ကညီ ဘဢ္ကီဘဢ္ခဲလဿအလဲၯတုၯဆူ ကီဿ္ယပဢ္တဖဢ္ အဲဢ္ဒိးဟဲက့ၯ ကဒါက့ၯ

ကညီဖိလဿအလဲၯတုၯလဿကီဿ္ယပဢ္ ကဘီယူၯပ်ီ


ကညီဘဢ္ကီဘဢ္ခဲလဿအအိဢ္လဿတဿ္ကဟုကယာ္အလီဿ္လဿ ကီဿ္ယပဢ္အပူၯတဖဢ္စံး၀ဲလဿ အ၀ဲသ့ဢ္အဲဢ္ဒိး ဟဲက့ၯကဒါက့ၯဆူ ဘဢ္ကီဘဢ္ခဲဒဲက၀ီၯလဿအအိဢ္လဿ ကီဿ္ကႜီဢ္တဲဢ္အပူၯ န႔ဢ္လီၯ. ဘဢ္မႏုၯအဃိလဲဢ္န႔ဢ္ လဿအ၀ဲသ့ဢ္အတဿ္ဖံးတဿ္မၯအပူၯ နံၯသဘ်႕လဿအ၀ဲသ့ဢ္အဂီဿ္တအိဢ္ဘဢ္ တကးဘဢ္ အ၀ဲသ့ဢ္အခါဆူညါအဂီဿ္ တဘဢ္လီဿ္ဘဢ္စး ဘဢ္အဃိ အ၀ဲသ့ဢ္အဲဢ္ဒိးဟဲက့ၯ ကဒါက့ၯ န႔ဢ္လီၯ.

ပွၯလဿအအဲဢ္ဒိးဟဲက့ၯတဖဢ္မ့ဿ္ ကညီဘဢ္ကီဘဢ္ခဲဖိလဿ အလဲၯဆူကီဿ္ယပဢ္ဖဲ ၂၀၁၀ အပူၯ တဖဢ္န႔ဢ္လီၯ. ပွၯဘဢ္မူဘဢ္ဒါလဿ မဲဿ္လးဒဲက၀ီၯတဂၯစံး၀ဲလဿ ၂၀၁၀ လါစဲးပထ့ဘဿဢ္အပူၯ ပွၯဘဢ္ကီဘဢ္ခဲဖိလဿအအိဢ္လဿ မဲဿ္လးဒဲက၀ီၯတဖဢ္ လဲၯ၀ဲဒဢ္အခီဢ္ထံးကတဿဿ္တဖုမ့ဿ္ပွၯ ၂၇ ဂၯ‚ ဒီးခံဖုတဖု မ့ဿ္၀ဲ ဖဲ ၂၀၁၁ လါစဲးပထ့ဘဿဢ္အပူၯ ဒီးပွၯလဲၯ ခဲလဿာ္မ့ဿ္ ၁၈ ဂၯန႔ဢ္လီၯ.

ပွၯလဿအလဲၯတုၯလဿကီဿ္ယပဢ္တဖဢ္ ပွၯဘဢ္မူဘဢ္ဒါဖဲန႔ဢ္တဖဢ္ ပာ္အ၀ဲသ့ဢ္လဿ တဿ္လီဿ္ခံတီၯလဿအမ့ဿ္ ၀့ဿ္တိဢ္ကႜိဢ္ မံၯယၯကဢ္ ဒီး ခႜံၯဘၯကဢ္ ဘဢ္ကီဘဢ္ခဲဒဲက၀ီၯတဖဢ္ အပူၯန႔ဢ္လီၯ. ပွၯဘဢ္ကီဘဢ္ခဲဖိလဿ အလဲၯတုၯလဿကီဿ္ယပဢ္တဖဢ္ အခီဢ္ထံးဃုလါန႔ဢ္ ပဒိဢ္ကြဿ္ထြဲအ၀ဲသ့ဢ္ ဟ့ဢ္အ၀ဲသ့ဢ္တဿ္လဿ အ၀ဲသ့ဢ္ လိဢ္ဘဢ္၀ဲတဖဢ္န႔ဢ္လီၯ.

န႔ၯစီကႜီဢ္စ့ဢ္ လဿအလဲၯတုၯဖဲန႔ဢ္တဂၯစံး၀ဲလဿပွၯလဿအလဲၯတုၯသီတဖဢ္ ပဒိဢ္ဟ့ဢ္အ၀ဲသ့ဢ္ ပွၯသးပွဿ္န႔ဢ္ တနံၯ ယပဢ္ယြါ ၁၅၀၀ ဒီး ဖိသဢ္န႔ဢ္တနံၯ ယပဢ္ယြါ ၇၅၀ န႔ဢ္လီၯ. သိဢ္လိဃုာ္စ့ဿ္ကီး ယပဢ္အက်ိာ္ ဒီး တဿ္အဂၯသ့ဢ္တဖဢ္ဒ္တဿ္လိဢ္အဖီခိဢ္အသိးန႔ဢ္လီၯ. ဃုလါ၀ံၯအလီဿ္ခံ ကဘဢ္ႏုာ္လီၯမၯတဿ္န႔ဢ္လီၯ. အါတက့ဿ္န႔ဢ္ ကဘဢ္မၯတဿ္လဿတဿ္သူဢ္တဿ္ဖ်းတကပၯ န႔ဢ္လီၯ. ဘဢ္စးထီဢ္မၯတဿ္ဒ္ ပွၯမၯလိသီတဿ္ဖိတဂၯအသိးလီၯ. နံၯလဿကအိဢ္ဘွံးအဂီဿ္တအိဢ္ဘဢ္. တလါန႔ဢ္ဒိးန႔ဿ္ဘဢ္ ယပဢ္ယြါ တကလီဿ္ခံကလး န႔ဢ္လီၯ. လဿပွၯတနီၯ အဂီဿ္ တဿ္မၯမ့ဿ္ တဿ္မၯလဿအဃဿအဃိ မၯ၀ဲတကဲလဿၯဘဢ္ ဒီးအဲဢ္ဒိးဟဲက့ၯ၀ဲန႔ဢ္လီၯ. လဿပွၯတနီၯအဂီဿ္ တခီ ပွၯယပဢ္ဖိတဖဢ္ အတဿ္ဆဲးတဿ္လၯ တလီၯဂာ္ဒီး အ၀ဲသ့ဢ္ဘဢ္အဃိ အဲဢ္ဒိး ဟဲက့ၯ၀ဲဒဢ္န႔ဢ္လီၯ.

မဲဿ္လးဒဲက၀ီၯကမံးတံာ္ အက်ါတဂၯစံး၀ဲလဿ ခဲကဿာ္တနံဢ္ ၂၀၁၂ နံဢ္ န႔ဢ္ ကီဿ္ယပဢ္ပဒိဢ္ ကကိးအါထီဢ္ပွၯ လဿမဲဿ္လးဒဲက၀ီၯန႔ဢ္ အဂၯ ၃၀ န႔ဢ္လီၯ. တကးဒံးဘဢ္ ကကိးစ့ဿ္ကီး၀ဲပွၯလဿ အူးပႜဢ္ဒဲက၀ီၯအပူၯ ခီဖ်ိ UNHCR စ့ဿ္ကီးန႔ဢ္လီၯ.

(ဟံးန႔ဿ္ကြဲးက်ိာ္ထံအီၯလဿ ေရႊဟသာၤသတင္းဌာန အပူၯန႔ဢ္လီၯ)

Posted in: တဿ္ကစီဢ္