ဖိသဢ္ဂ့ၯမဿ - ပ်ဿ္၀ါဂ့ၯခး (ဖုရိလဲအတဿ္လဲၯခီဖ်ိတဖဢ္ - အကူာ္ ၁ဝ)

(၁) ယမၯလိ ဃုတီၯဒီး ယသးအိဢ္ ၁၃ နံဢ္လီၯ. မ့ဿ္လဿယကဲဘြါစကီးထ္ (Boy’s Scot) အဃိ ပကႜိ ခိဢ္မးမးမ့န္ (Mama Maine) နာ္န႔ဿ္ယၯဒီး မဿယၯထီဘိလီၯ.

ဘဢ္တဟါ ဖဲပဖးလံာ္လဿ ဘ်ီဢ္ဒိဢ္ပူၯအခါ၊ အ၀ဲဟဲစိာ္လံာ္ပရဿ တဘ့ဢ္ဒီးစံး၊ ခဲဂီၯလဲၯဆွဿလံာ္ပရဿ အံၯဆူ မံးစထဿဢ္ခဲဘဲလ္ (Mr. Cambell) အအိဢ္တက့ဿ္. ဒီးက့ၯ၀ဲလီၯ. တတဲယၯ မံးစထဿဢ္ခဲဘဿလ္ အိဢ္ဖဲလဲဢ္ဘဢ္. ဘဢ္ဆဢ္ ယဆိကမိဢ္၊ မ့ဿ္လဿ မးမး နာ္န႔ဿ္ယၯအဃိ ယကဘဢ္က်ဲးစဿးဃုအီၯလီၯ. ယဆိ ကမိဢ္ထီဢ္ကဒီး၊ တဿ္လဿကိၯလၯ၀ါတဖဢ္ န႔ဢ္ ယထံဢ္အိဢ္အါတက့ဿ္ လဿ၀့ဿ္တကူဢ္ ဖ်ဿဢ္ထူ မဢ္ဒဢ္္ ပ်ီအက်ဲကပၯအဃိ ယကလဲၯဃုအီၯဖဲန႔ဢ္လီၯ.

ဂီၯခီဂီၯဂီၯ ယလဲၯဆူမဢ္ဒဢ္က်ဲးဒီး ကြဿ္ပွၯမံၯကြဲးလီၯအသးလဿ ဟံဢ္မ့တမ့ဿ္ ၾတဲၯဖးဒိဢ္အလိၯ လီၯ. လဲၯဟံဢ္တဖ်ဿဢ္ဖ်ဿဢ္ တမ့ဿ္အမံၯဘဢ္. လဲၯတဖ်ဿဢ္ဖ်ဿဢ္ တမ့ဿ္ဘဢ္. ယဟဲက့ၯကဒါက့ၯ တ၀ီ တမ့ဿ္ ဘဢ္. ယတရံးထီဢ္က့ၯ ၀့ဿ္တကူဢ္ မါဒလ့ က်ဲမုဿ္ဒီး ကြဿ္ကဒီးလီၯ. ယပာ္ယသးတဘ်ီအံၯ ယထံဢ္ ပွၯတဂၯဂ့ၯတဂၯဂ့ၯ ယကသံကြဿ္လီၯ. မ့မ့ဿ္ ကိၯလၯ၀ါန႔ဢ္ ယကက်ဲးစဿးသံကြဿ္ လဿယဃုတီၯအဲ ကလံးလီၯ.

ဖဲယလဲၯ တဿ္ဒီးဃုကြဿ္တဿ္အခါ၊ ယထံဢ္ကိၯလၯ၀ါတဂၯ ဟးထီဢ္လဿ အကရဿဿ္ပူၯ မိၯဒီး ထြံဢ္ဖါ၀ါ ဖိတဒုတဘ်ီဃီ၊ ယဃ့ဿ္လူၯအီၯဒီးစံး -
Excuse me, do you know Mr. Cambell?
၀ံသးစူၯယၯ၊ နသ့ဢ္ညါ မံးစ္ထဿဢ္ခဲဘဲလ္ဧါ.
Why? I am Mr. Cambell.
ဘဢ္မႏုၯလဲဢ္. ယမ့ဿ္ မံးစ္ထဿဢ္ခဲဘဲလ္ လီၯ.
ယသးခုတပ်ဳာ္တဘီ.
ယစံး - I am very glad to see you. Here is a letter for you from Miss Maine.
ယသးခုလဿယထံဢ္ဘဢ္နၯလီၯ. အအံၯမ့ဿ္တဿ္ပရဿလဿနဂီဿ္ လဿမံးစ္မ့န္ အအိဢ္လီၯ.
စံး၀ဲ - အိ၊ တဿ္ဘ်ဳး၊ ၀ံသးစူၯဟဲဒီးယၯ.
ယလဲၯဒီးအီၯ ဒီးဖဲ အဖီကရဿန႔ဢ္ အိဢ္ဒီးခးဒီးလီဿ္ဆ့ဢ္နီၯ ဒီးစံး -
၀ံသးစူၯ အိဢ္ခိးဖဲအံၯ၊ ကက်ဲၯတဿ္လဿ နကအီဢ္အဂီဿ္ တမံၯမံၯ.
ယဆ့ဢ္နီၯဒီး ယဆိကမိဢ္ - ပွၯအ၀ဲအံၯ အတဿ္ပာ္သူဢ္ပာ္သး လီၯဂာ္ဒီး ပွၯခရံာ္ဖိလီ. ဒီးမ့ဿ္စဲဃဲၯလီၯ. တစိဿ္ဖိ - အပွၯဖီမ့ၯ ကိၯလၯသူတဂၯ ဟဲစိာ္လာ္ဖးထံ ဒီးကိဢ္ဒြါလဿထီဘး ၂ ဘ့ဢ္ ဒီးမဿယအီဢ္လီၯ. နဘဢ္တဲ၀ဲလဲဢ္. တဿ္မိဢ္အီဢ္ယသးယံာ္လံ. ယအိ၊ ယအီဢ္၊ ယသးစွဲထီဢ္ဖးဒိဢ္လီၯ.

တစိဿ္ဖိ အ၀ဲဟဲထီဢ္စိာ္ တဿ္ပရဿတဘ့ဢ္ဒီး တဿ္ဘိဢ္ဖိတခါ. စံး ၀ံသးစူၯ က့ၯစိာ္တဿ္အံၯဆူ မံးစ္မ့န္ အအိဢ္တဘီနီၯ.
ယစံး - ယသးခုစိာ္လီၯ. ဂီၯလဿအဂ့ၯ. ယက့ၯလဿအခ်႕၊ ဒီးဟ့ဢ္လီၯ မးမးမ့န္ လီၯ. မးမး နံၯကမွံထီဢ္ ဒီးစံး တဿ္ဘ်ဳးဒိဢ္မး၊ ပြဲစါဧဿ၊ ယပာ္ကဖဿလဿယသးလဿ နဃိလီၯ.

ယစံး - တဿ္ဘ်ဳး မးမး. ဒီးက့ၯလုဿ္ထံ၊ ကူကၯထီဢ္ဒီး ထီဢ္ကႜိလီၯ. တဿ္တဂီၯန႔ဢ္ ယတအီဢ္ဘဢ္မ့ၯ လဿၯဘဢ္နာ္က့ ယသးမုာ္လဿ ယအီဘဢ္ မံးစ္ထဿဢ္ ခဲဘဲလ္ အထံခ်ီ ဒီးကိဢ္ဒီး ဒိးန႔ဿ္ မးမး အတဿ္ စံး ပၾတဿၯ ယၯအဃိ တဿ္တနံၯန႔ဢ္ ယတသ့ဢ္ညါ တဿ္သဢ္၀ံၯယသးဘဢ္.

(၂) လဲၯမၯန႔ဿ္သရဢ္မုဢ္သံအတလါ လဿ၀့ဿ္လြဲဿ္ကီဢ္
ဖဲယမၯလိဃိးတီၯ၊ ယသးအိဢ္ ၁၅ နံဢ္န႔ဢ္၊ ကႜိသရဢ္မုဢ္၊ သရဢ္မုဢ္ဒြ႕နံဢ္ မဿယလဲၯဆူ၀့ဿ္လြဲဿ္ကီဿ္ဒီး ကြဿ္က့ၯအ၀ဲဿ္မုဢ္ လဿအဆါတဿ္မုဿ္လဿ္တအိဢ္ လဿၯဘဢ္တဂၯ၊ ဒီးမ့ဿ္သံန႔ဢ္ ယကဟဲက့ၯစိာ္က့ၯ အတဿ္ဖိတဿ္လံၯ တလါလီၯ. အ၀ဲဿ္မုဢ္ မၯသကိးတဿ္လဿ သရဢ္ဘါန႔ဿ္လီၯ. ယတဲအီၯ နတဲကႜိခိဢ္ ၀ံၯလံဧါ. စံး၀ဲ၊ ကႜိခိဢ္ဟ့ဢ္ကူဢ္ယၯလဿ ယကမဿနၯတခီလီၯ.

အခါန႔ဢ္ ၀့ဿ္လြဲဿ္ကီဢ္ အမံၯတဟူသဢ္တဖ်ါဘဢ္. အိဢ္ဖဲလဲဢ္မး ယတသ့ဢ္ညါဘဢ္. ယဟးလူၯသံကြဿ္ ယသကိးဒီး ပွၯလဿအသ့ဢ္ညါ တဲယၯလဿယဘဢ္ဒိးထီဢ္ လ့ဢ္မ့ဢ္အူဆူ သဢ္စံဢ္၀ံၯ ဒိးထီဢ္သိလ့ဢ္လဿ သဢ္ဆံဢ္ဆူ တီဢ္ကႜံ၀ံၯ ဒိးထီဢ္ကဒီး သိလ့ဢ္လဿ တီဢ္ကႜံဆူ လြဲဿ္ကီဢ္လီၯ.

ကႜိခိဢ္ မးမး အဲဒဲမ္စ္ ကိးယၯဒီးစံး၊ ပြဲစါ၊ ယနာ္န႔ဿ္နၯလီၯ. နမၯသ့လီၯ. လဲၯစိာ္သရဢ္ ဟါပစတီဢ္ အတဿ္ ပရဿအံၯ၊ အ၀ဲကမၯစဿၯနၯလီၯ. ယြၯလဲၯဒီးနၯတက့ဿ္.
ယစံး တဿ္ဘ်ဳးမးမး၊ ဒီးယဟးထီဢ္လီၯ. သရဢ္မုဢ္ ဒြ႕နံဢ္ပ်ဲလီၯအပုဿ္ စီၯရိကႜဿဢ္ ကအိဢ္ ၁၁ နံဢ္ လဲၯဒီး ယၯလီၯ.

လဿအဖုဢ္န႔ဢ္၊ ပဒိးထီဢ္လ့ဢ္မ့ဢ္အူဆူ သဢ္စံဢ္၊ ဒိးထီဢ္သဢ္စံဢ္ လ့ဢ္ဆူ တီဢ္ကႜံ ဒီးပဟးသံကြဿ္ သရဢ္ Hepstons Tall ဒီး ပွၯဆွဿပွၯဆူအအိဢ္လီၯ. သရဢ္ဒိဢ္အံၯ မ့ဿ္ပကီဿ္ဘွဲမိဿ္ပွဿ္ မံးရွဿဢ္နရံဢ္တဘ်ီဒီး ယခ်ဳးန႔ဿ္အီၯတနံဢ္ ဖဲယအိဢ္ဘွဲကႜိအခါလီၯ. ကတိၯဘွဲကညီ က်ိာ္ဘ်ဲးလီၯ. ယဟ့ဢ္အီၯလဿ လံာ္ပရဿ၊ ဒုးအီဢ္ပွၯဂ့ၯဂ့ၯ၊ ဒုးမံပွၯလဿၯလဿၯ လီၯ. တခ်ဳးပလဲၯ ဘါန႔ဿ္ပယြၯဒီး ယတဲအီၯလဿ ယခ်ဳးန႔ဿ္အီၯ တနံဢ္ဒီး သးခု၀ဲလီၯ.

ဂီၯခီ ဆွဿလီၯပွၯဆူ သိလ့ဢ္ ကလဲၯဆူမိၯခံတခိဢ္ လီၯ. သိလ့ဢ္အံၯ တီဢ္လီဿ္ဆ့ဢ္နီၯ ပွဲၯအပူၯဒီး ပသကိးခံဂၯ ဘဢ္ဆ့ဢ္နီၯ ကီကီခဲခဲ၊ သိလ့ဢ္မ့ဿ္ဆဲးထူ ပခိဢ္သဢ္ဃံ ဘဢ္ဒိဒီး လီဿ္ဆ့ဢ္နီၯ၊ က်ဲဒီဘိညါ ပဘဢ္ကြဿ္ထြဲက့ၯ ပခိဢ္သဢ္ဃံ ဒ္သိး သုတဖ်ိးကြံာ္ဆူ တဿ္ပ်ီပူၯတဂ့ၯလီၯ.

မ့ဿ္လဿ တဿ္စူၯဖးဒိဢ္အဃိ က်ဲကဲကပံာ္ ဒီး တဿ္ဘဿဢ္ထီထီဢ္သိလ့ဢ္ ပဢ္လဿပ်ံၯထး ယံာ္ တနဢ္ရံဢ္ ခံနဢ္ရံဢ္ညါလီၯ. က်ဲတဂ့ၯအဃိ သိလ့ဢ္လဲၯဒဢ္ ကယီကယီဒီး ပတုၯလဿလြဲဿ္ကီဢ္ လဿဖးဖီမုဿ္ဃဢ္ဃဢ္ လီၯ. အခါဖဲန႔ဢ္ လြဲဿ္ကီဢ္မ့ဿ္ဒဢ္ ၀့ဿ္ဖိလီၯ. ပတလဲၯတုၯနီတဘ်ီဘဢ္. ဘဢ္လဲၯဆူလဲဢ္ ပတသ့ဢ္ညါဘဢ္. ဖးဖီမုဿ္ ပတထံဢ္ ပွၯဟးထီဢ္ဟးလီၯ လဿၯဘဢ္.

ယကိးပသူလဿဖးဖီမုဿ္လဿက်ဲခိဢ္.
တီအူသးစဿ္ခံဂၯ အဲဢ္ဒိးထံဢ္ သရဢ္ဘါန႔ဿ္၊ မၯစဿၯတဘီ.
လဲၯက်ဲတဘိဘိကိး၊ လဲၯက်ဲတဘိဘိကိး၊ မတၯမးတနဿ္ဟူဘဢ္.
လဲၯကဒီးက်ဲအဂၯတဘိ၊ ထံဢ္စိပွၯစိာ္မ့ဢ္အူဒဿ တဂၯ ပဃ့ဿ္လူၯအီၯ.
ယကိး သရဢ္အိဢ္ခိးတစိဿ္. သးစဿ္ခံဂၯ အဲဢ္ဒိးထံဢ္လိာ္သးဒီး သရဢ္ဘါန႔ဿ္လီၯ. မၯစဿၯတဘီ.
အ၀ဲအိဢ္ပတုာ္ သံကြဿ္ - သုမ့ဿ္ပွၯကညီဧါ.
ယစံး - မ့ဿ္.
သံကြဿ္ - သုဟဲမၯမႏုၯလဲဢ္.
ယစံး - သရဢ္မုဢ္ ဒြ႕နံဢ္ အ၀ဲဿ္မုဢ္ မၯသကိးတဿ္ဒီး သရဢ္ဘါနံဢ္ ဆါနးမး၊ မ့ဿ္အသံလံဧါ. မူဒံးဧါ. မ့ဿ္သံန႔ဢ္ အပုဿ္မုဢ္မဿ ပဟဲက့ၯစိာ္ အတဿ္ဖိတဿ္လံၯလီၯ.
စံးဆဿ - သရဢ္မုဢ္ သံဖဲ ဟါ ၄ နဢ္ရံဢ္လီၯ. ယကလဲၯဆူ တဿ္ဆိးသီလီၯ. ယြၯဆွဿသုလီၯ. ဟဲပိာ္ ယခံ. ပလဲၯတုၯ ပထံဢ္ ပွၯအိဢ္ဆံဆဲဢ္ဂၯ ဒီး သးပွဿ္ဒုးသ့ဢ္ညါပွၯလဿ သရဢ္ဘါနံဢ္လီၯ.

မုဿ္ဆ့ဢ္ထီဢ္ ပလဲၯခူဢ္လီၯဘါလီၯ၀ံၯ၊ သရဢ္မုဢ္တဂၯ ဒုးနဲဢ္ပွၯလဿ အတဿ္ဖိတဿ္လံၯ၊ အတလါဒီး သီးလီၯ.
မုဿ္ဆ့ဢ္ထီဢ္ သရဢ္ဘါနံဢ္ ဆွဿလီၯပွၯဆူသိလ့ဢ္၊ ပပွ႔ၯမ့ၯတပီဿ္၊ အခါဖဲန႔ဢ္ ပွၯဆါမ့ၯလဿ အပီဿ္၊ ပပွ႔ၯ ကသူ ဒိးထီဢ္သိလ့ဢ္လီၯ. သရဢ္ဘါနံဢ္ ဟံးစုကြဿ္မဲာ္ပွၯဒီး ပဃ့ကညး အီၯလဿ ကဒိလီၯလီပ်ံၯဆူ သရဢ္ Hepstons Tall အအိဢ္လဿ ပစးထီဢ္ဟဲက့ၯလံ န႔ဢ္လီၯ.

ပဒိးထီဢ္သိလ့ဢ္လဲၯတဿ္ကန႔ဿ္ ၁၅ မံးလာ္၊ သိလ့ဢ္တလဲၯတဿ္ဘဢ္. ပွၯခဲလဿာ္ ဘဢ္စံဢ္လီၯ ဆီဢ္လီၯ. လဲၯကဒီး ဆံဆဲဢ္မံးလာ္ ဟးဂီၯကဒီး၊ စံဢ္လီၯဆီဢ္ကဒီးလီၯ. ဆီဢ္ပွဲၯထီဢ္သဿဘ်ီဒီး ဟးဂီၯကဒီး လီၯ. ဖဲန႔ဢ္ ပအီဢ္ပမ့ၯလီၯ.

ပွၯနီသိလ့ဢ္ ဘွီအသိလ့ဢ္၀ံၯ မဿပဆီဢ္၊ ဆီဢ္နာ္က့ သိလ့ဢ္မံတပဿဿ္ထီဢ္လဿၯဘဢ္. ပွၯနီသိလ့ဢ္ ပ်ဿ္စုပ်ဿ္ခီဢ္ ဒီးအိဢ္ဒဢ္ခိး မ့ဿ္သိလ့ဢ္ ကဟဲတခိဢ္ခိဢ္ဧါ န႔ဢ္လီၯ. ခိးနာ္က့ သိလ့ဢ္တလဲၯတက့ၯ နီတခိဢ္ ဘဢ္. ဒီး ပဘဢ္မံလဿက်ဲန႔ဢ္လီၯ. ယတဿ္သ့ဢ္နီဢ္ မ့ဿ္တကမဢ္ န႔ဢ္ လြဲဿ္ကီဢ္ ဒီးတီဢ္ကႜံအိဢ္ ၁၀၄ မံးလာ္၊ ဒီး ပဘဢ္မံတဿ္လီဿ္န႔ဢ္ ကမ့ဿ္ဒဢ္ မံးလာ္ ၅၀ န႔ဢ္လီၯ. ဟါခီလီၯ ပတအီဢ္ဘဢ္ တဿ္နီတမံၯဘဢ္. ဒူသ၀ီ အိဢ္ဘူးအိဢ္တံဿ္ တအိဢ္စ့ဿ္ကီးဘဢ္. ပမံမုဿ္ဆ့ဢ္ထီဢ္ ဆီဢ္ကြဿ္သိလ့ဢ္ တကဲထီဢ္ဘဢ္. ပခိးတဿ္ မုဿ္ထူဢ္ ထီဢ္ကဒီးလံ. တအီဢ္ဘဢ္တဿ္နီတမံၯဘဢ္.

ဖဲမုဿ္ဃ့ဿ္လီၯ ၂ နဢ္ရံဢ္ န႔ဢ္ ပထံဢ္စိသိလ့ဢ္ ဖိဟဲလဿ ဟိဢ္ပိတခီတခိဢ္၊ ဟဲတုၯလဿသိလ့ဢ္ကပၯ ယကြဿ္ မ့ဿ္လဿသရဢ္ ဟဲထဿဢ္ထီလ္ ဟဲအိဢ္က့ၯပွၯ၊ မဿပတီဢ္ထီဢ္ တဿ္ဖိတဿ္လံၯ ဒီး အ၀ဲတဲဘဢ္ ပွၯနီ သိလ့ဢ္လဿ ကက့ၯတဲဘဢ္သိလ့ဢ္ အိဢ္ဖဲ ဟိဢ္ပိခံခိဢ္ လဿကဟဲမၯစဿၯ အ၀ဲသ့ဢ္လီၯ.

ပသိလ့ဢ္ဟးထီဢ္ဒီးသရဢ္ ဟဲထဿဢ္ထီလ္တဲ၊ ယဆိမိဢ္ သုတအီဢ္ဘဢ္မ့ၯလဿ မဟါကဿာ္လံ. တဿ္ကသဢ္ ၀ံၯသုသးအဃိ၊ အီဢ္ခီးဆြဲ ဒီးအီလးဖးထံ တက့ဿ္. ပအီဢ္ဒီး အီလးဖးထံ ပွဲၯဟဿဖဿ ဒီး ဂံဿ္ဘါဘဢ္လီဿ္ဘဢ္စး က့ၯလီၯ.

ပတုၯလဿ ဟိဢ္ပိ၊ သရဢ္လဲၯတဲသိလ့ဢ္ ဒီးသိလ့ဢ္တဖဢ္ မၯခ်႕ခ်႕ဒီး လဲၯလူၯက့ၯ အသကိးလီ. ပမံ လဿ တီဢ္ကႜံတနၯ၊ သရဢ္ဒိဢ္ဆွဿလီၯ ပွၯဆူ သိလ့ဢ္က့ၯဆူ သဢ္စံဢ္ဒီး တဆီတဆီ ပတုၯက့ၯလဿ တီအူ လီၯ. မးမးအဲဒဲမ္စ္ နဿ္ဟူလဿ ပဟဲက့ၯတုၯ သးခုမး၀ဲ ဒိဢ္ဒိဢ္ကလဲာ္လဿ ပဟဲက့ၯတုၯ ဂ့ၯဂ့ၯဘဢ္ဘဢ္ အဃိလီၯ.

ဖဲယသးပွဿ္ထီဢ္အံၯ၊ ယကြဿ္ဆိကမိဢ္ ပွၯသးပွဿ္ အတဿ္ကတိၯ၊ ဖိသဢ္ဂ့ၯမဿ၊ ပ်ဿ္၀ါဂ့ၯခးန႔ဢ္၊ တမ့ဿ္ တဿ္မဿဖိသဢ္ ဖဲစုထံးခီဢ္ထံး၊ လဲၯဘ်ဿဢ္ထံ တဘ်ဿဢ္၊ လဲၯမၯန႔ဿ္ သ့ဢ္မုဢ္ တဒ့ ဧိၯဘဢ္. ပ်ဿ္၀ါဂ့ၯခး န႔ဢ္ တမ့ဿ္ တဿ္ခးလိာ္ကြဲ ပ်ဿ္ကလီကလီဘဢ္. မ့ဿ္တဿ္ခး ထိဢ္ဂံာ္ဆီမံၯလဿ တဿ္အီဢ္ဘဢ္အီဘဢ္ အဂီဿ္ လီၯ. တဿ္မဿဖိသဢ္၊ သးစဿ္ ဒ္မးမးမ့န္၊ ဒီးမးမး အဲဒဲမ္စ္ တဖဢ္ မဿယၯအသိး၊ အိဢ္ဒီး တဿ္နာ္န႔ဿ္၊ အိဢ္ဒီး တဿ္ ဟ့ဢ္ဂံဿ္ဟ့ဢ္ဘါ အိဢ္ဒီးတဿ္ထုကဖဢ္န႔ဢ္ ကဒုးကဲထီဢ္အ၀ဲ သ့ဢ္လဿ ပွၯတိဖ်ိတဿ္ကီတဿ္ခဲ၊ ပွၯလဿ ကမၯ အဂ့ၯကတဿဿ္၊ ပွၯတဖဢ္လဿ အက်ိးကစီဒီ န႔ဢ္လီၯ.

(ခိးကြဿ္လဿ္ အကူာ္ ၁၁)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Posted in: ဖုရိလဲအတဿ္လဲၯခီဖ်ိတဖဢ္