မုဿ္ယဲၯဖဲဒီးစီၯလဿ္အမိဿ္ဒဿထီဢ္အီၯအဂ့ဿ္ (နီဿ္မုဿ္ယဲၯဖဲအပူ - ၂)

ဖဲ ခ.န ၁၈၆၀ ဒီး ၁၈၇၀ နံဢ္အဘဿဢ္စဿၯ ကညီဖိအဒူဢ္အထဿ လဿအိဢ္သူဢ္လီၯတ့ဿ္လံအသးဖဲ ကစဿဿ္ဖ်းခိဢ္ကပိာ္ကပၯတဖဢ္ ဖံးအီဢ္မၯအီဢ္ဖဲးခုးဖဲးသံဢ္ ထူစံာ္လိာ္ပွဲၯ ဖဲအ၀ဲသ့ဢ္အိဢ္ဆိးတဿ္လီဿ္ တဘူးတယံၯဘဢ္န႔ဢ္လီၯ. ဖဲန႔ဢ္အဆဿကတီဿ္ ပွၯဟံဢ္ဖိကိးဂၯ မ့ဿ္ဒဢ္ပွၯသူခိဢ္ဖိ ပွၯအီဢ္ဃဲၯဖိ တဖဢ္အဃိ ဒ္အ၀ဲသ့ဢ္အလုဿ္အလဿ္အိဢ္၀ဲအသိး ဖဲဖံးတဿ္မၯတဿ္အခါ မၯဒိးမၯကဢ္လိာ္အသး မၯစဿၯလိာ္အသးဃူဃူဖိးဖိးအဃိ တဿ္ဖံးတဿ္မၯတခါလဿကမၯ၀ဲဒဢ္န႔ဢ္ စံးဘဢ္တဲဘဢ္လိာ္အသး ဒီးမၯသကိး၀ဲတနံၯဃီအဃိ အ၀ဲသ့ဢ္တဖဢ္မၯတဿ္၀ံၯခ့်မးန႔ဢ္လီၯ. တုၯတနံၯအဂီဿ္တဿ္မၯ၀ံၯအလီဿ္ခံ ဟဲက့ၯသကိး၀ဲဆူတဂၯလဿအဟံဢ္ ပီွဿ္ပွီဿ္လဿတဿ္သူဢ္ဖွံသးညီအပူၯန႔ဢ္လီၯ. တုၯမုဿ္ခံးလီၯအဆဿ ကတီဿ္ တဿ္မၯကစဿ္တဖဢ္ ကတဲာ္ကတီၯလီၯအသံးမံသံးမိ လဿအကတီၯပာ္၀ဲ လဿတဿ္ဖံးတဿ္မၯ အဂီဿ္၀ံၯ ကိးဖွိဢ္တံၯသကိးလဿ အဟံဢ္ဒီးအီဢ္သကိးအီသကိး၀ဲ လဿတဿ္သူဢ္ခုသးခုအပူၯန႔ဢ္လီၯ. တုၯအမဲာ္ဟံးထီဢ္တစဲးဖိလံန႔ဢ္ ပိာ္နံၯတဲနံၯသကိးတဿ္ ကီဢ္ကးသကိးတဿ္ဖံးတဿ္မၯအဂ့ဿ္ ဒီးဟံဢ္ကစဿ္ ဒုးအီအသံးတဂၯတခြး တဂၯတခြး န႔ဢ္လီၯ. သံးလဿအ၀ဲသ့ဢ္ဒိးန႔ဿ္၀ဲန႔ဢ္ တအီ၀ဲတဂၯဃီဘဢ္. မ့မ့ဿ္ဒုး အီလိာ္ဒံးအသး တဂၯတမံဿ္တဂၯတမံဿ္ဒီး ဖီ၀ါသကိး၀ဲ ထါဆႈဢ္ဆႈဢ္ဘွဲဢ္ဘွဲဢ္ တုၯမုဿ္နၯယိာ္ထီဢ္တစဲး ဖိလံန႔ဢ္ ဆဿဂ့ၯဆဿ၀ါလိာ္အသးကဒဲကဒဲ ဒီးက့ၯသကိး၀ဲဆူ တဂၯလဿအဟံဢ္တဂၯလဿအဟံဢ္န႔ဢ္လီၯ.

လဿအက်ါ ဖဲဖ်းခိဢ္သ၀ီပူၯန႔ဢ္ ဒူဢ္ဖိထဿဖိအိဢ္၀ဲတဒူဢ္ အပဿ္တဂၯအမံၯမ့ဿ္၀ဲစီၯသီမၯ ဒီးမိဿ္တဂၯအမံၯ မ့ဿ္နီဿ္ႏြဲၯ ဒီးအ၀ဲသ့ဢ္အိဢ္ဆိးစ့ဿ္ကီးဖဲန႔ဢ္ ဒီးမ့ဿ္စ့ဿ္ကီးသ၀ီဖိ ဖဲန႔ဢ္စ့ဿ္ကီးန႔ဢ္လီၯ. မိဿ္နီဿ္ႏြဲၯအံၯမ့ဿ္၀ဲဒဢ္ ပွၯဖ်းခိဢ္ဖိနီဿ္နီဿ္တဂၯန႔ဢ္လီၯ. မ့မ့ဿ္ပဿ္စီၯသီမၯတဂၯအံၯ တမ့ဿ္ပွၯဖ်းခိဢ္ဖိဘဢ္ မ့ဿ္၀ဲဒဢ္ပွၯလူၯသီခိဢ္ဖိ ဒီးအမိဿ္အပဿ္ခဲလဿာ္ အိဢ္ဆိးဒဢ္ဖဲလူၯသီခိဢ္ န႔ဢ္လီၯ. စီၯသီမၯအံၯ ထီဢ္ပွဿ္ဒီးနီဿ္ႏြဲၯ တခ်ဳးအဖိအိဢ္ဒံး နီတဂၯဘဢ္န႔ဢ္ ဟဲက့ၯကိးအိဢ္အမါဖဲလူၯသီခိဢ္န႔ဢ္လီၯ. အ၀ဲသ့ဢ္အိဢ္၀ဲဖဲလူၯသီခိဢ္ တုၯအထီဢ္ဖိတဂၯ ခံဂၯဒီး စီၯသီမၯအံၯမံမီဿ္၀ဲဒဢ္လဿ ပွၯသးပွဿ္ တဂၯတဲဘဢ္အီၯ စီၯသီမၯဧဿ၊ နမ့ဿ္က့ၯအိဢ္လဿနမါ အတဿ္အိဢ္တဿ္ဆိးအလီဿ္ ဖဲဖ်းခိဢ္န႔ဢ္ နကထံဢ္န႔ဿ္တဿ္လဿအဂ့ၯတမံၯလီၯ. တဿ္န႔ဢ္၀ံၯအလီဿ္ခံ တယံာ္ဘဢ္စီၯသီမၯ အံၯတဲဘဢ္အဖိအမါ ဒီးက့ၯအိဢ္က့ၯဆိးက့ၯ၀ဲဖ်းခိဢ္ ဒ္ဖုသးပွဿ္တဂၯတဲဘဢ္အီၯ လဿတဿ္မံမီဿ္အပူၯအသိးန႔ဢ္လီၯ. မိဿ္အံၯအိဢ္ဒီးအဖိယဲဿ္ဂၯ ၀ံၯအသးပွဿ္ထီဢ္တစဲးဖိ ဒီးဆိကမိဢ္လီၯအ သးလဿအဟုးတုာ္ကြံာ္၀ဲလံန႔ဢ္လီၯ.
ဖိ၀ဲဿ္ကိတဂၯအမံၯမ့ဿ္၀ဲ - တမုဿ္ထီဢ္
ခံဂၯတဂၯ - တကႜီကိ
သဿဂၯတဂၯ - နီဿ္သူကိၯ
လြံဿ္ဂၯတဂၯ - နီဿ္စီၯပီဿ္
ဒီး ယဲဿ္ဂၯတဂၯ - နီဿ္ဃံးဒဲး န႔ဢ္လီၯ.

နီဿ္ႏြဲၯအံၯအဖိမုဢ္ကနီၯ ဖိဢ္သဢ္ခြါ တကးဘဢ္ ထီဢ္ပွဿ္လီၯဖးလဿာ္လံအဃိ၊ အဖိလဿအဆံးလဿကဘဢ္ ကြဿ္၀ဲအဂီဿ္တအိဢ္လဿၯဘဢ္သတးဒီး သးခု၀ဲဒဢ္ဒိဢ္မးန႔ဢ္လီၯ. နီဿ္ႏြဲၯအ၀ၯစီၯသီမၯစ့ဿ္ကီး အသးပွဿ္ထီဢ္လံ ဒီးဆိကမိဢ္၀ဲလဿအမါအံၯအဟုးတုာ္လံ. အဖိတအိဢ္လဿၯဘဢ္န႔ဢ္ ဆိမိဢ္၀ဲဒဢ္န႔ဢ္လီၯ. ဒူဢ္ဖိထဿဖိဖဲန႔ဢ္တဖဢ္ ခီဖ်ိအ၀ဲသ့ဢ္အိဢ္ဆိး၀ဲလဿ ဖ်းခိဢ္ကစဿဿ္အကပိာ္ကပၯအဃိ၊ ကူဢ္အီဢ္ဖဲးအီဢ္ ၀ဲဒဢ္ဖဲကစဿဿ္ဖ်းခိဢ္အကပိာ္ကပၯန႔ဢ္လီၯ. စီၯသီမၯဒီးနီဿ္ႏြဲၯအဟံဢ္ဖိဃီဖိစ့ဿ္ကီး ခီဖ်ိအိဢ္ဆိး၀ဲဖဲန႔ဢ္ အဃိ၊ ဖဲအီဢ္စ့ဿ္ကီးခုးဖဲကစဿဿ္ဖ်းခိဢ္ အကပိာ္ကပၯဒ္သိး ဒ္ပွၯအဂုၯအဂၯဖဲန႔ဢ္တပူၯဃီန႔ဢ္လီၯ. တနံၯတခီဢ္၊ ဆဿကတီဿ္ဖဲန႔ဢ္ဘဢ္ဖဲပွၯမၯဘုမၯဟု၀ံၯ ဒီးတဿ္ဖံးတဿ္မၯလဿခုးလဿသံဢ္ လီၯစွၯလံဒီး တဿ္ဖံးတဿ္မၯအိဢ္ဒဢ္တစဲးတမွဲးဖိ လဿဟံဢ္လဿဃီအဃိ၊ ပွၯကိးဂၯဒဲးက့ၯအိဢ္ဒဢ္လဿ ဒူပူၯသ၀ီပူၯ န႔ဢ္လီၯ. ဒ္ပွၯကစဿဿ္ခိဢ္ဖိအလုဿ္အလဿ္အိဢ္၀ဲအသိး မၯဘုမၯဟု၀ံၯလံဘဢ္ဆဢ္ တဿ္မုဿ္တဿ္ဘိလဿ အသူဢ္လီၯတ့ဿ္လဿခုးပူၯ ဒ္အမ့ဿ္ခုဢ္ခိဢ္ႏြဲဢ္ခိဢ္မ့ဿ္ဂ့ၯ ဘဲအဖီတဖဢ္ လဿကဒုးကဲထီဢ္၀ဲလဿလုဢ္ ဒ္သိးက ထါန႔ဿ္တဿ္ကူတဿ္ကၯအဂီဿ္ အိဢ္ဒံး၀ဲအဃိ၊ အ၀ဲသ့ဢ္လဲၯကြဿ္က့ၯဒံး၀ဲဒဢ္ တဘ်ီတဘ်ီန႔ဢ္လီၯ. ဆဿကတီဿ္ဖဲန႔ဢ္ ဒ္အမ့ဿ္ခုးတုဿ္ဖီဘီအကတီဿ္အသိး တဿ္တစူၯလဿၯဘဢ္ဒီး တဿ္အဿဢ္လဿအကဟ့ဢ္ တဿ္စူၯထံစ့ဿ္ကီး လဿမူကပိာ္လိၯတအိဢ္လဿၯစ့ဿ္ကီးဘဢ္န႔ဢ္လီၯ. ဖဲတဿ္ဖံးတဿ္မၯလဿဟံဢ္လဿဃီ စွၯဒီးဆဿကတီဿ္ခ်ဳးဒံးအခါ နီဿ္ႏြဲၯဒီးအတခြါမုဢ္ခံဂၯ ကြဲထီဢ္လိာ္အသး ပိာ္ထီဢ္လိာ္အခံ ဒ္သိးကလဲၯဆွိး က့ၯအဘဲလဿသံဢ္ပူၯန႔ဢ္လီၯ.

နီဿ္ႏြဲၯဒီးအတခြါမုဢ္အံၯ တုၯမ့ဿ္အလဲၯတုၯလဿခုး ဒီးဆွိးသကိး၀ဲ ဘဲဒီးအတခြါ မုဢ္ဆဿထဿဢ္ဘူးလိာ္ အသး ဒီးတဲသကိး၀ဲတဿ္ခံဂၯဘွဿဘွဿ ဘဢ္ဃးတဿ္ဖံးတဿ္မၯအဂ့ဿ္ အက်ိၯန႔ဢ္လီၯ. ဖဲအ၀ဲသ့ဢ္ခံဂၯအံၯ ဆွိးဘဲဒီး တဲသကိးတဿ္အခါ တသ့ဢ္ညါတဿ္လီၯဆီလဿအဂီဿ္နီတမံၯဘဢ္. ကလံၯမ့ဿ္ဂ့ၯ၊ တဿ္အဿဢ္မ့ဿ္ ဂ့ၯ၊ လဿအဒိဢ္အမုဿ္တအိဢ္စ့ဿ္ကီး၀ဲဒဢ္ဒီး လီစ့ဿ္ကီးတသီဢ္တသဲနီတပူၯဘဢ္န႔ဢ္လီၯ. ဘဢ္ဆဢ္ဒီးလဿ တဿ္တပာ္သူဢ္ပာ္သးအပူၯ လီၯဂာ္ဒ္တဿ္ကပီၯထီဢ္မ်ဿ္ကလာ္တထံဢ္ ဒီးဖဲအ၀ဲသ့ဢ္ ခံဂၯအဘဿဢ္စဿၯ လီၯဂာ္ဒ္လီဖ်းတဿ္အသီဢ္အသိး ဖးဒိဢ္တထံဢ္၀ံၯ အ၀ဲသ့ဢ္ဒီတခြါမုဢ္ခံဂၯလဿာ္ လီၯဃံၯ၀ဲဒီး သးပ့ၯနီဢ္ ကြံာ္ဘဢ္မးအသးန႔ဢ္လီၯ. တုၯလီၯလဿမုဿ္ဃ့ဿ္လီၯဒီး အ၀ဲသ့ဢ္ဒီတခြါမုဢ္ခံဂၯအံၯ သ့ဢ္နီဢ္ထီဢ္က့ၯအ သးဒီး ကြဿ္လီၯက့ၯအသး စဲမးထဲတဿ္သြံဢ္ ဒီးအခီဢ္ထံး ကျပဳဿ္ကျပီၯမးထဲလီအ့ဢ္ တကးဘဢ္အဆူဢ္ အဒံးလဿအလိၯတဖဢ္ဒဢ္လဲာ္ အူအီဢ္ကြံာ္၀ဲလဿမ့ဢ္အူခဲလဿာ္အဃိ၊ သ့ဢ္ညါလီၯအသးလဿ တဿ္အံၯ မ့ဿ္ဒဢ္လီဖ်းဘဢ္အ၀ဲသ့ဢ္အဃိ၊ တတဲတဿ္နီတမံၯလဿၯဘဢ္ဒီး ဟဲက့ၯကဒါက့ၯ၀ဲဆူအဟံဢ္ ဒီတခြါ မုဢ္ခံဂၯလဿာ္န႔ဢ္လီၯ.

ဒိ၀ဲလဿထါဒီးစံး၀ဲ -
ဆွိးဘဲလဿဖ်းခိဢ္အဒီ
လီလီၯဖ်းသူဘဢ္အတီၯ.
နီဿ္ႏြဲၯဆွိးဘဲဒီးတခြါ
လီလီၯဖ်းသံတယူာ္သး.
ဖုးသ့ဢ္နီဢ္လဿမုဿ္ဃ့ဿ္လီၯ
ထံဢ္တဿ္သြံဢ္က့ၯတဘ်ီဃီ.

နီဿ္ႏြဲၯဒီးအတခြါမုဢ္စ့ဿ္ကီး ဟဲက့ၯအိဢ္လဿဟံဢ္တယံာ္တမီဿ္ဘဢ္၀ံၯအလီဿ္ခံ သ့ဢ္ညါလီၯအသးလဿ အဒဿထီဢ္န႔ဢ္၀ဲအဖိတဂၯန႔ဢ္လီၯ. မိဿ္နီဿ္ႏြဲၯအံၯအသးမ့ဿ္တပွဿ္ထဲန႔ဢ္ဘဢ္ဆဢ္ အဖိလဿအဆံး တအိဢ္ လဿၯဘဢ္အဃိ၊ ဆိမိဢ္လီၯအသးလဿအဟုးတုာ္ ၀ဲဒဢ္သပွဿ္တဿဿ္လံန႔ဢ္လီၯ. လဿတဿ္တပာ္သးအပူၯ မိဿ္နီဿ္ႏြဲၯအံၯ ဒဿထီဢ္ကဒီးအသီတဒဿန႔ဢ္ ဆိမိဢ္လီၯအသးတဘဢ္ဘဢ္ ဒီးမဲာ္ဆွးလီၯအသးဘဢ္ဆဢ္ မၯ၀ဲတသ့တဿ္နီတမံၯဘဢ္န႔ဢ္လီၯ. နီဿ္ႏြဲၯအံၯဆိမိဢ္ တဿ္ကီလဿအဂီဿ္ဒိဢ္မး ဘဢ္ဃးလဿအဒဿထီဢ္ အဂ့ဿ္န႔ဢ္ တဿ္လဿအမၯအသးလီၯဆီဒီးအီၯ အဂုၯအဂၯ တအိဢ္နီတမံၯဘဢ္ ထဲဒဢ္တဘ်ီဖဲ အဆွိးသ ကိးဘဲ ဒီးအတခြါမုဢ္အခါတဘ်ီန႔ဢ္လီၯ. နီဿ္ႏြဲၯအံၯဆိမိဢ္၀ဲဒဢ္လဿ အဒဿထီဢ္တဿ္အံၯန႔ဢ္ ကမ့ဿ္ဒဢ္တဿ္ ဂ့ဿ္အ၀ဲန႔ဢ္လီၯ. ဘဢ္ဆဢ္တတဲဖ်ါ၀ဲဒဢ္ဘဢ္ ပာ္ဒဢ္၀ဲလဿအသးပူၯကစုဒုန႔ဢ္လီၯ.

ဒိ၀ဲလဿထါဒီးစံး၀ဲ -
လီလီၯပစီမိဿ္နီဿ္ႏြဲၯ
ဒဿထီဢ္အဖိမုဿ္ယဲၯဖဲ.
ထီဢ္ဖဲးခုးဖ်းခိဢ္အဒီ
မုဿ္ယဲၯဖဲအပဿ္လဿလီ.

စီၯသီမၯစ့ဿ္ကီး ဖဲတခ်ဳးနီဿ္ႏြဲၯဒဿထီဢ္ကဒီးဘဢ္န႔ဢ္ ဆိကမိဢ္၀ဲဒဢ္လဿအမါအံၯ အဟုးကတုာ္စ့ဿ္ကီး ၀ဲဒဢ္လံန႔ဢ္လီၯ. တကးဘဢ္ပွၯလဿအခိဢ္အဃဿၯတနီၯစ့ဿ္ကီး ဆိမိဢ္ ၀ဲဒ္န႔ဢ္ အိဢ္စ့ဿ္ကီး၀ဲဒဢ္ န႔ဢ္လီၯ. စီၯသီမၯအံၯ လဿတဿ္တစိကမိဢ္ဘဢ္အပူၯ တုၯမ့ဿ္သ့ဢ္ညါဘဢ္၀ဲလဿ အမါအံၯအိဢ္ထီဢ္ဒီးအဟုးအသး အဃိ ကမဿကမဢ္၀ဲဒဢ္ ဒီးဘဢ္ယိဢ္တဿ္ဒိဢ္မးန႔ဢ္လီၯ. ဆဿကတီဿ္ဖဲန႔ဢ္ ခီဖ်ိမိဿ္ပဿ္ဖံဖုတဖဢ္ မ့ဿ္ပွၯမိဿ္လု ပဿ္လဿ္ အိဢ္ဒီး တဿ္ဒုဢ္တဿ္ထု၊ တဿ္တီတဿ္လိၯ၊ တဿ္စူဿ္တဿ္နာ္တုၯလီၯထီ္ဢ္ဘးအဃိ၊ တဿ္မ့ဿ္မၯအသး ဒီးပွၯတဂၯဂၯလဿအလီၯတိဿ္လီၯဆီ တလိၯခံဘဢ္ညါတမံၯမံၯန႔ဢ္ ပွၯဒုဢ္ပွၯထုအီၯတုၯဒဢ္လဲာ္ ပွၯတပ်ဲ အိဢ္အီၯလဿ သ၀ီပူၯဘဢ္န႔ဢ္လီၯ. မ့ဿ္လဿစီၯသီမၯအံၯအသးပူၯအိဢ္ဒီးတဿ္ဘဢ္ယိဢ္ဘဢ္ဘွီ ဒီးအဲဢ္ဒိး သ့ဢ္ညါစ့ဿ္ကီး၀ဲဒဢ္လဿ အမါနီဿ္ႏြဲၯအံၯဒဿထီဢ္ ကဒီး၀ဲဒဢ္ ဒ္လဲဢ္အဂ့ဿ္န႔ဢ္လီၯ.
ဒိ၀ဲလဿထါဒီးသံကြဿ္၀ဲ -
မုဢ္နီဿ္ႏြဲၯဒဿထီဢ္အသီ
ထံဢ္ပိာ္ခြါဖဲလဲဢ္တခီ.
မုဢ္နီဿ္ႏြဲၯဒဿပွဿ္ထီဢ္လံ
တသ့ဢ္ညါအထံးအခံ.
ဆိမိဢ္နီဿ္ႏြဲၯအဟုးတုာ္
နီဿ္ႏြဲၯအိဢ္ထီဢ္ဒီးအဟုး.
ဆိမိဢ္နီဿ္ႏြဲၯသးပွဿ္လံ
နီဿ္ႏြဲၯအိဢ္ထီဢ္အဖိဆံး.

နီဿ္ႏြဲၯအံၯတုၯမ့ဿ္နဿ္ဟူဘဢ္အ၀ၯသံကြဿ္အီၯ တဿ္ဂ့ဿ္ဘဢ္ဃးဒီး အဒဿထီဢ္အဖိအံၯအဂ့ဿ္န႔ဢ္ဒီး စံးဆဿ က့ၯအ၀ၯလဿထါဒီးစံး၀ဲဒဢ္ -
လီလီၯဖ်းသူလဿသံဢ္က်ါ
ဒဿထီဢ္အသီတသ့ဢ္ညါ.
လီလီၯဖ်းသူလဿသံဢ္ပူၯ
ဒဿထီဢ္အသီဂ့ဿ္တပူၯ.
ယတအီဢ္လီန႔ဿ္ယ၀ၯ
ဒဿထီဢ္အသီတသ့ဢ္ညါ.
ဆွိးဘဲလဿဖ်းခိ္ဢ္အဒီ
လီလီၯဖ်းသူဘဢ္အတီၯ.
လီလီၯဖ်းသူလဿသံဢ္ပူၯ
မုဢ္နီဿ္ႏြဲၯအသြံဢ္လီၯလူ.
နီဿ္ႏြဲၯဆွိးဘဲဒီးတခြါ
လီလီၯဖ်းသံတယူာ္သး.
ဖုသ့ဢ္နီဢ္လဿမုဿ္ဃ့ဿ္လီၯ
ထံဢ္တဿ္သြံဢ္က့ၯတဘ်ီဃီ.
မုဢ္နီဿ္ႏြဲၯအဟုးတုာ္လံ
ဒဿထီဢ္အသီကြဿ္မ့ထံ.
မုဢ္နီဿ္ႏြဲၯဒဿထီဢ္အသီ
စီၯသီမၯဆိမိဢ္တဿ္ကီ.
ပိာ္တံဿ္ပိာ္ခြါကိးတဟူ
ဒဿထီဢ္ယဖိလဿသံဢ္ပူၯ.
တဿ္ကပီၯဟဲလဿမူဒီ
ဒဿထီဢ္ယဖိတခီဢ္ဃီ.

မုဢ္နီဿ္ႏြဲၯဖဲအဒဿထီဢ္အခါ အတခြါမုဢ္လဿ အလဲၯဆွိးဃုာ္ဘဲဒီးအီၯတဂၯ စ့ဿ္ကီး နီဢ္ထီဢ္အသးဒီး သ့ဢ္ညါလီၯအသးလဿ အဒဿထီဢ္စ့ဿ္ကီး၀ဲအဖိတဂၯန႔ဢ္လီၯ. မ့ဿ္တဿ္ကမၯအသးဒီးအီၯဒ္လဲဢ္ဒ္လဲဢ္ န႔ဢ္ တသ့ဢ္ညါ၀ဲဘဢ္၊ ဘဢ္ဆဢ္အိဢ္ဒဢ္ကစုဒု လဿတဿ္သူဢ္မံသးမုာ္ အပူၯန႔ဢ္လီၯ. တုၯစီၯသီမၯနဿ္ဟူဘဢ္ အမါစံးဆဿအီၯဘဢ္ဃးဒီး အဒဿထီဢ္အဂ့ဿ္န႔ဢ္ဒီး ဆိကမိဢ္၀ဲဒဢ္လဿ ဘဢ္သ့ဢ္သ့ဢ္ယမါအံၯကဒဿထီဢ္ ဘဢ္ဖုးတဿ္သူတဿ္ပွိၯအဖိ မ့တမ့ဿ္လီအဖိအဃိ၊ အ၀ဲတတဲအါတဿ္နီတမံၯလဿၯဘဢ္. အိဢ္ဒဢ္ကစုဒုန႔ဢ္ လီၯ. တဿ္န႔ဢ္၀ံၯအလီဿ္ခံ စီၯသီမၯအံၯ အသးတမံထြဲဒံးဘဢ္ စံဢ္လီၯလဿအဟံဢ္ပူၯဒီး လဲၯသံကြဿ္၀ဲတဿ္ ဂ့ဿ္ဘဢ္ဃးဒီး အမါစံးဘဢ္အီၯလဿအဒဿထီဢ္အဂ့ဿ္န႔ဢ္ ဒီးအတခြါမုဢ္စ့ဿ္ကီးစံးဘဢ္အီၯဒ္ အမါတဲဘဢ္အီၯ အသိးအဃိ စီၯသီမၯအံၯအသးမံထြဲ၀ဲဒဢ္ ဒီးဟဲက့ၯ၀ဲဆူအဟံဢ္ကစုဒု အိဢ္၀ဲလဿတဿ္သူဢ္မံသးမုာ္ အပူၯ ဒီးအိဢ္ခိးကြဿ္လဿ္ဒဢ္ဖိသဢ္အံၯ အတဿ္အိဢ္ဖ်ဲဢ္အဆဿကတီဿ္န႔ဢ္လီၯ. ဆဿကတီဿ္ယံာ္ထီဢ္အလါ အါထီဢ္ဒီး နီဿ္ႏြဲၯအံၯဒဿဒိဢ္ထီဢ္၀ဲဒဢ္အဃိ၊ ပွၯအိဢ္လဿသ၀ီပူၯ တဖဢ္ကြဿ္နီဿ္ႏြဲၯအံၯ လီၯဆီဘဢ္အီၯ လီၯဂာ္လဿအဒဿအဃိ၊ အ၀ဲသ့ဢ္ကိးဂၯဃဢ္ဃဢ္ ဖဲသ၀ီပူၯအံၯ ဟဲဒီးသံကြဿ္၀ဲနီဿ္ႏြဲၯလဿ မ့ဿ္အဒဿထီဢ္ ကဒီးအဖိအသီတဂၯဧါအဂ့ဿ္န႔ဢ္လီၯ. နီဿ္ႏြဲၯအံၯလဿအပူၯကြံာ္ ပွၯသံကြဿ္တ့ဿ္အီၯအါဂၯလံဘဢ္ဆဢ္ တတဲ၀ဲလဿအဒဿဘဢ္. မ့မ့ဿ္တခီသမဿဒဢ္၀ဲလဿ အတဒဿဘဢ္အဂ့ဿ္န႔ဢ္လီၯ. ဘဢ္ဆဢ္တုၯမ့ဿ္နီဿ္ႏြဲၯအံၯ ဒဿဒိဢ္ထီဢ္ဒီး ပွၯသံကြဿ္အီၯအါထီဢ္အဃိ အ၀ဲပာ္က့ၯအသးတဘဢ္လဿၯဘဢ္ဒီး တအဲဢ္ဒိးတဲစ့ဿ္ကီး၀ဲ လဿအဒဿဘဢ္. ခီဖ်ိလဿဆိမိဢ္လီၯအသးလဿအသးပွဿ္ဒီးအဟုးကတုာ္ထီဢ္ ဃဢ္ဃဢ္လံန႔ဢ္လီၯ. ဘဢ္ဆဢ္ နီဿ္ႏြဲၯအံၯဆိမိဢ္စ့ဿ္ကီး၀ဲဒဢ္လဿ တဿ္အံၯယဒဿဒီး ယကဘဢ္တဲဒဢ္လဿယဒဿန႔ဢ္လီၯ. ယမ့ဿ္တတဲန႔ဢ္ တဂ့ၯစ့ဿ္ကီးဘဢ္. ယမ့ဿ္သမဿထဲလဲဢ္ထဲလဲဢ္ဘဢ္ဆဢ္ တမ့ဿ္အကဘဿဘဢ္. မုဿ္တနံၯ ကဖ်ါထီဢ္ဒဢ္တဿ္အဃိ၊ ယကဘဢ္တဲဖ်ါဒဢ္လဿ ယဒဿန႔ဢ္လီၯ.

စးထီဢ္ဖဲန႔ဢ္နီဿ္ႏြဲၯအံၯ တသမဿလဿၯပွၯနီတဂၯဘဢ္ ဖဲပွၯသံကြဿ္အီၯတဂၯလဿ္လဿ္န႔ဢ္ တဲဒဢ္၀ဲလဿ အဒဿထီဢ္အဖိအသီ န႔ဢ္လဿပွၯကိးဂၯဒဲးန႔ဢ္လီၯ. တုၯမ့ဿ္ပွၯအိဢ္လဿသ၀ီပူၯဖဲန႔ဢ္တဖဢ္ နဿ္ဟူ၀ဲလဿ နီဿ္ႏြဲၯအံၯစံး၀ဲဒဢ္လဿ အဒဿထီဢ္အဃိ၊ အ၀ဲသ့ဢ္ကမဿကမဢ္၀ဲဒိဢ္မးဒီး ဆိမိဢ္၀ဲဒဢ္တဘဢ္ဘဢ္န႔ဢ္လီၯ. ခီဖ်ိလဿနီဿ္ႏြဲၯအံၯ အဖိလဿအဆံးတအိဢ္္လဿၯဘဢ္ဖးယံာ္လံဘဢ္ဆဢ္ဒဿထီဢ္ဒံး၀ဲန႔ဢ္ ပွၯအါဂၯအဲဢ္ဒိး သ့ဢ္ညါ၀ဲ ဒီးသံကြဿ္၀ဲဒဢ္နီဿ္ႏြဲၯလဿ တဿ္အံၯပဆိကမိဢ္လဿ နဟုးကတုာ္လံ၊ နဒဿထီဢ္သ့ဒံးန႔ဢ္ မ့ဿ္တဿ္လီၯဆီလီၯလး မၯအသးဒီးနၯဒ္လဲဢ္. လဿအပူၯကြံာ္ပဆိကမိဢ္ဒဢ္ နဟုးတုာ္လံ နဒဿထီဢ္တသ့ လဿၯဘဢ္န႔ဢ္လီၯ. ဘဢ္ဆဢ္လဿတဿ္တပာ္သးအပူၯ နဒဿထီဢ္ဒံးန႔ဢ္ မ့ဿ္တဿ္လဿအလီၯဆိကမိဢ္ဒိဢ္မး န႔ဢ္လီၯ. ပအဲဢ္ဒိးသ့ဢ္ညါဘဢ္မးတဿ္ဂ့ဿ္တဿ္က်ိၯသ့ဢ္တဖဢ္န႔ဢ္လီၯ. ဘဢ္သ့ဢ္သ့ဢ္တဿ္လီၯဆီကမၯ အသးဒီးနၯတမံၯမံၯန႔ဢ္လီၯ. နီဿ္ႏြဲၯအံၯ ပွၯအါဂၯသံကြဿ္အီၯဒ္န႔ဢ္အဃိ အ၀ဲတဲဘဢ္ပွၯလဿတဿ္မၯအ သးဒီးခဲလဿာ္အဂ့ဿ္န႔ဢ္လီၯ. မ့မ့ဿ္နီဿ္ႏြဲၯအတခြါမုဢ္တဂၯတခီ ဒဿထီဢ္ဘဢ္ဆဢ္ ခီဖ်ိအဟုးအသးတတုာ္ ဒံးဒီးဒဿသ့ဒံးအဃိ၊ ပွၯတကီဢ္ဒီးစးဒီးအီၯဘဢ္. ပွၯသံကြဿ္ဒဢ္ထဲအီၯတဂၯန႔ဢ္လီၯ.

နီဿ္ႏြဲၯအံၯ စးထီဢ္ဖဲန႔ဢ္ပွၯလဿအဟဲသံကြဿ္အီၯတဂၯလဿ္လဿ္န႔ဢ္ အ၀ဲတဲဘဢ္ဒဢ္ပွၯကိးဂၯလဿ တဿ္မၯအသးဒီးအီၯသ့ဢ္တဖဢ္ခဲလဿာ္အဃိ၊ ပွၯဖဲသ၀ီပူၯကိးဂၯဒဲး သ့ဢ္ညါဘဢ္၀ဲဒဢ္ဂ့ၯဂ့ၯလီၯ တံဿ္လီၯဆဲးန႔ဢ္လီၯ. ပွၯဒူဖိသ၀ီဖိဖဲန႔ဢ္သ့ဢ္တဖဢ္ တုမ့ဿ္အသ့ဢ္ညါ၀ဲတဿ္ဂ့ဿ္တဿ္က်ိၯလီၯတံဿ္ လီၯဆဲးဒ္နီဿ္ႏြဲၯတဲဘဢ္အ၀ဲသ့ဢ္အသိးန႔ဢ္ဒီး တသံကြဿ္အါတဿ္နီတမံၯလဿၯဘဢ္ အိဢ္က့ၯ၀ဲဘွ႔ဢ္ ဘွ႔ဢ္ဘွီဢ္ဘွီဢ္ကစုဒု တုၯဖိသဢ္အံၯအိဢ္ဖ်ဲဢ္၀ဲတစုန႔ဢ္လီၯ.

Posted in: နီဿ္မုဿ္ယဲၯဖဲအပူ