မ့မ့ဿ္ခရံာ္န႔ဢ္ ကဃုဖ်းစတံး (Plastic) ထဿဢ္ဧါ. (ဖုရိလဲအတဿ္လဲၯခီဖ်ိ

တဘ်ီန႔ဢ္ ပွၯလိၯတဂ့ၯဘဢ္တဂၯ ဟဲႏုာ္လီၯဆူယအိဢ္ ဟံဢ္ကရဿဿ္ပူၯ ကြဿ္ထီဢ္ယမဲာ္ဒီး ကတိၯ တဿ္ဒီးယၯလီၯ. မ့ဿ္လဿယနဿ္ဃဿအဃိ‚ ယတနဿ္ဟူ အတဿ္ကတိၯဘဢ္. ဘဢ္ဆဢ္ဒီး ယထုးထီဢ္စ့ဖိ ၅ ဘးဒီး ဟ့ဢ္လီၯအီၯ ဘဢ္ဆဢ္ အ၀ဲဂံၯဂုၯအခိဢ္ ဒီးတတူဿ္လိာ္ဘဢ္. ယကနဢ္ထံ က့ၯအတဿ္ကတိၯ‚ ဒီးစံး၀ဲ‚ ၀ံသးစူၯဒုးအီဢ္ယၯလဿ နမ့ၯဆြံ တစဲးမီဢ္‚ တဿ္သဢ္၀ံၯ ယသးဒိဢ္မး လီၯ. ယတအီဢ္ဘဢ္မ့ၯလဿ မဟါလံၯလံၯလံ.

လီၯဂာ္ဒ္ တဿ္သးကညီၯ ဘဢ္အီၯ ဟဲထီဢ္လဿ ယပူၯတစဲးအသိး ဒီးယဂဲၯဆဿထဿဢ္ ဒီးဃု ဖးစတံးထဿဢ္ဖိ ဒ္သိး ယကပဿႏုာ္ န႔ဿ္အီၯ မ့ၯလီၯ. ဆဿကတီဿ္အခါန႔ဢ္ မ့ဿ္လဿ ဖ်းစတံး ပဿဿ္ထီဢ္သီဒီး တအါဒံးဘဢ္အဃိ ယဃု၀့ၯ၀ီၯနာ္က့ ယတထံဢ္နီတဖ်ဿဢ္ဘဢ္. သတူဿ္ကလာ္ တဿ္သံကြဿ္ဟဲပဿဿ္ထီဢ္ လဿယပူၯ‚ မ့မ့ဿ္ခရံာ္န႔ဢ္ ကဃု၀့ၯ၀ီၯဖ်းစတံးထဿဢ္ဧါ. တဘ်ီဃီ ယကိးယဖိဒီး ယမါ ဒီးစံး‚ ဖိသ့ဢ္လံၯသ့ဢ္ဧဿ‚ ဟဲစိာ္ခးအီဢ္မ့ၯ‚ ဟဲစိာ္မ့ၯ‚ ဟဲစိာ္သုကသူ‚ ဟဲစိာ္ တဿ္လဿအအိဢ္သမႜး‚ ထံအီ‚ တဿ္ထြါစု ဒီးဒုးအီဢ္ဒီပုဿ္၀ဲဿ္ တဂၯအံၯ အမ့ၯတဘီ.

အ၀ဲတအီဢ္ဘဢ္မ့ၯလဿ မဟါကဿာ္လံၯလံၯလံ. လီၯဂာ္လဿ တဿ္သးကညီၯ ဘဢ္အီၯဟဲႏုာ္ စ့ဿ္ကီးလဿ ယဖိယလံၯယဖိယမါ အသးပူၯ ဒီးဟဲပာ္လီၯ တဿ္လဿ အအိဢ္သမႜး လီၯ. ယစံး - ဒီပုဿ္၀ဲဿ္ဧဿ‚ ဟဲထီဢ္…
အ၀ဲဟဲတဘူဢ္ဘဢ္. လီၯဂာ္ယီဢ္ဘဢ္ယၯ (အားနာ) ယၯလီၯ. ယစံး တဘဢ္မဲာ္ဆွး ကီသး တဂ့ၯ. ဟဲထီဢ္တက့ဿ္. ယကိးအီၯသပွဿ္ပွဿ္မး အ၀ဲဟဲထီဢ္ ကယီကယီလဿ တဿ္ယူးယီဢ္ ပာ္ကဲ အပူၯလီၯ.
ယစံး… ၀ံသးစူၯအီဢ္တဘီ… ဒီးအီဢ္၀ဲလီၯ.

ယသ့ဢ္ညါလဿ တဿ္သဢ္၀ံၯအသး ဖးဒိဢ္လီၯ. ယကြဿ္အီဢ္မ့ၯ ဘဲဘဢ္ယၯ ကိးမီဒဲးလီၯ.
အီဢ္မ့ၯအီထံ၀ံၯ‚ ယကြဿ္ထံအမဲာ္‚ မ့ဿ္တဘ်႕တဆွီနာ္က့‚ အမဲာ္အတဿ္လီၯအဲဢ္လီၯကြံ အိဢ္ဘဢ္ယၯတခါလီၯ. အ၀ဲကြဿ္ဃီၯယမဲာ္‚ လဿတဿ္သးမုာ္အပူၯ စံးတဿ္ဘ်ဳးဒိဢ္မး‚ မၯသးဒ္ ယတဿ္သးအိဢ္အီၯအါထီဢ္လီၯ. ယထုးထီဢ္စ့ ၁၀ ဘးဒီး ဟ့ဢ္လီၯအီၯလီၯ. အ၀ဲဆူးလီၯအခိဢ္ ဟ့ဢ္ယၯတဿ္ယူးယီဢ္ဒီး က့ၯလီၯ.

ယကြဿ္ထြဲအခံ‚ မၯသးဒ္ တဿ္သးမုာ္ ဟဲႏုာ္လဿယပူၯ‚ တဿ္အံၯမ့ဿ္ မူခိဢ္ဟဲလီၯ အိဢ္သကိး ပဟံဢ္ပဃီဧါ. ဟဲပ်ိာ္လဲအသးဒ္ ပွၯဘဢ္ဆူးဘဢ္ဆါ ပွၯဘဢ္နးဘဢ္ဖွီဢ္ အသိးဧါ.

တဿ္အိဢ္ထီဢ္လဿယသးပူၯတခါ‚ ယတဿ္ဟ့ဢ္မၯစဿၯ ပွၯလိၯတဂ့ၯ လဿအပူၯကြံာ္တဘ်ီ ၅ ဘး ဒ္ပွၯကညီအတဿ္မၯစဿၯ လိာ္အသး (လူမွႈေရး) မ့တဿ္တမံၯ‚ မ့မ့ဿ္တဿ္မၯစဿၯအီၯလဿ တဿ္သူဢ္အိဢ္သးအိဢ္နီဿ္နီဿ္ မ့ဿ္တဿ္တမံၯဒဢ္‚ အတယဿဿ္ဃဿလီၯဆီ မးလဲဢ္. ဒီးယသ့ဢ္နီဢ္ ထီဢ္ခရံာ္ အတဿ္ကတိၯ -
ယသးအိဢ္လီၯ. မ္နကဆွီထီဢ္တက့ဿ္. မဿ္ ၁း၄၁. အိ.. မ္နဟ့ဢ္အါထီဢ္ပွၯ နသးအံၯတက့ဿ္.

တဿ္ဃ့ကညးက့ၯပွၯဂၯအဘ်ဳး
တဿ္မၯလိ အါမံၯအက်ါ တဿ္မၯလိတဿ္ဃ့ကညး က့ၯပွၯဂၯ မ့ဿ္တဿ္မၯလိလဿ အဒိဢ္မး တခါလဿ ယဂီဿ္လီၯ. တဘ်ီန႔ဢ္‚ ယကီဿ္ခိဢ္သရဢ္သးပွဿ္ ကိးယၯဒီး‚ သရ႔ဢ္ကႜ႔မ္စ္ လဿပကလဲၯ ပာ္စီဆွံ သကိးသ့ဢ္ကါညံဢ္နီဢ္ အသရိာ္လီၯ.

အ၀ဲပာ္အသးလဿ ကလဲၯလဿပွဿ္အက်ဲဆူ သ၀ီပံဿ္တခး‚ ဒီးလဲၯသကိးဒီးသရဢ္ ဒိဢ္မိၯရွ႕လီၯ. မ့မ့ဿ္ပ၀ဲခံဂၯ န႔ဢ္မဿပလဲၯလီၯဆူ ၀့ဿ္မီဢ္လမႜဲဢ္ ကိးသရဢ္သဢ္မႜး ကီဿ္နဲဢ္ရြဲဢ္‚ သရဢ္ဒိဢ္ဖိ၀့‚ ဒီး လဲၯထီဢ္ဆူကီးတရံး ကိးသရဢ္ဒိဢ္ဖ့ဢ္ခႜံး လဿၾကဳဿ္တုခံဒီး လဲၯထီဢ္ဆူ ကီးတရံး ကိးသရဢ္အဲမရ့ဢ္ ဒီးလဲၯလဿသိလ့ဢ္ဆူ သ့ဢ္ကါညံဢ္နီဢ္လီၯ.

ပလဲၯတုၯဖွိဢ္ဖဲ ကီးတရံး ဒီးပဒိးသန႔ၯ ပသးလဿ ပဒိဢ္မါစီည့ လဿကသုးက်ဲၯန႔ဿ္ပွၯ သိလ့ဢ္ဒီး ပဒိဢ္မါစီည့ လဿတဿ္သးအိဢ္မၯစဿၯ ပွၯအပူၯ သုးက်ဲၯန႔ဿ္ပွၯသိလ့ဢ္ဂ့ၯဂ့ၯလီၯ. ဘဢ္ဆဢ္ဒီး ဖဲဟါခီလီၯ ၇ နဢ္ရံဢ္ န႔ဢ္ပဒိဢ္ မါစီည့ ဟဲဒုးသ့ဢ္ညါ က့ၯပွၯလဿ သါသးအုး ဒိဢ္မးလဿ တဿ္ဒုး ကဲထီဢ္လဿက်ဲလဿပကလဲၯအဃိ သုးတပ်ဲ လဲၯလဿၯသိလ့ဢ္နီတခိဢ္ ဘဢ္.

တဿ္ကီလံ - ပမၯတဘဢ္လဿၯဘဢ္. အိဢ္က့ၯဒဢ္ ပဘဢ္ဟဲက့ၯဒီး ခိးလီၯက့ၯ ကီဿ္ခိဢ္ သရဢ္ သးပွဿ္အခိဢ္ဒီး တဲနဿ္ပဿဿ္က့ၯအီၯလီၯ.

သရဢ္ကႜ႔မ္စ္ ဒီးယၯ ဟဲက့ၯဆူ တဿ္ၾကဲဿ္ဒီး အိဢ္ခိးက့ၯ ကီဿ္ခိဢ္လီၯ. တုၯအ၀ဲဟဲက့ၯတုၯ ဒီးပလဲၯဆူအဟံဢ္ လဿပကတဲနဿ္ပဿဿ္က့ၯအီၯ ဒီးဃ့ကညးက့ၯအီၯလီၯ. ပလဲၯတုၯ အဟံဢ္ - ယီဿ္လီၯဃီသြါ - ထံဢ္ပွၯတဘ်ီဃီဒီးစံး‚ ဟဲထီဢ္ယဃီတဂ့ၯ. ယတအဲဢ္ဒိးထံဢ္သုမဲာ္ဘဢ္. ဘဢ္ဆဢ္ ပလဲၯထီဢ္ဆ့ဢ္နီၯလဿ လီဿ္ဆ့ဢ္နီၯဖးထီအလိၯ လီၯ. အ၀ဲက့ၯႏုာ္ဆူအဒဿးပူၯ‚ ကးတံာ္ ပဲႀတီဒီး တဟဲထီဢ္လဿၯဘဢ္. ပအိဢ္ခိး တနဢ္ရံဢ္ တဟဲထီဢ္လဿၯဘဢ္အဃိ သရဢ္ကႜ႔မ္စ္ အတဿ္မၯအိဢ္အဃိ က့ၯဆူပံဿ္တခး ဒီးယဟဲက့ၯဆူ ဟံဢ္လီၯ. ယသးတမုာ္ဘဢ္. သီတနၯက်ဿၯ ယမံတန႔ဿ္ဘဢ္. မ့ဿ္ဆ့ဢ္ထီဢ္ ယလဲၯကဒီးလီၯ. ယတုၯအဃီခီဢ္ထံး‚ ဘဢ္ဖဲ အ၀ဲဟဲထီဢ္‚ ကြဿ္လီၯယၯဒီးစံး - ဟဲကဒီးကးလံဧါ.
ယစံး - ဟဲကဒီးကးလံ.

အ၀ဲက့ၯႏုာ္ကဒီးဆူ အဒဿးပူၯ‚ ကးတံာ္ဃာ္ပဲႀတီလီၯ. တဿ္ကီလံ. မ့ဿ္ကမၯကဒီးဒ္ မဟါ အသိးဧါ. ဘဢ္ဆဢ္ ယပာ္လီၯယသး ယတဃ့ကညးဘဢ္အီၯ သမႜး ယတက့ၯဘဢ္. မ့ဿ္ဘဢ္ကီၯ ၀ံၯမ့ၯ ယကကီၯ၀ံၯလီၯ. မ့ဿ္ဘဢ္မံဖဲ ခးဖးထီအံၯ အလိၯ ယကမံလီၯ. ကယံာ္ ၁၀ မံးနံး‚ အ၀ဲဟဲ ထီဢ္စိာ္ဒီးခႜဲဖိတဖ်ဿဢ္ ဒီးလဲၯဆူ ဖဢ္ကပူၯတခီ - တစိဿ္ဖိ အ၀ဲဟဲစိာ္လာ္ဖးထံ လဿခြးဖးဒိဢ္ လဿကႀတီဿ္လာ္ဖးထံ ဃုခြး‚ ပာ္လီၯလဿယမဲာ္ညါဒီးစံးယၯ အီ - ယဖီဢ္အစု တဘ်ီဃီ ဒီးစံး‚ သရဢ္သးပွဿ္ဧဿ‚ နမ့ဿ္တ၀ံသးစူၯယၯ‚ နမ့ဿ္တပ်ဿ္ယတဿ္ကမဢ္‚ ယတအီဘဢ္.

အ၀ဲစံး - ၀ံသးစူၯမးဧဿ‚ ပကဲပွၯကညီ ပကမဢ္ဒဢ္တဿ္ထီဘိလီၯ. တဿ္လဲၯတဿ္က့ၯ တဘ်ီအံၯ‚ နတဿ္ကမဢ္တအိဢ္ဘဢ္. တဿ္ဘဢ္မၯအသးဒ္န႔ဢ္‚ ပမၯဘဢ္ဧါ. တဲလဿၯတဂ့ၯ. အီထံခ်ီတခီ.
ယစံး - သရဢ္သးပွဿ္‚ ယလဲၯတတုၯအဃိ ၀ံသးစူၯတဲဘဢ္က့ၯယၯ တဿ္ပာ္စီဆွံသရိာ္အဂ့ဿ္ တက့ဿ္. အ၀ဲတဲဘဢ္ယၯ‚ ယဒိကနဢ္ မၯမုာ္ယသးဒိဢ္မး‚ ယကြဿ္လီၯယလာ္ဖးထံ တခြးလဿာ္ ဆံးယံာ္မး ယတသ့ဢ္ညါခ်ဳးဘဢ္. ယဒိဢ္ထီဢ္တစိၯအံၯ ယအီလာ္ဖးထံ ဃုခြးလဿာ္ ဒဢ္တဘ်ီ ညါအံၯလီၯ. လဿာ္ပွဲၯန႔ဢ္နာ္က့ ယတသ့ဢ္ညါ လဿယဟဿဖဿ ကးဘဢ္. တစိဿ္ဖိယစံး‚ ယကက့ၯလီၯ.
စံး၀ဲ - အီဢ္မ့ၯ၀ံၯမးက့ၯသဿဢ္
ယစံး - ယတအီဢ္မ့ၯလဿၯဘဢ္. အီလာ္ဖးထံဘဢ္လံ.
အ၀ဲစံး - အိဢ္ခိးမီကိာ္
က့ၯႏုာ္လဿအဒဿးပူၯတစိဿ္ဖိ ဟဲထီဢ္စိာ္ တဿ္ႏုဿ္ထံခံဒဿ‚ အံသဢ္ဆဿ ၅ ရြဲၯဒီး စံးက့ၯစိာ္ န႔ဿ္နမါ. ယစံးဘ်ဳးဟံးစုကြဿ္မဲာ္ အီၯ၀ံၯ က့ၯလဿ တဿ္သးခုလီၯ.
စးထီဢ္ဖဲန႔ဢ္ ယမၯလိန႔ဿ္ ခရံာ္အတဿ္ကတိၯ

(၁) ယသးစူၯဒီး ယသးဆီဢ္လီၯယသးလီၯ. ဒီးသုကထံဢ္န႔ဿ္ တဿ္အိဢ္ဘွံးလဿသုသး အဂီဿ္လီၯ. အခီပညီလဿ ယဂီဿ္ဒဢ္ယဲလီၯ.
တခ်ဳးလဿ သရဢ္သးပွဿ္၀ံသးစူၯယၯန႔ဢ္ ယအိဢ္ယခံတတုၯလီၯဘဢ္. သီတနၯက်ဿၯ ယမံတန႔ဿ္ဘဢ္. ဘဢ္ဆဢ္ ဖဲအ၀ဲ၀ံသးစူၯ ယၯတဘ်ီဃီန႔ဢ္ ယဒိးန႔ဿ္ ဘဢ္က့ၯသး အတဿ္အိဢ္ဘွံး တုၯဒဢ္လဲာ္ အီထံခ်ီ ဃုခြး လဿာ္မး တသ့ဢ္ညါလီၯယသးဘဢ္. ဟဿဖဿကးမး တသ့ဢ္ညါဘဢ္.
(၂) ယနီဿ္ယိးဘိမ့ဿ္အညီ‚ ယတဿ္၀ံတဿ္ယိး မ့ဿ္အဖွံ အခီပညီ လဿယဂီဿ္ဒဢ္ယဲ
စးထီဢ္လဿမုဿ္နံၯအ၀ဲန႔ဢ္‚ ယဒုးကဲထီဢ္ ယလုဿ္ယလဿ္လဿ ယမ့ဿ္မၯကမဢ္ဘဢ္မ့ဿ္ဂ့ၯ‚ ကတိၯ ကမဢ္ဘဢ္ ပွၯတဂၯဂ့ၯတဂၯဂ့ၯ‚ ဒိဢ္ဂ့ၯဆံးဂ့ၯ‚ သးပွဿ္ဂ့ၯ‚ သးစဿ္ဂ့ၯ‚ ယဂုာ္က်ဲးစဿး ဃ့ကညးက့ၯတဘ်ီဃီ‚ မ့တမ့ဿ္ကြဲးဃ့ကညးက့ၯ တဘ်ီဃီ အဃိ‚ ညီႏုဿ္န႔ဿ္ယၯဒီး တဿ္တကီ တခဲလဿယဂီဿ္ လဿယကဃ့ကညးက့ၯ ပွၯဂၯဘဢ္. အ၀ဲန႔ဢ္ မ့ဿ္ခရံာ္ အနီဿ္ယိးဘိလဿ အညီ အတဿ္၀ံတဿ္ယိးအဖွံ အခီပညီလဿယဂီဿ္ဒဢ္ယဲလီၯ.

စးထီဢ္လဿမုဿ္နံၯအ၀ဲန႔ဢ္‚ ယကီဿ္ခိဢ္သရဢ္သးပွဿ္ သရဢ္ဘ်ဿဢ္ မ့ဿ္ယတံၯသကိး လဿအအဲဢ္ယၯ‚ သ့ဢ္ညါယတဿ္ကီတဿ္ခဲ‚ ဆဿထဿဢ္ကတိၯတဿ္ လဿယဂီဿ္‚ ဟဲလီၯအိဢ္သကိး ယၯလဿ ၀့ဿ္ဖဢ္အဢ္‚ ဟ့ဢ္ကူဢ္ဟ့ဢ္ဖး‚ ဟ့ဢ္ဂံဿ္ဟ့ဢ္ဘါယၯ‚ ဒီးတခ်ဳးအသံ အနံဢ္န႔ဢ္ မၯလိာ္ယၯ လဿယကလဲၯဆူ အအိဢ္ဒီး ဟ့ဢ္ကူဢ္ ဟ့ဢ္ဖး မၯလိာ္တဿ္လဿယၯအါမံၯလီၯ.

လဿယပိာ္က်ဲအ၀ဲအံၯအဃိ‚ ပွၯအါဂၯ လဿတဘ်ီတနဿ္ပဿဿ္ယၯတဖဢ္ ကဲထီဢ္က့ၯ ပွၯမၯ စဿၯယၯ‚ ပွၯဟ့ဢ္ဂံဿ္ဟ့ဢ္ဘါယၯတဖဢ္လီၯ.

ယအုဢ္ယသးလဿ ပမ့ဿ္ဟံးဃာ္ တဿ္ဆီဢ္လီၯသးဒီး ဃ့၀ံသးစူၯ က့ၯပွၯန႔ဢ္ ပကထံဢ္န႔ဿ္ သးအတဿ္အိဢ္ဘွံး တကးဘဢ္‚ ပမၯအီၯတမ့ဿ္ တဿ္ကီတဿ္ခဲ လဿပဂီဿ္နီတမံၯ ဘဢ္ဒီး ပွၯဟ့ဢ္ဂံဿ္ဟ့ဢ္ဘါပွၯ ကအါထီဢ္လီၯ.

(ခိးကြဿ္လဿ္ အကူာ္ ၁၆)