿ္အိဢ္ဖွိဢ္ သဿဖုလဿာ္အံၯ အိဢ္သူဢ္လီၯအသးလဿ ၀့ဿ္ဘံဢ္အပူၯန႔ဢ္လီၯ. က်ိာ္မိဿ္ပွဿ္လဿ ပွၯကညီဖိဖဲန႔ဢ္တဖဢ္ ကတိၯ၀ဲန႔ဢ္မ့ဿ္ ကညီက်ိာ္ဒီး ကိၯလၯသူက်ိာ္န႔ဢ္လီၯ. မ့ဿ္လဿကစဿ္ယြၯအဘ်ဳး အဖွိဢ္အဃိ အခဲအံၯကိၯလၯသူပဒိဢ္ဟ့ဢ္အ၀ဲသ့ဢ္တဿ္ခြဲးတဿ္ယာ္လဿ ကမၯလိဘဢ္ကညီက်ိာ္လဿ ကိၯလၯသူပဒိဢ္တီၯဖုဢ္ကႜိအပူၯန႔ဢ္လီၯ.


မုဿ္လဿ္တဿ္အိဢ္ဖွိဢ္ဖိတဖဢ္သး၀ံဢ္ခြါယဿဢ္အခါ



စံယိဢ္ဘ်ဿထံတဿ္အိဢ္ဖွိဢ္



နီဢ္ဂံဿ္ခြံ ကညီဘ်ဿထံတဿ္အိဢ္ဖွိဢ္


တဿ္လီၯလးအဒိဢ္ကတဿဿ္တခါလဿ ကစဿ္ယြၯမၯဘဢ္ ပွၯကညီဖိလဿအၯဒမဢ္တဖဢ္န႔ဢ္ မ့ဿ္ဒ္အံၯလီၯ. ဖဲ ၂၀၀၄ နံဢ္လါ ဒံၯစဲဘဿဢ္ ၂၆ သီန႔ဢ္၊ ပကသ့ဢ္နီဢ္ထီဢ္ပ၀ဲကိးဂၯဒဲးလီၯ. ဘဢ္ဖဲစူၯနၯမံဢ္လီၯ၀ဲအဆဿ ကတီဿ္အဃိ ပွၯလဿအအိဢ္လဿပီဢ္လဲဢ္ကပၯတဖဢ္ သံ၀ဲအါမး န႔ဢ္လီၯ. ဘဢ္ဆဢ္ ပွၯကညီဖိဖဲန႔ဢ္တဖဢ္ တသံတပွဿ္ဘဢ္ နီတဂၯဘဢ္. ပွၯကညီဖိလဿ ကီးအၯဒမဢ္တဖဢ္ အတဿ္ဖံးတဿ္မၯ မိဿ္ပွဿ္မ့ဿ္၀ဲဒဢ္ တဿ္မၯ အီဢ္ညဢ္၊ တဿ္တ့ဆါခ်ံတဖဢ္ အဃိ ပွၯအါတက့ဿ္ ဘဢ္အိဢ္၀ဲဒဢ္လဿ ပီဢ္လဲဢ္ပူၯန႔ဢ္လီၯ. ဘဢ္ဆဢ္ မ့ဿ္လဿပွၯကညီဖဲန႔ဢ္တဖဢ္ မ့ဿ္ဘ်ဿထံခရံာ္ဖိကိးဂၯဒဲးအဃိ ဖဲ ၂၄ သီအနံၯန႔ဢ္၊ ပွၯလဿအအိဢ္ လဿပီဢ္လဲဢ္ပူၯတဖဢ္ ဟဲက့ၯကဒါက့ၯဆူအသ၀ီအပူၯ ဒ္သိးကမၯလၯကပီၯ ခရံာ္အိဢ္ဖ်ဲဢ္အဂီဿ္လီၯ. လဿတဿ္န႔ဢ္အဃိ ဖဲစူၯနၯမံဢ္လီၯအခါ အ၀ဲသ့ဢ္တသံဘဢ္၀ဲနီတဂၯဘဢ္. မ့မ့ဿ္ပွၯဟ့ဢ္ဒူဢ္ ဖိတဖဢ္ သံ၀ဲဒဢ္အါမးန႔ဢ္လီၯ.

ဒ္ယတဲတ့ဿ္လံအသိး၊ ပွၯကညီလဿအၯဒမဢ္တဖဢ္ အတဿ္မၯမိဿ္ပွဿ္န႔ဢ္မ့ဿ္ တဿ္မၯအီဢ္ညဢ္၊ တဿ္တ့ခ်ံ၊ တကးဒံးဘဢ္ တဿ္မၯတဿ္လဿသ့ဢ္ပွဿ္အတဿ္ဖံးတဿ္မၯ၊ တဿ္ယူၯခ်ိဢ္၊ ဒီး တဿ္ဆွဿ ပွၯဟးဆွဢ္ကီဿ္အတဿ္မၯတဖဢ္စ့ဿ္ကီး ပွၯကညီဖိအါဂၯမၯ၀ဲဒဢ္န႔ဢ္လီၯ. ဖဲယလဲၯဟးလဿ အၯဒမဢ္အခါ ယသ့ဢ္ညါ ဖါတံဿ္တဂၯလဿအမၯတဿ္လဿ သ့ဢ္ပွဿ္အတဿ္ဖံးတဿ္မၯဒ္အမ့ဿ္ ပွၯဘဢ္မူဘဢ္ဒါတဂၯအသိး လဿအမံၯမ့ဿ္၀ဲ သးပွဿ္ အၯဒရူ န႔ဢ္လီၯ. ဒ္သးပွဿ္အၯဒရူ အသိး၊ အခဲအံၯ ပွၯကညီဖိတဖဢ္ မၯဘဢ္တဿ္လဿ ပဒိဢ္အတဿ္ဖံးတဿ္မၯ အိဢ္၀ဲအါဂၯလံ န႔ဢ္လီၯ. အါတက့ဿ္ ပွၯကညီဖိတဖဢ္ႏုာ္လီၯမၯတဿ္လဿ တဿ္ကူဢ္ဘဢ္ကူဢ္သ့တကပၯ၊ ပဿၯကီဿ္ တဿ္ဖံးတဿ္မၯတကပၯ၊ ဒီး သုးတပၯစ့ဿ္ကီး န႔ဢ္လီၯ. ပွၯကညီဖိလဿ အိဢ္ဒီးအလီဿ္အလၯ တဖဢ္အိဢ္စ့ဿ္ကီးလံန႔ဢ္လီၯ. လဿအပူၯကြံာ္ အ၀ဲသ့ဢ္မ့ဿ္တစီဢ္မဲာ္စီဢ္နါလဿ တဿ္ကူဢ္သ့ တကပၯဘဢ္ဆဢ္၊ အခဲအံၯ ပွၯကညီဖိဖဲန႔ဢ္တဖဢ္ စးထီဢ္ဃုမၯလိတဿ္ကူဢ္ဘဢ္ကူဢ္သ့လဿ အပတီဿ္ထီတဖဢ္လံန႔ဢ္လီၯ. ယသကိး ပွၯကညီလဿအၯဒမဢ္တဖဢ္အက်ါ ပွၯလဿအမၯလိ မးစထဿဢ္ ဒံၯကရံၯ အိဢ္ တဘ်ဳးဂၯလံလီၯ. ယနာ္လဿ အ၀ဲသ့ဢ္ကစိာ္ကဖီထီဢ္ ကညီဖိလဿ အၯဒမဢ္တဖဢ္ အလၯကပီၯန႔ဢ္လီၯ.

ပ၀ဲကညီဖိတဖဢ္ ဖဲပအိဢ္အလီဿ္တပူၯဂ့ၯတပူၯဂ့ၯ ပမ့စီဢ္မဲာ္စီဢ္နါလဿ တဿ္ကူဢ္ဘဢ္ကူဢ္သ့ တကပၯန႔ဢ္၊ တဿ္ကူဢ္ဘဢ္ကူဢ္သ့ကစိာ္ကဖီထီဢ္ပွၯဖးဒိဢ္န႔ဢ္လီၯ. မ္ပသုတဃုထဲ နီဿ္ခိ အတဿ္ကူဢ္ဘဢ္ကူဢ္သ့တဂ့ၯ၊ ပကဃုမၯလိစ့ဿ္ကီးနီဿ္သးအတဿ္ကူဢ္ဘဢ္ကူဢ္သ့တက့ဿ္.



ကညီဖိလဿအၯဒမဢ္တဖဢ္


ခိးကဒီး အကူာ္ ၅


မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Read More

ယတဿ္လဲၯဟးဆူ အၯဒမဢ္ (ကိၯလၯသူကီဿ္) ကညီဖိတဖဢ္အက်ါ (အကူာ္ ၃)

ကဘီက်ဲလဿ ကၯလၯကၯတါဆူ အၯဒမဢ္ကီး

အခဲအံၯဒု လဲၯထီဢ္လဿ ကဘီဖးဒိဢ္အပူၯလံ. ဒ္သိးကတုၯလဿကဘီ ဖးဒိဢ္ပူၯအဂီဿ္ ဘဢ္အိဢ္ခိး တဿ္ အိဢ္တစိဿ္ဖိညါ၊ မ့ဿ္လဿ ပွၯလဲၯတဿ္ဖိတဖဢ္ အါ၀ဲအဃိ၊ တကးဘဢ္ မ့လဿဃီ အိဢ္ထဲ တဘိလဿ ကလဲၯ ထီဢ္ကဘီပူၯ အဂီဿ္အဃိ န႔ဢ္လီၯ. ဖဲလဲၯတုၯလဿ ကဘီဖီခိဢ္အခါ ၊ ဖဲပဟးဃုကြဿ္ ပလီဿ္မံနီဢ္ဂံဿ္ အခါ၊ ပဘဢ္က့ၯလီၯဃုကြဿ္ဆူ အကထဿလဿအဖီလာ္တဖဢ္၊ အန႔ဢ္မးပထံဢ္က့ၯပလီဿ္မံနီဢ္ဂံဿ္ န႔ဢ္လီၯ. (ကဘီန႔ဢ္အိဢ္ ဃုကထဿ၊ ႏြံကထဿ န႔ဢ္လီၯ.) ပလီဿ္လဿ ပဘဢ္လဲၯအိဢ္န႔ဢ္ အိဢ္၀ဲ ဒ္ဒဿး ဖးဒိဢ္တဖ်ဿဢ္ အသိး၊ ဒီး အိဢ္ဒီး လီဿ္မံကထဿတဖဢ္ လဿအဖ်ဿဢ္ လဿအကယၯညါလီၯ. လီဿ္မံန႔ဢ္၊ ဒီကထဿ၀ဲခံဖ်ဿဢ္၊ ပွၯမံသ့ အဖီခိဢ္တဂၯဒီး အဖီလာ္တဂၯန႔ဢ္လီၯ. ပယဲဿ္ဂၯ ပမၯန႔ဿ္လီဿ္မံယဲဿ္ဖ်ဿဢ္၊ ဒီးလီဿ္မံ တဖ်ဿဢ္န႔ဢ္ အလဲဿ္ကအိဢ္ တပ်ဿ္ဒီး တထါန႔ဢ္လီၯ. လဿပဃဿၯ ၀း၀းတခီ အိဢ္ထဲကိၯလၯသူ တဖဢ္န႔ဢ္လီၯ.

တဿ္သးဘဢ္တံာ္တာ္ အဒိဢ္ကတဿဿ္ လဿတဿ္ဒိးကဘီအခါ မ့ဿ္၀ဲ၊ တဿ္အီဢ္တဿ္အီ၊ ဒီး တဿ္ဟးဖွံဟးဃဿ န႔ဢ္လီၯ. နအီဢ္တဿ္အီဢ္န႔ဢ္ နဘဢ္ဟ့ဢ္စ့ ဒံး၊ ဒီးနဘဢ္အိဢ္ခိး ဒ္သိးပွၯဃိာ္ ဖိအသိး၊ ဒီး နဘဢ္အီဢ္ဒ္ပွၯ ဃိာ္ ဖိ တဿ္အီဢ္အသိးလီၯ. ကိညဢ္ တမံၯလဿ၊ လဿကဘီပူၯန႔ဢ္ ပွၯဆါတဿ္အိဢ္အဃိ အိဘဢ္ဒံး၊ ဖဲဢ္စံဢ္ ဖိ တဿ္ဖိန႔ဢ္လီၯ. ဖဲလဲၯဖွံလဲၯဃဿ တဘ်ီလဿ္လဿ္၊ မ့သ့န႔ဢ္၊ အဲဢ္ဒိးပာ္ မဲာ္သဢ္လဿခ်ဿဃံ တကပၯ၊ မ့ဿ္လဿ အတဿ္နဿမူနဿဆွီ တဖဢ္ နဿမွဲ နးမး အဃိလီၯ.

တဿ္လဲၯလဿ ကၯလၯကၯတါ ဆူ အၯဒမဢ္ ကီးန႔ဢ္၊ လဿကဘီန႔ဢ္ ပဘဢ္လဲၯ၀ဲ သဿနၯဒီးသဿနံၯ၊ မးပတုၯဆူ ဖီးဘ်ဲယါ၊ အၯဒမဢ္ အ၀့ဿ္ခိဢ္န႔ဢ္လီၯ. ပဘဢ္ခီဂာ္ ၀ဲဒဢ္ ဘ့ကလါ ပီဢ္ႀတီၯ (ပီဢ္လဲဢ္လဿ နဢ္က့းစးထီဢ္သးအလီဿ္) ဒီးလဲၯႏုာ္လီၯဆူ ကိဢ္ကိ ဒီးအၯဒမဢ္ ကီးကဆူး ဒီး ဆူ ဖီးဘ်ဲယါ န႔ဢ္လီၯ. မ့ဿ္လဿဘဢ္ဒိးကဘီ သဿနၯဒီးသဿနံၯအဃိ၊ ဒိးကဘီဘ်ဲဘဢ္ မးယသးန႔ဢ္လီၯ. မ့ဿ္လဿ ဖဲဒိးကဘီ အခါ ကြဿ္လဿမုဿ္ထီဢ္ဧီဿ္ ထံဢ္ထဲထံ၊ မုဿ္ႏုာ္ဧီဿ္ ထံဢ္ထဲထံ၊ ကလံၯစိးဧီဿ္ထံဢ္ထဲထံ၊ ကလံၯထံးဧီဿ္ ထံဢ္ထဲထံ၊ အဃိန႔ဢ္လီၯ. ဖဲထံဢ္စိ ကိးတဖ်ဿဢ္ဂ့ၯတဖ်ဿဢ္ဂ့ၯအခါ မ့ဿ္တဿ္မုာ္ကတဿဿ္လဿ ပွၯဒိးကဘီ တဖဢ္အဂီဿ္ န႔ဢ္လီၯ. ဖဲပႏုာ္လီၯဆူ ကိဢ္ကိ ကီး ဒီး အၯဒမဢ္ကီး အဘဿဢ္စဿၯန႔ဢ္ ပထံဢ္စိ ကိးတနီၯ ဒီးယတယာ္ လဿအကမ့ဿ္ ကိဢ္ကိ ကီးန႔ဢ္လီၯ. (ကိဢ္ကိကီး န႔ဢ္မ့ဿ္ကီးလဿ ပယီၯပဿ၀ဲ၊ ဒီးအၯဒမဢ္ကီး န႔ဢ္ မ့ဿ္ကီးလဿ ကိၯလၯသူ ပဿ၀ဲန႔ဢ္လီၯ.)


ဖဲဒိးကဘီဆ့ဢ္နီၯကြဿ္ ကီပီဢ္လဲဢ္လဿကဘီအခ်ဿအခါ


ဖဲလဲၯဘူးထီဢ္လဿ အၯဒမဢ္အခါ (အၯဒမဢ္ကီးအိဢ္ဖ်ါလဿပွၯကြဲးလံာ္အလီဿ္ခံ)

ဒီးလဿခံကတဿဿ္၊ ဖဲ ၂၅ သီ ဟါခီန႔ဢ္ ပလဲၯတုၯဆူ ဖီးဘ်ဲယါ ကဘီသန႔၊ ဒီးပစံဢ္လီၯလဿကဘီပူၯ၊ ဒီး ပလဲၯဆူ ကဘီသန႔အခ်ဿ၊ ဒီး ပအိဢ္ခိး ပွၯလဿကဟဲအိဢ္ပွၯတဂၯ န႔ဢ္လီၯ. ဖဲပလဲၯတုၯလဿ ဖီးဘ်ဲယါ အခါ၊ ယကြဿ္တဿ္လီဿ္တဿ္က်ဲတဖဢ္ ဂ့ၯဒိဢ္မ့ဿ္ဒံး တဿ္လီဿ္အဂၯတဖဢ္ လဿအအိဢ္လဿ ကိၯလၯသူ ကီဿ္ ဒိဢ္အပူၯန႔ဢ္လီၯ. ဒီးဖဲန႔ဢ္ယသံကြဿ္ပွၯဒီး ပွၯစံးဆဿက့ၯယၯလဿ မ့ဿ္လဿကီးအ၀ဲအံၯ ဘဢ္တဿ္ပဿအီၯ လိၯလိၯလဿ ကိၯလၯသူကီဿ္အပဒိဢ္အဃိ၊ အတဿ္မၯစဿၯန႔ဢ္ ဟဲလိၯလိၯလဿလီဿ္ခဿဢ္သး န႔ဢ္လီၯ. ဖဲပလဲၯတုၯလဿ ဖီးဘ်ဲယါ အဆဿကတီဿ္ မ့ဿ္လဿပစံးလီၯပသးလဿ ပဟဲလဿနဢ္ကးလဲ အဃိ၊ ပမ့မ့ဿ္ထဲ ကညီဖိတဖဢ္ဘဢ္ဆဢ္ ပဘဢ္ကတိၯတဿ္လဿ အဲကလံး က်ိာ္န႔ဢ္လီၯ. ပအိဢ္ခိးတဿ္တတီၯဒိဢ္ဒိဢ္ဒီး ပွၯတဂၯ ဟဲဒိးဒီး မီထိဢ္စဲဢ္ကဿဢ္ တခိဢ္ ၊ ဟဲတုၯဆူပအိဢ္ ဒီးတဲတဿ္ဒီး စီၯန႔ဢ္၀့လဿ ကညီက်ိာ္ န႔ဢ္လီၯ. ဖဲန႔ဢ္ တဿ္ဆိကမိဢ္ႏုာ္လီၯလဿ ယသးပူၯ၊ အီ၊ လဿကိၯလၯသူ တဖဢ္အက်ါ ပွၯကညီ အိဢ္စ့ဿ္ မီၯလဲဢ္. ပွၯကညီတဖဢ္ အိဢ္လဿတဿ္လီဿ္ကိးပူၯလီၯမၯလဲဢ္. ဒီးဖဲန႔ဢ္ အ၀ဲ တဲလီၯ၀ဲ အမံၯ၊ ဒီး အမံၯလဿ စီၯယိၯနါ န႔ဢ္လီၯ. စီၯယိၯနါ အိဢ္ဒီး အမါ ဒီး အဖိမုဢ္ဖိခံဂၯ လဿဖီးဘ်ဲယါ အံၯန႔ဢ္လီၯ. (တမ့ဿ္ထဲလဿအဟံဢ္ဖိဃီဖိတဒူဢ္ဧိၯ အိဢ္လဿ ဖီးဘ်ဲယါ ဘဢ္၊ ပွၯကညီဖိတဖဢ္ အိဢ္စ့ဿ္ကီးအါမး လဿ ၀့ဿ္အံၯန႔ဢ္လီၯ. တကးဘဢ္ အ၀ဲသ့ဢ္က်ဲးစဿး၀ဲလဿကသူဢ္ထီဢ္ ကညီလီဿ္ခဿဢ္သး ၀ဲၯလီဿ္ဃုာ္ဒီး ကညီ သရိာ္တဖ်ဿဢ္ ၊ ကညီဖိလဿအအိဢ္လဿ ခိတဖဢ္ မ့ဟဲထီဢ္ဆူ၀့ဿ္ပူၯအဂီဿ္ ကအိဢ္ဒီး တဿ္လီဿ္တဿ္က်ဲ မူာ္မူာ္နီဿ္နီဿ္ အဂီဿ္န႔ဢ္လီၯ. ဆူမဲာ္ညါတနံဢ္၊ ဖဲယမၯလိတဿ္သဿနံဢ္တနံဢ္အခါ ယနဿ္ဟူလဿ အ၀ဲသ့ဢ္ပာ္စီဆွံ တဿ္သူဢ္ထီဢ္လဿအဘွီထီဢ္၀ဲ လဿ ဖီးဘ်ဲယါ အံၯန႔ဢ္လီၯ.) စီၯယိၯနါမ့ဿ္ ကိၯလၯသူ ပဿၯကီဿ္ ဖိတဂၯ လဿအတဿ္မၯလီၯလဿ ဖီးဘ်ဲယါ အံၯန႔ဢ္လီၯ. မ့ဿ္လဿအမ့ဿ္ကိၯလၯသူ ပဿၯကီဿ္အဃိ အ၀ဲဒီး အဟံဢ္ဖိဃီ ဖိဘဢ္အိဢ္လဿ ပဿၯကီဿ္ အဟံဢ္ တဿ္သူဢ္ထီဢ္ တဖဢ္အပူၯန႔ဢ္လီၯ.

ပဒိးလဲထီဢ္ သိလ့ဢ္တဆိ ၀ံၯ ပပိာ္ထီဢ္ စီၯယိၯနါအခံ ဆူ အအိဢ္တဿ္အလီဿ္န႔ဢ္လီၯ. ဒီးဖဲ ပလဲၯတုၯလဿ စီၯယိၯနါ အဟံဢ္အခါ အမါဒီး အဖိ ဟဲထီဢ္သဂဿဿ္ပွၯ၊ ဒီးပလဲၯထီဢ္ဆူ အဟံဢ္ပူၯန႔ဢ္လီၯ. အဟံဢ္ဖိန႔ဢ္ မ့ဿ္ဒဢ္လဿ ဟံဢ္ဖိဃီဖိ တဖ်ဿဢ္ အဂီဿ္လီၯအဃိ မ့ဿ္၀ဲဒဢ္အံဢ္အံဢ္ဖိ န႔ဢ္လီၯ၊ အိဢ္ဒီး ဒဿးလဿမံလီဿ္တကဆူး၊ ဖဢ္ကပူၯတကဆူး၊ ဒီးသဢ္လဢ္ပူၯ တကဆူးန႔ဢ္လီၯ. ပလဲၯတုၯ လဿအဟံဢ္တစိဿ္ဖိ စီၯယိၯနါ အမါ ဘူးလီၯန႔ဿ္ပွၯမ့ၯ ဃုာ္ဒီး ညဢ္အုဢ္ထံ မိဢ္ဟဲသဢ္ တဿ္ဒိး တဿ္လဢ္တဖဢ္၊ ဒီးညဢ္ထံက်ါကသူ၊ လီၯဂာ္မးဒ္သိး ပဟဲက့ၯတုၯလဿ ကီဿ္သူလ့ၯအပူၯလီၯ. ယလဲၯ အိဢ္လဿကိၯလၯသူကီဿ္ခံနံဢ္ အတီဿ္ပူၯ၊ ကဲထီဢ္က့ၯတဿ္အဆိကတဿဿ္ တဘ်ီလဿ ယအီဢ္ဘဢ္က့ၯ ညဢ္အုဢ္ထံ အဃိ၊ အီဢ္ပသ့းအါယးပါယး ဒီး တံၯသူဢ္တံၯသးမးလီၯ. ပအီဢ္မ့ၯ၀ံၯ ပစံးဘ်ဳးစံးဖွိဢ္ က့ၯ စီၯယိၯနါ အမါ၀ံၯ၊ ပတဲသကိးတဿ္ အါယးပါယး လဿကညီက်ိာ္ န႔ဢ္လီၯ. (မ့ဿ္လဿပအိဢ္လဿတဿ္ခ်ဿ အခါ ပဘဢ္တဲတဿ္လဿကိၯလၯက်ိာ္ အဃိန႔ဢ္လီၯ.)

ပတဲတဿ္၀ံၯ ပဟံးန႔ဿ္တဿ္အိဢ္ဘွံးအိဢ္သါ၊ မ့ဿ္လဿ ခဲဂီၯတနံၯ၊ ၂၆ သီဂီၯခီဂီၯဂီၯ လြံဿ္နဢ္ရံဢ္ ပဘဢ္ဒိး ထီဢ္ဘဿးစ္ ဒီးလဲၯဆူ ၀့ဿ္ဘံဢ္၊ သ၀ီလဿ ပွၯကညီဖိ အိဢ္အါကတဿဿ္ အလီဿ္န႔ဢ္လီၯ. ဂီၯခီဂီၯဂီၯ ဖဲ သဿနဢ္ရံဢ္တခီန႔ဢ္ သိလ့ဢ္လဿအဟဲဆွဿပွၯဆူ စီၯယိၯနါ အဟံဢ္တခိဢ္ ဟဲအိဢ္ကဒီး ပွၯဒီး ဆွဿပွၯဆူ ဘဿးစ္ သန႔န႔ဢ္လီၯ. မ့ဿ္လဿဖီးဘ်ဲယါ ဒီး ၀့ဿ္ဘံဢ္ တဿ္ဒ့ဢ္စဿၯယံာ္ ဃိးနဢ္ရံဢ္ခြံ နဢ္ရံဢ္ အဃိ ဘဿးစ္ တဖဢ္ တတီဢ္ ပွၯအပိဢ္ဘဢ္၊ (မ့မ့ဿ္လဿကိၯလၯသူကီဿ္ပူၯတကပၯ ဘဿးစ္ တဖဢ္အပူၯပွၯကတံာ္လံ န႔ဢ္ တီဢ္အါထီဢ္ပွၯကညီဒံး.) ပဒီး ထီဢ္ဘဿးစ္ ဒီးပဘဢ္ခီဂာ္ ကီးဖးဒိဢ္ ခံကီးလဿအမ့ဿ္ South Andaman, Middle Andaman န႔ဢ္လီၯ. ပွၯကညီဖိတဖဢ္ အိဢ္အါလဿ Middle Andaman လဿအဘူးထီဢ္ဒီး North Andaman န႔ဢ္လီၯ.


အၯဒမဢ္ကီးတဖဢ္


ဖဲႏုာ္လီၯလဿ Middle Andaman အခါ

ပလဲၯလဿက်ဲ ပဘဢ္လဲၯဒီးဘဿးစ္ တံာ္တာ္ ဃိးနဢ္ရံဢ္ခြံနဢ္ရံဢ္ ညါန႔ဢ္လီၯ. လဿက်ဲန႔ဢ္ မ့ဿ္လဿပဘဢ္ခီ ဂာ္ ကီးတကီး ဒီးတကီး အဃိ ပဘဢ္ခီလဿ ကဘီဖိတဖဢ္န႔ဢ္လီၯ. (ကဘီဖိတခိဢ္န႔ဢ္ တီဢ္ဘဿးစ္ ခံဆိ ဒီးပွၯကညီတဖဢ္န႔ဢ္လီၯ.) တဿ္လီၯဆီတမံၯန႔ဢ္ ဖဲပလဲၯတုၯလဿ Middle Andaman အခါ လဿက်ဲ န႔ဢ္ ပထံဢ္ပွၯကးပလံဢ္ တဒူဢ္ တနီၯနီၯ န႔ဢ္တကူတကၯ တဿ္နီတမံၯဘဢ္၊ တနီၯနီၯန႔ဢ္ ပာ္ဘဿ၀ဲဒဢ္ တစဲး ဖိန႔ဢ္လီၯ. ပွၯကးပလံဢ္ တဖဢ္အံၯ မ့ဿ္ဒံးဒဢ္ ပွၯမံၯစကုာ္ တဖဢ္လီၯ. အ၀ဲသ့ဢ္အိဢ္လဿပွဿ္လဿ္က်ါ ဒီး အီဢ္တဿ္လဿပွဿ္လဿ္က်ါန႔ဢ္လီၯ. လဿအပူၯကြံာ္ အနံဢ္တဆံခံဆံ န႔ဢ္အ၀ဲသ့ဢ္မ့ဿ္ထံဢ္ပွၯကူပွၯကညီ န႔ဢ္ ခး၀ဲလဿ ကႜ႔ဢ္ကလံး တကးဘဢ္အီဢ္စ့ဿ္ကီး အညဢ္န႔ဢ္လီၯ. မ့မ့ဿ္ခဲအံၯန႔ဢ္ အ၀ဲသ့ဢ္ ကဲထီဢ္ပွၯယ့ဢ္ပွၯ ကႜ႔ ထီဢ္တစဲးလံန႔ဢ္လီၯ.


ပွၯကးပလံဢ္ မံၯစကုာ္ မုဢ္တဖဢ္လဿ ကီးအၯဒမဢ္ အပူၯ

ဒီးလဿခံကတဿဿ္ ဖဲ ၂၆ သီမုဿ္ဃ့ဿ္လီၯသဿနဢ္ရံဢ္ ဃဢ္ဃဢ္န႔ဢ္ ပလဲၯတုၯဆူ ၀့ဿ္ဘံဢ္သ၀ီ ၊ သ၀ီလဿ ပွၯကညီအိဢ္အါကတဿဿ္တဖ်ဿဢ္ အပူၯန႔ဢ္လီၯ.

ခိးကဒီးအကူာ္ ၄

Read More

ယတဿ္လဲၯဟးဆူ အၯဒမဢ္ (ကိၯလၯသူကီဿ္) ကညီဖိတဖဢ္အက်ါ (အကူာ္ ၂)

ပွၯကြဲးလံာ္ လဿ ကၯလၯကၯတါ တဿ္ကြဿ္ကီဆဢ္ဖိကီဿ္ဖိ အလီဿ္

ယပာ္ကဖဿလဿယသးလဿ ယလဲၯယီဿ္လီၯဘဢ္ ကၯလကၯတါ အဃိန႔ဢ္လီၯ. (အဂ့ဿ္ဒ္အံၯ၊ မ့ဿ္စံဢ္ စိၯႏုာ္အ၀့ဿ္တ၀့ဿ္ ဒီးပနဿ္ဟူဘဢ္စ့ဿ္ကီး အဂ့ဿ္တလီဿ္လီဿ္န႔ဢ္လီၯ.) မ့ဿ္၀့ဿ္အဒိဢ္ကတဿဿ္တဖ်ဿဢ္ လဿယယီဿ္လီၯဘဢ္လဿ ယတဿ္အိဢ္မူအပူၯ စ့ဿ္ကီး န႔ဢ္လီၯ. ကၯလၯကၯတါ မ့ဿ္၀့ဿ္ဖးဒိဢ္ တဖ်ဿဢ္ လဿပွၯ၀့ဿ္ဖိ ကအိဢ္၀ဲ ၁၈ ကကြဲဿ္ဘ်ဲဢ္ညါ န႔ဢ္လီၯ. တဿ္သူဢ္ထီဢ္တဖဢ္ အါတက့ဿ္မ့ဿ္ တဿ္သူဢ္ ထီဢ္လဿ ဘဢ္တဿ္တ့ အီၯလဿ တခ်ဳးဟီဢ္ခိဢ္တဿ္ဒုးခံဘ်ီတဘ်ီ ဒံးဘဢ္အဃိ၊ တဿ္သူဢ္ထီဢ္တဖဢ္ ဖ်ါလာ္အဿ လာ္ဃး န႔ဢ္လီၯ. တကးဒံးဘဢ္ ၀့ဿ္အနီဿ္ဂံဿ္ သဿပူတပူန႔ဢ္ မ့ဿ္ပွၯဖွီဢ္ဖိယာ္ဖိ ဒီး ဘဢ္အိဢ္၀ဲ ဒဢ္လဿ စလါမ္ (တဿ္လီဿ္လဿပွၯဖွီဢ္ဖိတဖဢ္အိဢ္အလီဿ္) တဿ္လီဿ္န႔ဢ္လီၯ.

ယလဲၯထံဢ္ဘဢ္ ပွၯဒိး (လန္ခ်ား) လဿပွၯတြံဿ္လဿၯပွၯစု အဆိကတဿဿ္ လဿကၯလၯကၯတါအံၯ န႔ဢ္လီၯ. ပကူဢ္ထီဢ္လဿ ပကလဲၯဒီး လန္ခ်ား ဘဢ္ဆဢ္ ယသကိး အဲဢ္ဒံၯမူ တခီ အသးကညီၯဘဢ္ ပွၯတြံဿ္တဿ္တဂၯအဃိ လဿခံပတလဲၯဒိးဘဢ္လဿၯဘဢ္. ပတဲ အဲဢ္ဒံၯမူန႔ဢ္ နသးကညီၯဘဢ္ လန္ခ်ား ကစဿ္၊ နမ့တဒိး အ လန္ခ်ား န႔ဢ္ အ၀ဲကဒိးန႔ဿ္စ့ဒ္လဲဢ္.

ပလဲၯအိဢ္လဿ ဟိဢ္ထဲလ္ လာ္အဿတဖ်ဿဢ္ ဒီး ပဒိးလဲ ဒဿးဖးဒိဢ္တဖ်ဿဢ္ လဿႀတီဿ္ပွၯယဲဿ္ဂၯ (ပမ့ဒိးလဲ ဒဿးခံဖ်ဿဢ္န႔ဢ္အပွ႔ၯဒိဢ္အဃိ)၊ ဒီး ပဟ့ဢ္ဘဢ္ တသီ န႔ဢ္ ၅၀၀ ရူဘံၯ န႔ဢ္လီၯ. ဒီးပအိဢ္ဘဢ္လဿ ဟိဢ္ထဲလ္ န႔ဢ္ခံသီလီၯ. ဟါလီၯခီတကပၯ ပလဲၯပိာ္လိာ္ပသးပခံ ဒီး ပလဲၯဆူ ဟါလီၯခီ က်းန႔ဢ္လီၯ. ပွၯဆါတဿ္အိဢ္ကလုာ္ ဒီး ပာ္လီၯဆါဃုာ္ ဒီး တဿ္ဂီၯမူလဿ အတဂိၯတသီဢ္ ဘဢ္တဖဢ္န႔ဢ္လီၯ. အဃိ၊ ယသ့ဢ္ညါတဘ်ီဃီ လဿ ၀့ဿ္အ၀ဲအံၯ မ့ဿ္၀့ဿ္လဿ ပွၯမၯတဿ္ဒဲးဘးသ့ ညီကဒဢ္ အလီဿ္န႔ဢ္လီၯ.

ဖဲပလဲၯတုၯ ကၯလၯကၯတါ လဿခံတနံၯန႔ဢ္ ပပာ္လီၯပသးလဿ ပကလဲၯဆူ ကၯလၯကၯတါ တဿ္ကြဿ္ကီ ဆဢ္ဖိကီဿ္ဖိအလီဿ္ ဒီးပလဲၯပ၀ဲဒဢ္န႔ဢ္လီၯ. အ၀ဲအံၯမ့ဿ္တဿ္ အခီဢ္ထံးတဘ်ီလဿ ယလဲၯဘဢ္ဆူ တဿ္ကြဿ္ကီဆဢ္ဖိကီဿ္ဖိ အလီဿ္န႔ဢ္လီၯ. ပလဲၯႏုာ္လီၯ အီဢ္တဿ္လဿက်းတဖ်ဿဢ္ အပူၯ လဿဆဢ္ဖိကီဿ္ဖိအလီဿ္ အကရဿဿ္အပူၯန႔ဢ္ ဒီး တုၯလဿပကဟ့ဢ္အပွ႔ၯ၊ ဒီး ပသံကြဿ္ကဒါက့ၯန႔ဢ္ အပွ႔ၯ ဒိဢ္န႔ဿ္ဒံး ပပွ႔ၯအီဢ္တဿ္လဿတဿ္ခ်ဿတခီလီၯ. ပစံးလီၯပသး ပွ႔ၯအီဢ္တဿ္ဖဲအံၯဒု တဘ်ီဒုဘဢ္လံ. (ဘဢ္လံ၀ဲသပွဿ္တဿဿ္၊ ဘဢ္သ့ဢ္သ့ဢ္မ့ဿ္ပကလဲၯတုၯ လဿကၯလၯကၯတါ အသီတဘ်ီးကဒီဧါ ပတသ့ဢ္ ညါဘဢ္.) ဒ္လဲဢ္ဂ့ၯဒ္လဲဢ္ဂ့ၯ ယသးသမူအပူၯ ယလဲၯတုၯဘဢ္လဿ တဿ္ကြဿ္ကီဆဢ္ဖိကီဿ္ဖိ အလီဿ္ အဃိ ယသးမံစ့ဿ္ကီးန႔ဢ္လီၯ.


စီၯန႔ဢ္၀့၊ သရဢ္မုဢ္အဲဢ္ဒံနဢ္ထူ၊ သရဢ္မုဢ္အဲဢ္ခုဢ္လြဲ၊ ဒီး ပွၯကြဲးလံာ္ လဿတဿ္ကြဿ္ကီဆဢ္ဖိကီဿ္ဖိ ကရဿဿ္ပူၯ


ပွၯကြဲးလံာ္လဿ တဿ္ကြဿ္ကီဆဢ္ဖိကီဿ္ဖိ ကရဿဿ္ပူၯ

ပွၯကိၯလၯသူ တဖဢ္ အါတက့ဿ္ပာ္ဒိဢ္ ပွၯကူပွၯကၯ Formal သ့ဢ္တဖဢ္ န႔ဢ္လီၯ. နမ့ကူကၯ တဿ္ကူတဿ္ ကၯယိယိန႔ဢ္ တပာ္ဒိဢ္နၯဘဢ္. ဖဲ စီၯန႔ဢ္၀့ လဲၯပွ႔ၯ ကဘီလဲးမး အခီဢ္ထံးတဘ်ီအခါ မ့ဿ္လဿ အလဲၯကၯတဿ္ကူတဿ္ကၯ ယိယိဖိ အဃိ၊ ပွၯမၯတဿ္ဖိတဖဢ္ တကနဢ္ဃုာ္အီၯဘဢ္. (အခီဢ္ ထံးအခါ ပတိာ္ပာ္လဿ ပကလဲၯဒိးကဘီယူၯစးထီဢ္လဿ ကၯလၯကၯတါ ဆူ အၯဒမဢ္ ကီးန႔ဢ္လီၯ. ဘဢ္ဆဢ္ မ့ဿ္လဿအပွ႔ၯဒိဢ္၊ လဲၯတဘ်ီ အစွၯကတဿဿ္တဂၯ ႏြံကထိ ရူဘံၯ၊ အဃိ ပတလဲၯဒိး ကဘီ ယူၯလဿၯဘဢ္၊ ဒီး ပတိာ္ ပာ္လဿပကလဲၯလဿ ကဘီန႔ဢ္လီၯ.) ဖဲအလဲၯပွ႔ၯ ကဘီ လဲးမး ခံဘ်ီတဘ်ီ အခါ ယလဲၯဃုာ္ဒီးအီၯ ဒီး ပလဲၯကၯဒီး Formal ကူကၯသ့ဢ္တဖဢ္အဃိ ပွၯမၯတဿ္ဖိသ့ဢ္တဖဢ္ တဲတဿ္လဿၯပွၯမုာ္ ဒိဢ္မးလီၯ.

နကဒိး ကဘီ န႔ဢ္အိဢ္ဒီး အပတီဿ္သ့ဢ္တဖဢ္လီၯ. အပတီဿ္ထီကတဿဿ္န႔ဢ္ကိး၀ဲလဿ Delux ဒီး အပွ႔ၯအိဢ္၀ဲ ယဲဿ္ကထိ ရူဘံၯ ဆူ အဖီခိဢ္လီၯ. ခံပတီဿ္တပတီဿ္န႔ဢ္ ကိး၀ဲလဿ Cabin ဒီး အပွ႔ၯအိဢ္၀ဲ သဿကထိဆူ အဖီခိဢ္လီၯ. ဒီးသဿပတီဿ္တပတီဿ္န႔ဢ္ ကိး၀ဲ လဿ Bunk န႔ဢ္လီၯ. အပွ႔ၯအိဢ္၀ဲ တကထိ ရူဘံၯဘ်ဲဢ္ န႔ဢ္လီၯ. မ့ဿ္လဿအပွ႔ၯဘဢ္ အဃိ ပွၯပွ႔ၯဒိး၀ဲအါမး ဒီးပွၯလဿအပွ႔ၯဒိး Bunk တဖဢ္အါထဲ ကိၯလၯသူ န႔ဢ္လီၯ. ဒီး ပ၀ဲယဲဿ္ဂၯလဿာ္ အဂီဿ္ ပပွ႔ၯ၀ဲဒဢ္ Bunk တခါအံၯန႔ဢ္လီၯ.

လါဒံၯစဲဘဿဢ္ ၂၂ သီ မုဿ္ဃ့ဿ္လီၯ ပဒိးလဲ ကါဒိးလဲ တခိဢ္ ဒီး ပလဲၯဆူ ကၯလၯကၯတါ ကဘီ သန႔ န႔ဢ္လီၯ. ပကလဲၯႏုာ္လီၯကဘီသန႔ အခါ၊ လဿႀတဲၯခိးတဿ္န႔ဢ္ ပဘဢ္လဲၯသမံသမိး ပသးယံာ္ဖးယံာ္ ညါန႔ဢ္လီၯ. မ့လဿ ပတဲလီၯပသးလဿ ပဟဲလဿနဢ္ကးလဲ (ကိၯလၯသူကီဿ္) အဃိ တဿ္တသမံ သမိး ပွၯဆူညါလဿၯဘဢ္န႔ဢ္လီၯ. (မ့ဿ္လဿ ပ၀ဲကညီဖိတဖဢ္ အဖံးအဘ့ဢ္ ဒီးနဢ္ကးဖိတဖဢ္ တလီၯဆီလိာ္ အသးဘဢ္အဃိ န႔ဢ္လီၯ.) ပမ့တဲလီၯပသးလဿ ပဟဲလဿ ကီဿ္ပယီၯယိၯကီဿ္ တကပၯဒု ၀ံၯလံ. ဒီး ပလဲၯႏုာ္ဆူ ကဘီသန႔ အပူၯ ဆူတဿ္အိဢ္ခိးတဿ္အလီဿ္န႔ဢ္လီၯ. ဖဲန႔ဢ္ ယကြဿ္စိဃီၯဆူ တဿ္ခ်ဿ လဿထံက်ိ တကပၯ ယထံဢ္ကဘီဖးဒိဢ္တဘ့ဢ္ (ကဘီဖးဒိဢ္လဿႀတီဿ္ပွၯအဂၯ တကထိဘ်ဲဢ္)၊ အိဢ္ဆဿထဿဢ္လဿ ထံအမဲာ္ဖံးခိဢ္၊ ဒီးလဿယသးပူၯ ယသူဢ္ပိဿ္သး၀းလဿ ယကဒိးဘဢ္ ကဘီဖးဒိဢ္ လဿအလဲၯတဿ္လဿပီဢ္လဲဢ္ပူၯ အခီဢ္ထံးကတဿဿ္တဘ်ီ လဿယတဿ္အိဢ္မူ အပူၯန႔ဢ္လီၯ. ပအိဢ္ခိး တဿ္ တတီၯဒိဢ္ဒိဢ္၀ံၯ၊ တစိဿ္ဖိတဿ္ဆဿကတီဿ္ဘဢ္လဿ ပဘဢ္ဒိးထီဢ္ကဘီ၊ ဒီးပလဲၯဒိးထီဢ္ကဘီ ဖးဒိဢ္ အံၯန႔ဢ္လီၯ.


ခိးကဒီး အကူာ္ ၃

Read More

ယတဿ္လဲၯဟးဆူ အၯဒမဢ္ (ကိၯလၯသူကီဿ္) ကညီဖိတဖဢ္အက်ါ (အကူာ္ ၁)

သရဢ္အဲဢ္ဒံၯမူ၊ သရဢ္မုဢ္အဲဢ္ခုဢ္လြဲ၊ သရဢ္မုဢ္အဲဢ္ဒံနဢ္ထူ၊ ဒီး ပွၯကြဲးလံာ္

ယသ့ဢ္နီဢ္ထီဢ္က့ၯတဘ်ီ ဖဲယလဲၯမၯလိတဿ္လဿ နဢ္ကးလဲ (ကိၯလၯသူကီဿ္) အခါ၊ ဖဲ ၂၀၀၇ လါဒံၯစဲဘဿဢ္ ဖဲကႜိပ်ဿ္ကသုဢ္အခါ ယၯဒီး ယသကိးသဿဂၯ ဃုာ္ဒီး ယသကိး ကညီဖိလဿ အမၯလိ တဿ္လဿ နဢ္ကးလဲ လဿအဟဲလဿ အၯဒမဢ္ လဿအမံၯမ့ဿ္ စီၯန႔ဢ္၀့၊ ခဲလဿာ္ ယဲဿ္ဂၯ၊ ပဒိးန႔ဿ္ဘဢ္ တဿ္ခြဲးတဿ္ယာ္ ဂ့ၯလဿ ပကလဲၯဟးဘဢ္ဆူ အၯဒမဢ္ ကညီဖိသ့ဢ္တဖဢ္အက်ါ န႔ဢ္လီၯ. ယသကိး အဂၯသဿဂၯလဿ အလဲၯသကိးဃုာ္တဿ္ ဒီးယၯဆူ အၯဒမဢ္မ့ဿ္၀ဲ သရဢ္မုဢ္အဲဢ္ခုဢ္လြဲ (အခဲအံၯ သရဢ္မုဢ္ကႜိခိဢ္လဿ တဿ္လူဿ္ကပီၯယြၯဂ့ဿ္ပီညါခီလ့ဢ္ကႜိ) သရဢ္မုဢ္ အဲဢ္ဒံနဢ္ထူ (အခဲအံၯသရဢ္မုဢ္ သိဢ္လိတဿ္လဿ မဲၯရၯမိဢ္ လံာ္စီဆွံကႜိ)၊ ဒီးသရဢ္အဲဢ္ဒံးမူ (အခဲအံၯသရဢ္ သိဢ္လိတဿ္လဿ မဲၯရၯမိဢ္ လံာ္စီဆွံကႜိ) န႔ဢ္လီၯ.

ပတဿ္လဲၯတဘ်ီန႔ဢ္ အဂ့ဿ္ဟဲအသးဒ္အံၯ. တခ်ဳးလဿ ယလဲၯမၯလိ တဿ္လဿ နဢ္ကးလဲဒံးဘဢ္၊ ဖဲ ယမၯ လိတဿ္လဿ KKBBSC အခါ ယနဿ္္ဟူဘဢ္ ခီဖ်ိ ယသရဢ္လဿ အဟဲက့ၯလဿ ကိၯလၯသူကီဿ္တဖဢ္ တဲ၀ဲ လဿကိၯလၯသူကီဿ္ အၯဒမဢ္ ကီးန႔ဢ္ ပွၯကညီ အိဢ္ဖဲန႔ဢ္တဒူဢ္. ဘဢ္ဆဢ္ အ၀ဲသ့ဢ္ အဲဢ္ဒိးလဲၯဘဢ္ဆဢ္ လဲၯ၀ဲတတုၯဘဢ္. မ့မ့ဿ္ယဲတခီ ယပာ္လီၯယသးလဿ ယမ့လဲၯမၯလိဘဢ္တဿ္လဿ ကိၯလၯသူကီဿ္န႔ဢ္ မ့ဿ္ဘဢ္ကစဿ္ယြၯအသး ယအဲဢ္ဒိးလဲၯဟး ဒီးထံဢ္ဘဢ္ ပွၯကညီကလုာ္လဿ အအိဢ္လဿ အၯဒမဢ္ ကီး န႔ဢ္လီၯ. ဒီး ဖဲ ၂၀၀၆ လါယူၯ အလဿာ္န႔ဢ္ ယလဲၯတုၯလဿ နဢ္ကးလဲ (ကိၯလၯသူကီဿ္) အပူၯန႔ဢ္လီၯ.

ဖဲယမၯလိ တဿ္တဿတနံဢ္ န႔ဢ္ ယသကိး ကညီဖိ လဿအမၯလိပာ္စဿၯ တဿ္လဿနဢ္ကးလဲတဖဢ္ အ၀ဲသ့ဢ္ ဆဲးက်ိး လိာ္အသးဒီး ပွၯကညီလဿ အၯဒမဢ္ တဖဢ္ခီဖ်ိ လီတဲစိ န႔ဿ္လံ န႔ဢ္လီၯ. တကးဒံးဘဢ္ တနံဢ္ဃီ န႔ဢ္ ပွၯကညီဖိ လဿအၯဒမဢ္ လဿအမံၯမ့ဿ္ စီၯန႔ဢ္၀့ ဟဲမၯလိစ့ဿ္ကီး တဿ္လဿ နဢ္ကးလဲ စ့ဿ္ကီး န႔ဢ္လီၯ. ပမၯလိတဿ္ တနံဢ္၀ံၯ ဖဲနံဢ္ကတဿဿ္ ကႜိပ်ဿ္အဆဿကတီဿ္ (မ့ဿ္ဖဲ ၂၀၀၇ လါယူၯ၊ ယူၯလံ) အပူၯ ပ၀ဲကညီဖိလဿ အလဲၯမၯလိတဿ္ဖဲနဢ္ကးလဲတဖဢ္ ဃုာ္ဒီး စီၯန႔ဢ္၀့၊ ပတဿဢ္ပီဢ္လိာ္ ပသးလဿ မ့ဿ္ဘဢ္ကစဿ္ယြၯအသး လါဒံၯစဲဘဿဢ္ ၂၀၀၇ အံၯ ပကလဲၯဟးလဿအၯဒမဢ္ကီး န႔ဢ္လီၯ. ပအဿဢ္လီၯတူဿ္လိာ္သကိး၊ ဒီး စးထီဢ္ဖဲန႔ဢ္ ပဃ့ထုကဖဢ္လဿတဿ္ဂ့ဿ္အံၯ၊ ဒီးပဆဲးက်ဿ ပွၯလဿအမၯ စဿၯပွၯတဖဢ္ ဒ္သိး အ၀ဲသ့ဢ္ကဆီဢ္ထြဲပွၯလဿ ပကလဲၯဘဢ္ဆူ အၯဒမဢ္အဂီဿ္န႔ဢ္လီၯ.

မ့ဿ္ဘဢ္တဲလဿအဖုဢ္န႔ဢ္ တုၯတဿ္ဆဿကတီဿ္ဘဢ္ဒီး ပလဲၯဘဢ္ပ၀ဲဆူ အၯဒမဢ္ကီးန႔ဢ္လီၯ. ပဟးထီဢ္ လဿနဢ္ကးလဲဖဲ လါဒံၯစဲဘဿဢ္ ၁၈၊ ၂၀၀၇ နံဢ္ ဖးဖီမုဿ္ လဿလ့ဢ္မ့ဢ္အူ န႔ဢ္လီၯ. ဖဲန႔ဢ္ မ့ဿ္တဿ္ခံဘ်ီ တဘ်ီလဿ ယဒိးဘဢ္ကိၯလၯသူကီဿ္ လ့ဢ္မ့ဢ္အူ န႔ဢ္လီၯ. ဒ္သိးပကလဲၯတုၯဆူ ကၯလၯကၯတါ အဂီဿ္ ပဘဢ္ဒိး လ့ဢ္မ့ဢ္အူ ယံာ္၀ဲ ခံသီညါ န႔ဢ္လီၯ. ပဘဢ္လဲၯခီဂာ္ အၯစါ (ပယီၯကိးလဿ အၯသၯ) ကီဿ္စဲဢ္ ၀ံၯ ပဘဢ္လဲၯႏုာ္ဆူ ဘ့ကဿၯမုဿ္ႏုာ္ကီဿ္စဲဢ္န႔ဢ္လီၯ. တဿ္သးဘဢ္တံာ္တာ္ အဒိဢ္ကတဿဿ္ လဿပဂီဿ္ န႔ဢ္ မ့ဿ္ဖဲ ပဒိးလ့ဢ္မ့ဢ္အူ အခါန႔ဢ္လီၯ. ဖဲပဒိးလ့ဢ္မ့ဢ္အူအဆဿကတီဿ္ ပွၯဆါတဿ္ဖိ အကလုာ္ကလုာ္ ဟဲဆါ တဿ္လဿ လ့ဢ္မ့ဢ္အူအပူၯ၊ ပွၯဃ့အီဢ္တဿ္ဖိတဖဢ္၊ ဒီး ပွၯမၯကဆွီတဿ္ဖိတဖဢ္ ဟဲထီဘိလဿပကပၯ ကိးပသူပသီ ၀ဲအဃိ တဿ္သီဢ္သၾထဳးဘးလီ ထီဘိန႔ဢ္လီၯ. တဿ္သးဘဢ္တံာ္တာ္ အဒိဢ္ကတဿဿ္န႔ဢ္ ဖဲ ပွၯဃ့အီဢ္တဿ္ဖိတကလုာ္ လဿအတမ့ဿ္ပိာ္မုဢ္ဘဢ္ တမ့ဿ္ပိာ္ခြါ စ့ဿ္ကီးဘဢ္ (ပွၯတဖဢ္န႔ဢ္ပဒိဢ္ ဟ့ဢ္အ ၀ဲသ့ဢ္တဿ္ခြဲးတဿ္ယာ္လီၯဆီ) ကူသိးဒီး ပိာ္မုဢ္အကူအသိး၊ ဟဲထီဢ္ဃ့တဿ္အဆဿကတီဿ္န႔ဢ္လီၯ. ပွၯလဿ အ၀ဲသ့ဢ္ဃ့၀ဲတဖဢ္ အါတက့ဿ္မ့ဿ္ပိာ္ခြါ န႔ဢ္လီၯ. နမ့မံန႔ဢ္ အ၀ဲသ့ဢ္မၯပဿဿ္ထီဢ္နၯ ဒီးဃ့နၯ စ့န႔ဢ္လီၯ. နမ့တဟ့ဢ္အ၀ဲသ့ဢ္ ဃ့နၯတုၯနဘဢ္ဟ့ဢ္လီၯ. နမ့ဟ့ဢ္ ၅ ရူဘံၯ (ကိၯလၯသူကီဿ္အတိဿ္ အမံၯလဿရူဘံၯ) န႔ဢ္ အ၀ဲသ့ဢ္တတူဿ္လိာ္၀ဲဘဢ္၊ နဘဢ္ဟ့ဢ္အီၯအစွၯကတဿဿ္ ၁၀ ရူဘံၯ မးအ၀ဲသ့ဢ္ တူဿ္လိာ္၀ဲဒဢ္လီၯ. (ဃ့တဿ္လံန႔ဢ္အ့ဢ္အါဆံဢ္အါဒံး).

လဿခံကတဿဿ္ ဖဲ ၂၀ သီ ဟါခီန႔ဢ္ ပလ့ဢ္မ့ဢ္အူ လဲၯတုၯဆူ ကၯလၯကၯတါ လ့ဢ္မ့ဢ္အူသန႔န႔ဢ္လီၯ.


ပွၯကြဲးလံာ္၊ သရဢ္အဲဢ္ဒံၯမူ၊ ဒီး စီၯန႔ဢ္၀့ (ကညီဖိလဿအၯဒမဢ္တခီ)

ခိးကဒီး အကူာ္ ၂

Read More