စဲၯခံလံ (ပူသနဿဢ္) - အကူာ္ ၁

- တိဿ္နီဿ္ - ပူတယုဿ္အံၯမ့ဿ္ ရဿရွဢ္ အတဿ္ဃဲၯပူအဃိ တဿ္မံၯတဿ္သဢ္တဖဢ္ကမ့ဿ္တဿ္လဿ အတညီႏုဿ္ဒီး ပွၯဘဢ္န႔ဢ္လီၯ.

သးပွဿ္ထိမဢ္ မ့ဿ္ပွၯမၯတဿ္ဘဢ္ဃး လ့ဢ္မ့ဢ္အူတခီ တဂၯလီၯ. အ၀ဲအဟံဢ္န႔ဢ္ ဘွီ၀ဲဘူးလဿ လ့ဢ္မ့ဢ္အူ က်ဲဃဿၯန႔ဢ္လီၯ. ဘဢ္တနံၯ ထိမဢ္ ဆ့ဢ္နီၯ ဒီးကတိၯသကိးတဿ္ဒီး အဖိမုဢ္ ထံနဢ္ ဖိလဿ အမဲာ္တထံဢ္ တဿ္ဘဢ္တဂၯ လဿအဟံဢ္တဿ္ဒူဢ္ဂီၯထံး လီဿ္ဆ့ဢ္နီၯဖးထီတဖ်ဿဢ္ အဖီခိဢ္န႔ဢ္လီၯ. ထံနဢ္ မ့ဿ္ပိာ္မုဢ္ဖိ တဂၯ လဿအသးအိဢ္ဒံးထဲ ၁၈ နံဢ္ဧိၯ၊ အ၀ဲဆ့ဢ္နီၯလဿ အပဿ္အလီဿ္ခံ တခီဒီး ခြံအခိဢ္သူလဿ အသူ ကၾတ့ဢ္ တဖဢ္န႔ဢ္လီၯ.

သးပွဿ္ထိမဢ္ စးထီဢ္ကတိၯတဿ္ဒီး စံး၀ဲ -
ႃႃခိဢ္သူကၾတ့ဢ္ ဃံလၯဒ္သိးအံၯ ယတထံဢ္ဘဢ္ ဒံးနီတဘ်ီမးလဲဢ္.႗႗
ႃႃမ့ဿ္ဧါ ပါ၊ နကြဿ္ဂ့ၯနီဿ္ကီဿ္ဧါ.႗႗
ႃႃဂ့ၯ၀ဲ..႗႗

ထံနဢ္ဖိလဿ အအိဢ္ဒီး အနိးဖံး ဂီၯကရဲး ဒ္ဖီတၯဆႈဢ္ ဂီၯကရဲးဖိအသိးန႔ဢ္ အ့ထီဢ္အမဲ နံၯထီဢ္မး၀ဲ က်ဿၯ သူဢ္က်ဿၯသး ဒီးအမဲဖိလဿ အ၀ါဆွံတဖဢ္ အိဢ္ဖ်ါထီဢ္ ဃံလၯမးလီၯ. အသဢ္မံယီၯဖိလဿ အကိးန႔ဿ္၀ဲ

အမံၯလဿ နဢ္ႏူ တဒု လဿအမံနီၯလဿ အကံဢ္ဒုဢ္လိၯန႔ဢ္ ဖူးလဲး၀ဲဒဢ္ ကယီကယီန႔ဢ္လီၯ. အထြံဢ္ဖိလဿ အကစဿ္ကိးန႔ဿ္ စ့ဿ္ကီး၀ဲအမံၯ လဿ ကရိလဢ္ တဒုတခီ မ့ဿ္လဿတဿ္ကိဿ္တစဲးအဃိ ထိဢ္လီၯစဲၯဃာ္ အပ်႕ၯ ဒီးမံလီၯလဿအ၀ဲအခီဢ္ထံးန႔ဢ္လီၯ. ထံနဢ္ဖိ ဒီးအသဢ္မံယီၯဖိ ၊ အထြံဢ္ဖိ အိဢ္သကိးတပူၯဃီ ဒ္န႔ဢ္ ဖ်ါမုာ္မးဘဢ္ဆဢ္ လီၯသးကညီၯကတဿဿ္တမံၯ အ၀ဲအမဲာ္ခ်ံခံခီလဿာ္ တထံဢ္ဘဢ္အပဿ္ဒီး အထြံဢ္ ဖိ အသဢ္မံယီၯဖိတဖဢ္ အဃိန႔ဢ္လီၯ.

ထံနဢ္ဖိ ဖိးဟုထီဢ္အသဢ္မံယီၯဖိ နဢ္ႏူ န႔ဢ္ ဒီး သံကြဿ္အီၯ -
ႃႃပါပဿ္စံး၀ဲ၊ ယခိဢ္သူတဖဢ္ ဃံလၯမးလီၯန႔ဢ္ နနဿ္ဟူလီၯ တမ့ဿ္ဧဲဢ္႗႗
ဒီး သံကြဿ္ဃုာ္ဒီး အပဿ္တဘ်ီဃီ -
ႃႃမ့ဿ္ဒ္န႔ဢ္ဧါ ၊ ပါ႗႗
တဘ်ီဃီ အပဿ္တဲဆဿအီၯ -
ႃႃမ့ဿ္၀ဲသဿဢ္၊ ဖိမုဢ္.. ယဖိမုဢ္အခိဢ္သူ၊ အနိးဖံးဖိဒီး အမဲာ္ခ်ံဖိ တဖဢ္ ဃံလၯခဲလဿာ္လီၯ. နီဿ္နီဿ္န႔ဢ္ ယဖိမုဢ္ဖိအံၯ ဃံလၯဒဢ္ ဒီဂၯညါ ဒီးလီၯအဲဢ္လီၯကြံဒိဢ္မးလီၯ.႗႗
ဖိမုဢ္အံၯ သံကြဿ္ထီဢ္ကဒီး အပဿ္တဿ္သံကြဿ္ လဿအသံကြဿ္၀ဲ အဘ်ီတဖဢ္ အဘ်ီ ဒီးစံး၀ဲ -
ႃႃယခိဢ္သူတဖဢ္ အလြဲဿ္မၯသးဒ္လဲဢ္၊ ပါဧဿ..႗႗
သးပွဿ္ထိမဢ္ တခီ ဒ္အစံးဆဿတ့ဿ္လံ တဿ္သံကြဿ္အဘ်ီဘ်ီလံအသိး စံးဆဿကဒီး၀ဲ -
ႃႃအသူသဿဢ္ဖိမုဢ္ဧဿ.႗႗
ႃႃအသူစံးတဿ္န႔ဢ္ မ့ဿ္မႏုၯလဲဢ္. လီၯဂာ္လဿ မႏုၯလဲဢ္.႗႗
ႃႃတဿ္အသူန႔ဢ္ မ့ဿ္ဒဢ္တဿ္အလြဲဿ္လဿ ယဖိမုဢ္ထံဢ္ဘဢ္အီၯ ထီဘိန႔ဢ္သဿဢ္.႗႗
ႃႃဒ္လဲဢ္၊ နဖိမုဢ္တထံဢ္မး တဿ္နီတမံၯလဲဢ္.႗႗
ႃႃအဿဢ္ အ၀ဲန႔ဢ္လီၯ. တဿ္အသူန႔ဢ္ မ့ဿ္တဿ္ခံးတဿ္နၯ လဿနထံဢ္ဘဢ္အီၯ ထီဘိလီၯ. တဿ္အသူစံး တဿ္န႔ဢ္ မ့ဿ္ဒဢ္တဿ္ တအိဢ္နီတမံၯဘဢ္လီၯ.႗႗
ႃႃတဿ္အလြဲဿ္သူ စံးတဿ္န႔ဢ္ မ့ဿ္တဿ္လဿ အတအိဢ္နီတမံၯဘဢ္လီၯမီၯ. မ့မ့ဿ္ဒ္န႔ဢ္ တဿ္အလြဲဿ္စံးတဿ္န႔ဢ္ မ့ဿ္မႏုၯလဲဢ္.႗႗

တဿ္သံကြဿ္အကီအခဲ ဒ္သိးအံၯတဖဢ္ ထံနဢ္ဖိ တအဲဢ္ဒိးဆိကမိဢ္ ဒီး အမိဢ္ သံကြဿ္လဿၯအသးဘဢ္. မၯတံာ္တာ္ အခိဢ္ႏူာ္ဒီး တဘ်ီဘ်ီ ကဲထီဢ္ဒဢ္လဲာ္ တဿ္ခိဢ္ဆါ နဿ္ယူၯလဿအဂီဿ္လီၯ. ဘဢ္ဆဢ္ တသံကြဿ္၀ဲ အိဢ္တကဲဘဢ္ဒီး သံကြဿ္ကဒီးလီၯ.
ႃႃယမဲာ္ခ်ံတခီလဲဢ္. ပါ၊ အလြဲဿ္မၯအသးဒ္လဲဢ္.႗႗
ႃႃယဖိမုဢ္အမဲာ္ခ်ံတဖဢ္ စ့ဿ္ကီး သူ၀ဲလီၯ. ဘဢ္ဆဢ္ အ၀ါစ့ဿ္ကီး ဃါဃုာ္ အသးဖဲန႔ဢ္လီၯ.႗႗
ႃႃယနိးဖံးတခီလဲဢ္.႗႗
ႃႃအဂီၯသဿဢ္႗႗
ႃႃယမဲာ္သဢ္တခီလဲဢ္..႗႗
ႃႃယဖိမုဢ္အမဲာ္သဢ္တခီ အလြဲဿ္ဂီၯစဿ္လီၯ.႗႗
ႃႃနီဢ္တဖဢ္တခီ နတဲလဿ လါဟ့ဧါ႗႗
ႃႃမ့ဿ္ဒ္န႔ဢ္သဿဢ္၊ ဖိမုဢ္.႗႗
ႃႃမူကပိာ္လိၯတခီလဲဢ္..႗႗
ႃႃလါစဿ္၀ဲလီၯ..႗႗

သးပွဿ္ထိမဢ္ ဖီဢ္ထီဢ္အဖိမုဢ္ ခိဢ္သူတဖဢ္ ဘံပလံးထီဢ္၀ဲ၀ံၯ၊ ဘိဢ္ဘံထီဢ္န႔ဿ္အီၯလီၯ. ထံနဢ္ဖိ ဂဲၯဆဿထဿဢ္ ဖူးလဲးလီၯက့ၯ အဘိးပၯဖိတဖဢ္ စူဢ္လီၯအသး၀ံၯ လဿတဿ္နံၯကမွံအပူၯတဲ အပဿ္ -
ႃႃ၀ံသးစူၯတဲပႜးယၯ ပူတယုဿ္မီဢ္.႗႗
အပဿ္တဲအီၯ -
ႃႃပူလဿယတိဿ္နီဢ္ဃာ္တဖဢ္ ယတဲပႜးယဖိမုဢ္လဿာ္လံမးလဲဢ္. တဲပႜးနၯအဂၯ တဘဢ္လဿၯဘဢ္.႗႗
ႃႃတဲကဒီးလဿ နတဲတ့ဿ္လံန႔ဢ္၊ သ့မးန႔ဢ္.႗႗
လဿတဿ္သးတပဢ္အပူၯ သးပွဿ္ထိမဢ္ စးထီဢ္ကဒီး၀ဲ -
ႃႃတဘ်ီန႔ဢ္ စီၯပၯဖးဒိဢ္အိဢ္၀ဲတဂၯ၊ အိဢ္စ့ဿ္ကီးဒီး အဖိမုဢ္လဿ အဃံလၯဒ္ ယဖိမုဢ္ဖိအံၯ အသိးလီၯ. တနံၯတခီဢ္ အ၀ဲကိးဖွိဢ္ ကယဲဿ္ပွၯလဿအနီပူၯတဖဢ္ ခဲလဿာ္လီၯ.႗႗
ဖိမုဢ္သံကြဿ္လဿ တဿ္ဘဿဢ္စဿၯ -
ႃႃစီၯပၯအဖိမုဢ္န႔ဢ္ အမံၯတခီ ကိး၀ဲဒ္လဲဢ္.႗႗
ႃႃအမံၯဒဢ္လဿ ထံနဢ္ ဒ္ယဖိမုဢ္အသိးလီၯ.႗႗
ႃႃစီၯပၯအဖိမုဢ္န႔ဢ္ ဃံလၯန႔ဿ္ နဖိမုဢ္စ့ဿ္ကီးဧါ.႗႗
ႃႃတဃံလၯန႔ဿ္ ယဖိမုဢ္ဖိဘဢ္. ဘဢ္ဆဢ္ တမ့ဿ္ပွၯမဲာ္တထံဢ္ တဂၯဘဢ္. အ၀ဲအမဲာ္ခ်ံတဖဢ္ ထံဢ္တဿ္ ဂ့ၯဂ့ၯလီၯ.႗႗
အ၀ဲဆဲးတဲ ကဒီး အတဿ္ဃဲၯပူဒီး စံး၀ဲ -
ႃႃစီၯပၯအံၯ ကိးဖွိဢ္ ပွၯလဿအနီပူၯ ခဲလဿာ္ဒီး စံး၀ဲ၊ ႃဒိးတကါဖးဒိဢ္တဒုလဿ အခိဢ္အိဢ္ႏြံဖ်ဿဢ္ ဟဲပဿဿ္ ထီဢ္လဿ ယဘီယမုဿ္ပူၯ ဒီးမၯသံ အီဢ္တ့ဿ္လံ ယထံဖိကီဿ္ဖိ တဘ်ဳးဂၯလံ. ပွၯလဿ အမၯသံ ဒိးတကါ အံၯတဂၯဂၯန႔ဢ္ ယကဟ့ဢ္အီၯလဿ တိဿ္တဿ္မ်ဿ္ တဖ်ဿဢ္လီၯ.႗ ႗႗
ႃႃတိဿ္တဿ္မ်ဿ္န႔ဢ္ မ့ဿ္မႏုၯလဲဢ္၊ ပါပဿ္႗႗
ႃႃတိဿ္တဿ္မ်ဿ္န႔ဢ္ မ့ဿ္တိဿ္လဿ အဘဢ္တဿ္ဘွီအီၯလဿ တဿ္မ်ဿ္ န႔ဢ္သဿဢ္.႗႗
ႃႃဒီးတဿ္မ်ဿ္တခီ မ့ဿ္မႏုၯလဲဢ္ ပါပဿ္.႗႗
ႃႃတဿ္မ်ဿ္န႔ဢ္ မ့ဿ္လဿဿ္လဿ အလုဿ္ဒိဢ္ပွ႔ၯဒိဢ္ တကလုာ္လီၯ. ပစံးဒဢ္ကလိာ္ ပဒီဖိပဿ္ခံဂၯ မ့ဿ္အိဢ္ဒီး လဿဿ္တဿ္မ်ဿ္ ထဲသိး နစုမုဿ္ဆဢ္ဖိ တကပိာ္ဒဢ္လဲာ္ ပကထူးတီၯမးဒိဢ္ဒိဢ္ကလဲာ္လီၯ.႗႗
ႃႃတဿ္မ်ဿ္န႔ဢ္ အလြဲဿ္မၯသးဒ္လဲဢ္.႗႗
ႃႃအဂီၯနဲဢ္.. ဂီၯဒ္သိးယဖိမုဢ္ အနိးဖံးဖိတဖဢ္ လီၯ.႗႗
ႃႃဒီး တိဿ္န႔ဢ္ အဒူဢ္လဿအလဲပူၯ တခီန႔ဢ္မီဢ္.႗႗
ႃႃအလါဟ့သဿဢ္..႗႗
ႃႃအလါဟ့ဒီး အလါစဿ္န႔ဢ္ တဒ္သိးဧဲဢ္.႗႗
ႃႃမ့ဿ္ဒ္သိးသိးလီၯ.႗႗

ႃႃအဒဿးကပိာ္လိၯ (မ်က္ႏွာက်က္) တဖဢ္ မၯသးဒ္ လဿဿ္ဟ့ ဒ္သ့ဢ္လဢ္ အူတဖဢ္အသိး န႔ဢ္လီၯ. ပွၯလဿ အမၯသံဒိးတကါတဒုန႔ဢ္ စီၯပၯ ကဟ့ဢ္အီၯလဿ တိဿ္တဿ္မ်ဿ္ တကးဘဢ္ သါကဖ်ီ၀ဲဒီး အဖိမုဢ္ န႔ဢ္ဒဢ္လဲာ္လီၯ.႗႗
ႃႃပဖ်ီပသးန႔ဢ္ မၯသးဒ္လဲဢ္ခီလဲဢ္.႗႗
ႃႃပါပဿ္တဲနၯ တဘ်ဳးဘ်ီလံမးလဲဢ္.႗႗
ႃႃ၀ံသးစူၯ တဲကဒီး သဿဢ္ ပါပဿ္.႗႗
ႃႃတဿ္ဖ်ီသးန႔ဢ္ မ့ဿ္ပိာ္ခြါ သးစဿ္တဂၯ အိဢ္ဃုာ္ တပူၯဃီဒီး ပိာ္မုဢ္သးစဿ္တဂၯလဿ ဟံဢ္တဖ်ဿဢ္ဃီ အပူၯ န႔ဢ္သဿဢ္.႗႗
ထံနဢ္ဖိ အတဿ္ဆိကမိဢ္ ကတဿဿ္ဖုးန႔ဿ္အီၯ ဒီးသံကြဿ္ထီဢ္၀ဲ -
ႃႃဘဢ္မႏုၯ အ၀ဲသ့ဢ္ ဘဢ္အဲဢ္ဒိးအိဢ္တပူၯဃီလဲဢ္.႗႗
ႃႃဘဢ္မႏုၯလဲဢ္န႔ဢ္ ပိာ္ခြါတဂၯန႔ဢ္ ကဲထီဢ္၀ၯ ဒီး ပိာ္မုဢ္ဖိတခီ ကဲထီဢ္မါ န႔ဢ္မီဢ္.႗႗
ႃႃဒီး မါဒီး၀ၯန႔ဢ္ ဘဢ္မႏုၯ အဲဢ္ဒိးအိဢ္တပူၯဃီလဲဢ္.႗႗
ႃႃအ၀ဲသ့ဢ္ အဲဢ္ဒိးအိဢ္တပူၯဃီ မ့ဿ္လဿ အအဲဢ္လိာ္ သးအဃိ န႔ဢ္မီဢ္.႗႗
ႃႃဘဢ္မႏုၯ အ၀ဲသ့ဢ္ အဲဢ္လိာ္သးန႔ဢ္လဲဢ္. ပအဲဢ္လိာ္ပသးန႔ဢ္ မ့ဿ္ဒ္လဲဢ္ခီလဲဢ္.႗႗

ထံနဢ္ဖိ အိဢ္ဂဿဿ္ တစိဿ္ဖိ၀ံၯ သံကြဿ္ထီဢ္ကဒီး အပဿ္လဿ ကလုဿ္လီၯမိဢ္လီၯမဲၯအပူၯ -
ႃႃပါပဿ္ဧဿ၊ တဿ္အဲဢ္တဿ္ကြံ စံးတဿ္န႔ဢ္ မ့ဿ္မႏုၯလဲဢ္.႗႗
သးပွဿ္ထိမဢ္ တဿ္ကီဘဢ္အသးလဿ ကစံးဆဿ တဿ္သံကြဿ္တထံဢ္အံၯ အဂီဿ္အဃိ သါကပဒ့ဢ္ ကြံာ္ အသး သနာ္က့ တသ့ဘဢ္ ကဘဢ္စံးဆဿ၀ဲ သပွဿ္တဿဿ္လီၯ.
ႃႃတဿ္အဲဢ္စံးတဿ္န႔ဢ္ မ့ဿ္ဒဢ္ ပွၯသးစဿ္ အမုဢ္အခြါ ခံဂၯလဿ တထံဢ္လိာ္ဒံးအသး နီတဘ်ီ တုၯအထံဢ္ လိာ္အသးဒီး ကြဿ္လိာ္အသး ဂ့ၯဒီး သူဢ္အိဢ္သးအိဢ္လိာ္အသး လီၯ. အိဢ္ဒဢ္တဿ္န႔ဢ္လီၯ.႗႗

ထံနဢ္ဖိ ဖီဢ္တံဿ္ဃာ္အပဿ္အစု ဃံးဃံး ဒီးသံကြဿ္ထီဢ္ကဒီး၀ဲ -
ႃႃအ၀ဲသ့ဢ္ မ့ဿ္အအဲဢ္လိာ္ကြံလိာ္ အသးဒ္လဲဢ္ န႔ဢ္ တဲယၯတဘီမီဢ္၊ ပါပဿ္.႗႗
ႃႃနဖီဢ္ဃံးကီးယၯ ထဲန႔ဢ္ညါ အလီဿ္တအိဢ္ဘဢ္. ပါကတဲနၯဒဢ္တဿ္လီၯ.႗႗
ႃႃတဲမီဢ္၊ ပါ၊ နဖိမုဢ္ ကဒိကနဢ္လီၯတံဿ္လီၯဆဲး…႗႗
ႃႃပစံးဒဢ္ကလိာ္ ပိာ္ခြါဖိတဂၯ ဒီး ပိာ္မုဢ္ဖိတဂၯ တုၯအဲဢ္လိာ္သးန႔ဢ္ အ၀ဲသ့ဢ္ ဂုာ္ဆ့ဢ္နီၯဘူး လိာ္သး ကတံာ္လိာ္သးလီၯ. မၯသးဒ္ ပါပဿ္ ဒီးဖိမုဢ္ ဆ့ဢ္နီၯသကိး ခဲအံၯသိးလီၯ.႗႗
အပဿ္အတဿ္ကတိၯ တခ်ဳးကတဿဿ္ဒီး ထံနဢ္ဖိ သုးဘူးတံဿ္အသးဆူ အပဿ္အအိဢ္ ဒီးသံကြဿ္ထီဢ္၀ဲ၊
ႃႃဒ္အံၯခါန႔ဢ္ဧါ.. ပါပဿ္ဧဿ.႗႗
ႃႃအဿဢ္ ဒ္အံၯလီၯ.. ဖိမုဢ္..႗႗

သးပွဿ္ထိမဢ္ ဆိမိဢ္၀ဲ ယဖိမုဢ္အံၯ အိဢ္လံ ၁၈ နံဢ္လံအဃိ ကမ့ဿ္ဒဢ္ န႔ဆဿဢ္ ဒုးနဿ္ပဿဿ္အီၯတဿ္အံၯ လီၯ.
ႃႃပါပဿ္.. ယကသံကြဿ္နၯ တဘီ တဘဢ္သးဒိဢ္ယၯ တဂ့ၯဧီဢ္.. ဖိသဢ္မုဢ္ အသးထဲသိးယၯခါအံၯ အိဢ္ထီဢ္ဒီး ဟံဢ္ဒီးဃီ သ့ကစီဒီ မ့ဿ္ဧါ..႗႗
ႃႃမ့ဿ္မးဧဿ..႗႗
ႃႃမ့မ့ဿ္ဒ္န႔ဢ္ ယဲခီ ဆံးယံာ္မး ယကအိဢ္ဘဢ္ဒီး ဟံဢ္ဒီးဃီလဲဢ္..႗႗
ႃႃအိဢ္၀ဲသဿဢ္.. တယံာ္လဿၯဘဢ္ ပါပဿ္ ကဃုန႔ဿ္နၯ ဖိဢ္သဢ္ခြါ တဂၯလီၯ. နတအဲဢ္ဒိးဧဲဢ္..႗႗
ႃႃအဲဢ္ဒိး၀ဲသဿဢ္.. ဖိမုဢ္ကသးခုမးလီၯ.႗႗

ထံနဢ္ဖိ မၯသးဒ္ အသးအိဢ္လဿ တဿ္ဖးဖီအသိး ကတိၯထီဢ္၀ဲ (ဆူမတၯအအိဢ္ဒြး၀ဲ တဘဢ္ဘဢ္.)
ႃႃဘဢ္ခႜဢ္ မီဢ္၊ ဘဢ္ခႜဢ္၊ ဘဢ္ခႜဢ္ တဂၯအိဢ္ဖဲလဲဢ္.႗႗
ႃႃအီ… ဘဢ္ခႜဢ္.. ပွၯလဿ အဟဲဒိးငါ အသးဒီး ပွၯန႔ဿ္ဧါ. ဘဢ္နသးကစီဒီဧါ.႗႗
ႃႃဘဢ္သးသဿဢ္ ပါပဿ္ဧဿ.. ဘဢ္ဆဢ္ ပိာ္မုဢ္ဖိလဿ အမဲာ္တထံဢ္တဿ္တဂၯ မ့ဿ္မတၯ ကအဲဢ္ဒိး ဖ်ီအသး ဒီးအီၯလဲဢ္.႗႗

တုၯဖိမုဢ္တဂၯအံၯ သံကြဿ္ထီဢ္တဿ္ လိၯလိၯ ဖ်ါဖ်ါ ဒ္အံၯတဘီ သးပွဿ္ထိမဢ္ အသးဘဢ္ဒိမး ဖးဒိဢ္ ဒီး ဒုးသ့ဢ္နီဢ္ထီဢ္က့ၯမးအီၯ တဿ္မၯအသးဒီးအီၯ လဿအပူၯကြံာ္တဖဢ္န႔ဢ္လီၯ. သးပွဿ္ထိမဢ္ ဆိကမိဢ္ ထီဢ္၀ဲ၊
ႃႃဖိသဢ္မုဢ္လဿ အတူဿ္ဘဢ္ ဖွီဢ္ဖွီဢ္ယာ္ယာ္၊ ကူသိး လီဿ္လံၯဖီဃး တဂၯ မတၯကအဲဢ္ဒိးဖ်ီ သးဒီး အီၯလဲဢ္. ဖိသဢ္မုဢ္လဿ အမဲာ္ခ်ံ တထံဢ္တဿ္ နီတခီ တဂၯအံၯ မၯမႏုၯ ကသ့လဲဢ္. အဘ်ဳးအိဢ္လဿ မႏုၯအဂီဿ္ တမံၯမံၯလဲဢ္. ယဖိမုဢ္ ထံနဢ္ဖိ အံၯ အိဢ္ဒဢ္တဂၯဧိၯဒ္အံၯ ကဂ့ၯဒါခီဧါ. အ၀ဲတနဿ္ပဿဿ္ တဿ္အဲဢ္တဿ္ကြံ အတဿ္၀ံဢ္တဿ္ဘဲနီတမံၯ ဒီးကဘဢ္အိဢ္ပွဿ္သံဒဢ္ ဒ္အံၯဧါ. တဿ္ဟဲ၀ံအံၯ မၯပွၯ တတီ မးလဲဢ္. ပွၯတနီၯနီၯဟ့ဢ္၀ဲ အမဲာ္ခ်ံ တဿ္ကပီၯလဿလဿပွဲၯပွဲၯ တဿ္ခဲလဿာ္ဘဢ္လီဿ္ဘဢ္စး၊ မ့မ့ဿ္ တနီၯနီၯ အမဲာ္ခ်ံတထံဢ္တဿ္ နီတခီမးလဲဢ္.႗႗

အ၀ဲဒဢ္ ဒီးအဖိမုဢ္ခံဂၯအံၯ တမၯဆူးမၯဆါ တမၯကမဢ္ ပွၯနီတမံၯ ဒီးဘဢ္မႏုၯ ဘဢ္တူဿ္တဿ္ဒ္အံၯ လဲဢ္. တဿ္လီၯဂာ္ထဲ ပွၯအိဢ္ဘူးအိဢ္တံဿ္တဖဢ္ ဒဢ္လဲာ္ ဟးဆွဲး အ၀ဲသ့ဢ္လီၯ. အ၀ဲသ့ဢ္တခီ တမၯကမဢ္ ပွၯနီတဂၯ နီတမံၯမးလဲဢ္. ဘဢ္ဆဢ္ ပွၯကဘဢ္အိဢ္ဒီး တဿ္သးဖွီဢ္ ဒ္အ၀ဲသ့ဢ္ ဒီဖိပဿ္ ခံဂၯအံၯ၊ တထံဢ္၀ဲနီတဂၯဘဢ္.
ႃႃယထံနဢ္ဖိ တမ့ဿ္လဿ အကအိဢ္ဒီး ဟံဢ္ဒီးဃီ နီတဘ်ီလဿၯဘဢ္. ပူၯထီဢ္ကြံာ္ အပဿ္ယၯအံၯ၊ ပွၯလဿ အကအဲဢ္အီၯ တအိဢ္နီတဂၯဒီး ကဘဢ္အိဢ္ဒဢ္ တဂၯဃီ ဒ္အံၯ တစိၯဒဢ္အီၯလီၯ.႗႗

အ၀ဲဆိကမိဢ္ တဿ္အါဒ္အံၯ ဒီးအသးဆီဢ္ကတံာ္ ထီဢ္မးလီၯ. သတူဿ္ကလာ္ ထံနဢ္ဖိ သံကြဿ္ထီဢ္ -
ႃႃပါပဿ္ဧဿ.. နက်ဲၯန႔ဿ္လဿ ယကအိဢ္ဘဢ္ဒီး ဟံဢ္ဒီးဃီလီၯ တမ့ဿ္ဧဲဢ္.႗႗
သံကြဿ္မး၀ဲ ကဖီလီလီၯ. အပဿ္တခီ လဿတဿ္သးဘဢ္ဒိအဃိ လဿတဿ္ကီၯက့ၯအမဲာ္ထံဒိဢ္ဒိဢ္ ကလဲာ္ အပူၯ တဲဆဿ၀ဲ -
ႃႃအဿဢ္သဿဢ္၊ ဖိမုဢ္. တယံာ္လဿၯကီးဘဢ္လဲဢ္.႗႗

လဿတဿ္သးခုအပူၯ ထံနဢ္ဖိ ဂဲၯဆဿထဿဢ္ဆူဢ္ထီဢ္အသးလီၯ. အ၀ဲကိးထီ္အထြံဢ္ဖိ ႃႃကရိလဢ္႗႗ ဒီးအသဢ္မံယီၯဖိ ႃႃနဢ္ႏူ႗႗ အမံၯဒီး တဲ၀ဲ -
ႃႃယကန႔ဿ္ဘဢ္ ဖိဢ္သဢ္ခြါတဂၯ၊ ယ၀ၯကအိဢ္ ယကဖ်ီဘဢ္ယသးလီၯ. သုသ့ဢ္ညါဧါ. တုၯပဖ်ီ ပသးန႔ဢ္ ကမုာ္ကပႜီဢ္ ကမၯအသး ဆႈဢ္ဆႈဢ္ဘွဲဢ္ဘွဲဢ္လီၯ. ကအိဢ္ဒီး တဿ္ပွီဿ္ဒဿ ပွီဿ္မိၯ၊ တဿ္အူ တဿ္ဒ့တဖဢ္လီၯ.႗႗

အ၀ဲဃ့ဃီၯ အဒဿဖိလဿအပဿ္ ဒီး အပဿ္ဟ့ဢ္ဃီၯအီၯ တဘ်ီဃီ ဖီဢ္ပွီဿ္မး၀ဲ လဿတဿ္သးခုသးဖွံ အပူၯဒီး ဂဲၯကလံဢ္၀းတရံးအသး တခီခီ၊ အမဲာ္တခီ ပွဲၯဒီး တဿ္နံၯကမွံလီၯ. အသဢ္မံယီၯဖိ နဢ္ႏူ တဒု မၯသးဒ္ အပ်ံၯတဿ္ အသိးန႔ဢ္လီၯ.

မ့မ့ဿ္ထြံဢ္ဖိကရိလဢ္တဒုန႔ဢ္ ဃ့ဿ္၀့ၯ၀ီၯဒဢ္၀ဲ အကစဿ္မုဢ္ဖိလဿ အသးဖွံတဂၯ အခီဢ္ထံးဒီး အ၀ဲလဿ တဿ္သးဖွံအပူၯ ကြဿ္ထီဢ္အကစဿ္မုဢ္ ဒီးမီၯထီဢ္တဿ္လဿ အကလုဿ္ဃဲကအဲး ဖိ သီဢ္တဒိဢ္တဆံး က့က့….က့က့… န႔ဢ္လီၯ. ထံနဢ္ဖိလဿ တဿ္သးခုအပူၯ စံးဘဢ္အပဿ္ -
ႃႃပါပဿ္.. နဲတခီ ဒဲနစုမီဢ္. ႗႗
လဿတဿ္သးခုစဿၯအဖိမုဢ္အပူၯ အ၀ဲဒဲထီဢ္အစု၊ ဒ္ဒဲအစု အတဿ္သီဢ္အသိး သး၀ံဢ္ဃုာ္၀ဲ တဿ္သး ၀ံဢ္တခီခီ န႔ဢ္လီၯ.

တစိဿ္ဖိဒီး သးပွဿ္ ထိမဢ္ဟ့ဢ္လီၯက့ၯ အဖိမုဢ္လဿ သိဆူဢ္ အခူဢ္၀ံၯ ဟးထီဢ္ ပိာ္က်ဲဆူ အတဿ္မၯအလီဿ္ ဒီးလီၯထြံကြံာ္လဿ အတဿ္ဆိကမိဢ္ယိာ္အပူၯလီၯ. ဆိကမိဢ္ထီဢ္၀ဲ -
ႃႃယထံနဢ္ဖိအံၯ၊ ကဘဢ္အိဢ္ဒဢ္ တဂၯဧိ္ၯလီၯမးလဲဢ္. မ့ဿ္မတၯကအဲဢ္ မတၯကဟံးန႔ဿ္ ပိာ္မုဢ္ဖိလဿ အမဲာ္တထံဢ္တဿ္တဂၯန႔ဢ္လဲဢ္. အ၀ဲကဘဢ္ ကြဿ္ဆဿဢ္မဲာ္ဒဢ္ အတဿ္ဟဲ၀ံ အံၯ၊ ဒီးကဘဢ္တူဿ္ဒဢ္ တဿ္သးဘဢ္ဒိအံၯတဂၯဃီ တစိၯဒဢ္အီၯလီၯ. ဖိသဢ္မုဢ္ လဿကန႔ဿ္ အ၀ၯ တဂၯန႔ဢ္ ကဘဢ္မၯလိသ့ပာ္စဿၯအသးလဿ ကမၯတဿ္လဿ အ၀ၯအဂီဿ္လီၯ. ဘဢ္ဆဢ္ ခဲအံၯ ပွၯအဲဢ္အီၯမ့တအိဢ္ဒီး ကဘဢ္အိဢ္ပွဿ္သံ ဒဢ္တဂၯဖိ ဒ္န႔ဢ္လီၯမးလဲဢ္. ဟီဢ္ခိဢ္ခ်ဿအံၯ တဿ္ဟဲ၀ံလဿ ပွၯအဂီဿ္ တထဲသိး ပွဲၯသိးမးလဲဢ္. ဘဢ္မႏုၯ ဘဢ္အါစွၯဒ္အံၯလဲဢ္. ပွၯပိာ္ခြါ လဿ ကအဲဢ္ယထံနဢ္ဖိ မ့ဿ္အိဢ္ဒဢ္ကယဿာ္၊ ကဟဲထံဢ္လိာ္အီၯအခါဖဲလဲဢ္. ဘဢ္တဘဢ္ ကယံာ္လဿ အႏြံ မ့တမ့ဿ္ အလါမး ကဟဲတုၯတဘ်ီ တခီဢ္လီၯ. ပအိဢ္တဿ္ခီ စီၯစုၯဒီး ဒူသ၀ီ တစဲးညါ ပွၯလဿ အဟဲထံဢ္ပွၯတဖဢ္ ဘဢ္တဘဢ္ ကကတိၯအံဢ္ကတိၯဆံးပွၯ၊ ကကြဿ္တလီၯပွၯ န႔ဢ္လီၯ. ဘဢ္ဆဢ္ အတြးတအိဢ္ဘဢ္. ယနီဿ္တဂၯယတဿ္အိဢ္မူအံၯ တမ့ဿ္လဿတဿ္ဂၯအဂီဿ္၊ ပွၯဂၯအဂီဿ္ နီတမံၯနီတမႜိ နီတဂၯဘဢ္. ကမ့ဿ္ဒဢ္ ယဖိမုဢ္ ထံနဢ္ဖိ ကသးဖွံ အဂီဿ္ဧိၯလီၯ.႗႗

ခိးကြဿ္လဿ္ အကူာ္ ၂

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Posted in: ပူသနဿဢ္