October 12, 2011

န႔ဆဿဢ္တဿ္တတဿာ္တနါ မၯအသးအက်ါ မ့ဢ္အူအီဢ္တဿ္ မ့ဿ္အအါကတဿဿ္




ခီဖ်ိမူခိဢ္ကလံၯသီဢ္ဂီၯ သန႔ အတဿ္ပာ္ဖ်ါအသိး‚ လဿကီဿ္ပယီၯအပူၯ စးထီဢ္လဿ (၁၉၁၀) နံဢ္တုၯ (၂၀၀၀) နံဢ္‚ အနံဢ္ (၉၀) အတီဿ္ပူၯ ကလံၯမုဿ္လီၯ (၂၄) ဘ်ီ‚ ဟီဢ္ခိဢ္ဟူး (၆) ဘ်ီ ဒီးထံဒိဢ္၀ဲ (၁၂) ဘ်ီန႔ဢ္လီၯ.

န႔ဆဿဢ္အတဿ္ဟးဂူာ္ဟးဂီၯ အက်ါတမံၯ လဿအမ့ဿ္ တဿ္ကိဿ္ဆူဢ္အံၯအဃိ‚ လဿကီဿ္ပယီၯအံၯအပူၯ န႔ဢ္ တဿ္လီဿ္လဿ တဿ္ကိဿ္ဆူဢ္အါတလဿ အခဿးတုၯဒဢ္လဲာ္သ့ဢ္ပွဿ္တဖဢ္ မ့ဢ္အူအီဢ္သ့အိဢ္၀ဲ (၁၂၆) တီၯန႔ဢ္လီၯ.

ဒ္န႔ဢ္အသိး ပွၯကူဢ္ဘဢ္ကူဢ္သ့တဖဢ္ လဿအပဿၯဃာ္ န႔ဆဿဢ္ ခိဢ္ဃဿၯဒီး နီဢ္ဂံဿ္အစရီသ့ဢ္တဖဢ္ အတဿ္ပာ္ဖ်ါအသိး‚ ကီဿ္လဿအဘဢ္ကြဿ္ဆဿဢ္မဲာ္ န႔ဆဿဢ္တဿ္တတဿာ္တနါ အက်ါတဘ့ဢ္လဿအမ့ဿ္၀ဲ ကီဿ္ပယီၯအံၯအပူၯ န႔ဢ္တဿ္ပာ္ဖ်ါဒ္မ်းကယၯအသိး‚ မ့ဢ္အူအီဢ္တဿ္အိဢ္၀ဲ ၇၀%‚ ကလံၯမုဿ္လီၯ ၁၀%‚ ထံဒိဢ္ ၁၁%‚ ဒ္န႔ဢ္အသိး တဿ္အဂုာ္အဂၯ လဿအမ့ဿ္ဆူဢ္နါမံဢ္ (ဆူနာမီ)‚ ဟီဢ္ခိဢ္ဟူး‚ ဟီဢ္ခိဢ္လီၯပွီဿ္ န႔ဢ္အိဢ္၀ဲ ၉% န႔ဢ္လီၯ.


မူခိဢ္ကလံၯသီဢ္ဂီၯ ဆီတလဲသးအဃိ ခဲစဿဢ္တဿ္ဆါ ကဲထီဢ္သ့

ခီဖ်ိ ကလံၯသီဢ္၈ီၯဆီတလဲအဃိ‚ ပွၯသ့စဲအ့ဢ္ဖိတဖဢ္ ခံကြဿ္စီၯကြဿ္၀ဲဒဢ္ လဿခဲစဿဢ္တဿ္ဆါဒီး တဿ္ဆူးတဿ္ဆါ အဂုၯအဂၯတဖဢ္ ကဲထီဢ္၀ဲဒဢ္သ့ န႔ဢ္လီၯ. တဿ္ဂ့ဿ္လဿအဒုးကဲထီဢ္ တဿ္ဆါသ့ဢ္ တဖဢ္ အံၯ မ့ဿ္ဒဢ္ (organic) လဿကသံဢ္ကသီဒီး ကလံၯအသံးအကာ္ တဿ္ပာ္အီၯန႔ဿ္ယံာ္ယံာ္ထဿထဿ သ့ဢ္တဖဢ္ ႏုာ္လီၯဆူ တဿ္အီဢ္တဿ္အီ ခီလဲလိာ္သးအပူၯ ဒီးႏုာ္လီၯ အိဢ္သူဢ္လီၯအသး လဿပနီဿ္ခိအပူၯ ဒီးကဲထီဢ္ သးဖ်ဿဢ္ခဲစဿဢ္တဿ္ဆါဒီး မၯဘဢ္ဒိပွၯကညီ အတဿ္အိဢ္ဖိအိဢ္လံၯ အခ်ံအသဢ္ သ့၀ဲဒဢ္စ့ဿ္ကီးန႔ဢ္လီၯ.

ဒ္န႔ဢ္အသိး‚ မူခိဢ္ကလံၯသီဢ္ဂီၯဆီတလဲ အသးဒီး တဿ္အစုဢ္တမံၯလဿ ပွၯကူပွၯကညီမၯ၀ဲ လဿအမ့ဿ္ တဿ္လဿအမၯဟးဂီၯ အီဢ္ကဲနစ္ (organic) သ့ဢ္တဖဢ္ အဘဿဢ္စဿၯ အတဿ္ဘဢ္ထြဲလိာ္သး အဖီခိဢ္ ထံကီဿ္အါဘ့ဢ္ အပွၯကူဢ္ဘဢ္ကူဢ္သ့ သ့ဢ္တဖဢ္ ဃုသ့ဢ္ညါတ့ဿ္၀ဲ န႔ဢ္လီၯ. မူခိဢ္ကလံၯသီဢ္ဂီၯကတီဿ္ ဆီတလဲအသး ဒ္အမ့ဿ္ တဿ္ကိဿ္ဆူဢ္ထီဢ္ဒီး မူခိဢ္သီဢ္ဂီၯဟးဂီၯ၀ဲ သ့ဢ္တဖဢ္ ဒုးအါထီဢ္ ပွၯဟီဢ္ခိဢ္ဖိ အါဒံအါဂၯ လဿကမၯ ဘဢ္ထြဲအသး အါထီဢ္ဒီး တဿ္လဿ အမၯဟးဂူာ္ဟးဂီၯ မၯဘဢ္အဿ ကလံၯဒီး ထံသ့ဢ္တဖဢ္န႔ဢ္လီၯ.

(ဟံးန႔ဿ္အီၯလဿ က်ဲးစဿးမဲးကစံ - ယႏူၯအါရံး တုၯ မးရွ္ ၂၀၁၁ အပူၯ န႔ဢ္လီၯ.)

0 comments:

Post a Comment