ထိဢ္ကံဢ္ဘီဒီးနီဿ္သိမီ (အကူာ္ ၂)

ဘဢ္ဆဢ္ဒီး ထိဢ္ကံဢ္ဘီဆိကမိဢ္ထီဢ္၀ဲ အမါသးဘိ နီဿ္သိမီအတဿ္ကတိၯလဿ အလီၯအဲဢ္ဖိတဖဢ္ဒီး အတဿ္ နံၯကမွံလဿအ၀ဲသးပ့ၯနီဢ္တသ့ နီတစုဘဢ္တဖဢ္န႔ဢ္သတးဒီး ဂ့ၯမ့ဿ္ဂ့ၯအဿမ့ဿ္ဂ့ၯ တပာ္လဿၯတဿ္ကမဢ္ လဿ အမါသးဘိ တဂၯအဖီခိဢ္လဿၯဘဢ္. ထြါကြံာ္ အမဲာ္ထံမဲာ္နိသ့ဢ္တဖဢ္ ဒီး ပာ္လီၯအသးဂဿဿ္ဂဿဿ္ ဒ္အမ့ဿ္ ပိာ္ခြါတံဿ္နီဿ္တဂၯအသိး ဖီဢ္န႔ဿ္ညဢ္ပ်ၯ လဿဘဢ္တဿ္စဿဃာ္၀ဲ ဒီးထဲကူအက့ဖိန႔ဢ္၊ ဖဿႏုာ္၀ဲလဿ ကုပူၯဒီး က့ၯ စိာ္၀ဲဆူ အမံၯပွဿ္အအိဢ္ န႔ဢ္လီၯ.

အမံၯပွဿ္ထံဢ္၀ဲ ညဢ္ပ်ၯလဿတဿ္စဿဃာ္အီၯဒီးထဲကူ အက့ဖိန႔ဢ္ဒီး သံကြဿ္၀ဲ ထိဢ္ကံဢ္ဘီဒ္ ကနံၯကမွံဘဢ္အ၀ဲ အသးအသိး -

ႃႃမ့ဿ္နဟဲက့ၯစိာ္ညဢ္ပွဲၯဘ့ဢ္လဲဢ္… ညဢ္လဿနဟဲက့ၯစိာ္န႔ဢ္ မ့ဿ္ညဢ္မႏုၯလဲဢ္.႗႗
ႃႃတဂီၯညါအံၯ ညဢ္အဂၯတဘဢ္နီတဘ့ဢ္ဘဢ္… ဘဢ္ဒဢ္ထဲ ညဢ္ပ်ၯလဿအဘံဃာ္အသးဒီး ထဲကူက့တဘ့ဢ္ ဧိၯလီၯ…႗႗
တုၯဖဲထိဢ္ကံဢ္ဘီစံးဆဿအမံၯပွဿ္၀ံၯတဘ်ီဃီဒီး အမံၯပွဿ္သးထီဢ္တဿ္ဒိဢ္ဒိဢ္ကလဲာ္ ဒီးဆဲဢ္ဂီၯထီဢ္ အမဲာ္ဒီး စံး၀ဲ -
ႃႃနၯတဂၯအံၯ၊ လီၯရဿဿ္လီၯစဿဿ္နးမးလဲဢ္… နကဘဢ္ကိးမိဿ္ပဿ္အမံၯဒ္န႔ဢ္ဧါ… ယမံၯလဿညဢ္ပ်ၯန႔ဢ္ နတၾကဿး ကိးဘဢ္… ပမုဿ္ပဃဲၯအိဢ္၀ဲ လဿတဿ္ယူးယီဢ္ပာ္ကဲ မိဿ္ပဿ္န႔ဢ္၊ ခဲအံၯနတဿ္ပာ္လ့ဢ္ပာ္ကဲ တဿ္တအိဢ္ နီတစဲးဘဢ္… နတမ့ဿ္ပွၯကညီ ဘဢ္နမ့ဿ္ဒဢ္ထြံဢ္လီၯ…႗႗
ႃႃပါဧဿ… ယယူးယီဢ္ပာ္ကဲနၯကစီဒီလီၯ. မ့ဿ္လဿနသံကြဿ္ယၯ မ့ဿ္ညဢ္မႏုၯလဲဢ္န႔ဢ္ဒီး၊ ယစံးဆဿကမဢ္ဘဢ္ လဿညဢ္ပ်ၯန႔ဢ္လီၯ…႗႗
ႃႃနကြဿ္န႔ဢ္မီဢ္… ကိးကဒီးယမံၯကဒီးလံ၊ နၯအံၯ နအဿနးလဲဢ္ နတလီၯဆီမးဒီးထြံဢ္ဘဢ္… နၯအံၯ တမ့ဿ္ ပွၯကညီကစဿဿ္ခိဢ္ဖိဘဢ္… နီဿ္နီဿ္န႔ဢ္ နကဘဢ္တဲဆဿယၯ ညဢ္အံၯနတသ့ဢ္ညါအမံၯဘဢ္၊ မ့ဿ္ဒဢ္အံၯ လီၯန႔ဢ္ နစံးဆဿသ့ဒဢ္တဿ္လီၯတမ့ဿ္ဧဲဢ္… နၯအံၯမ့ဿ္ပွၯ ရဿဿ္ပွၯစဿဿ္တဂၯ လဿအမၯဟးဂီၯ ပပွၯကညီ ဖိအမုဿ္အဃဲၯတဂၯလီၯ…႗႗
ႃႃယတသ့ဢ္ညါ ပါအမံၯစ့ဿ္ကီးဘဢ္… မ့ဿ္လဿယပာ္ကဲ ပမုဿ္ပဃဲၯအဃိ၊ ပါအမံၯမး ယသံကြဿ္တထီဢ္ဘး ဘဢ္… ယတသ့ဢ္ညါပါအမံၯအဃိ၊ ယတဲကမဢ္ဘဢ္၀ဲန႔ဢ္လီၯ…႗႗

တဲတပူၯတဲ၊ ပွၯတဂၯလဿ အဃုပွၯတဂၯအတဿ္ကမဢ္န႔ဢ္ တအဲဢ္ဒိးကနဢ္၀ဲ ပွၯတဿ္တဲတဖဢ္ ဘဢ္န႔ဢ္ သတးဒီး -
ႃႃဟ့….နၯ၊ နဘဢ္ကိးယၯလဿပါတဂ့ၯ… နမၯဘူ နသးန႔ဢ္၊ ယတတူဿ္လိာ္ဘဢ္… နမ့ဿ္ပွၯမၯဟးဂီၯ ပပွၯကလုာ္ အလုဿ္အလဿ္အဃိ၊ ယတအဲဢ္ဒိးထံဢ္နမဲာ္ဘဢ္… ဟးထီဢ္ကြံာ္ဖဲယဟံဢ္အံၯ န႔ဢ္တက့ဿ္…႗႗

မံၯပွဿ္တဂၯနီထီဢ္ကြံာ္ ၀ဲထိဢ္ကံဢ္ဘီဒီး တခ်ဳးဟးဖးဒံး၀ဲဒီး အမါသးဘိနီဿ္သိမီန႔ဢ္ဒီး စံးဘဢ္၀ဲ တဿ္ကတိၯ လဿခံကတဿဿ္တဖဢ္ဒ္အံၯလီၯ.
ႃႃမ့ဿ္လဿနပဿ္တဂၯ တအဲဢ္ဆဿယၯဘဢ္ဒီး၊ ခဲမုဿ္ဆ့ဢ္ ယကဘဢ္ဟးဖးဒီးနၯလီၯ. ဒ္နမူနဒါအိဢ္၀ဲအသိး အိဢ္တ့ဿ္နဲဒီး အံးထြဲကြဿ္ထြဲက့ၯ နမိဿ္နပဿ္ဂ့ၯဂ့ၯတက့ဿ္.႗႗

တဲတဿ္ဒ္န႔ဢ္၀ံၯဒီး သုးဘူးအသးဆူ အမါသးဘိ နီဿ္သိမီ အကပၯ၊ ဒီးနဿမူ၀ဲအမဲာ္တူဿ္ခိဢ္ အဘ်ီဒီးအဘ်ီ န႔ဢ္လီၯ. နီဿ္သိမီတခီ မၯတသ့မၯတဘဢ္ လဿၯဘဢ္အဃိ၊ က၀ီၯထီဢ္အစု ခံခီဖဲ အ၀ၯသးဘိ အကိာ္ဘိဒီး က်းလီၯအမဲာ္ဆူ အ၀ၯသးဘိ အသးနါပွဿ္လိၯဒီး ဟီဢ္၀ဲယဿၯ၀ဲ ပွဲၯဒီး မဲာ္ထံမဲာ္နိတဖဢ္လီၯ.

ထိဢ္ကံဢ္ဘီတခီ ဖိးဟုဃာ္အမါသးဘိဒီး ဖူးလဲးဖူးသူ၀ဲ အခ်ဿဃံ ဘ့ဢ္ခိဢ္တကူဢ္သ့ဢ္၊ ဟီဢ္၀ဲယဿၯ၀ဲ တုၯဒဢ္လဲာ္ မဲာ္ထံမဲာ္နိတဖဢ္ လီၯဘဢ္ လဿနီဿ္သိမီ အခိဢ္သူတဖဢ္ ဘဢ္စီဢ္၀ဲလီၯ… နီဿ္သိမီ မီးထီဢ္ကြဿ္အ၀ၯသးဘိ အမဲာ္ဒီးစံး၀ဲ -
ႃႃ၀ဲဿ္ဖိဧဿ… မ့ဿ္နဟီဢ္နဲဧါ…႗႗
စံးတဿ္ဒ္န႔ဢ္၀ံၯတဘ်ီဃီ၊ နီဿ္သိမီဘံဢ္လီၯအမဲာ္ဒီး သးပ့ၯနီဢ္ကြံာ္အသးဖဲ အ၀ၯသးဘိ အသးနါပွဿ္အလိၯ န႔ဢ္လီၯ. ထိဢ္ကံဢ္ဘီပာ္မံနီၯအီၯ ဒီး၀ံဢ္ကသုဢ္၀ဲတစိဿ္ဖိ၀ံၯ သ့ဢ္နီဢ္ထီဢ္က့ၯ အသးလီၯ. တုၯႏုၯတစု ထိဢ္ကံဢ္ဘီ စံးဘဢ္နီဿ္သိမီ တဿ္ကတိၯ တဖဢ္ဒ္အံၯလီၯ.

ႃႃဒ့မုဢ္ဧဿ… တဿ္ဂ့ဿ္ဟဲကဲထီဢ္တဖဢ္အံၯ တမ့ဿ္ပ၀ဲခံဂၯ တဿ္ကမဢ္ဘဢ္… တဿ္ဟဲကဲထီဢ္အသးတဖဢ္အံၯ ဟဲအိဢ္ဖ်ါထီဢ္၀ဲလဿ ပတဿ္တဆိကမိဢ္၀ဲဘဢ္အပူၯ သတးဒီး၊ ပာ္တဿ္ကမဢ္လဿ ပွၯနီတဂၯ အလိၯတဂ့ၯ၊ ပမ့ဿ္တူဿ္လိာ္ မိဿ္ပဿ္တဖဢ္ အတဿ္ဘဢ္အသးန႔ဢ္ မ့ဿ္၀ဲဖိမုဢ္ ဖိခြါသ့ဢ္တဖဢ္ အသဲစး အိဢ္၀ဲလဿ မိဿ္ပဿ္ အဖီခိဢ္ န႔ဢ္လီၯ.႗႗
ႃႃ၀ဲဿ္ဖိဧဿ… ယကပာ္ဖ်ါထီဢ္စ့ဿ္ကီး… ပပွၯကညီဖိ တကလုာ္ လဿအမ့ဿ္၀ဲ ထိဢ္ကံဢ္ဘီဒီးနီဿ္သိမီ အံၯမ့ဿ္ပွၯ ကစဿဿ္ခိဢ္ကလိက်ါ ဒီး ယူးယီဢ္ပာ္ကဲ မိဿ္ပဿ္၊ ဒီးအိဢ္၀ဲဒီး သဲစး တဖဢ္န႔ဢ္လီၯ…႗႗
ႃႃဒ့မုဢ္ဧဿ… ပမ့ဿ္ပွၯကညီဖိတကလုာ္အံၯ ဒ္သိး ပပာ္ဖ်ါထီဢ္ ပပွၯကလုာ္ အတဿ္တီတဿ္လိၯ၊ အသူးအသ့ဢ္ ကသ့အဂီဿ္… မိဿ္ပဿ္အတဿ္စံဢ္ညီဢ္ ပာ္ဂဿဿ္ပာ္က်ဿၯ၀ဲတဖဢ္န႔ဢ္ ပကဘဢ္အဿဢ္လီၯမၯပိာ္ထြဲ အခံလီၯ… မ္ပကမၯလဿထီဢ္ပွဲၯထီဢ္ သကိးတက့ဿ္မီဢ္…႗႗

နီဿ္သိမီ ဂဲၯထဿဢ္၀ဲ တခ်ဳးမုဿ္ဆ့ဢ္ထီဢ္ဒီး ကတဲာ္ကတီၯပာ္၀ဲ မ့ၯဘိဢ္တဘိဢ္လဿ အ၀ၯသးဘိ ထိဢ္ကံဢ္ဘီ ကအီဢ္၀ဲလဿ က်ဲန႔ဢ္လီၯ. ဟံးန႔ဿ္၀ဲ အပဿ္ကြဲၯတဖ်ဿဢ္ ဒီးထဿႏုာ္၀ဲကြဲၯဒီး မ့ၯဘိဢ္၊ ဖဲထဿဢ္တဖ်ဿဢ္ အပူၯန႔ဢ္လီၯ.

ထိဢ္ကံဢ္ဘီ၀ံထီဢ္၀ဲထဿဢ္၀ံၯ၊ ဖီဢ္ထီဢ္၀ဲ အမါသးဘိနီဿ္သိမီအစု ဖိခံခီဒီး နဿမူ၀ဲ၀ံၯ၊ မၯလိာ္ထြဲအမါ -
ႃႃဒ့မုဢ္အပဿ္ အသးက့ဢ္၀ဲဒ္ ကြဲၯဒီး နီဟးကြံာ္ယၯလံ… ၀ဲဿ္ဖိစံဢ္လီၯဃီသြါသဿသြါ မ့ဿ္ပူၯကြံာ္၀ဲဒီး… နပဿ္ ကဃုန႔ဿ္န၀ၯလဿ ဖိဢ္ဃဲတဂၯလီၯ…႗႗
ဖဲထိဢ္ကံဢ္ဘီ စံဢ္လီၯတုၯလဿဟီဢ္ခိဢ္လိၯဒီး အမါသးဘိ နီဿ္သိမီ မၯလိာ္ကဒီးအီၯ -
ႃႃ၀ဲဿ္ဖိဧဿ… နမ့ဿ္တုၯလဿဿ္မ့ဿ္ဂ့ၯန႔ဢ္၊ ဃဲဢ္လီၯနမ့ၯဘိဢ္ဒီး အီဢ္ခ်႕ခ်႕တက့ဿ္… နမ့ဿ္တုၯကဒီး လဿဿ္ထိဢ္ လဲၯန႔ဢ္ အူထီဢ္ပါအကြဲၯန႔ဢ္တက့ဿ္… မ့ဿ္တုၯလဿဿ္ဖါခုဢ္ ကဒီးန႔ဢ္ လဲၯခ်႕ခ်႕တက့ဿ္. ဖဲအတုၯလဿဿ္ဒီဢ္ဖး န႔ဢ္ နကဘဢ္သဂဿဿ္ဒီး ဃဲာ္ဧိၯနးဧိၯလီၯ… ကြဿ္ဒီး လဲၯအီၯတက့ဿ္…႗႗

နီဿ္သိမီမၯလိာ္ အ၀ၯသးဘိ ထိဢ္ကံဢ္ဘီန႔ဢ္၀ံၯဒီး အုဢ္လီၯအသးလဿ သဲစးအဖီခိဢ္ဒ္အံၯလီၯ…
ႃႃယမ့ဿ္ပိာ္မုဢ္တဂၯလဿ အမၯပွဲၯ၀ၯတဂၯ ဒီးမိဿ္ဒီးပဿ္ တဖဢ္ အတဿ္ဘဢ္အသးန႔ဢ္လီၯ. ယတဿ္ကတိၯ အံၯ မ့မ့ဿ္ အမ့ဿ္အတီသဿပ်ဿၯဒီး ပွၯတဂၯလဿ္လဿ္မ့ဿ္မၯသံတ့ဿ္ယ၀ၯအံၯ န႔ဢ္… မ္ယကသ့ဢ္ညါဘဢ္တက့ဢ္…႗႗
စံးကတိၯ၀ဲ၀ံၯ ထိဢ္ကံဢ္ဘီ ထြဲထီဢ္အခီဢ္ဒီး ဟးဖး ကြံာ္၀ဲဒီး အမါသးဘိလဿ အအဲဢ္ဘဢ္၀ဲ ဒိဢ္ဒိဢ္ကလဲာ္ န႔ဢ္လီၯ.

စးထီဢ္အခါဖဲန႔ဢ္သတးဒီး နီဿ္သိမိအပဿ္စီၯညဢ္ပ်ၯ စံးဘဢ္သ၀ီဖိ သးစဿ္အခိဢ္အနဿ္လဿ အနဿ္တအိဢ္ဘဢ္ ဒီးဖိဢ္ဃဲလဿ အဘဢ္န႔ဿ္၀ဲအသးန႔ဢ္ဒ္အံၯလီၯ…
ႃႃထိဢ္ကံဢ္ဘီအံၯတယူးယီဢ္ ပာ္ကဲဒူဧိၯသ၀ီဧိၯဘဢ္… တကနဢ္စ့ဿ္ကီးမိဿ္ပဿ္ဘဢ္… ပာ္တ့ဿ္ကြံာ္နီဿ္သိမီ အဃိသတးဒီး လီၯမဲာ္ဆွးလဿ ပဂီဿ္ဒိဢ္မး… ပွၯတဂၯလဿ အလုဿ္သ့ဢ္ခါပတာ္ ပပွၯကညီဖိ အလုဿ္အလဿ္ ဒီး ပမုဿ္ပဃဲၯတဖဢ္အံၯ န႔ဢ္ ပၾကဿးမၯအီၯဒ္လဲဢ္… မၯဖဲသုၾကဿးမၯ၀ဲ န႔ဢ္တက့ဿ္..႗႗

တုၯဖဲဖိဢ္ဃဲ နဿ္ဟူ၀ဲစီၯညဢ္ပ်ၯ အကလုဿ္လီၯ၀ဲန႔ဢ္ဒီး ကိးထီဢ္၀ဲ သးစဿ္ခိဢ္နဿ္ဒီး သးစဿ္အဂၯသဿဆံဒ္သိး ကအိဢ္ ခိးဆဲးဖွိဢ္ထိဢ္ကံဢ္ဘီ ဖဲလဿဿ္ထိဢ္လဲၯ အိဢ္၀ဲအလီဿ္န႔ဢ္လီၯ. ဖိဢ္ဃဲစံးဘဢ္ သးစဿ္သ့ဢ္တဖဢ္ -
ႃႃထိဢ္ကံဢ္ဘီမ့ဿ္ ပိာ္ခြါလဿ အပ့ဿ္အခ်႕အဃိ၊ မ့ဿ္ထူဢ္ဖ်ဲးကြံာ္လဿ သုစုပူၯသတးဒီး ယကလဲၯအိဢ္ခိးလီၯ အခိဢ္ဖဲ လဿဿ္ဒီဢ္ဖးဒီး ယကမၯ၀ံၯ တ့ဿ္ကြံာ္အီၯလီၯ…႗႗

ထိဢ္ကံဢ္ဘီလဲၯတုၯဖဲ လဿဿ္မ့ဿ္ဂ့ၯ ဒီးဒ္သိးအမါသးဘိ နီဿ္သိမီမၯလိာ္အီၯအသိး၊ ဃဲဢ္လီၯအမ့ၯဘိဢ္ ဒီး အီဢ္၀ဲခ်႕ခ်႕၀ံၯ မ့ၯလဿအအိဢ္လီၯတဲာ္တဖဢ္န႔ဢ္ဒီး တဿၯဒုဢ္ထီဢ္၀ဲဒီး အုဢ္လီၯအသးလဿသဲစးအဖီခိဢ္ -
ႃႃယမ့မ့ဿ္ပွၯတဂၯလဿ အပာ္ဂဿဿ္ပာ္က်ဿၯဒီး မၯပိာ္ထြဲယပွၯကလုာ္ဒီး မိဿ္ပဿ္အမုဿ္အဃဲၯ၊ လုဿ္လဿ္တဖဢ္ သဿပ်ဿၯန႔ဢ္… မ့ၯတဿၯဒုဢ္တဖဢ္အံၯ၊ မ္အကဲထီဢ္လဿလဿဿ္ တက့ဿ္…႗႗

ထံဢ္ဘဢ္၀ဲလဿ မ့ၯတဿၯဒုဢ္ဖိတဖဢ္ ကဲထီဢ္လဿဿ္သတးဒီး သူဢ္ခုသးခု၀ဲဒိဢ္မး ဒီးလဲၯကဒီး၀ဲဆူညါလီၯ. တုၯကဒီး၀ဲဖဲ လဿဿ္ထိဢ္လဲၯတဿ္လီဿ္န႔ဢ္ဒီး သ့ဢ္နီဢ္ထီဢ္ နီဿ္သိမီ အတဿ္စံးတ့ဿ္အီၯလဿ ကဘဢ္အူထီဢ္ ကြဲၯအဃိ၊ အူထီဢ္၀ဲကြဲၯ၀ံၯ ထံဢ္ဘဢ္၀ဲ ပွၯပိာ္ခြါအဂၯသဿဆံ ခိးလီၯအခိဢ္ဒီး ဘီစုာ္စုာ္လီၯ. အခိဢ္ တဂၯစံးကတိၯထီဢ္၀ဲ -
ႃႃဟ့…. ထိဢ္ကံဢ္ဘီ နမၯဟးဂီၯပသ၀ီ သးပွဿ္အဖိမုဢ္၀ံၯ၊ နဟးသဒဢ္ကြံာ္အီၯ တမ့ဿ္ဧဲဢ္… နၯအံၯ သဲစး တအိဢ္ဘဢ္ဒီး အဿသီနးမးလဲဢ္… ပမ့ဿ္ပာ္မူနၯဒီး လဿနဃိ ပွၯကညီဖိတဖဢ္ အသူးအသ့ဢ္ အလီၯ၀ဲ သတးဒီး နကဘဢ္သံဒီး ဘီခိဢ္စူတဖဢ္အံၯလီၯ…႗႗

ပွၯအဂသဿဆံ သဖွိဃီၯ၀ဲဆူ ထိဢ္ကံဢ္ဘီအိဢ္ဒီး ဆဲးဖွိဢ္၀ဲဒီးဘီတဖဢ္ သနာ္က့ မ့ဿ္လဿထိဢ္ကံဢ္ဘီ ပ့ဿ္ခ်႕၀ဲ သတးဒီး ဘီတဘဢ္အီၯနီတဘီဘဢ္၊ ဆိကမိဢ္ထီဢ္၀ဲလဿအသးကံဿ္ပူၯ -
ႃႃနီဿ္သိမီ… နမ့ဿ္မါတဂၯလဿ ကဒုလီၯတံဿ္ဒီး သဲစးအိဢ္တဂၯလီၯ… အ၀ဲဖဿႏုာ္ပာ္ကြဲၯ လဿထဿဢ္ပူၯ န႔ဢ္၊ ဒ္သိး ကဟ့ဢ္တဿ္ပနီဢ္လဿ ဒုဢ္ဒါသ့ဢ္တဖဢ္ အအိဢ္န႔ဢ္ဧါမီဢ္…႗႗

သ့ဢ္နီဢ္ဘဢ္အမါလဿ အမၯလိာ္ထြဲအီၯတဿ္စံး တဿ္ကတိၯတဖဢ္လီၯ. လဲၯကဒီး၀ဲ ဆူညါတုၯကဒီး၀ဲဖဲ လဿဿ္ဒီဢ္ဖး တဿ္လီဿ္လဿ ဖိဢ္ဃဲခိးလီၯအခိဢ္ န႔ဢ္လီၯ. ၀ဢ္သံကစဲာ္တဘိ ဘဢ္တဿ္ႀတီဃာ္၀ဲဖဲ က်ဲတီၯလိၯ ဒီးထိဢ္ကံဢ္ဘီ ဆိကမိဢ္လဿကမ့ဿ္၀ဲ လဿဿ္ဖါခုဢ္တဿ္လီဿ္ သ့ဢ္သ့ဢ္ဧါန႔ဢ္ဒီး သ့ဢ္နီဢ္ထီဢ္နီဿ္သိမီ တဿ္စံးဘဢ္ အီၯလဿ ကဘဢ္လဲၯခ်႕သဒံးန႔ဢ္လီၯ.

မ့ဿ္လဿ အူကမဢ္တ့ဿ္ကြဲၯအဃိဒီး၊ တဿ္ဆဿကတီဿ္လဿာ္ကြံာ္၀ဲလဿ တဿ္လဲၯတဿ္က့ၯအံၯ ဒီးသ့ဢ္ညါ၀ဲလဿ ဒုဢ္ဒါကလဲၯတုၯဆိပာ္စဿၯ၀ဲ လီၯ. န႔ဢ္သတးဒီး ထိဢ္ကံဢ္ဘီဖီဢ္ထီဢ္ ၀ဢ္သံကစဲာ္ဒ္သိး ကလဲၯ၀ဲဆူညါခီ သနာ္က့ ဖဲအစိာ္ထီဢ္ဒီး ကပ်ဲကြံာ္အခါ မ့ဿ္လဿ ဖိဢ္ဃဲခိးပာ္စဿၯအီၯဒီး ဖိဢ္ဃဲဆဲးအီၯဒီးဘီဖဲ အစုကံဢ္လာ္ ဖီလာ္တီတီ၊ ႏုာ္လီၯ၀ဲဆူ အဂုာ္ဃံလာ္ပူၯ ယိာ္မးန႔ဢ္လီၯ. ဖိဢ္ဃဲဆဲး၀ဲ၀ံၯတဘ်ီဃီ၊ ဃဢ္ကဒါအသး တခ်ဳး ဃ့ဿ္၀ဲဒံးဘဢ္အဆဿကတီဿ္န႔ဢ္ ထိဢ္ကံဢ္ဘီ ကိးက့ၯအီၯ -
ႃႃဖိဢ္ဃဲဧဿ၊ ဟဲက့ၯထုးထီဢ္က့ၯနဘီအံၯမီဢ္… ယတမၯဆဿနၯနီတမံၯဘဢ္… ယတအဲဢ္ဒိးအိဢ္စ့ဿ္ကီး ဖဲ သ၀ီလဿ သ၀ီဖိတဖဢ္သးဟ့ယၯန႔ဢ္ စ့ဿ္ကီးဘဢ္… ဘဢ္ဆဢ္ဒီး မၯစဿၯယၯထဲတမံၯဧိၯလဿ ဟံးန႔ဿ္က့ၯ နီဿ္သိမီဒီး အံးက့ၯကြဿ္က့ၯ အီၯဂ့ၯဂ့ၯတက့ဿ္…႗႗

ဖိဢ္ဃဲထုးထီဢ္က့ၯအဘီဒီး စံးဆဿက့ၯ၀ဲ ထိဢ္ကံဢ္ဘီလဿ အကလုဿ္ကနိးကစုာ္အပူၯ -
ႃႃထိဢ္ကံဢ္ဘီဧဿ … ဒ္နစံးတ့ဿ္လံ၀ဲအသိး ယကဘဢ္တဲဘဢ္ နီဿ္သိမီ ဒဢ္ကယဿာ္… အ၀ဲမ့ဿ္အဿဢ္လီၯယၯ မး ဒီးယကအံးထြဲကြဿ္ထြဲ က့ၯအီၯ တစိၯဒဢ္ယသး န႔ဢ္လီၯ…႗႗
ႃႃအိ… နအဿဢ္လီၯယၯဒ္န႔ဢ္ သတးဒီး ယသးခုယဲဒဢ္ ဒိဢ္ဒိဢ္ကလဲာ္လီၯ… တဲဘဢ္စ့ဿ္ကီး နီဿ္သိမီလဿ ယကသံ ဒဢ္ယဲဖဲ တဿ္လီဿ္တတီၯတီၯ လဿနဘီအဃိ န႔ဢ္တက့ဿ္… က့ၯနဲမုာ္မုာ္ ဖိဢ္ဃဲဧဿ…႗႗

ဖိဢ္ဃဲဆိကမိဢ္ထီဢ္၀ဲ ထိဢ္ကံဢ္ဘီ မၯလိာ္ထြဲတဿ္တဖဢ္န႔ဢ္၀ံၯ၊ လဲၯလီၯသ့စီကြံာ္၀ဲ သြံဢ္လဿအစဲဘူးဒီး ဘီကနဢ္ တဖဢ္လဿ ထံက်ိပူၯ၊ ဘဢ္ဆဢ္ သ့စီ၀ဲ တန႔ဿ္ဘဢ္ဒီး ဟဲက့ၯစိာ္၀ဲဒ္န႔ဢ္ဒီး လဲၯပာ္က့ၯ၀ဲဖဲ စီၯညဢ္ပ်ၯ အဟံဢ္လဿ တဿ္ပာ္ဖွိဢ္က့ၯ ဘီတဖဢ္အက်ါန႔ဢ္လီၯ.

နီဿ္သိမီထံဢ္၀ဲ ဖိဢ္ဃဲအဘီကနဢ္ အိဢ္ဒီးတဿ္သြံဢ္အဃိ၊ သ့ဢ္ညါမး၀ဲလံလဿ အ၀ၯသးဘိ ထိဢ္ကံဢ္ဘီဘဢ္ တဿ္ဆဲးသံတ့ဿ္၀ဲဒီး ဘီလံန႔ဢ္လီၯ. ဘဢ္ဆဢ္ဒီး နီဿ္သိမီ တပာ္သ့ဢ္ညါအသး ဘဢ္၊ အ၀ဲပာ္ဖ်ါအသး ဒ္သိး အသူဢ္ဖွံသးညီ၀ဲဒီး ခြံထီဢ္အခိဢ္ဖူထီဢ္အမဲာ္၊ ဖ်ီဢ္ထီဢ္ထံဖွံဢ္ဒီး ဖ်ီဢ္ထီဢ္ဖဲ တဖဢ္ လဿအကိာ္ဘိလိၯ ဒီး စံးဘဢ္အပဿ္လဿ ကလဲၯဒဿဢ္ထံ လဿထံက်ိပူၯလဿ ကဖီဒုးအီဢ္ပွၯတမွံၯ တဖဢ္န႔ဢ္လီၯ. ၀ံထီဢ္၀ဲ ထံတဿဢ္၊ ထံပီၯတဖဢ္၀ံၯ လဲၯ၀ဲလီၯ.

ထိဢ္ကံဢ္ဘီ မၯလိာ္ဖိဢ္ဃဲ တဿ္ကတိၯတဖဢ္၀ံၯ၊ လဲၯ၀ဲဆူ ညါတယံၯဘဢ္၊ အဂံဿ္အဘါလဿာ္၀ဲဒီး ၀ံ၀ဲ အထဿဢ္ လဿကြဲၯအိဢ္လဿအပူၯန႔ဢ္မး တကဲလဿၯဘဢ္အဃိ၊ ပာ္လီၯကြံာ္၀ဲ အထဿဢ္ဒီး ကြဲၯ၀ံၯလဲၯ၀ဲ ဆူညါ ယံၯ၀ဲ ဆံဆဲဢ္ပ်ဿ္ဒီး လီၯဃံၯ၀ဲဒဢ္ တကူဢ္သ့ဢ္လီၯ.

နီဿ္သိမီတခီ လဲၯ၀ဲဆူထိဢ္ကံဢ္ဘီ လဲၯ၀ဲအက်ဲ ဒ္သိး ကခ်ဳးန႔ဿ္အ၀ၯသးဘိ အသးသမူဒံးန႔ဢ္လီၯ. နီဿ္သိမီ ထံဢ္ဘဢ္အ၀ၯသးဘိ လီၯဃံၯ၀ဲဖဲ တဿ္လီဿ္တတီၯဒီး အ၀ဲဘိးထီဢ္၀ဲအ၀ၯ အခိဢ္ ဖိးဟု၀ဲဒီး ပာ္၀ဲလဿ အစု ဒုဢ္လိၯန႔ဢ္လီၯ. ထိဢ္ကံဢ္ဘီ က်ဲးစဿးစီဢ္ထီဢ္အမဲာ္ ဒီးထံဢ္ဘဢ္အမါသးဘိ နီဿ္သိမီ သတးဒီး စံးကတိၯ ထီဢ္၀ဲ လဿအကလုဿ္ကသြံဒံ -
ႃႃဒ့မုဢ္ဧဿ… ဘဢ္မႏုၯနဟဲလူၯပိာ္ယၯလဲဢ္… ယမၯလိာ္နၯလဿ နကအိဢ္ဒ္နပဿ္ အတဿ္ဘဢ္သးအသိး တမ့ဿ္ဧဲဢ္…႗႗
ႃႃအိ…၀ဲဿ္ဖိဧဿ၊ ယမ့ဿ္မါလဿ အဂ့ၯအ၀ါတဂၯဒီး မူဒါအိဢ္လဿ ယကဘဢ္ဟဲဆူနအိဢ္လီၯ. တဿ္အဲဢ္တဿ္ကြံ လဿသူဢ္တဖ်ဿဢ္ဃီ၊ သးတဖ်ဿဢ္ဃီအပူၯန႔ဢ္ အိဢ္စဿဃာ္ အသးလံလဿ ၀ဲဿ္ဖိဒီး ဒ့မုဢ္အသြံဢ္အထံ အဖံး အညဢ္ခဲလဿာ္ခဲဆ့န႔ဢ္လံ… ဆူညါခီ တဿ္လီၯဖးတဘဢ္အိဢ္လဿၯ ၀ဲနီတစုလဿၯဘဢ္…႗႗

နီဿ္သိမီ စံးတဿ္အံၯဒီး ဟီဢ္ဒီးယဿၯ၊ မဲာ္ထံမဲာ္နိတဖဢ္ ယြၯလီၯ၀ဲတဘိဘဢ္တဘိန႔ဢ္လီၯ. ထိဢ္ကံဢ္ဘီ သ့ဢ္ညါ၀ဲ စ့ဿ္ကီးနီဿ္သိမီ အဲဢ္ဘဢ္အီၯ ဆံးဒိဢ္ဆံးအါ သနာ္က့ မ့ဿ္လဿ အဂံဿ္အဘါ တအိဢ္လဿၯဘဢ္ အဃိ စံးကတိၯ၀ဲတဿ္ကတိၯ လဿခံကတဿဿ္တဘီ လဿကအိထံတစဲးဖိန႔ဢ္လီၯ.

ႃႃအိ… ဒ့မုဢ္ဧဿ.. တဿ္သံသုးဘူးအသးလံ…. ယသးကိဿ္အူကိဿ္ဖးနးမးလီၯ… ဒုးအိယၯထံတစဲးမီဢ္…႗႗
တဿ္လီဿ္တဖဢ္န႔ဢ္ ထံတအိဢ္ဘဢ္ဒီး နီဿ္သိမီကူဢ္ထီဢ္ဖးလီၯ၀ဲ ဒ္သိး ကန႔ဿ္ဘဢ္ထံန႔ဢ္ဒီး ထုကဖဢ္သဢ္ကမဲၯ တဿ္လဿသဲစးအပူၯ -
ႃႃဒ္ယမ့ဿ္ပိာ္မုဢ္တဂၯလဿ အတလုဿ္သ့ဢ္ခါပတာ္ ပွၯကညီဖိတဖဢ္ အမုဿ္အဃဲၯဒီး အလုဿ္အလဿ္ဘဢ္…. ဒ္တဿ္အဿဢ္လီၯအီလီၯ အိဢ္ဒီး ၀ၯတဂၯအသိး … ယအိဢ္ဂဿဿ္ဆိးက်ဿၯ ၀ဲဂ့ၯဂ့ၯ ဘဢ္ဘဢ္ လဿလဿပွဲၯပွဲၯ န႔ဢ္လီၯ… ယစံးတဿ္တဖဢ္အံၯ မ့မ့ဿ္အမ့ဿ္အတီဒီး… မ္ယဒုးအိယ၀ၯလဿထံ ကသ့၀ဲ တက့ဿ္…႗႗
ထုကဖဢ္သဢ္ကမဲၯ၀ဲ၀ံၯ၊ နီဿ္သိမီထံဢ္ဘဢ္၀ဲ တဿ္လီဿ္ဖဲ ကြဲၯလီၯတဲာ္တ့ဿ္တဿ္လီဿ္န႔ဢ္ ဒီးထံဢ္ဘဢ္၀ဲ ထံထီဢ္ပဿဿ္ ဒီးကဲထီဢ္လဿကြံတကြံလီၯ. နီဿ္သိမီ သူဢ္ခုသးခု၀ဲဒီး လဲၯဒဿဢ္န႔ဿ္၀ဲ ထံန႔ဢ္ဒီး ဒုးအိ၀ဲ ထိဢ္ကံဢ္ဘီ န႔ဢ္လီၯ. မၯ၀ဲဒ္န႔ဢ္၀ံၯ ထံဖွံဢ္လဿအစုလိၯ ဒီး ဖဲဖ်ဿဢ္ဖိလဿ အလံာ္၀ဲလဿ အကိာ္ဘိလိၯတဖဢ္ ထုးတဲာ္ကြံာ္၀ဲ ဒီးစူးကြံာ္၀ဲန႔ဢ္လီၯ. ဖီဢ္ထီဢ္ကဒီး၀ဲထး ဆဲးခိဢ္သူ (ဆံထိုး) လဿအခိဢ္ဘိဢ္လိၯဒီး စံး၀ဲ -
ႃႃ၀ဲဿ္ဖိဧဿ… ကြဿ္ကြဿ္ဒ့မုဢ္တဘီ… ထးဆဲးခိဢ္သူအံၯ ဒ့မုဢ္ဟဲစိာ္ပာ္တဘ်ီဃီ ဒ္သိး ဒ့မုဢ္ကဟ့ဢ္ကဢ္က့ၯ ဒ့မုဢ္ အသြံဢ္လဿ ၀ဲဿ္ဖိအဂီဿ္လီၯ… စီဢ္ထီဢ္နမဲာ္ဒီး ကြဿ္ထီဢ္ဘဢ္တဘီ…႗႗

နီဿ္သိမီ ဆဲးလီၯအသးနါပွဿ္ဒီး ထးဆဲးခိဢ္သူတကူဢ္သ့ဢ္ဒီး ထုးထီဢ္ကြံာ္၀ဲတဘ်ီဃီ ဒီးသြံဢ္တဖဢ္ ယြၯလီၯ၀ဲ ဖဲ ထိဢ္ကံဢ္ဘီ အလိၯလီၯ. နီဿ္သိမီ ဆွိးလီၯအခိဢ္ဒ္သိး ကနဿမူလီၯ၀ဲ ထိဢ္ကံဢ္ဘီအမဲာ္တူဿ္ခိဢ္သတးဒီး ဘိးထီဢ္က့ၯအခိဢ္ တန႔ဿ္လဿၯဘဢ္အဃိ လီၯဃံၯ၀ဲဒဢ္ဖဲ ထိဢ္ကံဢ္ဘီ အသးနါပွဿ္အလိၯဒီး သံ၀ဲဒဢ္န႔ဢ္လီၯ.

နီဿ္သိမီအပဿ္ စီၯညဢ္ပ်ၯဒီး အပွၯသ၀ီဖိတဖဢ္ ထံဢ္၀ဲလဿ နီဿ္သိမီတဟဲက့ၯပဿဿ္ထီဢ္၀ဲဘဢ္ဒီး လဲၯဃု၀ဲလဿ ထံက်ိနံၯ၊ ဖဲပွၯဒဿဢ္ထံသန႔န႔ဢ္လီၯ. မ့ဿ္လဿ တထံဢ္၀ဲဘဢ္အဃိ၊ လဲၯလူၯပိာ္ထြဲလဿက်ဲ လဿထိဢ္ကံဢ္ဘီ လဲၯ၀ဲ န႔ဢ္လီၯ. တုၯ၀ဲလဿ လဿဿ္ဒီဢ္ဖးအမဲာ္ညါတစဲးဒီး ထံဢ္ဘဢ္၀ဲကြံတကြံ ဒီးကြဲၯတဖ်ဿဢ္ ဖဲကြံကပၯ န႔ဢ္လီၯ. တဿ္လီဿ္အံၯလဿညါခီ ကြံတအိဢ္နီတစု ဘဢ္လီၯ. စီၯစုၯ၀ဲဒီး ကြံန႔ဢ္ အပ်ဿ္ယဲဿ္ဆံဃဢ္ဃဢ္ န႔ဢ္ထံဢ္ဘဢ္၀ဲ ထိဢ္ကံဢ္ဘီဒီး နီဿ္သိမီခံဂၯ အိဢ္ဘူးဃာ္အသးန႔ဢ္လီၯ.

စီၯညဢ္ပ်ၯ မဿပွၯသ၀ီဖိ သးစဿ္တဖဢ္ဒ္သိး ကဟဲက့ၯစိာ္နီဿ္သိမီအစိဢ္ လဿကဟူစီမ့ဢ္ ကြံာ္၀ဲန႔ဢ္လီၯ. သ၀ီဖိ သးစဿ္တဖဢ္ စိာ္ထီဢ္နီဿ္သိမီ အစိဢ္သနာ္က့ စိာ္ထီဢ္၀ဲတန႔ဿ္ဘဢ္. တုၯအ၀ဲသ့ဢ္ စိာ္ထီဢ္အစိဢ္ ခံဂၯလဿာ္ တဘ်ီဃီမး ဒီး စိာ္ထီဢ္၀ဲန႔ဿ္ညီကဒဢ္န႔ဢ္လီၯ.

သ၀ီအဃဿၯဖဲ တဿ္ဟူစီမ့ဢ္၀ဲ ထိဢ္ကံဢ္ဘီဒီး နီဿ္သိမီအလီဿ္န႔ဢ္ ပွဲၯထီဢ္၀ဲ ခံနံဢ္န႔ဢ္ဒီး ၀ဢ္ခံဘိမဲထီဢ္ သႀတဲၯ၀ဲ ဘ်ဿဂ့ၯမးလီၯ. တုၯနီဿ္သိမီ အမိဿ္ထံဢ္ဘဢ္၀ဲ ၀ဢ္ခံဘိအံၯမဲထီဢ္ဒီး လဿတဿ္သ့ဢ္နီဢ္ဘဢ္အဖိမုဢ္ ဒီးအမာ္ အဃိ၊ လဲၯက်ီန႔ဿ္၀ဲ၀ံၯ၊ ဟဲက့ၯပာ္ထီဢ္၀ဲဖဲ အဟံဢ္က်ဴဖီခိဢ္ န႔ဢ္လီၯ.

စးထီဢ္၀ဲဖဲ ၀ဢ္ခံဘိဘဢ္ တဿ္ပာ္ထီဢ္၀ဲလဿ ဟံဢ္က်ဴဖီခိဢ္န႔ဢ္ဒီး စီၯညဢ္ပ်ၯဒီး အမါခံဂၯ ဖဲဟဲက့ၯ၀ဲလဿ ခုးပူၯဒီး ထံဢ္ဘဢ္၀ဲလဿ ထံဧိၯနိဧိၯ လဿဟံဢ္ပူၯအိဢ္ပွဲၯ၀ဲဒီး မ့ၯဧိၯထံဧိၯ ဖီပာ္အသး ၀ံၯ၀ဲ ခဲလဿာ္အဃိ၊ ကမဿကမဢ္၀ဲ ဒိဢ္ဒိဢ္ကလဲာ္လီၯ. သံကြဿ္၀ဲ ပွၯဟံဢ္ဘူးဃီၯအသးတဖဢ္ သနာ္က့ မတၯမး တထံဢ္ဒီး တသ့ဢ္ညါ၀ဲဘဢ္လီၯ.

ဘဢ္တနံၯ၊ စီၯညဢ္ပ်ၯ ပာ္လီၯအသးလဿ ကလဲၯဆူခုးပူၯသံဢ္ပူၯဘဢ္ဆဢ္ လဲၯ၀ဲ တတုၯဒီး ဟဲက့ၯကဒါ က့ၯဆူအဟံဢ္၊ ဒီးကြဿ္ခူသူဢ္၀ဲကစုဒု၊ ထံဢ္ဘဢ္၀ဲထိဢ္ကံဢ္ဘီဒီးနီဿ္သိမီ ခံဂၯ ဟဲထီဢ္၀ဲဖဲ ၀ဢ္ခံဘိအပူၯ န႔ဢ္လီၯ. အ၀ဲသ့ဢ္ခံဂၯ ဒဿဢ္ထံဒဿဢ္နိ ဒီးဖီအီဢ္ဖီအီ မ့ၯဒီးကသူတဖဢ္လီၯ.

စီၯညဢ္ပ်ၯ သူဢ္ဒိဢ္သးဖ်ိး၀ဲ ဒိဢ္ဒိဢ္ကလဲာ္ မ့ဿ္လဿ ထံဢ္ဘဢ္တဿ္မၯအသးအံၯ န႔ဢ္လီၯ. လဲၯက့ၯ၀ဲဆူ ခုးပူၯဒီး ဖဲမုဿ္ဟါလီၯအဆဿကတီဿ္ ဟဲက့ၯ၀ဲဆူ ဟံဢ္န႔ဢ္လီၯ. စီၯညဢ္ပ်ၯ ဟံးထီဢ္၀ဲ ၀ဢ္ခံဘိန႔ဢ္ ဒီဢ္တဲာ္ကြံာ္၀ဲ ဒီး ဃဲာ္ ခဲလဿာ္ခဲဆ့န႔ဢ္လီၯ.

စးထီဢ္ဖဲမုဿ္တနံၯန႔ဢ္ ထိဢ္ကံဢ္ဘီဒီးနီဿ္သိမီ အဂ့ဿ္န႔ဢ္ ဘဢ္တဿ္တဲထြဲက့ၯ၀ဲဒ္ ပူအသိး တုၯမုဿ္မဆါ တနံၯအံၯလီၯ.

(ဟံးန႔ဿ္အီၯလဿ ပွၯကညီအပူတဖဢ္ အဘ့ဢ္ တဿလဿ ပီဿ္ရီမါမဿလ့မႜးကႜီဢ္ ကြဲး၀ဲန႔ဢ္လီၯ.)

မ္ယြၯဆိဢ္ဂ့ၯပွၯဖးလံာ္ဖိကိးဂၯဒဲးတက့ဿ္...

Posted in: ပူသနဿဢ္