ကီမီျပီဢ္သ၀ီ အိဢ္သူဢ္လီၯသးလဿ တနီသရံဢ္ထံက်ိကပၯ အိဢ္ယံၯဒီး၀့ဿ္ဘ်ံး ခံနံၯတဿ္လဲၯ (လဲၯလဿစဲးခ်ံ) န႔ဢ္လီၯ. စီၯကညီထူ မ့ဿ္တံမူသီဒီး မုဢ္ဂဿ္ဖီစ့အဖိခြါ ဖ်ိထီဢ္ကီမီျပီဢ္ကႜိ လြံဿ္တီၯ ၀ံၯဆဲးမၯလိကဒီး ဖ်ိထီဢ္တီၯခဿဢ္သးကႜိ၀ံၯ မ့ဿ္လဿတအဲဢ္ဒိး အိဢ္ကႜိလဿၯအဃိ ဟဲက့ၯဖံး အီဢ္မၯအီဢ္ တဿ္လဿဒူသ၀ီလဿ မ့ဿ္တဿ္သူဢ္အီဢ္ဒီး တဿ္ဘုဢ္ပနဿ္ဂီၯဖံး န႔ဢ္လီၯ. မမ့ဿ္ဖိမုဢ္ခံဂၯ ဖ်ိထီဢ္သ၀ီကႜိ၀ံၯ အဲဢ္ဒိးမၯလိတဿ္ဆူညါ ဘဢ္ဆဢ္ မိဿ္ပဿ္စံးလဿ ပွၯပိာ္မုဢ္န႔ဢ္ ထဲသ့ကြဲးသ့ဖး န႔ဢ္ဘဢ္လံ. တလိဢ္မၯလိ တဿ္ထဲထဲန႔ဢ္ညါဘဢ္. တဿ္အဃိ မၯစဿၯက့ၯတဿ္လဿ ဟံဢ္လဿဃီ လီၯ.
ကညီထူဒ္ သးစဿ္လုဿ္လဿ္အသိး ကြဿ္ခိဢ္ကြဿ္ခံ ကနဢ္တဿ္ဒီး မၯကြဿ္၀ဲ ဒ္အသးဆွဿအီၯအသိး န႔ဢ္လီၯ. ႃႃဖိခြါ … နကြဲးန႔ဿ္နီဿ္ဂ့ၯဂ့ၯ အလံာ္ပရဿမ့ဿ္ဧါ‚ ဖိခြါဧဿ… နီဿ္ဂ့ၯဂ့ၯန႔ဢ္ ဒီတခြါဒီး နၯ‚ နမိဿ္ဒီး အ၀ဲအပဿ္ ဒီပုဿ္၀ဲဿ္‚ တၾကဿးတဘဢ္ဘဢ္. မၯတဂ့ၯ‚ ဃုကြဿ္ပွၯလဿ တဒီဘူးဒီတံဿ္ ဒီးနၯ န႔ဢ္သဿဢ္႗႗
ႃႃပါပဿ္ဧဿ‚ သ၀ီပူၯ မုဢ္ကနီၯ တဖဢ္ လဿဘဢ္ယသး ဘဢ္မဲာ္ဘဢ္နါယၯ ယတထံဢ္နီတဂၯ ဘဢ္.႗႗ ႃႃဖိခြါ‚ ဖဲပသ၀ီ ဘဢ္နသး မ့ဿ္တအိဢ္ ဆူသ၀ီအဂၯ လီဿ္အဂၯ ကအိဢ္ကီး အဂၯဂၯသဿဢ္.႗႗
မ့ဿ္လဿပဿ္ႀတီအီၯ သိဢ္အီၯ အဃိ ကညီထူအသးတမုာ္ ပာ္သးလီၯဂာ္ဒ္ ဆီဆါအသိး န႔ဢ္လီၯ. အသးအနံဢ္ အလါအိဢ္ (၂၁) နံဢ္ ဆိကမိဢ္လီၯအသးလဿ ဒ္ပွၯဂုၯပွၯဂၯအသိး ၾကဿးဆီဟံဢ္ ဆီဃီ လံလီၯ.
ႃႃကညီထူ နအိဢ္ဒဢ္ဖဲ နဒူသ၀ီ နတတုၯပွၯထံပွၯကီဿ္ ပွၯအိဢ္လီဿ္ဆိးလီဿ္န႔ဢ္ နတသ့ဢ္ညါတဿ္ မႏုၯမးဘဢ္. ဆဿကတီဿ္ခဲအံၯ တဿ္လဲၯထီဢ္လဲၯထီ အါမး ဟဲပိာ္ယခံ ယကဟးဒုးနဲဢ္နၯ‚ လဲၯဟး ဒီးယၯဆူ ကညီကီဿ္႗႗
လဿတဿ္သးတခုတဆွါ အပူၯ စီၯကညီထူ ဃ့အခြဲးလဿအမိဿ္ (တတဲအပဿ္ဘဢ္) ပိာ္ထီဢ္ပွၯ ဖဢ္အဢ္ဖိ စီၯနဿၯတဿ္အခံ တုၯလီၯဆူ၀့ဿ္ ဘ်ံးန႔ဢ္လီၯ. စီၯနဿၯတဿ္ မ့ဿ္ပွၯလဿ အဟးဆါ ကညီကူကၯ အကလုာ္ကလုာ္ လဿကီဿ္ဘ်ံးဒီး ကီဿ္ဒ၀ဲဢ္ ဒူသ၀ီတဖဢ္ န႔ဢ္လီၯ.
ႃႃဟဲ… ပကလဲၯဆဲးကြဲၯဒီနဿ္႗႗
စီၯနဿၯတဿ္ ကတိၯလီၯတဿ္ဆူ အ၀ဲဿ္စီၯတူတူဿ္ လဿအအိဢ္လဿ ဖဢ္အဢ္န႔ဢ္လီၯ. မ့ဿ္လဿ ကညီထူ တကတိၯဘဢ္ ကြဲၯဒီနဿ္နီတဘ်ီအဃိ ဆဿကတိၯဘဢ္၀ဲ ဒိဢ္မးန႔ဢ္လီၯ. အ၀ဲဘဢ္သူဢ္ ဘဢ္သး ပွၯကတိၯကြဲၯဒီနဿ္ အတဿ္ဟူးတဿ္ဂဲၯ တဿ္ပာ္မဲာ္ပာ္နါ တဖဢ္ န႔ဢ္လီၯ.
ႃႃတံနဿၯတဿ္‚ ယမ့ဿ္ကတိၯကြဲၯဒီနဿ္ ကသ့ဧါ…႗႗
ႃႃသ့၀ဲသဿဢ္‚ ဟဲ… နကကတိၯဆူ မတၯအအိဢ္လဲဢ္႗႗
ႃႃယတကတိၯဘဢ္နီတဘ်ီ မတၯမး ယတသ့ဢ္ညါ႗႗
ႃႃမ့မ့ဿ္ဒ္န႔ဢ္ ကတိၯဆူယ၀ဲဿ္ လဿဖဢ္အဢ္အအိဢ္ ယကစံဿ္လီၯကြဲၯဒီနဿ္ အနီဢ္ဂံဿ္ လီၯနီၯ႗႗
ႃႃကဲ… ဟဲလံ နကတိၯသ့လံ‚ ကတိၯ႗႗
ႃႃယမံၯမ့ဿ္ စီၯကညီထူ‚ တံနဿၯတဿ္ အတံၯသကိးလဿ ကလဲၯဟး ဒီးအီၯဆူ ဖဢ္အဢ္ ခဲအံၯ ယအိဢ္လဿဘ်ံး႗႗
ႃႃယတသံကြဿ္ နမံၯဘဢ္. နအဲဢ္ဒိး ကတိၯတဿ္ဒီး မတၯလဲဢ္.႗႗
ႃႃအိ… နီ‚ တဘဢ္သးထီဢ္ ယၯတဂ့ၯ … ယ… ယ..႗႗
ႃႃက်ီး႗႗
ႃႃတံနဿၯတဿ္‚ တဿ္သီဢ္က်ီးကနာ္၀ံၯ ယကတိၯတဿ္ဘဢ္ဆဢ္ ပွၯတကတိၯ ဆဿက့ၯလဿၯဘဢ္.႗႗
ႃႃကမ့ဿ္ပိာ္မုဢ္ဖိ ပာ္လီၯကြဲၯဒီနဿ္လံသဿဢ္‚ ဟံ… ဟံ…႗႗
ႃႃယကဘဢ္မၯက့ၯဒ္လဲဢ္႗႗
ႃႃတလိဢ္ဘဢ္‚ ဘဢ္လံ. ပာ္လီၯက့ၯနကြဲၯဒီနဿ္ န႔ဢ္႗႗
ကညီထူ အသးမုာ္အသးစံဢ္စ့ဿ္ကီး မ့ဿ္လဿကတိၯဘဢ္ ကြဲၯဒီနဿ္အဃိ န႔ဢ္လီၯ. လဿအသးပူၯ ႃႃယမ့ဿ္အိဢ္လဿ ကီမီျပီဢ္န႔ဢ္ ယတကတိၯဘဢ္ဘဢ္ ကြဲၯဒီနဿ္ဘဢ္႗႗
သိလ့ဢ္ဟးထီဢ္ လဿဘ်ံး၀့ဿ္လံ. ကညီထူဒိးဘဢ္သိလ့ဢ္ ဖးဒိဢ္ (မွန္လံု) သိလ့ဢ္ လဲၯတဿ္အဖဿ မုဿ္နဿ္ဟူဘဢ္ တဿ္သး၀ံဢ္‚ ကြဿ္ဘဢ္ ကြဲၯထံဢ္ဟူ တဿ္မုာ္ဘဢ္အီၯ ဒိဢ္မးလီၯ. တဿ္လဲၯ ဒီတနံၯ အပူၯ တဿ္ဆါတဿ္ပွ႔ၯအလီဿ္‚ ဒူသ၀ီတဖဢ္‚ သိလ့ဢ္လဲၯတဿ္လဿ ကစဿဿ္ကပၯ မ့ဿ္တဿ္ထံဢ္ အသီ မၯန႔ဿ္တဿ္မၯလိ စ့ဿ္ကီး န႔ဢ္လီၯ. မံဖဲဒ၀ဲဢ္ တနၯမုဿ္ဆ့ဢ္ထီဢ္ ဒိးကဒီးသိလ့ဢ္ ဒီတနံၯ ထံဢ္ဘဢ္တိၯလီၯဘီလီၯမုဿ္ တဖဢ္ လ့ဢ္မ့ဢ္အူက်ဲ‚ စံာ္ပ်ီဖးလဲဿ္ မ့ဿ္တဿ္လီၯကမဿကမဢ္ လဿ အဂီဿ္န႔ဢ္လီၯ. မံကဒီးဖဲ မီဢ္လမႜဲဢ္တနံၯ မုဿ္ဆ့ဢ္ထီဢ္ဟးကြဿ္ကီစ့ဿ္ကီး မီဢ္လမႜဲဢ္ အတဿ္ဃံ တဿ္လၯ န႔ဢ္လီၯ.
ႃႃတံနဿၯတဿ္‚ ယမ့ဿ္အိဢ္လဿကီမီျပီဢ္ ယတထံဢ္တဿ္ဒ္အံၯ တဖဢ္န႔ဢ္ဘဢ္. ယစံးဘ်ဳးနၯဒိဢ္မး လဿနဟဲက့ၯကိးဟးယၯ အဃိလီၯ. ယထံဢ္ဘဢ္ တဿ္အါမး မုာ္ဘဢ္ယၯ‚ ယတဆဿက့ၯဆူ ယဒူသ၀ီ လဿၯဘဢ္.႗႗
ႃႃတဿ္အဃိန႔ဢ္ ယတဲနၯ‚ နကဘဢ္ဟးဆူလီဿ္အဂၯ ဃုထံဢ္သ့ဢ္ညါတဿ္‚ မၯလိန႔ဿ္တဿ္‚ ပကဘဢ္ လဲၯထီဢ္လဲၯထီ ပအိဢ္ထဲကြဿ္ပနဿ္ ဂီၯဖံး‚ ဖဲးခုးဖဲးသံဢ္န႔ဢ္ တ၀ံၯဒံးဘဢ္.႗႗
ႃႃမ့ဿ္လီၯ တံနဿၯတဿ္ဧဿ‚ ယကနဢ္စါကြဿ္‚ ယမ့ဿ္အိဢ္ဒီး ယသိလ့ဢ္တခိဢ္ဒု ကဂ့ၯတပူညါ႗႗
ႃႃနထံဢ္လံဧါ‚ တဿ္လဲၯထီဢ္လဲၯထီ‚ ပကဘဢ္ထံဢ္တဿ္ဒ္န႔ဢ္ နဖႜဲးနဖႜဲး႗႗
မၯကဒီးတနံၯ ဒိးထီဢ္သိလ့ဢ္ဆူ ဖဢ္အဢ္ စီၯနဿၯတဿ္ အ၀ဲဿ္စီၯတူတူဢ္ ဆ့ဢ္နီၯခိး အ၀ဲသ့ဢ္ လဿအဟံဢ္မဲာ္ညါ န႔ဢ္လီၯ.
ႃႃနဿၯတဿ္‚ ဖဲအိဢ္လဿဘ်ံး နကတိၯကြဲၯဒီနဿ္၀ံၯတစဲးဖိ ကြဲၯဒီနဿ္ ဟဲကဒီး ယတဖီဢ္လဿၯဘဢ္. ယမဿလဿ ဖိဒိဢ္မုဢ္ဆဿခုဢ္ဖီ ကတိၯ အ၀ဲတဲ မတၯတဂၯ တဲလီၯအမံၯလဿ စီၯကညီထူ န႔ဢ္ မ့ဿ္အ၀ဲဧါ႗႗
ႃႃမ့ဿ္… မ့ဿ္ ယၯလီၯဖါတံဿ္႗႗
မ့ဿ္ဖဲနီဿ္ဆဿခုဢ္ဖီ ဟဲပာ္လီၯတဿ္ခုဢ္ထံ အဆဿကတီဿ္အဃိ
ႃႃကညီထူလဿ အကတိၯတဿ္ဒီးနၯ လဿကြဲၯဒီနဿ္န႔ဢ္ မ့ဿ္အ၀ဲလီၯ‚ ဆဿခုဢ္ဖီဧဿ…႗႗
ႃႃမ့ဿ္ဧါ‚ ဖဲတခ်ဳးထံဢ္လိာ္ဒံးပသးအခါ ပအ့ဢ္လိာ္ပသး လဿကြဲၯဒီနဿ္ အပူၯ၀ံၯလံနီဢ္… ဟံ…ဟံ႗႗
ကညီထူ ကဘဢ္ကတိၯဆဿက့ၯ တဿ္ဒ္လဲဢ္ တသ့ဢ္ညါ၀ဲလဿၯဘဢ္. နံၯထီဢ္တဆံဢ္တဆဿ အိဢ္ဘဢ္၀ဲကီခဲ လဿအဂီဿ္န႔ဢ္လီၯ.နီဿ္ဆဿခုဢ္ဖီ ဖ်ိထီဢ္ပွၯကြဿ္ပွၯဆါ တဿ္မၯလိ (သူနာျပဳသင္တန္း) ဒီး ဖဲအိဢ္ခိး တဿ္မၯကလီၯအဆဿကတီဿ္ မၯ special ဖဲဖဢ္အဢ္ တဿ္ဆါဟံဢ္ န႔ဢ္လီၯ.
ႃႃကညီထူ ခဲမုဿ္ဆ့ဢ္ ပကလဲၯဟးဆူ ၀့ဿ္တကူဢ္ ကတဲာ္ကတီၯပာ္နသး႗႗
ကညီထူ သးခုဒိဢ္မး လဿကလဲၯတုၯဘဢ္ ၀့ဿ္တကူဢ္အဃိ န႔ဢ္လီၯ. သိလ့ဢ္ဖးဒိဢ္ (မွန္လံု) လဿအဒိး၀ဲ ဂ့ၯဒိဢ္မး လဲၯတဿ္ခ်႕ထံဢ္ဘဢ္ တဿ္သူဢ္ထီဢ္ ဖးဒိဢ္တဖဢ္‚ ဟံဢ္တဿးဖးဒိဢ္တဖဢ္‚ က်ဲမုဿ္က်ဲဘိ သိလ့ဢ္လ့ဿ္ထီဢ္လ့ဿ္လိၯ တဿ္ခဲလဿာ္ကဲထီဢ္ တဿ္မၯလိ တဿ္သ့ဢ္ညါ လဿအဂီဿ္ အါမးန႔ဢ္လီၯ.
ႃႃကညီထူ… နဆိကမိဢ္ မႏုၯလဲဢ္’ နသ့ဢ္နီဢ္က့ၯ ကီမီျပီဢ္ မုဢ္လံဧါ.႗႗
ႃႃတံနဿၯတဿ္ဧဿ‚ ယထံဢ္တဿ္အါမး ကဲထီဢ္တဿ္ဆိကမိဢ္ လဿယဂီဿ္‚ ယမ့ဿ္တဟဲဒီးနၯန႔ဢ္ ယကစဲၯခံကြံာ္လဿ ယသးသမူဒီတစိၯ ညါလီၯ. ယတသးလီ ကီမီျပီဢ္မုဢ္ လဿၯဘဢ္. တဿ္လဿ ယအဲဢ္ဒိး မ့ဿ္ယကဘဢ္မၯလဲၯထီဢ္လဲၯထီ ယတဿ္အိဢ္မူဒ္လဲဢ္. ယကဘဢ္ဃုန႔ဿ္တဿ္ဖံးတဿ္မၯ မႏုၯလဲဢ္. ကမၯန႔ဿ္က်ိဢ္စ့ လဿက်ဲဒ္လဲဢ္ တခီလဲဢ္.႗႗
စီၯနဿၯတဿ္ လဲၯအိဢ္စဿၯ စီၯကညီထူ လဿဟံဢ္တဿးဃုကထဿ အဖီခိဢ္လဿ မ့ဿ္တံလါဒိဢ္ အဟံဢ္န႔ဢ္လီၯ. စီၯနဿၯတဿ္ ဟးဒုးနဲဢ္ ကညီထူလဿ တဿ္ဟးလိာ္ကြဲ အလီဿ္‚ တဿ္ကြဿ္ကီအလီဿ္‚ က်းဖးဒိဢ္ တဖဢ္ တဿ္လိာ္ကြဲအလီဿ္‚ တဿ္ဒုးနဲဢ္အဒဿးတဖဢ္ မၯမုာ္မၯဖွံ အသးဒိဢ္မးန႔ဢ္လီၯ. ကညီထူ ထံဢ္ဘဢ္ လဿပွၯသးစဿ္ တဖဢ္ ဃုတဿ္ကူဢ္ဘဢ္ကူဢ္သ့ ဂုာ္ဖံး ဂုာ္မၯ တထီဢ္ပွဿ္ဆိဆိ န႔ဢ္ဘဢ္. ပွၯအိဢ္ဘဢ္လဿ အပတီဿ္ထီ ဒီးဟံဢ္ဒီးဃီ ကဲထီဢ္ တဿ္ကြဿ္လိ မၯဒိးလဿအဂီဿ္ အါမးန႔ဢ္လီၯ.
ႃႃကညီထူ‚ နဆိကမိဢ္ နမ့ဿ္က့ၯတုၯ နဒူသ၀ီ နကမၯမႏုၯလဲဢ္.႗႗
ႃႃတံနဿၯတဿ္‚ ယတက့ၯဒံးဘဢ္. ယကဘဢ္မၯလိတဿ္ဒံး‚ ယကတဲနၯ တဿ္တမံၯ‚ ဖဲပူၯကြံာ္ တႏြံ သရဢ္မုဢ္ဆဿခုဢ္ဖီ ကိးယၯ ပလဲၯအတံၯသကိးတဂၯ အနံၯအိဢ္ဖ်ဲဢ္ဆဿက့ၯ အိ… ဟံဢ္တဖ်ဿဢ္ ဃံလၯဂ့ၯမး‚ ယသံကြဿ္သရဢ္မုဢ္ ဆဿခုဢ္ဖီ‚ ပွၯတဖဢ္အံၯ မၯအီဢ္မၯအီ မႏုၯလဲဢ္န႔ဢ္ အ၀ဲတဲယၯ အဖိခြါခံဂၯ လဲၯမၯတဿ္လဿ စ့ကဖူ မၯတိဿ္န႔ဿ္ဂ့ၯမး‚ ဆွဿန႔ဿ္မိဿ္ပဿ္က်ိဢ္စ့ မိဿ္ပဿ္ဘွီထီဢ္ ဟံဢ္ ပွ႔ၯသိလ့ဢ္ အိဢ္ဘီဢ္အိဢ္ညီ ဒိဢ္မး‚ တံနဿၯတဿ္ ယကမၯလိ ကိၯလၯက်ိာ္ တဘီ႗႗
ႃႃဂ့ၯ၀ဲ… ဂ့ၯ၀ဲ‚ က်ဲးစဿး ယကဆီဢ္ထြဲနၯ နသးစဿ္စဿ္ဒံးဖိလီၯ. တဘဢ္သးလီ နမါဒံးတဂ့ၯ‚ ဒဿး … နကမၯလိ ကိၯလၯက်ိာ္ နကလဲၯဆူ ထံဂၯကီဿ္ဂၯဧါ.႗႗
ႃႃမ့ဿ္သ့.. မ့ဿ္ၾကဿး ယကလဲၯ‚ တံနဿၯတဿ္ … နဲနတအဲဢ္ဒိး လဲၯဆူထံဂၯကီဿ္ဂၯဧဲဢ္႗႗
ႃႃယမ့ဿ္အဲဢ္ဒိးလဲၯ‚ ယလဲၯသ့၀ဲသဿဢ္‚ ယတအဲဢ္ဒိး ဟးဖး ပာ္တ့ဿ္ယမိဿ္ယပဿ္သးပွဿ္ ခံဂၯအဃိ တခီ႗႗
ခီဖ်ိ တံနဿၯတဿ္ ဒီး သရဢ္မုဢ္ဆဿခုဢ္ဖီ အတဿ္မၯစဿၯ ကညီထူ ထီဢ္ဘဢ္ကိၯလၯက်ိာ္ အတဿ္မၯလိ န႔ဢ္လီၯ. မ့ဿ္လဿအ၀ဲမၯလိ ဖိတ့ဿ္ဃိးတီၯအဃိ လဿတဿ္မၯလိ ကိၯလၯက်ိာ္အဂီဿ္ ကဲထီဢ္တဿ္မၯစဿၯ အါမးန႔ဢ္လီၯ. မၯလိစ့ဿ္ကီး တဿ္မၯလိအဂုၯအဂၯ လဿၾကဿးသ့ၾကဿး အိဢ္ဒီး ပွၯလဿအကလဲၯဆူ ထံဂၯကီဿ္ဂၯ တဖဢ္န႔ဢ္လီၯ. ရ့လိာ္ထံဢ္လိာ္ဘဢ္သးဒီး တံၯသကိး အဂ့ၯတဖဢ္အဃိ နာ္လီၯအသး အိဢ္ဒီး တဿ္မုဿ္လဿ္အဒိဢ္အအါ အသးဆူဢ္သးဂဲၯလဿ ကလဲၯဖံးလဲၯမၯဆူ ထံဂၯကီဿ္ဂၯ န႔ဢ္လီၯ.
…………
ပါဧဿ‚
ယစံးဘ်ဳး ဘဢ္နၯလဿ နတဿ္သိဢ္ယၯအဃိ ဒီး ခီဖ်ိတံနဿၯတဿ္ န႔ဢ္ယဟဲတုၯဘဢ္ဆူ တဿ္လီဿ္ အဂၯယထံဢ္ဘဢ္တဿ္ အါမႜိအါကလုာ္ ကဲထီဢ္ဒိတဲာ္အဂ့ၯ လဿကမၯလဲၯထီဢ္လဲၯထီ ယတဿ္ အိဢ္မူန႔ဢ္လီၯ. ယကမၯလိတဿ္ဒီး ပာ္လီၯသးလဿ ကလဲၯဆူကီဿ္ခ်ဿ န႔ဢ္လီၯ. နသံကြဿ္ယဂ့ဿ္ လဿတံနဿၯတဿ္ အ၀ဲကတဲဘဢ္နၯ လီၯ. ဆါလီၯန႔ဿ္ယၯ ယပနဿ္ယဲဿ္ဒုဒီး ဆွဿန႔ဿ္ယၯ အပွ႔ၯ လဿတံနဿၯတဿ္ တက့ဿ္. ယသဲးက်ီးန႔ဢ္ ဖဲယဟးအခါ ယမဿတံဂ့ၯသီ ကြဿ္ထြဲန႔ဿ္ယၯ ကစီဒီ လီၯ. သ့ဢ္နီဢ္ဘဢ္ ဟံဢ္ဖိဃီဖိ ကိးဂၯဒဲးလီၯ.
ဖိခြါကညီထူ
တံမူသီ ဖးအဖိခြါ လံာ္ပရဿ၀ံၯ နံၯလဿာ္သး န႔ဢ္လီၯ. ခီဖ်ိ တံနဿၯတဿ္ အတဿ္တဲဃာ္အီၯ အဖိခြါ အဂ့ဿ္ အသးခုဒိဢ္မး န႔ဢ္လီၯ.
ႃႃဖိဒိဢ္ခြါဧဿ‚ နအိဢ္ဘူးလဿအီၯ ကြဿ္သိဢ္ကြဿ္တဲဖဲန႔ဢ္‚ ယဲယကဆီဢ္ထြဲအီၯသ့ဒဢ္ ထဲလဿက်ိဢ္စ့ လီၯ. မ့ဿ္ဃုန႔ဿ္ယဒဲဢ္တဲအီၯ တဘဢ္ဃုလဿ ကလုာ္ဂၯတဂ့ၯ‚ ဃုလဿအပွၯကလုာ္ ဒဢ္၀ဲ နဿ္ဟူဧါ.႗႗
…………………….
ႃႃဟဲလိဢ္.. ကညီထူဧါ႗႗
ႃႃမ့ဿ္ယၯလီၯ သရဢ္မုဢ္ဆဿ‚ ယအဲဢ္ဒိးတဲနၯယဂ့ဿ္‚ ခဲအံၯ ယတီဢ္ထီဢ္လံာ္‚ ခိဢ္နဿ္တဖဢ္ သမံသမိးယၯ၀ံၯ လံ‚ ဆူမဲာ္ညါ ခံႏြံ ယကလဲၯဘဢ္တဿ္လီၯ.႗႗
ႃႃလီၯတံဿ္ကစီဒီဧါ.႗႗
ႃႃလီၯတံဿ္လံ‚ လီၯတံဿ္အနီဿ္ကီဿ္လံ႗႗
ႃႃနတဿ္ဂ့ဿ္ မ့ဿ္လီၯတံဿ္ ဒီးဂ့ၯသဿဢ္‚ ယဲစ့ဿ္ကီး ယသးခုစဿၯနၯလီၯ႗႗
ႃႃလဿ ယကလဲၯဘဢ္တဿ္အဂီဿ္ နမၯစဿၯယၯ အါမးအဃိ ယစံးဘ်ဳးဘဢ္နၯ ဒိဢ္မးလီၯ.႗႗
ႃႃတမ့ဿ္ထဲယၯတဂၯဘဢ္. ပွၯမၯစဿၯနၯ အါဂၯလီၯ. နတဿ္မုဿ္လဿ္ လဿပွဲၯန႔ဢ္နၯအဃိ နကသးခု လဿာ္သးသဿဢ္…႗႗
ႃႃယတဿ္မုဿ္လဿ္ လဿပွဲၯအဃိ ယသးခုလဿာ္သးလီၯ. အိဢ္ဒဢ္ထဲတခါဧိၯ လဿနကဘဢ္မၯစဿၯ ယၯဒံး႗႗
ႃႃနမုဿ္လဿ္လဿ နကလဲၯဒံးဆူလဲဢ္. နကလဲၯဆူ လါအပူၯဧါ. မ့မ့ဿ္အ၀ဲန႔ဢ္ တခါ ယမၯစဿၯနၯ တသ့ဘဢ္.႗႗
ႃႃသရဢ္မုဢ္ဆဿ… ယတိာ္ပာ္လဿ တုၯယဟဲက့ၯ လဿစ့ကဖူန႔ဢ္ ယကဘဢ္ဃုန႔ဿ္ ယပါအဒဲဢ္ လီၯ. တဿ္အဃိ နမ့ဿ္ယတဿ္မုဿ္လဿ္ အကိဢ္လိဢ္ဖးဒိဢ္‚ နကဘဢ္မၯလဿပွဲၯန႔ဿ္ ယတဿ္မုဿ္လဿ္ ထဲန႔ဢ္မး နမူနဒါ က၀ံၯခဲလဿာ္ လဿယဂီဿ္လီၯ.႗႗
ႃႃနတတဲယၯ လဿနအဲဢ္ယၯ နီတဘ်ီမးလဲဢ္႗႗
ႃႃပွၯတဂၯလဿ ပကဃုထဿလဿ ပပါအဒဲဢ္န႔ဢ္ ပအဲဢ္ဘဢ္တ့ဿ္အီၯ ယံာ္လံအဃိသဿဢ္. တမ့ဿ္ဧဲဢ္႗႗
ႃႃနကတိၯတဿ္သ့တဘီလီၯ. ယမိယပါ မ့ဿ္တဘဢ္အသးလဿနၯ ယတူဿ္လိာ္ နၯတသ့ဘဢ္နီဢ္႗႗
ႃႃတဘဢ္လီယၯတဂ့ၯ‚ နသ့ဢ္ညါနဿ္ဟူခဲလဿာ္လီၯ. နမိနပါကိးယၯလဿ ဖိခြါကႜံ တမ့ဿ္ဧဲဢ္. ခဲမုဿ္ဆ့ဢ္ ဖိခြါကႜံ ကလဲၯဆူ အမိအပါအအိဢ္ ဖိမုဢ္ကႜံ ခိးသဂဿဿ္ဖိခြါကႜံ လဿတဿ္အဲဢ္ အတဿ္နံၯကမွံ အအါအဂီဿ္နီ႗႗
ႃႃဘဢ္လံ… ဘဢ္လံ‚ ယတဲနၯတနဿၯလဿၯဘဢ္. ဟဲခီ… ဟဲစဿ္ခီ႗႗
ႃႃဟံ…ဟံ… စြံ႗႗
ႃႃနသ့တဘီလီၯ. ယကဘဢ္လဲၯဆူ တဿ္ဆါဟံဢ္ဒံး‚ ခဲမုဿ္ဆ့ဢ္ နမ့ဿ္ဟဲမး တဿ္လဿနအဲဢ္ဒိး တဲတဖဢ္တဲအီၯ‚ ယကကနဢ္န႔ဿ္နၯ ဂ့ၯဂ့ၯလီၯ.႗႗
ႃႃမ့ဿ္… တဿ္ဘ်ဳးလီၯ. ယဆဿသးဘိလဿယအဲဢ္ဧဿ…႗႗
စံးဘ်ဳးဘဢ္ပွၯဖးလံာ္ဖိအါ
(ဟံးန႔ဿ္အီၯလဿ က်ဲးစဿးမဲးကစံ ကၾတဴဿ္ ၅၁‚ အဘ့ဢ္ ၄ အပူၯလဿ စီၯလါ (ဒ၀ဲဢ္) ကြဲး၀ဲန႔ဢ္လီၯ)
(က) လဿဿ္ယူၯသံကြ႕ၯ‚ ယူၯသံကြီၯ‚
လဿဿ္ယူၯအီဢ္ ထူပ်ီာ္စ့ဖီ‚
လဿဿ္ယူၯထီဢ္ဆူ၀ဢ္ဘီခံ‚
လဿဿ္ယူၯအီဢ္ထူထံစ့ထံ.
(ခ) ဖိဢ္ဃဲဟီဢ္လဿလဿဿ္တီးတ့‚
လဿဿ္စံးဖိဢ္ဃဲ ႃဟီဢ္တဂ့ၯ႗
လဿဿ္ထီထီဢ္အဒံး လဿႀတဲၯ‚
လဿဿ္ကအီဢ္ယူၯန႔ဿ္ဖိဢ္ဃဲ.
(ဂ) လဿဿ္ထီထီဢ္အဒံးလဿႀတဲၯ‚
လဿဿ္ယူၯဆူထူပ်ီာ္ စ့စဲၯ‚
ထူပ်ီာ္စ့စဲၯလဿမူဒီ‚
လဿပ်ဿၯ လဿဿ္ယူၯအီဢ္ယူၯအီ.
လဿပ်ဿၯပ်ဿၯန႔ဢ္ ဖိဢ္ဃဲ ဒီဖံလံၯအိဢ္ခံဂၯ လဿဒဲတဖ်ဿဢ္ အပူၯလီၯ. အဖံတဂၯ ကြဿ္၀ဲအလံၯ ခြါအဖ်ီဢ္ခံ ဆ့ကၯ ယာ္မုဿ္ယာ္ဖ်႕ဒီး ကလဲကူလဲကၯ၀ဲ အဂီဿ္ တအိဢ္နီတဘ့ဢ္ ဘဢ္. လံၯခြါခီ လိဢ္ဘီဘိထီဢ္ ကီးလံ. မၯအီဢ္ယုၯ အဖံလဿ တဿ္ကိဿ္တဿ္စူၯ အက်ါလဿ ဂီၯ လဲၯလီၯဆူ အခုးဒီး တခ်ဳးအလဲၯတဿ္ အခါ လဲၯဒဿဢ္ပာ္ အဖံအဂီဿ္ ထံတဿဿ္ဖိ ခံဖ်ဿဢ္သဿဖ်ဿဢ္ လီၯ. ဟါခီလီၯဟဲက့ၯ အခါ ဟဲက့ၯ၀ံ၀ဲ သ့ဢ္မုဢ္ တဃဲတဃဲ လီၯ. ထံတဿဿ္လီၯ ကအိတဖဢ္ လဲၯလီၯဒဿဢ္ န႔ဿ္ပာ္ အဖံလံ. မ့ၯထံ မံလံအဃိ အဖံခြဲးလီၯမ့ၯဒီး အီဢ္၀ဲဒီဖံလံၯ ခံဂၯလဿ မိဿ္ဂံာ္ တိဿ္လဿ အံသဢ္ဒီး ခ်ီအီဢ္တဿ္လဿ အလံၯလဲၯဃုလဿ ပွဿ္ပူၯတဖဢ္ လီၯ.
အစ့ဖိ အိဢ္တပဿၯန႔ဢ္ စွီၯဃာ္၀ဲဒီး ဆိကမိဢ္ထီဢ္ ၀ဲဒ္အံၯ -
စ့တဆွိန႔ဢ္ ယကဘဢ္ဘိဢ္ ဃာ္အီၯဒ္ စ့ပာ္ကီၯ
စ့အဂၯတဆွိန႔ဢ္ ကပွ႔ၯဆီဒီမိဿ္ဖါ ခံဘ့ဢ္
စ့အဂၯခံဆွိ န႔ဢ္ ကပွ႔ၯလုဢ္ဖိနဲဖိ
စ့တဆွိန႔ဢ္အိဢ္အဘ့ဢ္ တဆံလီၯ. ဆီဒီမိဿ္ဖါခံဘ့ဢ္ န႔ဢ္ နံဢ္ထီဢ္ တ၀ာ္ဒီး အဖိဖးထီဢ္ ၀ဲႏြံဘ့ဢ္‚ အဒံဢ္က်ဲကြံာ္ ၀ဲသဿ ဖ်ဿဢ္လီၯ. နံဢ္လဿာ္ဒီး ဆီဖိတဖဢ္ တဿ္နီၯဖး အမိဿ္အဖါဘဢ္လံ အဃိ‚ ထံဢ္၀ဲလဿ အဖါအိဢ္ခံဘ့ဢ္ ဒီး အမိဿ္အိဢ္ ယဲဿ္ဘ့ဢ္ လီၯ. အဖါတဘ့ဢ္ န႔ဢ္အဖံ ဖီအီဢ္ ကပိာ္န႔ဢ္ အလံၯခြါ အတဿ္လီၯ. အဖါအိဢ္တ့ဿ္ တဘ့ဢ္ န႔ဢ္ ပာ္ဃာ္၀ဲဒဢ္လဿ ဆီမိဿ္ ယဲဿ္ဘ့ဢ္ အဂီဿ္လီၯ. တနံဢ္ပူၯကြံာ္လံ ဒီးအလံၯခြါ အကူအကၯ ယာ္မုဿ္ယာ္ဖ်႕ ထီဢ္လံ အဃိ‚ အဖံကတီၯထီဢ္ လုဢ္ဖိနဲဖိတဖဢ္ လီၯ. လုဢ္ခူဢ္လဿ စ့ခံဆွိ အဂီဿ္န႔ဢ္ န႔ဿ္၀ဲ -
လုဢ္ခူဢ္ အဂီၯယဲဿ္ခူဢ္ - အလံၯခြါ ဆ့ပ်ိဿ္ ဒီးအဖံအနံဢ္
လုဢ္ခူဢ္ အသူယဲဿ္ခူဢ္ - အလံၯခြါ အဖ်ီဢ္ခံဒီး အဖံအဆ့လါ
လုဢ္ခူဢ္ အ၀ါ (၁၀) ခူဢ္ - အလံၯခြါဖ်ီဢ္ခံဆ့ကၯ ဆ့ပ်ိဿ္ဒီး ခိဢ္ဖဿဢ္ တဖဢ္လီၯ.
စ့တပဿၯန႔ဢ္ လဿာ္ကြံာ္ သဿဆွိလံ. စ့ပာ္ကီၯ ဃာ္အိဢ္ဒဢ္ စ့တဆွိလီၯ. ကဘဢ္မၯပွဲၯက့ၯ ဒ္သိး စ့တပဿၯ ကန႔ဿ္က့ၯ အဂီဿ္လီၯ. ဆီမိဿ္ယဲဿ္ဘ့ဢ္ န႔ဢ္ ပ်ဲအတဿ္ဒံဢ္၀ံၯ ဒုးဟုဒီး ဆီဖိတဖဢ္ ဖးထီဢ္ဂ့ၯမး လီၯ. ဘဢ္ဆဢ္ ဆီမိဿ္ယဲဿ္ဘ့ဢ္ အဖိ အဘ့ဢ္ယဲဿ္ဆံန႔ဢ္ လံာ္လ့ ဟဲအီဢ္တနီၯ‚ အမဲာ္ထူး တနီၯဒီး အိဢ္တ့ဿ္ ဆီမိဿ္ပ်ိဖါပ်ိ အဘ့ဢ္လြံဿ္ ဆံလီၯ. ဆီတဖဢ္အံၯ ဖိဢ္ဃဲလဲၯဆါကြံာ္ ဒီးတိဿ္န႔ဿ္ အဘ့ဢ္လြံဿ္ဆံလီၯ. တိဿ္လြံဿ္ဆံ န႔ဢ္ မ့ဿ္စ့ လြံဿ္ဆွိဒီး အဖံအစ့ပာ္ကီၯ တဆွိ အဃိ ခဲလဿာ္ မ့ဿ္ယဲဿ္ဆွိလီၯ. စ့တပဿၯပွဲၯထီဢ္ လံအဃိ‚ ဖိဢ္ဃဲ အဖံ ကတဲာ္ကတီၯ ထီဢ္အသး ကူထီဢ္ကၯထီဢ္ အနံဢ္သီဆ့သီ ဒီးအတိဿ္ စ့တပဿၯ န႔ဢ္ဘိဢ္ဃာ္၀ဲဒီး ပွီၯမး၀ဲ ၀ံၯ လဲၯဆူ စီၯပၯအနီလီၯ. လဲၯတုၯဖဲ သုးဖိလဿ အခိးနီ အပဲႀတီ ဒီးတဲ၀ဲလဿ သါအဲဢ္ဒိးထံဢ္ စီၯပၯလီၯ. သုးဖိ သံကြဿ္အီၯလဿ တဿ္ဂ့ဿ္မႏုၯလဲဢ္. ဖိဢ္ဃဲအဖံ မုဢ္ကမဲ တခီ စံး၀ဲလဿ သါတဿ္ဂ့ဿ္ အိဢ္လဿ သါကဘဢ္ထံဢ္ ဒီး ကတိၯတဿ္ဒီး စီၯပၯလီၯ. သုးဖိသံကြဿ္ တဿ္ဂ့ဿ္တဿ္က်ိၯန႔ဢ္ စံးဒဢ္၀ဲလဿ သါကဘဢ္ထံဢ္ စီၯပၯလီၯ. အန႔ဢ္တဘ်ီ သုးဖိတဖဢ္ မၯကီအသး ဒီးအဖံတခီ ဘုစကု လီၯ. တဿ္ဂ့ဿ္မႏုၯလဲဢ္န႔ဢ္ တတဲဖ်ါ၀ဲ ဘဢ္. တဲဒဢ္၀ဲ သါကဘဢ္ ထံဢ္ဒဢ္ စီၯပၯလီၯ. တဿ္ကစီဢ္အံၯ ဟူထီဢ္ဆူ စီၯပၯ အနဿ္ဒီး ပွၯဟဲကိး ဖံသးပွဿ္ဆူ စီၯပၯ အအိဢ္လီၯ. တုၯဃီၯ ၀ဲဖဲ စီၯပၯ အမဲာ္ညါဒီး တီၯလီၯကဒြံက်ိာ္‚ စိာ္ထီဢ္အစုခံခီ ဒီး ဘူဢ္ထီဢ္ဘါထီဢ္‚ ဟ့ဢ္တဿ္ယူးယီဢ္ လဿစီၯပၯလီၯ. ၀ံၯဒီး စံး၀ဲဒဢ္ ႃႃကစဿ္စီၯပၯဧဿ‚ ယဟဲက့ၯစိာ္န႔ဿ္နၯ စ့တပဿၯ လဿယဃ့လိဿ္နၯဒီး ခဲအံၯ ပွဲၯထီဢ္ သဿနံဢ္ အဃိ ယဟဲလိးက့ၯ ယကမဿ္လဿ ကစဿ္စီၯပၯလီၯ.႗႗
စီၯပၯထိဢ္ဟ့ထီဢ္အမဲာ္ဒီး ကတိၯထီဢ္ တဿ္ဟဲဢ္ကစဲဿ္ ႃႃနဟဲစိာ္စ့ တပဿၯ ယသါမၯမႏုၯလဲဢ္. ယစံး‚ စ့ပွဲၯတပဿၯ တဖ်ဿဢ္လီၯ. က့ၯစိာ္နစ့ ဖိတပဿၯန႔ဢ္‚ ဟဲစိာ္ စ့ပွဲၯ သပဿၯတဖ်ဿဢ္ တက့ဿ္.႗႗
ဖိဢ္ဃဲအဖံ အမဲာ္ဂီၯဂံဿ္ဂီၯကး တဘီလီၯ. ဃ့ကညး စီၯပၯလဿ စ့ပွဲၯသပဿၯတဖ်ဿဢ္ သါကဘဢ္မၯဘဢ္ ဒ္လဲဢ္. စ့တပဿၯ ဖိအံၯ သါမၯဘဢ္ သဿနံဢ္ညါလီၯ. မ့မ့ဿ္ ဒဢ္စ့ပွဲၯ သပဿၯတခါဒု တစိၯသး ဂ့ၯ ခံစိၯသးဂ့ၯ သါမၯ လ့ၯတက့ၯ တန့ဿ္ဘဢ္လီၯ. စီၯပၯစံးဘဢ္အီၯ ႃႃဖံသးပွဿ္ဧဿ‚ နတဲတဿ္ အါအါန႔ဢ္ စ့တပွဲၯ သပဿၯတဖ်ဿဢ္ ဘဢ္. က့ၯကြဿ္ဃုတုၯ အန႔ဿ္ မးဟဲဟ့ဢ္ နကမဿ္တက့ဿ္.႗႗ စီၯပၯမဿ အသုးဖိ တဖဢ္ ဒုးဟးကြံာ္ ဖိဢ္ဃဲအဖံသးပွဿ္လီၯ.
ဖံသးပွဿ္ က့ၯစကူးစကူး ပွဲၯဒီး မဲာ္ထံမဲာ္နိ လီၯ. ဖိဢ္ဃဲ ခိးလီၯအဖံ အခိဢ္ဒီး ထံဢ္၀ဲလဿ အိဢ္ဒီး မဲာ္ထံမဲာ္နိ အဃိ‚ လဲၯဃ့ဿ္ လီၯတြံဿ္က့ၯအဖံ ဒီးသံကြဿ္ သံဒိး၀ဲ တဿ္ဂ့ဿ္တဿ္က်ိၯ ခဲလဿာ္ လီၯ. ႃႃလံာ္ခြါဧဿ‚ စ့တပဿၯ ပဘဢ္မၯ သဿနံဢ္ညါလီၯ. ယမ့ဿ္သ့ဢ္ညါ ဆိ ယတပွ႔ၯ လုဢ္ဖိနဲဖိလဿ ယကထါကူထါကၯ အသီလဿ ယကလဲၯဆူ စီၯပၯ အအိဢ္ဘဢ္.႗႗ အလံၯခြါ တဲမုာ္ အသးဒ္အံၯ‚ ႃႃနမ့ဿ္ တပွ႔ၯ လုဢ္ဖိနဲဖိ ထိဢ္ဖိဆီဖိ နစ့ကအိဢ္ ဒဢ္တပဿၯ ဖဲ လီဿ္လီဿ္ ဒီးစ့န႔ဢ္ တပွဲၯသပဿၯတဖ်ဿဢ္ ဘဢ္. ကိဿ္တဂ့ၯ ယဖံဖိ အိဢ္တဂၯလီၯ. နလံၯခြါ ကဂုာ္က်ဲးစဿး ဒီး တဿ္ထံတဿ္တီ ကစဿ္ တဂၯ ကကြဿ္လီၯပွၯလီၯ. ပဒီဖံလံၯ ခံဂၯ ပတဿ္ကီတဿ္ခဲ ကထံဢ္၀ဲ ကီးသဿဢ္.႗႗ ကတိၯဆူဢ္ ထီဢ္အဖံအသး၀ံၯ‚ ၀ံထီဢ္ကုတဒု ဒီးနးတဘ့ဢ္ လဿအႀတိး ပူၯ၀ံၯ လဲၯလီၯဃုအီဢ္ တဿ္ဒီးဖိ တဿ္လဢ္ဖိလီၯ. လဲၯ၀ဲဆူ ကစဿဿ္ အလူဿ္လဿ အဘူးတလူဿ္၀ံၯ‚ ကြဿ္၀ဲဖဲ သ့ဢ္ကဒု အိဢ္၀ဲလဿ လဿဿ္ဘ့ဢ္ဘဢ္ တဘ့ဢ္ အဖီခိဢ္၀ံၯ ဆ့ဢ္နီၯသါသဖွိထီဢ္ မး ႃႃရွဴရွဴ႗႗ လီၯ. ကဿၯက့ၯ အမဲာ္ထံတန႔ဿ္ လဿၯအဃိ‚ ဖိဢ္ဃဲ တဂၯအံၯ ဟီဢ္ဖုပွဿ္ မးတဘီလီၯ. ဟီဢ္ဟီဢ္၀ဲ တုၯ တဿ္ဘွံးအသးဒီး မံလီၯလဿ လဿဿ္ဘ့ဢ္ဘဢ္ တဘ့ဢ္န႔ဢ္ အလိၯ ဒီး အမဲာ္ထံတခီ ပုာ္ထီဢ္ယြၯလီၯဆူ လဿဿ္ဘ့ဢ္ဘဢ္ တဘ့ဢ္ အလိၯလီၯ. အခ့အခါ အကတီဿ္အ၀ဲ အံၯ နဿ္ဟူပွၯ အကလုဿ္သီဢ္ - ႃႃဘဢ္မႏုၯလဿ နဟီဢ္လဲဢ္ဖိဢ္ ဃဲဧဿ‚႗႗ ဖိဢ္ဃဲ ဂဲၯထဿဢ္ကြဿ္တရံး တဿ္ဒီး ကနဢ္ ၀ဲ ယဿ္ခီယဿ္ခီလီၯ.
တထံဢ္ပွၯ နီတဂၯဘဢ္. ထံဢ္ထဲထိဢ္ဖိလံဢ္ဖိ ယူၯ၀့ၯ၀ီၯလဿ သ့ဢ္လဢ္တဖဢ္ အက်ါဒီး တဿ္အသီဢ္ မ့ဿ္ထဲထိဢ္ဖိ တဖဢ္ ကမဲၯစံဢ္စိလဿ သ့ဢ္လဢ္ အက်ါလီၯ. မံလီၯက့ၯ၀ဲလဿ လဿဿ္ဘ့ဢ္ဘဢ္အလိၯ ဒီး သ့ဢ္နီဢ္ဒဢ္ ကဘ ဢ္မၯ ပွဲၯသပဿၯလဿ စ့ဒီး ကဘဢ္ကြဿ္ဃု ၀ဲဒ္လဲဢ္. ဆိကမိဢ္ ထီဢ္အဖံ သးပွဿ္လဿ အကြဿ္လုဿ္ဖိက့ၯ အီၯအဂ့ဿ္‚ ဒီးမ့ဿ္စီၯပၯ ကမၯဘဢ္ဖုးအီၯ ဒ္လဲဢ္. မ့မ့ဿ္ အကစဿ္ဒဢ္၀ဲ လဲၯကဲကုဿ္လဿ စီၯပၯအကုဿ္က်ါ ကဲလီၯ. မ့မ့ဿ္ အဖံသးပွဿ္ ကအိဢ္တ့ဿ္ ဒ္လဲဢ္ ဆိကမိဢ္၀ဲ ဒ္ယံာ္ အသးဒ္ကတံာ္ မဲာ္ထံမဲာ္နိယြၯ ကးလံ‚ တဘ်ီအံၯ ဟီဢ္နီဿ္ကီဿ္ ထြဢ္တလ့ဢ္ အသးလဿ လဿဿ္တဘ့ဢ္ အလိၯလီၯ.
တဿ္ကလုဿ္သီဢ္ထီဢ္ကးလံ ႃႃဖိဢ္ဃဲဧဿ‚ ဘဢ္မႏုၯ နဟီဢ္လဲဢ္.႗႗ ဖိဢ္ဃဲအိဢ္က့ၯ၀ဲ ဂဿဿ္တပဿဿ္ ဒီးကနဢ္ထံ တဿ္လီၯ. တဿ္ကလုဿ္သီဢ္ထီဢ္ကဒီး ႃႃဖိဢ္ဃဲဧဿ‚ ဘဢ္မႏုၯအဃိ နဟီဢ္လဲဢ္.႗႗ တဘ်ီအံၯ ဖိဢ္ဃဲထံဢ္၀ဲလဿ တဿ္ကလုဿ္ န႔ဢ္ဟဲထီဢ္ဒဢ္လဿ လဿဿ္ဘ့ဢ္ဘဢ္ အအိဢ္လီၯ. ဖိဢ္ဃဲတဲဘဢ္ လဿဿ္ဘ့ဢ္ဘဢ္လဿ တဿ္ဂ့ဿ္တဿ္က်ိၯ ခဲလဿာ္လီၯ. လဿအဖံ လဲၯဃ့လိဿ္စီၯပၯ အစ့တပဿၯဒီး အဒီဖံလံၯ ခံဂၯ ပာ္ဖွိဢ္ က့ၯတိဿ္ဖိစ့ဖိ ၀ံၯ လဿသဿနံဢ္ အတီဿ္ပူၯ မးမၯ န႔ဿ္စ့ တပဿၯလီၯ. ဖဲအဖံ လဲၯဟ့ဢ္က့ၯ အစ့ တပဿၯအခါ စီၯပၯ တဲလီၯအဖံလဿ ကဘဢ္ဟ့ဢ္ က့ၯစ့ ပွဲၯသပဿၯတဖ်ဿဢ္ လီၯ. ဖိဢ္ဃဲတဲဘဢ္ လဿဿ္လဿ တဿ္မၯဒ္အံၯ သါမၯလဿပွဲၯ တစိၯသး တသ့ဘဢ္ လီၯ. လဿတဿ္န႔ဢ္အဃိ သါသးဖွီဢ္တုၯ သါပဿၯသူဢ္ပဿၯသး တန႔ဿ္လဿၯဘဢ္ဒီး မဲာ္ထံလီၯ အဒိဢ္အမုဿ္လီၯ. လဿဿ္ဖးဒိဢ္ တဘ့ဢ္အံၯ သးကညီၯဘဢ္ ဖိဢ္ဃဲဒီး စံး၀ဲဒဢ္‚ ႃႃဖိဢ္ဃဲဧဿ‚ ကိဿ္တဂ့ၯ. ထိဢ္ပိာ္ခြါနသး ဒီးတဿ္ထံ တဿ္တီ ကစဿ္လဿမူခိဢ္ ကအံးလီၯကြဿ္လီၯနၯလီၯ. ခဲအံၯ အဆဿကတီဿ္ဘဢ္လဿ ယကလဲၯအီဢ္ တဿ္အီဢ္လဿ မူဒီဖဲ မုဿ္အပူၯ လီၯ. လဲာ္ပိာ္ယခံဒီး ဖဲယအီဢ္တဿ္အခါ ယခဢ္သဘွဲ လီၯတဖဢ္ န႔ဢ္ထါႏုာ္ဆူ နကုဒီး နကုတဿ္ပူၯ တဿ္လီဿ္လဿ အအိဢ္ဒီး နၯတက့ဿ္. ခဲအံၯ ဖီဢ္ဃာ္ယၯ က်ဿၯက်ဿၯ ဧီဿ္‚ ယကယူၯလီၯ.႗႗
ဖိဢ္ဃဲ မံလီၯအီထီလာ္ ဒီးဖီဢ္ဃာ္ လဿဿ္ဘ့ဢ္ဘဢ္ က်ဿၯက်ဿၯလီၯ. လဿဿ္ယူၯဆူ မူဒီလီၯ. တစိဿ္ဖိ တုၯဖဲ လဿဿ္အီဢ္ဆဢ္ အလီဿ္ဒီး ဖဲလဿဿ္ အထးခိဢ္ ယြၯလီၯအလီဿ္ န႔ဢ္ ထူပ်ိာ္ထီဢ္ စ့ပ်ိာ္ထီဢ္ သကုၯဆးဒး နကြဿ္ ကတဿဿ္မဲာ္ကတဿဿ္ နါလီၯ. ဘဢ္ဆဢ္ လဿဿ္ဒုးပလီဿ္အီၯ လဿကထါထီဢ္ ဒဢ္လဿဿ္ အီဢ္တဿ္အခါ အထး ခိဢ္ထံ ယြၯလီၯလဿ ထူ လီၯလဿစ့ တဖဢ္န႔ဢ္လီၯ. ဖိဢ္ဃဲဒိကနဢ္ လဿဿ္အတဿ္ကတိၯဒီး ထါထီဢ္ထူထံ စ့ထံ တဖဢ္တုၯ အပွဲၯကု အခါ လဿဿ္ပွိဿ္လဿဿ္ပွီဿ္ တဘ့ဢ္စံး၀ဲဒဢ္‚ ႃႃဖိဢ္ဃဲဧဿ‚ တဿ္ကိဿ္ထီဢ္လံ‚ ဒီးယအီဢ္ ယတဿ္အီဢ္ ၀ံၯလံ အဃိ‚ ယကက့ၯလီၯ. ဖီဢ္ဃာ္ ယၯက်ဿၯ က်ဿၯဧီဿ္.႗႗ အစုတခီ ဖီဢ္ဃာ္ အကုဒီး အကခီ စွီၯဃာ္ လဿဿ္ဘ့ဢ္ဘဢ္ မးမး အခါ လဿဿ္တဘ့ဢ္က့ၯယူၯ ဆူအအိဢ္ တဿ္အလီဿ္‚ ကစဿဿ္ကပၯလီၯ. ႃႃခဲအံၯ ပဟဲက့ၯတုၯလံ‚ ဖိဢ္ဃဲဧဿ‚ က့ၯ၀ံနကုဂ့ၯဂ့ၯ ဧီဿ္.႗႗ လဿဿ္တဲဘဢ္ ဖိဢ္ဃဲဒီး ပိာ္ခြါဖိ တဂၯအံၯ စံးဘ်ဳး စံးဖွိဢ္ လဿဿ္လဿ အမၯဂ့ၯအီၯ တဘဿးဘဿး တဘ့ဢ္န႔ဢ္လီၯ.
ဟဲက့ၯတုၯလဿ အဒဲကပၯဒီး ကိးထီဢ္၀ဲ‚ ႃႃဖံဧဿ‚ နအိဢ္ဖဲလဲဢ္‚ ဟဲက့ၯကြဿ္ နလံၯခြါ တဘ်းမီၯ.႗႗ အဖံခီ အိဢ္ခိး ကြဿ္လဿ္ အလံၯခြါလဿ ဒဲဖိအပူၯ ဒီး ဖ်ါဘဢ္အီၯလဿ အလံၯ၀ံ တဿ္လဿ ကုအပူၯန႔ဢ္ ဃဿအဃိ‚ ဆိကမိဢ္၀ဲလဿ အလံၯဟဲက့ၯ ခးန႔ဿ္ တဿ္မံၯလာ္ ဖိဒီး အသးခုမး ကအီဢ္ဘဢ္ ကသူ၀ံဢ္ကသူဘဲ လီၯ. ဖိဢ္ဃဲဟဲက့ၯ ထီဢ္ပာ္လီၯ အကုတခီ‚ အဖံထံဢ္လဿ ထူအဘ့ဢ္ စ့အဘ့ဢ္‚ ထူကိဢ္လိဢ္ စ့ကိဢ္လိဢ္ တဖဢ္လီၯ. ဖံသးပွဿ္ အတဿ္သးခု ကဲထီဢ္လဿ တဿ္ဘဢ္ယိဢ္ဘဢ္ဘွီ လီၯ. ႃႃလံၯခြါဧဿ‚ နလဲၯမၯန႔ဿ္ တဿ္ထူးတဿ္တီၯ ထဲအံၯဒ္လဲဢ္‚ နလဲၯရ့တံၯ ရ့သကိး ဒီး တဿ္ဟုဢ္တဿ္ဘ်ဢ္‚ တမ်ိၯတမ်ာ္ ဧါ‚ နလဲၯမၯန႔ဿ္ တဿ္ထဲအံၯ နမၯဒ္လဲဢ္‚ နမၯန႔ဿ္လဿလဲဢ္.႗႗ ဖိဢ္ဃဲတဲဘဢ္ အဖံ‚ ႃႃယဖံဧဿ‚ တဘဢ္ကိဿ္တဂ့ၯ. ယတလဲၯဟုဢ္တဿ္ဘ်ဢ္တဿ္ ဒီး ဒီတံၯဒီသကိး ဒီး တမ်ိၯတမ်ာ္ နီတဂၯဘဢ္. ဟဲဃီၯ ဆ့ဢ္နီၯ လဿနလံၯခြါ အကပၯဒီး ယကတဲယုၯနၯတဿ္ တီတီလိၯလိၯ လီၯ. ဖံဧဿ‚ ယနာ္လဿ ကစဿ္ထူ ကစဿ္ယြၯ လဿအအိဢ္ဒီး အစိဒိဢ္ ကမီၯထီ တဂၯ မဿလဿဿ္ဘ့ဢ္ဘဢ္ တဘ့ဢ္ ကတိၯတဿ္သ့‚ မၯတဿ္ လဲၯတဿ္ဒီး ယူၯ၀ဲဆူ မူဒီ၀ံၯ အီဢ္အဆဢ္လဿ မုဿ္ပူၯလီၯ. ဖဲအအီဢ္ အဆဢ္အခါ မဿယထါ ထီဢ္အထးခိဢ္ အထံ သဘွဲလီၯလဲာ္တဖဢ္ ဒီးဒဿႏုာ္ လဿယကု အပူၯလီၯ. တဘ်ီအံၯ ဖံဧဿ‚ နသးမံ လံဧါ.႗႗
ဖိဢ္ဃဲ ဒီဖံလံၯ ခံဂၯ သူဢ္ခုသးခု ဒီးတပာ္ခူသူဢ္ အတဿ္ထူးတဿ္တီၯ‚ ဒီး ဘိဢ္ဃာ္၀ဲဒဢ္ ဒ္သိး ကသူအီဢ္၀ဲလဿ ခံတစိၯ သးအဂီဿ္ဘဢ္. မ့မ့ဿ္ အဖံတဲဘဢ္ အလံၯခြါဒ္ အံၯ‚ ႃႃလံၯခြါဧဿ‚ ပခြးအီဢ္ကသူဖိ အိဢ္ကီး တဘ့ဢ္အံၯ မၯပွဲၯအီၯဒီး ထူတနီၯ စ့တနီၯ၀ံၯ လဲၯနီၯဟ့ဢ္ တံၯဖိသကိးဖိ လဿအအိဢ္ဖဲ ပကပိာ္ကပၯ တဖဢ္နီဢ္.႗႗ ဖိဢ္ဃဲ စိာ္ထီဢ္ အခြးဖိဒီး မၯပွဲၯ၀ဲလဿ ထူဒီးစ့ ၀ံၯလဲၯနီၯလီၯ ၀ဲလဿ ပွၯအိဢ္ဖဲ အကပိာ္ကပၯ တဖဢ္လီၯ. ပွၯသံကြဿ္ သကိး ဖိဢ္ဃဲလဿ အမၯန႔ဿ္ထူဧိၯ စ့ဧိၯ ဖဲလဲဢ္ဒီး ဖိဢ္ဃဲ တဲယုၯ အ၀ဲသ့ဢ္လဿ တဿ္ဂ့ဿ္တဿ္က်ိၯ ခဲလဿာ္လီၯ. ပွၯစံးဘ်ဳး စံးဖွိဢ္ အီၯဒီး တဲဘဢ္ ဖိဢ္ဃဲလဿ တဿ္တီကစဿ္လဿ မူခိဢ္ဆိဢ္ဂ့ၯ ပွၯမုဢ္ကမဲဒီး ဖိဢ္ဃဲလီၯ. ဘဢ္ဆဢ္ ဒီး ဖဲဖိဢ္ဃဲလဲၯဟ့ဢ္ နီဿ္ကသံ တဂၯလဿ တဿ္ထူးတဿ္တီၯ ပွဲၯခြးတဘ့ဢ္ အခါ ပွၯမုဢ္ပွဿ္တဂၯ သံကြဿ္၀ဲ လဿ ဖိဢ္ဃဲမၯ န႔ဿ္တဿ္ထူးတဿ္တီၯ ထဲအံၯလဿ က်ဲမတၯတဘိ‚ မ့တမ့ဿ္ လဿမတၯ အိဢ္လဲဢ္ န႔ဢ္လီၯ. ဖိဢ္ဃဲ အတဿ္ဟ့ဢ္န႔ဢ္ ပွၯတူဿ္လိာ္ ကိးဂၯဒဲလီၯ. ဘဢ္ဆဢ္ နီဿ္ကသံ န႔ဢ္ တတူဿ္လိာ္ ၀ဲဘဢ္. စံး၀ဲလဿ သါကလဲၯ ဟံးဒဢ္ သါကစဿ္ ဒဢ္၀ဲလီၯ.
နီဿ္ကသံ ၀ံထီဢ္ကုဖးဒိဢ္ တဒု‚ ဖဿဢ္ထီဢ္အခိဢ္ လဿယဢ္ထါ တီဢ္တီဢ္ တဘ့ဢ္ဒီး ဃဲာ္မာ္ကူ ဖးဒိဢ္တဘ့ဢ္ လီၯ. လဲၯ၀ဲ ဆူလဿဿ္ဖးဒိဢ္ တဘ့ဢ္ အအိဢ္ဒီး ပာ္မံလီၯ ဟီဢ္အသးလီၯ. တဘ်ီန႔ဢ္ လဿဿ္ဖးဒိဢ္ သံကြဿ္အီၯ‚ ႃႃနီဿ္ဧဿ‚ ဘဢ္မႏုၯ နဟီဢ္လဲဢ္‚႗႗ နီဿ္ကသံစံး ဆဿ၀ဲဒဢ္ ယကမဿ္အိဢ္လဿ စီၯပၯ အအိဢ္စ့ တပဿၯဒီး ဖဲယဟ့ဢ္ က့ၯ ကစဿ္စီၯပၯ အခါ တဲဘဢ္ယၯလဿ ယကဘဢ္ဟ့ဢ္စ့ ပွဲၯသပဿၯ တဖ်ဿဢ္လီၯ. ယမ့ဿ္ပွၯဖွီဢ္ပွၯယာ္ ယကလဲၯထံဢ္ န႔ဿ္စ့ ပွဲၯသပဿၯ တဖ်ဿဢ္ ဖဲလဲဢ္.႗႗ လဿဿ္ဘ့ဢ္ဘဢ္ န႔ဢ္ တဲဘဢ္နီဿ္ကသံ ဒ္အံၯ‚ ႃႃမ့မ့ဿ္ ဒ္န႔ဢ္ဒီး ထြါကြံာ္ နမဲာ္ထံဒီး ဟဲပိာ္ယခံတက့ဿ္. တဿ္လဿ ယတဲနၯတဖဢ္ ကနဢ္ထံထံဒီး မၯအီၯတက့ဿ္.႗႗ လဿဿ္ဘ့ဢ္ဘဢ္ တဲဘဢ္နီဿ္ကသံ လဿကဖီဢ္ဃာ္အီၯ က်ဿၯက်ဿၯ ဒီး သုတသးပ့ၯနီဢ္ အကုဒီး အဃဲာ္တဂ့ၯ. လဿဿ္ဘ့ဢ္ဘဢ္ ယူၯထီဢ္ဆူ မူဒီ ဒ္သိး ကလဲၯအီဢ္အဆဢ္လဿ မုဿ္အပူၯလီၯ. တုၯလဿမူဒီး ဖဲန႔ဢ္ တဿ္လီဿ္မုာ္မး လီၯ. သံဢ္ဖိဖီဖိ ဖးထီဢ္ဒီး ဖဲကလံၯဖိ ဟဲအူ ထီဢ္ကသုဢ္ကသုဢ္ အခါ‚ နဿမူနဿဆွီ‚ ဒီး ထိဢ္ဖိလံဢ္ဖိ တဖဢ္ယူၯ၀့ၯ၀ီၯ ကမဲၯစံဢ္စိ လဿသ့ဢ္က်ါ ၀ဢ္က်ါ ဒီးထံက်ိ ဖိခုဢ္ယုဿ္ကလာ္ ယြၯသီဢ္ ရ့ရ့ မုာ္ဒိဢ္မးလီၯ. တဿ္ဃံတဿ္လၯ တဖဢ္အံၯ နီဿ္ကသံ တထံဢ္ဒီး တနဿ္ ဟူဘဢ္. အမဲာ္ခ်ံ ကြဿ္ဃီၯဒီး ထံဢ္ဒဢ္ ထူပ်ိာ္စ့ပ်ိာ္ ထီဢ္ဖဲ တဿ္လီဿ္တတီၯ လီၯ. နီဿ္ကသံ စိာ္ထီဢ္ အကုဒီး အဃဲာ္ဒီး ကနဢ္ လဿဿ္ဘ့ဢ္ဘဢ္ အတဿ္ကတိၯ တခ်ဳးဘဢ္. လဿဿ္ဘ့ဢ္ဘဢ္ တဲဘဢ္အီၯ‚ ႃႃနီဿ္ကသံဧဿ‚ ဟဲဒိး ဃာ္နကုလဿ ယအီဢ္ယဆဢ္လီၯတဲာ္ အဖီလာ္ န႔ဢ္တက့ဿ္. နတဘဢ္မၯ လဿာ္ဂံဿ္လဿာ္ဘါ အါအါဘဢ္.႗႗ နီဿ္ကသံ ကနဢ္တခ်ဳးဘဢ္. က်ီတဲာ္ ထူပ်ိာ္သပွဿ္ပွဿ္ လီၯ. ထူပ်ိာ္တခီ တလီၯဆဿဢ္ႏုာ္ဘဢ္. အဃဲာ္န႔ဢ္ ပ့ဢ္လံးကြံာ္ အသး အဃိ‚ တီဿ္ဘ်ဿက့ၯ၀ဲ၀ံၯ‚ ခူဢ္ကြဿ္၀ဲ အထူပ်ိာ္ အတဿ္အဂံဿ္စဲၯ ဖးထီ အဃိ မၯ၀ဲ တန႔ဿ္‚ လဲၯဃ့ဿ္က်ီ ကးလဿ စ့အပ်ိာ္ တဖဢ္ကးလီၯ. တဿ္တလီၯဆီ နီတမံၯဘဢ္. အဃဲာ္က့ဢ္ကူကြံာ္ ဒဢ္ဖဲ လီဿ္လီဿ္လီၯ. လဿဿ္ဘ့ဢ္ဘဢ္ ကိးထီဢ္ ၀ဲလံ‚ ႃႃနီဿ္ကသံဧဿ‚ ယအီဢ္တဿ္၀ံၯလံ ပကက့ၯလီၯ. မုဿ္ဖးဒိဢ္ ဟဲထီဢ္ ဖးထီလံ ဒီးကိဿ္ ဒိဢ္မးလီၯ.႗႗ နီဿ္ကသံ ကနဢ္တခ်ဳးဘဢ္. ႃႃအိဢ္ခိး မီကိာ္ဘဲဢ္‚ ယကက်ီတဲာ္စ့ပ်ိာ္ တထူဢ္အံၯ တဘီလီၯ.႗႗ လဿဿ္ဖးဒိဢ္ တဲဘဢ္အီၯ လဿသါခိး တသ့လဿၯဘဢ္. တဿ္ကိဿ္အတဟီဢ္ ဆူဢ္ဒီး သါတူဿ္တပွဲၯ ဘဢ္အဃိ‚ လဿဿ္ဖးဒိဢ္ ယူၯက့ၯဆူ အအိဢ္အလီဿ္လီၯ. နီဿ္ကသံအိဢ္တ့ဿ္ဒီး ခူဢ္တခီ‚ က်ီတခီ တတဲာ္လဿၯဘဢ္. မုဿ္ဟဲထီဢ္ ထီထီဢ္ ဒီး လ့ဘ့ဢ္ ဘဢ္က့ၯသဒဢ္ အီၯလံ. တုၯတဿ္ကိဿ္ဆါ တူဿ္၀ဲတပွဲၯ လဿၯဘဢ္တဘ်ီ နီဿ္ကသံ ကြဿ္ထီဢ္ဆူ လဿဿ္ဘ့ဢ္ ဘဢ္အအိဢ္အခါ လဿဿ္တအိဢ္လဿၯဘဢ္. တဘ်ီအံၯ ဃ့ဿ္၀့ၯ၀ီၯ ဘဢ္ဆဢ္မူဒီအံၯ တဿ္မုဢ္တဿ္ဘိ‚ တဿ္ဃံတဿ္ လၯလီၯညြံး လီၯဘဲလဿာ္‚ ထံက်ိဖိတဖဢ္ လီၯသံးကြံာ္ ဒီး မုဿ္ဖးဒိဢ္ ထီဢ္တတီၯတတီၯ လဿမူဒီဒီး ဖဲမုဿ္အိဢ္ ၀ဲလိၯလိၯ လဿမူခိဢ္ အခါ‚ အတဟီဢ္ဆူဢ္ဒီး ပွၯကညီ ပာ္လီၯအခီဢ္ ညါသး တဘူဢ္ ဘဢ္. တဘ်ီအံၯ နီဿ္ကသံ အတဿ္သူဢ္ကြံသး လီ တဿ္ထူးတဿ္တီၯ မၯစဿၯအီၯ တသ့ လဿၯဘဢ္. ယီဿ္လီၯထူဒီး ထူကိဿ္‚ ယီဿ္လီၯစ့ဒီး စ့ကိဿ္ လီၯ. ယံာ္ယံာ္ ဒီး နီဿ္ကသံ အသးသမူ ယူၯထီဢ္ကြံာ္၀ဲဒဢ္လီၯ.
(ဟံးန႔ဿ္အီၯလဿ ႃပွၯကညီဿ္ဖိ အဘ့ဢ္ ၂‚ ကညီအတဿ္တဲပူ လဿဖံအဲမဢ္ ကြဲး၀ဲ႗ အပူၯန႔ဢ္လီၯ.)
