ထိဢ္ကံဢ္ဘီဒီးနီဿ္သိမီ (အကူာ္ ၁)

တဘ်ီတဿ္စံး၀ဲလဿ မုဢ္ကနီၯဖိအိဢ္၀ဲ တဂၯလဿ အမံၯမ့ဿ္နီဿ္သိမီ န႔ဢ္လီၯ. အ၀ဲမ့ဿ္စ့ဿ္ကီး ပိာ္မုဢ္ဖိလဿ အကဒု လီၯတံဿ္ဒီး ဒိဢ္တဿ္ဂ့ၯ၀ဲ၀ါ၀ဲ န႔ဢ္လီၯ. အဆဿကတီဿ္ဖဲ ဘုဧိၯဟုဧိၯ အသဢ္မံထီဢ္၀ဲဒီး နီဿ္သိမီ ဘဢ္ကူး၀ဲအဘု န႔ဢ္လီၯ.

ထိဢ္ကံဢ္ဘီမ့ဿ္စ့ဿ္ကီး ဖိဢ္သဢ္ခြါဖိလဿ အဒုဢ္အဒ့ဂ့ၯဒီး ဒိဢ္တဿ္ပိာ္ခြါ ဖံးညဢ္လဿပွဲၯ ဂ့ၯမးတဂၯလီၯ. အ၀ဲနဿ္ဟူဘဢ္ နီဿ္သိမီ ဒိဢ္တဿ္ဂ့ၯအကစီဢ္ သတးဒီး အဲဢ္ဒိးထံဢ္ဘဢ္၀ဲ လဿအမဲာ္န႔ဢ္လီၯ. မ့ဿ္လဿ အိဢ္တဿ္ ဆိးတဿ္အလီဿ္စီၯစုၯ၀ဲ အဃိ အ၀ဲလိဢ္ထီဢ္ အသးလဿ ထိဢ္ကံဢ္ဖိတဘ့ဢ္ ဒီး ယူၯထီ္၀ဲဆူ နီဿ္သိမီ အိဢ္တဿ္ အလီဿ္န႔ဢ္လီၯ.

တယံၯတဘူးဒီး ခုးအိဢ္၀ဲ အလီဿ္န႔ဢ္ ခ်ဿဢ္ဖးဒိဢ္အိဢ္၀ဲဒီး ခ်ဿဢ္သဢ္မံတဖဢ္လဿပွဲၯ ဂ့ၯမးလီၯ. ထိဢ္ကံဢ္ဖိ တဘ့ဢ္အံၯ ဟဲစီဿ္လီၯ၀ဲဒီးအိဢ္ဆိး၀ဲဖဲ ခ်ဿဢ္တထူဢ္အံၯ န႔ဢ္လီၯ. တနံၯဖဲ ထိဢ္ကံဢ္ဖိယူၯ၀့ၯ၀ီၯ ဃုအီဢ္သ့ဢ္ သူ၀ဢ္သဢ္ အခါ ထံဢ္ဘဢ္၀ဲ နီဿ္သိမီ ကူးဘုလဿ ခုးပူၯဒီး ဒိဢ္တဿ္ဃံလၯ ဘဢ္အီၯဒိဢ္ဒိဢ္ ကလဲာ္ အဃိ ယူၯ၀့ၯ၀ီၯ ၀ဲဖဲ နီဿ္သိမီအခုးပူၯ တက၀ီၯန႔ဢ္လီၯ.

နီဿ္သိမီ ထံဢ္ဘဢ္ထိဢ္ကံဢ္ဖိတဘ့ဢ္အံၯ ယူၯ၀့ၯ၀ီၯဖဲ အခုးပူၯ ဒီးကြဿ္၀ဲလီၯအဲဢ္ လီၯကြံဘဢ္အီၯ သတးဒီး တဲထီဢ္မး၀ဲ -

ႃႃထိဢ္ကံဢ္ဖိဧဿ … နနီးဖိဂီၯစရဲဢ္ နမိဿ္ပွဿ္အဆူဢ္ဖိ တခီလါဟ့၀ဲ … မ့ဿ္နဃံလၯဒီး လီၯအဲဢ္လီၯကြံထဲအံၯ ဘဢ္မႏုၯလဲဢ္ … ယဖီဢ္နၯမ့န႔ဿ္န႔ဢ္မီဢ္ … ယကအဲဢ္ဒိးဘုဢ္ဃာ္နၯဖဲ ယဟံဢ္န႔ဢ္လီၯ….႗႗

ထိဢ္ကံဢ္ဘီ နဿ္ဟူ၀ဲ မုဢ္ဃံလၯဖိတဂၯ စံးကတိၯတဿ္ဒ္အံၯအဃိ သူဢ္ခုသးခု၀ဲ တကူဢ္သ့ဢ္ဒီး ကူဢ္ထီဢ္ ၀ဲဒ္သိး ကတုၯအိဢ္၀ဲလဿအဟုးလာ္ပူၯ လဿတဿ္ကဟုကယာ္အီၯ န႔ဢ္လီၯ. ဆိကမိဢ္မး၀ဲလဿ က်ဲအါဘိ ဒ္သိး ကအိဢ္ဘဢ္၀ဲဒီး မုဢ္ဃံလၯ အံၯစ့ဿ္ကီးန႔ဢ္လီၯ.

မုဿ္ဆ့ဢ္ထီဢ္ကဒီးတနံၯဂီၯဂီၯန႔ဢ္ဒီး ထိဢ္ကံဢ္ဘီ အ့ဢ္ဘ်႕ထီဢ္၀ဲ အဒံးဆ့ဒီး အဆူဢ္အဂၯတဖဢ္ ခဲလဿာ္ ဒီး အနိး၀ံၯ၊ လဲၯ၀ဲဆူ ခုးပ်ီပူၯ တခ်ဳးနီဿ္သိမီ ဟဲတုၯဒံးဘဢ္အဆဿကတီဿ္ န႔ဢ္လီၯ.

ဖဲနီဿ္သိမီဟဲတုၯ၀ဲဒီး ထိဢ္ကံဢ္ဘီ လဲၯ၀ဲ တဘူးဘူးတယံၯယံၯဒီး နီဿ္သိမီ မၯအသးဒ္သိး ကအ့ဢ္စီးဘုစဲၯ သ့ဢ္တဖဢ္ ဆူအံၯဆူႏုၯ ဒီးဒ္သိး နီဿ္သိမီ ကလူၯဖီဢ္အီၯ န႔ဢ္လီၯ. မၯ၀ဲဒ္န႔ဢ္ တုၯ၀ဲဖဲ တဿ္ႀတီၯဖိတခါဒီး မၯအသးဒ္ လီၯဘွံးလီၯတီၯ ၀ဲဒီး စီဿ္လီၯ၀ဲ ဖဲန႔ဢ္လီၯ. တုၯႏုၯတစု နီဿ္သိမီ လဲၯဖီဢ္န႔ဿ္အီၯ ဒီးကဟုကယာ္ ၀ဲ ဂ့ၯဂ့ၯဒီးစံးမး၀ဲ -

ႃႃထိဢ္ကံဢ္ဖိဧဿ … ဘဢ္မႏုၯနမၯလီၯဘွံး နသးဒ္အံၯလဲဢ္ … နမ့ဿ္ဒိးဖီဢ္နသးဆိဆိန႔ဢ္ဒီး နတလီၯဘွံးစ့ဿ္ကီး ဘဢ္ … ယဲစ့ဿ္ကီး ယကသးခုဘဢ္ဆိဆိတမ့ဿ္ဧဲဢ္…႗႗

နီဿ္သိမီ စံးတဿ္ဒ္န႔ဢ္ဒီး ဖီဢ္၀ဲထိဢ္ကံဢ္ဖိအံၯ ကဖီလီဒီး အစုခံခီ၀ံၯ ဖီဢ္နဿမူ၀ဲ ဒီး ထုးတရူးဘဢ္၀ဲဒီး အဘိးပၯဖိ တကူဢ္သ့ဢ္ ထိဢ္ကံဢ္ဖိအံၯ ဆီတလဲအသး သတူဿ္ကလာ္ ဒီးဖိဢ္သဢ္ခြါတဂၯ ဟဲအိဢ္ဖ်ါထီဢ္၀ဲလီၯ. နီဿ္သိမီ ထံဢ္ဘဢ္တဿ္လီၯတိဿ္လီၯဆီ လီၯလးဒ္အံၯအဃိ သံကြဿ္၀ဲဒ္အံၯလီၯ.

ႃႃဟဿအဿဢ္ … နၯအံၯမ့ဿ္မတၯတဂၯလဲဢ္.. နမ့ဿ္လဿဿ္လ့ အကစဿ္ဧါ … မ့တမ့ဿ္ဘဢ္ဒီး၊ နမ့ဿ္ထံကစဿ္၊ ပွဿ္ကစဿ္ဧါ…႗႗

နီဿ္သိမီဟ့ဢ္တဿ္ယူးယီဢ္ဒီး ဘါထီဢ္၀ဲ တခီခီ၊ ဖဲသုးက့ၯအသး ဆူအလီဿ္ခံအခါန႔ဢ္ဒီး ထိဢ္ကံဢ္ဘီ ဖီဢ္ထီဢ္ နီဿ္သိမီအစုဖိခံခီ၀ံၯဒီး စံး၀ဲ -

ႃႃဒ္နဆိကမိဢ္၀ဲအသိး၊ ယတမ့ဿ္လဿဿ္ကစဿ္ လ့ကစဿ္ဘဢ္. တမ့ဿ္ကီး ထံကစဿ္ပွဿ္ကစဿ္စ့ဿ္ကီးဘဢ္. ယမ့ဿ္ ပိာ္ခြါအလဿအပွဲၯတဂၯ လဿနဂီဿ္န႔ဢ္လီၯ.႗႗

ႃႃအိ … ကစဿ္ဧဿ၊ ဒ္နထံဢ္နသ့ဢ္ညါ၀ဲလံအသိး၊ ယမ့ဿ္ဒဢ္ ပွၯကညီမုဢ္ဖိတဂၯလီၯ. နဲဒဢ္တခီ နမ့ဿ္မတၯ၊ မတၯတမံၯလဲဢ္န႔ဢ္ ယတသ့ဢ္ညါယဲဘဢ္၊ ယသ့ဢ္ညါယဲဒဢ္လဿ နမ့ဿ္တ့ဿ္လံ ထိဢ္ကံဢ္ဖိတဘ့ဢ္လဿ အလီၯအဲဢ္ ဘဢ္ယၯန႔ဢ္လီၯ. ခဲအံၯ နဆီတလဲက့ၯနသးလဿ ပွၯကညီအဃိ၊ မ့ဿ္ယဘဢ္စံဢ္ညီဢ္ဒီး ပာ္ဂဿဿ္ပာ္က်ဿၯ နၯလဿတဿ္မႏုၯ တမံၯလဲဢ္ …႗႗

ႃႃအိ … ကစဿ္ဧဿ၊ ပိာ္ခြါအလဿအပွဲၯတဂၯ ၾကဿးအိဢ္၀ဲလဿ ယဂီဿ္န႔ဢ္ မ့ဿ္မးဧဿ. မ့ဿ္ယကဘဢ္စံဢ္ညီဢ္ ပာ္ဂဿဿ္ပာ္က်ဿၯနၯလဿ ပိာ္ခြါ အလဿအပွဲတဂၯ ကသ့၀ဲအဂ့ဿ္ဒ္လဲဢ္. နလိဢ္ထီဢ္နသးသ့၀ဲအဃိ၊ မ့ဿ္ယဘဢ္ နာ္ဒီး ပာ္ဂဿဿ္ပာ္က်ဿၯတဿ္ န႔ဢ္ဧါ.႗႗

ႃႃမုဿ္ဃံလၯဧဿ … ယလိဢ္ထီဢ္ယသးသ့မ့ဿ္ဂ့ၯ၊ တသ့မ့ဿ္ဂ့ၯ နနာ္ယၯသ့၀ဲလီၯ. ယလိဢ္ထီဢ္ယသးမ့ဿ္တသ့ ဘဢ္န႔ဢ္၊ ပထံဢ္ဒီး ပကတိၯလိာ္သး တဿ္ဒ္အံၯကသ့၀ဲဒ္လဲဢ္.႗႗

ႃႃအိ၊ ကစဿ္ဧဿ၊ နလိဢ္ထီဢ္နသးသ့၀ဲအဃိ၊ ပထံဢ္ဒီး ပကတိၯလိာ္သးသ့န႔ဢ္၊ ပမ့ဿ္ပာ္လဿ ပိာ္ခြါအလဿအပွဲၯ သ့သနာ္က့ ဖဲခုးပူၯသံဢ္ပူၯအံၯ ယမ့ဿ္ထံဢ္ဘဢ္နၯလဿ ပိာ္ခြါတဂၯ အတဿ္လဿတဿ္ပွဲၯကိးနံၯဒဲးမး ဒီး ယစံဢ္ညီဢ္ ပာ္ဂဿဿ္ပာ္က်ဿၯ၀ဲ ကသ့န႔ဢ္လီၯ.႗႗

ႃႃမုဢ္ဃံလၯဧဿ … နစံးကတိၯတဿ္အံၯ မ့ဿ္ပိာ္မုဢ္လဿ အကဒုလီၯတံဿ္အတဿ္ကတိၯလီၯ. အိဢ္က့ၯဒဢ္လဿ ယမူယဒါလီၯ. ဟ့ဢ္ယၯတဿ္ဆဿကတီဿ္ လဿနတဿ္ဆဿထံဢ္ ကဟဲအိဢ္ဖ်ါထီဢ္အဂီဿ္န႔ဢ္တက့ဿ္.႗႗

ႃႃအိ… ကစဿ္ဧဿ၊ ယဘဢ္ခိးတဿ္ဆဿကတီဿ္အလီဿ္တအိဢ္ဘဢ္. တဿ္လဿနမၯတဖဢ္န႔ဢ္၊ ကမ့ဿ္တဿ္ဆဿ ကတီဿ္ လဿပွဲၯ၀ဲလဿ နဂီဿ္န႔ဢ္ တမ့ဿ္ဘဢ္ဧါ.႗႗

ႃႃမုဢ္ဃံလၯဧဿ၊ နတဿ္စံးတဿ္ကတိၯတဖဢ္အံၯ လဿပွဲၯ၀ဲဒီး အခီပညီ အဒိဢ္အယိာ္လီၯ. စးထီဢ္မုဿ္တနံၯ အံၯဒီးဆူညါခီ၊ ယကအိဢ္ဒီး တဿ္ယူးယီဢ္ပာ္ကဲနၯလဿ တဿ္ရ့တံၯရ့သကိး န႔ဢ္လီၯ.႗႗

ထိဢ္ကံဢ္ဘီဒီး နီဿ္သိမီ၊ စံးကတိၯလိာ္သးလဿတဿ္ကတိၯ အမုာ္ အခုဢ္၀ံၯ ဟးဖးကြံာ္ ၀ဲဒဢ္လီၯ.

နီဿ္သိမီ က့ၯ၀ဲဆူ အဟံဢ္လဿဟါလီၯခီဆိဆိန႔ဢ္လီၯ. လုဿ္ထံလုဿ္နိ၀ံၯ၊ ဖူထီဢ္တဿ္နဿမူနဿဆွီတဖဢ္ ဒီး က့ၯႏုာ္၀ဲဆူ ဒဿးပူၯမံ၀ဲ အလီဿ္န႔ဢ္လီၯ. အ၀ဲအသးဒံ၀့ၯဒံ၀ီၯဒီး တဿ္ဆိကမိဢ္တဖဢ္ အိဢ္ဖ်ါထီဢ္၀ဲ အကလုာ္ ကလုာ္ တုၯဒဢ္လဲာ္ ဖီဢ္ထီဢ္အဘိးပၯဖိဒီး ဖူးလဲးကြဿ္၀ဲ၊ ဒီး ဘဢ္မႏုၯတဿ္သးစဲ ဟဲႏုာ္ဆူအသူဢ္ကံဿ္သးလဲ ပူၯဒ္အံၯလဲဢ္န႔ဢ္ ဆိကမိဢ္၀ဲ တဘဢ္၀ဲဘဢ္၊ နာ္သက့ တဿ္သူဢ္ဂဲၯသးဂဲၯ ဒီး တဿ္သူဢ္ဖွံသးညီတဖဢ္ ဟဲႏုာ္ ဒီးထိဢ္ဟူးထိဢ္ဂဲၯထီဢ္အ၀ဲ အသူဢ္အသး တဖဢ္အံၯ မ့ဿ္မး တဿ္မၯမုာ္အီၯအဆိကတဿဿ္ တဘ်ီန႔ဢ္၊ နီဿ္သိမီ သ့ဢ္ညါဒီးနဿ္ပဿဿ္၀ဲကစီဒီ လီၯ.

ထိဢ္ကံဢ္ဘီတခီ တဿ္စံးတဿ္ကတိၯတဖဢ္လဿ နီဿ္သိမီစံး တ့ဿ္အီၯန႔ဢ္ဒီး၊ သ့ဢ္ညါ၀ဲဒီး လဲၯ၀ဲဆိဆိ လဿ နီဿ္သိမီ အခုးပ်ီပူၯဒီး မၯ၀ံၯ၀ဲ တဿ္မၯလဿ တနံၯအဂီဿ္န႔ဢ္လီၯ. အခါဖဲနီဿ္သိမီ ဟဲတုၯန႔ဢ္ဒီး အ၀ဲတပာ္ဖ်ါ အသးလဿၯဘဢ္ အိဢ္တဒဿကြံာ္၀ဲန႔ဢ္လီၯ.

ဂီၯခီဖဲ ဆီအိဢ္အိထီဢ္၊ မုဿ္ကပီၯဟဲဖ်ါထီဢ္၀ဲ အဆဿကတီဿ္န႔ဢ္၊ နီဿ္သိမီ အဲဢ္ဒိးလဲၯ၀ဲဆူ ခုးပူၯ ဆိဆိဒီး ကတဲာ္ကတီၯထီဢ္တဿ္အခါ၊ မိဿ္တဂၯလဿ အတသ့ဢ္ညါ၀ဲ တဿ္နီတမံၯဘဢ္အပူၯစံးဘဢ္အဖိမုဢ္ -

ႃႃဖိမုဢ္ဧဿ… တနံၯအံၯယကလဲၯဒီးနၯဆူ ခုးပ်ီပူၯလီၯ. ဟဲစိာ္စ့ဿ္ကီးမ့ၯဧိၯထံဧိၯလဿ ယဂီဿ္တက့ဿ္.႗႗

ဒ္မိဿ္တဲ၀ဲအသိး လဲၯ၀ဲဆူ ခုးပ်ီပူၯဒီး အဖိမုဢ္နီဿ္သိမီန႔ဢ္လီၯ. လဲၯတုၯ၀ဲလဿ ခုးပူၯဒီး ထံဢ္၀ဲလဿ တဿ္မၯ လဿအကဘဢ္မၯ၀ဲတဖဢ္ ၀ံၯ၀ဲခဲလဿာ္လံအဃိ၊ တယာ္၀ဲလဿ မဟါတနံၯထံဢ္ဘဢ္၀ဲ ပွၯတဂၯန႔ဢ္ ကမ့ဿ္ဒဢ္ ပွၯသူပွၯပွိၯ န႔ဢ္လီၯ. မ့ဿ္လဿတအဲဢ္ဒိးတဲဖ်ါအမိဿ္ဒံးဘဢ္အဃိ၊ တဲက့ၯအမိဿ္ဒ္အံၯလီၯ…

ႃႃမိဧဿ၊ ယမၯတ့ဿ္လံ တဿ္လဿနထံဢ္ဘဢ္အံၯ မ့ဿ္ကမဿကမဢ္ဘဢ္နၯဧါ… ယသ့ဢ္ညါ ပာ္စဿၯလဿ ကဘဢ္စိာ္၀ဲ ခံဘ်ီအဂီဿ္သတးဒီး တနံၯအံၯ ယလဲၯတဿ္ဆိဆိန႔ဢ္လီၯ. ဒ္မိ ထံဢ္ဘဢ္၀ဲ အသိး တဿ္မၯတဖဢ္ ၀ံၯ၀ဲ စုာ္စုာ္လံလီၯ. က့ၯစိာ္ဆိကြံာ္ တၯသူတၯသဢ္ လဿအအိဢ္လီၯတဲာ္ လံတဖဢ္ အံၯတနီၯတက့ဿ္. ယကအိဢ္တ့ဿ္ဒီး မၯတဿ္ဆူညါ ဒံးလီၯ.႗႗

မိဿ္တဂၯ၀ံထီဢ္၀ဲအကုဖးဒိဢ္၊ ပွဲၯ၀ဲဒီး တၯသူတၯသဢ္ တဖဢ္ဒီး က့ၯ၀ဲဒဢ္တကူဢ္သ့ဢ္လီၯ. ထိဢ္ကံဢ္ဘီတခီ အိဢ္သဒဿ၀ဲအသးဖဲ တဿ္ႀတီၯလာ္အပူၯဒီး ကနဢ္၀ဲနီဿ္သိမီဒီး အမိဿ္ခံဂၯ တဲတဿ္ပိဢ္တဿ္တဖဢ္န႔ဢ္ လီၯ. အမိဿ္က့ၯ၀ံၯအလီဿ္ခံ နီဿ္သိမီ ဟးဃု၀့ၯ၀ီၯဖဲခုးပူၯ သံဢ္ပူၯ၀ံၯ ဘဢ္ဆဢ္တထံဢ္၀ဲထိဢ္ကံဢ္ဘီ ဘဢ္လီၯ. ဖဲအ၀ဲ လဲၯဘူးထီဢ္၀ဲဒဢ္ဖဲ တဿ္ႀတီၯလာ္ပူၯဒီး ထိဢ္ကံဢ္ဘီဟဲ၀ဲ ကစုဒုလဿ နီဿ္သိမီ အလီဿ္ခံဒီး ဖီဢ္ထီဢ္ ၀ဲအဖံ ဘဢ္ခိဢ္ခံခီဒီး စံး၀ဲ -

ႃႃမုဢ္ဃံလၯဧဿ၊ တဿ္မၯလဿယမၯတ့ဿ္တဖဢ္ မ့ဿ္ဘဢ္နသးဒီး လဿပွဲၯ၀ဲ ကစီဒီဧါ…႗႗
ႃႃကစဿ္ဧဿ၊ ၀ံသးစူၯယၯတက့ဿ္. နမၯ၀ံၯတ့ဿ္လံခုးဧိၯသံဢ္ဧိၯ တဿ္ဖံးတဿ္မၯဒီး ဖ်ါ၀ဲလံလီၯ. ဘဢ္ဆဢ္ဒီး၊ ပိာ္ခြါ အလဿအပွဲၯလဿၾကဿးအိဢ္ ၀ဲလဿယဂီဿ္တဂၯ တမ့ဿ္၀ဲဒံး စ့ဿ္ကီးဘဢ္. ယဃ့ကညးနၯဒီး ပ်ဿ္ဘဢ္ ယတဿ္ကမဢ္လဿ ယတဿ္သးစဲအိဢ္တ့ဿ္၀ဲလဿ နဖီခိဢ္န႔ဢ္ တက့ဿ္…႗႗
ႃႃမုဿ္ဃံလၯဧဿ … ယမ့ဿ္ဒဢ္ပွၯဒ္သိး နၯယၯအံၯလီၯ. ယတမ့ဿ္မတၯ၊ မတၯဒ္ နတဿ္ဆိကမိဢ္ အိဢ္၀ဲ အသိးဘဢ္ … ယသူဢ္ခုသးခုမး လဿနစံးနတဿ္ သးစဲအိဢ္၀ဲလဿ ယဖီခိဢ္န႔ဢ္ လီၯ. ဒ္သိး နသူဢ္နသးကအိဢ္ ဂဿဿ္၀ဲကသ့အသိး မ္ပကပာ္ဂဿဿ္ ပာ္က်ဿၯ တဿ္စဲဘူးလိာ္ပသးလဿ သဲစးအဖီခိဢ္တက့ဿ္မီဢ္ …႗႗
ႃႃအိ … ၀ဲဿ္ဖိ၊ ၀ဲဿ္ဖိစံးတဿ္န႔ဢ္ မ့ဿ္အနီဿ္ကီဿ္ဧါ … မ့မ့ဿ္သဿပ်ဿၯဒီး ကမ့ဿ္မး တဿ္သးခုဒိဢ္ဒိဢ္ကလဲာ္လဿ ယဂီဿ္လီၯ. နမ့မ့ဿ္ပွၯကညီ နီဿ္နီဿ္ ဒီးတဲဘဢ္ယၯနမံၯတဘီမီဢ္ …႗႗
ႃႃအိ … ဒ့မုဢ္၊ ယမိဿ္ယပဿ္ ယုဿ္န႔ဿ္ယမံၯလဿ ထိဢ္ကံဢ္ဘီ လီၯ. … ဒ့မုဢ္တခီမီဢ္ …႗႗
ႃႃယမိဿ္ဒီး ယပဿ္ခံဂၯ အဲဢ္ဘဢ္ယၯဒိဢ္မး အဃိ၊ ယုဿ္န႔ဿ္ယမံၯလဿ နီဿ္သိမီ လီၯ… ဘဢ္ဆဢ္ဒီး ဒ္၀ဲဿ္ဖိ အဲဢ္ဒိး ကိးအသိး ကိးသ့ဒဢ္တဿ္လီၯ …႗႗

ဖဲန႔ဢ္ဒီး အ၀ဲသ့ဢ္ခံဂၯ အဲဢ္ဆဿလိာ္အသး၀ံၯလံ အဃိ သတးဒီး လဿတဿ္သူဢ္တဖ်ဿဢ္ဃီ သးတဖ်ဿဢ္ဃီ အပူၯ၊ တီၯလီၯကဒြံက်ိၯ ဘံဢ္လီၯအမဲာ္ ဒီးဆွိးလီၯအခိဢ္ ဘါထုကဖဢ္ထီဢ္၀ဲလဿ အ၀ဲသ့ဢ္ခံဂၯ ကအဲဢ္လိာ္ သး ဒီး ကအိဢ္ဒီး သဲစးဂဿဿ္ဂဿဿ္က်ဿၯက်ဿၯတုၯ အသံတစုန႔ဢ္လီၯ.

စးထီဢ္ဖဲမုဿ္တနံၯန႔ဢ္ မ့ဿ္လဿထိဢ္ကံဢ္ဘီ ဖံးစဿၯမၯစဿၯ နီဿ္သိမီ ဖဲတဿ္ဖဲးခုးဖဲးသံဢ္၀ံၯအလီဿ္တဖဢ္န႔ဢ္ အဃိ ဘုဧိၯဟုဧိၯ၊ သ့ဢ္တံဿ္၀ဢ္ဘိဒီး တၯသူတၯသဢ္ တဖဢ္တံဿ္ထီဢ္၊ မဲထီဢ္၊ သဢ္ထီဢ္၀ဲဂ့ၯမးဒီး နီဿ္သိမီ ဒီး အမိဿ္ အပဿ္ဟံဢ္ဖိဃီဖိ အီဢ္ဘဢ္အီဘဢ္လဿလဿ ပွဲၯပွဲၯဂ့ၯမး န႔ဢ္လီၯ.

တခ်ဳးဖ်ီဒံးအသးဒီး နီဿ္သိမီန႔ဢ္ဒီး ဖဲတဿ္ဖဲးခုးဖဲးသံဢ္အဆဿကတီဿ္၀ံၯ ၀ဲအခါ ထိဢ္ကံဢ္ဘီလဲၯ၀ဲဆူ သ၀ီပူၯ၊ ရ့တံၯရ့သကိး၀ဲဒီး မုဢ္ကနီၯဖိဢ္သဢ္ခြါ၊ ဖံးစဿၯမၯစဿၯ ပွၯဒူဖိသ၀ီဖိ တဿ္ဖံးတဿ္မၯတဖဢ္ ဒီးဒ္ သိးပွၯဒူဖိ သ၀ီဖိ တဖဢ္ကအဲဢ္ကကြံ အီၯန႔ဢ္ က်ဲးစဿးရ့စ့ဿ္ကီး၀ဲန႔ဢ္လီၯ. ဘဢ္ဆဢ္ အတဿ္စဲဘူးလိာ္သးဒီး နီဿ္သိမီန႔ဢ္ မတၯမး တသ့ဢ္ညါ၀ဲဘဢ္.

နီဿ္သိမီစ့ဿ္ကီး ဖဲတဿ္ဖဲးခုးဖဲးသံဢ္၀ံၯ၀ဲအဆဿကတီဿ္ န႔ဢ္ဒီး ဒ္ပိာ္မုဢ္တဂၯ ဘူးထီဢ္ကဖ်ီအသး ဘဢ္မၯပာ္စဿၯ တဿ္ဒ္ ပစံးတဿ္အသိး ဘဢ္စုဢ္လီၯပာ္စဿၯ တကီဿ္ထံလဿ ၀ဢ္ပီၯပူၯ မ့တမ့ဿ္လဿမီလီပူၯ၊ ဘဢ္ပာ္ဖွိဢ္ထီဢ္ဘု ဧိၯဟုဧိၯ၊ ဒီးဘဢ္ဃုပာ္ တဿ္အီဢ္တဿ္အီ လဿအဂ့ၯတဖဢ္ စ့ဿ္ကီးလီၯ. ဘဢ္ဆဢ္အ၀ဲ တတဲပွၯနီတဂၯလဿ တဿ္တ့တဿ္ဖ်ီအဂ့ဿ္န႔ဢ္ဘဢ္ လီၯ.

မ့ဿ္လဿမိဿ္တဂၯ ထံဢ္၀ဲလဿ အဖိမုဢ္ဖံးတဿ္မၯတဿ္တဖဢ္ လီၯဆီဘဢ္အီၯအဃိ သတးဒီး သံကြဿ္၀ဲ ဖိမုဢ္ဒ္အံၯ လီၯ.

ႃႃဖိမုဢ္ဧဿ… ယကြဿ္နၯလီၯတိဿ္လီၯဆီ ဘဢ္ယၯ တဒ္သိးလဿညါခီဘဢ္ … နဖံးတဿ္မၯတဿ္ ၀ံၯခ်႕သဒံး … နမၯဃာ္ တကီဿ္ထံဒီးနပာ္ဖွိဢ္ ထီဢ္ဘုဧိၯဟုဧိၯအါနးလဲဢ္ … တဿ္လဿနမၯတ့ဿ္တဖဢ္အံၯ မိဿ္ပဿ္မ့ဿ္ပ်ဲမၯနၯမး နကဘဢ္မၯ၀ဲ တမ့ဿ္ဧဲဢ္… မိဿ္ပဿ္အတဿ္သးလီၯပလိာ္မ့ဿ္အိဢ္မး မူဒါအံၯနကဘဢ္မၯနဲယဿာ္ … နမၯပာ္တဿ္ တဖဢ္အံၯဖ်ါ၀ဲလဿ နကဖ်ီနသးဒီး ပွၯတဂၯဂၯလီၯ… ဘဢ္မႏုၯနတဲဖ်ါမိမိလဲဢ္.႗႗
ႃႃမိဧဿ… တယံာ္လဿၯဘဢ္ယကဖ်ီယသးလီၯ. တခ်ဳးယဖ်ီယသးဒီး ယၾကဿးဒုးသ့ဢ္ညါမိဿ္ဒီးပဿ္ခံဂၯန႔ဢ္ မ့ဿ္စဲဃဲၯလီၯ… ဘဢ္ဆဢ္ဒီး ယမ့ဿ္ပိာ္မုဢ္ဖိ တဂၯလဿအတလုဿ္သ့ဢ္ခါပတာ္ ပမုဿ္ပဃဲၯ နီတစုဘဢ္န႔ဢ္၊ မိသ့ဢ္ညါ ၀ဲကစီဒီတမ့ဿ္ဧဲဢ္…႗႗
ႃႃဖိမုဢ္ဧဿ… မ့မ့ဿ္သဿပ်ဿၯဒ္နစံးတ့ဿ္၀ဲအသိးဒီး၊ ဘဢ္မႏုၯနမၯဃာ္ တကီဿ္ထံန႔ဢ္လဲဢ္… ဘုဟုသ့ဢ္တဖဢ္ စ့ဿ္ကီး နပာ္ဖွိဢ္ဃာ္န႔ဢ္မ့ဿ္ အဂ့ဿ္ဒ္လဲဢ္… တဲဘဢ္မိတဘီမီဢ္…႗႗

နီဿ္သိမီတဲဘဢ္အမိဿ္တဿ္ဂ့ဿ္တဿ္က်ိၯတဖဢ္ တဆီဘဢ္တဆီတသးဒီး အမိဿ္ကနဢ္ထံကနဢ္ဆးခဲလဿာ္ခဲဆ့ ၀ံၯ၊ အသးလီၯပလိာ္၀ဲဒီး အဖိမုဢ္တကူဢ္သ့ဢ္ဒီး စံး၀ဲဒဢ္ -
ႃႃနမ့ဿ္ဖိမုဢ္လဿ အနဿ္လိၯဒီး ကူဢ္တဿ္သ့တဂၯလီၯ. မိနာ္နၯ လဿာ္လဿာ္ဆ့ဆ့လံ… ဖဲဒဢ္နသးလီၯ ဖိမုဢ္ဧဿ… မိဆဿထံဢ္ဘဢ္နၯ လဿတဿ္လဲၯထီဢ္လဲၯထီဆူညါခီဒီး၊ လဿပွဲၯ၀ဲဒီး တဿ္သူဢ္ဖွံသးညီထီဘိ န႔ဢ္လီၯ….႗႗

တဿဢ္ပီဢ္တဿဢ္ပီ၀ဲဒီး အမိဿ္၀ံၯဒီး၊ နီဿ္သိမီလဲၯထံဢ္ ထိဢ္ကံဢ္ဘီ၊ ဒီးဖးနံၯဖးသီ၀ဲတဿ္တ့တဿ္ဖ်ီ အမူး အမုဿ္နံၯ န႔ဢ္လီၯ.

တုၯမ့ဿ္အနံၯအသီတုၯ၀ဲန႔ဢ္ဒီး ထိဢ္ကံဢ္ဘီဒီး အတံၯသကိးတဖဢ္ လဲၯ၀ဲဆူ နီဿ္သိမီသ၀ီဒီး၊ ဒိးတ့ဒိးဖ်ီအသး တကူဢ္သ့ဢ္လီၯ. တနံၯန႔ဢ္ ဒူသ၀ီဖိ မုဢ္မုဢ္ခြါခြါ ပာ္မုာ္ပာ္လၯ၊ အိဢ္ဒီးတဿ္သူဢ္ဖွံသးညီ၊ ဂဲၯကလံဢ္ပ်ီဿ္ကဒီ တဖဢ္လီၯ. ပွၯကမ်ဿဿ္ဟဲ၀ဲ ဖဲမူးဖးဒိဢ္တဘ်ီအံၯ အါအါဂီဿ္ဂီဿ္ဒီး အီဢ္အီဘဢ္ တဿ္အီဢ္တဿ္အီ လဿပွဲၯဂ့ၯမး န႔ဢ္လီၯ. နီဿ္သိမီမၯတ့ဿ္ဃာ္ တကီဿ္ထံ လဿလဿပွဲၯပွဲၯ လဿပွၯကိးဂၯဒဲး အဂီဿ္အဃိသတးဒီး၊ ပွၯဟဲအီဢ္မူး တဖဢ္ မုာ္သူဢ္မုာ္သး၀ဲ ဒိဢ္ဒိဢ္ကလဲာ္စ့ဿ္ကီးန႔ဢ္လီၯ.

မ့မ့ဿ္နီဿ္သိမီအပဿ္တဂၯန႔ဢ္ဒီး၊ သူဢ္ဒိဢ္သးဖ်ိး၀ဲ အဖိမုဢ္နီဿ္သိမီ၊ မ့ဿ္လဿ အဲဢ္ဒိးဒုးဖ်ီ၀ဲဒီး ပိာ္ခြါအဂၯတဂၯန႔ဢ္ အဃိလီၯ. အပဿ္ဘဢ္အသးလဿ အဖိမုဢ္ကဟံးဒီး ဖိဢ္ဃဲတဂၯလဿအလိၯဘဢ္ဒီး အမဲာ္န႔ဢ္လီၯ. ထိဢ္ကံဢ္ဘီ ဖ်ီအသးဒီး နီဿ္သိမီ၀ံၯဘဢ္ဆဢ္ ပဿ္တဂၯအံၯ တအဲဢ္ဒိးနီတစဲးဘဢ္. မ့ဿ္လဿ အသးအိဢ္ဒံး၀ဲလဿ ဖိဢ္ဃဲတဂၯ န႔ဢ္အဖီခိဢ္သတးဒီး ရ့၀ဲဒီး ဖိဢ္ဃဲ၊ ဒီးဃု၀ဲ ထိဢ္ကံဢ္ဘီ အတဿ္ကမဢ္ ထီဘိန႔ဢ္လီၯ.

အိဢ္၀ဲပွဲၯထီဢ္တနံဢ္ အဆဿကတီဿ္န႔ဢ္ဒီး နီဿ္သိမီအပဿ္ကိးထီဢ္ ဖိဢ္ဃဲလဿ အဘဢ္န႔ဿ္၀ဲအသးတဂၯန႔ဢ္၊ လဲၯသကိး၀ဲဆူ သ၀ီအဃဿၯဖဲထံက်ိ ဖိအိဢ္၀ဲန႔ဢ္ဒီး တ့ထီဢ္၀ဲတနီးတခိဢ္န႔ဢ္လီၯ. လဿခံတနံၯတခ်ဳး ပွၯဟံဢ္ဖိ မံတပဿဿ္ထီဢ္ဒံးဘဢ္ အဆဿကတီဿ္ဂီၯဂီၯအခါ လဲၯကြဿ္၀ဲတနီးန႔ဢ္ဒီး၊ ထံဢ္ဘဢ္၀ဲညဢ္ဖိတဖဢ္ဒီး ညဢ္ပ်ၯ တဘ့ဢ္လီၯဘဢ္၀ဲဖဲ တနီးပူၯန႔ဢ္လီၯ. မ့ဿ္လဿထံဢ္ဘဢ္၀ဲ ညဢ္ပ်ၯ တဘ့ဢ္အဃိ သူဢ္ခုသးခု၀ဲဒီး ဖီဢ္ဘံဃာ္၀ဲဒီး ထဲကူယာ္က့ဖိတက့ ၀ံၯပ်ဿ္လီၯကြံာ္၀ဲဖဲ ညဢ္ဖိတဖဢ္အက်ါန႔ဢ္၊ ဒီးဟဲက့ၯ၀ဲဆူ ဟံဢ္ကစုဒုန႔ဢ္လီၯ.

မုဿ္ဆ့ဢ္ထီဢ္ဒီး မဿထိဢ္ကံဢ္ဘီလဲၯဆူ တနီးပူၯ၊ ဒ္သိးကဟဲက့ၯစိာ္ ညဢ္န႔ဢ္လီၯ. ထိဢ္ကံဢ္ဘီ၀ံထီဢ္၀ဲကု တဖ်ဿဢ္ဒီး လဲၯ၀ဲလီၯ. ဖဲတနီးပူၯထံဢ္၀ဲထဲ ညဢ္ျပံဖိတဖဢ္ နာ္သက့၊ ထံဢ္၀ဲစ့ဿ္ကီး ညဢ္ပ်ၯဖိတဘ့ဢ္ ဘဢ္တဢ္ ဘံဃာ္အီၯဒီး ထဲကူယာ္က့ဖိတက့ န႔ဢ္လီၯ. ထိဢ္ကံဢ္ဘီ ဆိကမိဢ္ ထီဢ္၀ဲလဿ တဿ္ဂ့ဿ္ကအိဢ္၀ဲတမံၯ အဃိ သတးပ်ဿ္ကြံာ္၀ဲညဢ္ပ်ၯန႔ဢ္ဒီး ဟဲက့ၯစိာ္၀ဲထဲ ညဢ္ဖိျပံတဖဢ္လီၯ.

အမံၯပွဿ္သံကြဿ္အီၯဒီး စံးဘဢ္၀ဲလဿ န႔ဿ္ဒဢ္ထဲညဢ္ဖိျပံတဖဢ္န႔ဢ္လီၯ. လဿခံတဂီၯ အမံၯပွဿ္လဲၯကဒီး ဆူတနီး န႔ဢ္ဂီၯဂီၯကဒီး၊ ပ်ဿ္ကြံာ္၀ဲညဢ္ဖိျပံတဖဢ္၀ံၯ၊ ပာ္တ့ဿ္၀ဲထဲ ညဢ္ပ်ၯ တဘ့ဢ္ဧိၯန႔ဢ္လီၯ. ဖဲထိဢ္ကံဢ္ဘီ မံပဿဿ္ထီဢ္ ဒီးမဿအလဲၯဟံးန႔ဿ္ကဒီး ညဢ္လဿတနီးပူၯန႔ဢ္လီၯ.

လဲၯတုၯ၀ဲဆူတနီးပူၯ၊ ဒီးထံဢ္၀ဲထဲညဢ္ပ်ၯ တဘ့ဢ္အဃိ၊ ထိဢ္ကံဢ္ဘီသ့ဢ္ညါအသးလဿ အမံၯပွဿ္ကူဢ္က့ဢ္ အီၯလံန႔ဢ္လီၯ. ဘဢ္ဆဢ္လဿ အသးပူၯ၊ တဿ္အံၯတမ့ဿ္လဿၯတဿ္အညီ ကီးဘဢ္ … မ့ဿ္နီဿ္သိမီစ့ဿ္ကီး သ့ဢ္ညါ၀ဲဘဢ္ဆဢ္ တတဲယၯဘဢ္ဧါ … မဟါတနံၯ၊ ယတဲဘဢ္အီၯလဿ တဿ္လီၯဆီဘဢ္ယၯ ဖဲတနီးပူၯ အဂ့ဿ္ သနာ္က့၊ အ၀ဲကိးပဿဿ္ထီဢ္ယၯ၊ ဒီးမဿယလဲၯဟံးန႔ဿ္ညဢ္ဒံးလီၯ. .. တဿ္လဿအ၀ဲမဿ ဖိဢ္ဃဲမၯန႔ဿ္အီၯ တဿ္မၯ တဖဢ္၊ ဖိဢ္ဃဲမၯ၀ဲ လဿလဿပွဲၯပွဲၯလီၯ…. မ့ဿ္တအဲဢ္ယၯလဿၯဘဢ္ဧါ … အဿဢ္၊ နလီၯအဲဢ္လီၯကြံဘဢ္ယၯ နးမးသနာ္က့ … လဿနသးပူၯတခီအဿနးမးလဲဢ္… တဿ္က့ဢ္သဿကလုာ္န႔ဢ္… ကမ့ဿ္မးပိာ္မုဢ္ ဒ္နၯအံၯအသိး ဧဢ္သဿဢ္… ဟဿဢ္အဿ၊ မ့ဿ္နအဿ လဿယဖီခိဢ္နးမးလဲဢ္ နီဿ္သိမီဧဿ… အိ၊ နအဿမ့ဿ္သ့၊ ယအဿသ့စ့ဿ္ကီးလီၯ… ဒ္ထြံဢ္ဒီးသဢ္မံယီၯအသိး…. နမ့ဿ္အ့ဢ္ယၯဒီး ယက၀ာ္က့ၯ နမဲာ္လီၯသဿဢ္. …

ထိဢ္ကံဢ္ဘီ အတဿ္ဆိကမိဢ္တဖဢ္အံၯ ဟဲအိဢ္ထီဢ္၀ဲလဿ အသးပူၯသနာ္က့ အတဿ္ဆိကမိဢ္လဿ အဂၯတမံၯ လဿအသိဢ္က့ၯသီက့ၯအီၯ…. ထိဢ္ကံဢ္ဘီဧဿ… နထိဢ္သႀတီၯနသးဒီး အီၯန႔ဢ္ မ့ဿ္အၾကဿး အဘဢ္၀ဲစ့ဿ္ကီးဧါ… ဆိကမိဢ္လီၯနသး ထံထံဆးဆး တက့ဿ္မီဢ္…. နတဿ္ဆိကမိဢ္ဆိကမး တဖဢ္န႔ဢ္၊ မ့ဿ္အဘ်ဳးအဖွိဢ္အိဢ္၀ဲလဿ နဂီဿ္ တမံၯမံၯစ့ဿ္ကီးဧါ…. ဖဲထိဢ္ကံဢ္ဘီအတဿ္ဆိကမိဢ္ ဟဲပဿဿ္ထီဢ္ တမံၯဘဢ္ တမံၯအဖဿမုဿ္ န႔ဢ္ဒီး၊ ထိဢ္ကံဢ္ဖိတဘ့ဢ္ယူၯကပာ္အီၯ၊ ကိးထီဢ္၀ဲ ကၯကဲ …ကဲ၊ ကရကဲ… ကဲ၊ ဒီးအ၀ဲ ကြဿ္ထီဢ္၀ဲဒီး သ့ဢ္နီဢ္ထီဢ္ နီဿ္သိမီစံးကတိၯတ့ဿ္တဿ္တဖဢ္လီၯ.

ထိဢ္ကံဢ္ဖိဧဿ… နနိးဖိဂီၯ… နမိဿ္ပွဿ္အဆူဢ္ဖိတခီ လါဟ့၀ဲ… မ့ဿ္နဃံလၯဒီး လီၯအဲဢ္လီၯကြံ ထဲထဲအံၯ ဘဢ္မႏုၯလဲဢ္… ယဖီဢ္နၯ မ့ဿ္န႔ဿ္န႔ဢ္မီဢ္…. ယအဲဢ္ဒိးဘုဢ္ဃာ္နၯဖဲ ယဟံဢ္န႔ဢ္လီၯ.

ထိဢ္ကံဢ္ဖိဧဿ… ဘဢ္မႏုၯ နမၯလီၯဘွံးနသးဒ္အံၯလဲဢ္ … နမ့ဿ္ဒိးဖီဢ္လီၯနသးဆိဆိ န႔ဢ္နတလီၯဘွံးစ့ဿ္ကီး ဘဢ္… ယဲဒဢ္စ့ဿ္ကီး ကသးခုဘဢ္ဆိဆိ တမ့ဿ္ဧဲဢ္… အဃိသတးဒီး ထိဢ္ကံဢ္ဘီသ့ဢ္ညါဒီး နဿ္ပဿဿ္က့ၯ၀ဲ လဿအမါသးဘိ နီဿ္သိမီ အံၯမ့ဿ္မး ပိာ္မုဢ္တဂၯလဿ အသူဢ္ဂ့ၯသး၀ါ န႔ဢ္ဒီး…

ယတဿ္ဆိကမိဢ္တဖဢ္အံၯ ကမဢ္လံဧါသဿဢ္… ယမါသးဘိ နီဿ္သိမီအံၯ မ့ဿ္မးပိာ္မုဢ္တံဿ္နီဿ္ တဂၯစဲဃဲၯလီၯ.. အ၀ဲဟံးဒီးယၯန႔ဢ္ တမ့ဿ္အမိဿ္အပဿ္ အတဿ္ရဲဢ္၀ဲက်ဲၯ၀ဲ ဘဢ္… မ့ဿ္ဒဢ္ အကစဿ္ဒဢ္၀ဲ အတဿ္ရဲဢ္က်ဲၯ၀ဲ န႔ဢ္လီၯ.. မ့ဿ္မးပိာ္မုဢ္လဿ အလဿပွဲၯ၀ဲဒီး တဿ္ဆိကမိဢ္ ဆိကမးတဂၯ ယစံးယဲဒဢ္သ့လီၯ. …

ဆိကမိဢ္ထီဢ္၀ဲ တဿ္အဲဢ္တဿ္ကြံလိာ္သးသ့ဢ္တဖဢ္ဒီး တဿ္သူဢ္ဖွံသးညီလဿ ဒီမါ၀ၯခံဂၯခီဖ်ိ တ့ဿ္လံ၀ဲတဖဢ္ ဒီး တဿ္သူဢ္အုးသးအုးလီၯဘဢ္အီၯ တုၯဒဢ္လဲာ္ အမဲာ္ထံယြၯလီၯ၀ဲဒဢ္လီၯ.

(ခိးကြဿ္လဿ္အကူာ္ ခံ)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္....

Posted in: ပူသနဿဢ္